[يعقوب الحوسني]

السلام عليكم ورحمة الله وبركاته ..

يسرني ويسعدني أن أشارككم اليوم بهذه القصيده ..

راجيا أن تنال اعجابكم ..

نعم ..حان الوداع

نعم . حان الوداع اليوم .. بارفع راية العصيان *** وبانسى الحب وماضي كان يربط بينك وبـيـني

أبد لاتسألي وين الهوى والود و الاحسان؟ *** ( هـ ) ذاك الحب غدرتي به. غدرتي ماضي سنيني

تناسيتيِ الوَفـا و الحب و خنتي العرف والاديان *** أيا أفعى سمومك ما لها تأثـيـر .. شـوفيني

فلا تبحثي .. أوتسألي .. أبد ما تنطفي النيران *** هدمتي كل شي ٍ جَدْ ...خـيانـه حيـل خنتـيني

أنا ما أنكر الواقـع لأني الكـاسـب الخسران *** كلامي صح ومـتأكـد حـسـابي مع براهيني

أنا اسمع ... انا اسكت ... على كيفي ومهما كان *** بسألك بس أريد اعرف .. ولو ممكن تعلميني

جوابك مـا يغيّر شـي .. جوابك داخلي سـيّان *** أنا ( م ) اهْوى كثير الـقول كلمه بس تكفّيني

تحبيني . !. تحبـيـنه .!. تحبي كم وكم خلان؟ *** أنا أول .. وذاك عاشر .. تحبيه و تحبيني

أنا آسف أكررها .. صدقـتي لـو كنت غلطان *** باخونك ما من اطباعي .. و لا نفـسي تدنيني

تنكرتي لذاك الحب .. لعـهد الله والأيمان *** تسألي ليش..؟ و إنت ِ اللي نسيتي الحب.. نسيتـيني

و جيتيِ اليوم ندمـانه .. أنـا والله ما ندمـان *** على مثلك ولا أحـزن .. لأنـك ما تهـمّيـني

لمست افعالـك بنفسي ..بعـيني شفته البرهان *** وصـدقك انكشف زيـفه ..كنت مخـدوع أثريني

(هـ) ذاك اول وانا أزعل وأتضايـق إذا زعلان *** أخاف ان الهوا لو مر يجرحك ( يا نظر عيني)

رحم الله زمان اول .. ليالي .. ما نمت سهـران *** ليالي عاد ذكـراها كما الكـابوس زرتـيـني

زمانك يا بنت عـدّا وأصبحتي خبـر من كان *** نهاية قصة العاشق ." أنا المـخدوع " صدقيني

قتلتي شاب في مجده .. و أحلام " الفتى برهان" *** نهايه ما تـوقّعها .. عرفتي كيف تنهيـني

ومنكم السموحه ...