|
داكتر ما موجود ... يسير يسلي
في يوم من الأيام قبل المغرب بشويه ... وقت الشفق (؟؟؟؟؟؟)
مرت غزالة عمان من قدام بيتنا ونطحت ولدي "المندوب الصغير" قصه قديمه وكلكم عارفينها ، والولد شفي والحمد لله ، والغزاله كسرنالها قرونها وغابت من الحاره ما هوه الموضوع :D الموضوع يوم إنه أم المندوب نهمتني وشفت الولد يترفس فالشارع وراسه منفشق وعيونه قالبه عالبياض شغلت السياره وشليناه أقرب مركز صحي (ما تسالوني أي واحد .... المهم مركز صحي مجاور والسلام) وهناك في المركز الصحي بدأ الموضوع أذاك الوقت عند صلاة المغرب (فاتتنا الصلاه من الربشه) سدحنا الولد في غرفة العلاج (ماشي غرفة طوارئ في المراكز !!!!) ونادينا بوهناك وطلعت ممرضه حلوه (يا حظك يالمندوب أتغازل :نطوط: من غواها ... نسيت إنه ولدي بين الحياه والموت ، والمصيبه الأعظم نسيت إنه المندوبه الساميه حيتي) المهم .. الممرضه : موفيه فيه ولد ؟ أبوه (أنأ) : منقحف راسه ، قاحفتنه الغزاله بقرونها الممرضه : داكتر ما موجود ... يسير يسلي تو أنا : انزين يلين يجي الداكتر ... سويي شي ... نظفي الدم وربطيله راسه لين يوقف الدم شويه الممرضه : ممنوء ... لازم يسوف داكتر أول أنا : أها دم ينزف ... بيخلص دمه الممرضه : ما مسكله ... سيري مكتب ورا ، سجلي كارد أول أنا : يغيب الكارد تو ... تصرفي (خلاص المندوب حمقان :معصب: ) شلت ملف وطلعت .. وأنا وراها كما المجنون ... تو موه أسوي ؟ أهبشها من كتوفها وسدحها على الأرض وشوتها ؟ :معصب: المشكله استوت بنت ... يا ربي موه الحيله ؟ وأصرخ : الداكتر هين يصلي ؟ :بلابلا: واحد من الموجودين ... قال لي إنه المسجد ورا المركز .. وسرت أركض ... هين ساير أنا تو ؟ الداكتر ما أعرفه ... لكن ما مشكله ولقيت ناس متجمعين قدام المسجد طالعين من الصلاه ... وأصيح ... هين الداكتر ؟ ما حد رد علي ، ودخلت داخل المسجد ... لقيت بعض المصلين يصلوا فرادى ... موذيه الحااااله ؟ تو من منهم الداكتر ؟ وكيف أسحبه من صلاته ... وانتظرت وأنا مشوط :معصب: وكلما خلص واحد أساله : انته الداكتر ، ويهزلي راسه بالنفي (حتى ما يتكلموا) ... وبعدين واحد الظاهر يعرفه قالي أذاك الداكتر لكن الله يعينك متى يخلص .. وبالفعل خلص آخر واحد (يخشع واجد فصلاته) ما واحى يسلم والقفه ... تعال داكتر الشيمه لحق على ولدي الداكتر : ما عليه باس ... تعال نصلي ركعتين أنا :معصب: : داكتر ولدي ينزف دم من راسه والممرضه تقول ما تمس شي إلا بعد ما تشوفه انته الداكتر : صحيح صحيح ... يالله يالله وجينا نركض :نطوط: لقينا المندوبه ماسكه المندوب الصغير وتبكي والدم مخرسلها ليسوها أنا : مالش مندوبه ؟ ماله الولد ؟ المندوبه : الولد غمض عينه وما يتنصخ الداكتر : هاتيه هاتيه داخل ... ميمونه (الممرضه سمها ميمونه) نظفي الجرح ، سوي تخدير ، لازم خياطه ميمونه (فديت ميمونه أنا) : يس داكتؤر ، لكيني ماشي بنج :eek: الداكتر: خلاص ما يحتاج ... تعالوا انتوه مسكوه .. ما أبغا أوصفلكم الحاله ... شي لا يوصف ... كما بو يسلخ عجل مال العيد ، كل حد ماسك من صوب ، والولد يتقحم وسطه يلين انقطع حسه من الصايح .. وخلصنا بس خلاص ورجعنا البيت ... هيه صح ... نسيت أقولكم ... دقوه بره ، وعطيونا كيس حبوب !!!!!!!!!!!! هذا حالنا ... بو عنده كلام زياده يقوله ... وبو ما عنده يهز راسه ويطلع أنا بهز راسي وبطلع تو ، بس خلاص ما عندي كلام زياده :عيار: |
صباح الخير يو ربع ......
