قاعات كلية التربية بصحار!

[مــاذا بعد ؟]

لا ندري من اين نبدأ المأساة!
بصراحة شو نكتب وشو نقول.. ندش القاعات واي قاعات؟ المبنى (أ) والبعوض المنتشر مو هذا وبس. الطالبات يبون يدشون القاعة وماشي مكان يمرو والوجوه يملأها القهر والغضب من الموقف اللي هن فيه:mad: .:معصب: (الله يكون بعونهن).نحن مقدرين الموقف اللي يكونوا فيه بس ما بيدنا حيلة غير اننا نتبرع بكراسينا لهم ونسير نحن ندور كراسي لنا والجلسة ساعتين بدون طاولات والكل لزقة في بعض.يعني هيس وانحت وخلي ظهرك ينكسر الكلية ما هامنها شي . بالله عليكم يا اخواني واخواتي احد يرضى لاخواته يمرو بين الشباب والقاعة صغيرة مكنوزين فيها مثل السح لما يكنزوه اللي بتلحق بكرسي او تتعثر بطاولة ..........و........ الخ
هذا التعليم صار اخر مسخرة يعني لو كنا شباب لحالنا مثلما كانت الكلية سابقا بيكون الوضع عادي ومافي اي احراج لو حتى خلونا ندرس بمكان اضيق من كذا بس مو مع الطالبات. نحن نعتبرهم مثل اخواتنا وما نرضى لهم هالمذلة. :o
هذا كله من حسن التخبيط في الكلية. طلاب وطالبات التخصصية حاطينهم في المبنى الجديد وعدده 25 ما يزيد ونحن مساكين حيت انه العرب يدرسونا مخلينا نعيش حياة الهم بالكلية في قاعات وبعد كلمة قاعات ما تصلح وما تليق لانها اشبه بمخزن صغير بمنازلنا.
وين الضمير ؟ وين التخطيط الجيد يا عمادتنا؟ ما احب اذكر اي اسم بس يا حبذا تحس ادارة الكلية بالخلل اللي كل فصل تسويه لما تحط الجداول وتحاول تصلح غلطتها . يمكن كل مرة يغيرو بالقاعات لان في ناس كانو يتكلمو ويسووا المستحيل لحد ما يغيروا القاعات بس هالمرة ما ادري شو صار لهم؟
اخواني الشباب لا تتسلمو للواقع وتقولوا لا حياة لمن تنادي
نحن لازم نشد العزم ونحاول نكلم العميد لما القبول والتسجيل ما يسوو شي يمكن تنحل الأزمة اللي نعيشها في المبنى (أ):معصب:
يا ريت نلقى حل للمشكلة ونسأل الله الهداية للجميع
اتمنى من له رأي ألا يبخل به ويشلركنا في رحلة العناء والمشقة،،:mad:

[روح التفاؤل]

ونســــــأل الله الهـــــــداية للجميـــــــع ....

[sos]

الله يعينكم وعانينا قبلكم
أكيد انته تربية إسلامية:D
ذلونا ذل بها القاعات
بس تعرف حلوة وقت الإمتحانات:D عاد فهموها
أذكر لما كنا ندرس في هذي القاعات كنا نشوف قاعة فاضية في ذاك الوقت ونخبر القبول والتسجيل ويغيروها لنا في المبنى(د)
كلها كم سنة وبتخلصوا خليكم كوووول

[ولد الثرمد]

الله يعينكم....
بس ليش ما تشتكو للعميد، واللي أعرفه، ومتأكد منه إن عميدكم د.الشبلي،وايد متساعد، ومتفهم،،،
وإن شاء الله ستجدونه كله آذان صاغية لطلباتكم...
وفقكم الله....

