[القرطاوي]

أنا يا جماعه ما حاسد بس ضد أي ترقيه تجي للموظف الحكومي عن طريق اكمال عدد سنوات (يعني كل أربع أو ثلاث سنوات حسب ماتحسبوها) لآن شريحة كبيره جدا من الموظفين ما يستاهله , من وجهة نظري أشوفهم عاله على المواطنين قبل ما يكونو عالة على الحكومة ,لعدة أسباب :
1-نصف وقت عملهم لريوق والشاي , والربع خارج الوزاره يعني كل يوم ساعتين عمل فقط.

2-الموظف يقرأ الجريده ويقول للمراجع تعال بعد أسبوع عندي واجد شغل ما فاضي الحين والمعامله تريد توقيع فقط.
3-الموظف يعتقد أنه المراجع محتاجله عشان كذا هو يتصرف بنوع من الغطرسه.
4-أغلب الموظفين وخصوصا الاداريين هم غير قابلين للتطور أبدا.
وفي أسباب كثيره أخرى .
بس طبعا هذا ما يشمل الكل لانه في ناس أمينه على عملها فلذالك أنا أشوف أنه الترقيات المفروض تكون كل واحد حسب اجتهاده وحسب عمله وخبرته , حتى لو يترقى في السنه مرتين عشان ما أحد يقول حساد , بس مثل بعض العينات الموجوده في المديريات بأمانه لا ترقيات2002 ولا 1992 يستاهلوها.
كل يوم شاي قهوه تعال بكره تعال بعد أسبوع ولا أيقالك المعامله مرسوله مسقط والمعامله في درج الطاوله , وبعدكم باغيين ترقيات.