[ولد السويق]

أرسل أصلا بواسطة smiley

من قالك هالكلام أنا المدرس اللي أقول عنه أنه يقول البنات واجد قشرة ومشكل هو إشفاق ، وفي الصف مايعبرنا كله صوب الأولاد ومانقول إنا منبوذين بس المعاملة متكافئة ، وما أنكر إني مرات أكره بس الدكتور مسلم ، والبنات يروحن يستفسرن عن الدروس وحتى لو كان ظالمنا في الدرجات أبدا ما يزيدنا ولا نصف درجة يحاول يطلع نفسه الصح ونحن الغلط ، والبنات اللي تقول يروح معه دائما في الصف يسبهن ويقولBAD GIRL ، وحتى في مرة بنات راحن معه علشان يفهمهن قال لهن بفهمكن في الصف ولمايجي الصف و يطلبن منه يشرح اللي ما فاهماتنه يجول مابشرح لكن.
وفي صف كل الطلبة بنات وهو مايرتاح لهذا الصف نهائيا كأنه مغصوب يدرسهن.

.. انت او انتي بعدك مقتنع انه ما في تمييز وتجلس تدافع الطالبات .. صدقني انت غلطان .. ومو غلطان بدرجه طفيفه بل بمرتبة الشرف بالغلط في هذه النقطه .. اقول بتخبرك حاجه .. تدري انه بعض المدرسين اذا الصف كت فيه بنات شو يسوي يكره المحاضره كره .. لانه يريد يتكحل شوي .. يريد يشوف غزلان معه .. هالشي حاصل .. وانا ما اقول الشي من فراغ .. لانه اللي شابف غير عن اللي سامع .. واذا كان الصف فيه بنات اعرف انه الاستاذ بتحصله مرتاح ..


.. اخي او اختي .. التمييز بين الطلاب موجوده يعني الطالب مظلوم 70% مع المدرسين والطالبات 30% يعني السالفه بنحط فيها نسبة وتناسب .. انا عشان اوضح لك هالشي واعتقد انتي بنت وتريد توقفي في صف البنات .. بس اذا كنتي بالفعل تقتنعي انا بتخبرج حاجه او امثله وأريدج تفهميه وتعطيني انظرتج هل بعدج بدافعي عنهم ام خلاص بتقتنعي ..

.. تعرفي قسم الايتي المستولي على الكليه في كل شي او نقدر نقول القسم الكل بالكل .. ترعفي المدرس بركات على اقل تقدير واذا ما تعرفيه أسألي عنه طالبات القسم .. هذا الاستاذا عنده خاصيه واعتقد انذكرت فوق .. اذا انت طالب وتأخرت عالمحاضره او دشيت بعده راح يذلك ويضحك الكلاس عليك وانت في حالة يرثى لها هذاك الوقت الكل يضحك عليك وحضرة الاستاذ بركات يتمصخر عليك .. واذا كانت بنت ترى من تدخل بيقولها لا تتأخري مره ثانيه وعاد لو تتأخر بيقولها نفس الكلام .. هذا شو تسمينه ..


.. نقطه ثانيه .. تعرفي الاستاذ لاما الوافد الجديد من فصلين اعتقد اللي ما يفقه شي طبعاً وجوده من عدمه .. قبل لا امر في سالفة التميز مع هذا المدرس بقولكم شي طريف مع هالمدرس .. الغياب تدرون كيف يسجله حضرة الاستاذ .. يعطي الورقه الطلاب ويقولهم سجلوا حضور .. طبعاً الورقه ماكو غياب فيها والصف نصه محد .. الحين نرجع الى محور حديثنا .. الفصل الماضي كنت ادرس ويا هالمدرس .. وفي مره خلص الدرس قبل المحاضره لا تخلص وجلست ارمس وياه .. المدرس جلس يسولف معي ويهربت وغيره .. وقال الصف بدون بنات ما حلو ابد .. قلت له ليش عاد .. قال احسن بدل لا تجلس كله تكلم الطلاب وتشوف عليهم .. ان هنا استغربت وقلت الحمد لله والشكر .. كيف اقتنعتي ..


.. النقطه الثالثه .. تعرفي مبين بعطيك شي مختصر عن معاملته .. طبعاً مبين كان المدرس الوحيد اللي يردس مادة الجبرا والحيت طوروه وخلوه يدرس كالكولس .. المهم في الصف اللي يدرسه مبين بنفرض 30 طالب 15 ولد و15 بنت .. الاولاد 5 ناجحين و10 راسبين البنات اذا رسبت وحده زين .. واذا رسبت اكيد سوت شي ما عجبها او ما رمسته او غيره ..

.. هذا الحديث عن قسم الايتي ولو ذهبنا عن الاقسام الاخرى لما كفت الكتب .. لوكن انا حبيت اوضح لج هالشي .. واريد اشوف ردج على هالموضوع هل اقتنعتي ام لا زلت على رأيك ..