|
صباح الخير يالمندوب
|
اقتباس:
|
اقتباس:
|
كيف حال ولدك تو |
أول أيام العيد الاهل حارقيني يدهم أخذتهم المستشفى.. ما نقدر نسوي شي أنتظروا الدكتور هين الدكتور؟؟ أنتظروا الدور كيف!!!! أقولكـ حرق.... الجلد مشتوي كأنه شواء مال العيد:معصب: ما عليه أنتظروا غيبوا أنتوا وعلاجكم رحت أقرب صيدلية وحطينا لهم مراهم مسكنة وشاش .. |
اقتباس:
زين تو :D الحمد لله القصه قديمه الله يصرفها صرفه بوسمها غزالة عمان :mad: ما قرون شاله عاد :confused: لو شايفه الولد أذاك الوقت أتقولي طايحه على راسه حطبة كهربه :eek: |
اقتباس:
ما هزيت راسك قبل ما تطلع ؟ :D |
أمكن هذا المركز الصحي مال الخوض
أعرف وراه مسجد صح ولا لأ؟؟ |
اقتباس:
لكن كيف ستفدت من المرهم :D |
اقتباس:
جلسوا نبشوا انته :rolleyes: ياخي مركز صحي والسلام :عيار: موه المراكز الثانيات أحسن يعني ؟ ولا الناس بو فيهن أفضل ؟ تراها كلها "سيما خت مقزح" |
حليله المندوب الصغير
المندوب السامي ترا بخبر المندوبه الساميه وبتشوف شغلها معك كيف تغازل الممرضه وهي عدالك |
اقتباس:
حتى يوم ما استفاد من المرهم استفاد من قلة المصخان :D |
اقتباس:
ما عليش منها ، ما لاحظت كانت مرتبشه بالمندوب الصغير :confused: وبعدين ماله ما أغازلها ... عيونها كبار كما بقرة غفيلوه :rolleyes: ويوم تتكلم شويه :o شويه "داكتر ما موجود ... يسير يسلي" نعم نسيتني حالة ولدي :D |
انا فوادي عورني يعني بهز راسي وبطلع:(
|
اقتباس:
تو انتيه هين جانب ساكنه بالحيل الجنوبيه وا الشماليه ؟ :confused: |
اقتباس:
|
اقتباس:
لا شماليه ولا جنوبيه ولا بالحيل اصلا ولا من مسقط |
اقتباس:
يوووووووووووووووووووه بقره غفيلووووووووه حرام عليك |
اقتباس:
عجب يقولوا إنش دلوعه بـالحيل |
اقتباس:
انتيه شايفتنها بقرة غفيلوه ؟ :D |
اقتباس:
مثل ما يقولو اهل مسقط يعني واجد دلوعه |
اقتباس:
لا ما شايفتنها بس انت لما قلت بقره غفيلوووووووووووووووه وعيونها كبار قلت اكيد اكيد كبر الفنيان عيونها |
أسعد الله صبــاحكم :) وما يشوف شر المندوب الصغيــر إن شاء الله ;) :) بس :نطوط: تو صحيح ناطحنــه غزال :مفتر: :مفتر: |
ههههههههههههههه كشخه طريقتك في الكلام
ليش اهل صور مايتكلموا كذيه...بس ضحكت من خاطري يحليله المندوب الصغيرون...وانت عرفني على المندوبه...عندي كلمة راس حالها...وبعدها بتشوف اذا تروم تشوف على حد وهي حيتك.... احاول اتكلم كماك... |
اقتباس:
تو الحيل يعني واجد ؟ :confused: أكيد الخوض يعني شويه ...:عيار: انزين عجب تو فهمنا :D ، لكن بعدش ما قلتيلي هين ساكنه ؟ واجد الجنوبيه وا واجد الشماليه ؟ :عيار: |
