كلمات مسروقة من دفتر طفل
 

السلام عليكم ورحمه الله وبركاته

الى ما اشاراليه هذا الطفل في كتاباته """"

هذه كلمات مسروقه من دفتر طفل كتبها بعاميه اللغه...ودهشة السؤال..!!

السبت
فتحت عيوني ..ادور عن نور....امروني:< غمض>...وغمضت بعدها ما شفت لا ابيض ولا اسود!!


الاحد
كنت اسمعهم يقولون :<العن ابوك>و<يا حيوان>و<ياثور>و<يابقره>و<يال وح>و<ياجدار>
فتوقعت انى اكون قي حديقة حيوان ...فتحت اعيوني ابغي اشوف( هالحيوان)...قالولي :مايصلح تشوف قلة ادب ....سالتهم:طيب...في عصفور؟؟
صرخو بوجهي :<انطم وغمض>.........!!


الاثنين
سمحولي اشوف تلفزيون...كنت لحالي منسجم مع افلام الكارتون....دخلت امي.....وكان ابو عائلة ادمز(يبوس)امهم....ركضت امي ...غيرت القناه..وصرخت باعلى صوتها....عيب عليك قاعد اتشوف قلة ادب..!! ناظرتها بكل براءة طفل وانا متعجب من اللى صار:"طيب وش صار؟؟ ابوهم يبوس امهمّ!!.........قالت لي وهي معصبه مررررررررررررره (التبويس قلة حياء!!
بعدها باسبوع ....شفت امي تسلم على ام الجيران و(تبوووووسها)قلت الها وانا كلي أسى (التبويس قلة حياء!!!)


الثلاثاء
كانوا بنات خالتى عندنا ...وكنت الولد الوحيد اللى يلعب معهم....وابوي بس يبحلق عيونه فيني وين مارحت وين ماجيت بعد مارحت ....نادني ابوى وقال ....عيب الولد يجلس مع بنات قليل أدب!!!


الاربعاء
كنت اسمعهم يقولون (صدام قوي)..وأعجبني..بعد الازمه قالو(صدام مجرم وحرامي)..سألتهم:كيف؟؟؟؟قالو حرامي ومجرم وبس....وأسكت!!!
وكنت اسمعهم بعد يقولون (جيم كاري ..فاسد)فكرهته على طول..وكانو يشوفون افلامه ويضحكووووون...كنت اسألهم ليه تضحكون؟!..وماتقولون انه فاسد"...قالو ورا ما تنطم وبس ؟؟....


الجمعه
أسمعهم يقولون اللى يطول في المكالمات يغازل....واللى يروح للسوق يغازل....واللى يعرف انترنت يغازل ...وأمي تطول على التلفون....وتروح السوق...وتطقطق على الكمبيوتر ""رحت لابوى وانا مصدووووووم
ابووووووووووووووى الحق........


.........أمي تغازل.......!!!!!!!!!....



!!!!!!!!!!منقووووووول!!!!!!!!

مشكور أخوي موضوع جميل وبه بعض المصداقيه

فعلاً كثير التناقضات عند أعطاء الأطفال تعليمات وفي المقابل الأهل بنفسهم يغلطوا. مثل الي يقول لولدة لا تكذب وبعد شوي يجي حد يسأل عنه يقول لولده قول أبوي ما موجود!!!!!!!!

الله يعين.

مشكووووووووووور

مشكوررر
والى الامام دائما

شكرا على المرور ... للجميع