|
اقتباس:
موقف جميل بالفعل |
الله لا يحصل لكم اللي حصلي
كنت أسوق السيكل داخل البلاد ولاتوجد انارة وكانت ليلة 29 أو 28 وكانت الساعة التانية عشرة ليلا وفجأة وجدت مطب أمامي وما أشوف الا الاطار الامامي يتبطل من السيكل ويطيح في النخل وعاد تصورا نصف الليل والدنيا ظلام اش اللي حصل
|
الله يهديك ذكرتني بندبة في رجلي وسبتها السيكل من وانا وضغير
|
أذكر يوم كان عندي سيكل .... شفت في التلفزون مرة وحدة واحد يطير بالسيكل ماله عن طريق القفز من اللوح :eek:
... أنا قلت أسوي كماه .... فجبت لوح و حطتيه مايل على طابوقة :rolleyes: ... و أرجع بالسيكل يجي مسافة 100 متر .... و أدوس عليه .. (و صلت السرعة 100 كم/الساعة خلال 6 ثواني بس :مفتر: :eek: ) ... ويوم أني أوصل عند اللوح .... الدنيا أتشقلبت فوق حدر :( و يوم خرج أخوي شافني متشمخ و حالتي حالة .... قالي مو أ ستوى :بلابلا: ... قلتله ما شفتني يوم طرت بالسيكل .... لكن المشكلة ما عرف كيف أهبط صح و أتشقلبت :D :D ... و انا ما أرتفعت حتى سنتي واحد .... أما كانت أيام :rolleyes: :cool: |
اقتباس:
هذه أنا عملتها بعد ولكن طلعت أذكى منك بكثير أنا ما حطيت لوح أنا حطيت مربعتين طوال عند بعض ورفعتهم في حصاه كبيره وجيت وتفلت في المره الأولى نجحت لأنه السيكل جا في مربعه وحده بس وقفز فوق وسلمت سلامه لكن ما هجاني وقلت بحطم الرقم في القفزه الأولى وأرجع بالسيكل من مسافه أكثر شويه وسرعه أكثر بعد لكن السيكل نقع فيني خيانه وجا بين المربعتين وأصطدمت بالحصاه الكبيره وأتشقلب السيكل فوق تحت أنا وهو الحمد لله أنا سلمت سلامه بس شوية شموخ بسيطه وأما السيكل فراحن صباعه الأماميات وأنحنن وتم التاير يحك ويسوي صوت فكرت نفسي سوبر مان وتفشلت بعدين من الجمهور |
انا من حتمت على نفسي ما سقت شي سياكل <<<<<<<<<<< بكلم نفسي ( براجع الماضي ) :confused:
ـــــــــــــــــــــــــ ـــــــــــــــــــــ المهم ..... كان ودي أخبركم عن سالفتي والسياكل معي ,, لاكن عارف انكم ما بتفهموني ,, لأني ما بعرف اشرحها لكم = ما راح تفهموني ...... خلها مستوووورة ;) |
اقتباس:
;) |
:) :rolleyes: :cool:
|
غريبه خلصن سوالفكم ولا أيش :مفتر:
|
الله على ايام زمان .. اتذكر ان والدى رحمه الله اشترالى سيكل وكنا فى ( البحرين ) عشان اروح فيه المدرسه وما كنت مصدق ان عندى سيكل فكنت اعطى نص مصروفى حال اخوى وانا اروح ادور بالسيكل وارجع البيت وبعد شهر المدرسة رسلت انذار حال ابوى ولما عرف السالفة قفل السيكل وخلاها فى الحوش عشان اشوفه كل يوم .. لا والغم كنت لازم امشى اكثر من نص ساعة عشان اوصل المدرسة وتميت شهرين كل يوم اشوف السيكل واتحسر وقلت توبه .. ولولا واسطة الوالده العزيزة الله يطول عمرها ما كنت اسوق السيكل مرة ثانية ...
|
زمان السياكل شي كل يوم نضرب ويلات عند المحلات :عيار:
|
اقتباس:
عاد ما ويلات وخصوصا بسيكل 16 ترتيييب :عيار: |
الله على ايام السياكل ...
اكثر من عشرة سياكل اشترولي.. وكنت اتمدح لأني الوحيدة البنت اللي اعرف اسوق سيكل ..في الحارة.. لكن عاد ما سواقة ..!! ما اعرف اوقف السيكل واضرب بريك .. كله في الجدران والنخيل والسدر .. عاد عشان اسوي صوت حال السيكل .. ادخل دبة بلاستيك في التاير ويقرقع في الحارة كلها .. |
اقتباس:
بنت وتسوي كذاك كيف عاد الولد في حارتكم أيش يسوي :D ذكرتيني بالدبه البلاستيك إللي تسوي صوت لكن إحنا طلعنا أخس :عيار: أحنا نحط قوطي فاضي وعاد سمع النعير لوين واصل :نطوط: |
أنا أكثر من 10 سواكل اشتريت في مسيرتي
وتقريباً معضم الحوادث اللي مرت عليكم أنا مريت فيهن لا تقولوا قوية وجالس يكذب في الرمضان بس بخبركم نذالتنا لما كنا صغار الله يسامحنا على اللي نسويه في الهنود الله يسلمكم كنا نروح ندور جماعات ونشل معنا حبل متين وكل إثنين يمسكوا الحبل وكل واحد من صوب وطبعا الحبل مرتخي ونحن نمشي متسايرين ولما نشوف هندي جاي بسيكله نشد الحبل أول ما يوصل عندنا ويطيح المسكين ويتعور وأحياناً ندعمهم بالسواكل ونتعور معهم وأذكر مرة طيحت هندي وتبعني وراي يريد يعرف بيتنا عشان يخبر علي وعاد أنا ذكي وديته طريق ثانية لحد ما تعب وخلاني :D |
أسميكم سادنكم طلعنا في الأخير كلنا مجانين أيام أول:ضحك:
مره من الأمرار جاي هندي بيتنا و طبعا جاي بالشبح ماله قصدي ال28 المهم يوم شفته متغافل أشل السيكل أوين أتمشى و ما أحلى التمشيه في البلاد تحت النخيل و بين الأفلاج و عاد ترا انته شيخ عندك 28:D المهم جاي كنت مطير صوب لفه أوين أشوف التحكم في السيكل و ما أوعى بعمري غير متسردح في الضاحيه بو عدال اللفه لا و بعدها كان فيها سور شبك (ربك ما ينزل يضرب بعصا:cool: ) ذيك الحين ما حسيت بشي لكن بقى جرح واحد لساعتك مسولي علامه و هتقول تاب رجعت أكمل التمشيه:D |
:( بصراحة الموضوع روووعة والشباب ما قصروا :بلابلا:
عاد خلوني أعطيكم سالفتي :cool: قروفيتي من يوم بعدني صغير :مفتر: يوم بادي أمشي اشتريولي سيكل ( نسميه بالعاميه عجل) ..وأنا ماشي بالسيكل والعقل بعده فاضي ما نصيت غير الدرج وتهلوت وانشقيت عند العين والحاجب استوت فيه سيقيه :( وإلى حد الحين العلامة باقية :بلابلا: وايام الإعدادية إشتريت سيكل مستعمل ( أنا واخوي) والضرابه عليه ببيسة وكل يوم نتهافس عليه وعاد أنا بغيت أتفشخر به وشليته المعهد ( يسمونا المطاوعة 60 ريال ) وما قصروا المرغدة سرقوه عني :( ،، شافه واحد من أصدقائي في السوق وعلى طول إتصل بي وقلت عجب خلاص السيكل مرجع 100% وشفته موقف عند دكان واحد من الشياب وولده جالس جنبه وكأنه حاس إني جاي أشل السيكل وجلسنا نتقاشب بس مشكلتي جسمي ضعيف يعني ما أقدر أضارب :( والولد ما قرب كأنه خايفني بس أبوه الله يسامحه جلس يحلف ومرة يقولي إنه شارله إياه ومرة يقول إنه عمه جايبله إياه من الامارات ... المهم في النهاية رجعت بخفي حنين :( يعني السيكل ما رجع :( .. والحين بعد 12 سنة كل ما أمر على الدكان اتذكر الموقف |
ذكرياتي مع السيكل كلها طياحة وعوارات
بس تصدقوا انه سيكلي بعده معي لحد الحين،يعني تقريبا 15 سنة |
برايكم انتوه عطونا من ذا البارد :عيار:
|
سؤال يطرح نفسه من تو بعده مستمر في يسوق السياكل وهل السياكل للاطفال فقط
|
اقتباس:
عصابات مافيا :D |
موضوع ظريف ..
ينقل لسبلة الترويح حيث الاصحاب والاحباب ... سياكل :بلابلا: |
والله ذكريات لا توصف
|
اقتباس:
أيش هن :confused: |
الللله كنا دائما ننتظر الاجازة بس علشان السياكل:D ضاربينها حواطة في الحارة:عيار: |
اما انا احمد ربي ان الظروس رجعن مكانهن ولا كان تو ثرم
والجرح علين تو والله مانسى ابدا ايام السياكل دوارة في الشمس :D :نطوط: :D |
:D :D ما كان عندي سيكل لأني بنت ::mad: ( أحين الدنيا تطورت أول البنت ما تسوق سيكل حتى لو صغيرة:D ) بس كنت أضارب أخواني وأترجاهم عشان أسوق سياكلهم:D ما أعرف أتوازن عالسيكل أطيح أنا وياه لازم حد يسندني عشان ما أطيح مرة تهورت وقررت أسوق بروحي غلطت فاللفة بغيت أدخلها بمرونه لصقت ريولي فالجدار الخشن جدا وتجرحت ريولي كلها الجلد طلع وقررت بعدها إن ما يخصني فالسياكل:D حلو الموضوع وايد |
مسسسساء الخير والدلع:)
الله يرحم أيام السياكل وأيام الإصابات:ضحك: بس الحمد لله لاني ما أعرف أسوج السيكل ما أصبت بسبب السيكل :D بس أشوف إخواني وأضحك عليهم لما يدعموا الجدار :ضحك: :ضحك: |
اقتباس:
شكلك جميل يوم تكبر وأنت على قولك ثرم :D |
اذكر مره جالس اسوق سيكل في البلد وعلى الفه(منعطف) اشوف عجوز قدامي توعاد ياادعمها يااطيح في حفره كبيره طبعا اخترت لحفره وتكسرن عظماني ذاك ايوم وجايه تسالني بعد تعورت ابوي مدقدق وماقادر اشل نفسي وتقولي تعورت:confused:
|
:ضحك::ضحك::ضحك::ضحك:
:ضحك::ضحك::ضحك: :ضحك::ضحك: :ضحك: |
انا قصتي عجيبه اول ما نزلن سياكل (سكان سيده ) قلت حال ابوي جرب السيكل مسكين صدق وقال اجربه اول ما بدا يدوس مشى حوالي ثلاثين متر وضرب بعمره في جدار طين اللين نزف الدم من يده وطاني شغلي وخلى السيكل وقال لي وديه البيت مسكين ابوي
ومره وحده ولد جيرانا خاطف بسيكله رميت بنص طابوقه في التاير ويطيح اربع دورات ومسكين افتلتت رجله وراح البيت يعرج لكن الغم ابوي شافني وطاح الضرب بالخيزران حتى الغداء ما تغديت ذاك اليوم (حرمني الغداء) |
اقتباس:
شكلك راعي مشاكل :eek: |
اقتباس:
:ضحك: :ضحك: :ضحك: جــــــــــــــــالس أتخيل الموقف |
ذكـــرتني بأيام (السواكل)...(حلوه هذي السواكل):ضحك:
ياأخوان...اذكر الوالد أشترالي سيكل (بو دكيه) إذا تتذكروه.....جــــديد من الوكـــاله وطبعا السيكل بعد فترة من الاستخدام صار قديييييييييييم....يعني لا يبقى فيه ..ليت..ولابريك..ولا هرن.. المهم ..وأهم شي أنه مافيه بريك...:مفتر: وطبعا أخوكم ولد الرباط يلبس أذيك الايام نعال (زنوبه).... من قدي:ضحك: وأذكر لما أبغى أضرب بريك أدخل نعالي وأضرب بريك.. المهم ..طبعا النعال على كثر ضرب البريك والمشي..والركض وكثر الاستخدام ..أتوقع ما كملت سبوع.. وتخيلوا أنتوا عـــــاااااد الموقف بفردة نعال زينه والفرده الثانيه..:ضحك: :ضحك: لااااااااااااااااااااه وبعد أزيدكم من الشعر بيت ....اروح بيها المـــدرسه...:ضحك: :ضحك: |
اقتباس:
|
| جميع الأوقات بتوقيت مسقط. الساعة الآن 06:30 AM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.