يوم في حياة سائق تاكسي

[وردة ذابلة]

السلام عليكم كيفكم واخباركم :cool:
هذه قصة صغيرة تحكي عن ما يعانيه بعض سائقي التكاسي (قلت البعض):cool:

حمدان رجل كبير في السن متقاعد وعنده تاكسي تعبان يجيب منه رزقه ورزق أولاده قام من الغبشة وسار يترزق كعادته.. جاء يركب السيارة ما طاعة تشتغل ((أوين باغية تكمل دراستها)) يجلس الشيبة يخاسي ويخاسي في السيارة وبعدين ينهم على أولاده..
- يو سلوم يو سياف يو يوسوف تعالوا أولادي دفوا السيارة

ويطلعوا الصغيرين من كبيرهم لصغيرهم ما عدا واحد فارط ما طايع يقوم من رقاده المهم يطلعوا الصغيرين يدفو سيارة أبوهم الكحيانه وتشتغل ويخطف عمنا الشيبة بسيارته يتكس.. أول ما طلع من الحلة في الشارع العام لقى بنية غاوية توقفه ووقف عدالها..
- على هين رايحة بنتي..
- ما بعيد الوالد هناهو جريب بس ..
- انزين ركبي بنتي..

ركبت البنية مع عمنا حمدان وسار وسار ووصلها المنطقة بو تبغاها قالته:
- لا الوالد الشيمة ممكن توصلني اشوية داخل... بيتنا بعيد والشمس عليات الراس ..
- ان شاء الله بنتي رد عليها عمنا الشايب..

وقامت تدخله في السكيك يمين يسار يسار يمين فوق تحت تحت فوق لا غلطت رد مرة يمين يسار يمين يمين يسار خلاص وصلنا طلعت ساكنة البلاد اللي تموت فيها ******.. أخر الدنيا...
- إنزين الوالد كم تبغى ..
- رد عمي حمدان 500 بيسة بنتي..
- أسفة عمي ما عندي غير 20 ريال قرطاسة وحدة عندك خردة..
(يا المكارة يوم باغية تسيري قريب حالمو ما شاله خردة) هذا ردي أنا عليها ...
- أما رد شيبتنا فقالها برايه بنتي ما عندي خردة توكلي على الله..
- شكرا عمي عاد أنا أسفة سامحني..
- مسموحة بنتي..

كمل عمنا الشيبة دربه وهو خاطف لقى هنود اثنينا..
- أه على هين سايرين ..
- بابا نحنا في ريد روه شوية سوج السيب..
- انزين ركبوا..

وسار عمي الشيبة وقبل ما يدخل السوق طش واحد منهم:
- بابا وجف هنا أنا أنزل..
- انزين جيب 200 بيسة..
- ما مشكلة بابا صديج مال أنا يدفع..

شاف عمنا حمدان على الصديج بو متربع وراء قام ذاك يحرك رأسه حركة الهنود المعروفة اتكل عمي حمدان وكمل دربه ويوم وصل السوق نزل الثاني ودفع 200 بيسة حال عمنا قال عمنا:
- وربيعك مالك ما تدفع عنه..
- قال الهندي أنا ما في هذاك نفر صديج... أنا مالي خص ..

مسكين عمنا الشيبة سامحه وكمل دربه ما متفيق يضارب عشان 200 بيسة.. كمل عمنا الشيبة دربه ولقى حرمة..
- أه الأخت على هين...
- باغية أسير صوب الإسكان..
- ان شاء الله ركبي..

وهو ماشي لقى شباب اربعه صغار ... يوقفوه ما وقف حالهم.. شال حرمة بيوله هين يركبهم طشت الحرمة...
- مالك باه ما وقفتلهم...
- هين أشلهم وهم أربعة..
- لالا ما تقول كذاك هذيلا كما أولادي أكيد أنت باغي تطير بي..

وطاحت فيه سب وشتم وطريت كل حيانه حتى بو في القبر طلعتهم من القبر وسبتهم ورجعتهم... ماله ما شاط عمنا حمدان ويوقف ذيك الحينة وينزلها.. وتنزل الحرمة وهي تكمل سب الباقي... ما خليت شيء عنه..
- لا حول ولا قوة إلا بالله مو ذي النحس ما حصلنا إلا 200 بيسة ونحنا نهيس من الصبح أصب حال السيارة بترول أكثر من اللي اترزقه.. وبعد ما كذاك أحصل كلام ... الله يعين لكن كله يهون عشان لقمة العيش...

كان هذا الكلام اللي يدور في رأس عمنا الشيبة ... المهم حصل واحد رجال يوقفه وقف عمنا..
- على هين الأخو...
- ماشي بس روي..
- ان شاء الله تفضل..
- السلام عليكم كيف حالك كيف حال الصغيرين ماشي علوم ماشي اخبار من هين أنت ومو من القبايل ووووووو الخ

ومن يوم ركب هذا الرجال وما سكت كنه بالع راديو في بطنه... ومن كثر الأسئلة أخر شيء يطلع هذا الرجال يخص عمنا من بعيد .. ويوم وصلوا روي ... نزل الرجال وخطف من دون ما يدفع ناده عمنا..
- الأخو تراك ما دفعت..
- يا عيب الشوم كيه نحنا حيان ونتخاص وتبغى عليه فلوس..

استحى عمنا الشيبة ورجع تاكسيه الكحيان وكمل دربه هين يسير تو عاد ظهر ومصارين بطنه يعورنه رد البيت يتغدى ... أول ما وصل البيت يلقى حرمته مطلعة لسانها..
- أه كم نولت اليوم..
- ماشي إلا 200 بيسة..
- مو.. 200 بيسة من الصبح إلين تو.. صدق إنك ما عندك شغل.. تقص على من أنت لا عيوني طلع الفلوس تو... وا باغي تضمهن عشان تتزوج عليه وووووو الخ..

من يسكتها عاد لبقت... ماله ما طلع مسكين عمنا من البيت زعلان لا تغدا ولا يعلمون سار وركب سيارته وكمل مشواره... وهو ماشي لقى خمسة شباب متكشخين ولابسين ذيك البواطلين بو حازة على جسمهم والكشه ما اعرف مو مساويبها واقفه مصتلبه ما تتحرك... وقفلهم عمنا الشيبة..
- أه أولادي على هين سايرين..
- ماشي الوالد أشوي الحديقة نرقم...
- ان شاء الله ركبوا...

