[جوّال]

الحمد لله ، ياسلااااااااااااااااااااا ااااااااااااااااامممم ، أنا أكثر من سعيد وأكثر من فرحان.
الكورة بتتكلم برازيلي.
ياسلام عليكم ياسحرة وين كان هذا كله متخبي. شفتو ياناس لما كان فيه سرعه ولمسه واحدة وجمل تكتيكية وإبتكار، طلع السحر. الشوط الثاني ياناس غير،أحلى شوط في البطولة.
شكرا يابيريرا خلاص أنا عن نفسي سامحتك. الله يخليك خلي سيسينهو وروبينهو أساسيين دايما.
ياسلام عليك يارونالدينهو صراحة ماأقدر أقول شيئ لإني عاجز عن الوصف، إيش أقول، يافنان، يامبدع ، ياساحر، ماشاء الله خمسة وخميسة في عين العدو إنشاء الله إللي يكرهوك، يابوعين مثل الصقر. الهدف الأول نصه حالك والهدف الثالث سجله جيلبرتو بالنيابة عنك لكنه ماركه مسجلة بإسمك ومختوم بسحرك، ياناس نهارنا عسل الساحر وصل.الهدف الأول وحده مدرسة والهدف الثاني قنبلة والهدف الثالث هندسة والهدف الرابع فن وتكتكه.
يارونالدو ليش زعلتني وليش خذلتني أنا قلت بتسجل ثلاثة لكن ماسجلت غير أثنين، ياقاهرهم ياكايدهم يارافع ضغطهم يامجننهم يامسكتهم، طبيعي كلهم يحكون ، ولازم منك يغارون ماشاء الله عجب لو كان وزنك 70 إيش كنت بتسوي. شكرا لأنك أثبت كلامنا أنك الأفضل على قوس منطقة الجزاء في العالم قاطبة. ياسلام عليك كيف حطيت الكورة في الشبك، غيرك مايقدر يحطها بيده مثل ماحطيتها إنته براسك، ولا الهف الثالث كيف خليت الدفاع الياباني فقد برمجته ماعارف يروح لجيلبرتو ولا يغطي عليك وقبل مايفكر هاتها من الشبك ياحارس، أرضية برازيلية زاحفة ماكرة، ولا الهدف الرابع اللي جبته، ماركة مسجلة بإسمك ياظاهرة الملاعب، وعفوا يامولر لست وحدك حبيبها وإنشاء الله مع غانا رونالدو يطير بها.
ياسلام عليك ياسيسينهو ياللي ريحت رونالدينهو ورونالدو من الضغط عليهم من قبل المدافعين ويحصلوا مساحات لكي يبدعوا.
ياسلام عليك ياروبينهو كيف فتحت المساحات شمال وعمق ويمين، يامن تفضل أن يسجل رونالدو هدف ليكسر الرقم مع أنك ماسجلت إسمك في المونديال، ياسلام على الإيثار حتى رونالدو تفاجأ وحسب أنك بتشوت في المرمى.
ياسلام عليك ياكاكا، ياللي قلت لسيسينهو إبدع وأنا أغطي وراك، ياله من نكران للذات، وياسلام عليك ياجونينهو أنا قلت لزملائي صبروا تراه لازم بنشوف قنبلة في الشبك اليوم لكن كنت متوقع من ضربة ثابتة لكن اليابانيين متحذرين، لكن على مين، ماشاء الله عليك، أنا شقتك تريد تشوت ومادريت غير زملائي يصرخو قوووووووووووووووووووول.
شكرا لجيلبرتو وجيلبرتو سيلفا وجوان الجبهة اليسرى عشرة على عشرة.
عفوا يا يابان ياأيها التلميذ النجيب فعقاب الأستاذ قاسي، وماتزعل من أستاذك تراه لازم يرد وللأسف كان الردفيك.
أنا ماكدرني غير لوشيو، ليه كده يا لوشيو حرام عليك كنت حتنغص علينا الليلة، راجع نقسك وصلح أمورك تراه الجاي صعب، غانا صعبه واللي بعدها أصعب.
وياديدا حرام عليك ماتعلمت من هدف جولي ، أحيده طولك متر وأربعة وتسعين سنتيميتر.
والسموحة، أريد أروح أتغدى.