[هزاع أبو زهرة]

أرسل أصلا بواسطة حيرانة

كنك دوّرت براسي يا هزاااااااااااااع
فسر وخلاف برد عليك

اليوم صاني ما شاربة قهوة بعدني

قصدي ..
إن كلامك هناك .. واجد غاوي ..

جلست أقرأ وأنا ..

أحيانا أحس إن ذيك الحروف بحر وأغوص فيها

وأحيانا أحسها نار تلفح الروح بلهيبها

وأحيانا أحسها قطرات من برد تضرب وجهي

وأحيانا أحسها سكيك وزقاق أدخل وما أعرف أخرج منها

وأحيانا أشوفها كأني أشوف النجوم المتلألئة وأنا في الربع الخالي نص الليل ( عارفة كيف المنظر لاه)

وأحيانا أشوف كل مقطع من ذاك الكلام كأنه فنجان قهوة أريد أشربه
ولما أحاول أمسكه ..أنتزق وأكتشف إني جالس أحلم وأرجع أعيد أقرأ
..ويرجع نفس الحلم وأحاول أمسك الفنجان وأنتزق ... وهكذا دواليك !!

لين في النهاية قلت ما شي غير إن هذي الحرمة .. س ا ح ر ة .. ـ أجارك الله !!

تمسك القلم .. وتنفضه .. لين تتجمع كل الحروف في كفها وتقوم تتلو عليها
شي من التعويذات ـ العزائم بو إزكي ـ .. وتحرق شي من الطلاسم وتمزجها مع الحروف
وبعدين ترجعها للقلم ـ والقلم مسكين مستغرب فاك ثمه ـ ...
وبعدين تجي حيرانة وتكتب بهذاك القلم السحري ... وتنسحر معاه الأوراق
وينسحر أي واحد تمر عيونه على ذيك الحروف ...




لما طلبتي تفسير .. فتحتي لي باب الخيال ..... وعاد لا تلوميني .. !!

بعده شي واجد !!

..