أول ما ركبوا جلسوا يسولفوا عن السيارات والتخميس وموستانج وفيراري وكورفيت وما اعرف مو هناك من السيارات... وهما جالسين يسولفوا يمر عمنا على مجموعة بنيات مالهم ما طشوا...
- رجع الوالد رجع...
- هين أرجع اولادي بعدنا ما وصلنا..
- قلنالك رجع..

مسكين رجع الشيبة... ويوم وصل عند البنيات مالهم الشباب ما يفتحوا الدرايش ويجلسوا يغازلوا البنيات.. والبنيات ما سكتن طاحن في الشباب سب وقاموا الشباب يردوا عليهن وتشل وحده منهن حصاة كبيرة باغية تكسر السيارة وزين إنها ما لحقتها لأنه عمنا يوم شاف كذاك السالفة زاد السرعة.. وبعد مسافة وقف عمنا في الشارع..
- يالله نزلوا هني
- بس الوالد نحنا ما وصلنا الحديقة
- قلتلكم تنزلوا وا تو بذي الخيزران في ظهوركم..

ونزلوا الشباب من السيارة معصبين وما حصل بيسة منهم... كمل عمنا الشايب دربه وحصل في الطريق واحد من الرغود وشله وياه... وجالس هذا الرغدي يغازل وحده في التلفون وما منتبه ومسكين عمنا ما يحيد الدرب وهذا الرغدي ما تكلم قبل عن يوصل عمي التقاطع لا تكلم وعمي في التقاطع....
- لف يمين وهو يصرخ

وينتزق عمنا ويضرب بريك بسرعة وفي واحد جاي مفتر من وراءه ويدعم سيارة عمنا الشيبة... وتستوي الربشة والسيارات يتوقفن يشوفوا العجب كأنه ما شافوا حادث من قبل وجلس راعي السيارة الثانية يتنازع وهذاك الرغدي طار وما دفع شيء وماحد يعرفه هين راح من الزحمة...

وانتهى يوم من أيام سائق تاكسي..


أريد أعرف الحين رأيكم في سائقي التكاسي :rolleyes:

تصدقون أنا عن نفسي لما أسوق سيارتي أحاول أكون بعيدة عن سيارات الأجرة لأنها تتوقف فجأة وتدخل فجأة وتعرفوا أنا وبيكابي الأصفر يبغالي إلين أنتبه على الشارع ولا أصلح برقعي ولا أدور نعالي :مفتر:


تحياتي لكم :cool:

[المطوع الصغير]

طويه شويه

[@ماكديت@]

لاتعليق بس قصه حلوه تنفع تسويه مسلسل عماني لشهر رمضان القادم خخخخخخخ

[attlal]

صراحة حلوة عوم
ومشكلة التكاسي حدث ولا حرج
صرنا نتبع سياسة ابعد عن الشر وغني له (ولو اني ما اعرف اغني!)

[وردة ذابلة]

طويه شويه


:rolleyes: شو يعني طوية بعد :rolleyes:

[وردة ذابلة]

لاتعليق بس قصه حلوه تنفع تسويه مسلسل عماني لشهر رمضان القادم خخخخخخخ


:cool: ما فاضية :cool:

[المطوع الصغير]

:rolleyes: شو يعني طوية بعد :rolleyes:


الطول عكس العرض

[موه السالفه]

تعرفه شخصيا هذا السايق:eek:


ولا من بنات عم افكارك:p

[وردة ذابلة]

صراحة حلوة عوم
ومشكلة التكاسي حدث ولا حرج
صرنا نتبع سياسة ابعد عن الشر وغني له (ولو اني ما اعرف اغني!)



بسيطة سجلوا في احدى مسابقات الأغاني بو طالعة تو في القنوات وإن شاء الله أنا بأصوتلكم:cool:

[وردة ذابلة]

الطول عكس العرض


من متى ؟ :eek: :eek:

[وردة ذابلة]

تعرفه شخصيا هذا السايق:eek:


ولا من بنات عم افكارك:p



:eek: :eek:


لا من بنات خال أفكاري :cool:

[attlal]

بسيطة سجلوا في احدى مسابقات الأغاني بو طالعة تو في القنوات وإن شاء الله أنا بأصوتلكم:cool:
الشيمة خلينا بعيد عن هذي الZoo Shows!

[وردة ذابلة]

الشيمة خلينا بعيد عن هذي الZoo Shows!


على راحتكم بس إذا غيرتوا رأيكم فأنا جاهزة لتصويت :cool:

[موه السالفه]

:eek: :eek:


لا من بنات خال أفكاري :cool:


مو مسويين اليوم حال العشا وا بعدكم ما قررتو :p

[الحاج فلوس]

بالفعل هذا القصه لها نسخ في الحياه الواقعيه واسئلي مجرب:مفتر:

[وردة ذابلة]

مو مسويين اليوم حال العشا وا بعدكم ما قررتو :p


مسوين مرقة دجاج حي وخبز يابس إذا تبي تتعشى معنا :cool:

[وردة ذابلة]

بالفعل هذا القصه لها نسخ في الحياه الواقعيه واسئلي مجرب:مفتر:


يعني طلعت أنت سائق تاكسي :eek: عيل خبرنا عن المواقف اللي صارت لك :cool:

[موه السالفه]

مسوين مرقة دجاج حي وخبز يابس إذا تبي تتعشى معنا :cool:


بصراحه عشاكم يستاهل التعنايه لكن عن اجي من نزوى لين .... صح وين بيتكم :p

[الحاج فلوس]

يعني طلعت أنت سائق تاكسي :eek: عيل خبرنا عن المواقف اللي صارت لك :cool:

لا ما سايق تكسي:مفتر:

بس مدمن تكاسي:(

[وردة ذابلة]

بصراحه عشاكم يستاهل التعنايه لكن عن اجي من نزوى لين .... صح وين بيتكم :p


معقولة ما تعرفوا البدوية وين ساكنة شوفوا فوق مكان إقامتي تحت تاريخ التسجيل بتاعي :cool:


يالله نترجاكم لا تتأخروا:cool:

[وردة ذابلة]

