|
|
|
#1
13/01/2006, 04:57 PM
|
|||
|
|||
|
يوم في حياة سائق تاكسي
السلام عليكم كيفكم واخباركم
 هذه قصة صغيرة تحكي عن ما يعانيه بعض سائقي التكاسي (قلت البعض) حمدان رجل كبير في السن متقاعد وعنده تاكسي تعبان يجيب منه رزقه ورزق أولاده قام من الغبشة وسار يترزق كعادته.. جاء يركب السيارة ما طاعة تشتغل ((أوين باغية تكمل دراستها)) يجلس الشيبة يخاسي ويخاسي في السيارة وبعدين ينهم على أولاده.. - يو سلوم يو سياف يو يوسوف تعالوا أولادي دفوا السيارة ويطلعوا الصغيرين من كبيرهم لصغيرهم ما عدا واحد فارط ما طايع يقوم من رقاده المهم يطلعوا الصغيرين يدفو سيارة أبوهم الكحيانه وتشتغل ويخطف عمنا الشيبة بسيارته يتكس.. أول ما طلع من الحلة في الشارع العام لقى بنية غاوية توقفه ووقف عدالها.. - على هين رايحة بنتي.. - ما بعيد الوالد هناهو جريب بس .. - انزين ركبي بنتي.. ركبت البنية مع عمنا حمدان وسار وسار ووصلها المنطقة بو تبغاها قالته: - لا الوالد الشيمة ممكن توصلني اشوية داخل... بيتنا بعيد والشمس عليات الراس .. - ان شاء الله بنتي رد عليها عمنا الشايب.. وقامت تدخله في السكيك يمين يسار يسار يمين فوق تحت تحت فوق لا غلطت رد مرة يمين يسار يمين يمين يسار خلاص وصلنا طلعت ساكنة البلاد اللي تموت فيها ******.. أخر الدنيا... - إنزين الوالد كم تبغى .. - رد عمي حمدان 500 بيسة بنتي.. - أسفة عمي ما عندي غير 20 ريال قرطاسة وحدة عندك خردة.. (يا المكارة يوم باغية تسيري قريب حالمو ما شاله خردة) هذا ردي أنا عليها ... - أما رد شيبتنا فقالها برايه بنتي ما عندي خردة توكلي على الله.. - شكرا عمي عاد أنا أسفة سامحني.. - مسموحة بنتي.. كمل عمنا الشيبة دربه وهو خاطف لقى هنود اثنينا.. - أه على هين سايرين .. - بابا نحنا في ريد روه شوية سوج السيب.. - انزين ركبوا.. وسار عمي الشيبة وقبل ما يدخل السوق طش واحد منهم: - بابا وجف هنا أنا أنزل.. - انزين جيب 200 بيسة.. - ما مشكلة بابا صديج مال أنا يدفع.. شاف عمنا حمدان على الصديج بو متربع وراء قام ذاك يحرك رأسه حركة الهنود المعروفة اتكل عمي حمدان وكمل دربه ويوم وصل السوق نزل الثاني ودفع 200 بيسة حال عمنا قال عمنا: - وربيعك مالك ما تدفع عنه.. - قال الهندي أنا ما في هذاك نفر صديج... أنا مالي خص .. مسكين عمنا الشيبة سامحه وكمل دربه ما متفيق يضارب عشان 200 بيسة.. كمل عمنا الشيبة دربه ولقى حرمة.. - أه الأخت على هين... - باغية أسير صوب الإسكان.. - ان شاء الله ركبي.. وهو ماشي لقى شباب اربعه صغار ... يوقفوه ما وقف حالهم.. شال حرمة بيوله هين يركبهم طشت الحرمة... - مالك باه ما وقفتلهم... - هين أشلهم وهم