----------------------------------------------------------$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$
مرتن من المرارير وفي احد الليالي المظلمه صاحت اجراس واحدا من هالبنوك وعلى طول تحركت قوات الامن الخاص وفرقة من القناصه وفرقه من المغاوير والمباحث العامه فاكيد ما يصيح الجرس الا فيه عملية سرقه والبنك زي ماهو معروف فيه جرس انذار دقيق ويصيح لو تدخل نسمة هواء الله بس لو انا نسمة هواء وادخل لخزانة حدا هالبنوك يا سلام ما ابي اطلع ابقعد اشمشم ريحة الفلوس وانا ابكي واقول يا ريحة اهلي خخخخخخخخ :
حاصروا البنك من كل الاتجاهات وحطوا كشافات اناره كبيره على كل جهات المبنى ووزعوا القناصه علشان ما يمدي السارق يهرب او يوطوط من محله وبدت مكبرات الصوت تشتغل سلم نفسك ياللي داخل المكان محاصر لا تبلش عمرك واستسلم ما يمديك تهرب القناصه بيجيبون خبرك يا الداشر اخلص علينا وخلنا نروح ننام عساك لنومة الكهف اللي ما تقوم منها (دعوة عجز)
ماش المجرم ما يرد معطيهم ركبه شكله ناوي على شر معهم قام واحد من هالقوات المحاصره ومسك المايكرفون وصدح بصوته وهو يقول النداء الاخير على رحلة السعوديه رقم 344 والمتجهه الى ساحل العاج قصدي قال يالمجرم ورى ما تسلم نفسك يا البايخ ياللي ما تستحي على دم وجهك مقومنا تالي الليل من عز نومنا وانت ما تعرف تسرق يا المخيس يا تسليل الحياء قدامك خمس دقائق ان ما سلمت نفسك فيها اقتحمنا البنك وفجرناك انت والخزائن اللي بتسرق
عدة المهله والمجرم ما جاب خبرهم وتجهزوا فرقة الاقتحام من قوات الامن الخاص اللي شايل مدفع رشاش واللي شايل كلاش روسي ثلاث وثلاثين طلقه واللي شايل ار بي جي ناوينه بشر وفعلا عطوهم الاوامر بالتدخل السريع وبظرف ثواني وهم عند باب الخزنه وانتظروا الاوامر بدخول الخزنه وقالوا باب الخزنه مغلق والمجرم الظاهر انه بالداخل جتهم الاوامر على طول بالاقتحام وبتفجير باب الخزنه ويوم فجروا الباب ودخلوا وهم يتصايحون لو هم داخلين على شبك اسود تسان ماتت الاسود من الروعه ويناظرون الا قمة المفاجأة لقوا
فلوس قاعد يعد الفلوس :eek: :eek: واول ما شافهم حاول المقاومه بانه ينحاش ويتخبى لكن ما طلع واحد من هالعساكر بكت دخان وحذفه عليه وطاح على ظهره حاول يقوم الا الشعب موجهين له الاسلحة الرشاشه ويقولون استسلم وانبطح على الارض ويديك خلف ظهرك قال من ناحية استسلم ابستسلم لكن من ناحية انبطح فاغسلوا ايديكم يا تسليلين الحياء كلش الا الانبطاح ما بقي الا هي قاموا العساكر كلبشوه وطلعوا من البنك وهي يصيح وتقول بريئ يا ناس مظلوم حرام عليكم اتركوني بحالي قام العساكر وسلموه للمباحث للتحقيق ومعرفة الملابسات
في المباحث امتنع فلوس عن الكلام وقال ما احتسي الا بمحامي :نطوط: قام الضابط المسئول عن التحقيق وقال يا فلوس ما يمديك حنا صدناك متلبس والان نبي نعرف ان كان لك شركاء قال انا مظلوم يا حضرة الضابط ولا لي شركاء التفت عليها الضابط وقال خلينا يا فلوس من اسلوب المراوغه وعلمني مالك شريك من اعضاء السبلة علمنا علشان نخفف عنك التحقيق وما نعذبك ونحاول انه يكون الحكم مخفف قال ان بريئ بريئ :(
بدت مرحلة التعذيب وكان التعذيب على اشده يا صعق بالكهرباء يا تغطيس راسه بالماء الين يتشرق وهو يتعذب وهم يحاولون ينتزعون منه الاعترافات وهو صامد ما يتكلم ماش اول ثلاث ايام فلوس ما تكلم ابد مع شدة التعذيب قاموا ورجعوه للزنزانه وكان ساكت من كثر ما تعذب ويوم دخلوه للزنزانه كان معه ثلاث دشير قالوا له وش قصتك يا حلوه ووش سالفتك قالت انا مظلوم وجاي هنا بالخطأ قال لها واحد من الدشير انت قاتل قال لا قال انت مزور قال لا قال اكيد قضيتك اخلاقيه طالع فيه فلوس وقال ايه مغازل لي كنزارايس ورى ما تقلب وجهك عني يالسبيكه قام وفصخ مصره وقعد يحرقص بافلوس طرقح طرقح وقال علمني ولا شلوطتك قال انا متهم بسرقة بنك قعدوا يضحكون الشباب الدشير وقالوا والله ما انتي بهين يا فلوس بنك مره وحده عموما جابك الله قوم وكملنا رابع بلوت حنا من زمان لحالنا وحاطين المركا رابعنا قال ما اعرف قال قوم وخليك مثل المركا اهم شئ نحس بروح التنافس والحماس قام وكملهم بلوت وعلى هالحاله اسبوع من الزمن ما احد حقق معه كنوع من التعذيب اصلن مجرد وضعها مع دشير في زنزانه نوع من التعذييب :rolleyes:
ويوم حس فلوس بالعذاب وانه ما يقدر يتحمل المزيد من التعذيب صرخ وهو بالزنزانه ياهوووووووووه يا عالم ابعترف خلالالاص طلعوني من هنا انا فلوس مريض ولا احتمل التعذيب خلالالاص ابعترف بكل شئ جيبوا لي الضابط جيبوا لي المسئول ابتكلم ابشرح ابعلمك بقصتي ابعلمكم بمأساتي بس طلعوني طلعوني من هالمكان حرام عليكم اهي اهي اهي اهي وقعد يصيح فلوس يا حبة عيني والدموع اربع اربع ويتشاهق دخلوه على الضابط المسئول والسلاسل بيديه والثقالات برجليه وهو يبكي ويقول خلاص يا حضرة الضابط ابتكلم واعلمك بكل شئ حسبي الله على الظروف اللي حدتني وصرت مجرم وشوهت سمعة عائلتي ومطرستها بالتراب اهي اهي اهي حتى الضابط رحمه وهداه وقال اهم شئ الواحد يتعلم من هالشئ ويكون له درس في المستقبل يطالع فيه فلوس وهو حاقد وقال اي مستقبل الله يرحم والديك انتم خليتوا فيه مستقبل طالع فيها الضابط وقال يالله علمني بالقصه وسبب وجودك في البنك وليه حاولت تسرق ووش ظروفك اللي حدتك على هالعمل الاجرامي الغير بسيط نعنبوا دارك من فلوس سرق محفظة سرق قوطي ديو فاضي اسرق حصاله لكن تسرق خزنة بنك كبير عموما يالله نبدا التحقيق :
انت تعرف يا حضره الضابط اني انسان بسيط ومن زمان ادور سيارة مستعملة وما بقيت مكان وما دورتة حتى في المنتديات سويت اعلان بس للأسف للحين محد فادني بشي ابد
بو يجيني اوين عنده بيكاب للبيع تو انا مال بيكاب صحيح انهم ما يقدروا الواحد وهيبته....
المهم وبعد فترة يجيني واحد باغي يبيع لي سيارتة بس هي جير عادي وانت تعرف انا ما اسوق غير اتوماتك ( العادي صعب علي ما اعرف اسوقه :D )
وبعد ما مللت من الأنتضار قررت اني اشتري سيارة جديدة بس من وين ماشي فلوس عندي عاد قلت ماش الأ هذا البنك مو اسوي
وكما اتشوفني وصلت الحين بين يديك اترجأ عفوك
المهم يا حضرة الضابط قررت انفذ مهمتي وتسللت للخزنه وما امداني اطلع لي حزمة ريالات الا انتم محضرين عندي خربتوا علي كل شئ حتى مستقبلي دمرتوه دمرتم كل شئ كل شئ اهي اهي اهي
كان حلمي اشتري سياره كامري جديدة بس خلاص عاد ماشي الا اني انتظر بعد خمس سنوات :(
وبعد ما سمع الظابط قصة فلوس والدموع تتسابق بعضها قام بتخفيف العقوبة وهي انة يقوم فلوس بتنظيف كل سيارات اعضاء السبلة بس
اعلان .............................
مطلوب:
سيارة مستعملة صالون اربعة سلندر , الموديل 98 فما فوق ,يفضل ان تكون واسعة (كامري-مكسيما-اكورد), الجير: اوتوماتك,
الي يقدر يساعد يراسل فلوس على الخاص
