|
|
|
#1
23/12/2005, 12:53 AM
|
||||
|
||||
|
الانس والجان في حوار ( حاورته بصعوبه )
بسم الله الرحمن الرحيم
السلام عليكم ورحمة الله وبركاته دور مدااار  كيف حالكم اعزائي ، طيبين ان شاء الله ؟  الله يعافيكم ، يا مرحبا .. أمس بعد صلاة العشاء ، وتحديدا بعد ما خرجت من المسجد جاني اتصال من رقم مجهول .. رفعت الخط : خميس : آلوو ، سلام عليكم ؟ المجهول : وعليكم السلام ورحمة الله ، اهلا خميس بن لندن ! خميس : اهلا وسهلا يا مرحبا الساع فيك ، من معي ؟ المجهول : معك محمد ... خميس : اهلاااآآن محمد ، كيف حالك حبيبي طيب ان شاء الله ( طلع واحد من السبله ، عضو مشهور جدا ، بس ما بتعرفوه ) محمد : الحمد لله خميس الله يسلمك ، كيف حالك شيخنا ؟ خميس : الحمد لله ، الله يعزك بخير طال عمرك ويش اخبارك كيف الأهل طيبين ، كيف الوالد أحسن ان شاء الله وينكم ما تتصلوا ولا تعبروا لا سلام لا كلام ؟؟!! محمد : والله الحمد لله بخيرين الله يسلمك الاهل بخيرين يسلموا عليك ، والوالد الحمد لله اتحسن .. خميس : الحمد لله ، وينك تو ؟ محمد : خميس انت فاضي تو ؟ خميس : خير ان شاء الله مو هناك ؟ محمد : انت فاضي ولا لا ؟  خميس : تراني الحينه بسير المخبز اجيب خبز حال البيت ، تفضل مو عندك ؟ محمد : والله يا خميس وش اقول لك ،  خميس : اووو ، خير ، علامه صوتك تغير ؟ محمد : يا خي صارت سالفه حال واحد ربيعي خميس : خير ان شاء الله .. محمد : والله كانت في مشكله بينه وبين واحد من بهلا ، وانتهت بان الرجال بتاع بهلا ما اعرف مو مسوي به ، ساحرنه ولا مجننه الله اعلم ؟؟! يحس باشياء غريبه ، اهله شافوا عدة مرات اثناء النوم في الليل يتكلم واحد على لسانه بصوت رقيق جدا ، علما بان صوته غليظ ، ويتكلم بكلام غير مفهوم؟؟ خميس : انزين يمكن يحلم ، تراه يستوي كذاك احيانا ! محمد : والله ماني اعرف وش اقول لك بالأمس مثلا ، كنا جالسين مع الشعب في مقهى ، وفجأة نعش نعشه وغمر وطاح على الطاوله وقام فورا وعينه حمرا وملامحه عصبيه وجلس يهايش بلغة ما مفهومة ، وصته رقيق جدا ،،،،، خميس : بل بل بل اوووووف ، كيف كذا وما تخبرني ؟؟؟  محمد : عموما ماعندي وقت واجد وما باغي اخسر نفسي على الطلفون ( التلفون) ما قاصر الفاتورة تنقع هذا الشهر وحدني ما مكفني المعاش .. أجيبه عنك الليله ؟؟ خميس : وينكم انا جايلكم تو ؟ محمد : انا في السيب ، جالس اتكلم مع اخوه خميس : وين بالضبط ؟ محمد : حلة اليوسفي صوب الدكان ، كان تعرفه ؟ خميس : هي هي احيده ، انزين سمع انا تو جاي ان شاء الله ، خليك هناك .. وصكرط ( سكرت ) الطلفون ( التلفون) وشليت الخبز وخليته في السيت ( الكرسي) الامام جنبي يعني .. وشغل السيارة وادووس دواسه ما مال خير .. وعقه الجير من 2 الى خمسه ( دايركت ) طبعا صادني الرادار ( بس قلت خليه يغيب ) ها ها ها علين ما وصلت .. نزلت من السيارة .. فتحت الباب : تشك تشك يوم نزلت دقيت راصي ( راسي) بالباب بالغلط آخخخخ تعورت الله يلعن الشيطان العجله مب زينه A = t/s تربيع قانون العجله علما اظن ، الله اعلم ناسي المهم .. خميس ها محمد وينهم ؟ محمد : تعال تعال ادخل تراه الحبيب طايح غمرااان !! خميس : وابوووش خلا باه نلحقه قبل لا يغيَّب عموما دخلنا غرفته ( المصروع) !! وصكرنا الباب وقفلناه .. انا ومحمد وسعيد وعبد الله كنا في الغرفه اضافة الى المصروع الي اسمه محمد .. طبعا بلا شك الغرفة كان بها لبان ( بخووور) .. قلت لهم مسكووه وعطوني المجمر عموما عطوني المجمر وانا رحت بعيد وجلست انادي الشيخ مالي واقرب المجمر من راسي اشم اللبان ( طبعا الكل يعرف هالامور ، يعني ما رح تستغربوا ) جلست اقرا واقرا علين ما حسيت بغلاظه في راسي ها ها دخل فيني الهبوب وتركب في جسمي ( طبعا الي رح يصير كله الجماعه الحاضرين خبروني ، لأني كنت فاقد الوعي ، وكان شخص آخر يتكلم على لساني ) ( سيد أحمد ) الي يتكلم على لساني انا ( خميس) : طبعا عيني نقعت