أربعة.. - لالا ما تقول كذاك هذيلا كما أولادي أكيد أنت باغي تطير بي.. وطاحت فيه سب وشتم وطريت كل حيانه حتى بو في القبر طلعتهم من القبر وسبتهم ورجعتهم... ماله ما شاط عمنا حمدان ويوقف ذيك الحينة وينزلها.. وتنزل الحرمة وهي تكمل سب الباقي... ما خليت شيء عنه.. - لا حول ولا قوة إلا بالله مو ذي النحس ما حصلنا إلا 200 بيسة ونحنا نهيس من الصبح أصب حال السيارة بترول أكثر من اللي اترزقه.. وبعد ما كذاك أحصل كلام ... الله يعين لكن كله يهون عشان لقمة العيش... كان هذا الكلام اللي يدور في رأس عمنا الشيبة ... المهم حصل واحد رجال يوقفه وقف عمنا.. - على هين الأخو... - ماشي بس روي.. - ان شاء الله تفضل.. - السلام عليكم كيف حالك كيف حال الصغيرين ماشي علوم ماشي اخبار من هين أنت ومو من القبايل ووووووو الخ ومن يوم ركب هذا الرجال وما سكت كنه بالع راديو في بطنه... ومن كثر الأسئلة أخر شيء يطلع هذا الرجال يخص عمنا من بعيد .. ويوم وصلوا روي ... نزل الرجال وخطف من دون ما يدفع ناده عمنا.. - الأخو تراك ما دفعت.. - يا عيب الشوم كيه نحنا حيان ونتخاص وتبغى عليه فلوس.. استحى عمنا الشيبة ورجع تاكسيه الكحيان وكمل دربه هين يسير تو عاد ظهر ومصارين بطنه يعورنه رد البيت يتغدى ... أول ما وصل البيت يلقى حرمته مطلعة لسانها.. - أه كم نولت اليوم.. - ماشي إلا 200 بيسة.. - مو.. 200 بيسة من الصبح إلين تو.. صدق إنك ما عندك شغل.. تقص على من أنت لا عيوني طلع الفلوس تو... وا باغي تضمهن عشان تتزوج عليه وووووو الخ.. من يسكتها عاد لبقت... ماله ما طلع مسكين عمنا من البيت زعلان لا تغدا ولا يعلمون سار وركب سيارته وكمل مشواره... وهو ماشي لقى خمسة شباب متكشخين ولابسين ذيك البواطلين بو حازة على جسمهم والكشه ما اعرف مو مساويبها واقفه مصتلبه ما تتحرك... وقفلهم عمنا الشيبة.. - أه أولادي على هين سايرين.. - ماشي الوالد أشوي الحديقة نرقم... - ان شاء الله ركبوا... أول ما ركبوا جلسوا يسولفوا عن السيارات والتخميس وموستانج وفيراري وكورفيت وما اعرف مو هناك من السيارات... وهما جالسين يسولفوا يمر عمنا على مجموعة بنيات مالهم ما طشوا... - رجع الوالد رجع... - هين أرجع اولادي بعدنا ما وصلنا.. - قلنالك رجع.. مسكين رجع الشيبة... ويوم وصل عند البنيات مالهم الشباب ما يفتحوا الدرايش ويجلسوا يغازلوا البنيات.. والبنيات ما سكتن طاحن في الشباب سب وقاموا الشباب يردوا عليهن وتشل وحده منهن حصاة كبيرة باغية تكسر السيارة وزين إنها ما لحقتها لأنه عمنا يوم شاف كذاك السالفة زاد السرعة.. وبعد مسافة وقف عمنا في الشارع.. - يالله نزلوا هني - بس الوالد نحنا ما وصلنا الحديقة - قلتلكم تنزلوا