الله يا ايام السياكل اول اللي عنده سيكل مثل اللي عنده سياره الحين
من المواقف مع السياكل وهي كثيره
اذكر كنت اسير بالسيكل بطريق فرعي ودخلت بسرعه على طريق عام وما دريت الا انا والسيكل تحت سياره كابرس دعمني نزل راعي السياره ومع ناس وسحبوني من تحت السياره وانا متعور حيل وقالي راعي السياره وين بيتكم وين ابوك وكنت اخاف يدري ابوي ويضربني قلت بيتنا بعيد قالي راعي السياره وش تبي اوديك المستشفى قلت لا ابي السيكل ضحكوا علي الموجودين قالي راعي السياره ما تبي شي ثاني قلت لا ابي السيكل قال خذه الله لا يردك خوفتني خفت انك ميت واخر شي تبي السيكل والله بغى يضربني لكن ربك ستر
اخذت السيكل وانا عرج وحالتي حاله واقوم واعدل السكان( الدركسون) بين رجولي
والله يحفظنا ويحفظكم