[أحلى مسقط]

أرسل أصلا بواسطة Mr.7

كل واحد فيكم قال اللي عندة وهو جالس على كمبيوتره مرتاح والمكيف ضاربه واللي قال ان بنات الناس المحترمة ما يسون او ما يشتغلون جذي ومحد فيكم فكر مدى احتياج هذه الأسرة أو شنهو ظروفها وفي أي مستوى معيشي اهمه عايشين وكيف انهم يحتاجون حتى للمئة بيسة اللى انتو يمكن ما تعطونها اهمية والبنت اذا مو محتاجة كان ما طلعت ووقفت في الشارع تبيع عشان ما تمد يدها للي يسوى واللى ما يسوى ولا انها باعت شرفها عشان تسد جوع بطنها ( اللي يده في الماي غير اللي يده بالنار ) وبكلامكم هذى انتو صنفتو هذيلا البنات على انهم مو محترمات وعائلاتهم مو محترمة عيل مين اللى محترم واتقدرونه اللي يبيع شرفه ويظهر للناس بأحسن لبس وبسيارة فاخرة ؟؟؟ والا اللى ياكل من عرق جبينه ومحافظ على قيمة وما يمد يده حق الناس 00اتقو الله في هؤلاء الناس وبدل ما تصنفوهم من الفئة الغير محترمة هل في واحد منكم جرب يسألهم شنو ظروفكم اللى خلتكم تبيعون مشكاك كان بيقولون لكم انهم لو عندهم ما اضطرو

صدقت أخيMr7 لو تعرف الأخت صوريه وغيرها من الأعضاء كم حاجة هؤلاء الناس الى مائة بيسه ولايلوقوها لفضلوا عدم اثارة هذا الموضوع والأخ اللي يتكلم عن الديوث أنت تعرف ان غدا ان شاء الله تفتح المدارس فيه أسر الى الآن ماشترت أغراض المدارس لأولادها من وين بيجيبوا تريدهم يخلوا بناتهم يتصيعن في الشوارع عشان يجيبن فلوس ولا يبيعن لهن مشكاك أحسن !
حرام عليكم فيه أسر ماعندهم أولاد كبار يشتغلوا والبنت أكبرهم تريدها تقتل اهلها جوع ولا تمد أيديها للي يسوى واللي مايسوى عشان أنت ماتقول عن أهلها ديوثين خلوها تشتغل بمهنة مندوبه أو بائعة مشاكيك
الأخت صوريه الظاهر عليهاأول مره تنزل الى مسقط يعني البنات في مسقط الي يشتغلن فقط وفي المناطق مايشتغلن مندوبات أو غيرها من المهن الأخرى
كلمه أخيره البنت المحترمه محترمه دائما سواء في وظيفه أو بيت أهلها والبنت الصايعه تنعرف من خطواتها حتى ولو غطت وجهها !!!!! وأتقوا الله في بنات الناس