[الـوســيط]

الاخ المستشارالاول شكرا على طرحك هذا الموضوع

فسمح لي بمناقشتك في ااستنتاجاتك وملاحظاتك الطيبة

قبل البدء اعرفك بنفسي ألاسم المستخدم الوسيط وهو حقيقة ما انا عليه ويحمل اسم مكتبي العقاري

المهم نبداء نقطة نقطة
1- صحيح في ناس تعرض اراضيها باسعار مبالغ فيها لكن مامعناه عرضوها بهذا السعر أجباري على المشتري يشتري بهذا السعر في شي اسمه تفاوض ومجادلة ناس تعرض ب 15 الف وفي الاخر تبيع ب 12 الف ( ولله الحمد الحين الناس اصبحت فاهمه ومتانيه في البيع والشراء وتستفسر عن حالة الاراضي قبل ان تشتري , وكثير من الاعضاء يتصلوا فيني هاتفيا وبرسائل يستفسروا عن الاراضي واسعارهن وكثير منهم قدمت لهم النصح وتقيدوا بالنصيحة ولم اجد منهم أي عتاب او زعل ) وكل انسان يكدح ويتعب ويريد ان يأسس بيت للمستقبل يجب عليه ان يستشير اصحاب الخبرة اللي سبقوه في بناء منزل أو شراء أرض.

2- المشاريع الكبيرة أو السياحية انت ذكرت فقط ولاية الدقم ليش الله اعلم بس مومشكلة سوف نتكلم عن ولاية الدقم , مافي شك ان الدقم سوف يكون بها مشاريع ضخمة مثل المصفاة والميناء واحتمال كبير مطار داخلي, اسعار الاراضي في الدقم كانت ماتتعدا الفين ريال بالكثير والحين اصبحت ب 20الف و 30 الف من هم الناس اللي يشتروا بهذا المبلغ الكبيرة لاتقول واحد فقير اكيد واحد من مقتدر وعنده سيولة وامكانية وعنده خبره في السوق وعارف سوق الاراضي واذا ماشي مشاريع ضخمة في هذه المنطقة ماراح واشترا بهذه المبالغ اراضي هناك .

3-الرد على الموضيع شي طبيعي والرد دائما يكون صريح وواضح اذا كانت الارض ممتازه وسعرها معقول نقول انها تستاهل واذا الاراض عكس ذالك نرد على صاحب الموضوع بانها ماتسوى وهكذا

4- انا اول مرة اسمع عن سمسار حاسد كيف يكون سمسار وحاسد السمسار ياخذ عمولته أمام الطرفين وغالب ماتكون 50 ريال أو 100 ريال هذا في الاراضي من 4000 الف 9000 الف والكل يعرف هذا الشي ولو كان السمسار حاسد ماظنه بيوفق بين الطرفين أكيد بيخرب عليهم لانه حاسد مايريد الخير لحد
( كلام غير منطقي )


وكلنا تعرف ان الخسران هو ذاك الشخص اللي باع ارضه بالف ريال وأقل بسبب العجلة والتحجج ماعندي رسوم الدفع
ومااعتقد أحد يلوم شخص سوى كان ثري أو موظف في القطاع الحكومي يسعى الى زيادة راس ماله بالحلال عن طريق الاستثمار في العقارات

والحمدلله نحن العمانيين بحال أفضل من ناس كثيرا في الخليج والعالم مااقادرة تشتري لا ارض ولا خيمة
وناس كثير فقراء عندنا جالسين يكدوا ويتعبوا ويبنوا لهم ولاولادهم وعايشين ولله الحمد .


والسمسار يتعب ويكد ويشقى وغيراتصالاته والفاتورة اخر الشهر معديه 100 ريال
ويجي شخص طيب بكلام مرتب محترم وكله حسد على العمولة اللي يتقاضها السمسار

( في كل مكان وفي كل عمل يوجد الزين والشين) اذا اشتكينا من واحد مايعني الكل نفسه

أتعب اشقى وراح تجني ثمار تعبك وشقاك