|
اذا عندك ليجاسي انقر هنا
السلام عليكم ورحمة الله وبركاته
شباب انا عندي ليجاسي ومشيت عليها 12 الف وبديت احس بهزه في البريك. اول عجبعتني السالفه قلت زين مساج :نطوط: وبعدين مسختها عاد شفتها راح تتفكك قطعه قطعه من ةالهزه. المهم شليتها الوكاله وخرط الدام ويل واحت بس اكيد راح ترجع بعد فتره. يعمني اذا راح اسوي كذا كل مره راح يخلص علي الدرام ويل.:معصب: اريد اسألك هذي المشكله حصلت عندكم? يعني العيب قي السياره وله انا دفش ما اعرف اسوق |
|
اقتباس:
وينك انت قبل لا اشتري السياره. على العموم مشكور وانا خلاص تلوعت من السياره. اقول حد يريد يشري سيارتي? ما فيها شي خربان ابدا :D |
اقتباس:
|
اقتباس:
والشوارع من بيحوط فيهن اذا بجلس طول اليوم على النت |
أنا ما عندي ليجاسي - سوري ما أقدر أساعدك.
|
أنا عندي ليجاسي موديل 2005 وبالفعل أعاني من نفس المشكلة لكن لحد الحين ما صلحتها. وكل ما أروح أسرفس السيارة أخبرهم عن السالفة يقولوا ما في مشكلة بنعالجها وطبعا في كل مرة يكتفوا بتبديل الزيت وغسيل السيارة ويقولوا السيارة صارت أوكيه. وبعد يوم ترجع نفس المشكلة. وحاس إني مليت هالسيارة بس لو بعتها أكيد راح أخسر خسارة كبيرة وما عارف شو الحل؟؟؟؟؟
|
اقتباس:
يوم تشتري وحده خبرني |
اقتباس:
ما في سياره ما فيها عيوب. لا تنسى الليجاسي حاله محاسنه بعد اذا بتقارنه بمنافساتها من نفس الفئه وعاد انت ادره بميزاتها |
الحمد لله اني عرفت هالموضوع قبل لا أتورط واشتريها لاني كنت حاطتنها في بالي..
|
اقتباس:
بس اختى لا تنسي انه السياره فيها بعد محاسنها. وهذي تعتبر مشكله صغيره مقارنه بمشاكل تحصل في سيارات ثانيه |
اقتباس:
يمكن نشتري مثلك:D |
أنا عندي سيارة ليجاسي 2001 و كانت عندي نفس المشكلة...
على كل 4 شهور أخرط الدرام ويل... يعني تقريبا 15000 كم ... لكن الحل انك تخرط الدرامات الأربع ، لان السيارة دفع رباعي أنا أعطيك جرنتي ، لمدة 9 أشهر (ما سنة)، تقريبا 25000 كم سوبارو ليجاسي كسيارة (بشكل عام) قوية و فريدة من نوعها ، وتقريبا الأرزح في الشارع من فئتها من السيارات، و يبالها مداراه و سيرفس مستمر... وبتشيلك فوق راسها المشكلة بس، في الوكييييييييييل OTE محتكر السوق في عمان ، لا وبعد يورد قطع الغيار للامارات عشان كذي الاسعار هي هي... ناااار تحياتي... |
ابوي اليجاسي غاوية بس انت سواقتك دفشة :عيار: ......................
|
كم تريد تبيع,,,,,
|
عزيزي الافضل انك تبيعها
وتعزك النترا صحيح انها سيارة بس مشكلتها كورية |
أعزائي الكرام مع سيارة سوبارو اوت باك موديل 2003 وقطعت 126الف كيلو والى الان لم اعمل لها مخرطة ابدا ،القضية هي حسن الاستخدام فقط
|
الليجاسي وما ادراك ما الليجاسي يا خوي هذينا السيارات معروفات عند الكل انهن تحبن واجد الوكاله ما تقدرن تفارقنها عندي سالفه وحده حدثت في صلاله انه واحد اشتراى ليجاسي ولما طلعها من الوكاله
وعليها الفحص من الباب مباشره انكسرت المكينه هذا دليل انا هذي السيارات صناعتهن مو ممتازه ما عليكم ا لا بش واحد بس هو تويوتا وبس |
تويوتا بس احسن سيارة. جربها وما راح تندم
|
:cool: عزيزي انا عندي ليجاسي 2005 وبصراحه حصلت عندي نفس المشكله وكل مره اروح الوكاله يقولو احنا خلاص اصلحنا العطل وبعد اسبوع تعود حليمه لعادتها القديمه مليت السالفه وديتها مع جراج خارجي صاحبه هندي في اليوم يصحالك ساعه والبقيه في عالم ثاني قالي جيبلي سفايف اصليه من الوكاله قلتله هذه مال الوكاله قام يضحك وبامانه جبتله والى اليوم السياره تمام واهو ما راضي يخبرني السبب:cool: :cool:
|
انا عندي ليجاسي السبيشل مال 12 الف بس ماعانيت منها شي بس بعدني من خضيتها 2 شهر !!
