|
عضو مجلس الشورى بالبريمي( بكل صراحه وبدون زززززعل)
السلام عليكم ورحمة الله وبركاته
هذي سوالف أعضاء الشورى بالبريمي واتمنا ان تردو بالصراحه وبدون زززززززززززعل طبعا مثل ما تعرفون ان محافظة البريمي فيها عضوين العضو الاول- ب.م.س معروف وغني عن التعريف محافظة البريمي تشهد بجهوده التي قام بها للمحافظه ومحد ينكر هالشي والدليل ان هذا العضو المميز الذي يقوم جاهدا لتطوير المحافظه وصل صوته حتى في قناة الجزيره وسعى بكل مجهوده لتكون البريمي افضل مما كانت عليه والحمدلله رب العالمين الفضل من الله ثم من مولالنا السلطان قابوس الله يطول بعمره ومن العضو المميز ما قصر فالمحافظه ......................واهالي المحافظه ماينكرون هالشي العضو الثاني-م.س.ع ماشاء الله عليه هو صح عضومجلس الشورى لكن للاسف بدون جهود ابدا للولايه والدليل يقيم حفلات ترفيهيه أمام قصر الحله لأجل يكسب تصويت الناس له فقط والي عجبني اكثر امس فصلاة العيد ياي بالبشت ويزاحم الناس عشان يتقدم ويصلي جنب الوالي البشت الغاوي يعني هذا العضو ( ستاره بدون دريشه) سبحان الله مستحيل يجو عضوين بنفس الطبع والي حاصل الحين ان صوت الترشيح واصل الان ب20 ريال يعني واين وزارة الداخليه عن الي يدقو الباب ويقولوا ( ترشحني بعطيك 20 ريال) ليش هالاسلوب فبلادنا ليش ما تقترح وزارة الداخليه بان الي يرشح عمره للشورى لازم يكون عنده شهايد وخبرات فمجال الشورى ما يحطولنا واحد ياي من الجبل وما يعرف شي ويشتري الاصوات بفلوس20 ريال هذا حرام والله اعرف واحد من اعضاء هالمذكورين والله انه الناس رشحوه بدون عن يطلب الناس ترشحه لان الناس شافوه يستاهل وعليه اخلاق ومعاملاته طيبه جدا مع الكل والله يوفقك ان شاء الله وسامحوني هذي اخبار الشورى وعاد عليكم التعليق بكل صراحه وبدون مجامله |
خلوه يسوي الحفلات والمأدبات;) إنتو ما عليكم غير تضربوا العيوش والعشرين ريال ويوم الانتخابات عطوه بأبوسلاخي وانتخبوا العضو إللي يناسبكم:عيار: :عيار: :عيار: |
هاهاهاها
(بالنسبه راعي البشت الغاوي )راحتله وحده من اهلي قالت له عندي ما يقارب 200 صوت واريد ارشحك انت قالها اندوش 50 ريال حال الصغيرين جهزيلي اصوات وفالش طيب بعدين المهم بنت الخال دقت 50 ريال وقالت حبوتي بترشحه الي يشتري الاصوات بفلوس يستاهل كذيه وزود وهذي العبره لمن لا وجود له الا بالفلوس (والمصيبه عليه ديون وبعد يشتري الاصوات بفلوس)
20 ريال ححححححححححححححححححححلوات 50ريال حححححححححححححححححححلوات انتو الحين دقوهن ويوم الترشيحات خيران شاء الله |
:D
اقتباس:
|
ضربوا الفلوس وبعد ذلك سلخوه
|
اقتباس:
