[جـحـمـات]

تـفضلوا:

1) لا سمح الله طالع بسيارتك تشتري اغراض وراد البيت ... وانت موقف على التقاطع ييك واحد من الشباب الطايش مسرع يكرخك من الخلف (بدون قصد) .... شو يـكون موقفك؟؟

2) تـكون يـالس عند ناس (اتيكيت) اول مرة تلتقي بهم تحترمهم ويحترموك ولك قدر من الاحترام بينهم وييك واحد تعرفه بخفة دمه (وعقله) من ايام الدراسة يدخل بينكم يتحرش بك مرة يشل كمتك .. ومرة يطلع محفظتك من جيبك .. يعني يسويك مسخرة جدام الناس ...... تصـرفك؟؟؟

1) نفترض مـثلاً انك طالع من مكتب مسؤولك ومشرشحنك تشرشيح ... وانته طالع حدك معصب واللي فيك مكفيك .. وييك واحد من الموظفين ويجولك ياخي هالمدير ما عنده شغل و و و... تأييده فيما يقول وتزييد؟؟ ولا تلتزم الصمت؟؟ كيف تكون ردة فعلك؟؟

4) تصـور انك طالب ولا طالبة وداخل على ممر ضيق بين صفوف دراسية .. وعلى جوانب الممر من الجهتين طلاب (رغود) اكبر منك بعدة سنوات متكئين على الجدران ينتظرون فتح ابواب الصفوف .. هل تدخـل تعدي من الممر الطويل؟ مع العلم بانه يتواجد ممر فاضي يبعد عن هذا الممر بمسافة دقيقة واحدة.. واذا دخلت وبحلقوا عيونهم عـليك يراقبوك .... شو يكون شعورك؟؟ تهتم بهيئتك؟؟ طريقة مشيتك؟؟ الخ.. ولا كووووول!

5)انت فالشارع العام وعـندك سيارة كشـف وكاشفنها...الوقت حلو ومناسب بس فجأءه الشارع ازدحم والسيارات صارت بالكاد تتحرك والناس مبحلقين عيونهم كل واحد يشوف الثاني ... بتبند الكشف؟؟ .. (مع العلم انه ماشي بنات يسوقن سيارت فالشارع هذيك اللحظة)

6)ضيوف زايرينكم .. علاقتك بهم مب ذاك الزود .. ميلسين ويسولفوا ويضحكوا عند اهلك واخوانك عاد لهم ساعة ونص .. تروح تدخل عليهم وتسلم بدون تردد؟؟ او تحاكي نفسك انهم بيروحوا بعد شوي ما يحتاي اروح ادخل عليهم اكييد حتى ما دروا عني ولا بيسألوا عني..؟؟

7)اذا قلت لك انه عندي واحـد اسلوبه ساخر وجارح الى ابــعد الحدود (متواجد حاليا) ... ابا حد منكم يتعرض له بسخرية .. ويتحمل العواقب ..... هل تتقدم لقبول الطلب؟؟