|
اخوي انا كان عندي ليجاسي موديل 2003 وعانيت من نفس المشكله بالضبط بس ماكن فيها مشاكل غير بس الحين بعتها وانصحك تبيع قبل لا يفوتك الفوت
|
|
تصدق كنت اظن اني أنا الوحيد عندي هذه المشكلة
عندي لجاسي 2004 والى الآن خرطة درام ويل مرتين والمشكلة نفسها مازالت |
بسم الله الرحمن الرحيم ما رأي الأخوة في سيارة مازدا 6 موديل 2003 رقم 2 فول أتوماتيك قطعت 98000 كيلو؟ أشتريتها بالأمس بعدما أثنى عليها بعض الشباب الذين يمتلكون مثلها وبعضهم يعمل في شركة مازدا وهم من الأخوة العمانيين . هل ترون سيارة مازدا6 سيارة جيدة أو أنها تعاني من مشاكل مثل ليجاسي ؟ وهل تباركون شرائي لهذه السيارة أم ترون أني تعجلت ؟ مع أني لم أشتريها حتى سألت عنها ، وما هي المشاكل المتوقعة في هذا النوع من السيارة ؟ أرجو من الأخوة إفادتي ولكم الشكر . إبن عمان النخلي |
الله ياخذ إبليسكم ضيعتوا علينا كنت ناوي أخذ ليجاسي
لكن خليتوني أتشكك فيها. كيف تو يعني ما أخذ ? لازم أخذ سيارة كنت ناوي أتزوج لكن ما حصلت أقصاط قلت سيارة اقصات احسن متحتاج بيت ولا الحرمة بيت و.. و.. الخ --------------------------------------- اقتباس:
تحياتي مفكر خليجي |
الليجاسي ما عليها كلام بس
العيب في الوكيلOTE الله يهديهم يريدوا يشحتوا الناس بأي طريقه |
سيارة السوبارو جيدة وكن لو كنت اشتريت ميتسوبيشي ماجنا كان أفضلك ، القوه 3500 سي سي والسعر 6700 ريال عماني وهي أفضل من السوبارو ، وإذا تكلمت عن الخدمة معظم الوكالات خدمتهن سيئه لأنه لا رقيب ولا متابعة من المختصين على خدمة الوكالات وأولهن الميتسوبيشي . ولكن كسياره ( ماجنا ) جيدة جدا وثقيلة في الشارع .:) :) :)
|
العزيز masterboy ليس كل ما يقال صحيح !
أنا صاحب سوبارو ليجاسي 2001 / GX 2.5 ( و موديل 1997 سابقاً ) جير أوتوماتك يعني أستهلاكي للسفايف اكثر من الجير العادي ، من واقع الخبرة طريقة القيادة و أستخدام البريك هي اللي تحدد عمر السفايف ! أما مشكلة الهزة فهي في اعتقادي نتيجة لعدم عمل الخراطة بشكل جيد و بالتالي رجعت الهزة بسرعة. الأخ العزيز كل السيارات بها مشاكل ! لكن تبقى معرفة الفرد منا ببعض أساسيات السيارة لكي يتمكن من مناقشة الوكالة في المشكلة التي قد يتعرض لها. عذرا للفظ و لكن أي عقل يقبل مقولة أن القطعة المستبدلة جديدة و أن المشكلة تزول بعد فترة من تركيبها!!!!!:confused: تبقى السوبارو السيارة الوحيدة في السيارات اليابانية ذات الدفع الرباعي الدائم AWD :) |
| جميع الأوقات بتوقيت مسقط. الساعة الآن 06:55 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.