:ضحك: :ضحك: فعلا، خلونا نسويها في كل الولايات، طالما أن الوضع قائم بهذا الشكل في كثير من الولايات، اضربوا صحن العيش والعشرين ريال وبعدين اعطوه أبو لباس، يعني سلخوهم عند صناديق الانتخاب، شوفوا العضو الأنسب..:نطوط: |
فيه واحد بعد سواها بولايتنا .. ابو الشباب شرى أصوات بالهبل بس محد عبره .. بس المصيبه انه الشخص الآخر لي فاز ما فاز لأنه احسن أو أكثر قلبه على الناس :D فاز لأنه معظم الناخبين هم من أبناء قبيلته العتيدة !! وتراه لعلمكم هم ما خسرانيين شي .. هذي الفلوس ما من جيوبهم .. |
اقتباس:
" السلام عليكم ، يجب أن نتحلى بالشجاعة ، إذا كان مستحق نقف معه وإذا كان غير ذلك نطالبه بالأنسحاب العلني وبهذه الطريقة تبنى الناس ملكهم لم يبن ملك على جهل وإظلال ، دمتم في رعاية الله " |
حسبي الله ونعم الوكيل
الاصوات بفلوس .. يعني موب بالاقتناع شو هالاستغلال... ما اعتقد انه وزارة الداخليه تقدر تضبط هذي الامور لانه المنتفع شخص واحد يأخذ مقابل 200 صوت .. |
وحليله
واحد من الاعضاء يبني بيته بديون لا وبعد يدفع غوازي حق الاصوات مسكين يمشي ويتعثر وراى هالشورى من بيت الى بيت وأول شي بيتنا خاطف عليه هذا صدق غبي وعقله فصيمه شوبيستفيد من الشورى صح الراتب 1000 ريال لكن هو خسر اكثر من الي بياخذهن من الشورى تلقه دافع الآلف من الغوازي عشان يترشح والله عوراني قلبي عليه (اجلسلك تحت سمره صوب السيوح والجبال الشامخه ابركلك عن مجلس شاورني) الشورى يبالها واحد من هالهواميرعشان يقوم بواجبات الولايه
|
أرى بأنه من الأفضل كان طرح الموضوع عن ترشيحات مجلس الشورى القادمة والأستغلال وكيفية الأصوات فيها دون التشهير بفلان وعلان فنحن العمانيين لا زالت تغلب علينا القبلية ومن بعدها تأتي الماديات وإللي يدفع أكثر وبالأخير يجي العقل والحكمة وهالشىء حاصل بكل ولايات السلطنة وأغلب الأعضاء حتى إعدادية ما عندهم.
|
اين الخوف من الله عزوجل وانا ما اقصد المرشح فقط لا بل اللي بسير يرشح وهو يريد 20 ريال
|
اين الخوف من الله عزوجل وانا ما اقصد المرشح فقط لا بل اللي بسير يرشح وهو يريد 20 ريال
اخوي اي خوف فهالزمن الناس كل همها الفلوس وبس وعادالمرشح للشورى لايهمه 20 ولا50 ريال عطونا 20 ريال كان هيبدنا حال الصغيرين معيشه ترانا نستاهل ويوم الانتخابات هنرشحكم |
ههههههههههههههههههههههههه هههههههههه
شر البلية ما يضحك هذا كله يستوي في البريمي ونحن ما ندري عنه؟؟؟؟ يعطيكم العافيه شباب البريمي ما عليكم قصور |
كان من الأولى فتح موضوع عام عن شراء الأصوات دون الإشارة الى أحد
|
الله المستعان .. الشورى أمانة اذا كان من بدايتها كذا كيف بيكون الفعل في المجلس !؟!
