|
|
|
|||||||
|
|
أدوات الموضوع | البحث في الموضوع | تقييم الموضوع |
|
#1
27/08/2006, 09:11 PM
|
|||
|
|||
|
من زياد الرحباني الى حمامة السلام سعد الحريري : بس لنعرف قديش رح تضل واقف معنا
مش انو الناس بالناس ونحنا بسعد، بس يعني كيف بدنا نقنع الجرايد اللبنانية انو توقف تبخير لحمامة السلام سعد الحريري؟
يعني كيف بدنا نقنعو لسعد انو هوي كان في يرجع علبنان من زمان، وانو هوي شاب تمام بس مش زابطة معو بالسياسة لا بالطول ولا بالعرض، وخصوصي انو الانتصار يللي جرب يبعينا ياه مبارح، لما رجع بالهليكوبتر الفرنساوية طلع مش انتصار، وانو رجعتو بطيارة فرنساوية ما بتشتبه رجعة الخميني بشي؟ يعني مثلاً ليش ما رجع مع السنيورة من روما؟ لش ما رجع مع الامير تركي بن طلال، يللي هوي سعودي كمان واجا على بيروت 5 مرات مع مساعدات؟ ليش ما رجع مع الخطوط الجوية العربية على شي طيارة اماراتية او مصرية او أردنية؟ لش ما جاب معو شوية دوا أحمر لأهل صيدا؟ بسيطة منيح يللي رجعت حمامة السلام، بس كمان عنا سؤال: انو لش القذيفة الاسرائيلية على منارة بيروت القديمة رسالة لسعد الحريري ومش لفؤاد السنيورة؟ بيت السنيورة اقرب للمنارة مش هيك؟ قريطم وينك ووين، رغم انها مفتوحة للاخوة السعوديين متل ما قال الشيخ الحمامة بأول ايام العدوان ورجع تذكر بعدين انو كمان بلبنان في لبنانيي وقال كمان قريطم بخدمتهن ... بس يضلو بعيد! انو كيف طلع مع خمس جرايد لبنانيي انو القذيفة رسالة لقريطم ومع ثلاثة عنوان "قصف قريطم"؟؟؟ يا خيي وين قصفوا قريطم؟؟؟ يعني السنيورة بيطلعلو رسالة بكل هالعدوان، استكتر عليه سعد القذيفة وبدو ياخدها لالو. طيب معليش، قبلانين معك انك مقاومة من الاليزيه وانك عذبت حالك وجيت من الرياض عالاليزيه وقطعت المساج مرتين لتعمل اجتماعات، بس المصيبة يا شيخ مش اذا نحنا صدقنا لكن اذا الاسرائيلي صدق وقام بعتلك رسالة عنجد!! هونيك البلوي لكبيرة! بعدين، يا شيخ، سؤال: ليش النازحين المهجرين المخروبة بيوتهن نايمين بالطرقات والجنينات (صنايع وغيرو) وملاعب الفوتبول من بيروت لطرابلس، وفي بهالوقت اكثر من الف شقة فاضية بالسوليدير؟ انو فكرك مطولة القصة هيك؟ يعني اذا طلع انو معقولة تشتي الدنيي بآب أو اذا طلع أيلول أولو مبلول، فكرك سوليدير بتضل عاصمة موناكو، ولّا المهجرين بيعملو موناكو اختها؟ يا شيخ، يا حمامة السلام وسلام الحمامة، افتح قبلك وبيتك وروّقها شوي، بلا نفخ وبعدك ما وصلت عالبلد، وبلا هيدا اللف والدوران كلما سألوك عن المقاومة. عفكرة بدك تحاسبون مش هيك؟ بدك تحاسب المقاومة؟ مش هيك قلت ب"عكاظ" وعلى ال"سي ان ان"؟ شو بدك بهالقصة، بلاها أحسن لأنو ديوان المحاسبة مفتوح ببير العبد والمربع بالحارة وبكل ضيعة ... شو بدك بالمحاسبة لانو يا ما إلها ستي عند سيدي، وأحسن ما تبتطل الطيارة، الهليكوبتر يللي جابتك قادرة ترجع تنزل وتاخدك. الحمدلله عالسلامة يا شيخ، بدك تطول بالك على هلكم نازح ومهجر وتطول بالك اذا سمعت هيك يعني شوية حكي بغير لهجة بالحمرا وغيرها (هيدا جنوبي على بعلبكي على لهجة اهل برج البراجنة)، وحياتك ما بدهن يقعدوا ولا دقيقة بس صحابك قالوا انو خليهن يتحملوا مسؤولية مغامرتهن.. رح ناخد بنصيحتك وبدعوتك ونتضامن كلنا سوا، مع انو في ناس قادرة تتحمم وفي ناس انجأ قادرة تتيمم، معليش كلنا سوا وكتر خيرك على كل شي، بس عنا سؤال زغير بالنسبة للتضامن والوقفة كلنا سوا، انو يعني بس لنعرف قديش رح تضل واقف معنا: قديش فيك تقعد بلا مساج؟ منقول www.watan.com |
|
مادة إعلانية
|
|
#4
27/08/2006, 10:29 PM
|
||||
|
||||
|
اقتباس:
حلوه منه زياد الرحباني ياشيخ حمامة السلام وسلام الحمامه 0  |
|
#6
30/08/2006, 08:35 AM
|
|||
|
|||
|
مقتطفمن المقالة : طيب معليش، قبلانين معك انك مقاومة من الاليزيه وانك عذبت حالك وجيت من الرياض عالاليزيه وقطعت المساج مرتين لتعمل اجتماعات، بس المصيبة يا شيخ مش اذا نحنا صدقنا لكن اذا الاسرائيلي صدق وقام بعتلك رسالة عنجد!! هونيك البلوي لكبيرة!
يعني كيف طول الوقت يعمل مساج هو واضح على شكله .... انه من المدمنين على المساج من الايدي الصلبة |
|
#7
30/08/2006, 09:05 AM
|
|||
|
|||
|
اقتباس:
اعذروه فهو لا زال يتتلمذ ومع الوقت بيضبط حاله وبيمشي  إلى ان ينتهي كرته والله يعينه من النهاية 
|
|
#8
30/08/2006, 09:28 AM
|
|||
|
|||
|
اقتباس:
|
|
|
السلام عليكم
سلام 
