احلى شي تتذكروه في الطفوله؟
 

السلام عليكم ورحمه الله وبركاته
اود من الجميع المشاركه

ما هو احلى شي تتذكروه صار لكم في طفولتكم؟



بالنسبه لي احلى شي لما كنت اتسلق الجدران

وانتوا؟:D

والله احسن شي لما ماروح مدرسه :ضحك: :ضحك:

نوبه أنا احلى شيء لم اروح المدرسة :)

إممممممم.. بالنسبة لي احلى شي كان لما كنت اروح العصر مدرسة قرآن وبعدين الدكااااااااان :)

عصا الواد

عصا الوالد

:D:) أحلى شي لما كنت أروح البلد عند حبوتي كنا نروح الفلج أنا وأختي مع صديقتنا هناك طبعا كان الفلج بالنسبة لنا شي جديد صديقتنا الله يخليها ماقصرت كانت تعرفنا على الأماكن زين ما زين وفي مرة ودتنا مكان فيه الفلج سريع مرررررره حبينا نغامر رحنا سبحنا فيه طبعا بملابسنا وكان روعة مثل الزحلوقة بس لما رجعنا البيت شبعنا منازع من عند أمي :D إستغربت مسكينه راجعينلها وملابسنا كلها مبللة وطبعا حرمونا من أنا نروح هذاك المكان مرة ثانية تعرفوا بعد كنا متشمخين شوي كنا نمسك جوانب الفلج او الأشجار علشان نقلل من سرعته وطبعا نحن ماخضعنا لقوانين أمي كنا كل مرة نروح نتسلل من البيت ونروح الفلج ومن الشقاوة كنا لما نخلص نوقف في الشمس لحد ماتجف ملابسنا:عيار: وبعدين ننرجع البيت

السلام عليكم ورحمة الله وبركاته
طبعا ايام مدرسة القرآن ،، كانت رووووعة

لما كنت أروح البلد في الصيف,,, ندور من الصبح لحد المغرب اللجل بو تارسه !!!!! فهمتوا شي ؟؟ أقصد أحواض السباحة المليانة عشان نسبح و( نتخرس في الماي ) من حوض لآخر كذاك طول اليوم....
يعجبني اتكلم بذي الطريقة الريفية الرائعة!!!!
اللجل: معناه حوض السباحة.
نتخرس: يعني نسبح لفترة طويلة وبعض الناس تقول نتخفج من الخفجة.

أحسن شي لما كنت أحب اتسلق الجبل اللي قريب من بيتنا برغم انه كان كبير ومرتفع بس كان يعجبني اشوف المناظر من فوق’ أما الحين صرت اخاف أتسلق ربع الجبل.....

احلى شي لما كنا نسبح في المطر والوادي

احلى شي تتذكروه في الطفوله؟
 

بالعكس نحن نفهم ليش ما عمانيين......................:بلابلا: :p

نفس الشي انا واخواني انروح بيت جدي ونجلس نلعب في المال ونتسبح في الجل وبعدين نقوم نقشب النبق والبيذام وتستوي ملايعة حال الدبي.........

ومرة حصلنا حمامة مايتة يالله قلنا اندفنها ونسويلها عزا...........:confused:
عقلنا عقل صغيرين
وايش اقولكم بعد كنت مجنونة شقاوة بنات:p

أما انا طحت من السطح بدون اي اصابات مضيعة للوقت :D

اما انا لما كنت صغيراذكر موقف ما انساه ابداء بس مقدر اخبركم لانه فيه شويه فضايح
بس اذكرلما كنت صغير كنت اتمشي في البلد وطبعا تعرفوا البدوا لما يجوا البلد يريدوا حد يجد(يقص ثمر النخل)لهم النخيل وعاد بنات بدويات سكت من الحلوه ونادني عادانا صاير عنتر ذيك الحين المهم خبرني الا يردنه قلت ما مشكله والنخله فيه نفته(الدبور الاصفر)وقلالن لا يلدغك شي قلت مامشكله وما من حطيت ايدي علي سعف النخله الا باربعة دبيان في الوجه واقفزمن قوق والشرده قلت استاهل كيه ما رايح بنيه صافيه

وسلامتكم


شكر

بصراحة موضوع يجنن ..
وأنا كلها طفولتي كانت بأمانه أبداااااااع
بس أخبركم عن أيام الرحلات يوم كنت أسرق الدجاج من الثلاجه بو البيت ونسير نشويه في السيح ، كانت أمي ملاحظة أنه الدجاج ينقص وما كانت تتخيل أنه ولدها الشقي يسوي هذه الأشياء .. لكن أعترفتلها بعد ما كبرت وهي مسكينه على نياتها ..
أيش رأيكم في ...

