|
|
|
#1
23/07/2005, 03:12 PM
|
||||
|
||||
|
~*¤ô§ô¤*~ رحلة في عالم الليزك ~*¤ô§ô¤*~
مرحبا ....
أحكيلكم سالفتي نظري ضعيف ....قلت بسي من العدسات ..خليني احترم نفسي وأسوي عملية ليزك سرت ركز مسقط للعيون سويت فحوصات وقالوا لي : حياج الله بعد يومين للعملية بعد يومين شرّفتهم في المركز أول شي انتظرت وايد العملية مدتها 5 د والناس واااااايد ما شاء الله حسيت نفسي في الهند من كثرهم الحريم اللي بيسون وياي العملية كانوا خايفات واااايد ... وأنا مسوية فيها شجاعة وأقول ما بيصير لي شيء بإذن الله بعد الإنتظار نادوني دشيت غرفة كبر علبة التونة ، لبست قبعتهم السحرية ونعال قماشي خطير ( حلو للسباقات ) ولبست لباس أزرق فوق ملابسي شكلي يخبّل يبالي صورة  غسلولي عيوني كأنها بلاط ما انغسل من سنتين .  .......... وعقّموا المنطقة اللي حول العين بالمطهرات لين حسيتها تجرحت ( اللحظات الحاسمة ) دشينا غرفة العمليات وأنا أذكر الله وأسبح حسيت عمري غنمة تساق إلى المذبحة شوي وبقول : امباااااع والدكتورة واقفة تسولف وتضحك ويا الممرضة ( صدق من قال : ضربة في غيرك كأنها في جدار) وأنا يحليلي هادية .............. بدؤا في عيني اليمين أول شيء حطوا على عيني جلاد شفاف ( اعتقدوني كتاب)  وطلّعوا عيني الغاوية من فتحة صغيرة في الجلاد ، ودخلوا حديدة دائرية توسع فتحتة العين نفس اللي سووها لتوم كروز في الفلم اللي غيروا له عينه فيه( تعوّر بس لازلت صامدة ) بأشعة بسيطة تم إزالة الغطاء إللي يحمي القرنية وقالوا لي ركزي في اللون الأحمر ... قرّبوا أشعة الليزك حسيت بحرارة وحرقان والدموع بدت تسيل شوي وانطفأ نور عيني بغيت أموت شو اعتميت ؟؟؟  بعدين استيقظ العلاق اللي في داخلي وقالي : هدّي أعصابج واذكري الله رائعة ، ناس وااايد سووا العملية وما صار لهم شيء ، شو بيصير لج إنتِ؟ هديت وبديت أسبح وعقلت وقلت اللي الله كاتبه بيصير ليش أحرق أعصابي استرخيت وارتحت ولازالت الدكتورة مستمرة في السوالف مع ممرضتها ، قلت أكيد هاي الحرمة واثقة من عمرها وعارفة شو تسوي ( اكتشاف :شيطان: ) بعد الليزك رجعوا الغطاء لعيني وبدؤا في تحريكه في العين ليثبت الغطاء حسيت أنها مب عين جدار بس الحمدلله إنهم حاطين تخدير موضعي للعين عن طريق قطرة طلّعوا الحديدة اللي تفتح العين وشلعت الجلاد من على عيني الله أكبر رموشي وحواجبي طلعوا في جلادها ( بس مو قادرة أنازع ) وانتقلوا للعين الأخرى ..... بعد 5 د من دخولي للغرفة ( مرّت بثقل) قالولي : مع السلامة خلصنا طلعت مع الممرضة للغرفة الأخرى ( علبة التونة) لبستني نظارة عجيبة كأنها مال الغواصين  وطلعت ........... نظري زين بس فيه غمامة بسيطة علاجها بالنوم 4 ساعات غطيت ويهي لا يتخبلون الناس عالنظارة السحرية ويسرقونها طلعت الاستراحة أدوّر أختي لقيتها رايحة تدوّرني فكرتني ضعت ( شو نحن في سوق سمك ؟) يلست في استراحة الحريم وسألت المصرية اللي جنبي وين أختي ؟ المصرية وهي تتنافض ( خايفة من العملية) : حتيجي دلوأتي . قلت لها : لا تخافين والله العميلة سهلة وبسيطة . التفتت إللي والصدمة على ويهها : إنت عملتيها ؟؟ إيه حسيتي بإيه ؟ بتوجع ؟ طب خفتي ؟ التفتت إلي كل الأنظار وكل البنات طالعوني وانطلقت شلالات الأسئلة آخر شيء كشفت ويهي وشافوا نظارتي العجيبة ( استحيت ) وبديت أشرح لهم تفاصيل العملية ( أمارس عملي ) وطمنتهم ... ويت أختي وشافتني كأني في قمة مؤتمر الكل صامت وأنا أشرح كان يبالي صورة عالجزيرة بس النظارات تفشّل ، اطمنت أختي علي وودعنا الجمهور وانصرفت مع دعواتهم الطيبة ودعواتي لهن رديت البيت وبغوا يصوروني عالنظارة السحرية حلفتهم ما يسونها لأنهم بيذلوني فيها لين أشوف أحفادي رائعة الآن نظرها 6\6 ....