|
|
|
#1
29/09/2006, 03:07 PM
|
|||
|
|||
جافا2000 في جمهورية التشيك (تجربة حياة)
جافا2000 عاد إليكم من جديد
مع الإعتذار لمسلسل الكابتن ماجد في البداية حاب أشكر جميع الأخوة والأخوات اللي سألوا عني في فترة الغياب، كانت فترة دراسة طويلة مملوئة بالضغوطات والآلام (ما كنت أحصل اسبرين  )، والحين بعد ما تخرجت من فخر عمان جامعة السلطان قابوس (صاروا ينادوني مهندس أوين) سأحاول جاهدا العودة الى سبلتي الحبيبة سبلة ترويح القلوب--- فاصل إعلاني تعلن مكتبة عادول الكبرى بيع مساحات وبرايات ودفاتر لطلاب المدارس للصفوف الثاني والخامس والحادي عشر فقط وذلك بمناسبة بداية العام الدراسي الجديد عذرا على الاعلان المتأخر بس ساعة عادول متأخرة شهر! --- خلوكم من الخرابيط اللي قبل وخلونا ندخل في لب الموضوع (ترا ما جوعان لكن كلمة لب عجبتني لو انها تذكرنا باللمبا)، كجزء من الدراسة كان لازم اسوي تدريب صناعي، وانا اخترت جمهورية التشيك عشان التدريب، لا تسألوا ليش لانه من اسرار المهنة  طور التجهيزات: كنت متحمس كثير واملا الاستمارات اول باول من دون تأخير عشان ما يكون فيه عذر للرفض لين ما جات الموافقة عليّ وهاك اليوم جافا طار من الفرحة لانه بيسافر لاول مرة في حياته، ووين؟ الى التشيك، المهم كان لازم اني اعقد قمة على مستوى العائلة لمناقشة القضية وابعادها السياسة والاقتصادية، والحمد لله القمة خرجت بتوصيات كثيرة واهمها قائمة بالاشياء اللي لازم تكون في الشنطة بدت عملية الشراء والتبضع والسيرات والجيات عشان اكمل هذي القائمة لحد ما اكتملت قبل يوم من السفر تقريبا ساعتها لما حاولت اشيل الشنطة كانت توزن تقريبا 28 كيلو .. بالعماني تكسر الظهر .. غير عن كذا عندي الشنطة الثانية حوالي 15 كيلو السفر: ركبت الطايرة .. عاد ما مكان كاني في باص فيه مكيف ومكينته مزودة، طبعا كنت حافظ دعاء السفر فبديت أقرأه واللبانة في الثم (نصايح السفر كانت شغالة) طارت الطيارة وبديت اشوف من الدريشة احاول اميز مسقط في الليل بالليتات قدرت اعرف الجامعة وبعد كذا ما عرفت شئ لين وصلنا فرانكفورت في الفجر طبعا ما نمت لاني منتزق، هناك كان لازم اغير الطيارة واركب اللي تروح للتشيك، بس كان عندي تقريبا 4 ساعات فقلت اتمشى فالمطار بشنطتي اللي وزنها 15 كيلو (ظهري راح فيها)، وانا اتمشى نسيت الجواز وتذكرة السفر في وحدة من العربات في المطار وركبت القطار اللي يوصل بين جنبات المطار، وبعد فترة انتبهت انه الجواز ما معي، ساعتها بديت اتخيل اني اطبق في المطار وما اقدر اطلع منه، قلت اروح اسأل الشرطة فقالي روح شوفه في المكان اللي نسيته فيه (حسيت بغباء)، رجعت للعربة والحمد لله حصلت الجواز في مكانه، وتابعت الرحلة الى التشيك اللي استقبلتني بمطر غزير وبرد وانا طالع من الغربي في عمان --- فاصل إعلاني: شركة سيارات وسفن وطائرات بوتمشي وبو تبحر وبو تطير تسلم عليكم وتقول مو اخباركم؟ --- هنا تعبت من الكتابة وباكمل الطباعة بعدين .. كما يقولوا ترقبوا الجزء الثاني السموحة على الغبار ترا حصلت الاشتراك مالي حليان ومصدي باحاول اسوي له صيانة في الفترة القادمة صح نسيت أخبركم هالكلام صاير في صيف 2005 يعني من الارشيف يتبع...، |
|
مادة إعلانية
|
|
#2
29/09/2006, 03:21 PM
|
||||
|
||||
|
اقتباس:
|
|
#5
29/09/2006, 03:27 PM
|
|||
|
|||
|
اقتباس:
الجزء الثاني في قيد الطبخ .. |
|
#6
29/09/2006, 03:29 PM
|
|||
|
|||
|
مبــروك عليك التخــرج...يا جافا...  وعقبــال الــ ماستر دجريي... بانتظار التتمـــة...  |
|
#7
29/09/2006, 03:37 PM
|
|||
|
|||
|
اقتباس:
 )التتمة فيها بلاوي
|
|
#8
29/09/2006, 03:40 PM
|
|||
|
|||
|
اقتباس:
أحســن... |
|
#10
29/09/2006, 03:51 PM
|
|||
|
|||
|
عزيزي جافا...أكو سماتي؟؟ دوبري؟!!