لا ما سايق تكسي:مفتر:

بس مدمن تكاسي:(


من كذاك انت تدور سيارة باغي تشتري :cool: يحليلك الله يعينك :cool:

[موه السالفه]

اطرف موقف صارلي مع سايق تاكسي: كنا ماشين انا و صاحبي من ميناء الفحل قاصدين الوطيه . و كان صاحب تاكسي رايح جاي علينا مره يبتسم و مره يسلم و مره يسرع و مره يبطي و مره يأشر...قلنا تو هذا الشخص ماله كذاك:confused:

المهم اخيرا وقف وقال بمياعه: هلا و سهلا بالطيبين تفضلو حبايبي على وين...قلنا احنا ما نريد نركب متعمدين نمشي:cool:

رد علينا بتكسر: و الله اشلكم فري ما اريد عليكم بيسه نتوه ركبو و ما بتندمو...عصبنا و قلنا: كلمه زياده و بنسيك السواقه:mad:

قال: من بونكم شباب تو ما وش نعمه و عصب و راح:ضحك:

[الحاج فلوس]

من كذاك انت تدور سيارة باغي تشتري :cool: يحليلك الله يعينك :cool:


اتذكر مره كنت راجع من القرم و بالتحديد من الفحص يوم مطلع الليسن وهست هياسه لين حصلت تكسي لانه الوقت ظهر:مفتر:

واخر شي ركبت وركب وراي واحد والا اشوف نفسي بين مصري وسوداني:rolleyes:

[موه السالفه]

معقولة ما تعرفوا البدوية وين ساكنة شوفوا فوق مكان إقامتي تحت تاريخ التسجيل بتاعي :cool:


يالله نترجاكم لا تتأخروا:cool:


كان ساكنه هناك اتوقع انك اتعشيني سحالي :ضحك:

[المحبه]

مساء الخير والخيرات والنور والانوار والسعادة والسرور والحب والمحبه
نوبه انا اسميني ابتعد عنهم قدر الامكان التكاسي والتناكر والباصات بو الاجره
الواحد يحسب الشارع بوحاله
مسكين عمينا حمدان
بالفعل سيرو بس عند برج الصحوه مساكين تلقيهم في عز ذيك الشمس كل واحد متوسد بنعاله يرتحمو والله
الله يرزقهم ان شاء الله

[وردة ذابلة]

اطرف موقف صارلي مع سايق تاكسي: كنا ماشين انا و صاحبي من ميناء الفحل قاصدين الوطيه . و كان صاحب تاكسي رايح جاي علينا مره يبتسم و مره يسلم و مره يسرع و مره يبطي و مره يأشر...قلنا تو هذا الشخص ماله كذاك:confused:

المهم اخيرا وقف وقال بمياعه: هلا و سهلا بالطيبين تفضلو حبايبي على وين...قلنا احنا ما نريد نركب متعمدين نمشي:cool:

رد علينا بتكسر: و الله اشلكم فري ما اريد عليكم بيسه نتوه ركبو و ما بتندمو...عصبنا و قلنا: كلمه زياده و بنسيك السواقه:mad:

قال: من بونكم شباب تو ما وش نعمه و عصب و راح:ضحك:



:ضحك: :ضحك: يعني حرقتوا صورته المسكين :cool:

[وردة ذابلة]

اتذكر مره كنت راجع من القرم و بالتحديد من الفحص يوم مطلع الليسن وهست هياسه لين حصلت تكسي لانه الوقت ظهر:مفتر:

واخر شي ركبت وركب وراي واحد والا اشوف نفسي بين مصري وسوداني:rolleyes:



مسكين احس بمعاناتك في تلك الساعة :عيار: :cool: بس اشكر ربك ما جيت بين هندي وبنجالي :cool:

[وردة ذابلة]

كان ساكنه هناك اتوقع انك اتعشيني سحالي :ضحك:


سحالي :eek:


لا بس أنا متغدية ضب مشوي كيف أنت ذقت لحم الضب من قبل وايد يهبل :عيار: :cool:

[الحاج فلوس]

مسكين احس بمعاناتك في تلك الساعة :عيار: :cool: بس اشكر ربك ما جيت بين هندي وبنجالي :cool:


ليش موه فيهم؟:عيار:

[موه السالفه]

:ضحك: :ضحك: يعني حرقتوا صورته المسكين :cool:


ما مسكين ولا شي لكن راح زمن الخيازرين :معصب:

[موه السالفه]

سحالي :eek:


لا بس أنا متغدية ضب مشوي كيف أنت ذقت لحم الضب من قبل وايد يهبل :عيار: :cool:


لا اقول انه حرام و لكن نفسي تعافه :)

[المرجام]

حلو لي قلتيه ولاحلى الحبكه
وعاد ما نحس راقعنه شايبنا هذا حشا

انا من مواقفي ع التكاسي كنت من مده حوالي اكثر من 7 سنوات راكب تكسي من روي للمطار وصاحب تكسي شايب كبير بالسن واحنا مجموعه كبيره بالباص
وعند جسر الخوير كان سايق التكسي ماسك خط الدوار يعني يبي يروح الدوار ما يبي يطلع فوق الجسر الا ويجي واحد من الاخوان ويقول لراعي التكسي الوالد لو رحت فوق التكسي تارس وما حد يبي الدوار الا شايب ما صدق خبر ويفر الستيرين بقوله وما ندرا الا بالتكسي بالخط الوسطي بعد ما مر على الخطوط البيضاء اللي تفصل خط الدوار عن الجسر وهنا يصيحن البريكات والهرنات عليه وربك ستر ما حد شلنا حنا وتكسينا ولا وشايب كأنه ما مسوي شي وشعب يوم داروا يتجاوزوه يضربوله هرنات وياشروا وهم معصبين وهوه يقولهم وعليكم السلام كيف حالكم على باله انهم يسلموا عليه ما عارف شو مسوي المهم كنا كلنا رايحين صوب المطار ولاكن كل اللي بالتكسي نزلوا عن دوار الغبره من الخوف وقالوا سامحيين توكل

[وردة ذابلة]

