المساعد الشخصي الرقمي

عرض الإصدار الكامل : الفرق بين اطفال زمان واطفال اليوم

ام الشباب
11/10/2006, 12:35 AM
السلام عليكم:مفتر: :مفتر:
اكيد كل واحد فيكم يتذكر طفولته حتى لو مقدار صغير منها تذكرو الالعاب الي كنا نلعبها ما خلينه جبل ما ركبناه ولحاره ما درنا فيها و خاضينا في الغيطه ولعبنا في التراب و تشاوحنه بالحصا وخلي ما خفيا كان اعظم ولاكن اطفال اليوم يعرفوا الالعاب الي كنا نلعبها النشاط الي كان عندنا ما اعتقد لان اذا طلعوا يلعبوا شويه في الحاره صرخت عليهم امهم دخلوا الدنيا ما امان:بلابلا: :بلابلا:
وشوفوا الاكل نحن كلينا الباقل والدنجو والدال و القاشع وخبز ولبن و بيض السمك وغيرو وغيرو اولاد هاذي الايام مو يعرفوا غير البرجر و البتزا:p :p
وشوفوا التصرفات بين الحين و اول اذا قالو فالن جيب الشي الفلاني قلنا انشالله واذا ماسمعنا الكلام شافونه بس بعين والحين قولوا فلان جيب شي بقول انا تعبان ما اقدر و اذا شفناهم بعين ماكنه شي مستوي ابااعرف مو متعبنهم جالسين طول اليوم في البيت ونحن كنا ندور في الحاره كلها شوفوا اش حلاتها طفولتنا:نطوط: :نطوط:
دفا القلب
11/10/2006, 09:41 AM
صدقتي اختي
أحلى أيام هي أيام الطفوله وأيام الدراسه ماكنا مهتمين بهالدنيا واللي فيها
ماأجمل البراءه
ياليت الزمن يرجع ورى والليالي تدور
ويرجع وقنا الأول وننعم في بساطتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
كبرنا وصارت الدنيا تصف أحزاننا بالدور
وكلن غارق بهمه وفي الأخر تشتتنا......
بندر التجار
11/10/2006, 10:58 AM
كنا في الماضي
وفي بداية طفولتنا وقبل ما نسجل في أول ابتدائي
نذهب في الصباح لمساعدة أهلنا في صيد السمك وبعد رجعوعهم من رحلة الصيد نجلس نتظرهم
وقريب الظهر نساعد أهلنا في رعي الغنم او نساعدهم في المزرعة لجني الثمار
اما الأن شوفوا الحالة واحدة عمره عشرين سنة ويتصرف كأنه طفل
وصدق انه حياة الماضي علمتنا الجلد والصبر والتعاون
always there
11/10/2006, 11:53 AM
هيهههه هيه,
الله يرحم زمان السياكل بو دكيه والبيلون, والله يرحم زمان السبانه بو تريت, اذا واحد منا التاير الوراني مال سيكله فيه نفضه ما نسويله طوله, أيقلب لهناك عند الدكان, زنوبه في اليمين وزنوبه في اليسار واحد يصلب و واحد يتيّت وف عشر دقايق بتشوف التاير مصطلب.
( حتى الابتسامات ما لهن مكان في الكلام ).
لكن ما أقول الا الله يرحمنا جميعا.
عبث الأقدار
11/10/2006, 12:15 PM
ليته زمان يرجع ويرجع اللي كاااااان..

ايام حلوة..
دراسة..
ولعب..
وهوش..
ونضحك على شيابنا
واليوووم...

