وين رايح والتلفزيون والطيران وأنــــــــــا
 

اتصلت به الصبح على الموبايل،، الرجّـال رد عليّ بعد حوالي نصف ساعة (على الأقل وفر عليّ مكالمة) من تلفون مكتب.. استغربت لما شفت الرقم،، تراه ما من وزارة الاعلام.. قلت له أنه فيه برنامج "تثقيفي" عن الطيران المدني واريده يستقبلني بالمرسيدس امام مبنى التلفزيون ويوديني علين الاستوديو.

قال: كأنك ماكل شوبك ني ;) سألته: كيف. قال: تراني طلعت من التلفزيون من كمّـين سنة واشتغل في احدى الشركات الخاصة (الرجّـال الظاهر عمل له عملة وقالو له احسن لك تستقيل قبل ما نفنشك مثل ما فنشنا الهوتي والحسني :rolleyes: :rolleyes:). عجب ما منك فايدة يا وين رايح :p

رحت انا وزملائي الوزارة... جلست ساعتين ادور على موقف.. حشا هذه ما وزارة.. كلها مسئولين ومدراء وما حد ما عنده موقف مظللينه :mad: آخر شي وقفنا في الشمس.. رحنا عند الامن: جيب بطاقة وتلفون وجواز وشهادة حسن سيرة وسلوك، وجيب اللي في جيبك وهين ورقة اذن الدخول؟ وليش هذا اسمه ما موجود: قنالهم الأصلي تم تغييره لأنه راح اجازة وهذا واحد بدله. نزين خلونا نتصل بالمخرج.. المخرج مشغول بتسجيل برنامج اخر.. عجب ريضوا..

انتظرنا..

تراه للحديث بقيـــــــــة

يحليلك أخي بن دارس عاد ما معناة في وزارة الأعـــــــلاااااااام :شيطان:

وبعدين شو صــــارر :o :نطوط:

بعد اتصالات من الموبايلات بالعودين سمحوا لنا بالدخول.. على بالي داخلين الباستيل أو الكتراز :o لما وصلنا الى الاستقبال جلسنا ننهق فلربما يسمعنا احد وما شفنا غير بابو وراجو جالسين يسولفوا وراء كاونتر الاستقبال.. هين هذا الرجال؟ ما حد. نزين عند مين نروح؟ كان لدينا في الرسالة مالهم شخص للتنسيق معه.. لما نشوف واحد ماشي نسأله، يقول ما اعرفه.. وبعد زمن طويل عرفنا مكتبه ورحنا له لكنه كان ما موجود. لما سألنا عنه قالوا لنا انه في اجازة.. من محله؟؟ ما حد يعرف. ما يصير احنا جايين بقرطاسة رسمية من المدير العام بو حالنا وبوحالهم :بلابلا:

وحنوه جالسين في الاستقبال شفنا حاجات حلوة.. الظاهر الاعلام عندهم اكتفاء ذاتي من الحريم وعلى أفا من يشيل :rolleyes: ما كما وزارتنا كلها جعور.. اخيرا حصلنا على واحد يخبرنا ان المخرج بعده مشغول. نزين والمذيع: قالوا لنا ان المذيع مستأذن يودي والدته المستشفى، وجالسين يدورا واحد بداله.

قلت اتصل بوين رايح مرة ثانية!!

ايش صــــــــــــــــــار بعدين؟

ريضوا :p

اذا تبغى تلفون مال شغله جيب نص ريال واذا تبغى النقال جيب ريال :rolleyes: بس كاش لو سمحت لأن ما نقبل كرديت كارد خاصة ان الراتب طالع امس الا اذا كانت الحرمة مخلصتنه مثل مالي :rolleyes:

:rolleyes: معاناة وبس؟ انا على بالي ان وين رايح بيساعدني بس طلع ما منه فايدة :rolleyes: علشان كذاك تلخبطت بعدين في التسجيل لدرجة ان المخرج صاح: كت كت كت :معصب:

خلـونـا ( نـريـض ) :ضحك:

بس إلى متـى ؟ :شيطان:

أخي ( بن دارس ) .. أهلاً بك في الترويـح.

