الاحترام ... بين الكسب والطلب

[المندوب السامي]

صباح الخير ...

الشقي شقي وبيظل طول عمره شقي ... :عيار: ما يهجينا عن الترويح ، حتى لو على سرير الموت :)

عسى هالمره تكون الضربه خفيفه ...

العنوان ... كما هو معلن (فوق)
الموضوع ... هو الاحترام
والهدف ... هو احترام الناس بعضهم البعض من خلال تعاملاتهم اليومية
ونقاط الحوار ... الاحترام ومصدره وتجسده ووسائله
والسؤال ... من يستحق الاحترام ؟

محاور يمكننا أن نتداولها بالنقاش إن شئتم ... وإلا فلنجعل الموضوع أشبه برسالة مني للجميع

طبعا ... لنكن واقعيين ... وهكذا أنا دائما واقعي بعيد عن التزلف أو المكابره (لا متزلف ولا مكابر) ... لم آتي بهذه الفكرة من فراغ ، ولكن من خلال ما لمسته ولمسه العديدين من رواد السبلة عن كيفية تعاطي البعض مع موضوع إحترام الآخر ... والخلط بين احترام الآخر لشخصه واحترامه لمواقفه ، وكان أقرب مثال إلينا جميعا هم ما تم من خلال الحوارات الساخنة التي شملها الموضوع الذي تم غلقه بالأمس ، وأنا هنا لا أعترض على الغلق ، لأن الموضوع قد وصل لنهايته وأدى الغرض منه وبدأ يتشعب لأمور ليست بذات أهميه لدى الكثيرين كطبيعة أي موضوع من هذا الشكل وخصوصا حينما يطرح بذلك الاسلوب السلس والبسيط البعيد عن التكلف والرتابه.

في الآخر أقول لكل من اعتقد أنني لم أحترمه أو أنني اغلظت عليه بعض الشيء في ردودي بأني لا أحترم الأشخاص لذاتهم ولا لحسبهم ولا نسبهم ولا جاههم ولا دينهم ولا جنسهم ... فكلها وسائل استجداء للاحترام ... وفي قناعاتي ...

الاحترام يكسب بالمواقف ولا يستجدى بما نملك من مبررات ذاتيه

إجعلني أحترمك بدل أن تطلب مني احترامك

GAIN RESPECT, DON'T DEMAND IT :)

دمتم جميعا ولكم كل الاحترام ... :)

[اوني عبقري]

وحدي ما فهمت شي :مفتر:

خير مو مستوي :rolleyes: :confused:

[حيرانة]

إجعلني أحترمك بدل أن تطلب مني احترامك[/B][/CENTER][/SIZE][/COLOR]

GAIN RESPECT, DON'T DEMAND IT :)

:)
مندوبنا..:) صباح الورد
..
الاحترام يجب ان يكون متبادل..
اقله هنا في الترويح..
مهما كان الرد ضعيف الهيكل..مُختل التوازن:D الا انه يجب علينا احترام صاحبه..
لكل منا طريقته بالاحترام..
اعجبتني العبارة المقتبسة..
ادام الله لنا طلّتك وافكارك الزينة:)

[المندوب السامي]

وحدي ما فهمت شي :مفتر:

خير مو مستوي :rolleyes: :confused:
:D
غايته بدينا
يا فتاح يا عليم :D

ما مستوي شي ... اجتماع للعباقره ... هينك عنهم ؟ :ضحك:

[اوني عبقري]

:D
غايته بدينا
يا فتاح يا عليم :D

ما مستوي شي ... اجتماع للعباقره ... هينك عنهم ؟ :ضحك:


لا بصراحه مو هناااك :rolleyes:


يعني فاتني نص عمري واموه :D

[AMNA]

وحدي ما فهمت شي :مفتر:

خير مو مستوي :rolleyes: :confused:


شكله سوء تفاهم بين الأعضاء الترويح :)

[واحد عربي]

شكراً لك أخي الكريم وجزاكَ الله خيراً
:) :) :)


والسؤال ... من يستحق الاجترام ؟
:عيار: :ضحك: :ضحك:

[الرياضي]

صباح الخير

اسلوبك و ردودك و طريقة تعاملك مع الاخرين و تقديرك الحسن للمواقف التي تستحق المزاح
و المواقف التي تفرض عليك الجدية

هو ما يجعل الاخرين يقفون احترام لك

فـ الاحترام لا تطلبه من الاخرين و لكن في نفس الوقت لا تقدر ان تكتسبه بتصنع

[المندوب السامي]

مندوبنا..:) صباح الورد
..
الاحترام يجب ان يكون متبادل..
اقله هنا في الترويح..
مهما كان الرد ضعيف الهيكل..مُختل التوازن:D الا انه يجب علينا احترام صاحبه..
لكل منا طريقته بالاحترام..
اعجبتني العبارة المقتبسة..
ادام الله لنا طلّتك وافكارك الزينة:)
كون الاحترام هو عملية تقييمية لحاله ، فإن الشخص وما يمتلك من ميزات خاصه لا يقع ضمن قائمة التقييم ، التقييم هنا للحالة التي يعبر عنها الشخص لحظة التقييم ... ومن هنا ظهرت درجات الاحترام وتفاوت احترامنا من شخص لآخر ، وتفاوت احترامنا للشخص الواحد من وقت لآخر ومن حالة لأخرى. قد تحترمين منطقي ولكن لا تحترمين بنفس القدر سلوكي ، والحالتين لا تلغي إحداهما الأخرى ... سيظل سلوكي غير جدير بالاحترام في نظرك ولكنه جدا محترم لدى آخرين ، في حين يرى الآخرون أن منطقي غير سليم البتة وترينه عين الصواب ...

القصد أن الاحترام ليست كلمة جامدة ومعلومة الأبعاد (كصندوق أكل بارسل) ، ولا يمكن أن يقول أحدنا "كوني بينكم فأنا أستحق الاحترام" ، وكأنها وجبة غداء يستحقها كل من يشارك في ندوة علمية أو مؤتمر أو مهرجان لكونه استلم كوبون عند الدخول ...

تحياتي

[اوني عبقري]

شكله سوء تفاهم بين الأعضاء الترويح :)

يالله كلهم أخوه وما اعتقد حد بيزعل من الثاني :D

[المندوب السامي]

صباح الخير


فـ الاحترام لا تطلبه من الاخرين و لكن في نفس الوقت لا تقدر ان تكتسبه بتصنع
أنت هنا ، تجعلنا أكثر دقة فيعملية البحث عن الخط الرفيع الفاصل بين من حقيقة المواقف التي تستحق الاحترام وحالات التصنع التي ينبغي أن تضاف إلى عناصر الاستجداء ...
جميل ردك يا عزيزي الرياضي :)

[المندوب السامي]

يالله كلهم أخوه وما اعتقد حد بيزعل من الثاني :D
هاعه محد بيزعل ... غير كان ناوي بتفتنبهم :عيار:
ارحمنا شويه من عبقريتك :D

[المندوب السامي]

لا بصراحه مو هناااك :rolleyes:


يعني فاتني نص عمري واموه :D
هاعه ... ما فاتك شي البر :)

مو تترجى يقوتك من اجتماع "عـ باقره" :D

[X-Ray]

المندوب السامي
موضوع في وقته
جميل جدا
واضيف على كلامك جمله بسيطة
((الرجال مواقف))

[اوني عبقري]

هاعه محد بيزعل ... غير كان ناوي بتفتنبهم :عيار:
ارحمنا شويه من عبقريتك :D


يالله حصل خير :rolleyes:

بس اعطيني الأسماء وفالك طيب الين ما صالحتبهم كلهم :ضحك: :عيار:

[اوني عبقري]

هاعه ... ما فاتك شي البر :)

مو تترجى يقوتك من اجتماع "عـ باقره" :D


هيه هيه لو تعرف العياقره مو يسويوا كان ما قلت ذا الكلام :( :D

[الكلاسيكي]

كلما زادت معرفتي بكم
كلما زاد تفكيري في إختيار الكلمات
لا أريد خسارتكم... وإنما زيادة محبتكم
أحاسب نفسي كثيرا على ما أقول
أحاول إكتشاف أساليب الأعضاء....
حتى أستطيع التعامل معهم على ما يريدون
لم يعد يهمني ماذا أريد... المهم كيف هم يريدونني
الإحترام ثم الإحترام ثم الإحترام

[المندوب السامي]

المندوب السامي
موضوع في وقته
جميل جدا
واضيف على كلامك جمله بسيطة
((الرجال مواقف))
تسلم يا صاحب الأشعه
وأتمنى أن نخرج بشيء يشكل ركيزة لاحترامنا لبعض كأعضاء داخل السبلة ، وكأشخاص في الحياة العامة .. شكرا جزيلا :)

[الرتـــاج]

إجعلني أحترمك بدل أن تطلب مني احترامك

الله عليك يا السامي ,, عاد ما عبارة ;)

أنا احترم الكل هنا ,,
ربما صادفت اشخاص يتجاوزون حدودهم في الردود ولكن سأظل احترمهم حتى اكتسب احترامهم لي :)

وليس هناك اجمل من الاحترام المتبادل ,,
ومثل ما سبق وذكرت بالموضوع من خلال احترامنا للاشخاص نكتسب احترامهم لنـا ,,

عجبتني فكرة الموضوع ,, تهانيــنا على التميــز :)

[الرتـــاج]

المندوب السامي
موضوع في وقته
جميل جدا
واضيف على كلامك جمله بسيطة
((الرجال مواقف))


مواقف باصات ولا سيارات :عيار: :p

[إنسان]

كلما زادت معرفتي بكم
كلما زاد تفكيري في إختيار الكلمات
لا أريد خسارتكم... وإنما زيادة محبتكم
أحاسب نفسي كثيرا على ما أقول
أحاول إكتشاف أساليب الأعضاء....
حتى أستطيع التعامل معهم على ما يريدون
لم يعد يهمني ماذا أريد... المهم كيف هم يريدونني
الإحترام ثم الإحترام ثم الإحترام

كل هذي الدرر وكل هذا الكلام وكل هذي المعاني الجميلة الراقية العذبة الطاهرة النقية .. وتبغيونا بعدكم ما نكن لكم كل الإحترام والتقدير

هاعه بااااااااه .. شعارنا هو لا بد أن نعامل الأوادم كما نحب أن يعاملوننا هم .. فما أجمل الإحترام الممزوج بصادق الأخوة بيننا وما أسعدنا به

دمتم بإحترام حيثما كنتم

مندوبنا العزيز .. دمت ذخراً لهذه الأمة الترويحية .. فأنت أهلاً لأن تكون مندوبنا السامي .. أيها الغالي

كتبته بالوردي عشان أحب اللون الوردي من يوم صغير
:)

[الرتـــاج]

هيه هيه لو تعرف العياقره مو يسويوا كان ما قلت ذا الكلام :( :D

ويش يعـني العيــاقره :عيار: :ضحك:

[معصبه]

هذا الكلام سلس كما قهوة nescafe:cool:





































لكن بعدني ما فاهمه:D

[اوني عبقري]

ويش يعـني العيــاقره :عيار: :ضحك:

هذوولا أكبر عن العباقره يا الخسفه :mad: :ضحك:

[الكلاسيكي]

كل هذي الدرر وكل هذا الكلام وكل هذي المعاني الجميلة الراقية العذبة الطاهرة النقية .. وتبغيونا بعدكم ما نكن لكم كل الإحترام والتقدير

هاعه بااااااااه .. شعارنا هو لا بد أن نعامل الأوادم كما نحب أن يعاملوننا هم .. فما أجمل الإحترام الممزوج بصادق الأخوة بيننا وما أسعدنا به

دمتم بإحترام حيثما كنتم

مندوبنا العزيز .. دمت ذخراً لهذه الأمة الترويحية .. فأنت أهلاً لأن تكون مندوبنا السامي .. أيها الغالي

كتبته بالوردي عشان أحب اللون الوردي من يوم صغير
:)

شكرا أخي أخجلتني قدام الأعضاء:) :)

[اوني عبقري]

هذا الكلام سلس كما قهوة nescafe:cool:






لكن بعدني ما فاهمه:D


معلش بابا بكره بتكبري وتفهمي أكثر :p

[المندوب السامي]

كلما زادت معرفتي بكم
كلما زاد تفكيري في إختيار الكلمات
لا أريد خسارتكم... وإنما زيادة محبتكم
أحاسب نفسي كثيرا على ما أقول
أحاول إكتشاف أساليب الأعضاء....
حتى أستطيع التعامل معهم على ما يريدون
لم يعد يهمني ماذا أريد... المهم كيف هم يريدونني
الإحترام ثم الإحترام ثم الإحترام
يا عيني عالكلام "الكلاسيكي" :D
هيه هذا الكلام بو زين ، ما كما هذيك المره علق مخك على النعل والعبايات ، مازين كذاك ، شويه ورجع ، ما تتم واجد حيت النعل :ضحك:

انته ياعزيزي رجل كلاسيكي ... ما يحتاج تنقي الكلمات بو تقولها ، دعها على سجيتها ... شايف من خير وشر ، عاجنتنك الدنيا يعني (مستوي خبزه يعني :عيار: )

الله يخليك ، ويديم احترام الناس لك

بس تذكر دائما ...
أنت من تصنعه وتحدد أبعاده وشكله ومستواه وأسلوبهوأن
آراء وماوقف الناس منك هي مرايا تعكس ما يصدر عنك

دمت أخا كلاسيكيا مميزا :)

[المندوب السامي]

ويش يعـني العيــاقره :عيار: :ضحك:
يمكن قصده

"العيايره" ؟ :عيار: :عيار:

[X-Ray]

تسلم يا صاحب الأشعه
وأتمنى أن نخرج بشيء يشكل ركيزة لاحترامنا لبعض كأعضاء داخل السبلة ، وكأشخاص في الحياة العامة .. شكرا جزيلا :)
لقد خرجنا بالاحترام المتبادل بيننا
:)

[X-Ray]

مواقف باصات ولا سيارات :عيار: :p
دوكم الشيمة:)

[شرقية]

"في حياتنا نسعى وراء مكاسب كثيرة من اهمها كسب الإنسان لاحترام الاخرين له ..فهذا المكسب يفوق اي مكسب مادي..وعندما يتحقق هذا الامر فإن من المسؤولية المحافظة ع هذا المكسب."