الاولاد يسبوا الشياب وما يسمعوا الكلام لبر...
AMEeeeeERA
11/10/2006, 01:44 PM
موضوع جميل

بس ما توافقوني الراي انا نحن عشنا طفولتنا طول بعرض والدليل نتذكر ذيك الايام
حسينا بطفولتنا وبراءتنا بكل المعايير
لكن اطفال اليوم ما يحسوا بشي من هالاحاسيس
يعني نحن
عشنا الطفوله وما يمنع نظل مستمتعين بطفولتنا ونتذكر كل شي حلو في حياتنا

الله يعطيكم العافيه
رياحين الجنة
11/10/2006, 02:17 PM
فعلا كل شي غير حتى برامج الاطفال تغيرت

بالاول سالي ..والسيده ملعقه...واليس في بلاد العجائب...وصاحب الظل الطويل...بوليانا...وغيرها من الروسوم الروعه...
الحين بيكاتشوا...او بالمختصر المفيد رسوم الحين من يكفخ الثاني اكثر..كله عنف....

بالاول ماشي تفليع في راسنا ماحصلنا من تركيض في الجبال وغيرهن..وبعده راسنا حديد وماشي صياح. كفيكم لعبه العنبر ( الي كل كوره اقوى من الثانيه تضربنا على ظهورنا وعلى روسنا)

تعال عيال الحين ضربه صغيره قلب البيت فوق وتحت...

اكل الاول مانقول هذا مانحبه ومانريده...كل الي تريده...تروم تاكل صحن بيض بتاكله..
الحين اذيه ماباه ما احبه


والله زمن الاول غير طولتنا ايام الاول غير..
قبيليه
11/10/2006, 02:38 PM
بالاول سالي ..والسيده ملعقه...واليس في بلاد العجائب...وصاحب الظل الطويل...بوليانا...وغيرها من الروسوم الروعه...

ذكرتنيه باحلى رسوم . .. وازيدك بعد (حكيم الاقزام ، جورجي ، الفتى النبيل ، بسمة وعبده، ميمونة ومسعود ، ليمون ونعناعة ، زينة ونحول :ضحك: :D :D ... وااااااااااايد غيرهن

كانت ايامنا غير .. وكانت احلى طفولة عشناها بطول والعرض :rolleyes: ...
اتذكر انتظاري للوقت يمر علشان يجي وقت الرسوم ونجهز (المينو + والفراخ((الفشار)) ) ونشوف الرسوم :D
بس الحين الاطفال كله صراخ .. ويصدعون بالراس من الاصوات العالية... واحس ما عندهم خيال ولا حتى اندماج في الاحداث ولا القدرة على الاستنتاج وربط الامور بعضها ببعض:(
بندر التجار
11/10/2006, 03:06 PM
اهم شئ الرسوم المتحركة
رعـــد العمـــلاق كل يوم هواشه في الحارة
دفا القلب
11/10/2006, 06:49 PM
بالاول سالي ..والسيده ملعقه...واليس في بلاد العجائب...وصاحب الظل الطويل...بوليانا...وغيرها من الروسوم الروعه...
الحين بيكاتشوا...او بالمختصر المفيد رسوم الحين من يكفخ الثاني اكثر..كله عنف....
ذكرتنيه باحلى رسوم . .. وازيدك بعد (حكيم الاقزام ، جورجي ، الفتى النبيل ، بسمة وعبده، ميمونة
ومسعود ، ليمون ونعناعة ، زينة ونحول ... وااااااااااايد غيرهن
ياسلام أيام حلووووووووووه ذكرتوني بالرسوم
وبعد سنان ولالا ،جازورا ،طمطوم،عنابه،ساندي بل ،وليدي وغيرهم
عُمـOMANـان
11/10/2006, 07:12 PM
دوام الحال من المحال ..
حلوة هي ذكريات الطفولة .. زمان كان عندي سيكل بيلوون لونه عنابي وفي السكان فواكه وورود متنوعة الأشكال والألوان
الظاهر في طفولتي كنت رومانسي لابعد الحدود :D عفى الله عما سلف
الليل المنير
11/10/2006, 08:30 PM
دوام الحال من المحال ..
حلوة هي ذكريات الطفولة .. زمان كان عندي سيكل بيلوون لونه عنابي وفي السكان فواكه وورود متنوعة الأشكال والألوان
الظاهر في طفولتي كنت رومانسي لابعد الحدود :D عفى الله عما سلف

يا عيني على الرومانسية المبكرة ..;)
نور اليقين
12/10/2006, 12:11 AM
ذكريات الطفولة لا تنسى وستظل محفورة في الذاكرة,ولكل زمان ذكرياته الخاصة.:)
نسيان
12/10/2006, 12:28 AM
بصراحه جيل هالايام جيلب بطراااااااااااااااااااااا اااااان. على أيامنا يوم أهالينا يعطونا مائة بيسه كنا نطير من الفرحه ونحس بقيمة البيسه وتو عطيهم ريال وشوف كيف ينتفخوا. الحياه تغيرت وايد يعني الاشياء اللي كانت تبهرنا ونحن اطفال ما صارت تعني لجيل اليوم شي:eek:
رياحين الجنة
12/10/2006, 12:48 PM
بصراحه جيل هالايام جيلب بطراااااااااااااااااااااا اااااان. على أيامنا يوم أهالينا يعطونا مائة بيسه كنا نطير من الفرحه ونحس بقيمة البيسه وتو عطيهم ريال وشوف كيف ينتفخوا. الحياه تغيرت وايد يعني الاشياء اللي كانت تبهرنا ونحن اطفال ما صارت تعني لجيل اليوم شي:eek:

ايه والله كانت 100 بيسه لها قيمه وايد كبيره
يسدك المينو والداغوص وبعدها نبرد الحراره بالولو المثلج نكهة الفراوله
والرسوم

ومدارس القرآن بالحوش

والله ايام كشخه ولا تتعوض...


اذا والله اكلم بنت صغيره عمرها 5 سنين..اقولها حبيبتي انتي صايمه تقولي لا اقولها ليش؟؟ ترد علي وكأن كفختني بماي بارد...تقول انتي ماتفهمي اني صغيره ما اصوم...

شوف الرد...هذي صغيره ...

الله يرحم ايام اول....
*SaD AnGeL*
12/10/2006, 01:36 PM
الله يرحم أيام زمان.....
زماننا كان أحلى بكثيير على الأقل عشنا أيام الطفولة الحقيقية , مب الحين عايشين على البلاي ستيشن

وسبيس توون , وما يطلعوا الا بالسيارة , دلع فاضي:mad:
همس22
13/10/2006, 10:57 AM
واللــه وذكرتونا بايام زمان .... بايام الرقاط ( اللقاط ) وايام خراب الأمبا واللومي وايام الكسر بو مخشاعين وصيد الصفاصيف وتربية الحمام والارانب ..وايام السباحة في الفلج.....





