|
|
|
#1
13/10/2006, 01:37 PM
|
|||
|
|||
|
مشكلة الدراجات النارية في ولاية نزوى
بصراحة تامة ما شفت منطقة في بلادنا الحبيبة سلطنة عمان فيها دراجات نارية أكثر من ولاية نزوى ، وكل يوم أو شبه يوميا تسمع فلان مسوي حادث أو متوفي والسبب دراجة نارية ،
يوم تروح سوق نزوى يمكن الدراجات ما تنقطع ويتجاوزو من اليمين واليسار ، والدراجات لا رقم والي يسوقو ما عندهم رخص للقيادة وأغلبهم أطفال ما هو الحل................................... |
|
مادة إعلانية
|
|
#2
13/10/2006, 01:43 PM
|
||||
|
||||
|
والله هالمشكله فكل مكان حتى فالباطنة انا اشوفها بشكل كبير
|
|
#3
13/10/2006, 01:45 PM
|
||||
|
||||
|
صحيح ان الدراجات في نزوى الان صارت هم .
|
|
#6
13/10/2006, 02:27 PM
|
|||
|
|||
|
الشيمه لا تحرضو الشرطه علينا تراها من تبدي تتخذ أجرائتها ضدنا ماتترك دراجه ماتصادره وتبدء عمليات المطارده
وماتقول ألا فلم بوليسي حتى الشرطه المدنيه يستخدموها لهذي العمليه 0 وأنا كفاني عاد منهم 0 |
|
#7
13/10/2006, 02:35 PM
|
||||
|
||||
|
اقتباس:
|
|
#9
13/10/2006, 03:08 PM
|
|||
|
|||
|
اقتباس:
وانا جيتك بهمر ويش اتقول ( الله بس يعيني ) ياخي الدراجات وسواقتهم شغف وحب يبدأ من وانته صغير بس اسئلك انته في مره ولو بس مره ركبت دراج أكس ال 750 سي سي وعلى سرعة 140 كم كنت بتشوف الفرق وبتحس بالمتعه طبعا هذا رأي شخصي |
|
#10
13/10/2006, 03:22 PM
|
|||
|
|||
|
خلوهم يستمتعوا
هاذولا من ذوات الدخل المحدود هاذولا ما يقدروا يشتريوا سيارات مثلكم واهلم شيء النظام يعني اعطوهم ندوات وتعليمات في عمليات السير واستخدام الطريق وفالكم طيب ان شاء الله |
|
#12
13/10/2006, 03:52 PM
|
|||
|
|||
|
اقتباس:
 انته تعرفهم عشان تقول من ذوي الدخل المحدود انا اعرف واحد ابوه رصيده في البنك وصل 6 اصفار يعني مليونير من نزوى وفوق هذا يسوقلك دراج مال 70 سي سي الحين قولي هذا من ذوي الدخل المحدود وبعدين راعي في كلامك ما تكون مثل اللي في هذه الصوره  يتكلم واهم حاجه يتكلم ما يفهم ويش يقول
|
|
#13
13/10/2006, 05:34 PM
|
|||
|
|||
|
الدراجات لا علاقة لها بالدخل
هل تعلم؟ أن نزوى (في فترة من الفترات) كانت أكبر مدينة عربية في عدد الدراجات !! |
|
#15
13/10/2006, 06:59 PM
|
|||
|
|||
|
يا شباب حيرتونا تو نزوى مدينة المطبات أو مدينة الدراجات أو مدينة التاريخ أو مدينة بدون شارع مزدوج خليكم من هالسوالف وقولوا الحقيقة
بس انا عندى دراج واسوق عادي اسرع 120 كم فيه متعة تراه فترة المراهقة احسن فترة فى حياة الانسان واكثرها شقاوة دائما اهرب من المدرسة بالدراجة مع شلة بس تعرفوا وين نروح ؟ اخبركم صبروا شوية بعدكم صبروا ما تستعجلوا ليش باين تعرفوا ايش هالفضول بعده شوية الطريق طويلة بس تعرفوا ليش نهرب نمل من الاستاذ المصري الثرثار علي الفاضي وصلنا قريب وصلنا الحين نروح صوب girls school ومطعم الشارومة اتمنى عجبتكم هالسالفة |
|
#16
13/10/2006, 07:21 PM
|
||||
|
||||
|
والله تبو الصراحه احنا لما نطلع من عبري رايحين الدوام مسقط مانحاتي غير الدراجات يوم نوصل نزوى مامشكلة السرعة المشكله انهم يتخششو بين السيارات يدورولك براسك والمشكلة اذا مشى قدامك واحد شايب عنده دراجه 70يبيلك ساعه لين توصل دوار فرق ..... الله يعينا
|
|
#17
13/10/2006, 09:22 PM
|
||||
|
||||
|
بصراحه انا شخصيا منزعج من هالسالفه تعرفو ليش
 عشان احينا اريد اطلع امشي مع ام العيال و اعمل جو رومنسي لكن الدراجات تخلينا نحس انا في فلم بوليسي 
|
|
#18
14/10/2006, 01:04 AM
|
|||
|
|||
|
اقتباس:
|
|
#19
14/10/2006, 02:05 AM
|
|||
|
|||
|
من زمان ايام الدراسة كنت اسمع عن الشرطة انها كانت تحجز الدراجات لأسباب هم ادرى بها وكنت اقول هذولا الشرطة ما لاقين شغل , بس الحين اقول العكس لازم تسوى وحدة مكافحة الدرجات كما وحدة مكافحة الشغب. ما حاله أتكون ماشي في الشارع وايجي دراج يتخشش بن السيارات
لا وبعد ما يحاسب! اتكون تمشي فمكان ضيق ايجي دراج يخش معاك وتضطر تخليه يعدي وحدث ولا حرج اللي يمشي بالمسار الخاطئ
|
|
#20
14/10/2006, 02:32 AM
|
|||
|
|||
|
عندي زميل من نزوى من يوم ابتدا يسوق ما يسوق غير دراجه وحاولت معه سنين عشان يترك الدراجه بدون فايده وكل مره التقي معاه اطفربة عشان يترك الدراجه وفي النهاية الحمد لله رجع الى صوابه واشترى سياره.. اكيد لي ساكنين نزوى يعرفوه دائما يحط الخيزرانه تحط باطه يوم يسوق..
|
|
#21
14/10/2006, 06:02 AM
|
||||
|
||||
|
مــعلومة جـــديدة وقــوية أنـه نـزوى كـانت في فـترة أكـبر مدينة عـربية بهـا دراجات
خلــينا بالمــهم الدراجــة هيه هوايـــة من قــبل شباب نــزوى قــبل أن تــكون أي شيء آخــر ثـــانيا والأهــم نـــزوى لــيست كــكل البــلدان متـــفتحة جـغرافيا .. بمــعنى لو دخـلتم داخــل الولايـة أو في مـركزهـا لرأيــتم كيف الحـارات والشــوارع الضيقـة جدا جدا...تتسع لسيارة واحــدة فــقط يعــيشون بين مـزارعهم والبــيوت متلاصـقة مع بعـضها البعــض وعـندما تمــشي هـناك بصـراحة ينـشرح الصـدر..... بســاتين وبــيوت ونـاس مع بعــض لدرجـة أن رفـع اليـد أو السـلام عندما تمـر تجـدها في كل صبي صغـير أو كـبير...وعلى كـبر الولايـة لكن لكـون النـاس تعـيش في مـكان واحـد تـقريبا تـجد القـاصي يعرف الداني........فـنزوى تحـيط بهـا الجـبال من كـل جانب لــذا ومن هـذا المنطـلق............ شوارع تتســع لسيارة واحدة فـقط ولايـــة كبيرة جدا يعــيش أغلب سكـانها في مكـان واحد وين الأفضــل سيارة ولا دراجـــــة؟؟؟؟؟؟؟؟؟؟؟؟؟؟؟ ؟؟؟؟؟؟؟ أســـرع وسيلة للتنــقل في هـذه المنـاطق هـيه الدراجة.....وأأمـــن عن السيارة بكثير لأنـك تـسوق في أمـكان ضيقة وأبواب المنازل ع الشـارع فتخـيل بسيارة وولد طـالع يركض من البيت...شو بيصير؟؟؟ نـاهيك إنه إذا مـا عندك موقف في البيت توقفها ف الشـارع ونـظرا لضـيقه أعــتقد ماشيء سـيارة صـاحية من القشــور أضــف إلى ذلك أن الشـرطة في نـزوى لا يسمـح لها بالمـطاردة داخـل نـزوى وفي هـذه الشـوارع وسمــعت إنه في مـرة من زمــان الشباب وضــعوا حـبل في الطـريق لراعي دراج شــرطي يطـارد شباب وسـقط ع الأرض هـوه ودراجــه فـــخلوا النـــاس بحــالها......ومــا أعــتقد ضاريــنكم بشيء وأغــلب حوادث الدراجـات هيه حـوادث تدهــــور أو إصـطدام بعمود ثابت وليس إصــطدام بسيـــارة فخــلوا النــاس بحالها..............وانـــتبهوا لشــارعكم ومـا يهمكم شو يسـوي غـيركم بحــفظ الله  |
|
#22
14/10/2006, 06:14 AM
|
||||
|
||||
|
اتفق مع الاخ مستر البوسعيدي واستخدام الدراجات بدل السيارات انظف بيئيا ويقلل الزحمه
|
|
#24
14/10/2006, 08:29 AM
|
|||
|
|||
|
فيه ناس هوايتهم الدراجات وكما سمعت أن الشرطة الحين تدور الدراجات وتصادرهن
حتى صارت خسائر في محال بيع الدراجات وعند الشباب أنا اعرف واحد شاري دراجة ب500 ريال والحين ب200 ما حصل حد يشترية مع انه ما مر عليه شهرين والله ضلم. |
| أدوات الموضوع | البحث في الموضوع |
| تقييم هذا الموضوع | |
|
|
عشت في نزوى 9 سنوات وبالفعل لفت إنتباهي كثرة الدراجات 