مساء الخير والخيرات والنور والانوار والسعادة والسرور والحب والمحبه
نوبه انا اسميني ابتعد عنهم قدر الامكان التكاسي والتناكر والباصات بو الاجره
الواحد يحسب الشارع بوحاله
مسكين عمينا حمدان
بالفعل سيرو بس عند برج الصحوه مساكين تلقيهم في عز ذيك الشمس كل واحد متوسد بنعاله يرتحمو والله
الله يرزقهم ان شاء الله


هلا بالمحبة كيفك :)

والله صدقك بس معذورين بعد الله يعينهم :cool: بس سالفة متوسد بنعاله هذه أشوي غريبة :rolleyes: :cool:

[وردة ذابلة]

ليش موه فيهم؟:عيار:


انا ما قلت شيء سير وحدك شوفوهم :cool:

[المحبه]

هلا بالمحبة كيفك :)

والله صدقك بس معذورين بعد الله يعينهم :cool: بس سالفة متوسد بنعاله هذه أشوي غريبة :rolleyes: :cool:

صباح الخير :)

رزقهم يعتمد على اشخاص مثل فلوس بو ما عندهم سيايير:p

سيري انتيه عند برج الصحوه على الفجر او في اخر الليل
اتشوفي الحاله

[وردة ذابلة]

ما مسكين ولا شي لكن راح زمن الخيازرين :معصب:


وحدك ماحد قالك تمشي في الشوارع وما في يدينك خيزرانة :cool:

[وردة ذابلة]

لا اقول انه حرام و لكن نفسي تعافه :)


:cool: أنت بس ما ذقته وبو ذاق ما لاق :cool:

[وردة ذابلة]

حلو لي قلتيه ولاحلى الحبكه
وعاد ما نحس راقعنه شايبنا هذا حشا

انا من مواقفي ع التكاسي كنت من مده حوالي اكثر من 7 سنوات راكب تكسي من روي للمطار وصاحب تكسي شايب كبير بالسن واحنا مجموعه كبيره بالباص
وعند جسر الخوير كان سايق التكسي ماسك خط الدوار يعني يبي يروح الدوار ما يبي يطلع فوق الجسر الا ويجي واحد من الاخوان ويقول لراعي التكسي الوالد لو رحت فوق التكسي تارس وما حد يبي الدوار الا شايب ما صدق خبر ويفر الستيرين بقوله وما ندرا الا بالتكسي بالخط الوسطي بعد ما مر على الخطوط البيضاء اللي تفصل خط الدوار عن الجسر وهنا يصيحن البريكات والهرنات عليه وربك ستر ما حد شلنا حنا وتكسينا ولا وشايب كأنه ما مسوي شي وشعب يوم داروا يتجاوزوه يضربوله هرنات وياشروا وهم معصبين وهوه يقولهم وعليكم السلام كيف حالكم على باله انهم يسلموا عليه ما عارف شو مسوي المهم كنا كلنا رايحين صوب المطار ولاكن كل اللي بالتكسي نزلوا عن دوار الغبره من الخوف وقالوا سامحيين توكل


:ضحك: :ضحك:

لايكون هذا الشيبة هو نفسه عمي حمدان اشترى حاله باص :عيار: :cool:

[وردة ذابلة]

صباح الخير :)

رزقهم يعتمد على اشخاص مثل فلوس بو ما عندهم سيايير:p

سيري انتيه عند برج الصحوه على الفجر او في اخر الليل
اتشوفي الحاله


وحدي أخاف أسير بروحي هناك هيش رأيك أخطف عليكِ وأشلك معاي ترابعيني :عيار: :cool:

[سنونو]

بنت عمي ما شاء الله


اشوفك مبدعه



قصه غاويه

[وردة ذابلة]

بنت عمي ما شاء الله


اشوفك مبدعه



قصه غاويه


هلا بود العم كيف زيلة السح وصلت :عيار: :cool:

[الحاج فلوس]

انا ما قلت شيء سير وحدك شوفوهم :cool:

شايفنهم من زمان!:عيار:

[قناص السبلة 99]

البدوية عليش سوالف

[موه السالفه]

:البدوية]وحدك ماحد قالك تمشي في الشوارع وما في يدينك خيزرانة :cool:[/QUOTE]


اخاف عن يقال عني ارهابي....و لو اني ما مربي لحيه :p

[ايام العمر]

حلوه القصة ... والاحلى طلة البدوية
:) :( :)

[موه السالفه]

:cool: أنت بس ما ذقته وبو ذاق ما لاق :cool:


نزين ما مشكله انا مستعد اجي عندكم و آكل الضب و امري على الله بشرط...تقلعيله اصابعه لانه شكلهن يخوف :mad:

[المحبه]

وحدي أخاف أسير بروحي هناك هيش رأيك أخطف عليكِ وأشلك معاي ترابعيني :عيار: :cool:


خطفيلي وجيبي معاش القرنفله :عيار:
هي اتدافع عنا اذا ستوى شي:D :عيار:

[سنونو]

هلا بود العم كيف زيلة السح وصلت :عيار: :cool:
تو نتيه مطرشه زيلة سح حالي



لا يكون مطرشتنها مع مرتاحووووووه الدب لا ما وصلت

[ورد الامل]

مسـاكيـن - مـا ينـلامـون !

البحـث عن الـرزق ليـس سهـلاً !
-

عن نفسـي أيضـاً أتحـاشى أصحـاب التكـاسي لما أسـوق -بسـبب وقفتهـم المفـاجـئة على جانب الشـارع ..

وخـاصة لمـا يحصلـون " العبـريـة "! :rolleyes:

[القرنفلة]

قصــة تحاكي الواقع الملمــوس .. الله يعينهم

تسلمي يالبدوية ع السرد الجميل:):cool:

[الرتـــاج]

حلــوه :)

بس عورتينــا فوادنا مسكين عمنا الشيــبه بهدلتي حياته زين ما زين :D :عيار:

[وردة ذابلة]

شايفنهم من زمان!:عيار:



هين شايفنهم خبرني ما بأخبر حد :عيار: :cool:

[وردة ذابلة]

البدوية عليش سوالف


هينهين ما أشوفهن :cool:

[قناص السبلة 99]

هينهين ما أشوفهن :cool:
اكبر عيارة

[وردة ذابلة]

:البدوية]وحدك ماحد قالك تمشي في الشوارع وما في يدينك خيزرانة :cool:


اخاف عن يقال عني ارهابي....و لو اني ما مربي لحيه :p[/QUOTE]