|
والغميضه
والغميضه واحد من اعضاء الشورى فالبريمي مسوله منسق خاص-س . العبري وعاطنه فلوس عشان يجمعله ويشتريله اصوات وحليله العضو ما يدري ان المنسق الخاص يلعب عالحبلين ياخذ الفلوس ويجمع اصوات حق العضو الاخر اسميه منسق خاص ينفع حق المزابن فالسوق
الله يحفظ سلطانا المفدى |
وووووووالي على راسه خوصه يمشطبها هاهاهاهاهاهاهاهاهاهاهاهاه ا
لاقصدي والي على راسه ريشه يحسسبها |
اقتباس:
كان الاجدر هو طرح موضوع رشاوي الانتخابات لمجلس الشورى وصاحب الموضوع كان الاجدر به اذا اراد فعلا التصليح هو تبليغ وزارة الداخلية مباشرة عن الفعل لا التشهير به هنا فهو الان شهر به وانتهى لكن هل يستطيع ان يقول لنا انه بهذا التشهير سيوقف ترشيح المواطنين لهذا العضو ما دام ان العضو مستمر في التبرعات الخيرية :D |
اقتباس:
خليك حبوب وفهمنا العبارة :cool: |
معك
كان الاجدر هو طرح موضوع رشاوي الانتخابات لمجلس الشورى وصاحب الموضوع كان الاجدر به اذا اراد فعلا التصليح هو تبليغ وزارة الداخلية مباشرة عن الفعل لا التشهير به هنا فهو الان شهر به وانتهى لكن هل يستطيع ان يقول لنا انه بهذا التشهير سيوقف ترشيح المواطنين لهذا العضو ما دام ان العضو مستمر في التبرعات الخيرية ابويه ما شهرنا بحد لاتفهمنا غلط اقرا المكتوب زين ياسحلب طحلب بس المفروض المرشح ما يدق الباب من تو ويقول 20 ريال كان هتشرشحني قصدي هترشحني |
اقتباس:
|
فلتقرع طبول الترشيح تره خوتي مال بلاش زربو فلوس مال بلاش لا
|
للرفع للرفع ووووووووووووووالتذكير
|
فيه واحد فولايتنا مساوي نيه يترشح ، بس كان في الفترة الماضيه لما يشوفك فمكان ما يسلم عليك ،وشايف نفسه حجه ونص ، أما في الفترة الحالية الإبتسامة تملاء محياه ، ويسلم عليك بالخشوم ، وعسى أن يقوم بتوزيع أجهزة كمبيوتر كالأعوام الماضية لتتسهل اموره ...:ضحك: :ضحك: :ضحك:
|
هبوب الصيف
بيستوي توزيع فلوس وتوزيع كمبيوتر وعازايم وذبايح وسلام بالخشم هذا حال المرشح لانتخابات الشورى الين ينجح وبعد النجاح مايعرفك ابدا ويتهرب من الناس لكن الشور شوري ضربوا مصلحتكم منهم ويوم الانتخابات (رشحوني انا) :نطوط:
|
اخي طارح الموضوع ،، اخواني : اسمحوا لي فانا اعرف في هذا الموضوع وعن العضوين أكثر منكم
أولا : طارح الموضوع كان ينبغي عليك أن لا تذكر اسماء لان ما قمت به يعتبر تشهير واهانه للغير ثانيا : عضوي مجلس الشورى بالبريمي كلاهما لم يقصرا ابدا فاذا كنت تتكلم عن موضوع قناة الجزيره فاعلم انه لم يكن بجهد عضو مجلس الشورى وحده انما كان بالتشاور مع الجميع (انا متأكد) وكان باجتماع مع مجموعه وكان بينهم عضو مجلس الشورى الاخر الذي انت تنتقده . ثالثا : شراء الاصوات ، الكل يعلم ان هذا الامر يحدث في كثير من ولايات السلطنه وما ادراك ان الاعضاء الاخرين لا يقومون بهذا (كن صادقا مع نفسك) رابعا : انا ارى ان طرحك للموضوع كان لهدف شخصي بحت ولا يمت الى الموضوعيه بصله ابدا ابدا ابدا ، واني انصحك ان تتقي الله في نفسك وان لا تظلم وتشهر بالناس خامسا : العضوين كلاهما من عائلات عريقه ومن ليس له اصل في الحجر فلا اصل له في المدينه . سادسا : اسمح لي ان اقول لك اني اشك ان تكون انت من البريمي لان اهل البريمي جميعا يعلمون جهد العضوين معا لخدمة الولايه ولم يقصر احد منهم ابدا ، مع العلم ان بطي اقرب لي انا من العضو الاخر وانا اقول هذا لاني قريب مما يحدث في البريمي من احداث واري بعيني واسمع باذني ولا يخبرني احد ، لذا اقول لك انك افتريت على احدهم والادله موجوده اذا اردت ولكن ليست للنشر امام الجميع والتشهير بالناس هكذا لان هذا التصرف له مصطلح لا يمكن ذكره هنا . هذا ما اقوله للامانه فقط وليس لي مصلحة مع اي من الطرفين . |
اقتباس:
ولا تنسى العنصر النسائي بعد فلانة الفلاني الي تنسق و تغري الناس(الحريم) عشان يرشحوا فلان. بصراحة الاعضاء الاثنين مش نافعين الولاية بالطريقة الصح الي المفروض تكون. والله يعين ويستر على الاثنين. انا ما أريد أجرح فحد ولكن الثاني بعد مش شوية، نسيتو الباصات الي كانت تجي مركز الترشيح و الخمسة ريالات (و البعض عشرة) الي كانو ياخذوها؟!!!! انا مش ناسي. الله يسامحهم،، همهم الوضع الاجتماعي و الفشره وبس لأن الفلوس عندهم بالهبل و الي ناقص المركز وبس. خبروني هل سبق للأي انسان فقير أو متوسط الدخل فأي ولاية في السلطنة اترشح و فاز في مجلس الشورى؟!! رغم ان الفقير حاس بالمواطن الي مثلة اكثر من علية القوم، وقد يكون مستواة الثقافي اعلى من الأغنياء الي يرشحون انفسهم لغرض الفشرة و التزرزير بالبشوت. |
مانريد مرشحين يشترون الأصوات بفلوسهم أبدا سواء م ولا غيره .
