|
|
|
#1
17/10/2006, 10:35 AM
|
|||
|
|||
حركات الشرطة ، ماعادت تطاق
بسم الله الرحمن الرحيم
سأحكي لكم عدد من القصص حصلت لي .. لكني سأحكي بأسلوب القصاصين الكبار الذين يستخدمون البدائل مكان الأسماء الحقيقة .. وحاول ان تفهم  في يوم من الأيام كان قد اصاب ابنتي الصغيرة حمى شديدة فاضطررت الى الخروج ظهراً للصيدلية .. وما كدت أخرج من المنزل وانا في عجلة من امري مفكراً بابنتي التي يغلي رأسها من شدت الحمى باحثاً عن عيادة في منتصف النهار ، وماهي الا دقيقتين أو ثلاث منذ ان خرجت من المزل فإذا بصاحب الدراجة يوقفني ، فيدور الحوار التالي : صاحب الدراجة : ليسن وملكية المبدع الكبير : تفضل ، بس ليش ؟؟ صاحب الدراجة : انت مو رابط حزام ، عليك مخالفه  المبدع الكبير : انزين يالطيب .. بس انا مانتبهت وبنتي وايد مريضه يعني عندي حالة مستعجلة اريد اروح الدختر ، واذا مو مصدق تعال شوفها بالسيارة . صاحب الدراجة : لا تحاول .. مخالفة يعني مخالفة . كتبت المخالفة ( أمراً كان مقضيا ) القصة الثانية : دخلت لموقع الشرطة على الانترنت لأرى مخالفاتي . فأنا على وشك الذهاب للإدارة العامة للمرور لتجديد السيارة ، ذهلت مما رأيت ، مخالفات الرادار السرعه ( 230 ) ريال واغلبها في خط الباطنة اول ماركبو الرادارات وضبطوها على سرعة 130 .. وأنا اسبوعيا@ أروح مرتين او ثلاث بحكم العلاقات الاجتماعية .. وفي الليلة التالية كنت راجعاً من دبي وعندما وصلت لصحار وكانت الساعه 3 فجراً تقريباً وأنا ميت من التعب ، إذا بدورية تستوقفني ، ودار الحوار التالي : صاحب الدورية : ليسن وملكية المبدع الكبير : تفضل صاحب الدورية : المركبة منتهية المبدع الكبير : ايي من كم يوم بس بعده فترة السماح مانتهت وانا بعد باكر انشالله ناوي اجددا ، بس التأمين خلاص جددته وهذه الأوراق . صاحب الدورية ( بنفس .. شوي وبيدوسني ) ممم ليش كنت مسرع ؟؟ المبدع الكبير : ولد الحلال وين مسرع ؟؟!! كنت امشي 130 بس صاحب الدورية : مم .. ليش مو رابط حزام ؟؟ المبدع الكبير : لا حول ولا قوة الا بالله .. ابوي انا مو رابط حزام لاني ماخذيت بالي صاحب الدورية : أها .. يعني صحيح مارابط ، أوكي بسويلك مخالفة - الأخ فاضي ماعنده شغل وجاي على باله يعطيني مخالفة - لحظات شوي المبدع الكبير : أبوي ولد الحلال علي 230 ريال مخالفات يسدني صاحب الدورية : 230 ! يعني أنا لازم احجز السيارة المبدع الكبير : ولد الحلال لا تحجز السيارة ولا شيء ورايا درب صاحب الدورية : اوكي .. ممم .. برحمك وبسويلك مخالفة على الليسن علشان ماتدفع 240 لما تجدد السيارة - كأني مابدفعها يعني في يوم من الأيام . القصة الثالثة : كنت مع اخواني مودين اهلنا عرس في ولاية صحم ، نزلناهم وقلنا نروح صحار نجلس في مقهى ، لما وصلنا بوابة صحار حصلنا زحمة سيارات مسوين 3 مسارات - مع ان الشارع مسارين فقط - ويمشون بسرعة 40 تقريباً لأن الاخوان عندهم زفة ومصكرين الشارع بالكامل ، طبعاً ورطة للي رايح خط ، المهم جا واحد مسكين عنده افالون حاول يتجاوزهم لان شكله رايح الامارات او مكان بعيد ، المهم ماخلوه ، ولمات حاول يتجاوزهم مرة ثانية لحقه وانيت وصكر عليه الشارع ونزلو شباب وايدين وقامو يضربونه ضرب ( أحد بكس وحد يصفعه وحد يشوته ) وهو مسكين مو قادر يدافع عن نفسه واحنا لو حاولنا نساعده بنغيب معاه ، اتصلت بشرطة صحار