سبلة العرب

سبلة العرب (//om.s-oman.net/index.php)
-   سبلة ترويح القلوب (//om.s-oman.net/forumdisplay.php?f=12)
-   -   حادث خطير والسبب يعود الى السرعه الزائده (//om.s-oman.net/showthread.php?t=215187)

الحاج خميس اللندني 26/12/2005 04:34 PM

حادث خطير والسبب يعود الى السرعه الزائده
 
بسم الله الرحمن الرحيم
السلام عليكم ورحمة الله وبركاته

الحمد لله رب العالمين ، أحمد حمدا يليق لجلال وجهه وعظيم كرمه وقديم احسانه ، والصلاة والسلام على خير الخلق سيدنا وحبيبنا مُحمد وآله وصحبه الغُر الميامين ...


بخبركم سالفه حقيقيه حدثت لي ولبعض شباب السبله ..:(


في يوم الخميس الماضي تاريخ 23 / 12 ..

قررنا أنا ( خميس) و( فلوس) و( أبو جاسم 143) و ( علي) اننا نسير الباطنه صوب المصنعه لأن كان عندنا شغل هناك ..

اجتمعنا فوق سطح بيت فلوس وقررنا الخطة ( خطة المسير)..

عموما الساعه وحده ونص بالليل مريت على بو جاسم ورحنا مطرح ناخذ فلوس وعلي ..

وصلت الكورنيش ..

فلوس وعلي كانوا ينتظروني ..

عموما ركبوا السيارة وانطلقنا بـبسم الله ،،

طبعا فلوس كان يسوق لأنه طلب مني ذلك..
وقفنا في سيلكت ، الشباب شلوا قهوة وانا شليت ديو وابو جاسم اخذ باكيت مالبورو :mad:

قلت له انت ما تتوب ودر عنك :o

قال : يا خي فنان يعدل الراص ( الراس)

( انتوا تعرفوا اكثر مني مالازم اقول لكم عنه)

عوما رحنا القرم وفرحانين وما نعرف مو مخبيلنا القدر

مرينا على شارع الحب جلسنا هناك شويه على البحر نشم هوا وابو جاسم الله يهديه لوعنا بسجاير

عموما ركبنا السيارة وسرنا ضاربين خط علين شاطئ السوادي ( الله يرحمنا هناك)

عموما نحن كنا نسوق على 140 الى 160 والرادارات مُش شغاله ( زين حال الرغود ):عيار:

( يا شباب لا تسرعوا مازين تراها السرعه :عيار: )


عموما الشارع كان خالي مرة ...

بعد فترة قليله وصلنا شاطئ السوادي المظلم


فلوس وقف السيارة في الـ Parking ونزلنا من السيارة

فتحنا الأبواب تشك تشك

بندناهن ...

ونزلنا وكأننا عصابه مافيا


ابو جاسم مسوي عمره واحد شخصيه


يفتح الباكيت ويطلع له زجاره ويولعها بالطريقه الإمريكيه ...

( يا شباب مازين الزجارة ، لكن لا حياة لمن تنادي )




عموما جلسنا على الشاطئ نشم هوا ..

الشباب كانوا مشغولين بالسوالف


أنا كنت جالس أفكر وأتأمل شويه وغايص في افكاري

عموما الوقت تأخر وقلت لهم يا الله جماعه خلا رايحين تراه ماشي وقت


عموما جلسنا في السيارة ( وهذي المرة انا اللي كنت جالس اسوق)

ونحن طالعين من الـ Parking احت السيارة على الخفيف

لأني كنت دايس كلوووووز

عموما كنا على شارع السوادي الي يطلعك من المنطقه على طول على الشارع العام الي يوديك الباطنه

الشباب يقولوا : خميس خفف خفف

انا ماسمعت كلامهم لأني كنت أظن انني قادر ان اسيطر على الوضع

عموما فجأة ظهر منعطف حاد جدا وأنا على سرعة الـ 165 تقريبا

خميس في قلبه : وابوووووك غبنا ، غبنا غبنا غبنا ، لا اله الا الله محمد رسول الله



و احححححححححححححححححححححححح حححح ( شاحت السيارة :eek: ) فلوس قال لي ضرب برييك ، انا ضربت برييييك