وا تو بذي الخيزران في ظهوركم.. ونزلوا الشباب من السيارة معصبين وما حصل بيسة منهم... كمل عمنا الشايب دربه وحصل في الطريق واحد من الرغود وشله وياه... وجالس هذا الرغدي يغازل وحده في التلفون وما منتبه ومسكين عمنا ما يحيد الدرب وهذا الرغدي ما تكلم قبل عن يوصل عمي التقاطع لا تكلم وعمي في التقاطع.... - لف يمين وهو يصرخ وينتزق عمنا ويضرب بريك بسرعة وفي واحد جاي مفتر من وراءه ويدعم سيارة عمنا الشيبة... وتستوي الربشة والسيارات يتوقفن يشوفوا العجب كأنه ما شافوا حادث من قبل وجلس راعي السيارة الثانية يتنازع وهذاك الرغدي طار وما دفع شيء وماحد يعرفه هين راح من الزحمة... وانتهى يوم من أيام سائق تاكسي.. أريد أعرف الحين رأيكم في سائقي التكاسي  تصدقون أنا عن نفسي لما أسوق سيارتي أحاول أكون بعيدة عن سيارات الأجرة لأنها تتوقف فجأة وتدخل فجأة وتعرفوا أنا وبيكابي الأصفر يبغالي إلين أنتبه على الشارع ولا أصلح برقعي ولا أدور نعالي  تحياتي لكم
|
|
مادة إعلانية
|
|
#2
13/01/2006, 04:58 PM
|
||||
|
||||
|
طويه شويه
|
|
#5
13/01/2006, 05:11 PM
|
|||
|
|||
|
اقتباس:
شو يعني طوية بعد
|
|
#6
13/01/2006, 05:12 PM
|
|||
|
|||
|
اقتباس:
ما فاضية
|
|
#7
13/01/2006, 05:13 PM
|
||||
|
||||
|
اقتباس:
الطول عكس العرض |
|
#8
13/01/2006, 05:13 PM
|
||||
|
||||
|
تعرفه شخصيا هذا السايق
 ولا من بنات عم افكارك 
|
|
#9
13/01/2006, 05:15 PM
|
|||
|
|||
|
اقتباس:
بسيطة سجلوا في احدى مسابقات الأغاني بو طالعة تو في القنوات وإن شاء الله أنا بأصوتلكم
|
|
#10
13/01/2006, 05:16 PM
|
|||
|
|||
|
اقتباس:
من متى ؟
|
|
#11
13/01/2006, 05:17 PM
|
|||
|
|||
|
اقتباس:
لا من بنات خال أفكاري
|
|
#13
13/01/2006, 05:20 PM
|
|||
|
|||
|
اقتباس:
على راحتكم بس إذا غيرتوا رأيكم فأنا جاهزة لتصويت
|
|
#14
13/01/2006, 05:21 PM
|
||||
|
||||
|
اقتباس:
مو مسويين اليوم حال العشا وا بعدكم ما قررتو
|
|
#15
13/01/2006, 05:27 PM
|
|||
|
|||
|
بالفعل هذا القصه لها نسخ في الحياه الواقعيه واسئلي مجرب
|
|
#16
13/01/2006, 05:29 PM
|
|||
|
|||
|
اقتباس:
مسوين مرقة دجاج حي وخبز يابس إذا تبي تتعشى معنا
|
|
#17
13/01/2006, 05:30 PM
|
|||
|
|||
|
اقتباس:
يعني طلعت أنت سائق تاكسي عيل خبرنا عن المواقف اللي صارت لك
|
|
#18
13/01/2006, 05:32 PM
|
||||
|
||||
|
اقتباس:
بصراحه عشاكم يستاهل التعنايه لكن عن اجي من نزوى لين .... صح وين بيتكم
|
|
#19
13/01/2006, 05:34 PM
|
|||
|
|||
|
اقتباس:
بس مدمن تكاسي 
|
|
#20
13/01/2006, 05:36 PM
|
|||
|
|||
|
اقتباس:
معقولة ما تعرفوا البدوية وين ساكنة شوفوا فوق مكان إقامتي تحت تاريخ التسجيل بتاعي يالله نترجاكم لا تتأخروا
|
|
#21
13/01/2006, 05:38 PM
|
|||
|
|||
|
اقتباس:
من كذاك انت تدور سيارة باغي تشتري يحليلك الله يعينك
|
|
#22
13/01/2006, 05:41 PM
|
||||
|
||||
|
اطرف موقف صارلي مع سايق تاكسي: كنا ماشين انا و صاحبي من ميناء الفحل قاصدين الوطيه . و كان صاحب تاكسي رايح جاي علينا مره يبتسم و مره يسلم و مره يسرع و مره يبطي و مره يأشر...قلنا تو هذا الشخص ماله كذاك
 المهم اخيرا وقف وقال بمياعه: هلا و سهلا بالطيبين تفضلو حبايبي على وين...قلنا احنا ما نريد نركب متعمدين نمشي رد علينا بتكسر: و الله اشلكم فري ما اريد عليكم بيسه نتوه ركبو و ما بتندمو...عصبنا و قلنا: كلمه زياده و بنسيك السواقه  قال: من بونكم شباب تو ما وش نعمه و عصب و راح 
|
|
#23
13/01/2006, 05:42 PM
|
|||
|
|||
|
اقتباس:
اتذكر مره كنت راجع من القرم و بالتحديد من الفحص يوم مطلع الليسن وهست هياسه لين حصلت تكسي لانه الوقت ظهر واخر شي ركبت وركب وراي واحد والا اشوف نفسي بين مصري وسوداني
|
|
#24
13/01/2006, 05:43 PM
|
||||
|
||||
|
اقتباس:
كان ساكنه هناك اتوقع انك اتعشيني سحالي
|
|
#25
13/01/2006, 05:45 PM
|
||||
|
||||
|
مساء الخير والخيرات والنور والانوار والسعادة والسرور والحب والمحبه
نوبه انا اسميني ابتعد عنهم قدر الامكان التكاسي والتناكر والباصات بو الاجره الواحد يحسب الشارع بوحاله مسكين عمينا حمدان بالفعل سيرو بس عند برج الصحوه مساكين تلقيهم في عز ذيك الشمس كل واحد متوسد بنعاله يرتحمو والله الله يرزقهم ان شاء الله |
|
#26
13/01/2006, 05:54 PM
|
|||
|
|||
|
اقتباس:
يعني حرقتوا صورته المسكين
|
|
#27
13/01/2006, 05:56 PM
|
|||
|
|||
|
اقتباس:
مسكين احس بمعاناتك في تلك الساعة  بس اشكر ربك ما جيت بين هندي وبنجالي
|
|
#28
13/01/2006, 05:58 PM
|
|||
|
|||
|
اقتباس:
سحالي لا بس أنا متغدية ضب مشوي كيف أنت ذقت لحم الضب من قبل وايد يهبل
|
|
#29
13/01/2006, 06:00 PM
|
|||
|
|||
|
اقتباس:
ليش موه فيهم؟
|
|
#30
13/01/2006, 06:13 PM
|
||||
|
||||
|
اقتباس:
ما مسكين ولا شي لكن راح زمن الخيازرين 
|
|
#31
13/01/2006, 06:14 PM
|
||||
|
||||
|
اقتباس:
لا اقول انه حرام و لكن نفسي تعافه 
|
|
#32
13/01/2006, 06:27 PM
|
||||
|
||||
|
حلو لي قلتيه ولاحلى الحبكه