مبنـى التلفـزيون والإذاعـة .. التفتيـش شـيء ضـروري عنـدهـم :شيطان:

كأنـك شـايل أسلحـة دمـار ويـاك :شيطان:

بس خلونـا " نـريـض " ونعـرف نهـاية القصـة .. والعميـد شو راح يعمـل :بلابلا:

و بن دارس طلع من الطيران المدني .. وأنا أقول مالنا خسرانين هاليومين !! :شيطان:

وبعدين

باغي الرقم جيب فلوس وبعدين نتكلم عن القناعة :p :p تراه ما شئ ببلاش :) خاصة ان وين رايح محلفني ما اعطيه حد. لكن اذا دفعت ريال اغير رأيي ;)

ما تلوم عمي وينوه الله يعينه هين يقسم عمره :o

اعصابك بن دارس اقول ما زينه العصبية :p

الظاهر انك رحتي هناك وفتشوكي نوبه :مفتر: موه وداكي هناك الله هداكي بس ;)

بس العميد تراه ما كان منه فايدة ;)

ريضي نتيه علين تشوفي بس :rolleyes:

نعـم رحـت .. كـانت رحلـة مـدرسيـة ! :بلابلا:

فتشـوا اللي فتشـوه .. حتـى فلـوبـيـات كمبيـوتـر خذوهـا .. على بـالهـم رايحـين نسـرق أجهزتهـم :شيطان:

يبـوك كمّـل .. تـرانـا " نريـض " :ضحك: شو سـووى العميـد ؟ سـاعدك أم لا ؟ :شيطان:

اتصلت بوين رايح على الموبايل عله يسويلنا واسطة ويشوف احد اصدقائه القدامي ويخلصنا من الورطة.. جالسين ننتظر وما حد معبرنا.. "تعذر الحصول على المشترك المطلوب، الرجاء مراجعة دليل الهاتف والاتصال فيما بعد" كيف يا عمانتل: ايش دخل دليل الهاتف اذا كان الشخص مبند تلفونه؟ اما اسميكم.....

اكيد وين رايح عرف انني رايح اتصل فيه. علشان كذاك سكر تلفونه :D بس قلت ما اظلمه.. امكن الرجال يشتغل عند هامور ومن كثرة المكاتب ما فيه ارسال خاصة ان منطقة غلا ما مقصر فيها عبدالله عباس من الخراب والخبب.

اتصلت على المكتب: رد عليّ بابو، "ماي اي هيلب يو سير؟ باغي وين رايح.. هو إيز زيس؟ ونته مالك .. اقول لك باغي وين رايح... سوري سير نو بودي هير باي ذات نيم.. طيب غلطنا لا سوري ولا مصري.. باغي عبدالسلام التميمي... اوكيه سير بات هي ايز فيري فيري بيزي.. عجب ايس اسوي اذا كان بيزي.. قلت اخليه على راحته :ضحك:

شوفوا ايش صار لنا بعدين :p

خلييونا نستفع منك شوية :مفتر: :eek:

اخي الكريم بن دارس
(حذف)

وشكرا اخي الفاضل


الاخ حبوش ... شارك في الموضوع
ومن ناحية اعتراضك فلا مكان لاعتراضك لما حصل لك هنا في سبلة ترويح القلوب :rolleyes:

(حذف)

;)

تراني جالس اريض وين رايح.. امس اتصلت فيه وقال رايح يعطيني شغلني. بس اشوفه ما دخل بعد :بلابلا: :rolleyes:

وبعـديـن ؟ :بلابلا:

وأخيرا اتى المخرج... قال انه جالس يدور على مذيع بديل.. ولما حصلوه كان المسيكين عاد واصل فنجا رايح بلاده. جلسوا ريضوا.. جلسنا.. واحد ما قصر جاب لنا ماي صحة :rolleyes: ما شاء الله وزارة الاعلام كريمة لهذه الدرجة :معصب:

دخلنا الاستوديو.. الليتات تحرق العين.. قالوا لنا دخلوا الوايرات تحت الثياب.. نته اجلس في هذا الكرسي، نته اجلس في ذاك الكرسي، وانا اجلس على الطرف.. كنت انشقع :rolleyes: الطاولات والكراسي مال قوم بوه عبود. هذي الوزارة كأنه ما عندها فلوس حال شخصيات زينا :o ؟؟!!

بس لازم المذيع يعمل بروفة.. المسكين هلكه المخرج: أربع مرات بروفات،، تذكرت انه ورين رايح اكيد كان المخرج يهلكه بالبروفات خاصة أنه وين رايح شيّـب شوية وما يركز واجد :rolleyes: علشان كذاك كان يجي حال السبلة لما كان مشرف ويحذف ويغلق.. تراه يطلع حرته في الأعضاء بعدما طاه المخرج شغله :rolleyes:

لـَه .. لـَـه .. لا عـاد إلآ العميـد أخي (بن دارس ) .. بعّـد شـوي عنـه .!

وخليـك في وزارة الإعلام :D

كل هذا صاااااااااار......................يؤ ؤؤ ساالفه....

ممكن ننشرها فى CNN

ولو شفتي المصيبة اللي طحت فيها بتقولي عصب وزيادة :rolleyes:

انصيب ما طحت اخي بن دارس رز على راسك :o

وين ما تروح اخي دائرة حكوميه لازم تعاني مهما كانت الظروف المواتية لك :rolleyes:

رحماك يارب :rolleyes:

ماعليه تكبر وتنسى اخوي بن دارس :)

وليش زعلانة نتيه :p

تراني اتصلت بالرجّـال وقال انه رايح يشوف الموضوع وبعد رايح يشرشحني.. تريه لما شاف الموضوع شرد :rolleyes: وبعدين ايضا قال انه متفق مع كمّـين مطوع نروح نزور سعيد الراشدي بعد صلاة المغرب.

بس ما ادري ايش علاقة وين رايح بالمطاوعة ;)

المسكين بن دارس.... لو كلمتني كنت بخليهم يستقبلوك استقبال الابطال و يدخلوك داخل مع مرافقين عسكريين و بالدفوف بعد.. :شيطان:

:eek: :ضحك: تصدق انه مرة رحت انا سوولي كذا و خلوني اجلس داخل في غرفة المكياج وين شيماء الحمادي كانت تتصفد امامي و تضرب سوالف البنية..فاذا بغيت مذاك يوم ثاني فخبرني و لكن شرط انك تعزمني مع وين رايح و صديقا حائرا في كوستا كوفي :ضحك: :شيطان: :ضحك:

بصراحة بصراحة :بلابلا:

قناة الجزيرة يشوفوها الناس اكثر :rolleyes: حتى المذيع اللي جالس معنا يقول انه ما يشوف تلفزيون عمان بالنسبة للأخبار لأنها رسمية وما تريد تتدخل في شئون الآخرين :rolleyes:

:شيطان:

تراني ما بغيت افشل المذيع،، هو اللي انشقع :ضحك: المسكين انحرج واجد قدامنا


عاملين منصة خشبية وسطها طاوله وهذي المنصة صغيرة واجد وفيها الأربع كراسي اللي جالسين فيها، والكراسي هذي دوارة وبسهولة تنزلط، وانا والمذيع كنا على الطرف بس هو اللي انزحط واتشنقع بس ما تعور، تراه متعود على برنامج "ولايات عمانية" :p

بن دارس..عندك سوالف.. :ضحك:

الظاهر ان الوزارة بوه حالنا مال النقل والاتصالات ضيعت الشيك في البريد،، تراه الريال بعد ما وصل :rolleyes:

احسن لك تطرش ريال غيره ;)

ابوي ما يخلص كل ساعه ريال :mad: :شيطان:

اخواني الشباب و خواتي نصيحه من تاموسو

أشوفك جيت السبلة السياسية مرة وحدة وبعدين دقيتها شردة :rolleyes:

وليش ما تكتب شي هنا بعد :معصب:

ويــن رايــح ما يبى يكلمــك لأنــه عايش هذه المواقف كثير هنـــاك .. فقـــال فرصــة وطاحت من السمـــاء " بن دراس " وفي وزارة الإعــلام .. :شيطان:

ومــن عــارف يمكن زيارتــك للإعــلام سبــقهــا تــوصيـــة سبيشـــل :o بدليل ... بالبوابـــة :-

صفحـة حبنــا :شيطان:

:ضحك: انشقــــع كلمة قوية :ضحك:

اما انه عليــك سوالف أخي بن دارس :شيطان:

وبعدين؟؟

غير فيشن السياسين يوم يتكلموا

تراني أيضا جالس اريض هذي اللي تصبغ الناس، على بالي رايحة تجيب كميّن قوطي سادولين. تراني ما كنت مسوي غير بودرة بيضاء علشان اغطي تجاعيد الزمن ;) بس ما جت وطلعت العيوب كلها. شوفوا الصورة بس لكن لا تتخرعوا وتطفوا التلفزيون كله :ضحك:

اوه

بن دارس انت هنا

تعال ما قلت لي ايش صار لك

يقولون عزموك هناك :شيطان:

:rolleyes: :rolleyes:

أما قصة :ضحك: \\

ولا ألف ليلة :نطوط:


واصل :D

خلصت القصة ولا بعدها :شيطان: