[الرياضي]

مرحبا ... اليوم موضوعي عن قصة واقعية صارت ..


بس


لا تفرحوا وايد..هي مو عن احد اعضاء السبلة


زمان ... مو وااايد يعني..كمين سنة .. 4 او 5 سنوات

كنا نروح الجامعة في الامارات بالباص .باص النقل الوطني..
نوصل البريمي و عاد من هناك نروح السكن ...

المهم الله يطول في عمركم

الباص كان مزحوم.. طلاب... و طالبات ... (( على فكرة هم كانوا غيرانين منا لان جلسنا اخر الباص)

و شيء كمين هندي.. و مصري ..والسائق عماني ...

بعد طول طريق ونحن نذاكر في الباص والبنات يسمعوا اغاني سوالف عن فلانة و علانة :شيطان:

وصلنا البريمي و الحمدلله...........................

وصلنا محطة الباصات... الكل كان يريد يخرج بسرعة...

الاولاد طبعا حتى يوصلوا السكن و يذاكروا .. والبنات حتى يقولوا لزميلاتهم عن تفاصيل الاجازة

كل واحد شل شنطته و نحن الاولاد ركبنا التكسي و رحنا .....
و البنات جاءهم باص من الجامعة يوصلهم السكن....

المهم كنا في التكسي 4 شباب ... طبعا الشنط حطيناها في الدبة( الشنطة )

وفي الطريق نسولف مع سائق التكسي و نضحك معه

و انا و اثنين من الشباب نزلنا السكن واخذنا اغراضنا من السيارة .. و بقى واحد سكنه ابعد شوية

وصله التكسي لحد سكنه و نزل و دفع الحساب و راح بسرعة طبعا حتى يلحق يذاكر

فالاولاد شطار و مهتمين بدراستهم ..

المهم زميلنا (H) و صل غرفته و تذكر شنطته .. نساها في التكسي!!!!

اتصل فيني....

H : ..... مصيبة
انا : ويش هناك..
H : نسيت الشنطة في التكسي
انا : عادي..بيشوفها و بيجيبها بعدين ..الرجال الظاهر عليه طيب...
H : عسى خير... كيف نلتقي في المطعم
انا : تم

المهم وصلنا المطعم و حضر H و جلسنا نتكلم و نضحك عليه ...
و قلناله الرجال بيجيب الشنطة ..هو يعرف السكن و اذا شافها بيجيبها ..

بعدين زميلنا H : تغيرت ملامح وجهه ...سالناه ويش هناك ..قال:
كنت اتكلم مع راعي التكسي قالي انه يداوم في ابوظبي و بكرة الصباح بيطلع
ويرجع يوم الاربعاء يعني بعد 5 ايام...

و نحن طبعا عملنا جمعية خيرية و تبرعنا له بما ينقصه

ومرت الايام و وصلنا لحد الاربعاء المساء و الرجال ما اجى ....

الخميس تقريبا على الظهر .. كنا مع زميلي H طالعين نتغدى اتصل فينا واحد من شباب السكن
قالنا صاحب التكسي حضر و جاب الشنطة.. عاد استغليناها فرصة و زميلي H دفع الحساب

رجعنا السكن بسرعة و دخلنا غرفته .. و فتح الشنطة .. الا ونشوف عبايه سوده

جلسنا نشوف على بعض ...اغراض نسائية في الشنطة

زميلي H قفل الشنطة و هو ما مصدق ..من الجمعة الماضي و هو ينتظر الشنطة ووصلت يوم
الاربعاء و طلعت مو هي الشنطة

حاولنا نفسر الامر,,, قلنا ماشيء هناك تفسير الا ان زميلي اخطى و اخذ شنطة بنت بدل من شنطته

قلنا مو الحل... زميلي H قال نروح السكن الرئيسي للطالبات و نخبر المشرفة

رحنا السكن.. بس ما طعنا ندخل..خلينا زميلي H هو يدخل بروحه للمشرفة
ما ناقصين نزاعة ..اسبوع و الشنطة غايبة تو نجيبها اكيد البنت فيها بو فيها تو ...

المشرفة ما صدقت السالفة .. الا بعد جهد كبير و اقناع ..
عاد الشرفة قالت.. شنطتكم رجعناها من اول يوم لمكتب السفريات
((يعني الشنطة كانت قريب منا و نحن ما نعرف ))
و احسن لك تروح اللحين ترى البنت طلعت شياطينها :شيطان: و اذا عرفت انك هنا بتقتلك

الا وزميلي H طلع بسرعة .. يكفي العذاب اللي شافه ما ناقص بعد مصائب

رحنا مكتب السفريات و حصلنا الشنطة و طبعا كانت هناك سهرة و عزيمة على حساب H
بمناسبة رجوع الشنطة ..