[Mr.7]

أرسل أصلا بواسطة ***صوريه***

حياك يخوي,,,,,
فعلا انا بعد اقول ان بنات الناس المحترمه ما يرضوا ان بناتهم يشتغلو كذا شغلات, وهذي وجهة نظرتي الخاصه بعد.

بس يبقى السؤال الاهم والي ان ما عرضته راح ينعرض من غيري,وهو وش الافضل انها اتبيع وادور بالوزارات ولا انها تتسكع بالمشبوه,,,,؟؟

السؤال صعب والاختيار اصعب , بس يبقى شي اسمه حياء وغيره على العرض وعلى بنات الوطن الي ما يمكن توصل قيمتها بمشكاك ,,,,,,

فوش البديل يا ترى لو الوحده بغت تشتغل وتخدم نفسها واهلها بس ابعيد عن المشاكيك,,,!!؟؟

كل واحد فيكم قال اللي عندة وهو جالس على كمبيوتره مرتاح والمكيف ضاربه واللي قال ان بنات الناس المحترمة ما يسون او ما يشتغلون جذي ومحد فيكم فكر مدى احتياج هذه الأسرة أو شنهو ظروفها وفي أي مستوى معيشي اهمه عايشين وكيف انهم يحتاجون حتى للمئة بيسة اللى انتو يمكن ما تعطونها اهمية والبنت اذا مو محتاجة كان ما طلعت ووقفت في الشارع تبيع عشان ما تمد يدها للي يسوى واللى ما يسوى ولا انها باعت شرفها عشان تسد جوع بطنها ( اللي يده في الماي غير اللي يده بالنار ) وبكلامكم هذى انتو صنفتو هذيلا البنات على انهم مو محترمات وعائلاتهم مو محترمة عيل مين اللى محترم واتقدرونه اللي يبيع شرفه ويظهر للناس بأحسن لبس وبسيارة فاخرة ؟؟؟ والا اللى ياكل من عرق جبينه ومحافظ على قيمة وما يمد يده حق الناس 00اتقو الله في هؤلاء الناس وبدل ما تصنفوهم من الفئة الغير محترمة هل في واحد منكم جرب يسألهم شنو ظروفكم اللى خلتكم تبيعون مشكاك كان بيقولون لكم انهم لو عندهم ما اضطرو