( يوم ضربت بريك السيارة دارت ورجعت رييووس وانقلبت قلبة قويه وطلعت من الشارع وانضربنا في جدار لأحد الدكاكين ورجعت السيارة لوضعها الطبيعي





والله هو الموت بعينه ما غيره ( يادنيا عليك مني السلام )



مع السلامه ياشباب الترويح في امان الله


قريوا علينا الفاتحه


سامحوني اذا غلطت على حد


ملك الموت بينزل بعد شوي






باي باي خميس لندن وفلوس وبو جاسم وعلي :(






عموما أول ما وقفت السيارة انا فتحت حزام الآمان ( والحمد لله اني انا وفلوس الي كان جالس جنبي كنا لابسين الحزام)

ولا والله كنا طايرين من السيارة في ستين داهيه


انا على طول بندت السيارة لأن المكينه ماصر بها شي


سمعت صوت مثل صوت تسرب الغاز فخفت عن لا تنفجر السيارة وتشتعل بالنار

فأمرتهم بالنزول بسرعه


عموما ( فلووووس) نزل مثل الجن مافيه شي سالم مرة بس تعور شوي في راصه ( راسه)

علي نزل من السيارة سالم مافيه شي

رحت افتح باب الي ابو جاسم جالس بقربه ماطاع ينفتح لأنه السيارة اتعفصت زين زين


ابو جاسم طلع بصعوبه


طبعا محد تعور


انا بعد ما تأكدت من أن الجميع طلع سالم ومافيهم شي رحت على الجانب وماريم مرة


الضربة جاءت على منطقه ما تحت القلب

خميس تعور زين مازين


يعني الضربه جتني بقوة الى درجه ما رمت ارفع راسي

كنت شبه راكع ومخلي يدي على تحت قلبي


متعور



آخخخ ما رايم مرة


سبحان الله شاء الله ان يُيَسر امرنا

اول ما طلعنا من الحادث الشرطه كانت في دوريه ، فنزلوا قائلين : سلامات سلامات بعد ما سلموا علينا


انا رديت عليهم بصوت ضعيف يقطع القلب ، لأني كنت متعور ومصاب ومارايم


والله بس


عموما الشرطه شلوني في سيارتهم وودوني على طول احد المستشفيات القريبه

طبعا المستشفى تعبان زين زين ماشي خدمات والسيرفس بتاعهم تعبان وماشي خبرة


( انتوا عارفين هالشي)


عموما فلوس وعلي وابو جاسم اخذوا تكسي ورجعوا مسقط


وانا نايم فوق سرير الانعاش

والسيسترات من حولي


طبعا انا مغمض عيني عشان ما اشوفهم

بس كنت جالس اتألم


عموما عطوني تحويل الى مستشفى الرستاق

ودوني هناك



بداية ماراموا يرفعوني الا بصعوبه لأني ثقيل

عموما ..


ودوني مستشفى رستاق


ربطوني وايرات وبيبات وسقايات

وجيوا عصابة الاطباء للكشف عليّ


سووا لي اشعه


بعد الفحوصات طلع عندي رضوض قوية تحت القلب


الحمد لله اني بعدني حي

الحمد لله ان الي معي بقوا على قيد الحياة


انا اموووت مُش مشكله ، لكن الي معي لا لا وألف لا:o


والحمد لله على حسن العاقبه

طبعا بعد يومين من العذاب في المستشفى وتحمل الآلام:(

طلعوني وانا الحين في البيت جالس عـ النت:عيار:

صح نسيت اقول شي


ولد العم آسر القلوب ما قصر


تراسلنا انا وياه بالطلفون ( بالتلفون)

ويوم خبرته اني مسوي حادث اتصل بي وسال عن حالي والصراحه ما قصر

والمسكين هو بعد عمل حادث

بس الحمد لله ما تعور



( فلوس) الصراحه ما قصر لعب دور مهم في القضيه هو الي ركض في مركز الشرطه عشان يحل القضيه مع الوالد الله يعزه


