مطلق مستور خلف صياف

[هواجيس]

محاوره رباعيه لمطلق الثبيتي ومستور وخلف مع صياف


هؤلاء يعدون من نجوم العصر الذهبي للمحاورة في فترة السبعينات.


مـــطـــلـق الــثــبــيــتـي
صياف ويـا خلـف هـذال نبغاهـم جمـال جميـع""حتـى نحمـل عليهـا الصبـح حملتهـا وتشتالهـا


مـــسـتـور الــعــصـيــمي
اللي يضيع خويـه مـا نقـول انـه بـدرب سنيـع""واللي لقالـه طماعـه فالضحـى مـا قـال هيالهـا


خــلـف بـــــن هــــذال
الله يسلمك يا رجـال حـرك سـوق تشـري تبيـع""بعـض البضايـع خسـاره عاطلـه بيديـن دلالهـا


صـــيـــاف الـحـــربـــي
اللي تخلف عن الغـزوات ماهـو فالمكـان الرفيـع""وان شاف له نار في شط البحر مـر وتعـدى iiلهـا


مـــطــلــق الــثــبـيــتـي
يا شين خوتك يا رجال في وقـت الشتـاء والربيـع""عقلتهـا يـا خلـف لكـن وليـا تطـلـق عقالـهـا


مـــسـتـور العــصــيــمــي
ما ني بخابرك يا صياف راعي طيـب والا صنيـع""لكن خـل القضيـه يالحريبـي ليـن نفضـى لهـا


خـــلـــف بـــن هـــــــذال
لو انك اليوم زبـده يـا ثبيتـي فالقـدح مـا تميـع""ليل الشتاء يحفض الزبـده ويتركهـا علـى حالهـا


صــيـــــاف الـــحـــربــــي
مستـور مثـل الاذاعـه والثبيتـي فالاذعـه يذيـع""يا لين قالـت لـه العمـه تصلـي لـي وصلالهـا


مـــطـــلــــق الــثــبــيــتـــي
اثرك تمشنه اللي فوق جنـب شعيـل تقـرع قريـع""وان مروا الزير والا البيـر حطوهـا علـى جالهـا


مـــســـتــور الــعــصــيــمــي
لو ما ركبها الفحل يا صاحبي ما بـان فيهـا ظريـع""صياف تومـي لام الغيـث بالمنديـل واومـى لهـا


خـــلـــف بـــــــن هـــــــذال
مطلق تراها الوداعه والوداعه صرت انا الها وديـع""ادرا عليهـا واعلقهـا علـى المـعـلاق بلحالـهـا


صـــــيـــــاف الـــحـــربــــي
من يوم نمتوا على ديس اللبن مثل الوليـد الرضيـع""يحـرم عليكـم قـدوع التمـر والدلـه وفنجالـهـا


مـــطـــلــــق الــثــبــيــتـــي
الناقصه خلهـا فالخـرج لا تبـدي بهـا كـل ريـع""والشوكه اللي تحت رجلك تبا تدخل وتصحـى لهـا


مـســـتـــور الــعــصــيــمــي
يا طول خطوتك يا صياف وان شفت الغني ما السريع""واليـا عقدنـا العقـد يـا صاحبـي منتـه بحلالهـا


خـــلـــف بــــن هـــــــذال
الناقصه ناقصه والوارده لـو ضيعـت مـا تضيـع""ارقـد عليهـا قبـل تقعـدك بنـت ابليـس لعيالهـا


صـــــيـــــاف الـــحـــربــــي
الذيب يسرح وجحر النوم ترقد بـه كبـار الضبيـع""والناس لا شافت وجيـه الذيابـه ترخـص اموالهـا