وخبرتهم بالسالفة واننا بحاجة لدورية بسرعه ولا الرجال بيموت ، قالو احنا مرسلين دورية من وقت والحين بتوصل ( طبعاً لأننا كنا متصلين قبل علشان نخبرهم يجو ينظمو الزحمة ويخلو الزفة تمشي في مسار واحد ) عموماً في هالوقت الرجال كان يضرب وبعدين راحو على سيارته وكسروله اياها ( افالون جديدة ) ، ماصدق مسكين يشرد من بين يديهم الا ركب سيارته وشرد بروحه ، عموماً نحن مشينا وراهم يمكن نسف ساعه لحد مالفت الزفة ، ومباشرة رحنا مركز شرطة صحار وكان عندي رقم البيك اب اللي نزل منه الشباب اللي ضربو الرجال ، ودخلت عند الضابط المناوب ، عرفته بنفسي ، وجلس ياخذ البلاغ ، ولما سألته عن الدورية واننا ماشفنا ولا دورية في الشارع تهرب من الرد ، المهم ان الضابط نادى واحد من الشرطة وعطاه رقم السيارة ونوعها ، تفاجأت بأن الشرطة رجع وقال ان ( الرقم غير مسجل ) !!!! معقوله ؟؟ وانا واخاوني كلنا حفظناه وشفناه بأم عيننا ، قالي ضابط الشرطة رقم تلفونك عندي واتصل فيك في الايام القليلة القادمة ، هالايام القليلة بعدها ماخلصت لان السالفة من سنه ونص تقريباً  القصة الرابعة : أتفاجأ عندما اكون متجهاً لشمال الباطنة بأنه وعلى الرغم من كثرة الرادارات الثابته ، الاخوان ماسادنهم يزرعولك الغام راداراتية متنقلة ، ولما ناقشت احد الشباب بالشرطة قال : مستحيل ، الحين احنا مانسوي رادارات متحركة ، وقبل يومين من كتابة هذا الموضوع شفت رادارين ، هذيلا اللي شفته الله يعين بالباقي . القصة الخامسة : اشتريت مركبة من الامارات ( توريد ) وطبعاً ( التوريد ) معناه ان الجمرك اندفع في ميناء دبي ، مما يعني ان الشرطة مالهم حق ياخذو عني جمرك مرة ثانية بعمان ، عموماً لما جيت ادخل عمان ، جاني الشرطي طلب أوراق السيارة ، شافها ، الشرطي : بكم اشتريت السيارة ؟ المبدع الكبير : بالمبلغ المكتوب عندك بالأوراق الشارطي : مستحيل هذه قيمة السيارة ، قيمة السيارة أكثر بكثير من كذا المبدع الكبير : يعني ؟؟!!! الشرطي : يعني انا اقيم السيارة بـ ( ابو الشباب يقول ان قيمة السيارة ضعف القيمة المكتوبه بالأوراق ) المبدع الكبير : إنت تمزح ؟؟ الشرطي : يعني لازم تدفع فرق الجمرك المبدع الكبير : ايش!!! الشرطي يعني لازم تدفع ( وطلع حسابته وجلس يضرباخماس في اسداس وقالي المبلغ ) المبدع الكبير : اكيد انت تمزح ، أنا ماعندي هالمبلغ ، ولو عندي مابدفع لان الجمرك اندفع لميناء دبي وتبغاني ادفع مرة ثانية !! طبعاً ماكانت الامور بتمشي لو مادخلت فلان من الناس  هذه بعض القصص الحقيقية التي حصلت لي ، وتساؤلي هاهنا .. لماذا يعامل رجال الشرطة الناس هكذا ؟؟ وكأن الناس خدم لهم ؟؟ أين قاعدة الشرطة التي تقول ( إكسب صديقاً ) ، وهل الرادارات قللت من الحوادث ؟؟ بل انها قللت من المستوى المعيشي للناس وقللت مافي جيوبهم ، ولماذا يتعمد الكثير من رجال الشرطة سوء معاملة الناس وإذلالهم ؟؟ اسئلة كثيرة ابحث لها عن اجابة تحياتي لكم المبدع الكبير 
آخر تحرير بواسطة المبدع الكبير : 17/10/2006 الساعة 10:39 AM |
|
مادة إعلانية
|
|
#2
17/10/2006, 10:40 AM
|
|||
|
|||
|
نسيت أقول بأن القانون مرن ، ولكن بعض رجال الشرطة يفسرونه تفسيراً حرفياً ، وهذا خطأ فادح
|
|
#5
17/10/2006, 12:29 PM
|
|||
|
|||
اقتباس:
|
|
#8
17/10/2006, 01:11 PM
|
||||
|
||||
|
يا جماعة بعدكم ما فهمتوا !!!