[المندوب السامي]

كل هذي الدرر وكل هذا الكلام وكل هذي المعاني الجميلة الراقية العذبة الطاهرة النقية .. وتبغيونا بعدكم ما نكن لكم كل الإحترام والتقدير

هاعه بااااااااه .. شعارنا هو لا بد أن نعامل الأوادم كما نحب أن يعاملوننا هم .. فما أجمل الإحترام الممزوج بصادق الأخوة بيننا وما أسعدنا به

دمتم بإحترام حيثما كنتم

مندوبنا العزيز .. دمت ذخراً لهذه الأمة الترويحية .. فأنت أهلاً لأن تكون مندوبنا السامي .. أيها الغالي

كتبته بالوردي عشان أحب اللون الوردي من يوم صغير
:)
يحترم المرء لإنسانيته أولا :عيار:
وأنت إنسان :confused:
فأنت الأولى به ، أليس كذلك ؟ :)

موه أخبار ... وين انا ؟

دمت إنسانا في هذه الحياة التي نحن في أمس الحاجة فيها إلى الانسانية

[إنسان]

شكرا أخي أخجلتني قدام الأعضاء:) :)

إنزين لبس برقوع عن يعرفوك
:ضحك:

صدقوني بشتاقكم واااااااااااااااااااااجد .. لكن موووه أسوي تراها الظروف
:D

[الرتـــاج]

هذوولا أكبر عن العباقره يا الخسفه :mad: :ضحك:

اهاااااا:عيار:
اقول احيدني بغاااام متى رقيتني وصرت خسفه :D

[إنسان]

يحترم المرء لإنسانيته أولا :عيار:
وأنت إنسان :confused:
فأنت الأولى به ، أليس كذلك ؟ :)

موه أخبار ... وين انا ؟

دمت إنسانا في هذه الحياة التي نحن في أمس الحاجة فيها إلى الانسانية

بعدك تسأل عن موضوع وين أنا

ود الحلال .. ضربوه بقفل حليان مال دهر أول .. عوين وصل الحد المطلوب
:D

[المندوب السامي]

"في حياتنا نسعى وراء مكاسب كثيرة من اهمها كسب الإنسان لاحترام الاخرين له ..فهذا المكسب يفوق اي مكسب مادي..وعندما يتحقق هذا الامر فإن من المسؤولية المحافظة ع هذا المكسب."
لا ترهقي نفسك بالسعي وراءه ، إن كنتي جديرة به فهو حتما سيأتي إليكي ... دمتي :)

[الرتـــاج]

يمكن قصده

"العيايره" ؟ :عيار: :عيار:

صحيح :عيار:

من كثر ما يحبها اشوفه مدلعنها حبتين :D

[معصبه]

معلش بابا بكره بتكبري وتفهمي أكثر :p

تعرفها ينكت:p

[اوني عبقري]

اهاااااا:عيار:
اقول احيدني بغاااام متى رقيتني وصرت خسفه :D


ما رقيتش لا والله :o

بس قلت كأنها عاااد كبيره شويه :ضحك:

[الرتـــاج]

إجعلني أحترمك بدل أن تطلب مني احترامك

الله عليك يا السامي ,, عاد ما عبارة ;)

أنا احترم الكل هنا ,,
ربما صادفت اشخاص يتجاوزون حدودهم في الردود ولكن سأظل احترمهم حتى اكتسب احترامهم لي :)

وليس هناك اجمل من الاحترام المتبادل ,,
ومثل ما سبق وذكرت بالموضوع من خلال احترامنا للاشخاص نكتسب احترامهم لنـا ,,

عجبتني فكرة الموضوع ,, تهانيــنا على التميــز :)

هلا رتووووج ,, :نطوط:
اشوف المـندوب الســامي مشغول وما فاضي يرد عليــش .. :عيار:

خليني ارد عنــه :D

[المندوب السامي]

هذا الكلام سلس كما قهوة nescafe:cool:



لكن بعدني ما فاهمه:D
سبحان الله ... القهوه بو أحبها ... :D

وبعدين الفهم مراحل ... يعني صبري شويه مالش مستكظه ؟ :D

[الرتـــاج]

ما رقيتش لا والله :o

بس قلت كأنها عاااد كبيره شويه :ضحك:

مووو هي بو كبيرة :عيار:

لا يكون قصدك الشريشه بو قدام بيتكم :D

[المندوب السامي]

هلا رتووووج ,, :نطوط:
اشوف المـندوب الســامي مشغول وما فاضي يرد عليــش .. :عيار:

خليني ارد عنــه :D
صباح الورد ...
ما قصدي والله العظيم ..
المشكله إنه كلامش حلو وحساس :) ... والواحد لازم يتأنى قبل ما يرد عليش ... عشان كده أخليكي في الآخر :عيار: أخاف استعجل وأغلط ..
حئك على راسي من فوء .... إددام العالم كللا ... بدئللا وبغنيلا ... وبس :ضحك:

[معصبه]

سبحان الله ... القهوه بو أحبها ... :D

وبعدين الفهم مراحل ... يعني صبري شويه مالش مستكظه ؟ :D

زين الصبر مفاتح الفرج يا فرج:D
:p

[اوني عبقري]

تعرفها ينكت:p
:ضحك: :ضحك:

هاعه اعرف سيح تمام :p

[المندوب السامي]

زين الصبر مفاتح الفرج يا فرج:D
:p
خلا كلنا نحرص :عيار:
هين سار فرج ؟ :mad:

أووووووه فرج :بلابلا: :بلابلا: .. تعال أبويي تعال ...
نحرصك أنا ومعصبه من ساعه :mad:
باغيه تفهم عوين ... عاد ما أعرفها مو باغيه تفهم ؟ :confused:
لكن بو باغيه تفهمه فهمها ياه :عيار:

[الرتـــاج]

صباح الورد ...
ما قصدي والله العظيم ..
المشكله إنه كلامش حلو وحساس :) ... والواحد لازم يتأنى قبل ما يرد عليش ... عشان كده أخليكي في الآخر :عيار: أخاف استعجل وأغلط ..
حئك على راسي من فوء .... إددام العالم كللا ... بدئللا وبغنيلا ... وبس :ضحك:

يا عيني على العيوريه يا عيــني :عيار:
:ضحك:

[اوني عبقري]

مووو هي بو كبيرة :عيار:

لا يكون قصدك الشريشه بو قدام بيتكم :D


قصدي دغمتش :mad: :p

اقووول شي فندال صوووب الحاجر !! :عيار:

[المندوب السامي]

:ضحك: :ضحك:

هاعه اعرف سيح تمام :p
يصلح للرحلات ؟ :نطوط:

[المندوب السامي]

يا عيني على العيوريه يا عيــني :عيار:
:ضحك:
معاياااااه :confused:

ما احترمنا ، قالوا ما عندكم احساس بالآخرين ومشاعرهم :mad:
جينا نحس ونشعر ونحترم ، قالوا عيايره :عيار:

موه نسوي ، ماشي حيله ياربي :مفتر: :confused:

[الرتـــاج]

قصدي دغمتش :mad: :p

اقووول شي فندال صوووب الحاجر !! :عيار:

دغمتي ما اكبر من دغمتك :عيار: :D

شي مشاكيك صوب السيب :عيار:

[شرقية]

لا ترهقي نفسك بالسعي وراءه ، إن كنتي جديرة به فهو حتما سيأتي إليكي ... دمتي :)


وكيف يكون الانسان جدير بالاحترام؟؟ يعني لانسان ينولد من بطن امه جدير بالاحترام ولا هو يسعى انه يحصل هالاجداره..:)

[الرتـــاج]

دوكم الشيمة:)

هااااا الحشيــمه ((((((((( حشيمه كان فيك حشيمه )))))))))):ضحك:

[أم غدير]

كلما زادت معرفتي بكم
كلما زاد تفكيري في إختيار الكلمات
لا أريد خسارتكم... وإنما زيادة محبتكم
أحاسب نفسي كثيرا على ما أقول
أحاول إكتشاف أساليب الأعضاء....
حتى أستطيع التعامل معهم على ما يريدون
لم يعد يهمني ماذا أريد... المهم كيف هم يريدونني
الإحترام ثم الإحترام ثم الإحترام


:نطوط: الله الله الله ايش ها الزين يا الكلاسيكي:نطوط:

يوم قلتلك لازم يكون اسمك الكلاسيكي المبدع ما صدقتني :o

غاوي الكلام بو قلته بصراحة انت طلعت شي:D

[الرتـــاج]

[COLOR="DarkRed"]وكيف يكون الانسان جدير بالاحترام؟؟ يعني لانسان ينولد من بطن امه جدير بالاحترام ولا هو يسعى انه يحصل هالاجداره..:)

ممكن ينولد من بطن أمه وهو جددير بالاحترام ,, احترامه من احترام منصبه وأسمه خاصة لو كان من الاسياد فاهمه قصدي شيه :عيار:

بس هنا إحنا نتكلم عن الاحترام المتبادل ,, اللي يكتسبه الشخص من خلال تعاملاته مع العالم اللي حواليه بغض النظر عن منصبه ومناصبهم عن درجته ودرجاتهم عن مستواه الثقافي ومستوياتهم ,,
يعني احترام الـذات ,, :)

[شرقية]

صـــباح الخـــير :D
هااااااااه أقـــول مبروكين عن سالفة امس تم الموضوع لاه;)

صباح الفل...الله يبارك فيج..الحمدالله تم..ما خبرتج ابوي امس ذبحنا من الضحك ..:ضحك: :ضحك:

[؟من أنا؟]

في الآخر أقول لكل من اعتقد أنني لم أحترمه أو أنني اغلظت عليه بعض الشيء في ردودي بأني لا أحترم الأشخاص لذاتهم ولا لحسبهم ولا نسبهم ولا جاههم ولا دينهم ولا جنسهم ... فكلها وسائل استجداء للاحترام ... وفي قناعاتي ...


الاحترام يكسب بالمواقف ولا يستجدى بما نملك من مبررات ذاتيه

إجعلني أحترمك بدل أن تطلب مني احترامك



GAIN RESPECT, DON'T DEMAND IT

:rolleyes: :rolleyes: :rolleyes:

[المندوب السامي]

[COLOR="DarkRed"]وكيف يكون الانسان جدير بالاحترام؟؟ يعني لانسان ينولد من بطن امه جدير بالاحترام ولا هو يسعى انه يحصل هالاجداره..:)
لا لا لا :ضحك:
عاد ما من يوم ينزل من بطن امه :D
يعني ... يفترض أنه مع بداية اختلاطه بالناس خاج المنزل ... تكونت له شخصية وسلوك وأفكار وأساليب تعامل ... صنعتها التربية والثقافة والمقارنة ، وبالتالي ... يكون في حالة طبيعية عند التعامل مع الناس ومن خلالها يأخذ درجته من الاحترام في الوسط الذي هو فيه ..

وما أحاول أن أوكد عليه أن هناك أناس يحدثون أنفسهم بأنني لا بد وأن أبدو محترما أمام الناس ، وكأنه يقر بأنه غير محترم ، ويعتقد أن هناك طقوسا يجب ممارستها من أجل كسب الاحترام ، ونسي هنا أنه بذلك هو يستجدي ويطلب الاحترام :)

[شرقية]

ممكن ينولد من بطن أمه وهو جددير بالاحترام ,, احترامه من احترام منصبه وأسمه خاصة لو كان من الاسياد فاهمه قصدي شيه :عيار:

بس هنا إحنا نتكلم عن الاحترام المتبادل ,, اللي يكتسبه الشخص من خلال تعاملاته مع العالم اللي حواليه بغض النظر عن منصبه ومناصبهم عن درجته ودرجاتهم عن مستواه الثقافي ومستوياتهم ,,
يعني احترام الـذات ,, :)


فاهمة بس هذا الاحترام مال غصب:D
كما يوم تحترمي مديرج وانتي ما طايقتينه:ضحك: :ضحك:

[اوني عبقري]

يصلح للرحلات ؟ :نطوط:


لا والله !! :rolleyes:

[المندوب السامي]

المشاركة الأصلية بواسطة الرتـــاج
ممكن ينولد من بطن أمه وهو جددير بالاحترام ,, احترامه من احترام منصبه وأسمه خاصة لو كان من الاسياد فاهمه قصدي شيه

بس هنا إحنا نتكلم عن الاحترام المتبادل ,, اللي يكتسبه الشخص من خلال تعاملاته مع العالم اللي حواليه بغض النظر عن منصبه ومناصبهم عن درجته ودرجاتهم عن مستواه الثقافي ومستوياتهم ,,
يعني احترام الـذات ,,

فاهمة بس هذا الاحترام مال غصب:D
كما يوم تحترمي مديرج وانتي ما طايقتينه:ضحك: :ضحك:
بعدكن ما تلاقيتن :عيار:

[المندوب السامي]

:rolleyes: :rolleyes: :rolleyes:
انزين :rolleyes:
:rolleyes: :rolleyes: :rolleyes:

[أم غدير]

صباح الخير جمعيا وصباح خاص لأخوي المندوب السامي:عيار:

الاحترام أولا وأخيرا هو احترامنا لأنفسنا يعني الانسان اذا احترم نفسه وعاملها باسلوب راقي بحيث انه ما يعرض نفسه لانتقادات من حيث اسلوبه في التعامل مع الاخرين بالتالي يكسب احترام الاخرين من دون طلب وفي نفس الوقت كسب احترامه لنفسه وبالتالي الاحترام يكون متبادل( حد فهم شي:D ) ما علينا نكمل.:ضحك:

الاحترام بين الاعضاء يجب ان يكون مبني على اساس انه كل واحد يضع العضو الاخر الذي يناقش معاه في موضوع معين موضع اهتمام ويتحدث معاه برقي وحتى لو كان الموضوع غير جاد أقصد ترويحي فقط يجب على الاعضاء ان يكون بينهم احترام في انتقاء الكلمات المناسبة والتي لا تؤثر معنويا في نفسية العضو الاخر وبالتالي يفقد احترامه له.:rolleyes:

في النهاية انا احترمكم كلكم ،،، لأنكم محترمون:)

[معصبه]

:ضحك: :ضحك:

هاعه اعرف سيح تمام :p

زين تعرفها العتكيه حلة العلايه:D

[معصبه]

خلا كلنا نحرص :عيار:
هين سار فرج ؟ :mad:

أووووووه فرج :بلابلا: :بلابلا: .. تعال أبويي تعال ...
نحرصك أنا ومعصبه من ساعه :mad:
باغيه تفهم عوين ... عاد ما أعرفها مو باغيه تفهم ؟ :confused:
لكن بو باغيه تفهمه فهمها ياه :عيار:

طرشته يجيب حالنا ايسكريم وما جا:معصب:
:مفتر:

[إنسان]

صباح الخير جمعيا وصباح خاص لأخوي المندوب السامي:عيار:

الاحترام أولا وأخيرا هو احترامنا لأنفسنا يعني الانسان اذا احترم نفسه وعاملها باسلوب راقي بحيث انه ما يعرض نفسه لانتقادات من حيث اسلوبه في التعامل مع الاخرين بالتالي يكسب احترام الاخرين من دون طلب وفي نفس الوقت كسب احترامه لنفسه وبالتالي الاحترام يكون متبادل( حد فهم شي:D ) ما علينا نكمل.:ضحك:

الاحترام بين الاعضاء يجب ان يكون مبني على اساس انه كل واحد يضع العضو الاخر الذي يناقش معاه في موضوع معين موضع اهتمام ويتحدث معاه برقي وحتى لو كان الموضوع غير جاد أقصد ترويحي فقط يجب على الاعضاء ان يكون بينهم احترام في انتقاء الكلمات المناسبة والتي لا تؤثر معنويا في نفسية العضو الاخر وبالتالي يفقد احترامه له.:rolleyes:

في النهاية انا احترمكم كلكم ،،، لأنكم محترمون:)

:)
إبتسامة تقدير وإحترام لكل هذا النزف الراقي الذي نزفته أناملك أختي الفاضلة أم غدير
:)

[أم غدير]

صباح الفل...الله يبارك فيج..الحمدالله تم..ما خبرتج ابوي امس ذبحنا من الضحك ..:ضحك: :ضحك:


ويش ويش فيه ايش صار بسرعة قولي:eek:

[شرقية]

لا لا لا :ضحك:
عاد ما من يوم ينزل من بطن امه :D
يعني ... يفترض أنه مع بداية اختلاطه بالناس خاج المنزل ... تكونت له شخصية وسلوك وأفكار وأساليب تعامل ... صنعتها التربية والثقافة والمقارنة ، وبالتالي ... يكون في حالة طبيعية عند التعامل مع الناس ومن خلالها يأخذ درجته من الاحترام في الوسط الذي هو فيه ..