:نطوط: :نطوط: :نطوط:
مزاجي
14/10/2006, 09:57 AM
مش عارف يمكن ادش هنا او لا
تعرفي ليش استاذنت قلت يمكن في فقط للحريم وبما اني من تربية اول المفروض استاذن عشان العصاء بعدها باينه على ظهري
المهم احسنتوا اتصور انكم اذنتوا لي بالكلام
حبيت اشارك بشي اتذكرة بطفولتي
انا يا ناس اول مرة اشرب مشروب غازي طبعا بعد ما الحيت على الوالد وقلت له هذه الباكورة تبي تظربني اظربني بس لازم اشرب بيبسي قولا المهم بعد ما احس اني خلاص ميت على ذوقت البيبسي قالي زين اليوم راح اسقيك بيبسي
المهم لين ما وصلنا السوق وانا قبل يومين احط سيناريوا كيف راح افتح الزجاجية ولو خضيتها ويش راح يصير وكيف اول مرة اتذوق وكيف احط الزجاجة على شواربي او فمي هل افتح كثير او اطرم شواربي وادخلهم بالزجاجة عشان اكون معي خبرة في شرب البيبسي رحت قريب من الدكان اللي يبيع واشوف على الناس كيف تشرب البيبسي المهم خلاص اعتمدت طريقة وحدة وهي اني شوي افتح فمي وشوي بوزي المهم وصل الموعد
وجلست جنب الوالد رحمة الله علية قالي موه تبي اصفر او اسود قلت له ابوي اسود عشان كل واحد يبي يكون رجال لازم يشرب اسود اما الحريم والصغار يشربوا اصفر
جاتني الزجاجة مال البيبسي تختال يا ربي لو كنت شاعر كنت راح اقول فيها قصيدة المهم انا انظر لك خطوة وهي تقرب مني ولحظة الفتح تقول ...................... طبعا فتح الزجاجة كان راح افتح زجاجة ويطلع لي منها شبيك لبيك
اول مرة افتل عضلاتي عشان امسك الزجاجة وانا احطها على فمي مثل ما تدربت وياريت ما تدربت عشان كنت اتدرب بدون مشروب ولا غرشة فقط بروفات
اول ما احط المشروب في فمي حسيت بالسعة على لساني واعطس وارش كل الحاظرين اللي قدامي واللي على جدامي المهم الوالد رحمة الله علية قالهم سماحوة ولدكم اول مرة يشرب ولا عشرين ساط جايين علي
المهم بعد ما شربت الزجاجة في ظرف نصف ساعة وانا كل قطرة لين الحين اتذكرها
بعد ما شربت حسيت بنعاس فضيع قلت للوالد را اروح البيت تامرني بشاء قال مسك طريقك
اول ما اوصل البيت نمت يومين كل هذا من البيبسي حتى المطوع قري علي شوي من القرآن
بعد يومين صحيت وانا مش داري
حبيت احكي هذه السالفة عشان سبب واحد
وهو اختلاف في كل شيء بين هذا الزمن والزمن الاول
الحين الطفل من عمرة شهور يمكن شرب بيبسي او من عمرة ايام تذوق الاسكريم
مزاجي
14/10/2006, 10:11 AM
مش عارف يمكن ادش هنا او لا
تعرفي ليش استاذنت قلت يمكن في فقط للحريم وبما اني من تربية اول المفروض استاذن عشان العصاء بعدها باينه على ظهري
المهم احسنتوا اتصور انكم اذنتوا لي بالكلام
حبيت اشارك بشي اتذكرة بطفولتي
انا يا ناس اول مرة اشرب مشروب غازي طبعا بعد ما الحيت على الوالد وقلت له هذه الباكورة تبي تظربني اظربني بس لازم اشرب بيبسي قولا المهم بعد ما احس اني خلاص ميت على ذوقت البيبسي قالي زين اليوم راح اسقيك بيبسي
المهم لين ما وصلنا السوق وانا قبل يومين احط سيناريوا كيف راح افتح الزجاجية ولو خضيتها ويش راح يصير وكيف اول مرة اتذوق وكيف احط الزجاجة على شواربي او فمي هل افتح كثير او اطرم شواربي وادخلهم بالزجاجة عشان اكون معي خبرة في شرب البيبسي رحت قريب من الدكان اللي يبيع واشوف على الناس كيف تشرب البيبسي المهم خلاص اعتمدت طريقة وحدة وهي اني شوي افتح فمي وشوي بوزي المهم وصل الموعد
وجلست جنب الوالد رحمة الله علية قالي موه تبي اصفر او اسود قلت له ابوي اسود عشان كل واحد يبي يكون رجال لازم يشرب اسود اما الحريم والصغار يشربوا اصفر
جاتني الزجاجة مال البيبسي تختال يا ربي لو كنت شاعر كنت راح اقول فيها قصيدة المهم انا انظر لك خطوة وهي تقرب مني ولحظة الفتح تقول ...................... طبعا فتح الزجاجة كان راح افتح زجاجة ويطلع لي منها شبيك لبيك
اول مرة افتل عضلاتي عشان امسك الزجاجة وانا احطها على فمي مثل ما تدربت وياريت ما تدربت عشان كنت اتدرب بدون مشروب ولا غرشة فقط بروفات
اول ما احط المشروب في فمي حسيت بالسعة على لساني واعطس وارش كل الحاظرين اللي قدامي واللي على جدامي المهم الوالد رحمة الله علية قالهم سماحوة ولدكم اول مرة يشرب ولا عشرين ساط جايين علي
المهم بعد ما شربت الزجاجة في ظرف نصف ساعة وانا كل قطرة لين الحين اتذكرها
بعد ما شربت حسيت بنعاس فضيع قلت للوالد را اروح البيت تامرني بشاء قال مسك طريقك
اول ما اوصل البيت نمت يومين كل هذا من البيبسي حتى المطوع قري علي شوي من القرآن
بعد يومين صحيت وانا مش داري
حبيت احكي هذه السالفة عشان سبب واحد
وهو اختلاف في كل شيء بين هذا الزمن والزمن الاول
الحين الطفل من عمرة شهور يمكن شرب بيبسي او من عمرة ايام تذوق الاسكريم
ام الشباب
15/10/2006, 12:13 AM
صحيح ايامنه كانت حلوه ما تنسى كنا اطفال بمعنا الكلمه كنا نسوي اشيا بعفويه و براه ما نفكر في الي نسويه اله يوم تجي الخيزران عاى ضهورنه سوالف الطفوله ما تخلص و كلها حلوه ما انسى يوم خدم عمي حلوه حال عرس صاحبه كنا جالسين نشوفه يوم خلص عطانه منها شويه و ذيك الساعه منزله من النار شوفوا الزلاعه و السنوقيه هبينه عليها كنا ما شايفين حلوه في عمرنا ويالله اسبوع ما نروم ناكل او نمس شي بيدنا لسانا و ايدينا كلها مبرره:ضحك: :ضحك: :ضحك:
balouch
15/10/2006, 09:53 PM
اطفال زمان كانوا صح اطفال،
اما اطفال اليوم، فالبرائة متبريه منهم ! :rolleyes:
اميرة الحقول
15/10/2006, 10:06 PM
اوليت الطفوله تعود يوما :مفتر:
ايام الطفوله وما زلت متمسكه فيها لحد اليوم
ام الشباب
15/10/2006, 10:15 PM
اطفال زمان كانوا صح اطفال،
اما اطفال اليوم، فالبرائة متبريه منهم ! :rolleyes:


صح كلامك بس ما كلهم و اسمع هذي القصه بنت
عمرها بين3 الى 4 سنوات كانت في احد هذي المجمعات شافها رجال مع بنته و قال لها الحلوه مع مين جايه مسكين حسبها ضايعه و مسكها من خدها و ما تشوف عينك الى النور صرخت و لمت الدنيا عليها وقالت شوفوا هذا الرجال يغازلني و ابوها كان وره الرجال اش موقف الرجل و موقف والد البنت من الي صار طبعاعتذر الوالد من الرجل على الي صار شوفتوا البرائه:ضحك: :ضحك:
صدى السنين
16/10/2006, 09:34 PM
صح كلامك بس ما كلهم و اسمع هذي القصه بنت
عمرها بين3 الى 4 سنوات كانت في احد هذي المجمعات شافها رجال مع بنته و قال لها الحلوه مع مين جايه مسكين حسبها ضايعه و مسكها من خدها و ما تشوف عينك الى النور صرخت و لمت الدنيا عليها وقالت شوفوا هذا الرجال يغازلني و ابوها كان وره الرجال اش موقف الرجل و موقف والد البنت من الي صار طبعاعتذر الوالد من الرجل على الي صار شوفتوا البرائه:ضحك: :ضحك:


:ضحك: :ضحك: :ضحك: :ضحك:

حلوة ... الله يعينها لحد ما تكبر
بتكون عندها عقدة ضد الرجال

بس أقولك : البنت حريصة على نفسها
ما ينفع اللوم بعدين
Bio 4 all
16/10/2006, 10:10 PM
لا تنسيّ خرب مزارع الفجل والجح واللومي والبيذام:مفتر:
ام وليد
16/10/2006, 10:15 PM
هيه والله ايام ذكرتونا بالذي مضى كانت ايام حلوه