الشــرطة همها الأول و الأخير تحرير و تحصيل المخالفات (لا أكثر و لا أقل) !!!!! حســـبنا الله و نعم الوكيل .... الســرقات في كل مكان و الشرطة مهتمة فقط بتحرير المخالفات و جباية الخراج من جيوب المواطن المســكين. |
|
#9
17/10/2006, 01:15 PM
|
|||
|
|||
|
شرطة المرور في جهاز الشرطة عندنا تحتاج لغربلة وهندرة من جديد.
اذا كان التقدم في الأجهزة والمعدات على حساب الفكر وطريقة التعامل مع الآخرين أقول لا نحتاج لهذا التقدم .. بصراحة أغلب من يعمل في جهاز الشرطة يحتاج إلى تأهيل في التعامل مع الجمهور ملاحظة : حالات كثيرة اشوف فيها شرطي المرور موقف سيارة صالون على جانب الطريق أجد السائق في الغالب تكون إمرأة
|
|
#10
17/10/2006, 01:51 PM
|
||||
|
||||
|
من خلال مشاكلك ومخالفاتك يتضح انك مستهتر وتستاهل
|
|
#11
17/10/2006, 02:03 PM
|
|||
|
|||
|
انا سمعت ناس كثيييره تدعو الله دعوات غريبه عجيبه و تخوف بصراحه من قهرهم من مخالفات الرادار
اللهم اكفنا شر هذه الدعوات |
|
#12
17/10/2006, 02:06 PM
|
|||
|
|||
|
اقتباس:
الي نريد ياما يطبق القانون على الجميع او لا يطبق آخر تحرير بواسطة زعيم المنبر : 18/10/2006 الساعة 01:04 AM |
|
#13
17/10/2006, 02:09 PM
|
|||
|
|||
|
سالفة الجمارك !!
فعلاً هذه نقطة هامة لابد من التوقف عندها !!
لماذا ببعض الأحيان تتم جمركة السلعة القادمة من الإمارات مرةً أخرى لدينا بأي منفذ حدودي لدينا ! ألا يعتد بالبيان الجمركي الخليجي الصادر من الدولة المستوردة له !!! أنا شخصياً والله شاهد على ما أقولــــــــــه ،، بأنه كذا أكثر من مرة تم إحتساب عليّ جمرك مرة أخرى رغم البيان الجمركي الذي لدي بأن السلعة أعلاها قد تم إستيفاء جمركها بالميناء الفلاني ! وذلك بحجة أن القيمة المثمنة للسلعة هي قليلة وغير مقاربة للسعر الحقيقي !! السؤال الذي يفرض نفسه هنا ؟ لماذا إذاً تم توحيد الجمارك خليجياً ولايعترف بمصداقية البيان الجمركي من أي دولة خليجية !! أنـــــــــا هنا لا أعمم على الكل ،، على العكس تماماً يوجد هناك شرطة بالجمارك على دراية وإلمام تام بالقوانين الجمركية ولكن ببعض الأحيان عندما تجد عقلاً يفرض عليك قانوناً من عقله وأنت بعجلة من أمرك نظراً وأنت قادم من الإمارات فإنك ترضخ للأمر الواقع وتضطر بأن تدفع مرة أخرى الجمارك وكل ذلك لسبيل وصولك لبيتك سريعاً بدل أن تتعطل لساعات من النقاش الغير مجدي بأغلب الأوقات !! أتمنـــــى فعلاً أن يتم النظر لهذا الأمر بجدية ،، وتوجد لدي بعض الإقتراحات هذا إن تم الأخذ بها لأنها تخدم المنفعة العـــــــامـــــــــــــ ــــــة !! 1 - قبول أي بيان جمركي خليجي ولايقبل النقاش به حتى لثانيـــــــــــــة ! 2 - أن يكون هناك دوام متواصل بالجمارك ولايتخلله أي تأخير أثناء تغيير الدوام والمدة التي يجب أن يكون فيها البديل متواجد فيه هي بأقل من خمســة عشــر دقيقــة فقط ! 3 - أن يكون هناك ضابط متواجد خلف كاونتر تخليص معاملات الجمارك بالمركز الجديد لا أن يطلب منك الرجوع للمركز القديم بالوجاجة لمناقشة أمر ما عند الضابط !! 4 - يستحسن تقييم السلعة بالمركز الجديد وليس عند الوقوف لأول مرة بالمركز القديم بالوجاجة ! 