إن شاء الله في الترشيحات القادمة يتم التغيير في الأعضاء ، ويتم اختيار الرجل المناسب في المكان المناسب . |
اه اه
اه اه اه اه اه اه اه من بعض اعضاء مجلس الشورى حسبنا الله ونعم الوكيل |
... مشكور ياهلا وماقصرت ... انت تقول انك من أهل لبريمي وأنا متأكدة وأعرف انك انته من أهل لبريمي وانا بعد من أهل لبريمي واعرف الوضوع عن قرب تماماً واعرف ان موضوع الجزيره كان شخصي ومن نفس العضو المذكور سابقاً وهذا العضو تحمل المسؤلية كاملة .. لدرجة انه طلعت عليه إشاعه انه انسجن وانته تعرف هذا الشي .. وعلى فكره انته بنفسك خبرتبي ان العضو الثاني إللي هو م \م \ س ..ماحضر معاكم ولا اجتماع وكان يتهرب وانتو دايم تتصلون فيه وكان مايرد عليكم او يتحجج بأنة مشغول يعني هذا جزاتة سعادة :ب \م \س الله يسامحك ياهلا المفروض كلنا نكون يد وحده وعلى قلب واحد ليش ياهلا ليييييييييييييييييييييييي ييييييييييييييييييييييييي يييييييييش كذيه ؟؟؟!!!!!!!!!!!!!!! :معصب: :معصب:
|
اون اعضاء مجاس الشورى
يالناس يا عالم كل اعضاء مجلسالشورى البريمي خرابيط كلهم يرعون مصالحهم للاسف ما يراعون مصلحة المواطن
الله ينطبهم مال الفخفخة ومناك ماشي منه :ضحك: :بلابلا: :) :mad: :D |
اقتباس:
|
الروس نامت والعصاعص قامت اللي ماله ظهر ينظرب على بطنه سلم لي علي الباتجان |
اشكر جميع الي ردو بكل صراحه
شهريارزماني مشكور عالرد
torpo ممممممممممممممماقصرت لا تقول أعضاء مجلس الشورى خرابيط البريمي نت مشككككككككككككور مغرم السلطنه مشكور هلا هلا هلا هلا هلا أسميك لو انت من البريمي جان ما نكرت الجميل الي سواه العضو الي أقربلك عمومن مشكوره عاشقة قائد ووطن عالمبادره الطيبه منك وووووووووووماقصرتي بس تذكرو يا أخواني وأحبائي ناكر المعروف والزين شويكون(-----) هلا هلا نسيت يوم سبيت العضو الي تقول انه يقربلك السنه الي طافت والحين اونه يقربلك أقولك يا خ الععععععععععععععععععععععع ععععععععععععععععععععز------) ما فيني اكمل بس حاول ما تنكر المعروف والمجهود الي قام به العضو المميز لمحافظة البريمي وأنا من كل قلبي و بأعلى صوت أحب أشكر العضو المميز(ب .م.س---)الي قام بالجهود الجباره للمحافظه ويكفي انه تحمل الأشاعه الي قالوها عنه والله العضوالمميزليت حد يقدره ويشوف شو يسوي للمحافظه بس للأسف الشديد خساره فيك يا هلا هلا هلا هلا هلا أنا من أهل البريمي وما أرضى الأ بالحق وبقول أخر كلامي لو أهل البريمي فيهم خيريقولو كلمة الحق منو الي راكض وعذب نفسه للبريمي عشان تكون للأفضل وللأحسن منو من العضوين الي كان كل هدفه البريمي تكون أحسن منو الي ضحى بأهله لبلاده ورغم كل الأشاعات تجاوزها لبلاده الحبيبه عممممممممممان الله يحفظك ياسلطانا المفدى لعمان الحبيبه والله يوفقك العضو المميز لمحافظة البريمي والله يوفق بعد ( راعي البشت الغاوي) |
انتوا ضربوا لحوم وعيوش وترسوا بطونكم ويوم الإنخابات انتخبوا العضو اللي تريدون او اللي تشوفونه زين
|
اقتباس:
|
اقتباس:
|
يا بوي تراه المسالة صارت عادية ومثل ما قالوا الاخوة ضربوا الغوازي وضربوه طاف:نطوط: :ضحك:
|
لا وبعد العضو اللي يبدأ اسمه بحرف ((الميم)) قال للناس اللي ساكنين معاه بنفس الحارة بسويلكم عزيمة يوم بيختاروني، وبسويلكم ليتات في الحارة، عاد حريم الحارة ماصدقن والى اليوم يترين العزيمة، ماشافن شي ولا بيشوفن شي.
