[نسيان]

صحيح ان ربنا سبحانه وتعالى حلل الزواح بأكثر من واحده ولكنه تعالى لم يحلل هدم بيوت الناس. موضوعي اليوم يدور حول بعض البنات اللي وللأسف الشديد ما وضعوا أي إعتبار سواء للدين او الضمير او غيره ويحوموا على شباب والغميضه متزوجين!!! صحيح بتقولوا لو الزوج ما عطاها وجه ما كانت بتقدر تسوي شي. وأنا اتفق معاكم وأنا هنا الوم الأثنين. زوج إختلف مع زوجته شوي وعلى طوووول راح يلعب بذيله. ووحده عندها فراغ عاطفي وما صدقت حد عطاها وجه.

للأسف والامر ما يوقف عند هذا الحد. في بعض الحالات يتفق الأثنين و توصل عندهم الوقاحه أنهم يتصلوا بالزوجه علشان يثيروا أعصاب الزوجه وتبدأ تثور وتعلن الحرب. فقط عشان يقولوا ان الزوجه هي السبب وراء المشاكل. وطبعا اذا كانت الزوجه ذكيه وما اعارت المكالمه اي اهتمام بيبدأ الأثنين بالتفكير بخطه ثانيه.

البنت هذي او هذا الزوج اللي هدم بيته بيده ناسيه وناسي ان اللي بدأ الغلط يتعود عليه. وهي مثل ما عندها هوايه قبل الزواج انها تتعرف على شباب ما بيردعها شي بعد الزواج (الا من رحم ربي) وهذا الزوج اللي زوجته لم تقصر في حقه ولكنه يحب الترحال من مكان لآخر بيجي له يوم وبيمل من الثانيه مثل ما مل من الأولانيه. لأن اللي ما عنده ضمير ووازع ديني يقدر يسوي أي شي.

يا بنات ويا شباب أتقوا الله وتأكدوا ان الله يمهل ولا يهمل.

للأسف أن اللي يعيش بيشوف بلاوي كثيره.