:eek: ارهابي :eek: يزيدوك :عيار: :cool:

[وردة ذابلة]

حلوه القصة ... والاحلى طلة البدوية
:) :( :)


انتي الأحلى خالتي;) :cool:

[وردة ذابلة]

نزين ما مشكله انا مستعد اجي عندكم و آكل الضب و امري على الله بشرط...تقلعيله اصابعه لانه شكلهن يخوف :mad:


بس خلاص خلصوا الضبوب بو عندنا لا تجيء:cool:

[وردة ذابلة]

خطفيلي وجيبي معاش القرنفله :عيار:
هي اتدافع عنا اذا ستوى شي:D :عيار:


عاد ما حصلتي غير قرنفلووو العوالة تدافع عنا :عيار:

المهم من يدفع حال البترول أنتي وإلا قرنفلوا وعشان أفرحكن أوديكن هذاك الجسر تحيديه :عيار: :cool:

[وردة ذابلة]

تو نتيه مطرشه زيلة سح حالي



لا يكون مطرشتنها مع مرتاحووووووه الدب لا ما وصلت


عيل مع من أطرشها تراه هو الوحيد بو ساير صوبكم :عيار: :cool:

[وردة ذابلة]

مسـاكيـن - مـا ينـلامـون !

البحـث عن الـرزق ليـس سهـلاً !
-

عن نفسـي أيضـاً أتحـاشى أصحـاب التكـاسي لما أسـوق -بسـبب وقفتهـم المفـاجـئة على جانب الشـارع ..

وخـاصة لمـا يحصلـون " العبـريـة "! :rolleyes:


هلا والله بورد الأمل هينيش أنتي كل هالمدة هين منخشة :عيار: :cool:

[وردة ذابلة]

قصــة تحاكي الواقع الملمــوس .. الله يعينهم

تسلمي يالبدوية ع السرد الجميل:):cool:


يا هلا بالقرنفلة كيف تسيري معانا أنا والمحبة عند برج الصحوة بنمر تحت ذاك الجسر الغاوي :عيار: :cool:

[وردة ذابلة]

حلــوه :)

بس عورتينــا فوادنا مسكين عمنا الشيــبه بهدلتي حياته زين ما زين :D :عيار:


سلامة فوادكِ :)

بس مو أنا اللي بهدلته حظه النحس :cool:

[وردة ذابلة]

اكبر عيارة



ايش يعني عيارة :rolleyes: :cool: :عيار:

[المحبه]

عاد ما حصلتي غير قرنفلووو العوالة تدافع عنا :عيار:

المهم من يدفع حال البترول أنتي وإلا قرنفلوا وعشان أفرحكن أوديكن هذاك الجسر تحيديه :عيار: :cool:

مالها واعليها :o
نتجال ككل واحده نص ريال :D :عيار:
ونسير نداور حيت ذاك الجسر كنها لعبه :نطوط:

[وردة ذابلة]

مالها واعليها :o
نتجال ككل واحده نص ريال :D :عيار:
ونسير نداور حيت ذاك الجسر كنها لعبه :نطوط:


انزين ما مشكلة كل وحدة منكن تعطيني نص ريال قبل ما نطلع وأنا بأتصرف :عيار:


ونداور هناك إلين تصرخن وتقولون بس :عيار: :cool:

[@ماكديت@]

:cool: ما فاضية :cool:
جير واحد:D

[وردة ذابلة]

جير واحد:D



نااااااا والله ضحكتني :cool:

[@ماكديت@]

نااااااا والله ضحكتني :cool:
الضحك مفيد في بعض الأحيان واموه تقولي

[رائعة]

مسكين راعي التاكسي :ضحك:
حلوة قصته بس محزنه يكسر الخاطر
لا وبعد حرمته من الصوب الثاني تنازعه
الله المستعان
الطيب ما يعيش هالأيام
إن لم تكن ذئبا أكلتك الذئاب :mad:


يسلمو الأيادي أم البيكب :D

[اميرة الحقول]

ياربي موضوعج طويل

[صقرالشمال]

ممكن احد يدلنا على معاهد تعليم اللغات محادثة وكتابة
في الباطنة

[مرتاح البال]

:عيار: :عيار:

الغم إن زوجته ما تصدّق:p أقول البدوية روحي حال زوجة سائق التاكسي وخبّريها بالحقيقة:ضحك: :p

:عفريت:

[الحاج فلوس]

هين شايفنهم خبرني ما بأخبر حد :عيار: :cool:

روي لاه بعد هين:mad:

[الغيثي1]

وفي السماء رزقكم وما توعدون

[وظحــــــــــه]

أنا التكاسي أرحمهم لكن أخاف على عمري منهم

[وردة ذابلة]

الضحك مفيد في بعض الأحيان واموه تقولي


إن الضحك يطهر النفس
وهو الذي يملك مفتاح القيم الإنسانية
والفهم السليم
والفكر الواضح
والمزاج الهادئ
والنظرة المستنيرة إلى الحياة:cool:

[وردة ذابلة]

مسكين راعي التاكسي :ضحك:
حلوة قصته بس محزنه يكسر الخاطر
لا وبعد حرمته من الصوب الثاني تنازعه
الله المستعان
الطيب ما يعيش هالأيام
إن لم تكن ذئبا أكلتك الذئاب :mad:


يسلمو الأيادي أم البيكب :D


الله يسلم غاليكي با الغالية ايش رأيك أخذك في جولة في البيكب الأصفر :عيار: :cool:

[وردة ذابلة]

ياربي موضوعج طويل



:eek:


كيف خلصت البطاقة :عيار: :cool:

[وردة ذابلة]

ممكن احد يدلنا على معاهد تعليم اللغات محادثة وكتابة
في الباطنة


:rolleyes: :rolleyes:

امسك لك خط الشرقية سير يمين بعدين يجيك تقاطع سير يسار اطلع فوق الجبل انزل الوادي سير جنوب تحصله على شمالك :عيار: :cool:

[وردة ذابلة]

:عيار: :عيار:

الغم إن زوجته ما تصدّق:p أقول البدوية روحي حال زوجة سائق التاكسي وخبّريها بالحقيقة:ضحك: :p

:عفريت:


