[وسيط سبلة السوق]

أرسل أصلا بواسطة صيدلي السبلة

وانا طالع من محل اسواق الامارات في عجمان, جاني واحد مصري وقالي مبروك...
رديت عليه: على ويش مبروك؟
قالي: انت فايز معانا باقامة مجانية مدة اسبوع لستة اشخاص في فنادق 5 نجوم في احد الدول الاتية :
1- امريكا
2- اسبانيا
3- المغرب
4- تونس
5- مصر
6- ماليزيا
7- جزر الكناري (هذي عاد ما اعرف عنها شي البر)

سألته : من انت وتبع من تشتغل وليش انا بالذات وسط هالعالم
قالي : انا استاذ .... اشتغل في الشركة المتوسطية للاستثمارات السياحية في دبي ومكلف اختار عشر عوائل عشوائية واهديهم هذي الجائزة ضمن الحملة الترويجية تبع الشركة
قتله : اسمحلي تراني ما مصدقنك وما مصدق انكم بتعطوني حاجة من غير مقابل ( اكيد الموضوع فيه ان)
بعدين عطاني كرت الدعوة وموعد الزيارة وقالي قبل لا اروحلهم لازم اختار الدولة
وفالباكر وحدة اتصلت بي وقالت لي متى ناوي تشرفنا دكتور؟
قلتلها من اختار الدولة بجيكم.
بصراحة حيران واريد المساعدة من اهل الخبرة

ما تروح بعيد، هذا كله نصب وخداع وغش وإحتيال:

أرسل أصلا بواسطة ام_منصور

ارجو المساعد


في شركه اسمها المتوسطيه للاستثمارات السياحيه في دبي وقعتني على عقد ب 34.200 درهم اماراتي مقابل الحصول على حصه في منتجعاتهم حول العالم لمدة 33 سنه
لي 12 اسبوع اقدر استثمرهم او استفيد منهم في رحلاتي

المهم اللي صار كالتالي:-
1. قالو بحصل خصم على التذاكر قدره 50% او 70% يوم اتصلت قالو مين قال هالكلام ،، نحن مانعطي خصومات على التذاكر
2. في خصم في برج العرب- ماشفنا شي جذابين
3. فنادق خمس نجوم وماشي، كلها منتجعات رخيصه
4. اقدر ابيع العقد وقت ما اقرر ومستحيل اخسر فيه درهم. وجذب طبعاً حاولت كذا ومره واتصلتبهم عشان يبيعون عقدي لحد ثاني ماطاعو لليوم
5. مكتوب في العقد انه لايلغى بين الطرفين وهنيه مصيبتي، ماعرف شو اسوي

شاوت محامي قالي بنرفع عليهم قضية غش واحتيال وانهم وقعوج العقد على جهاله وطالب مني 10.000 انا بروحي ماعندي
علشان جيه ابغي شاهد يساعدني في هالقضية انخدع واشترى العقد وماقدر يرده عشان انسير للمحامي وارفع عليهم قضيه


بليز اللي يقدر يساعدني ما يبخل علي لاني بتخبل من هالشركه