أقول جافا...لا تنسى تسلم على رباعتنا الSKIN HATE.  ....تراهم يحبونا وااااااااااااااجد....هي شلة برؤوس مصلعة ...وما أوصيك.......هم يحبوا يستقبلونك بالراوند كيك وكمين بوكس محترم....لهذا اذا حبيت تتمشى فلا تتمشى وحدك وخليك مع شلتك الطلبة.... يعني خلك بعيــــــــــــــــــــــ ــــد عن skin hate عالعموم ...لازم تاخذ درس عن اللهجة التشيكية حتى تمشي حالك ,وخاصة الاكل...تعرفنا عمانيين الكورة هي الدجاجة  الريبة هو السمك  مهم>>لا تخلط بين لحم الهوراتشوفا(بقر) والبراتشوفا(خنزير)......وبين الفودا(المويه) والفـودكا (خمر روشكي) بس يسدك اسميك مقورف....ما اخترت وقت تسير هناك غير رمضان!!! الله يعينك و يحفظك من كل شر .... ديـيـكي يم |
|
#11
29/09/2006, 03:58 PM
|
|||
|
|||
|
اقتباس:
 ويش هذا الغبار بو جايبنا اياه  احسن اسحب كلامي ورمضان كريم |
|
#12
29/09/2006, 04:28 PM
|
|||
|
|||
|
اقتباس:
تتكلم تشيكي؟ ... ترتوووب بصراحة ما مريت بـ skin hate هذيلا وين عايشين؟ .. الحمدلله ما تعرضت لأي مضايقات ياخي الاشتراك شوي قديم واريد حد يساعدني يشيل الغبار بو فيه .. فقلت محد غير حبايبي أهل الترويح يساعدوني
|
|
#13
29/09/2006, 04:37 PM
|
||||
|
||||
|
يتبعععععععععععععععععععععع ععععععععععععععععععععععععع ععع
|
|
#14
30/09/2006, 12:14 AM
|
|||
|
|||
|
اقتباس:
في ايام الجاهلية زرت أخت التشيك سلوفاكيا في مهمة دراسة ....لا تسألني ويش وداني هناك...مثل ما شايف...دمير قصة طويلة.... تعال ما خبرتنا ويش سالفتك في ارض شكودا ؟!!
|
|
#16
30/09/2006, 12:27 AM
|
|||
|
|||
|
اقتباس:
كيف سلوفاكيا رهيبة مثل التشيك ولا غير؟ .. عاد ما دراسة اللي في هذي البلدان .. جلست 6 أشهر وما طقت عمري سالفة أرض شكودا قادمة .. ذاكرتني بشكودا قديييييييييمة بس بعدها تمشي يسوقها دكتور في جامعة قديم مثلها .. ترقبوا الجزء القادم 
|
|
#19
30/09/2006, 12:39 AM
|
|||
|
|||
|
اقتباس:
ندفيد راسلك سلام وبطاقة تهنئة .. بس البطاقة انشرخت في الدرب الى هنا الهدايا خلصن .. راجع فيلو احيده مآخذ هديتك
|
|
#21
30/09/2006, 12:43 AM
|
||||
|
||||
|
اقتباس:
هلااااااااااااااااانا موجود في النت او المطعم او نادي السيب فيلوا اخذ الهديه !! اكيد اللحين عارضنها للبيع في سوق السبلة
|
|
#22
30/09/2006, 12:46 AM
|
|||
|
|||
|
اقتباس:
تو اقول فيلو موه يسوي اليوم في سوق السبلة ما احيد عنده فلوس
|
|
#25
03/10/2006, 09:26 PM
|
|||
|
|||
|
الجزء الثاني
وصلت مطار براغ (العاصمة التشيكية) وسط أمطار غزيرة خلصت اجراءات المطار وطلعت الى قاعة الانتظار حيث كانت طالبة من المنظمة العالمية لتبادل الطلاب تنتظرني ورافعة اسم المنظمة، ركبنا الباص (النقل العام) ونزلنا في أحد المحطات اللي فيها سكني المؤقت وطبعا استبلينا بشنطي الثقال المسكينة رحمتها مخلنها تساعدني في الشنط بعد كذا طلعنا ورحنا وسط المدينة اوين تريد تمشيني وتوريني الامكان المهمة، ما قصرت وعزمتني على الغدا على حسابي وطلبت لي فودكا (أحد أنواع الخمور) ما كنت أعرف ويش هذا الفودكا لين شفته قدامي، قلت لها هذا ما خمر؟ ... انا ما اشرب الخمر وعيوني مفتوحة على الآخر  وبدت الاحداث تتوالى وتتابع وبدأت بقية الشلة توصل البلد حتى صرنا تقريبا 12 شخص من دول مختلفة، طبعا لاني عماني لازم ألعب كورة بس في عمان انا دمير فيها لكن هناك أخوكم صار شيخ وهداف (الفرد وسط العورين شيخ )، وياما تهنا في المدينة وما عرفنا كيف نرد السكن والحالة حالةأهم المواقف اللي مستحيل أنساها هي لما كنت أحاول أشتري تذكرة للنقل العام، كانت على الشباك حرمة كبيرة وما تعرف تتكلم غير تشيكي وبغيت أفهمها اني باغي تذكرة لاسبوعين وعجزت بغيت حد يساعدني ما حصلت كنت وحدي والمحطة خالية، حاولت اسوي لها 15 بالاصابع ما شي فايدة .. لين في النهابة كتبت لها الرقم على ورقة وحصلت مرادي بعد ما قضيت معها حوالي ربع ساعة وغيرها وغيرها من المواقف الغريبة والعجيبة اللي صارت هناك بس الحمدلله عدت على خير وفي يوم الرجوع إلى عمان .. كانت رحلتي في الفجر وقررت اروح بالباصات الى المطار فكان لازم اركب آخر باص، يعني اذا راح عني راحت الطيارة .. وصلت المحطة وانتظرت الباص لين جا .. بس النحاسة اني ركبت الباص الغلط .. ويعني لازم ارجع في الباص المعاكس المهم نزلت في المحطة اللي بعدها (طبعا سالفة الشنط تكررت هنا بس هالمرة كنت وحدي) ورحت اركض للباص المعاكس اللي تسكر فيه الباب اول ما وصلت قدامه! .. ساعتها شفت عمان راحت عني واني راح ابقى في التشيك فترة طويلة بس ربكم ستر وانفتح الباب .. تنفست الصدعان ودخلت ورجعت عمان ... وتوتة توتة خلصت الحدوتةأدري ما حلوة
|
|
#26
03/10/2006, 09:36 PM
|
||||
|
||||
|
ما شاء الله جفجوووف هنا ! أشرقت وأنورت واستهلت وأمطرت
!باقي من الشلة عماني وتكمل الحسبة .حيا الله بمن لفانا ، نورت السبلة خينا .. راجع وعندك حكاوي كثيرة .. بس ما خبرتنا مدة السفرة كم ؟ وهل رجعت للوطن على طوووول والا بعدك وآخر شي .. تشاااااااااووووووو
|
|
#27
03/10/2006, 10:06 PM
|
|||
|
|||
|
اقتباس:
رحلة شيقة .
|
|
#29
04/10/2006, 12:29 AM
|
|||
|
|||
|
اقتباس:
لا يكون بيتنا الوحيد اللي ما فيه مطرأهلين أختي أمة الله .. شي جيلي؟ عماني له وحشة بس حتى فيلو ما اشوفه في الاروقة السفرة كانت ستة أسابيع من التشتيته .. بس كانت ايام لا تنسى
|
|
#31
04/10/2006, 12:43 AM
|
|||
|
|||
|
اقتباس:
الله يسلمك .. لكن عاد ما أحداث .. أول يوم تمنيت اني ارد عمان في أول طيارة .. بس لا تخبري حد
|
|
#33
04/10/2006, 12:53 AM
|
|||
|
|||
|
اقتباس:
أما الباصات .. فحدث ولا حرج مثل ما يقولوا ... ديوكو .. يعني شكرا
|
|
#35
04/10/2006, 01:04 AM
|
||||
|
||||
|
اقتباس:
|
|
#36
04/10/2006, 01:05 AM
|
|||
|
|||
|
اقتباس:
ممتاز موفق
|
|
#37
04/10/2006, 01:06 AM
|
|||
|
|||
|
اقتباس:
الحمد لله كله عال العال ... الدراسة خلصت وجاء دور العمل أفا كيف ما أعبركم .. المراقبة كانت مستمرة من بعيد لبعيد ... عشان النظام كيف أموركم؟
|
|
#38
04/10/2006, 01:07 AM
|
||||
|
||||
|
اقتباس:
|
|
#44
04/10/2006, 01:15 AM
|
|||
|
|||
|
اقتباس:
نووب لغة هم حرووز هااه شو بعد من الكلمات مسكتهن
|
|
#46
04/10/2006, 01:22 AM
|
|||
|
|||
|
اقتباس:
فيخود .. مخرج (عشان محطة المترو )ستانسي .. محطة وغيرها من الكلمات المتعلقة بالمواصلات .. وبعدني كنت اضيع احيانا هذاك القاموس ما اتذكره الا لما اطلع من ورطة ... كنت ناسي سالفته مع هذيك الحرمة
|
|
#47
04/10/2006, 01:22 AM
|
||||
|
||||
|
اقتباس:
|
|
#49
04/10/2006, 01:26 AM
|
||||
|
||||
|
اقتباس:
|
|
#50
04/10/2006, 01:28 AM
|
|||
|
|||
|
السلام عليكم ورحمة الله وبركاته
حياك الله جافا 2000
|
|
|