[QUOTE=المندوب السامي]
تو الحيل يعني واجد ؟ :confused: [/QUOTأكيد الخوض يعني شويه ...:عيار: انزين عجب تو فهمنا :D ، لكن بعدش ما قلتيلي هين ساكنه ؟ واجد الجنوبيه وا واجد الشماليه ؟ :عيار: شو هالحاله اقول بابا انا من الباطنه مب من مسقط |
هزيت راسي مرتين و طلعت بس خفت الي عندي يحسبوني هنديه :مفتر: وسلامات عالولد ما يشوف شر وحليله هالراس كم مرة ينفتق:D :عيار:
|
السلام عليكم
|
اقتباس:
وعليكم السلام ورحمة الله وبركاته كحوه هينك يالدغم شاع من فاشك:p |
ياالله
صيحتني عاد ما ماساه انا شايفتنك اصلا يوم كنت في المركز بس خجلت اتقرب لا المندوبه الساميه تسويلك سالفه لها اول ما لها اخر واتقشبك وتسقعك بشي وبدل من تعالج واحد تعالجوا 2 |
اقتباس:
:( :( :مفتر: |
اقتباس:
عليكم السلام اشحالك كحوووووووووووه ,,, كلاسيك وين دف دف |
اقتباس:
تو صحيح باغيه تهجري السبلة يا خالتي :( :( :( |
اقتباس:
موذيه الريحه :عيار: موذا الشي الغاوي :عيار: يالله يالله أما صح رياحين الجنه :D حنه بألف خير ، يوم إنكن بعيدات عن المندوبه :mad: ما متفيقه هالأيام ، وتلفونها مقطوع ولا بعطيش إياه :عيار: |
اقتباس:
هيوه صح ليش ما مصدق:مفتر: |
اقتباس:
عليكم السلام ورحمة الله وبركاته هز راسك :D |
اقتباس:
هاعه :( ما مصدق :( يعني عتي ما رايحه تدشي السبلة :( :( ولا :نطوط: رايحه تدخلي بمعرف ثاني :( :( |
اقتباس:
موه نوبه ذا الفنيان ؟ :ضحك: |
اقتباس:
الشر بعيد عن كل غواليك .. يا رب ناطحتنه غزالة عمان ما غزال :mad: |
أبووووووووووووووووووي أنا ما فهمت شي:مفتر: :مفتر:
شووووهالرمسة...... ...:ضحك: أنا أطالب بمترجم في المنتدى ولكم جزيل الشكر والسموحه.. "لا توخزني يا المندوب أنا عضوجديد"تحياتي للجميع:D :D |
اقتباس:
فنجان شو اسوي تبوني ارمس شراتكم صعبه شوي |
اقتباس:
انزين كون يا بوش علاااااامش ... متضايجه ؟ :confused: |
اقتباس:
شو نسوي اختيييييييي هذولا مال مسقط جيه يرمسون حاولي تسوي هيلب حق يور سيلف |
اقتباس:
لو هازتنه 3 مرات :ضحك: |
اقتباس:
|
اقتباس:
أذيك انتيه بو مطلعه عين وحده ؟ :eek: حجاب بدو :ضحك: |
اقتباس:
احنا مال الداخليه ما نلبس لبس بدو:معصب: انا كنت مندسه(متخبيه يعني)وما حد يقدر يشوفني |
اقتباس:
موه نوبه لا توخزني ؟ :eek: ماشي برات فيديني :confused: مسموح حبابي مسموح دامنك خاطر :D هاتوله ترجمان ... مال توخزني :ضحك: |
| جميع الأوقات بتوقيت مسقط. الساعة الآن 10:41 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.