[مــاذا بعد ؟]

مشكووووووووووور أخوي ولد الثرمد ع الرد وبصراحة انا مو تخصصي اسلامية يا ليت اسلامية عالأقل اخواتنا ما بيقلعن عيونهن حتى ينقلن الطلاسم من السبورة لان عزحمة الشباب نكون مغطين كل شي مكتوب عالسبورة.. وانت ادرى بالبئر وغطاها.. طلاب العلمي حياتهم قوانين ولازم الشي ينكتب عالسبورة حتى يفهمو..وبصراحة زميلاتنا في الدراسة اخوات لنا عالعين والراس ونحترمهن لانهن يستحقن منا كل الاحترام .

انا لا انكر اخوي ان العميد متفاهم بس المشكلة بسوء التخبيط من قبل عمادة القبول والتسجيل.. اي احد يكلمهم في الجداول يقولون ماشي قاعات فاضية وهذا كله كذب لأن القاعات موجودة ولله الحمد بس هم ما يعرفون يحطو الجداول صح ..
تدري اخوي.. اليوم الظاهر دكتور كلمهم حتى يبدلوا الصندقة اللي يدرس فيها راحوا مبهدلين بالطلبة والدكاترة وياهم مساكين يدوروا لحالهم قاعة يدرسون فيها لان القبول والتسجيل عطوهم قاعة اصلا مو فاضية.. :ضحك: :ضحك: :معصب:
فعلا: شر البلية ما يضحك

[BiolOgy StUdEnt]

الله يعينكمــ كلية صور غير والحمد لله...

[مــاذا بعد ؟]

الحمد الله ان في كليات لا زالت بخير
اما الحال عندنا يزداد للأسوأ..
ربعي الشباب يمكن يفرحو لما ما يلقو مكان يجلسو وما يلقون كرااااااااااااااااااااسي . يبون الراحة يمكن من المحاضرة.. كلية بطول وعرض كراسي ما لقوا فيها حتى يكنزو في القاعة كم كرسي بعددهم حتى يحضرون المحاضرة.
ولما ما لقوا الدكتور عفاهم من المحاضرو وسارو يتسربتوا في ربوع الكلية.. تدرو ليش؟ لاننا الحين صرنا في عالم آخر موضة من حسن التخبيييييييييييييييييييط والتدبير في كليتنا.
لو كانت طالبة وصار لها الموقف هذا.. ما كانت بتعدي الموضوع بسهولة وبتجيب اللي في الادارة عشان يشوفوا الحالة..
اللي يشتغلوا بالكلية فاضين للسوالف وكم صرفوا وبكم شروا راشن من اللولو والجديدة وسفير حق بيوتهم وبكم شروا الجلي و.بكم وبكم........الخ
الله يكون بالعوووووووووووون

[BiolOgy StUdEnt]

الله يعينكمــــــــــ,,,,

[رجلة أعمال]

مرحبا بك اخي هنا ..



صراحه انا يوم الاثنين افضل اكون غياب ولااكون
في زحمة الساعه 2 ..

ما شاء الله الاولاد ما مخلين ممر للبنات
وعاد انتوا تعرفوا المكان ضيق
احارموا انفسكم ..
ليش التعليقات بعد ؟؟


يعني الوضع ناقص تعليقات ..


وبعدين حتى احنا التخصصيه ( سنه ثانيه ) مبتلين بالمبنى أ
من حلاته عاد
واحنا عددنا اكثر من التربيه في المجموعه والوحدهع 25 واحد
ما يوسعنا المكان

احيانا نجلس جنب الشباب !!

لكن شو نقول بس ..

[مــاذا بعد ؟]

هلا أختي رجلة أعمال
اللي قلته عين الصواب وخلي الناس تعرف عن هبايب الكلية ومصايبها
واللي كتبته بعد يعتبر غيض من فيض
وأزيد من الشعر بيت: مبنى بطول وعرض مساحة للسبورة ما بتلقي.. والدكاترة مخلينا مثل الأطرش في زفة نسير ندور مساحة.( عاد ما كلية) المساحات مب غالية وانا بتبرع اجيب مساحة بجيبي احسن لا يقول الدكتور سير يا فلان وجيب مساااااااااحة
على فكرة اختي انتوا عددكم 25 ونحن يوصل39
تخيلي الموقف.