5 - يخصص المركز القديم بالوجاجة فقط لتخليص بضائع الشاحنات من الألف حتى الياء وبالمركز الجديد يخصص لما دون الشاحنات ! 6 - أن يطور نظام الجمارك بمركز خطمة الملاحة لأنه يفتقر لكثير من الأمور التي تم توفيرها للمراكز الحدودية الأخرى ! 7 - القانون الذي وضع قبل فترة بشأن تعتيم زجاج المركبات بأنه يمنع دخول أية مركبة مستوردة بها تعتيم بالزجاج ، حيث إنه ببعض المركبات يوجد بها تعتيم من مصنع المركبة بالزجاج نفسه وليس تعتيم لاصق ونسبة التعتيم قانونية بأغلب المركبات ولكن الذي يقوله القانون سواء كان نسبة قانونية أو غير ذلك فإنه لابد من إزالة التعتيم إن كان لاصق أو { إزالة زجاج المركبة بتغييره إن كان به تعتيم } !!! ألا يوجد لدينا هنا لدى الوكالات بعض المركبات الجديدة بها تعتيم من مصنعها بالزجاج غيرلاصق ورغم ذلك تمر على الإداراة العامة للمرور بالقرم وتفحص المركبة ويصرح لها ذلك التعتيم !! كمركبات (الطوارق) و(الجيب جراندشيروكي) وووو فإذاً لماذا الأمر مختلف هنا وهناك !! |
|
#15
17/10/2006, 02:16 PM
|
|||
|
|||
|
معك حق في كل الامور التي طرحتها ربما هي مشاكل مشتركه بشكل كبير بين المواطن وهذ الذي يدعي شرطة عمان السلطانيه فمعظم المنتسبون لهذا الجهاز يتنافسون علي جائزة احقر مخلوق علي وجه الارض
|
|
#17
17/10/2006, 02:33 PM
|
|||
|
|||
|
سا أخي موضوع الرادارات امر ما فيه جدال لأنها بصراحة قللت من الحوادث اللي كانت تقتل الناس كل يوم. وبعدين يا أخي ليش السرعة الزايده 120 سرعة مناسبه انا ارجع من مسقط إلى السويق بسرعة 120 في غضون ساعة أو 50 دقيقه ويش وراي يعني عشان اطير
خذ الأمور بليونه take it easy ولا تعقد حياتك يعني بكلمه أخرى (عيش حياتك)* |
|
#18
17/10/2006, 03:11 PM
|
|||
|
|||
|
يا شباب رواتب الشرطة من المخالفات
عاد فهموها على كيفكم |
|
#19
17/10/2006, 03:14 PM
|
||||
|
||||
|
لا حيـــــــــــــــــــــــ ـــــــــــــاة لمـــــــن تنــــــــــــــــــادي
|
|
#21
17/10/2006, 09:12 PM
|
|||
|
|||
|
احترم القانون وما رايح تدفع اي بيسه
|
|
#22
17/10/2006, 10:40 PM
|
|||
|
|||
|
الله يكون في عونك تراك ما احسن مني كل يوم مخالفين الي ثلاث اطلع من بيت وعند رجوعي يكون في جيبي 2 الي 3 مخالفات وكل يوم علي هذه الحالة والله يستر بس مخالفات الردارات من نزوى الي مسقط وعكي كل اسبوع اروح مسقط والله يكون في عون مستخدمي الطريقوحتي الان ما سويت جرد وتنتهي سيارتي شهر 11 / 2006 الله يستر بس مخالفاتي نوعين ( حزام الامان وسيارة وسخة ) وتراني ما عندي فلوس حال الاكل فكيف لي اغسل سيارتي !!!!!!!!!!  |
|
#23
18/10/2006, 12:09 AM
|
|||
|
|||
|
عجيب امرك
مستهتر بحياتك وحياة الاخرين ومع ذلك تطرح موضوع تدافع عن تصرفاتك اخي اعط الطريق حقه واعلم انه فقدنا اخوة لنا بسبب امثالك في الطريق وعذرا على المداخلة |
|
#24
18/10/2006, 12:42 AM
|
||||
|
||||
|
تراك تدور على نفسك وفي هذه الحالات ما نلوم الشرطه لانها تؤدي عملها
|
|
#25
18/10/2006, 02:07 AM
|
|||
|
|||
|
هناك شئ اسمه نص القانون، وشئ اسمه روح القانون، وهو المرونة في تنفيذ القانون.