وما أحاول أن أوكد عليه أن هناك أناس يحدثون أنفسهم بأنني لا بد وأن أبدو محترما أمام الناس ، وكأنه يقر بأنه غير محترم ، ويعتقد أن هناك طقوسا يجب ممارستها من أجل كسب الاحترام ، ونسي هنا أنه بذلك هو يستجدي ويطلب الاحترام :)

هذا الي قصدته اخي انه بأسلوبه وثقافته وأفكاره وطريقة تعامله وسيله يسعى فيها باثبات نفسه واحترامه وسط الناس...بالتالي هذا مكسب من مكاسب الحياه...but ابدأ باحترامك لنفسك تكن جديرا باحترام الناس لك

[المندوب السامي]

صباح الخير جمعيا وصباح خاص لأخوي المندوب السامي:عيار:

الاحترام أولا وأخيرا هو احترامنا لأنفسنا يعني الانسان اذا احترم نفسه وعاملها باسلوب راقي بحيث انه ما يعرض نفسه لانتقادات من حيث اسلوبه في التعامل مع الاخرين بالتالي يكسب احترام الاخرين من دون طلب وفي نفس الوقت كسب احترامه لنفسه وبالتالي الاحترام يكون متبادل( حد فهم شي:D ) ما علينا نكمل.:ضحك:

الاحترام بين الاعضاء يجب ان يكون مبني على اساس انه كل واحد يضع العضو الاخر الذي يناقش معاه في موضوع معين موضع اهتمام ويتحدث معاه برقي وحتى لو كان الموضوع غير جاد أقصد ترويحي فقط يجب على الاعضاء ان يكون بينهم احترام في انتقاء الكلمات المناسبة والتي لا تؤثر معنويا في نفسية العضو الاخر وبالتالي يفقد احترامه له.:rolleyes:

في النهاية انا احترمكم كلكم ،،، لأنكم محترمون:)
نعم نعم :confused:
بلى بلى :)
صحيح صحيح :D
الأمر كما ذكرتي يا أختاه :ضحك:
هوه بو موسمه :مفتر:

[المندوب السامي]

هذا الي قصدته اخي انه بأسلوبه وثقافته وأفكاره وطريقة تعامله وسيله يسعى فيها باثبات نفسه واحترامه وسط الناس...بالتالي هذا مكسب من مكاسب الحياه...but ابدأ باحترامك لنفسك تكن جديرا باحترام الناس لك
لكن حال موه الـ but مرتزه وحدها فالوسطه ؟ :D

[أم غدير]

:)
إبتسامة تقدير وإحترام لكل هذا النزف الراقي الذي نزفته أناملك أختي الفاضلة أم غدير
:)


نــزف أنــامـلي وابــوي ما احيدني تعورت في صبعي مالك انسان اخوي تدعي علي اختك العودة :ضحك:

[أم غدير]

لكن حال موه الـ but مرتزه وحدها فالوسطه ؟ :D

:ضحك: :ضحك: :ضحك:
أسميش فضحتينا باالبات مالش:ضحك:

[أم غدير]

نعم نعم :confused:
بلى بلى :)
صحيح صحيح :D
الأمر كما ذكرتي يا أختاه :ضحك:
هوه بو موسمه :مفتر:


يعني انت فهمت موه انا باغية اقول وا اعيده من اول هي قول ادهديه :D

[الرتـــاج]

فاهمة بس هذا الاحترام مال غصب:D
كما يوم تحترمي مديرج وانتي ما طايقتينه:ضحك: :ضحك:

:ضحك: :ضحك:
شفتي كيف .. :p

وممكن للضابط أن يحترم أبن وزير وعدم معاقبته ,, وذلك لمكانته في المجتمع :D

[المندوب السامي]

يعني انت فهمت موه انا باغية اقول وا اعيده من اول هي قول ادهديه :D
الشيمه بسي :confused: :eek: :eek:
والله العظيم فااااااااهووووووووم فاهم :بلابلا: :نطوط:

[شرقية]

:ضحك: :ضحك: :ضحك:
أسميش فضحتينا باالبات مالش:ضحك:
:ضحك:

[الكلاسيكي]

:نطوط: الله الله الله ايش ها الزين يا الكلاسيكي:نطوط:

يوم قلتلك لازم يكون اسمك الكلاسيكي المبدع ما صدقتني :o

غاوي الكلام بو قلته بصراحة انت طلعت شي:D

تراه ما زين كذاك...كأنكم عنتوني ما عرفت موه أقول:)

[الرتـــاج]

بعدكن ما تلاقيتن :عيار:

أنا اتحدث عن احترام الذات ,, يعني تحترم الشخص لذاته بغض النظر عن مكانته ومنصبه وماله وثقافته وغيره من التمييز ,, :)

وأختي شرقيه .. ذكرت مثال ,, وهو احترامي لمديري ,,, يعني ربما تصدر منه تصرفات غير مقبوله بعض الاحيان والتي تخرج عن نطاق الاحترام ,, تسبب في عدم احترامي ليه ,, :)
ولكن بصفته مديري ,,, فأنا ملزومه على احترامه ,,:rolleyes:

فأنا هنا احترامي يكون ( احترام موظف لمديرة أو مسؤوله ) فقط ... ولكن لا أحمل أي أحترام لذاته.. لأني لا أرى بأنه يستحق ذلك .. :D

مع أحترامي للمدير :عيار:

[أم غدير]

تراه ما زين كذاك...كأنكم عنتوني ما عرفت موه أقول:)
خمس وخميسه خمسه وخمسية :ضحك:

في عين اللي يشوفك وما يصليش على النبي يا خوي يا كلاسيكي:ضحك:

[الرتـــاج]

لا تقولي اما ابوي عنده سوالف بصراحة حتى انا قالي ما ابغاهن خواتش يتزوجن من هناك أوين متعدوات على الدلال وهناك بتتعذبن يا حليله ابوي فديته:D

ما اقدر اجي حتى اليوم يمكن ما بروح الحق بعطي حال اختنا العودة الهدية تعرفي هديل عندها مدرسة وبتنام من وقت ان شاء الله بيكم يوم الاربعاء ابو غدير بيروح الدوام يوم الاربعاء بس ما ببات عندكم شغالتكم مزعجة:o

وابوي وابوي عليكن :eek:
اسميكن فضحتنا :mad: :معصب:

اتصلي فيها وكلميها جالسه تسمعي الخلق :mad:

[أم غدير]

أنا اتحدث عن احترام الذات ,, يعني تحترم الشخص لذاته بغض النظر عن مكانته ومنصبه وماله وثقافته وغيره من التمييز ,, :)