[مــاذا بعد ؟]

اللي بخاطره شي يبي يقوله.. لا يتردد..

[*زهرة النَّور*]

احنا في كلية الرستاق عندنا نوعين من القاعات اسمنتية ونوع ثاني قاعات ( كرفانات ) والدرايش فيهن مضروبات بسكاريب بعدهن وعاد تخيل تكون القاعة خشبية ومغلقة ليل ونهار كيف بتكون ريحتها والغالب تكون هذي القاعات للتخصصات غير اللغة الإنجليزية ، ولكن نشكر الله أنه القاعات واسعة ودراستنا ما مختلطة..

[BiolOgy StUdEnt]

الله يعينكمـــ
والله كلية صور ارحمـــ
ما كذاكــ..

[طالب النكبة]

السلام عليكم ,,,

تلك هي المشكلة بالظبط , كنت أريد طرحها منذ فترة ,,,
لكن جزاك الله خيرا أخـــــــي بعد طرحك للموضوع , وفرت علي كلاما كثيرا كنت مترددا في طرحه وبكل صراحة

الحاله لا يعرفها بحقيقتها إلا من يدرس في تلك الكلية , الوضع من سيء لأسواء "كل سنة "
زحمة الكلية , الممرات "والقاعات الصغيرة المزحومة جدا " وغيرها من الأمور التي تحدث , وبكل صراحة لا نعرف كيف نتجنبها كل يوم
وحل هذا السؤال برأسي منذ فترة
هل الأمر نفسه يتكرر في باقي الكليات التخصصية بالسلطنة ..؟؟؟
والله لو على الطلاب فقط ليست هناك أي مشكلة , بس الأمر كله طايح براس البنات ,,,

ونتمنى أن يجد المختصون بالكلية حلا عاجلا لذلك ...

تقبل مني التحية
طالب النكبة

[الامبراطور الاعظم]

كلام صاحب الموضوع صحيح 100% والغم انه هالفصل حن كل محاضراتنا في المبنى أ الا وحدة فقط والله قهر

[رجلة أعمال]

صراحه ما قدامنا طريقه ..

الا الصبر


ومناشدة الوزاره بدمج كل قاعتين من المبنى أ ف قاعه وحده !

[ولد الثرمد]

أعانكم الله....
لا تسكتو على هذا الوضع الصعب،،،،
ناشدو كل من له يد في حل قضيتكم،،
وبإذن الله ستُحل.....

وفقكم الله....

[الامبراطور الاعظم]

تقول كاننا سجناء صحارتونامو

[al-saaaadi]

:معصب: يااخوان احمدو ربكم على هذه القاعات وبعد ليش تشتكون القاعات مافيهن شي وانا طالب سنه 2 في التخصصيه وارتاح يوم علينا في هذولي القاعات.:معصب:
وانتن الاخوات شو فيها اذا صار شوي من الاختلاط مع الشباب اذا ما تخلطو الحين بتتخالطو في المستقبل(العمل)

بس عيب القاعات الكراسي واجهزه التبريد.
والحمدلله على كل شي.

[زعيم بركاء]

عااااااااادي تعودوا
نحن زمان ما شكينا من بعوض وغيره
الله يرحم أيام زمان
وأيام كلية صحار
وأيام الدكتور عبد الغفار الشيزاوي

[الامبراطوره]

صبرا جميل والله المستعان....

[BiolOgy StUdEnt]

الله يعينهمـت طلاب كلية صحار كل يوم يشتكوا من شي...