|
اقتباس:
للأسف أصبحت سبلة العرب من أنسب الأماكن للتشهير بالناس. واستغرب من المشرفين كيف ما يحذفوا أمثال هذه المواضيع. |
والله النفاق ودجل ابسية ..........حط افلوسك بتصبح شيخ .
|
ليتات
اقتباس:
المهم يا شباب اذا شميتو ريحة عزايم وتوزيع غوازي لا تنسوني صاني استاهل عندي 200 صوت لترشيح كان حد يبغاهن يقولي الصوت الواحد ب3 ريالات ونص ما أطمع واجد يعني 3.500 *200 =700 ريال |
خبر موثوق منه
على ما سمعت ان العضو المميز ب*م* س النيادي خلاص مابيرشح نفسه لانه مايريد يزعل حد من القبايل وشبعو يا اهل البريمي (على ما اعتقد يمكن ماعنده بشت غاوي عشان يترشح) والله حرام ما يرشح نفسه ووووووووووووووخساره
عاد الحين رشحوا الي في بالكم وخلاص انا بضم اصواتي كلهن للعضوصاحب البشت الغاوي اقول البشت شو من الماركات عن يكون ماركة(شاورني) |
م عندهم سالفه إلا التشهير بالناس اتقووووا الله في أنفسكم وفي أهلكم أنا أعرف العضوين الي ذكرتهم وأبصراحه م قصروا لاهل البريمي مدري ليش انت شال ع الريال هالكثر واذا ع سالفه البيزات والعزايم م اعتقد في شخص يبا يترشح لمجلس الشورى في عمان م ايسوي عزايم وأذا ع قولتك يبني بيت وبديون عادي م فيها شي الدين مب حرام ومجلس الشورى مب محتكر للهوامير الي عندهم بيزات يترشحون م اعتقد هالقانون من ضمن شروط الترشح للمجلس . قال تعالى (( يا أيها الذين آمنوا اذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )) صدق الله العظيم أخوي أذا عندك شي تبا اتقوله عن الريال ولا عن اي شخص يبا يترشح لمجلس الشورى سير للجهات المختصه وأتاكد أنهم م راح ايقصروا وياك . |
ولد البريمي
اولا - اقدم كل اعتذري واسفي اذا اخطأت فحق العضوين ويا ولد البريمي شوف بنفسك الردود وصراحة الناس للعضوين
عمومن الله يوفق الي بيترشح للشورى وهذا اخر رد لي كلهم يستاهلوالخير والله يحفظهم |
اقتباس:
|
لقد أصبحت انتخابات مجلس الشورى (عند البعض) مكسبا ماديا بعيدا عن الهدف الأسمى الذي جعلت من أجله, والرشاوي فيها ظاهرة منشرة أتمنى من الجهات المعنية معالجتها في الفترة الإنتخابية المقبلة.
|
اقتباس:
|
اقتباس:
باين عليك تعرفه كويس :عيار: |
| جميع الأوقات بتوقيت مسقط. الساعة الآن 05:30 AM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.