|
ما سبب زحمة الشوارع ف شهر رمضان؟؟؟
مع دخول الشهر الكريم وتغير مواعيد الدوام الرسمي نتج عنها زحمة كبيرة ف الشارع لدرجة انك تخاف على حياتك والسبب تجاوزات بعض سائقي المراكب اي شارع واحد يحولوه شارعين .. الدوار لمسارين يصبح حق ثلاث او أربع سيارات وين الشرطة؟؟؟؟ هذا هو السؤالي؟؟؟
الواحد لين يوصل البيت ساعة كاملة + شد اعصاب :معصب: :معصب: :معصب: الخوير 33 أصبحت مش منطقة سكنية أنما مدخل ومخرج لجميع الطرق والزحمة عاد الله لارواكم:معصب: :معصب: ارجوا من المسؤلين إيجاد حل وشكرا |
اقتباس:
نعم معاك واحد من المسؤولين ! اولا سبب الزحمة... تعددت الاسباب والشارع واحد!! الكل صايم...حلو؟ معناته الكل في عجاله...طيب ليش الكل مستعيل؟ يقال والعياذ بالله لا تفوتهم المسلسلات هذا جانب والجانب الاخر من القضية الرقاد نعم الرقاد قبل اذان المغرب وبجد لان الكل يخرج بنفس الوقت تقريبا الجهات الحكومية وبعض القطاع الخاص والمدارس ......الخ وسلامتكم من الازدحام |
افندينا
شكرا ع المرور ... صيام مش بس الامتناع عن الاكل والشرب.. العكس المفروض يكون ف تعاون يعني ما تسبب الاذى لغيرك |
زحمة ؟؟؟؟؟؟؟؟
صباح ايه فية زحمة لكن بعد الدوام ما أظن . والصباح متى الزحمة الساعة 6:30 إلى الساعة 8:00 |
بدر الهواشم
شكرا ع المرور.... أخي أنا من سكان الخوير 33 اطلع من البيت الساعة 8 صباح تعرف متى اطلع من الخوير33 بعد 25 دقيقة |
الزحام كان شديد أمس بعد الدوام من قبل جسر القرم الى دوار المطار ، انا ساعة وشوي ليما وصلت الخوض . وفعلا كانت فيه تجاوزات غريبة وعجيبة .احنا ورانا نطبخ حق الفطور يعني لا نرتاح ولا شي ، من الدوام للمطبخ ، أكيد نتمنى نوصل في ظرف نص ساعة عالأكثر للخوض.
|
ماسبب زحمة الشوارع
بصراحه كثرة الزحمة وكثرة الحوادث مع بداية اول يوم في رمضان ، امس الساعه 2.30 الظهر وانا رايح الدوام حصلت حادث وتقريبا هو اول حادث في اول يوم رمضان ، الحادث كان مقابل محطة تحلية مياه الغبرة في الشارع المؤدي من دوار الثقافة امام وزارة التراث الى وزارة الصحة .
والحوادث في ازدياد ، وياما بنشوف كثرة الحوادث خاصة خلال هذه الشهر . كثرة الزحمة تؤدي الى كثرة الحوادث. |
جمال الكون
شكرا غ المرور ..أمس جسر دارسيت كان واقف نهاية الدوام يعني اليوم الله أعلم... |
سوي مثلي ، رحت من طريق روي الوطية عالأقل فيه دوارات بدال ما تدخل في زحمة الجسر ممكن تعدي لك كم سيارة لين قدام ، شوي أسرع حسيته ، واحنا هالصوب أطالع جسر دارسيت شفته واقف ، الله يسلمك طلعت من الدوارات تحت الجسر وسييده بس وقفت عند نزلة دوار داسيت قبل الصاروج ، عاد ماشاءالله التقاء الطرق والزحمة . بس بعد الخوير أخف الزحمة لغلا وتبدأ مرة ثانية ، عاد الله يعين للي عنده السيارة جير عادي ، سلامة رجوله :)
|
مرحبا.....
بدون زعل السبب واضح Marami22 والدليل ان كل ما طلعتي من بيتكم او مريتي بأي مكان صار فيه زحمة ! اللهم اني صائم وسلامتكم من Marmai22 |
بدون تعليق
|
اشكر الجميع ع المرور... الله كريم ع كل حال
|
اخواني وأخواتي
ما في داعي نظلم رمضان...... الشولرع زحمة صارلها فترة.. وبصراحه.. الخوير والقرم صارت زحمة بشكل مايطاق.. يعني مشوار 10 دقايق ياخذ أكثر من ساعه... والزحمة في رمضان زادت بسبب انتهاء أوقات الدوامات المتقاربه.. والشئ الثاني بسبب الناس المستعجلة اللي تبي تروح بيوتها تنام.. الله يعين.. أمس وهو أول يوم رمضان .. مريت على 3 حوادث.. وكله بسبب عدم الإنتباه .. وفي النهايه يرموا اللوم على رمضان تحياتي |
أبومحمد679
مشكور ع المرور ... لا أنا ولا أحد من الشباب يلوم رمضان... والله كريم |
في حل لهذي المشكلة تغير مواعيد الدوام الصباح ونهاية الدوام بحيث الوزارات والمدارس والشركات مايلتقون ف الشارع ف وقت واحد وهذا ف يد المسؤلين
|
مرحبا...
المفروض شئ والواقع شئ اخر بس ولا يهمك السنة الجاية رح نسوي بهالنظام ورح يكون من ضمن خططنا الاساسية والاولية كلام نواعم!! وسلامتكم |
أشكر الجميع ع المرور
|
اها
تراه صايمين طووووووووووووووووووووووول النهار |
أمير بكلمتي
الصائم مايسبب الاذى حق غيره |
اقتباس:
ياما حت شوفي العجب |
انشالله الكل يوصل بسلامة ف بيته
|
| جميع الأوقات بتوقيت مسقط. الساعة الآن 04:49 AM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.