الله حسيبك في عذابي تماديت
 

(للاستماع هنا).
.
الله حسيبك ليش فيني ترديت
.....ما صنت حب اللي على الناس بداك
يا ما ولهت لْشوفتك كل ما جفيت
.........وياما سألت فلان هذا وهذاك
ويا ما كتبت الشعر بيتٍ ورا بيت
.......فيك وذرفت الدمع لي حل طرياك
في أقصى ظروف الوقت عني تخليت
.....مات الضمير الحي واخلفت مبداك
عقب الغلا والحب والطيب صديت
........هذا جزا من كان بالروح يفداك
ليتك بماجاني من الشوق حسيت
.........إن كان ماطولت عني بفرقاك
كل الجوارح في غيابك تحديت
....شوق وحنين وقلب مخلص تمناك
ضاقت بي الدنيا في بعدك وعانيت
......وانت مريح النفس هايم بدنياك
ماافتكرني يوم في حقك اخطيت
......ادري الغلا دايم وادور على رضاك
واليوم كيفك ارتحل وين حبيت
........نفس الطريق لجابك اليوم وداك
غرَك زمانك شفت نفسك تعليت
........ترى الزمن دوار وتدور الأفلاك
الله حسيبك في عذابي تماديت
.........عساك عند الله تجازى ببلواك
منته بمسموحٍ ترا حيٍ أوميت
.......في اللي عملته في محبٍ ترجاك
تقول هو مغرم وانا عنْه صديت
......والله لبادلك الجفا وعكس ممشاك
واجزاك مثل اللي فعلته وسويت
...وانساك واترك من يسولف بطرياك
ماينفعك بعد الندم قول يا ليت
.....ولاتظن عقب اللي فعلته أنا اهواك
ماعاد لك حاجة ولا عاد لك بيت
.......في داخلي ونسيت رسمك وذكراك
.
.
.
.
آخر مانزفه قلبي ...!
وبعدها ......صمت..!

لا ترحل ..
 

يا إلهــي
مسلسـل المواهب الواعـدة يـنبئ عن سيطرة كــاملة لشعراء النبط على سبلة الروح
قصيدة راائعـة أخي
سلمت يمناك ...

همسة !!
 

منته بمسموح ترى حي اوميت .. في اللي عملته في محب ترجاك
ولما كل هذه القسوة .. ؟؟ ايها الرفيق اعشق من تعشق في كل حالاته .. رائعة هي اياتك .. اتمنى لك التوفيق .. تقبل مروري

أعتقد ان الشطر سيكون أسلم لو قلت:
يا ما ولهت لْشوفتك يوم جفيت

وجهة نظر فقط...القصيدة في غاية الروعة

مبدع يا مبدع وصباحك سكر اعتقد بعض الأبيات خانك الوزن فيها :
.... ( فيك وذرفت الدمع لي حل طرياك )
.... ( هذا جزا من كان بالروح يفداك )
.... ( وانت مريح النفس هايم بدنياك )
.... ( ترى الزمن دوار وتدور الأفلاك )
.... ( عساك عند الله تجازى ببلواك )
.... ( ولاتظن عقب اللي فعلته أنا اهواك )
.... قصيدتك في بقية الأبيات تبدأ ( تن تن ت تن ) ما عدا الأبيات السابقه فبعضها (ت تن ت تن )
راعي الوزن يا راعي الكرم والجود ...
ومنك السموحه ...
تلميذك الصغير : قاصد خير

بعد هذا ماذا سنقول ..
غير الصمت فالصمت في حرم الجمال جمال ..
ولك الجمال ايها الاجمل ..
محبتي النعمان

أيها الأصدق كريمي ..!
!!!!!
!!!
!!
!!
!
!
!
إن أردت لقلبي الفرح كن بالقرب منه ...!
فهو يحب حرفك .. ويتنفس بحضورك..!
دمت لي وطن ..!
لاعدمتك

قلمٌ رائع ،، تستحق الإشادة ،،

سلمت ،،

هذا أجمل وأروع وأصدق ...ما قرأت ..
كلمات معبرة احتوت على مشاعر قلب يحترق..