[بنت الباطنة&&]

السلام عليكم

اليوم اطرح موضوع اندهشت منه الاسبوع الماضي كنا نتسوق ولاحظنا انا وصديقتي بشابين قاموا وصورا بنت المهم رحنا نحذرها ونخبرها الموقف الاول اللي صدمني ان البنت طلبت مساعده من شاب كان واقف هناك فقالها بكل برود شو تبيني اسوي؟؟؟

والله في شباب صيع وبعدهم يوقفوا وقفه احسن من كذاك...

والموقف الثاني ان البنت رفضت تعاقبهم لما طلبنا مال الامن وحتى الجهاز ما شلته عنهم
مع العلم ان الصور تثبت بالذاكره ولما قلنا ليها سحبي الميموري عنه قالت خلاص مسحها قلنالها يابنت سحبيها متخزنه ولكن يوم هي ماتكلمت نحن شو عسانا نفعل؟؟

الخلاصه

شو هذي الحركات من بعض الشباب الضايع صوروا البنات اللي يريدن كذا بس البنات العفيفات خلوهن في حالهن ..

كل ماتطورت اجهزة الهاتف نقول الله بالستر والله بصدق الله بالستر

بس ترا الله يمهل ولا يهمل
اليوم سويت في بنت الناس باكر بتحصل حد صور اختك

ومثل ماقلت ذكر لعل الذكرى تفيد

دمتم بود
اختكم في الله
بنت الباطنة