ما شاء الله : ][®][^][®][ومضة(1) ][®][^][®][ يقول الله عزوجل (وما أوتيتم من العلم إلا قليلا ) في لحظات يرجع النظر 6\6 وهذا العلم قليل ، ووصل الانسان للقمر ، وطار في السماء وكل هذا قليل ... فسبحان العالم الذي لا يخفى عليه شيء : ][®][^][®][ومضة(2) ][®][^][®][ أثناء العملية كانت هناك ممرضة مهمتها مسك إحد اليدين لبثّ الإطمئنان في نفس المريض إشعاره بالمؤازرة والله ريحتني واااايد ، حسيتها حاسه في رهبتي وقلقي لمسة تؤثر وتريح .. فهلاّ لمستم أبنائكم بحب ؟؟؟!!! فلمستكم تؤثر ذكرت العملية لهدفين : وأما بنعمة ربك فحدّت وللفائدة يمكن حد يبى يسويها
آخر تحرير بواسطة رائعة : 23/07/2005 الساعة 06:56 PM |
|
مادة إعلانية
|
|
#2
23/07/2005, 03:21 PM
|
||||
|
||||
|
حمد لله على سلامتك عزيزتى...راائعه..
واللحين ممكن تشوفينى زين..:شيطان: |
|
#3
23/07/2005, 03:32 PM
|
|||
|
|||
|
حمدا لله على سلامتك
|
|
#4
23/07/2005, 03:36 PM
|
|||
|
|||
|
فديتج عزيزتي رائعه...
الف الحمدلله على سلامتج... تجربه عشناها وياج... الله لا يعودها... توفقتي ف اختيار الومضات... |
|
#6
23/07/2005, 04:42 PM
|
|||
|
|||
|
مشكورة صراحة على الشرح
لكن عندي سؤال لأني ناوي اروح عندهم اسوي فحص وعملية كم التكاليف؟ وكم يوم تقريبا لازم الواحد يرتاح في البيت قبل لا يقدر يطلع ويداوم؟ آخر تحرير بواسطة إنسان ثاني : 23/07/2005 الساعة 04:45 PM |
|
#7
23/07/2005, 04:49 PM
|
|||
|
|||
|
حمد لله على سلامتك
|
|
#8
23/07/2005, 05:09 PM
|
||||
|
||||
|
سلااااااااااااااااااااااا ااااااامتك يا الغالية
|
|
#9
23/07/2005, 05:47 PM
|
||||
|
||||
 الحمدلله ع السلامه .. اخيرا رجعتي لنا  مبروك وعقبالنا
|
|
#12
23/07/2005, 06:42 PM
|
||||
|
||||
|
اقتباس:
الله يسلمج من الشر ويعافيج أشوفج عبر الأسلاك والشاشات بعد أحين إنت يالسة عالنت صح ؟؟ :شيطان: شفتي نظري ؟؟ |
|
#14
23/07/2005, 06:45 PM
|
||||
|
||||
|
اقتباس:
الله يسلمج يالغالية آااااااامين بس الحمدلله واااايد استمتعت بها عرفت نعمة من نعم ربي أكثر تسلمين تعرفين ذكية من يومي
|
|
#16
23/07/2005, 06:51 PM
|
|||
|
|||
|
الحمد لله على سلامتــــك
|
|
#17
23/07/2005, 06:52 PM
|
||||
|
||||
|
اقتباس:
أخي العملية سعرها 450( مرات تكون أرخص ) +الفحوصات 20 ريال + سدادات 15 = 485 وفيه قطرتان تستخدمهما بعد العملية بس مو غاليات وحدة 2 ريال لمدة أسبوع الثانية 3.300 تستخدم لـ3 أشهر قبل العملية بخمس أيام لا تلبس عدسات أبدا وفي نفس يوم العملية ممنوع التلفاز الكمبيوتر القراءة ويعطونك أسبوع أجازة إذا عندك دوام الطلعة عادي بعد العملية بيوم بس لازم نظارات شمسية يارب تكون استفدت مني
|
|
#18
23/07/2005, 06:53 PM
|
|||
|
|||
|
ذكرتينى بورد الامل لما سويت العملية وكنت ارافقها :شيطان:
ع العموم حمدلله ع الســـــلامة
|
|
#22
23/07/2005, 07:00 PM
|
||||
|
||||
|
اقتباس:
الله يبارك فيك الليزك أشعة تستخدم لعلاج النظر وهي أكثر تطورا من الليزر صدق ؟؟ ما طلع القمر ؟؟ عيل كيف أسلم أول إمريكي طلع القمر بعد ما سمع الأذان هناك ؟؟
|
|
#26
23/07/2005, 07:04 PM
|
||||
|
||||
|
اقتباس:
الله يذكرها بالخير وحشتنا .... بلغيها سلامي الله يسلمج ويسلم غاليج
|
|
#29
23/07/2005, 07:07 PM
|
||||
|
||||
|
اقتباس:
هي اللي سوت لي ومطمنة الحمدلله لأنها نار على علم الله يطمنك فالدنيا والآخرة تسلم أخي عماني وبس
|
|
#30
23/07/2005, 07:13 PM
|
|||
|
|||
|
اقتباس:
|
|
#31
23/07/2005, 10:34 PM
|
|||
|
|||
|
الحمد لله على السلامة والله يعطيك الصحة والعافيــة ..