ولكن للأسف 50 % من شرطة عمان يطبقوا مزاجية القانون, والسبب الرئيسي هو الجهل، ياريت تصرف الملايين التي تجبى من المخالفات على تثقيف الشرطة. |
|
#26
18/10/2006, 04:46 AM
|
||||
|
||||
|
اقتباس:
كل هذا حصل معك وكأن الشرطه راصديلك وين ما تروح على قول المثل العماني : كما الجني والعطبه !! يعني ما يدانوك  الله يعينك ويعين الجميع من كل مكروه |
|
#28
18/10/2006, 08:53 AM
|
|||
|
|||
|
يعني لا يرحمون ولا يخلون رحمت الله تنزل
ولايتفاهمون يعني خلاص محطي في باله يخالف وما يرجع المركز مامخلصت دفتر المخالفات بصراحه قهرني شرطي البارحه عند محطة الصاروج الساعه 1130 ليلا وبو الشباب في الدوريه وماسك خط الوسط ويمشي 60 تقريبا والشارع زحمه مثل ما انتوا عارفين ( أيام أعياد ) وبو الشباب يسولف مع زميله ولا هامتنه الزحمه اللي صايره وراه بس شو بتقول اذا عطيته هرن او ليت عشان تقوله ياخذ اليمين وان شاء الله يسرع 20- ومافي حد بيقوله شيءتراك ابشر المخالفه جايه لا محاله بصراحه كل شرطي يسوي لنفسه قانون |
|
#29
18/10/2006, 09:29 AM
|
|||
|
|||
|
اقتباس:
والله هنالك ظروف اعتقد ان على رجل الشرطة مراعاتها ، فالشرطي انسان عايش في مجتمعنا وليس ملاكاً نزل من السماء ، مثلاً ، لما كانت بنتي مريضه وتوني طالع من البيت ، هل استحق مخالفه ؟؟ ماكان بالامكان التفاهم ؟؟ اقولك واقول لغيرك .. ان القانون مرن ، فللقانون روح .. وليست جسد بلا روح تعلم اختيار كلماتك |
|
#30
18/10/2006, 09:30 AM
|
|||
|
|||
|
اقتباس:
|
|
#31
18/10/2006, 09:33 AM
|
|||
|
|||
|
اقتباس:
انا لم اسرد سوى الحالات التي حصلت لي وكان من المفروض على رجل الشرطة مراعاة السائق فيها ، ولم اورد الحالات التي انا مقتنع باني استحق مخالفات بشأنها ،، إقرأ الموضوع جيداً |
|
#32
18/10/2006, 10:03 AM
|
|||
|
|||
|
في أغلب القصص التي سردتها تبين أنك كنت فعلاً مخالف للقانون 0000فلا تعتب على من يطبق القانون عليك وعلى غيرك
|
|
#33
18/10/2006, 10:11 AM
|
|||
|
|||
|
اقتباس:
 ولكن ايش قولك في مخالفة تسجل عليك دون وجه حق !!! أنا دخلت موقع الشرطة للتأكد من أي مخالفات على سيارتي فوجدت مسجل علي مخالفة قيادة السيارة بدون رخصة قيادة !!! المهم ما خذيتها جدياً في البداية لان ملاحظات الموقع تقول لا تعتبر وثيقة رسمية !!! اتصلت بالمخالفات للتأكد وفعلاً تأكد لي بأن المخالفة حقيقة يعني فعلاً متسجلة على السيارة ،،، عاد الحين أنا باغي أروح أناقش فيها السالفة وما متشجع عاد تدروون ليش ؟؟؟؟؟؟ لأني متأكد ما بطلع بفائدة منهم ،، رغم أنني متأكد 1000% ما لها أي أساس من الصحة سيارتي معاي بنفس التاريخ وفي البلد وأنا كل يوم رايح البلد مع الشباب والمخالفة متسجلة في موقع عكس إتجاهي 180 درجة وبالفترة المسائية !!! ايش تنصحوني عاد ؟؟؟!!! أروح وأطلب نسخة المخالفة علشان أتأكد من الأخو إلي موقع على المخالفة وهل في بيانات عن السائق المخالف يعني رقم بطاقة أو شي يدل على شخصيته ولو أني متأكد ما بطلع بشيء من عندهم !!