وحدي ما متفيقة سير أنت عني بأعطيك عنوان بيتهم :cool:

[وردة ذابلة]

روي لاه بعد هين:mad:


هين نوبة ذي روي أول مرة أسمع عنها :rolleyes: :عيار: :cool:

[وردة ذابلة]

وفي السماء رزقكم وما توعدون


:cool: :)

[وردة ذابلة]

أنا التكاسي أرحمهم لكن أخاف على عمري منهم



هم صدج يرتحموا بس ما راحمين نفسهم يتضاربوا على مية بيسة :cool:

[الرتـــاج]

سلامة فوادكِ :)

بس مو أنا اللي بهدلته حظه النحس :cool:

مسيكين واحليله ,, :confused:

هذا لو فتح دكان كان بيبيع البضاعه ببــلاش ,, :D

هذا العماني الطيب ما ينفع لا في تجارة ولا سائق تكسي :D ;)

[وردة ذابلة]

مسيكين واحليله ,, :confused:

هذا لو فتح دكان كان بيبيع البضاعه ببــلاش ,, :D

هذا العماني الطيب ما ينفع لا في تجارة ولا سائق تكسي :D ;)


الحين أبي أعرف العماني طيب ولا حاسد :rolleyes: :عيار: :cool:

[سنونو]

يا هلا بالقرنفلة كيف تسيري معانا أنا والمحبة عند برج الصحوة بنمر تحت ذاك الجسر الغاوي :عيار: :cool:


عجب ضربووووووووووووووه السح

وه والشله


وما نقيتي غير مرتااااااحوووه الدب

[وردة ذابلة]

عجب ضربووووووووووووووه السح

وه والشله


وما نقيتي غير مرتااااااحوووه الدب



عاااد أنت ونصيبك :p :p :p :cool:

[الحاج فلوس]

هين نوبة ذي روي أول مرة أسمع عنها :rolleyes: :عيار: :cool:

هناك لاه:عيار:

[وردة ذابلة]

هناك لاه:عيار:



اهاااااااااا الحين عرفتها هذيك بو في الباطنة صح :عيار:

[الحاج فلوس]

اهاااااااااا الحين عرفتها هذيك بو في الباطنة صح :عيار:

ايو جنب دارسيت:عيار:

[وردة ذابلة]

ايو جنب دارسيت:عيار:


وهين دارسيت هذه فوق الجبل :cool:

[الحاج فلوس]

وهين دارسيت هذه فوق الجبل :cool:

شوي قدام عند الساحل:cool:

[وردة ذابلة]

شوي قدام عند الساحل:cool:


عيل بأسير عندهم أشتري لي نعال :cool:

[المحبه]

عاد البدوية
وفلوس
وملتقييين
طاح التخميس زين زين
:p
ملكة التخميس :p :D
:D

[وردة ذابلة]

عاد البدوية
وفلوس
وملتقييين
طاح التخميس زين زين
:p
ملكة التخميس :p :D
:D


:eek: :eek: :eek:

بس المحبة عن الفضايح :cool:

[المحبه]

:eek: :eek: :eek:

بس المحبة عن الفضايح :cool:
:عيار: :p

كيدنج

[مخاوي الحق]

ما أعرف هل هذي المعادلة صحيحة!!

سائق تاكسي = عقل ما فيه:D



** بالفعل ظاهرة ملاحظة وبصراحة يبغالهم يلمّوا كلهم السوّاق فسوق الجمعة ويسويولهم محاضرة عن هالشيء يمكن يؤثر فيهم :عيار: :p

** قضية ما شيء خرده جربناها يوم صغار وكان دايما تنفع (لمن كان تحت التجربة ... عفا الله عما سلف وسامحنا:عيار: :D )

:)

[وردة ذابلة]

:عيار: :p

كيدنج


مال مو ذي نوبة :عيار: :cool:

[وردة ذابلة]

ما أعرف هل هذي المعادلة صحيحة!!

سائق تاكسي = عقل ما فيه:D



** بالفعل ظاهرة ملاحظة وبصراحة يبغالهم يلمّوا كلهم السوّاق فسوق الجمعة ويسويولهم محاضرة عن هالشيء يمكن يؤثر فيهم :عيار: :p

** قضية ما شيء خرده جربناها يوم صغار وكان دايما تنفع (لمن كان تحت التجربة ... عفا الله عما سلف وسامحنا:عيار: :D )

:)


إنزين فيك أنت الخير لمهم وسويلهم المحاضرة :cool:

[المحبه]

مال مو ذي نوبة :عيار: :cool:

سلامات :cool: :عيار:
:عيوريه:

[مخاوي الحق]

إنزين فيك أنت الخير لمهم وسويلهم المحاضرة :cool:
إعطيني قائمة بأسماء اللي تعرفيهم:عيار:

لازم نسوي تجربة قبل:p

[وردة ذابلة]

سلامات :cool: :عيار:
:عيوريه:


متى مااات :eek:


مسكين يحليله وافقر حيانه وافقر عيالهم ومسكينة هذيك الحرمة بو عنده يالله ما يهونوا الصغيرين مو بتسويبهم وهذاك العم بو متربص لهم عشان يشيل الأرض بو مخلفلهم إياها أبوهم وعليهم المساكين وهذيك الحرمة الفقيرة مو بتسوي وأولادها كلهم صغار ما يصير حرام والله حرام :( :cool:

[وردة ذابلة]

إعطيني قائمة بأسماء اللي تعرفيهم:عيار:

لازم نسوي تجربة قبل:p



إنزين بأعطيك القائمة بس بشرط ما تخبر حد ما متفيقة حال عوار الرأس :cool:

[المحبه]

متى مااات :eek:


مسكين يحليله وافقر حيانه وافقر عيالهم ومسكينة هذيك الحرمة بو عنده يالله ما يهونوا الصغيرين مو بتسويبهم وهذاك العم بو متربص لهم عشان يشيل الأرض بو مخلفلهم إياها أبوهم وعليهم المساكين وهذيك الحرمة الفقيرة مو بتسوي وأولادها كلهم صغار ما يصير حرام والله حرام :( :cool:
:ضحك: :ضحك:
اسير عنكم
عندي رحله ليلية اليوم :عيار: :D

[وردة ذابلة]