باين عليك شقي يوم كنت تتوون ...:ضحك:

وكنت انت أيظا يوم صغير تقتل السنانير بــ(الكسر)

معجم :
(الكسر) بندقية هوائية لصيد العصافير

أحلى شىء هو عندما كنا نسكن في وسط النخيل (المال )
كان الجو رومانسي للغاية , ومرح جدا , خصوصا عند جريان الساقية لسقي اشجار النخيل , كنا نتكدس بها , ننظر لها بسبب حجمنا على أنها شلال ساكب ..
في الصباح كنا ننطلق الى مدرسة القرآن في الصيف , وكانت المدرسة ممتعة بما فيها من علم , وشغب بيننا , وايظا بين البنات , اللاتي كن يجلسن , في القسم الاخر من المدرسة , وما تحدث بين الطرفين من نظرات اعجاب بريئة ...

هههههه ههههه هههه ههه هه ه
وأنا إحم إحم
أتذكر جالس أرضع مرضعه ونقرط في لساني

لاكن احلى شي ايام رمضان نطلع من البيت صايمين نوصل المدرسه كل الين ماتشبع ورجع البيت شكلك بري الي شوفك يقول هنا الدنيا مايعرفو السالفه هاها

والله أحلى ذكريات الطفوله صبيحة العيد نكون متجهزين من الليل كندوره جديده ونعال جديده وكمه جديده وريالات جديده والفجر نروح البلد ناكل العرسيه ونسلم عليهم وبعدين تتجمع الشله وشرده الى المخرج يعني العيود

أحلى شي يوم كنا نلف حارة حارة ونقتل السنانير.:mad: ..سألوني كييييييف....نشوف سنورة واقفة فوق درام بلدية ندخلها داخل ونسكر الدرام ونولع فيها نار.:معصب: ..توبه ربي...توبه. عندي سؤال ما طرح فبالي.:confused: .وشكرا لطارح الموضوع...هل علي صدقة..كفارة..أو ما علي شي لرفع القلم عني أيام الصبا.:D ..أفيدوني ولكم جزيل الشكر

أنا أحلى شي
لما كنت أروح مدرسة القرآن وبعدين نتحجج أنا وربيعتي نروح عند شايب هو وزوجته نزورهم بس عشان يعطونا 100 بيسة

الله يحفظهم

احلى لما كنت العب البيلوه لما كنت صغيره

انا احلى شي معاي يوم كنت في الروضه كنت اصفع الاولاد يحليلهم والي الون له الخبزه مالته بالالوان واقوله كلها تراه طعمها وايد حلو خخخخخخخ

واحلى شي لما ابوي ما يرضى يشلني معاه بالسياره اروح اعض التاير مال السياره علشان تبنشر وما يروح مكان

اللجل وماادراك ما اللجل :ضحك:
ذكرتني بايام مضت واحن اليها واشغلتني عنها حياتي.
اعتقد الكثيرين لن يعرفوا اللجل:D


تحياتي

الموقف الي ما راح انساه لما كنت صغير كنت في المزرعه رايح اسبح ومالابس فانيله المهم مريت بالقرب من اشجار وكانت هناك نخله احس شيء في ظهري يطعنني :ضحك: اول شيء عبالي خوص (السعف) النخله وبعدها مديت يدي الى ظهري وامسك شيء نعرفوا ش طلع؟
طلع دبيه وظهري مليان رجولي :ضحك: اول ما شفت الدبيه جلست ابكي وركيض على الحوض وبعدها رحت المركز الصحي :ضحك: ايامها كنت صف الخامس اذا ما خانتني الذاكره تصدقوا ياشباب ان اماكن السع ( اللدغ) الى يومي هذا الاثر باقي :D
منها تبت اروح المزرعه ولا اسبح في الحوض :عيار:

تحياتي

المخاط

شو هذي البيلووه ؟

الله يكون بعوونه اللي يستبلابك ...
مشاااغبة

تفكر نفسك عنتر
بس ما اخبرتنا كيف كان رد المعجبات؟

عادت ما ذاكرة عندك. تحفظ الشعر من اول مرة مبين عليك

ممكن تنقل سؤالك الى السبلة الدينية

طالع حص من انت وصغير . اكيد نفتة الذباب شالنها مع تروح

معظم تجاربكم في الصغر مرينا بها ,, بصراحة سوالفكم تضحك وتنسينا هموم الدنيا ,, كملوا قصصكم وخلونا نستمتع تراها طفولة بريئة رائعة لا تنسى,,,,,

أذكر لما كنا نقشب صبار ونسوي مريندوه ( تعرفوها؟؟؟) نسوي مريندوه مال صبار وخلال,,, وحجب( هذا الأبيض إللي يطلع في النخيل من الداخل )
ونشل عيش ونطبخه في قوطي نيدو في الوادي!!!!
وكنا أيام الأمطار والخير هذيك الأيام ما شاء الله من ينزل الوادي ويستوي الماي صافي اليوم الثاني نروح الغيل نتسبح وندور الوادي نقشب حماض!!!!!( رجاءا إللي ما يعرف معنى كلمة يسألني وراح أترجمها) بس باين عليكم ما شاء الله الكل يتكلم باللهجة العمانية الجميلة السلسة.
مرة من المرات رحنا أحنا والعائلة نتمشى ورحت أدور عنهم ونسيوني وتذكروني بعد فترة ومن رجعت ما حصلتهم وجلست أصيح!!!!!!

:ضحك: احلى شئ لما يستوي موسم الامبا ونسير نقطفه وهو غط اخضر ونتسلق ذلاك الامبايات ونقشبهن بحطبة ....... لكن اذا شافنا جدي غبنا كل واحد بسوط ..... لكن ما نتوب وقت الظهيرة لما يناموا نسير نسبح ف البركة ونلعب بالغيلة ( الطين ) عاد ما يحتاج لون البركة يصير ...:ضحك:

ذكريات حلوه
مره كنا نتزحط (طبعاً أولاد وبنات) من التلة الى ف حلتنا وركبنا فوق قطعة تشينكو وكنت راكب في الأخير إلا وأخوكم يتقندل وما لقيت عمري غير ف الوادي وثيابي متشرخه وكلي متشمخ 000 وافقري بموت من الضحك يوم اتذكر ؟

اجمل ما اذكره في ايام طفولتي جمعة الاهل

ههههههههههههههههههههههههه ههههههههههههههههههههههههه هه
حماااااااااااااااااااس:D :D

صراحة شباب الموضوع شدني كثير زائد موضوع أكبر غلظة عملتها المطروح في السبلة

أما عن ذكرياتي أيام الصبا.................وما أدراكم ما أيام الصبا

أذكر أنا كنا نتجمع مع أولاد الحارة ونروووووح ندور قوااااااااااااااااااااااا طي بسياكل(دراجات هوائية)

بس متى هذا الكلام ؟؟؟؟؟؟؟؟؟

عز الظهر و الناس نايمة وهاربة من الحر


وحنا تحت الشمس ندور قوااااااااااااااااااااااا طي

"الذكريات الماضيات معي" لا زلت ذكريات الطفولة لا تبرح مخيلتنا,ونسترجعها وقتما احتجنا لذلك,ما اجملها من ذكريات وانقاها واصفاها,بسيطة جدا كأحلامنا ساعتها.ذكرياتي عادية جدا وتتشابه في بعض ما ذكرتم.

عاد اسكت في الحصوصه ماحد يجبي:بلابلا: ني

بصراحه الموضوع حمااااس :D :D
انا احلى ايام طفولتي لما كان يجي العصر (طبعا كنت احرصه بفارغ الصبر) تعطيني امي مئة بيسه وشرده حال الدكان فرحان بو يسمع يقول عاطيني خمسين ريال وكنت دومي اشتري مينو وأقول حال الهندي يسويلي دغوص ب 25 بيسه وطبعا يطيح المنازع انا والهندي على الدغوص وكان المينو بعد ب25 بيسه وكان يبقالي 50 بيسه ما اعرف ايش اشتريبها مرات اشتري لبن ومرات عصير برف (يعني مثلج) ومرات اضولها لين اليوم الثاني:D :D
وكان لما يعطوني 200 بيسه احس انه بيغمى علي :eek: وكنت اروح طوالي اغاير اولاد الحاره:D


هذا طبعا الحاضر وما خفي كان اعظم........:D