وعاد ما نحس راقعنه شايبنا هذا حشا انا من مواقفي ع التكاسي كنت من مده حوالي اكثر من 7 سنوات راكب تكسي من روي للمطار وصاحب تكسي شايب كبير بالسن واحنا مجموعه كبيره بالباص وعند جسر الخوير كان سايق التكسي ماسك خط الدوار يعني يبي يروح الدوار ما يبي يطلع فوق الجسر الا ويجي واحد من الاخوان ويقول لراعي التكسي الوالد لو رحت فوق التكسي تارس وما حد يبي الدوار الا شايب ما صدق خبر ويفر الستيرين بقوله وما ندرا الا بالتكسي بالخط الوسطي بعد ما مر على الخطوط البيضاء اللي تفصل خط الدوار عن الجسر وهنا يصيحن البريكات والهرنات عليه وربك ستر ما حد شلنا حنا وتكسينا ولا وشايب كأنه ما مسوي شي وشعب يوم داروا يتجاوزوه يضربوله هرنات وياشروا وهم معصبين وهوه يقولهم وعليكم السلام كيف حالكم على باله انهم يسلموا عليه ما عارف شو مسوي المهم كنا كلنا رايحين صوب المطار ولاكن كل اللي بالتكسي نزلوا عن دوار الغبره من الخوف وقالوا سامحيين توكل |
|
#33
14/01/2006, 09:13 AM
|
|||
|
|||
|
اقتباس:
هلا بالمحبة كيفك والله صدقك بس معذورين بعد الله يعينهم بس سالفة متوسد بنعاله هذه أشوي غريبة
|
|
#34
14/01/2006, 09:15 AM
|
|||
|
|||
|
اقتباس:
انا ما قلت شيء سير وحدك شوفوهم
|
|
#35
14/01/2006, 09:19 AM
|
||||
|
||||
|
اقتباس:
رزقهم يعتمد على اشخاص مثل فلوس بو ما عندهم سيايير سيري انتيه عند برج الصحوه على الفجر او في اخر الليل اتشوفي الحاله |
|
#36
14/01/2006, 09:32 AM
|
|||
|
|||
|
اقتباس:
وحدك ماحد قالك تمشي في الشوارع وما في يدينك خيزرانة
|
|
#37
14/01/2006, 09:33 AM
|
|||
|
|||
|
اقتباس:
أنت بس ما ذقته وبو ذاق ما لاق
|
|
#38
14/01/2006, 09:37 AM
|
|||
|
|||
|
اقتباس:
لايكون هذا الشيبة هو نفسه عمي حمدان اشترى حاله باص
|
|
#39
14/01/2006, 09:40 AM
|
|||
|
|||
|
اقتباس:
وحدي أخاف أسير بروحي هناك هيش رأيك أخطف عليكِ وأشلك معاي ترابعيني
|
|
#41
14/01/2006, 09:57 AM
|
|||
|
|||
|
اقتباس:
هلا بود العم كيف زيلة السح وصلت
|
|
#42
14/01/2006, 01:46 PM
|
|||
|
|||
|
اقتباس:
|
|
#43
14/01/2006, 01:48 PM
|
||||
|
||||
|
البدوية عليش سوالف
|
|
#44
14/01/2006, 01:53 PM
|
||||
|
||||
|
:البدوية]وحدك ماحد قالك تمشي في الشوارع وما في يدينك خيزرانة
[/QUOTE]اخاف عن يقال عني ارهابي....و لو اني ما مربي لحيه
|
|
#45
14/01/2006, 01:54 PM
|
|||
|
|||
|
حلوه القصة ... والاحلى طلة البدوية
|
|
#46
14/01/2006, 01:55 PM
|
||||
|
||||
|
اقتباس:
نزين ما مشكله انا مستعد اجي عندكم و آكل الضب و امري على الله بشرط...تقلعيله اصابعه لانه شكلهن يخوف
|
|
#49
14/01/2006, 03:01 PM
|
||||
|
||||
|
مسـاكيـن - مـا ينـلامـون !
البحـث عن الـرزق ليـس سهـلاً ! - عن نفسـي أيضـاً أتحـاشى أصحـاب التكـاسي لما أسـوق -بسـبب وقفتهـم المفـاجـئة على جانب الشـارع .. وخـاصة لمـا يحصلـون " العبـريـة "!
|
|
|