برا وحمرَّت ووجهي انتفخ .. : السلام عليكم الجماعه : وعليكم السلام سيدي احمد تعال شوفه بسرعه .. ( سيد احمد ) : راح وجلس جنب المصروع ، ومسكاه من عنقه ودق راصه في الارض بقوة وجلس يتكلم معاه .. بداية ما صار شي ، ونحن نشوف ( طبعا هذا كلام الجماعه) خميس كان جالس امام المصروع محمد يتكلم معاه ويقراه بعض الايات .. الى أن اهتز جسم محمد هزة قوية وقحم من الارض بقوة وجلس كما يجلس المصلي من بعد السجود .. وتغير صوته وانتفخت خدوده وتشندت عروق الرقبه وتكلم على لسان محمد صوت رقيق ،، الجان على لسان المصروع : isit allah derdimi ‘ bu ahlarimi rahmeyle ‘ baisla gunahlarimi ( سيد أحمد ) وهو يخاطب الجماعه : هذا يتكلم تركي !! تو انا مو فهمني تركي ؟ الجماعه : كيف عرفت انه يتكلم تركي وانت تقول انك ما تفهم ؟ ( سيد أحمد ) صراحة فهمت شويه بس ما اعرف مو يبغى ؟ عموما سيد احمد قاله تكلم عربي .. بعد شوي نطق : انا ما رح اطلع ما اقدر ( سيد احمد ) : اطلع بكل يسر ولين ولا تراني بستخدم معك اسلوب غليظ الجان : تعصب وضرب سيد احمد كف على وجهه الى درجه اتحمر خد ( خميس) سيد احمد هجم على المصروع وقبضه من عنقه وشرخاه كفين ورقداه في الأرض .. ( لو انتوا كنتوا موجودين ، كنتوا بتخافوا من الي صار ) عموما .. بدأ سيد احمد يخاطبه بالقرآن ( سورة الصافات) اهتز المصروع وصرخ قال انا ما بطلع ما بطلع لو يصير الي يصير وبدا يهدد ويسب ويلعن ( سيد احمد ) : بدا يقرا بعض الايات الخاصه بهالأمور عموما بعد كلام شديد وخطاب عريض من هنا وهناك ... ( سيد احمد ) : من اسمك؟ ( الجان ) : آلياس ( سيد احمد ) : من راسلنك ؟ بتقطع الحروف قال : ( الجان) : خـ .. ليف .ه يعني خليفه ( سيد احمد ) : مال وين هذا ؟ ( الجان ) : ما اقدر اطلع مجبور ومربوط ( سيد احمد) : مال وين ذا ؟ ( الجان) : بهلا احمد : ليش رسلك اليه؟ الجان : بسبب مشكله صارت بينه وبين خليفه ( مشكله ماليه) احمد : طيب اطلع بالهداوة والا سأظطر آسفا الى اشباعك بالضرب المبرح الجان : ما رح تقدر ! احمد : بدا يقرا ويقرا ويقرا ( والجماعه ماسكين جثة المصروع ، لأنه الجان كان يقاوم بشده ) عموما اهتز ورعش جسد المصروع بطريقه صعبه جدا ومخيفه عموما بعد حوار شديد دام مدة 75 دقيقه وطبعا اخواننا الاعزاء كانوا مذهولين من الموقف !! استطاع خميس اخراج الجان من المصروع وبعد عدة لحظات .. ( سيد أحمد ) : الحمد لله راح وانا شفته طلع ، والحين اساذن سمحولي .. الجماعه : أحسنت سيِدي ما قصرت بارك الله بك ( سيد أحمد ) : سلام عليكم ،، وراااح اهتز خميس هزة مرعبه وغمر 3 ثواني وقاام ( الحين انا بتكلم ..) خميس : ها مو صار ؟ الجماعه : ماشي طلعوا الجان وقسم انه ما يرجع خميس : الحمد لله ، تصدقوا والله تعبت حسيت كأنه روحي طلعت عموما انتهى المجلس وعدت على خير ولله الحمد .. اقول : هل تؤمن بمثل هذه المواقف ؟ هل تصدقني ؟ هل يمكن لخميس بن لندن ان يفعل مثل هذا العمل ؟ اعطوني رايكم عن السالفه ( مع انها سالفه عاديه جدا ) - انتهى بحمد الله - |
|
مادة إعلانية
|
|
#4
23/12/2005, 12:59 AM
|
||||
|
||||
من من الحاضرين كان موجود بعد هناك
|
|
#5
23/12/2005, 01:02 AM
|
|||
|
|||
|
ماشاء اللـه عليك خميس
صراحـة سالفـة تخوف |
|
#7
23/12/2005, 01:08 AM
|
||||
|
||||
ووووووووووه خميس
خميس اقول شيه خميس خميس باه تسمعنييه.. خميس تو انته تسمعني شكل السالفه صدق ما يتكلم 
|
|
#8
27/12/2005, 02:36 AM
|
||||
|
||||
|
اقتباس:
لا تخاف ولد العم
|
|
#9
27/12/2005, 02:37 AM
|
||||
|
||||
|
اقتباس:
ليش مو مصدقه لا وبعد تتطنز 
|
|
#10
27/12/2005, 02:39 AM
|
||||
|
||||
|
اقتباس:
لا تتطنز تراني ما يالس العب ويياك
|
|
#12
27/12/2005, 02:44 AM
|
||||
|
||||
|
اقتباس:
سلامتك بابا ما تشوف شر 
|
|
#13
27/12/2005, 02:46 AM
|
||||
|
||||
|
ما شاء الله عليك خميس.. مستوي حكواتي..
|
|
|