وأختي شرقيه .. ذكرت مثال ,, وهو احترامي لمديري ,,, يعني ربما تصدر منه تصرفات غير مقبوله بعض الاحيان والتي تخرج عن نطاق الاحترام ,, تسبب في عدم احترامي ليه ,, :)
ولكن بصفته مديري ,,, فأنا ملزومه على احترامه ,,:rolleyes:

فأنا هنا احترامي يكون ( احترام موظف لمديرة أو مسؤوله ) فقط ... ولكن لا أحمل أي أحترام لذاته.. لأني لا أرى بأنه يستحق ذلك .. :D

مع أحترامي للمدير :عيار:

نــوبة انا كماش:D

[أم غدير]

وابوي وابوي عليكن :eek:
اسميكن فضحتنا :mad: :معصب:

اتصلي فيها وكلميها جالسه تسمعي الخلق :mad:

محمد بيفهم شي يوو الغالية:ضحك:

[أم غدير]

: الشيمه بسي :confused: :eek: :eek:
والله العظيم فااااااااهووووووووم فاهم :بلابلا: :نطوط:
حسبـــتك :D

[إنسان]

نــزف أنــامـلي وابــوي ما احيدني تعورت في صبعي مالك انسان اخوي تدعي علي اختك العودة :ضحك:

عوين كذاك يقولوا الأدباء والفصاح والشعراء .. نزف .. نوبه أنا كنت أقول هذي الكلمه مووه تعني .. قلت أقولها شيه حال ختي أم غدير .. بيكون معناها واجد عود وكبير.. قلنا نزف يا الله نزف .. وحنا موووه خسرانين
:ضحك:

[أم غدير]

عوين كذاك يقولوا الأدباء والفصاح والشعراء .. نزف .. نوبه أنا كنت أقول هذي الكلمه مووه تعني .. قلت أقولها شيه حال ختي أم غدير .. بيكون معناها واجد عود وكبير.. قلنا نزف يا الله نزف .. وحنا موووه خسرانين
:ضحك:


أههههههها :معصب: وانت حالموه تسوي كماهم اذيلا الادباء والفصاح وتدور تدعي على اختك:o

[شرقية]

وابوي وابوي عليكن :eek:
اسميكن فضحتنا :mad: :معصب:

اتصلي فيها وكلميها جالسه تسمعي الخلق :mad:

صح والله صدقها رتاج..احسن بكلمش بعدين ترا فيه سوالف اكثر:D ...شغالتنا اشحلاتها مسكينه تكفي رايحه جايه من بيتنا لبيتكم تشل وتجيب:ضحك:

اقول رتاج ترا ان مديري طيب بس فاجازه وللله الحمد واحترمه بصراحه لمنصبه ولذاته..ما كما مديركم ما اعرف من هين طالع...

[المندوب السامي]

أنا اتحدث عن احترام الذات ,, يعني تحترم الشخص لذاته بغض النظر عن مكانته ومنصبه وماله وثقافته وغيره من التمييز ,, :)

وأختي شرقيه .. ذكرت مثال ,, وهو احترامي لمديري ,,, يعني ربما تصدر منه تصرفات غير مقبوله بعض الاحيان والتي تخرج عن نطاق الاحترام ,, تسبب في عدم احترامي ليه ,, :)
ولكن بصفته مديري ,,, فأنا ملزومه على احترامه ,,:rolleyes:

فأنا هنا احترامي يكون ( احترام موظف لمديرة أو مسؤوله ) فقط ... ولكن لا أحمل أي أحترام لذاته.. لأني لا أرى بأنه يستحق ذلك .. :D

مع أحترامي للمدير :عيار:
تعاملنا مع من هم في موقع المسؤلية أو زملاء العمل، هو شرط قد الزمنا أنفسنا به من خلال توقيعنا على عقد العمل ، قد نحترمهم وقد لا نحترمهم كأشخاص ، ولكن من المؤكد أن نتعامل معهم بالحد الأدنى الذي يتطلبه سير العمل ...
الخطورة هنا لدى البعض في عدم قدرتهم على الفصل بين العلاقاتين ، علاقة الاحترام الاختيارية وعلاقة العمل الملزمة ، والمشكلة الأكبر هو عدم قدرتهم على توصيل مفهوم نوع العلاقة للطرف الآخر ، وهنا يحدث الخلط وتتطور الأمور من خلال تهيؤات مبنية على فرضيات لدى البعض ، وتصل إلى حد أبعد من الاحترام وقد يصبغها البعض بشيء من العاطفة والاعجاب والحب وما شابه ذلك ...

باختصار ... هناك علاقة عمل ملزمة وغير مشروطة بالاحترام ، وهناك علاقة الاحترام الاختيارية ، وهناك العلاقات العاطفية التي تتعدى كل الحواجز ... السر في قدرتنا على تحديدها ومن ثم قدرتنا على توصيل ماهيتها بكل وضوح للطر فالآخر حتى لا نقع في مطب الافتراضات والتهيؤات ... :)

[الرتـــاج]

نــوبة انا كماش:D

:D :p :D
ترى نفس المدير :ضحك:

[أم غدير]

صح والله صدقها رتاج..احسن بكلمش بعدين ترا فيه سوالف اكثر:D ...شغالتنا اشحلاتها مسكينه تكفي رايحه جايه من بيتنا لبيتكم تشل وتجيب:ضحك:

اقول رتاج ترا ان مديري طيب بس فاجازه وللله الحمد واحترمه بصراحه لمنصبه ولذاته..ما كما مديركم ما اعرف من هين طالع...


:eek: سوالف اكثر موه هي والا اقولش بتصل فيش تو استعدي عشان تحكي لي :eek:

[أم غدير]

:D :p :D
ترى نفس المدير :ضحك:


هـــيه صح صدقش نسيت:D

لكــن انا ما كماش كان زادلي راتبي بيكون احسن مدير في العالم وبحترمه من كل قلبي:D

[الرتـــاج]

محمد بيفهم شي يوو الغالية:ضحك:

اقولك ما تخافي يكون معنا في السبله ويسمع سوالفكن انتي واختك :عيار: :p

[أم غدير]

تعاملنا مع من هم في موقع المسؤلية أو زملاء العمل، هو شرط قد الزمنا أنفسنا به من خلال توقيعنا على عقد العمل ، قد نحترمهم وقد لا نحترمهم كأشخاص ، ولكن من المؤكد أن نتعامل معهم بالحد الأدنى الذي يتطلبه سير العمل ...
الخطورة هنا لدى البعض في عدم قدرتهم على الفصل بين العلاقاتين ، علاقة الاحترام الاختيارية وعلاقة العمل الملزمة ، والمشكلة الأكبر هو عدم قدرتهم على توصيل مفهوم نوع العلاقة للطرف الآخر ، وهنا يحدث الخلط وتتطور الأمور من خلال تهيؤات مبنية على فرضيات لدى البعض ، وتصل إلى حد أبعد من الاحترام وقد يصبغها البعض بشيء من العاطفة والاعجاب والحب وما شابه ذلك ...

