أول الصباح
12/09/2006, 12:14 PM
:بلابلا: تو مو ذي الخبصه بو ستويت أغيب عنم كمين ساعة وألقاكم عافسين الدنيا فوق تحت صحيح (( ناس فهمه وناس متقعية فسمه) أقول اليوم جايبلكم )))))))))))))))))))))))))))))))))))))))) vvvvvvv
vvvvv
vv
الصومرة الثانيه:-
سليّم: عبود وو عبود نهض قوم سير المدرسه ترا أيروح الباص عنك .. وا غشيه أتقوم وا اجيك أرزحك بمركاض ،
عبود: نزين باه هاني قايم لكن تراني ما أروح إلا ماطني ثلاث ميت بيسه ؟
سليّم: ياربيه حشى ثلاثميت بيسه ولا القليل :eek: كيه مو باغي تشتريه كله المقصف ومن هين أجيبلك ياهن وعاد بو ياطوني ياهن من الشؤون ما يجين ميت ريال.
عبود: ترا باه الطلقه الساعة هنتين ونص و وحدنا نلتح من الجوع والفسحة مرتين مو باغني أطلب من لولاد وا موه.
سليّم: حشى ما أرض كيه أنا تسير تطلب لكن يا ولدي شللك من البيت أكل وقلل شويه القليل من الغوازي.
عبود:كيه مو باغنهم يقولا عني ( عبود يحا حي بريوقه) .
سليّم: نزين يا ولدي لا حوله ولا قوة إلا بالله العلي العظيم ندوك هاين ثلاث ميت بيسه نتبهلن عن حد ينشعهن عنك .
(( راح عبود المدرسه وكله تارس حلام والدشداشه متكرفسه اتقول لايجتنها بقرة والكمه أجانب والمفلكه دلق والفريخه تقطر زرار دومها فالثم)) وعند عودته......
عبود :-وا بويييييييييييييييييييييه عاد ما تعب.
سليّم: الناس تقول السلام عليكم ما وا بويه هذي السلكه الحصه بو مستلكنه.
عبود:مو أسوي باه ترا صالبتي هذي الشمس وجاي كم بو راقعنه بو مدور.
سليّم: ها كيف اليوم مو من العلم درستوا باغنك تطلع دختور من تكبر عن تفشلبي؟
عبود:علمونا اليوم عن كيف نحسب نجمع ونضرب.
سليّم: أن وبعدني كي موه نته حرمه تجمع أحيدني مودنك المدرسة يكون ما تطلع بغام ويعلموك الضرابه .
عبود:علوه باه هذي عمليات حسابيه يعني 1+1= 2 هو ذا الجمع و1x2=2 يسمى الضرب فهمتي.
سليّم: هاااااااااااااه قول كذاك من قبل جالس تقم تقم / قوم تغدا ضررك أكثر من نفعك ول عليك ول.
عبود:أقول باه ترا طالبين مني فالمدرسه خمسه ريالات عوين بايين يفرشوا الصف بزوليه.
سليّم: أقول ما أحسن بعده يطلبوا 20 ريال يركبولكم ليت نوم ، هذا بو ناقص بعده ، علوه ما بقتلي بيسه فقرتوني هذي المدرسه ما يعبرن طلباتهم حشى هذي زطوطيه صحيح يوم قال المثل (( الضربه فغيرك كم شق فجدار)).
ودمتم سالمين،،
vvvvv
vv
الصومرة الثانيه:-
سليّم: عبود وو عبود نهض قوم سير المدرسه ترا أيروح الباص عنك .. وا غشيه أتقوم وا اجيك أرزحك بمركاض ،
عبود: نزين باه هاني قايم لكن تراني ما أروح إلا ماطني ثلاث ميت بيسه ؟
سليّم: ياربيه حشى ثلاثميت بيسه ولا القليل :eek: كيه مو باغي تشتريه كله المقصف ومن هين أجيبلك ياهن وعاد بو ياطوني ياهن من الشؤون ما يجين ميت ريال.
عبود: ترا باه الطلقه الساعة هنتين ونص و وحدنا نلتح من الجوع والفسحة مرتين مو باغني أطلب من لولاد وا موه.
سليّم: حشى ما أرض كيه أنا تسير تطلب لكن يا ولدي شللك من البيت أكل وقلل شويه القليل من الغوازي.
عبود:كيه مو باغنهم يقولا عني ( عبود يحا حي بريوقه) .
سليّم: نزين يا ولدي لا حوله ولا قوة إلا بالله العلي العظيم ندوك هاين ثلاث ميت بيسه نتبهلن عن حد ينشعهن عنك .
(( راح عبود المدرسه وكله تارس حلام والدشداشه متكرفسه اتقول لايجتنها بقرة والكمه أجانب والمفلكه دلق والفريخه تقطر زرار دومها فالثم)) وعند عودته......
عبود :-وا بويييييييييييييييييييييه عاد ما تعب.
سليّم: الناس تقول السلام عليكم ما وا بويه هذي السلكه الحصه بو مستلكنه.
عبود:مو أسوي باه ترا صالبتي هذي الشمس وجاي كم بو راقعنه بو مدور.
سليّم: ها كيف اليوم مو من العلم درستوا باغنك تطلع دختور من تكبر عن تفشلبي؟
عبود:علمونا اليوم عن كيف نحسب نجمع ونضرب.
سليّم: أن وبعدني كي موه نته حرمه تجمع أحيدني مودنك المدرسة يكون ما تطلع بغام ويعلموك الضرابه .
عبود:علوه باه هذي عمليات حسابيه يعني 1+1= 2 هو ذا الجمع و1x2=2 يسمى الضرب فهمتي.
سليّم: هاااااااااااااه قول كذاك من قبل جالس تقم تقم / قوم تغدا ضررك أكثر من نفعك ول عليك ول.
عبود:أقول باه ترا طالبين مني فالمدرسه خمسه ريالات عوين بايين يفرشوا الصف بزوليه.
سليّم: أقول ما أحسن بعده يطلبوا 20 ريال يركبولكم ليت نوم ، هذا بو ناقص بعده ، علوه ما بقتلي بيسه فقرتوني هذي المدرسه ما يعبرن طلباتهم حشى هذي زطوطيه صحيح يوم قال المثل (( الضربه فغيرك كم شق فجدار)).
ودمتم سالمين،،