|
بصراحة اعترها حركة عادية وما فيها شيء
وصحيح ما شيء حراس امن هذي السنة ؟ |
بالفعل حركة غير حضارية ابدا والشخص الي رمى الغرشة انسان لا توجد به ذرة من الاحترام ويعكس البيئه الي تربى فيها ... :rolleyes: من المفروض وجود رجال امن لوقف مثل هذه الاعمال ومعاقبة الاشخاص الي يتعمدون الفوضى ...:o |
عجب العمانيين حد يبغى يسويلهم سبيبة رايح تلقاه باغي هدية ومحد عطاة ومن الغميضة عق فوقهم الغرشة ما علية يبرد عليهم صاه الجو حااااار :ضحك: :ضحك: :ضحك: |
اقتباس:
كم في المقابر من قتيل لسانه..... كانت تهاب لقائه الاقران اشوف الجماعه كلهم عصبوا عليك اوزن كلامك وقلهم انا آسف ما قصدي والا لا يحوشك شا اللي بيصير لك منهم |
الحمــد لله |
اقتباس:
بس ترى واجد مزودينها يعني هل الناس اللي تشوف هذا البرنامج من الخارج اذا شافت اللي صار ما راح تعمم ؟؟؟؟؟ أكيد يقولوا ان العمانيين كلهم كذا وووو لأن العالم يحكم بالظاهر وهذاك اللي سوى الحركة ضيّع على الكل واذا كنت تفكرني معمم على الجميع بكتابتي عمانيين هذا لأني متأكد ان اللي شاف الموقف وهو من خارج عمان بيقول كذا . لكن أحسن نسكت وبس |
اقتباس:
|
صراحة العمانين فضااااااااااااااااااااايح
خاصة في البرامج المباشرة تحس اننا غير عن بقية الاوادم صراخ صبياني من الجمهور وتعليقات سخيفة واستخفاف بالضيف مع ان هذا كله يعكس صورة سلبية عن الوطن الغالي عمان لاحظو صراخ الجماهير لما ابتهال او اي ضيفة او حتى المشاركات لما حد فيهن يتكلم تسمع نباح بعض الجماهير والله فشلتونا,,,,,,,,,,,,,,جلسوا في بيوتكم احسلكم واحسن لنا |
لاتقولو العمانين الي يسو هذا الشي بل هم المرتزقه بمعنى اوضح ومعروف(الزطوط الخدام)
لعن الله الزطوط والخدام من عمان وكل شي بيصير زين |
يستاهلوا
|
أنشالله الشرطه ستقوم بدورها
|
لو طاحت الغرشة فوق رأس خالد أو الضيف ويش كان بيستوي؟؟ :D
|
وأنا أقول مو السالفه طلعوا الشباب ما مقصرين
هذي نهايتنا (غرش) الله يعينا بس |
هو زين لو رماهاا في المذيع او في المذيعات .....
كان بصراحه يكون حلو... عشان تعبنا من برامجهم التعبانه ....... |
اقتباس:
والمره الجايه ان شاء الله في مقدمات البرنامج... لكن يحتاج لهم غرشه بيبسي |
اقتباس:
من الأخلاق إني إذا أنا أخطأت إنته تصحح الخطأ:عيار: أنا أعتذر للأخوة بإستثانك إنته...آسف لأني خصصت العمانيين...وكان يجب عليي أن أقول فئة من العمانيين...وانته منهم:D :D |
آآآآآسف على الخطأ
هلا أخواني الأعزاء......
أعتذر على الرد"العمانيين فضايح"... أنا كنت معصب من إللي صار،وخصوصا إني كنت موجود فالمكان...وصارت هذي الظاهرة في أماكن مختلفة...بس مهما كان ما من حقي أرد بهذا الكلام...وأرجو منكم إنكم ما تاخذوها فخاطركم....لأني بصراحه حسيت بالغلطة... ملاحظة: بعض الأخوة إللي ردوا ،كانت ردودهم فيها كلام غير لائق... وشكراااااا |
الشين يعم والخير يخص
وامثال اللي عملوا الحركه من لشين... والله يعين... |
اقتباس:
not an error :) |
بصراحه غلطانين لما جابو تركي الدخيل في برنامج رمسه...
اللي اعرفه عن هذا الانسان وخبروني عنه اصحابي السعوديين انه انسان علماني بحت منفتح و يبي كل الدنيا تنفتح مثله.... انسان يناشد بخلع الحجاب في السعوديه و يقول انها من الحريه الشخصيه. يشجع للاختلاط و الانفتاح بين الشباب و الشابات بالاخص في السعوديه لكونه سعودي..... و بصراحه اذا كذا يستاهل فلـــع بزجاجه علي راسه المتوسوس هذا.:معصب: |
السالم عليكم ورحمة الله ...
أخواني ... عندي بعض الأسئلة لمتصفحي السبلة الكرام .. هل برنامج (رمسة ) يرتقي بخصوصيات الشهر الفضيل ؟ .. هل لهذا الشهر الفضيل برنامج ديني له جمهور ويرتقي لصرف مبالغ طائلة تفيد مجتمعنا العُماني ؟.. حرمات هذا الشهر أصبحت تباع وتشترى بفساتين ومكياجات وتباهي وتخلع أمام ( بمايسمى جمهور راقي ) .. ماذا تنتظرون من الشباب ؟ .. هل تنتضرون البصيرة .. الفضيلة .. إحترام النفس طبعاً يأتي بعدها إحترام الأخرين .. ملابس تلبس من قبل الجنسين ليس الكل لا تليق بمستوى أخلاقياتنا العُمانية لاكن في المقابل هماك آخرين قمة في الإحترام .. تصرفات طائشة .. هذا كله من برامج غيييييير هادفة .. مع العذر ((( هذا مجرد رآي )) مع إحترامي للجميع . |
هذي حركات تصير في إي برنامج يحمل جمهور شسواء في عمان أو غير عمان ******** الله يهديهم بسسسسسسسس
|
والله عيب عاليهم
ع الأقل أحترام الضيف واااجد الله يهديهم |
كل الحركات التي تحصل هو استفزاز واستعجال للمذيع بانهاء المقابله لان من يفعل تلك الحركات
جاء الى هناك ومحدد هدف واحد وهو الجائزه فقط لايهم ما يحتويه البرنامج ولو ما فيه جوائز لاختفت تلك التهريجات واجزم بذالك |
اشكركم أخوتى الكرام على تفاعلكم وأعذرونى على عدم استطاعتى الرد على كل المشاركات الطيبه التى اثرت الموضوع وان كان هناك مشاركات تنتقد برنامج رمسة لكن الاختلاف فى الرآى لايفسد للود القضية ولكن مايهمنا هو القضاء على هذه الطصرفات المشينه والحركات السلبية التى ضررها كبير بحقنا كوطن بتصف شعبه بالتحضر والتقدم والوعى ولاخلاق العالية وطبيعة سمحة واتمنى من كل قلبى ان الذى حصل لايتكرر واذا كان هناك من يأتى بهدف الجوائز ويستعجل المذيع لانهاء المقابلة فعليه ان يمكث فى بيته ولايتعب نفسه فالجوائز مسألة حظ فليس كل من حضر يحب ان يفوز برنامج رمسة هدفه ربط المشاهد العمانى بالشاشة العمانية وقد نجح فى هذا بأمتياز وحقق جماهيرية كبيرة داخل الوطن العزيز وخارجه ...... شكرا لكم فقد اثلجتم صدرى بردودكم وهذ ولاشك ان دل على شئ فانما يدل على الغيرة الوطنية من قبلكم شكرا لكم مرة اخرى |
اقتباس:
|
مرحبا.......
تركي الدخيل هذيه اخو لاعب الكورة فيصل الدخيل الله يرحمه الحين الناس وين والحبايب وين خلوا الموضوع وراحوا يسألوا عن الضيف! يمكن الضيف عطش وطلب ماي :D لحوووووووووووووووووول |
اقتباس:
|
اقتباس:
:ضحك: :ضحك: :ضحك: :ضحك: |
:confused: :eek: :confused:
|
يمكن الأخ تربية شوارع ما تلومه
بعدين أنا مستغرب من الأمن ما قادرين يضبطوا الأمور في مثل هذه التجمعات ؟ عندي حالهم إقتراح إذا حد يسمع ! يحطولهم حراس أمن وكأنهم جمهور يعني يلبسوا عادي ويجلسو مع الجمهور . أي واحد يسوي حركات وسخة أو يتلفظ بكلام ماله معنى يبلغوا عليه في اللحظة ، أعتقد أن الأمر كذا بيكون أكثر سيطرة والأ أيش رايكم .؟؟؟؟؟\ |
اقتباس:
توني باغية اكتب عن حلقة الرمسة اللي استضافوا فيها الدكتورة خولة الريامي والاستاذ تركي الدخيل وكنت ناوية اقول ان الرمسة شوية بدت ترتقي بس شكل العمانيين عاجبنهم المسخرة ولا هذيلا اشكال الدكتورة خولة الريامي هذيلا ما يعجبهم الا اذا ستضافوا شخص مسخرة مثلهم:eek: زينب العسكري،، صادوو والخ المسخرة عن النبي الكريم صلى الله عليه وسلم انه قال (كيفما تكونوا يولوا عليكم ) وبعدنا نهاوش ونجادل انه عاجبنا حالنا:mad: وهذه حالتنا:معصب: |
قلة أدب فعلا
هذيلا الشوارعيين فضحونا قدام الله و خلقه المفروض مايسمحون لهالاشكال بالحضور |
هذا الفاعل يستاهل توقيع أشد العقوبة ليكون عبرة لمن يعتبر.
يا أخوة يجب علينا عدم الأستهتار بأخلاقنا العمانيين . والفاعل ل يوجه له الكلام لشخصه بل يقال ( سباب عمان ) يعني الخطأ أصبح عام . الله يصبر القائمين على البرنامج بس أفضلهم يبتكروا جهاز كشف الأخلال ، هذا لو نفع |
اقتباس:
اخي اولا لا يوجد ما يسمى بالزطي والخدام الا في دماغك وثانيا لا تلاعن وثالثا لحد متى هذا الاسلوب الهمجي في تناول الواضيع ومناقشتها يعني انت وباسلوبك هذا صرت احسن من الشخص اللي رمى زجاجة الماي |
اقتباس:
فعلا معك حق برنامج مثل هذا المستوى من تتوقع يحضره المثقفين مثلا؟؟؟؟ اغلبية اجابات الاسئلة غلط ومع هذا يربحوا المتسابق و الاسئلة اصلا ما ترتقي لمستوى الثقافة العامة اما القائمين عليهم فاللهم الستر |
اقتباس:
ابشرك ترى ماحد يشوف قناة عمان بكبرها إلا احنا عشان ننتقدها |
اقتباس:
ما كذاك ترد على الرجال عموما اتوقع ان ضيوف هذا البرنامج راح يقل عددهم وراح يرفضوا الحضور او يرفضوا الدعوه تجنبا للمهازل اللي يعملها الحضور |
انا شاهدت الحلقة من التلفزيون والحركة كانت واضحه وتأثيرها على الضيف كان واضح بس ما عرفت انها (غرشه ماي ) الا من هالموضوع. الضيف انتبه للغرشه وقال باللهجه السعوديه: اعوذ بالله وش ذا. فرد عليه خالد: ماعليه هذا من محبة الجمهور وترحيبهم بيك (ههههههههه الله يهديك ياخالد تبي تكحلها عميتها)
|
أنا بصراحة اثني على الشخص اللي قام بهذه الحركه .
وليش مكبرين السالفه عشان هذا اللي يسمى فيصل الدخيل ، ومن هذا فيصل الدخيل . بس انا مستغرب ليييييييييييييييييييييييي ييييش احنا كذا عن المذيعيين والممثلين بندافع ونوقف معهم على الرغم ان التلفزيون يصرف اموال كثيرة عشان هذه الفقرة من برناج رمسه، ولكن رسول الله صلى الله عليه وسلم يستهان به ويرسم بصور مو زينه وما أحد يحرك ساكن ): وعلى هذيلا المذيعين نتكلم وندافع الله يعيينا على القادم بس أتمنى ان احد الجمهور يعيد الحركه في راس الضيف مباشرة |
| جميع الأوقات بتوقيت مسقط. الساعة الآن 07:34 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.