بس هذا الموقف : .. اقتباس:
وتنهال عليهم الأسئلـة.. هاا بشر .. كيف الإمتحان؟ .. ايش من الإسئلة جاتكم؟ ايش الأجوبـة .. خيبــة  أنـا كبرت الخط وحطيته 5 .. قلت يمكن ماتشوفي زين .. أمزح :شيطان: |
|
#32
23/07/2005, 10:43 PM
|
|||
|
|||
|
اقتباس:
حشى عااد ما تعليقات عنـدك...  المهم... الحمد لله عالسلامـة.. انا اريد اسوي العملية بس ما اقدر لان عنـدي ضغط بالعيون( جلوكوما).. ان شاء الله اتعالج منه و بعدين ارد اسألك.  و بغيت اعرف كم كلفتك العملية... و الدكتورة شو جنسيتها... و كم عمرها... و هل تشبه خطيبتي سلمى :شيطان: :شيطان:
|
|
#33
23/07/2005, 11:35 PM
|
||||
|
||||
|
حمدلله على سلامتك ......
أسلوبك في الكتابة يضحك كثير ......الله يبارك في نفسك الطيبة
|
|
#34
24/07/2005, 09:51 AM
|
||||
|
||||
|
اقتباس:
الله يعافيك و يسلمك من الشر صح نفس الحركة بالنسبة للخط أحبه 5 أريح للنظر ... عشان ما أتعب عيوني
|
|
#35
24/07/2005, 09:56 AM
|
||||
|
||||
|
اقتباس:
شكرا الحمدلله عجبك الأسلوب الله يسلمك من الشر الله يعافيك من الضغط وتسويها وتصير مثل زرقاء اليمامة شو يتتزوج الكتورة ولاّ بتتعالج عندها ؟؟ ترى بخبر سلمى عن أسألتك :شيطان: ........... تكاليف العملية مذكورة فوق |
|
#36
24/07/2005, 09:57 AM
|
||||
|
||||
|
اقتباس:
تسلمين أخيرا حد عبرنا وعجبه الأسلوب إنت وعماني مووون عجيبين .... ويبارك في أيتها الرقيقة
|
|
#38
24/07/2005, 10:35 AM
|
||||
|
||||
|
الحمد لله على سلامتك رائعه..،،
ويسعد صباحك،، |
|
#39
24/07/2005, 11:30 AM
|
||||
|
||||
|
اقتباس:
طلتج تريحني الله يسلمج ويعافيج ..... فعلا ارتحت والله ييسر لجميع من لديهم مشاكل في النظر ويسونها
|
|
#41
24/07/2005, 11:37 AM
|
|||
|
|||
|
اقتباس:
~~ اللهــم آآميــن ~~ تسلمي ع الدعــاء وجزاكِ الله خيراً
|
|
#42
24/07/2005, 11:39 AM
|
|||
|
|||
|
الحمدلله عالسلاااااامه حبيبتي
زين اختي انا تسويهاااااا الله يعافيش
|
|
#43
24/07/2005, 11:41 AM
|
||||
|
||||
|
اقتباس:
ونظرك اللحين تمااام التمااام... متى تعزميناااا :شيطان: |
|
#45
24/07/2005, 11:49 AM
|
|||
|
|||
|
حمدلله عالسلامة ..
حتى انا اختي يحليلها يبغالها هذي العملية .. لراحتها وطبعا لراحتنا احنا اول
|
|
#46
24/07/2005, 12:02 PM
|
|||
|
|||
|
اقتباس:
 kiwi
|
|
#49
24/07/2005, 02:08 PM
|
||||
|
||||
|
يعني الحين تشوفيني زين :شيطان:
اليوم راجعه من العياده انا عشان عيوني .. حساسيه .. |
|
#50
24/07/2005, 02:22 PM
|
||||
|
||||
|
اقتباس:
الحمدلله تمام وأكيد ما في عزومة :شيطان: أصلا المفروض أنتوا تسوون لي عزومة من غلاتي عندكم
|
|
|
