[***صوريه***]

مساكم , صبحكم الله بالخير,,,,,

شدتني ظاهره اشوفها بدت تنتشر في مجتمعنا ,وخاصه في العاصمه مسقط وحبيت اعرف راي القراء فيها,,,,,
البنات اليوم قامن يشتغلن في اي مهنه تعرض عليهن , فمنهن الي تبيع مشاكيك بالشارع ومنهن الي مندوبه تتجول بين الوزارات واحيانا اكثيره بالشركات, ادور واتلف بأوراقها من مدير لمدير ومن موظف لموظف حال يوقعولها بأنهم استلموا الاوردر,,,,, انا ما ضد فكره عمل الحريم او البنات بس يا ترى هل كل الوظايف اتناسب المراءه , وهل كمجتمع عماني ممكن نرضى او انته ترضى ان اختك او بنتك تشتغل بياعة مشاكيك,,,؟؟
او ترضى انها تعطى سياره من شركه , ولا يوصلها زميلها اتلف واتجول بين الوزارات او الشركات كمندوبه,,,,,؟؟
يمكن ما شي بديل , او انها مضطره بس هل يمكن ان الوحده تركب المضطر لدرجة انها اتبيع مشكاك بالشارع ولا ادور بين الشركات ,,,,؟؟



من اول ما دخلت مسقط وفي أخر الليل نطلب مشكاك اتجيبه حرمه وعمانيه الين السياره,,,حرمه وفي وقت متأخر من الليل وفي الشارع , اعتقد حتى في الهند بعدهم ما اوصلو الين كذا

اليوم الاخر,,,,,,
وفي الوزارة الي قاصدتنها,,,,
عفوا اختي اتعرفي المدير الفلاني,,,,؟؟
ردي: اسفه اختي انا مراجعه , بس سألي الي جاعد اهناك ممكن ايخبرك.
طرشها للمدير , وقعت اوراقها وعطته الوصل وراحت , تنتظر السياره الي راحت اتوزع بنات غيرها في مواقع ثانيه.حسيت بشي من الاحراج اني اشوف حرمه مثلي تشتغل هالشغله الي حتى الرجال يتعبوا منها ,

وسألت نفسي والحين اسألكم العمل عباده , والعمل شرف بس يا ترى هل مثل هالوظايف اتناسب بناتنا واخواتنا العمانيات او بمعنى اصح
هل اتناسب المراءه بشكل عاااام ,,,,,,!!؟؟




لي عوده ان شاء الله لمناقشة الحوار للي عنده خلفيه عن موضوعنا ,,,,,