|
|
#34
18/10/2006, 10:48 AM
|
|||
|
|||
|
الله المستعان
نعم أن بعض رجال الشرطه يستخدمون هذا الوظيفه من دون أن يتسامحوا ولو لأتفه الأسباب المهم .... لو أحكي لكم سوالفي ومواقفي مع الشرطه لن تنتهي يا أخواني ولكن سوف أخبركم عن قصه أستوت معي مع شرطه الجمارك بحدود حفيت هي التي لن أنساها وذلك لقساوه الموقف ......... القصه هي أنني كنت راجعا من دبي وعندي بضاعه وهي عباره عن مشروب الشعير مثل البربيكان أو الموسي المهم لما وصلت عند الحدود جهزت الفواتير وكل شي لأخلص جميع معاملاتي وبعد أن أنتهيت من أجراءات الجوازات ذهبت الى الجمارك وكانت الطامه الكبرى لما دخلت ..... سلمت .... وللأسف كان حظي أن أواجه أنسان بدون مشاعر الله المستعان لما شافني كأنه شايف جني قدامه ...... المهم عطيته الفواتير ... وسبحان الله ... كأنني أتحدث مع أنسان لا يتكلم وراح بجنب السياره .... ولما شاهد البضاعه كنت أنا جالس بجنب السياره فرمى لي الأوراق في الطاوله وقال لي وين ترخيص المنتج من وزراه التجاره قلت له أي ترخيص وكأنني أكلم أنسان خالي من الأحساس ... سبحان الله قلت له أنا الأن رابع مره أجيب هذه البضاعه وما حد سألني عن الترخيص ليش أنت بالذات سألتني !! المهم الحبيب قالي أما ترجع دبي وترجع البضاعه أو أنك تجيب ترخيص من وزاره التجاره وين وزاره التجاره ووين أنا ... كانت الساعه 11 ونصف بالليل وأنا عند حدود حفيت المهم .... وأنتم تعرفون ما هي الحاله التي يكون فيها الأنسان لما يكون راجع من خط وهو يسوق شاحنه على سرعه 80 أو 70 بالله عليكم ويش بسوي أنا ؟؟؟ أوكيه خبرته ممكن أمر بالبضاعه وأجيب الترخيص يوم السبت لأن الناس كلهم إجازه وكان هالكلام يوم الخميس قال لا مستحيل قلت له ويش أسوي أنا بالبضاعه ... عندكم حجر علشان أخلي البضاعه ... قال لا كل شي لا ومستحيل ويش هالورطه إلي صابتني الله المستعان سألته من مسؤول الدوام قالي أنا .... كل شي متخبص ذاك اليوم المهم أنا بمشكله لأني ما أقدر أرجع بالضاعه لأن الجانب الاماراتي ما بيسمح لي المهم لقينا حل للمشكله لأني بروح وادي صاع وبدش البريمي وبتصرف بالبضاعه لين ما أجيب الترخيص ما مشكله .... لكن أنا ما أعرف حد بالبريمي المهم كنا أنا وأخي بس ... طلعنا من جمارك حفيت الساعه 1 ومن التعب نمنا عند جمارك وادي صاع من التعب والأرهاق نمنا بالمسجد من دون أن نحس بأي شي نهضنا وصلينا الفجر الله المستعان في الساعة السابعه صباح جائتني فكره بأن أذهب إلى حدود الوجاجه الذي يبعد من البريمي مسافه 100 كيلوا قلت عسى أن شاء الله يسهل الأمور ويكون فيهم خير ولو شويه ولكن لقيتهم أشد وقلت أبوي برجع ورجعت من هناك ووصلت البريمي الساعه 12 ظهرا وبعد أتصالاتي بالناس الخيره ... حصلت مكان أنزل فيه البضاعه بالبريمي في عز الظهر في الحراره