مشكلتي مع تشفير الجزيرة الرياضية أريد الحل؟
 

عندي مشكلة وهو أن تشفير الجزيرة الرياضية سوف يكون على النايلسات وان هذا القمر لايمكنني من استقباله في بلادنا بسبب العوائق الطبيعية وهي الجبال(جبال الحجر الشرقي) وتعرفون انتم ان النايلسات منخفض قليلا عن العربسات ونحنوا نستطيع استقبال كل الأقمار ما عدا النايلسات
فأنا اريد منكم حلا كيف استقبل الجزيرة الرياضية المشفرة ؟ في بلادنا

أخوي وين أنت ساكن بالضبط؟

أناء ساكن في بلاد من المنطقة الداخلية وبجانبنا الجبال الشاهقة وهي التي تمتد من برج الصحوة الى نزوى

أخوي انا ساكن دارسيت الساحل في مسقط ومشكلتي نفس مشكلتك، لا ويقولوا لي يا غير بيتك يا زيح الجبل اوين

أحر ما عندي .... ابرد ما عندهم :معصب:

الحل الوحيد انك تتابع المباريات عن طريق الانترنت :)

أخوي الجبل الذي بجانبنا مثل قمة افرست كبير جدا ومال الأتصالات بايه تسوي محطة في قمة الجبل وشلت سبعة هنود بطائرة هولكبتر وخلتهم الطائرة ييسويها وما رجعوا الهنود الا بعد يومين من البحث والتقصي بمساعدة الشرطة وبعده هندي ما رجع فقدوه الله يعينا من هذه الجبال

وانا عندي نفس المشكلة :(

ما يصير تحط الدش فوق الجبل :مفتر:

ما شي حيله غير نتشتت عند شباب الحارة الثانية :(

ما يهون ميلان :rolleyes: ..

ما شي الا تنتظر يوم تنتقلوا

ما اقدر اصبر :(


ميلان واليوفي في الاسبوع العاشر :معصب:


لازم نشوفها مع بعض :)

ان شـاء الله ;)

انتقل وبيع بيتك اذا تريد تشوف الليغا

..نوبه أنا يا جماعة مشكلتي النخيل ما شاء الله عليهن رايحات في السما :confused: ...عن تقولولي أقصهن أهل البلاد يوكلوني وعشان أيش..عوين باغي يشوف الليجا عوين :D ..مو أسوي

الله يعينكم ............ أنا عندي حل ......... انكم يومي السبت والأحد ترحوا تسؤوا عزبة مكان بعيد عن الجبل والنخيل وكأنها طلعة واتشلوا معكم مكينة كهربة( مال أول )وصحن ورأس للنايلسات وتجلسوا تشوفوا على راحتكم ...... :معصب: :معصب: :معصب:

جماعة أنا صديقي من دارسيت وقدامهم جبل أو تل ، لما جابوا الهندي قال مستحيل أنه تلتقطو النايل سات ، وجابوا الثاني والثالث وكلهم قالوا مستحيل ، ولكن لما أعتمدوا على نفسهم وجربوا يلتقطوا القمر بعد جهد قدروا يجيبوه ويجيبو أبوه بعد ، وأنصح الباقيين أنهم يرفعوا قاعدة الدش شوي يعني يخلوا في مكان شوي مرتفع ويحاولوا البحث بأقوى تردد ، وأنا صراحة ما أعرف إيش هذا التردد بس أسألوا وإن شاء الله تلتقطوا القمر
ولا تصدقوا كلام غيركم جربوا شوي يا جماعه وما بتخسروا لأنه النايل سات اشارته قوية جدا في عمان والوطن العربي والجبل ماله دخل

جبنا هنود .. جربنا وحدنا .. حطينا قاعدة طولها مترين ... ما طلع شي :مفتر:

ما يصير نسحب خط من دش ربيعك