[مــاذا بعد ؟]

أخي طالب النكبة .. تأكد اللي ما بيدافع عن حقه بجد وحزم ما بيسوي شي أبد.. واذا نحن الطلاب ما تكلمنا من تبو يتكلم؟ يعني نحن نقف كالمتفرجين ونخلي أخواتنا هن اللي يسيرن يحلن هالأمور؟؟ مع العلم احدى اخواتنا لو صار لها موقف من هذا القبيل شوفوا كيف تتصرف..ولذا يجب علينا نحن المسارعة والمبادرة لحل مثل هذه المعضلات..
أخي الامبراطور الأعظم ..لف ودور في الكلية وبتلقى بعدك عجائب الدنيا فيها..
اما انت يا عم " السعدي" الااختلاط ما معناه ان اخواتنا الطالبات يمروا بيننا ومكان ما شي حتى يمروا .. اللي ما ترضاه لاخواتك نحن ما نرضيه لاخواتنا وخاصة طالبات مجموعتنا.. نحن درس معاهن من سنة اولى وما شفنا منهم الا الخير وحسن الخلق في التعامل والاحترام..
اخي زعيييييييييم بركاء..لا تقارن الوضع لما انتو كنت تدرسو بالكلية والوضع حاليا لأن الأعداد تتزايد بشكل واضح وعدد الطالبات مو مثل اول.. وانا متأكد حتى الدكاترة الي عندهم ضمير بجد ما راضين بهالوضع.. واللي ساكت عن الوضع والمسخرة اللي في الكلية يعني راضي بالواقع..
ولكن نشكر الله ان في تغييرات بدأت تحصل ولو انها طفيفة ولكن مثلما يقال شي احسن عن لا شي

[مــاذا بعد ؟]

ولد الثرمد.. بيولوجي ستدنت.. أشكركم لتواصلكم معنا..

[مــاذا بعد ؟]

ولو جيتو ع قسم المالية.. ما بيجي احسن من سوء التخبيط في القاعات.. المكاتب حاطينها مطاعم للأكل وسوالف+++++++++++++++++++
وسير قول لهم عن سالفة البنوك والعرقلة التي نواجهها ما يعطوك وجه.. يقولو راجعو البنك وحدكم.. من وين بندفع ايجار الشقق والأكل والتصوير والتكاسي و.... وووووووووووووووووووو ... الخ
زمان البنك الوطني يسحب ريال ويسرق ك كيفه.. ولما حولونا لبنك ظفار بدل لا يجي احسن طلع ادمر.. الظاهر انه الشؤون المالية بيجي دورها وسيصل الخبر بالتفصيل الى العميد الموقر..

[روح التفاؤل]

الله يكون في العون !!

[رجلة أعمال]

الاخ السعدي !!

بصراحه انتوا او الاصح احنا
طلاب التخصصيه .. ما شاء الله واجد تريدوا الاختلاط

اذا ترضوا على اخواتكم يكلمن اولاد ويجلسن جنبهم .. اوكى احنا بنكلمكم
ولا يهمكم اذا هالشئ واجد مضايقنكم ..

والله شكل الكليه بعد التربيه بتصير مرؤكز قلة ادب
مع احتراامي الشديد طبعا !!

[BiolOgy StUdEnt]

لا تكبروا السالفة:::

وانتوا كبار وقدها...


وعسى الخبر صل لكلية صحار...

[مــاذا بعد ؟]

اظن ان الخبر وصل للكلية لأن في تغييرات طفيفة بدأت تظهر...تدرون انهم يخافون يمرو صوب قاعات المبنى أ حتى ما يشوفو حياة الطلاب والطالبات والمأساة اللي يعيشوها ويعرفو حقيقة التوزيع وحسن التخبيط من قبل القبول والتسجيل.. ولو يوم فكر عميدنا الموقر المرور لحظة الى هذه القاعات وتفقد احوال الرعية كان الموضوع ما وصل للمستوى الذي وصل اليه الآن[/

[COLOR="Red"]مذلة ولا في غير شجى المذلة مفر ولولا الأمل ما طال فينا هالصبرCOLOR]