لما أنتهيت من تنزيل البضاعه ذهبت إلى الجمارك لأجمرك البضاعه المتبقيه التي لا تريد ترخيص من وزاره التجاره المهم وصلت البلد الساعه 10 بالليل من يوم الجمعه هياسه في هياسه .... وتبوني أنسى هالسالفه المهم الترخيص أنتهى بعد أسبوع بعد جلب العينات وفحصهن وصدقوني الموظفين بوزاره التجاره قالوا لي عادي هالبضاعه معروفه بالسوق وما فيها أي شي المهم بالأخير لما رحت مره ثانيه أجيب بضاعه من دبي مريت وسألت عن الشرطي قالوا لي بنفس اليوم إلي أستوت السالفه نقلوه من المركز الله المستعان آخر تحرير بواسطة هل ترانا نلتقي : 18/10/2006 الساعة 11:00 AM السبب: خطأ في الكتابه |
|
#35
18/10/2006, 11:45 AM
|
|||
|
|||
|
اقتباس:
و جهله في إختيار الفاظه بالشكل الذي يتناسب وإرتدائه لبدلة الشرطي .. حيث أن الشرطي هو رجل أمن يمثل قانون البلد الذي ينتمي إليه ويعكس صورة حقيقية للمواطن خاصة وللمجتمع بشكل عام .. أحد اهم المشاكل التي تواجه الوافد/ الزائر أو المقيم مع الشرطة في بلدنا هو اللغة..  تخيل رجل الأمن هذا الذي يمثل بلدا وشعبا .. يتحاور مع الوافد بلغة الإشارات
|
|
#36
18/10/2006, 12:59 PM
|
|||
|
|||
|
ما طار طير وارتفع الا كما طار وقع
هؤلاء البشر يشعرون بالنقص في داخلهم ويقابلون عملهم بالسخط والتذمم وفي الاخير تطيح في المواطن يحاول القرطي انه يعلي نفسه فوق النجوم على المواطن ما يدري انه اصلا بتصرفه ذاك ينحط دون مستوى الارض |
|
#37
18/10/2006, 01:03 PM
|
||||
|
||||
|
الحمد لله رب العالمين كل يوم اسوق 160الى 180وانا رايح من الداخليه الى مسقط وصارلي فترة على هذي الحاله وما مسكني ولا رادار ولا شي !!!!!
لكن انته مقورف !!!!
|
|
#38
18/10/2006, 01:08 PM
|
||||
|
||||
|
اقتباس:
|
|
#39
18/10/2006, 02:36 PM
|
|||
|
|||
|
هناك مشكلة كبيرة في المستوى التعليمي لرجال الشرطة واسلوب تعاملهم مع العامة.
على سالفة الجمارك أنا مستغرب من مؤهلات الشخص اللي يقيم البضايع المستوردة. يعني كأنه الاخ خبير في كل المجالات والاسواق و يعرف سعر كل سوق بالجملة و المفرد. نفس الشخص يقيم مثلا المنتجات الغذائية و المنتجات الكهربائية بمختلف أنواعها وباختلاف بلد المنشأ و المواد الطبية (التخصصية) و المنتجات الالكترونية بما فيها الحواسيب الالية بمختلف المواصفات. يعني الاخ هذا هو موسوعة من المعرفة بمختلف الاسواق. طبعاً الواقع أنه يقيم ربما بمزيج من الخبره و الرأي الشخصي ( يعني على حجم الكرتون) كما أظن أنه هناك قوائم أسعار لبعض السلع. |
|
#40
18/10/2006, 03:45 PM
|
|||
|
|||
|
there is no topic these days except about police..... stop takling about them ..... there are very serious subjects you can discuss rahter than repeating this topic every day.....
