[***صوريه***]

أرسل أصلا بواسطة Mr.7

كل واحد فيكم قال اللي عندة وهو جالس على كمبيوتره مرتاح والمكيف ضاربه واللي قال ان بنات الناس المحترمة ما يسون او ما يشتغلون جذي ومحد فيكم فكر مدى احتياج هذه الأسرة أو شنهو ظروفها وفي أي مستوى معيشي اهمه عايشين وكيف انهم يحتاجون حتى للمئة بيسة اللى انتو يمكن ما تعطونها اهمية والبنت اذا مو محتاجة كان ما طلعت ووقفت في الشارع تبيع عشان ما تمد يدها للي يسوى واللى ما يسوى ولا انها باعت شرفها عشان تسد جوع بطنها ( اللي يده في الماي غير اللي يده بالنار ) وبكلامكم هذى انتو صنفتو هذيلا البنات على انهم مو محترمات وعائلاتهم مو محترمة عيل مين اللى محترم واتقدرونه اللي يبيع شرفه ويظهر للناس بأحسن لبس وبسيارة فاخرة ؟؟؟ والا اللى ياكل من عرق جبينه ومحافظ على قيمة وما يمد يده حق الناس 00اتقو الله في هؤلاء الناس وبدل ما تصنفوهم من الفئة الغير محترمة هل في واحد منكم جرب يسألهم شنو ظروفكم اللى خلتكم تبيعون مشكاك كان بيقولون لكم انهم لو عندهم ما اضطرو

حياك مستر,,,,وحيا الله بالنقاش معك من جديد, ظنيتك من بعد أخر مناظره ما بنلقاك ,,,,,
يشهد الله ردودك دوم وفي اي موضوع تثريه ولك كل الاحترام والتقدير اخي الكريم,,,,,

بكذب ان قلت ان كلامك ما بصحيح, بس انته بعد خلك واقعي وجاوب بكل واقعيه على سؤال صريح وواضح ترضى حد من اهلك يشتغل هالشغله ارجو انك اتجاوب,,,,؟؟


بينك وبين نفسك بتقول ما ارضى اكيد وانا واثقه اذن اكيد حن ما رضينا على هذولاء البنات ما من شي بس من دافع الغيره عليهن وما بغينالهن البهدله ولا رضينالهن بالمهونه , ما نرضى نشوف الوحده اتبيع مشكاك وبعد ما نرضى انها اتصغر نفسها للناس , يلعن الظروف الي اتخليني ابيع مشكاك بشارع ولا مندوبه اداور والف من شركه لوزاره, من من الخليج كله وحده مواطنه اتبيع مشكاك غير العمانيه ؟؟

اباك اتجرب اتروح لهذي الاماكن في مسقط واتشوف بنفسك وتوصف شعورك وانته تاخذ المشكاك الساعه 11 أخر الليل من يد بنت ابلادك ساعتها بس بتحس الي حسينابه وشفنااه.

اشكر حضورك لا عدمنااااه.