|
|
|
#1
19/08/2006, 04:05 PM
|
|||
|
|||
|
عيارة شياب
مقلب شلة شياب
كان هناك شياب ثلاثه مرهون وغدير وجميع (تصغير جمعه) وكانوا يتصاصخوا ويتساسروا ودار بينهم الحديث الآتي: غدير: تتذكروا شباب (يسموا نفسهم شباب ... مراهقه متأخره) أيامنا الحلوه يوم كنا نسوي ذيك السوالف فالحاره ... كنا رباشين مرهون: حشى بحياتي ماشفت حد أجن عنا ... وتعال شوف اليوم وحنوه نتنقد على الصغيرين اليوم ونازعهم عن الربشه وماكنا مسوين شئ بحياتنا جميع: هيه ها والله أيام ... ذكرتوني يوم نقحم الجدران ونسرق دجاج العجوز عميره وهم سرحانين ضحك غدير ضحكه خبث وطلعت ضرسه المفلومه والوحيده الباقيه ومن شافها جميع ضربها ضحكه وطاح يسعل من كثر الضحك تبسم غدير وقال حال جميع عن تكون تفكر فبو أنا أفكر فيه ؟! قال جميع تو إنته فموه تفكر؟ غدير: أفكر نسوي ربشه وسوالف مثل سوالفنا القديمه جميع: أنا كنت أتذكر يوم متضاربين إنته وخماس وضربك بمقشاع على ضروسك وطيح ثنتين ووحده أنفلمت وإلى تو باقيه..هههههه عصب الشايب غدير ورفع مقشاعه عشان يضرب جميع بس حجز بينهم مرهون وقالهم عيب عليكم إنتو كبار وحسبت شيابي صد جميع وغدير صوب مرهون وقالوله عن يكون هازين بمنزك وحنا ماعندنا خبر يالصغيرون ... وطاحوا ركيض وراه بعدها تعبوا وجلسوا تحت لوميت العجوز نصره قال جميع: تصدق غدير فكرتك حلوه ... تراني مليت من كثر مقالب الصغيرين فينا وحنوه ماسهلين وروسنا متروسات خبث وعياره مرهون: نوبه أنا عاجبتني الفكره ... ياي بنستانس جميع:عاد من نختار من الدهجين نضحك ونتقمبز عليه غدير: ماحد غيره سود الله وجهه... تراه مابارد فوادي منه مرهون: من هوه؟؟!! غدير: حد غيره خميوس (يقصد خماس) جميع: عاد يوم ماقدرت عليه يوم صغير تريد تستافى يوم كبر وشيب غدير: تراه كان أجعر عني ومستوي مثل البعير وتو يوم طاح كثرة السكاكين واماكذا يقول المتمثل جميع ومرهون : هيه علوه هيه ياريس أجتمعوا الثلاثة وجلسوا يخططوا ويدرسوا تحركات خماس وجهزوا الخطه وجاء يوم التنفيذ في يوم من الأيام وكعادته دائما كان الشايب خماس راكب حماره ومروح يتبختر صوب سوق الجمعه عشان يسوي شوبنج ومنها يضربله لفتين على حماره نوع دونكي 4 (أبو سلندر) ويعلك بعصبة كحيلي العيد ويحب يسلك دروب الحاره الضيقه وهو ماشي مستانس فجأه ظهر مرهون من الخلف ويضرب بنشابة (نوع من الأسلحه الخفيفه والمتمثله في غصن على حرف واي بالإنجليزي ومربوط فيه ربلتين وبآخرهم مكان لوضع حجره ... وبشد الربلتين وتحريرهم تنطلق الحجره لمسافة وتعتمد على قوة الرامي) وعاد شايبنا مرهون ماصدق يشوف خماس معدي من مكان المتفق عليه عشان يطلع مهارة زمان في التصويب ... والمطلوب منه يضرب درام (برميل) عشان يصدر صوت وعاد الشيبه يطلق الحصاه وراء الحصاه وماشئ وصل الدرام... قال علوه أحسن أتقرب تراه مافيني حيل وتقرب وماشئ فايده مره تروح يمين ومره يسار عاد ماشاف فايده إلا أنه يضرب الدرام بمقشاعه تراه خماس بيوصل ربعه وهو ما عطاهم إشاره.. وطاح دجل بالمقشاع فالدرام من الغميضه والعصبيه وطلع فشلته وفش غله فالدرام المسكين ... وما صدق الثنائي يسمعوا الإشاره حتى يركضوا وكل واحد متلثم ولابس بنطلون وقميص عشان مايعيق حركتهم وكل واحد ماسكلة زوره ... غدير ينبش نفتة عقر(الدبي الأحمر الكبير) بشرخ الجدار وجميع ينبش نفتة حبيني (الأصفر) ... عاد الشايب خماس قريب واجد منهم والسبه تأخر مرهون عن يخبرهم... غدير قدر يشرد بسرعه لأنه سريع وقريب من مكان الهرب أما الشايب جميع تكرسع وطاح وأختربت وطيته وأنقطعت مسيكين وما واح ينهض إلا وبان خماس وحماره وطاحن الدبيان أو الدبابير لسع فيه وفي حماره ... وعاد الحمار ضربه جنون وطاح ينبز ويقفز ويرمح ويدوس جميع تحته وخماس بين السماء والأرض وصريخه مصدع الحاره ... عاد بالسيف والتعب قام جميع من تحت الحمار ودقها شرده وماباقي عظم صاحي بجسمه أما خماس وما أدراك ما حصل بخماس تراه مسيكين إلى اليوم يدوروه هوه وحماره وما محصلينهم عاد إذا حد شافه يخبرنا عنه ... شفتوا مقالب الشياب ... تراها تعور ... وسلامتكم مع تحيات وادي ضم |
|
مادة إعلانية
|
|
#27
19/08/2006, 05:05 PM
|
||||
|
||||
|
اقتباس:
|
|
#28
19/08/2006, 05:06 PM
|
||||
|
||||
|
أما عليهم سوالف الشياب ...أحسن نسوي مقالب مثلهم فحارتنا
|
|
#37
19/08/2006, 05:14 PM
|
||||
|
||||
|
اقتباس:
بشرى خير بالأمطار ... أعرفك تحب البرد ولا الحر ... صاير بريطاني ... ماسلمت عشان أفاجئك ... أهم شئ يكون ما غمي عليك ...الدبيان يحبني وما يلسعني |
|
#42
19/08/2006, 05:18 PM
|
||||
|
||||
|
أسمحلي ودي اشاوح شوي بس بروح ألعب كوره مع الصغيرين
تحياتي لك والتوفيق لموضوعك وإحتمال أدش بالليل وسلم على بيتر ...ههههه |
|
|