الحمد لله الشرطه ولاد حلال سهلوا علينا وتيسرت الأمور


وانا اعتذرت لهم غلطتي العظيمة ، وهم سامحوني ولله الشكر


الخلاصه


( يا شباب لا تسرعوا ترى والله ماشي فايده ، انا يوم كنت في المستشفى ماشاء الله كل شوي يجيوا ناس مسووين حوادث
)


الشعب العماني مدمن حوادث



والحمد لله الحين ايماني بالله عز وجل صار اقوى واقوى ولله الحمد

وطبعا الحين نحن كلنا طلعنا صدقات على انفسنا



ابو جاسم : اصاب بكسر في ركبته ( بس انا ما اصدقه ) لأنه لو كان مصاب بكسر في ركبته لما استطاع ان يذهب الى الهارديز ، اعرفه عيار وشلاخ ( الله يسامحه)



فلوس : ما تعور ، بس شويه ضربه خفيفه في راسه

علي : هذا مسكين بعد ما قصر ساعدني ووصا ناس كان يعرفهم بان يتابعوا اموري
تعور وصار له شد في العمود الفقري بس الحين احسن ولله الحمد


خميس : تعور ومازل لا يستطيع ان ينام براحه

حتى تصدقوا ما اروم اجلس في السيارة لمدة طويله
واي هزه خفيفة تأثر فيني

متعور وعندي آلام فظيعه ( اعوذ بالله )


الله لا راواكم مصيبه


هذه هي القصه


( اعرف اني خبصت الموضوع فوق تحت ، مرة عاميه ومرة فصحى ،لكن اهم شي اني انصحكم لا تسرعوا يا شباب)



يا رغووود توبوا وسمعوا كلام عمكم خميس





لا للسرعه الزائده

الحاج خميس اللندني 26/12/2005 04:38 PM

للرفع :mad: :o

وين رايح 26/12/2005 04:40 PM

تستاهلوا السلامه

ورد الامل 26/12/2005 04:41 PM

لا للسـرعــــة :mad:

لا للـرفـع :D

حيرانة 26/12/2005 04:44 PM

ابوي خميــــــــــــــس
وينك انته من زمان
صراحة ماخذه على خاطري منك طشة


وسلاماااااااااااااااات

أبو مُـحَمـد 26/12/2005 04:54 PM

وعليكم السلام


خميس الله يهديك حد يطلع بسرعة 160 على منعطف :mad:

الله يهديك بس :o

عموما حمدا لله على سلامتكم :)

لا حول ولا قوة الا بالله العلي العظيم

صمت الكليم 26/12/2005 04:55 PM

لا للسرعه



تضامنا معكم

فراشة الندى 26/12/2005 04:56 PM

تستاهلوا السلامة :)
الحمد لله عددت على خير ورجعت بالسلامة



لا للسرعة ;)

الماســــــة 26/12/2005 04:59 PM

سلامـــات والمفروض تأخذ العبره من هالحادث وماتسرع ثاني مره:)
والله في النهايه محد متألم غير الاهل والوالده يكون قلبها على كفها :rolleyes:

صمت الكليم 26/12/2005 05:00 PM

اقتباس:

أرسل أصلا بواسطة الماســــــة
سلامـــات والمفروض تأخذ العبره من هالحادث وماتسرع ثاني مره:)
والله في النهايه محد متألم غير الاهل والوالده يكون قلبها على كفها :rolleyes:



صح اعتبررررررررر:rolleyes: :rolleyes:

صمت الكليم 26/12/2005 05:01 PM

اقتباس:

أرسل أصلا بواسطة rashrosha
تستاهلوا السلامة :)
الحمد لله عددت على خير ورجعت بالسلامة



لا للسرعة ;)




لا للسرعه


لا لا

مرتاح البال 26/12/2005 05:07 PM

الحمد لله على السلامة:) :)

ما تشوفوا شر إن شاء الله:) :)

سَيِّدُ العُشَّاق 26/12/2005 06:41 PM

الحمدللـه على سلامتـك خميسـوه..
وطلوعـك من المستشفـى :)

بصراحـة يمكـن تكون نقطـة تحول إلى الأمـام إن شاء اللـه.. وأتمنـى لك التوفيق من كل قلبـي..

مع تحيات أخاك / سيـد العشّـاق..


( المعذرة لأني ماكتبت عنـك :rolleyes: )
http://om.s-oman.net/showthread.php?t=214485
:) :) :)

عاشق الظل 26/12/2005 06:44 PM

الحمد لله على سلامه الجميع..

السرعه ما زينه يا ناس

*الغريب* 26/12/2005 07:00 PM

الحمد لله على سلامتكم ....

شيفا المدمر 26/12/2005 07:15 PM

مـا على أساس إنه بو جاسم وخميس لندن ورايح بومباي وعماني مصالح هذولا كلهم شخص واحد :rolleyes:

Muscat Dream 26/12/2005 07:20 PM

تو عاد عرفنا الرغود ابو داعمين بفلوس مسكين

دلع عمان 26/12/2005 07:26 PM

سلامات سلامات

بس ادب حالكم

عشان ما تسرعوا

دلع

قناص السبلة 99 26/12/2005 08:56 PM

حمد الله على السلامة يالمرغدة مو يريحكم السوادي آآآه
أكيد السالفه فيها شك

بس

سلامااااااااااااااااااااااااااااات

قناص السبلة 99 26/12/2005 08:57 PM

اقتباس:

أرسل أصلا بواسطة شيفا المدمر
مـا على أساس إنه بو جاسم وخميس لندن ورايح بومباي وعماني مصالح هذولا كلهم شخص واحد :rolleyes:

:eek: :eek:

لا تقول ما قلت

بدوي متحضر 26/12/2005 08:59 PM

اقتباس:

الشعب العماني مدمن حوادث
صدقت ..!!

بس زيم ما مت

سلطان كلمته 26/12/2005 09:10 PM

الحمد لله اخي العزيز وهذي هي عاقبة مخالفة القانون

MR-MULAGi 27/12/2005 12:42 AM

انا ما قلت لكم لاتسرعوا يااولادي .....

الحاج فلوس 27/12/2005 02:23 AM

:عيار: :عيار:























:عيار:

امير المهجر 27/12/2005 02:24 AM

سلامات شباب ما تشوفو شر ان شاء الله


وعن السرعه الزائده

امير المهجر 27/12/2005 02:25 AM

اقتباس:

أرسل أصلا بواسطة فلوس
:عيار: :عيار:























:عيار:


سلامات فلوس قالولنا نقلبتو :عيار:

آسر القلوب 27/12/2005 02:27 AM

الحمد لله على السلامة صديقي خميس..

مشكور أخوي انا ما سويت الا الواجب..

آسر القلوب 27/12/2005 02:28 AM

شباب ينفع هذا الموضوع حال التخميس..:عيار:

الحاج فلوس 27/12/2005 02:29 AM

اقتباس:

أرسل أصلا بواسطة امير المهجر
سلامات فلوس قالولنا نقلبتو :عيار:

هيه شويه:عيار:



اسر هيه ينفع;) :عيار: :عيار:

امير المهجر 27/12/2005 02:31 AM

اقتباس:

أرسل أصلا بواسطة آسر القلوب
شباب ينفع هذا الموضوع حال التخميس..:عيار:

ينفع ونص ناهييك انه الشعب نايم تو :عيار:

آسر القلوب 27/12/2005 02:31 AM

اقتباس:

أرسل أصلا بواسطة فلوس
هيه شويه:عيار:



اسر هيه ينفع;) :عيار: :عيار:

أقول مو أخباره خميس .. عسى تو أحسن..:)

تراه ماشي عندي رصيد علشان أسأل عنه..:ضحك:

امير المهجر 27/12/2005 02:32 AM

اقتباس:

أرسل أصلا بواسطة فلوس
هيه شويه:عيار:



اسر هيه ينفع;) :عيار: :عيار:


نزين عن السرعه الزايده ومشيو بالعقل المره الجايه :عيار:

آسر القلوب 27/12/2005 02:32 AM

اقتباس:

أرسل أصلا بواسطة امير المهجر
ينفع ونص ناهييك انه الشعب نايم تو :عيار:

من هين نايمين .. تو هذاك البركان غالق لي موضوعي..:ضحك:

MaLaKi 27/12/2005 02:32 AM

الحمد لله على سلامتكـم ..

آسر القلوب 27/12/2005 02:33 AM

اقتباس:

أرسل أصلا بواسطة MaLaKi
الحمد لله على سلامتكـم ..

الله يسلمك..:)

الحاج خميس اللندني 27/12/2005 02:33 AM

اشكركم من اعماق قلبي احبائي على طيبتكم الزائده :عيار:

آسر القلوب 27/12/2005 02:35 AM

اقتباس:

أرسل أصلا بواسطة خميس بن لندن
اشكركم من اعماق قلبي احبائي على طيبتكم الزائده :عيار:

عفوااا..:عيار:

موه الاخبار ود خالة..:D

BeautifuL MinD 27/12/2005 02:36 AM

الحمدلله على سلامتكم ! :)


فلوووس .. أنا آسف كنت بالدوام لما تتصل ! :rolleyes:

BeautifuL MinD 27/12/2005 02:38 AM

خميس بن لندن = رايح بومباي ! :مفتر:

الحاج فلوس 27/12/2005 02:38 AM

اقتباس:

أرسل أصلا بواسطة آسر القلوب
أقول مو أخباره خميس .. عسى تو أحسن..:)

تراه ماشي عندي رصيد علشان أسأل عنه..:ضحك:

نوبه انا تراك تشوفني كل مره اتصل من رقم:ضحك:

الحاج فلوس 27/12/2005 02:40 AM

اقتباس:

أرسل أصلا بواسطة امير المهجر
نزين عن السرعه الزايده ومشيو بالعقل المره الجايه :عيار:

قول حال السايق:عيار: :معصب:

BeautifuL MinD 27/12/2005 02:42 AM

كان لو منقصعين .. بترتاح السبلة من زحمتكم ! :عيار:

MaLaKi 27/12/2005 02:42 AM

اقتباس:

أرسل أصلا بواسطة الامير النبيل
خميس بن لندن = رايح بومباي ! :مفتر:

وشي عنده أخوان غيرهـم بعد :عيار:

الحاج فلوس 27/12/2005 02:42 AM

اقتباس:

أرسل أصلا بواسطة MaLaKi
الحمد لله على سلامتكـم ..

الله يسلمك:)

الحاج فلوس 27/12/2005 02:43 AM

اقتباس:

أرسل أصلا بواسطة الامير النبيل
الحمدلله على سلامتكم ! :)


فلوووس .. أنا آسف كنت بالدوام لما تتصل ! :rolleyes:

شبابيه;)

امير المهجر 27/12/2005 02:44 AM

اقتباس:

أرسل أصلا بواسطة آسر القلوب
من هين نايمين .. تو هذاك البركان غالق لي موضوعي..:ضحك:

البركان الغاضب حاله استثنائيه مسيكين يكدح ليل ونهار :عيار:

امير المهجر 27/12/2005 02:47 AM

اقتباس:

أرسل أصلا بواسطة فلوس
قول حال السايق:عيار: :معصب:

كيه السالفه كلها من راس خميس :D

تو ابو جاسم طلع ينشع اااه :عيار: :عيار:

امير المهجر 27/12/2005 02:48 AM

اقتباس:

أرسل أصلا بواسطة خميس بن لندن
اشكركم من اعماق قلبي احبائي على طيبتكم الزائده :عيار:

عفوا عفوا :)

الحاج خميس اللندني 27/12/2005 02:49 AM

اقتباس:

أرسل أصلا بواسطة امير المهجر
كيه السالفه كلها من راس خميس :D

تو ابو جاسم طلع ينشع اااه :عيار: :عيار:


والله نادم نادم :(

اما ذاك الدهيك ابو جاسم ذاك حلي :عيار:

آسر القلوب 27/12/2005 02:50 AM

اقتباس:

أرسل أصلا بواسطة فلوس
نوبه انا تراك تشوفني كل مره اتصل من رقم:ضحك:

صح نعم .. تو انا أقول موه قصتهن تو ذي الارقام
الغربية .. وبعده كلهن مال نورس..:ضحك:


جميع الأوقات بتوقيت مسقط. الساعة الآن 05:37 PM.

Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.