|
|
#41
19/10/2006, 12:53 AM
|
|||
|
|||
|
ما هي حكاية دوار الكتب او الكتاب بولاية نزوى كل يوم في المساء تكون دورية نجد بو مرور او دراجة النارية ولمده ساعتين ومخالفات يمكن توصل في ذلك التوقيت فوق 100 مخالفة اي دفتريين مال مخالفات ومن بداية رمضان هم في ذلك المكان والتوقيت وجني ثمار !!!!!!!!!!!!!!!! والمواطنين رايحين جايين ومصيدة تمسك وفقير يدفع والهاموري يتم اللغاء مخالفته بعد ذلك والله انه حرااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اام |
|
#42
19/10/2006, 02:42 AM
|
||||
|
||||
|
اقتباس:
بس اقول عن تخلي المخالفه تمر مرور الكرام ولا بتجي فوق راسك. |
|
#43
19/10/2006, 06:00 AM
|
||||
|
||||
|
اقتباس:
يو دان دان يو دانه 
|
|
#44
19/10/2006, 06:01 AM
|
||||
|
||||
|
اقتباس:
لا حول ولا قوة إلا بالله |
|
#46
19/10/2006, 01:54 PM
|
|||
|
|||
|
طارح الموضوع مستهتر كثير بنظام المرور المعمول به في البلد وما خفي كان أعظم ، ولو كان عكس ذلك ما وصلن مخالفاته 230 ريال وأتمنى من حكومتنا الرشيدة سن قانون أكبر بمعاقبة كل من تتجاوز مخالفاته مبلغ 200 ريال ورجال الشرطة لم يأتوا للعمل والقانون يحملونه في جيوبهم هذا وما وضعته حكومتناالرشيدة بقيادة مولانا حفظه الله ورعاه القائد الأعلى لشرطة عمان السلطانية حفاظا على الوطن والمواطن وتأكدوا كل التأكيد لو أي واحد منا موظف بهذا الجهاز كان سيطبق النظام على مخالفيه ولا ننسى بأن نظام المخالفات يطبق في كثير من الوزارات كل حسب أختصاصه ، أما في ما يخص بأسلوب التعامل فنحن كمجتمع نعرف بعضنا جيداً وهذا لا ينطبق فقط على موظفي الأمن والأسلوب المهذب يفرض نفسه.
أما موضوع الجمارك فمن الطبيعي مسائلة صاحب المركبة المستوردة حتى ولو كان يحمل ورقة المقاصة والمتفق عليها بين دول مجلس التعاون حين يرى الموظف عدم توافق السعر مع موديل ونوع المركبة وجميعنا يعرف عن مدى التلاعب في الأسعار بين البائع والمشتري أذا كانت المسائلة بها جمرك فالطرفين يبحثان عن مصلحتهما والحكومة هي الأخرى تبحث عن مصالحها. كما من الواجب علينا أن ننتقي الصدق في الحديث وعدم البحث عن ذرائع للتشهير عن هذا الصرح الأمني فكلنا مسائلين امام انفسنا وأمام الله . وفي هذا الشهر الفضيل ندعو للجميع بالعفو والمغفرة . |
|
#47
20/10/2006, 04:26 AM
|
|||
|
|||
|
اقتباس:
وفرحاااااااااان ليش؟
يا أخوي لا تسرع اذا كنت ما مستعجل، و خاصة انك يوميا مسافات طويلة. يا أخي علشان اهلك ، حافظ على نفسك. يا أخي عمان تفقد 700 شخص سنويا وفيات الحوادث ، و 11000 اصابات.(أرقام خيالية و كأنها حرب) يا أخي أصدقاء الأمس هم الآن في القبور و هم في ريعان شبابهم، و منهم من لم يصل لمرحلة الشباب بعد. يا اخي يمكن أنت سائق ممتاز لكن لا تنسى أخطاء السائقين الآخرين. وسلامتكم جميعا. |
|
#49
20/10/2006, 09:54 AM
|
||||
|
||||
|
اقتباس:
كل يرى الناس بعين طبعه,,,
|
|
#50
20/10/2006, 11:01 PM
|
|||
|
|||
|
منحوس
|
|
|
