[الجنياوي]

أرسل أصلا بواسطة ناسي زمانه

إحترام قانون المرور واجب على كل سائق فعلاً ولكن ايش قولك في مخالفة تسجل عليك دون وجه حق !!! أنا دخلت موقع الشرطة للتأكد من أي مخالفات على سيارتي فوجدت مسجل علي مخالفة قيادة السيارة بدون رخصة قيادة !!! المهم ما خذيتها جدياً في البداية لان ملاحظات الموقع تقول لا تعتبر وثيقة رسمية !!! اتصلت بالمخالفات للتأكد وفعلاً تأكد لي بأن المخالفة حقيقة يعني فعلاً متسجلة على السيارة ،،، عاد الحين أنا باغي أروح أناقش فيها السالفة وما متشجع عاد تدروون ليش ؟؟؟؟؟؟ لأني متأكد ما بطلع بفائدة منهم ،، رغم أنني متأكد 1000% ما لها أي أساس من الصحة سيارتي معاي بنفس التاريخ وفي البلد وأنا كل يوم رايح البلد مع الشباب والمخالفة متسجلة في موقع عكس إتجاهي 180 درجة وبالفترة المسائية !!! ايش تنصحوني عاد ؟؟؟!!! أروح وأطلب نسخة المخالفة علشان أتأكد من الأخو إلي موقع على المخالفة وهل في بيانات عن السائق المخالف يعني رقم بطاقة أو شي يدل على شخصيته ولو أني متأكد ما بطلع بشيء من عندهم !!

أنا مره تسجلت علي مخالفه قياده مركبه تحت المؤثرات العقليه يعني بالمعنى الصريح سكران وإستغربت من المخالفه ولما إستفسرت عنها وجدت أن المخالفه محرره لشخص سوداني الجنسيه ولما تم تسجيل البيانات بالخطأ تسجلت بيانات سيارتي وما إستوت تلتغي وقمت أرحلها من سنه لسنه وأنا اتابع الموضوع لحد ما وصلتها لقياده مسقط في الوطيه وهناك تقابلت مع العقيد ما أذكر إسمه بالضبط قبيلته الكلباني وما قصر العقيد بيض الله وجهه حل المسأله ولكن تورط فيها ملازم أول لان السوداني كانت عليه قضايا غير هذي القضيه وهو المفروض يكون بالسجن وهو خارج يسرح ويمرح على راحته.
بس اقول عن تخلي المخالفه تمر مرور الكرام ولا بتجي فوق راسك.