:ضحك: :ضحك:
اسير عنكم
عندي رحله ليلية اليوم :عيار: :D


هين بتسيري خبريني لاه هذاك المكان بو حيت الجسر لا تنسي خطفي عليه :cool:

[الحاج فلوس]

عيل بأسير عندهم أشتري لي نعال :cool:

وزيدلي سياره كامري:cool:

[وردة ذابلة]

وزيدلي سياره كامري:cool:


سير دورها :cool:

[الحاج فلوس]

سير دورها :cool:

ليش العنف:eek:

[وردة ذابلة]

ليش العنف:eek:


العنف يرجع إلى الفعل الثلاثي عنف يعنف فهو عنيف :cool:

[*الغريب*]

صحراء الربع الخالي فيها تكاسي بعد
ولا بوش بس :rolleyes:

[الحاج فلوس]

العنف يرجع إلى الفعل الثلاثي عنف يعنف فهو عنيف :cool:

مالخطب يا أمرأه:rolleyes:

[alqassabi]

قصه حلوه

[وردة ذابلة]

صحراء الربع الخالي فيها تكاسي بعد
ولا بوش بس :rolleyes:



كل شيء فيها بو ما تتصوره ولا تتوقعه:cool:

[وردة ذابلة]

مالخطب يا أمرأه:rolleyes:


الخطب من الخطابة فخطب يخطب خطباً فهو مخطوب :p :cool:

[وردة ذابلة]

قصه حلوه


شكراً:cool:

[مخاوي الحق]

إنزين بأعطيك القائمة بس بشرط ما تخبر حد ما متفيقة حال عوار الرأس :cool:

بعدني أحرص ....:p

[وردة ذابلة]

بعدني أحرص ....:p



رسلت لك القائمة مع فلووووس كيف ما وصلت بعدها :cool:



أخاف يكون عطاها الهوش :cool:

[مخاوي الحق]

رسلت لك القائمة مع فلووووس كيف ما وصلت بعدها :cool:



أخاف يكون عطاها الهوش :cool:

يوم التكله عليش نتيه وفلوس:عيار:

أروح أتريق أفودلّي:p

[مخاوي الحق]

بأنزل موضوع قبل ..... بعدهم جالسين يدوروا الجبن وكيبان الشاهي:p :D

[وردة ذابلة]

يوم التكله عليش نتيه وفلوس:عيار:

أروح أتريق أفودلّي:p


إنزين زيدلي لاه :cool:

[وردة ذابلة]

بأنزل موضوع قبل ..... بعدهم جالسين يدوروا الجبن وكيبان الشاهي:p :D



يعني شيء فيه تخميس ولا ماشي :cool:

[مخاوي الحق]

يعني شيء فيه تخميس ولا ماشي :cool:

ما شيء حالش والموضوع عاد هابط وواصل الخوير:D

[وردة ذابلة]

ما شيء حالش والموضوع عاد هابط وواصل الخوير:D



يا ربي وما طاوعك قلبك تجي تخبرني عنه :rolleyes: ولا خايف عن أقلبلك إياه :cool:

[مخاوي الحق]

يا ربي وما طاوعك قلبك تجي تخبرني عنه :rolleyes: ولا خايف عن أقلبلك إياه :cool:

أخبرش هين:معصب: :p
عادي مواضيعي خذي راحتك فيهن (من دامنّي ما كاتب فيهن لا للهياسه:عيار: )

[وردة ذابلة]

أخبرش هين:معصب: :p
عادي مواضيعي خذي راحتك فيهن (من دامنّي ما كاتب فيهن لا للهياسه:عيار: )



كذاك السالفة عيل قررت إن أرفعك بالضمة وأنصبك على الجدار :cool:

[ورد الامل]

هلا والله بورد الأمل هينيش أنتي كل هالمدة هين منخشة :عيار: :cool:
هـلا بـ ( البـدويـة ) والله .. مـوجـودين يالعزيزة :p ..

بـس أنتِ المنخشـة .. اختفيـتِ بالمـرة ! :rolleyes:

[مخاوي الحق]

كذاك السالفة عيل قررت إن أرفعك بالضمة وأنصبك على الجدار :cool:

سأكسر لك أضلاعك يا امرأة وسأفتح فرأسك شوارع:عيار:

[مخاوي الحق]

هـلا بـ ( البـدويـة ) والله .. مـوجـودين يالعزيزة :p ..

بـس أنتِ المنخشـة .. اختفيـتِ بالمـرة ! :rolleyes:

أعرف حد يسوي حوره ... إذا تريدي مساعدة خبريني:p :D

بنطلع البدوية وحتى فردة جوتيها:عيار:

[وردة ذابلة]

هـلا بـ ( البـدويـة ) والله .. مـوجـودين يالعزيزة :p ..

بـس أنتِ المنخشـة .. اختفيـتِ بالمـرة ! :rolleyes:



اشوية ظروف مريت فيها بس هذه أنا رجعت مثل أول ولا شنو رأيك :cool:

[وردة ذابلة]

سأكسر لك أضلاعك يا امرأة وسأفتح فرأسك شوارع:عيار:



يا الهول يا الهول من الذي يتحدث


هذا أنت يا صعلوك إذن سأريك من أكون أنا


تقول ستفتح في رأسي شوارع إذن سأفتح في مخك جسور ودواوير :cool:

[وردة ذابلة]

أعرف حد يسوي حوره ... إذا تريدي مساعدة خبريني:p :D

بنطلع البدوية وحتى فردة جوتيها:عيار:


بس أنا يا الدب ما ألبس جوتي ألبس نعال :p :p :cool:

[مخاوي الحق]

بس أنا يا الدب ما ألبس جوتي ألبس نعال :p :p :cool:

دائما:rolleyes:

متأكدة:عيار:

[مخاوي الحق]

يا الهول يا الهول من الذي يتحدث


هذا أنت يا صعلوك إذن سأريك من أكون أنا


تقول ستفتح في رأسي شوارع إذن سأفتح في مخك جسور ودواوير :cool:

أونسيتي يا السنقه أسطول سياراتنا التي درات وقرزت وخمست في نغاغتك والقمل فرأسك اللي كان سبب تغريز بعض الشاحنات المحملة بغرش الزموتا:cool:

[وردة ذابلة]

دائما:rolleyes:

متأكدة:عيار:



ليش أنت شاك يعني :cool:

[وردة ذابلة]

أونسيتي يا السنقه أسطول سياراتنا التي درات وقرزت وخمست في نغاغتك والقمل فرأسك اللي كان سبب تغريز بعض الشاحنات المحملة بغرش الزموتا:cool:


وشو اللي يدخل غرش الزموتا في رصف الشوارع صدق إنك دب :cool:

[مخاوي الحق]

ليش أنت شاك يعني :cool:

شكّيت آخر مره وطيتي عند الباكستاني فالسوق بس بعد مخاوضة الفلج والجلب إنقصت!!:(

[مخاوي الحق]

وشو اللي يدخل غرش الزموتا في رصف الشوارع صدق إنك دب :cool:

سؤال ورد غطاه (موه شّت:D )

نغاغتك فالجانب الأيسر من راسك ولا الأيمن:D :cool:

[وردة ذابلة]

شكّيت آخر مره وطيتي عند الباكستاني فالسوق بس بعد مخاوضة الفلج والجلب إنقصت!!:(



ومن قالك تخاوض الفلج المرة الجاية خاوض الوادي أحسن ما يقصها يسيحها :cool:

[وردة ذابلة]

سؤال ورد غطاه (موه شّت:D )

نغاغتك فالجانب الأيسر من راسك ولا الأيمن:D :cool:



أنته أدرى أسأل عمالك بو مطرشنهم :cool:

[مخاوي الحق]

ومن قالك تخاوض الفلج المرة الجاية خاوض الوادي أحسن ما يقصها يسيحها :cool:

هيه صح الوادي عندنا يهبط كل يوم:cool: :cool: :D

[مخاوي الحق]

أنته أدرى أسأل عمالك بو مطرشنهم :cool:

كيف غديتوهم ولا بعدكم:confused: :p
تراه وراهم شغل بعد الظهر ولا تو تراه بأطرشهم يقلعوا كل الصرم بو فجلبكم:عيار:

[وردة ذابلة]

هيه صح الوادي عندنا يهبط كل يوم:cool: :cool: :D




:cool: :cool: :نطوط: :نطوط: :cool: :cool:

[وردة ذابلة]

كيف غديتوهم ولا بعدكم:confused: :p
تراه وراهم شغل بعد الظهر ولا تو تراه بأطرشهم يقلعوا كل الصرم بو فجلبكم:عيار:


هذا بو قاصر :معصب:


خلهم بس يتقربوا ما قلعتلهم عيونهم :معصب: :cool:

[وردة ذابلة]

:cool:




حرة موضوعي وأبي أرجعه :cool:



اللي عنده مانع يجي يضارب :cool:

[MaLaKi]

... حلو الموضوع .. طرطوب :cool:

[الحاج فلوس]

الخطب من الخطابة فخطب يخطب خطباً فهو مخطوب :p :cool:

عقبالنا:( :(

[وردة ذابلة]

... حلو الموضوع .. طرطوب :cool:



مو طرطوب واحد طرطوبين :cool: :cool:

[وردة ذابلة]

عقبالنا:( :(



ود الحلال لا تستعجل بتواحي على مصائب الزواج :cool:

[ورد الامل]

اشوية ظروف مريت فيها بس هذه أنا رجعت مثل أول ولا شنو رأيك :cool:
الحمـد لله :p

سعيـدة بعودتـك مثـل قبـل :)

[المحبه]

صباح الخير :)
بعدش تهايسي هنا
حالمو قلتي حال عمي وينوووو يقفل ذاك الموضوع بو الرسوم المتحركه :D
:عيوريه:

[وردة ذابلة]

الحمـد لله :p

سعيـدة بعودتـك مثـل قبـل :)



وأنا أسعد بوجودك يا الغالية:cool: :) :cool:

[وردة ذابلة]

صباح الخير :)
بعدش تهايسي هنا
حالمو قلتي حال عمي وينوووو يقفل ذاك الموضوع بو الرسوم المتحركه :D
:عيوريه:



عشان أفرحه أعرفه يحب يقفل قلت يالله أخليه يقفلي هذاك الموضوع وبعدين يمكن يسويلي واسطة ويعزمني على العشاء:cool:

[المحبه]

عشان أفرحه أعرفه يحب يقفل قلت يالله أخليه يقفلي هذاك الموضوع وبعدين يمكن يسويلي واسطة ويعزمني على العشاء:cool:

عاد ما :عيوريه: بدو:p :D

تو مو قالو
ولا بعده :نطوط: ;)

[وردة ذابلة]

عاد ما :عيوريه: بدو:p :D

تو مو قالو
ولا بعده :نطوط: ;)



بعده أشوية أشوية ليش مستعجلة

المستعجل مأكل شوبه ني :cool: خلينا نطبخه على نار هادئة

وسوف أعلمك بالجديد على الخاص :cool:

[المحبه]

بعده أشوية أشوية ليش مستعجلة

المستعجل مأكل شوبه ني :cool: خلينا نطبخه على نار هادئة

وسوف أعلمك بالجديد على الخاص :cool:
حسنا حسنا :p
حلوه هذي سوف
وأعلمك
بس ناقصنش التشكيل :p :D

[وردة ذابلة]

حسنا حسنا :p
حلوه هذي سوف
وأعلمك
بس ناقصنش التشكيل :p :D


باغين نتطور لاه :cool:


وأنتي مو فيش ما تشكلي يوم شايف ناقص التشكيل شكلي :cool:



على طاري التشكيل شاتي البارحة ولدت وجابت شكول جدي وصخلة تعجبني مبونها تشكل :cool:

[المحبه]

باغين نتطور لاه :cool:


وأنتي مو فيش ما تشكلي يوم شايف ناقص التشكيل شكلي :cool:



على طاري التشكيل شاتي البارحة ولدت وجابت شكول جدي وصخلة تعجبني مبونها تشكل :cool:

:ضحك:
عجب غايته نجي نبصرهن :D
وغاية الغراميل والشواب والعسليه :D :عيار:

[وردة ذابلة]

:ضحك:
عجب غايته نجي نبصرهن :D
وغاية الغراميل والشواب والعسليه :D :عيار:



تعالي شوفيهن حلوات مرة بأسوي حاليش عقيد من حليبها :cool: