حبوش بن حارب وراعي الدكان
 

حبوش بن حارب وراعي الدكان قصه من التراث الصومالي


في احد الايام وبينما كان حبوش نائم , يصيح المنبه الساعه 4:30 ( حبوش كل يوم يضبط المنبه على الساعه 4:30 علشان يقوم حال صلاة الصبح ) المهم انه حبوش قام وبند المنبه ورجع يرقد , وبعد فتره وبالتحديد الساعه 6:30 تجي ام حبوش وتدق الباب عليه ,

حبوش : ها من مع الباب .
ام حبوش : حبوش يالبرذول قوم بسك من الرقاد.
حبوش : يالله الواحد ما يقدر يستريح شوي في هالبيت.
ام حبوش : بتقوم ولا بمشي الحين وبكسر الطبل مالك .
حبوش : كله ولا الطبل , بقوم بقوم .

يقوم حبوش ويفتح الباب

حبوش : ها اماه خير .
ام حبوش : وعلامهن عيونك كلهن غمص.

يقوم حبوش ويمسح عيونه

ام حبوش : روح الدكان وهات حليب ماصخ ابسوي شاهي حال اخوتك .
حبوش : هاتي الفلوس .
ام حبوش : خل راعي الدكان يصبرك .
حبوش : ان شاء الله امه .

وهنا يدخل حبوش الغرفه ويغير ملابسه بدون ما يتسبح .

راعي الدكان على عادته جالس ينظف من برع , يلتفت الى الخلف ويرى حبوش قادم

راعي الدكان يتخرطم في داخله : أرى ... أرى ... ماذا أرى ... أرى شراعاَ مندثر .... أرى حبوش الغبر.

راعي الدكان يدخل المحل .

يصل حبوش الى الدكان , يدق الباب , ويدخل.

حبوش : السلام عليكم .
راعي الدكان : هلا حبوش , كيف حالك .
حبوش : الحمد لله .
حبوش : اقول شي عندك حليب ماصخ
راعي الدكان : ايو , كم تبا
حبوش : هاتنلي خمس قواطي لين جدام .
راعي الدكان : حبوش تراه الخمس قواطي بستمية بيسه .
حبوش : انزين ابوي لاتخاف بنجيبهن حالك العصر .
راعي الدكان : لا يا حبوش قبل جيب الميتين بيسه الي عليك من امس بعدين بصبرك .
حبوش : ابوي بنجيبلك ما بناكلهن حالك .
راعي الدكان : لا يا حبوش يا خوي .
حبوش يتخرطم في داخله : خاويتك حيه قول امين .
راعي الدكان : ويش تقول يا حبوش.
حبوش : اقول ياعل الحليب اللي معك يخيس كله .
راعي الدكان : حبوش عدل كلامك.
حبوش : ما منك من الي خلاك في هالدكان.
راعي الدكان: حبوش طلع برع لا اشل عليك بكف على ويهك الحين.

هنيه حبوش يشل بعمره ويطلع من الدكان وهو معصب.

يوصل حبوش البيت , وهو معصب , يدخل البيت .

حبوش : اماه اماااه .
ام حبوش : ايوا , ها حبوش جبت الحليب.
حبوش : ما طاع يصبرني راعي الدكان .
ام حبوش : هي الله يذكرك بالخير يو (رميه) ( رميه هذا الهندي الي كان يبيع في الدكان قبل ) , ابوك راحوا البييعه من سافرت , علوه هي يو حبوش ولا قدرة ولا قوة ولا قول.

يرفع حتى يرفع الظلم :شيطان: :شيطان:

حبوش أشوف روحك جالس تتخرطم محد يعطيك فيس

عزيز الفارط

الموضوع سياسي بحت , قول كيف ؟

انا واعوذ بالله من كلمة انا اناقش قضيه مهمه في مجتمعنا

وبعدين لاتستعجل توا الناس :شيطان:

مو تسوي يالغبر اغلب العمانين شغلهم بالصبر مع الدكاكين

مقيوله يا حلال المشاكل
الله يعين بس
ولا قدرة ولا قوة ولاقول :شيطان:

:eek: :eek: :eek: :eek:

أقول حبوش ... أنته رايح تجيب حليب ماصخ حال الشاي ولا حال المنبه بو يصيح
الساعه 4:30 الصبح. :ضحك: :ضحك: :ضحك:

تو بالله عليك , صدق انك دهج حد يجيب حليب ماصخ حال منبه :شيطان:

خبوش ياخي قبل عن تخرج من البيت اتسبح ماتروح بغمصك وريحتك اكيد صاحب الدكان مابيعطيك يبيك تطفر من دكانه وماترجعله ثاني

يا جماعه يا ناس هذا موضوع سياسي انتواجالسين تناقشوا الاشياء الي مالها معنا وتتركوا الاشياء المهمه ليش؟

أول مرة أسمع عن حليب ماصخ !!! اسميه العمانيين ما يتعايوا :D

شكلك ما عايش

تراه الحليب له عدة انواع :شيطان:

حليب ماصخ :rolleyes:
وعامل كل هذا الضجة عشانه

الموضوع يناقش قضية سياسيه بحته الا وهي قضية الصبر فالمتتبع لاحداث ا لقصه يجد ان راعي الدكان رفض ان يصبر حبوش بن حارب :شيطان:

اخذك على قد عقلك
واعذرني ترى الحليب الماصخ ما اقتنعت به
انا اللي فهمته من الضجة
ان الهندي كان يراعي احوال الفقير اكثر من العماني
وهذه خلاصة الضجة
وانتهى :rolleyes:

صحيح والله .. العمانيين شايفين نفسهم .. ويتعاملوا مع الناس من أطراف خشومهم مع ان التواضع خير وبركة ..

مثلاً .. بياعة الخضروات والفواكه .. سفروا بعضهم .. وعاد العماني يستكاود يستأجر له دكان عوين بيخسر فلوس .. يقوم يجي السوق بـ البيك آب .. ويبيع ف الشمس لين ما تخترب الخضرة .. واذا جينا ندور ما نلاقي غيرهم ..!!

خليها على الله ..

ميه ميه :شيطان:

حيوش قصتك من التراث الصومالي
كيف باغنا نناقشها في عمان
هذا تراه تدخل في سياسة دول مجاورة
وهذا يعاقب عليه القانون
بعد ليش ما مربين هوش كان الحليب تحصلوه كل يوم طازج

شكلك بديت تستوعب الموضوع :مفتر:

اخواني في هذه الايام الواحد ما يقدر يمشي اموره بدون صبر , وبعدين نحن تعودنا خلاص , والمثل يقول قص صبع ولا تغير طبع

من المفروض أن تزيل اللبس وتطرح الفكرة للأعضاء ........

وذلك كي يتم مناقشة الموضوع بجدية......

هذا إذا كان هنالك موضوع أصلاً....

الحين تاكدت ان موضوع حبوش وراعي الدكان يحتاجله واحد يكون محنك وفاهم بالسياسه :o

اخوي لالالالالالالالالالا هل قرأت كتاب كليله ودمنه ؟
وشكرا :cool:

عزيزي الرباش الكبير
الموضوع ما يحتاج إزلة اللبس عنه لانه واضح ومفهوم .

زاان اخترت اني اطرح الموضوع بهذه الطريقة لكي يكون الموضوع مسلس في نفس الوقت وهادف ويعالج مشكله اجتماعيه نعانيها ونعيشها في حياتنا اليوميه

وتسلم عزيزي ;)

هل يناقش التغيير الجذري الذي طرأ بعد غياب البائع الوافد ومدى تقديره لظروف العمانيين

أم الحالة المادية التي وصل إليها الشعب

أم ماذا بالضبط.....

إذا لم تزيل اللبس فسوف يتشعب الموضوع كثيراً ولن نخرج بشيء محدد ابداً..... :rolleyes:

عزيزي الرباش الكبير كي لا يتشعب الموضوع
نوضح : الموضوع يناقش مدى التغير الذي طرأ بعد غياب الوافدين ,

فالملاحظ ان الوفدين كان من السهل التعامل معهم ولكن في الوقت الحالي تجد صعوبه في التعامل مع بعض البائعين العمانيين , فعلى سبيل المثال في الماضي
كان الشخص يذهب الى الدكان الذي يعمل فيه الوافد ولا يهتم اذا كان يحمل النقود او لا , لانه يعرف ان العامل سيتساهل معه .
ولكن العماني صعب جدا

مسيرة الولاء والتضحيه

حبوش بن حارب تعرف هالشلة زين

من بون أنا من بوني *** نساني الهوى بجنوني

نسّاني الهوى نسّاني *** نسّاني هلي وناسي

وأنا اشهد هذا حبوش بن حارب ايش على بالك لعب فريخات :D

علامك وانا اخوك قمت تخرف

وبعدين ويش دخل الفريخات في الموضوع
على طاري( الفريخات )
هالكلمه معروفه من يقولها :شيطان: :شيطان:

من هين ابويه انته لايكون من ...........

:نطوط:
:نطوط:
:نطوط:

شوي شوي علا عمرك حبيبي لاتجلس تنط وايد
عن تتعور :شيطان: :شيطان:

رايك كذي :ضحك: :ضحك:

انتوا بدل ما تجلسوا تتمسخروا
ورونا شطارتكم وناقشوا :mad:

الموضوع يناقش قضية الصبر والحاله الماديه الصعبه التي يعيش فيها العمانيين ومستو المعيشي الضعيف التي تجبرهم على الصبر من الوافد ولا تلوم العماني في الدكان لانه يعين اسراه تحتاج الى مصروف يومي ومن اين لهو هذا المصروف ان لم يجدهو من المحل فاذا صبر كل الجوار فلا يجد ما يصرفهو لاسرته
وجهة نظر فقط

وصلت الفكرة وين المتحاورين؟! :confused:

ليش هذا التحامل على العامل العماني يعيني الحين الهندي احسن

كيف تريدوا نرجع الهندي علشان يصبركم :mad:

قبل عن نحكم على العامل العماني خلينا نعرف ليش مايصبر

انا سئلت احد العمانيين عن الصبر

قال: نحن نصبر بس من هم اهل للثقه
وانتو ادري بعض الناس ياخذوا والفلوس في المشمش :o
ودور عاد على فلوسلك كل شهر يقول ما عندي وانته ياصاحب المحل دفع من جيبك

بعدين الواحد يفتح محل علشان يستفيد مو علشان تكون الفايده في التدفتر

انا واثق بان العامل العماني يصبر احسن من الهندي اذا وثق بالشخص

تحياتي