باختصار ... هناك علاقة عمل ملزمة وغير مشروطة بالاحترام ، وهناك علاقة الاحترام الاختيارية ، وهناك العلاقات العاطفية التي تتعدى كل الحواجز ... السر في قدرتنا على تحديدها ومن ثم قدرتنا على توصيل ماهيتها بكل وضوح للطر فالآخر حتى لا نقع في مطب الافتراضات والتهيؤات ... :)

:مفتر: :مفتر: :مفتر:

[أم غدير]

اقولك ما تخافي يكون معنا في السبله ويسمع سوالفكن انتي واختك :عيار: :p


من هو اذا محمد بيكون معانا في السبلة ويسمع كلامنا حبيبتي علامش انا قصدي ( محد ما محمد يووووو الغالية):ضحك:

[المندوب السامي]

:مفتر: :مفتر: :مفتر:
:ضحك: :ضحك: :ضحك:

[إنسان]

أههههههها :معصب: وانت حالموه تسوي كماهم اذيلا الادباء والفصاح وتدور تدعي على اختك:o

بعيد الشر تو إنتيه من دعا عليش .. عوين يووووه ختي .. كلمة نزف واجدين يدوروها عشان يقولوها وما محصلينها .. هذي الكلمه غاويه صدقيني .. حتى سألي سلاموووه بنت راعي الصرمه .. بتجاوبش إن شاء الله
:D

[أم غدير]

بعيد الشر تو إنتيه من دعا عليش .. عوين يووووه ختي .. كلمة نزف واجدين يدوروها عشان يقولوها وما محصلينها .. هذي الكلمه غاويه صدقيني .. حتى سألي سلاموووه بنت راعي الصرمه .. بتجاوبش إن شاء الله
:D


]كذاك شـــيه عجب غاوي الكلام بو قلته :D [/COLOR]

[شرقية]

من هو اذا محمد بيكون معانا في السبلة ويسمع كلامنا حبيبتي علامش انا قصدي ( محد ما محمد يووووو الغالية):ضحك:


بس خلاص صكن ع السالفه ..ترا المندوب السامي طارح موضوع للمناقشة ما حال السوالف شل وجيب عيب عليكن سوين احترام :o

[أم غدير]

بس خلاص صكن ع السالفه ..ترا المندوب السامي طارح موضوع للمناقشة ما حال السوالف شل وجيب عيب عليكن سوين احترام :o
علامش انت نوبة ترانا جالسين نناقش الموضوع :D

احتراماتي لك يووووو المندوب:ضحك:

[إنسان]

]كذاك شـــيه عجب غاوي الكلام بو قلته :D [/COLOR]

ما كإنه ضرس واحد مسوس .. وله أنا ما أشوف برابر
:D

[المندوب السامي]

بس خلاص صكن ع السالفه ..ترا المندوب السامي طارح موضوع للمناقشة ما حال السوالف شل وجيب عيب عليكن سوين احترام :o
انزين ... موذيه العيوريه :عيار: ؟
صاه انتيه أول بو ناكشه الخروفه ... تو عاد عرفتي إنه شي سمه موضوع :rolleyes: ؟
يالله يالله ... شي مالمكر غير نمونه :eek:

[الرتـــاج]

صح والله صدقها رتاج..احسن بكلمش بعدين ترا فيه سوالف اكثر:D ...شغالتنا اشحلاتها مسكينه تكفي رايحه جايه من بيتنا لبيتكم تشل وتجيب:ضحك:

اقول رتاج ترا ان مديري طيب بس فاجازه وللله الحمد واحترمه بصراحه لمنصبه ولذاته..ما كما مديركم ما اعرف من هين طالع...

هنيالك مديرك :)

على حظنا المنيل ,,, أنا واختك :D

اقول قدمت اوراقي لوزارة الشؤون الرياضيه محتاجين منسقات ,,, بس متى راح يكون الاختبار :rolleyes:

[المندوب السامي]

علامش انت نوبة ترانا جالسين نناقش الموضوع :D

احتراماتي لك يووووو المندوب:ضحك:
هيه هيه ... صح :confused:
خدمن شغلكن انته تو :ضحك: ... خلاف بيجي الدق فوق راسي أنا :نطوط:

[أم غدير]

ما كإنه ضرس واحد مسوس .. وله أنا ما أشوف برابر
:D


ما تشوف برابر:ضحك:

[المندوب السامي]

هنيالك مديرك :)

على حظنا المنيل ,,, أنا واختك :D

اقول قدمت اوراقي لوزارة الشؤون الرياضيه محتاجين منسقات ,,, بس متى راح يكون الاختبار :rolleyes:
أهم شرط ... مهاره وخبرة كافية في جز الحشائش ... عشان تنسيق الملاعب :ضحك:

[أم غدير]

هنيالك مديرك :)

على حظنا المنيل ,,, أنا واختك :D

اقول قدمت اوراقي لوزارة الشؤون الرياضيه محتاجين منسقات ,,, بس متى راح يكون الاختبار :rolleyes:


كنش فضحتيها شوية:D

[شرقية]

علامش انت نوبة ترانا جالسين نناقش الموضوع :D

احتراماتي لك يووووو المندوب:ضحك:
اقول روحي حذفي مشاركاتك الي خارج الموضوع ...ترا هذا نقاش ما شات:D واخر مره تسوي هذه الفعله:ضحك:

[أم غدير]

أهم شرط ... مهاره وخبرة كافية في جز الحشائش ... عشان تنسيق الملاعب :ضحك:
لا طالبين منسقات يصفرن بدال الحكم في المباريات وعاد الرتاج ما يبغالها صفاره صوتها كافي :ضحك:

[الرتـــاج]

تعاملنا مع من هم في موقع المسؤلية أو زملاء العمل، هو شرط قد الزمنا أنفسنا به من خلال توقيعنا على عقد العمل ، قد نحترمهم وقد لا نحترمهم كأشخاص ، ولكن من المؤكد أن نتعامل معهم بالحد الأدنى الذي يتطلبه سير العمل ...
الخطورة هنا لدى البعض في عدم قدرتهم على الفصل بين العلاقاتين ، علاقة الاحترام الاختيارية وعلاقة العمل الملزمة ، والمشكلة الأكبر هو عدم قدرتهم على توصيل مفهوم نوع العلاقة للطرف الآخر ، وهنا يحدث الخلط وتتطور الأمور من خلال تهيؤات مبنية على فرضيات لدى البعض ، وتصل إلى حد أبعد من الاحترام وقد يصبغها البعض بشيء من العاطفة والاعجاب والحب وما شابه ذلك ...

باختصار ... هناك علاقة عمل ملزمة وغير مشروطة بالاحترام ، وهناك علاقة الاحترام الاختيارية ، وهناك العلاقات العاطفية التي تتعدى كل الحواجز ... السر في قدرتنا على تحديدها ومن ثم قدرتنا على توصيل ماهيتها بكل وضوح للطر فالآخر حتى لا نقع في مطب الافتراضات والتهيؤات ... :)

رحت وجيت ,, يمين وشمال .. بس بعدك ما وصلت لمقصدي :)

[أم غدير]

اقول روحي حذفي مشاركاتك الي خارج الموضوع ...ترا هذا نقاش ما شات:D واخر مره تسوي هذه الفعله:ضحك:


ذكـــرتيني بشي يو قلتي اذية الفعلة بس بسير تو احذف مشاركاتي

ما يسخابصه مسيكين المندوب يقفلوله موضوعه:ضحك:

[الرتـــاج]

كنش فضحتيها شوية:D

اي فضيحه طال عمرك ,, :)

انا خبرتني اختي بأنها اتصلت فيها بأن فيه وظائف معلنه بالجريده وأنا بمصر ,, وطلبت منها تروح تقدملي أوراقي ,, :rolleyes:
بس ما اعرف متى الاختبارات :مفتر:

علامش اليوم أم غدير :(

[المندوب السامي]

رحت وجيت ,, يمين وشمال .. بس بعدك ما وصلت لمقصدي :)
بعدني ؟ :confused:
وأنا تعتب يدي من لكتابه :نطوط:
انزين هاتي ... قولي مره ... كلي أذان صاغيه :confused:

[أم غدير]

اي فضيحه طال عمرك ,, :)

انا خبرتني اختي بأنها اتصلت فيها بأن فيه وظائف معلنه بالجريده وأنا بمصر ,, وطلبت منها تروح تقدملي أوراقي ,, :rolleyes:
بس ما اعرف متى الاختبارات :مفتر:

علامش اليوم أم غدير :(

هـــيه صح:عيار: تذكــرت:عيار:

[إنسان]

ما تشوف برابر:ضحك:

أظني كذاك
:عيار:

[الرتـــاج]

أهم شرط ... مهاره وخبرة كافية في جز الحشائش ... عشان تنسيق الملاعب :ضحك:

عيل أمي ما قصرت يوم شلتني اجز معها حشيش حال الهوووش :ضحك: :ضحك:

خلاص عندي الخبرة ,, كيف شي واسطه من طرفك :D

[الرتـــاج]

بعدني ؟ :confused:
وأنا تعتب يدي من لكتابه :نطوط:
انزين هاتي ... قولي مره ... كلي أذان صاغيه :confused:

بس عيل ما بقول :p

اخاااف تتعب ايدك زيادة :عيار:

:ضحك:

[شرقية]

اي فضيحه طال عمرك ,, :)

انا خبرتني اختي بأنها اتصلت فيها بأن فيه وظائف معلنه بالجريده وأنا بمصر ,, وطلبت منها تروح تقدملي أوراقي ,, :rolleyes:
بس ما اعرف متى الاختبارات :مفتر:

علامش اليوم أم غدير :(

حبيبتي ما اعرف حتى نقوب انا وديت لها اوراقها.. بس خلينا نتابع الجرايد وانشالله خير:)

[اوني عبقري]

دغمتي ما اكبر من دغمتك :عيار: :D

شي مشاكيك صوب السيب :عيار:
..

كان تبغيي الصدق اظنها اكبر :(

[المندوب السامي]

عيل أمي ما قصرت يوم شلتني اجز معها حشيش حال الهوووش :ضحك: :ضحك:

خلاص عندي الخبرة ,, كيف شي واسطه من طرفك :D
ستصلك الواسطه عالخاص :ضحك: ما يستوي نفضح الناس عينك عينك :ضحك:

[الرتـــاج]

حبيبتي ما اعرف حتى نقوب انا وديت لها اوراقها.. بس خلينا نتابع الجرايد وانشالله خير:)

ان شاء الله خير :)

[الرتـــاج]

..

كان تبغيي الصدق اظنها اكبر :(

وأنت من هين تعرف تقول الصدق :عيار: :p

دوكم دغمته :ضحك:

[سَيِّدُ العُشَّاق]

وهذا الموضوع من أجمل ماخطّه قلم المندوب السامي :)

أحسنتَ أخي ، كلما زاد الاحترام زادت العلاقة الطيبة بين الأفراد

وكما تُدين تُدان .. من احترم الناس احترموه ..

سليم العِرض من حذر الجوابا ... ومن دارى الرجال فقد أصابا
ومن هاب الرجـال تهيّبـوه ... ومن يُهـن الرجال فلن يُـهابا

:) :)

[الرتـــاج]

ستصلك الواسطه عالخاص :ضحك: ما يستوي نفضح الناس عينك عينك :ضحك:

ما وصلني شي :عيار:

بدينا نتعير ,,:cool:

[الرتـــاج]

وهذا الموضوع من أجمل ماخطّه قلم المندوب السامي :)

أحسنتَ أخي ، كلما زاد الاحترام زادت العلاقة الطيبة بين الأفراد

وكما تُدين تُدان .. من احترم الناس احترموه ..

سليم العِرض من حذر الجوابا ... ومن دارى الرجال فقد أصابا
ومن هاب الرجـال تهيّبـوه ... ومن يُهـن الرجال فلن يُـهابا

:) :)

هلا عشاشيقو
مزاعلتنك ,, لأنك ما خبرتني ويش حصل معاك لحد الحين :(

[المندوب السامي]

وأنت من هين تعرف تقول الصدق :عيار: :p

دوكم دغمته :ضحك:
أنا مسؤول عن كل لكمه تنكتب فموضوعي :mad:
موه يعني ... دوكم ؟ :confused:
موه يعني ... دغمته ؟ :confused:

[اوني عبقري]

وأنت من هين تعرف تقول الصدق :عيار: :p

دوكم دغمته :ضحك:



على الأقل كبيره ما مصتوه جلد وعظم :mad: :D

[الرتـــاج]

هـــيه صح:عيار: تذكــرت:عيار:

والله متى كان :D

[المندوب السامي]

وهذا الموضوع من أجمل ماخطّه قلم المندوب السامي :)

أحسنتَ أخي ، كلما زاد الاحترام زادت العلاقة الطيبة بين الأفراد

وكما تُدين تُدان .. من احترم الناس احترموه ..

سليم العِرض من حذر الجوابا ... ومن دارى الرجال فقد أصابا
ومن هاب الرجـال تهيّبـوه ... ومن يُهـن الرجال فلن يُـهابا

:) :)
تسلم ياخي سيد العشاق :)
ياخي باغي أطلبك طلب ومستحي منك :o

باغنك تعلمني "العشق" :عيار:

[المندوب السامي]

ما وصلني شي :عيار:

بدينا نتعير ,,:cool:
:عيار: :mad: :confused: :ضحك: :eek:

دقيت دقيت ... ياين عنت يديني
الباب مقفول من داخل :عيار:

[الرتـــاج]

أنا مسؤول عن كل لكمه تنكتب فموضوعي :mad:
موه يعني ... دوكم ؟ :confused:
موه يعني ... دغمته ؟ :confused:

اسأل رعات سداب يعرفوها ويش تعني دغمتك :ضحك:
ودوكم ,, يعني .. ما اعرف افسرها بالعربيه ممكن اقولك معناها بالفرنسي :p

[الرتـــاج]

على الأقل كبيره ما مصتوه جلد وعظم :mad: :D

اهاااا
يعني أخيرا اعترفت دغمتك كبيرة يا الدب :ضحك: :ضحك:

[الرتـــاج]

:عيار: :mad: :confused: :ضحك: :eek:

دقيت دقيت ... ياين عنت يديني
الباب مقفول من داخل :عيار:

غريبه ,, من قفلـه :eek:

مش مقفول توني مستقبله رساله :rolleyes:

بس شكلك تتعير :D

[اوني عبقري]

اهاااا
يعني أخيرا اعترفت دغمتك كبيرة يا الدب :ضحك: :ضحك:


يوم تشوف تشوف شي غنوز :عيار:

ما شاكليت بو عسقه كما يقولوا بعض الناس :D

[سَيِّدُ العُشَّاق]

هلا عشاشيقو
مزاعلتنك ,, لأنك ما خبرتني ويش حصل معاك لحد الحين :(

هلا رتجْ تج .. :D

خلاص أنا خطبت .. باقي شوي على الطيران :D

[سَيِّدُ العُشَّاق]

تسلم ياخي سيد العشاق :)
ياخي باغي أطلبك طلب ومستحي منك :o

باغنك تعلمني "العشق" :عيار:
الله لا يبليك بالعشق .. :عيار:

أحسن لك خلك بعيد عنه مرتاح :D

[الرتـــاج]

يوم تشوف تشوف شي غنوز :عيار:

ما شاكليت بو عسقه كما يقولوا بعض الناس :D

:ضحك: :ضحك:

عيني عاااد ما غزل ,,, كله ذااا حال غنوزك :ضحك: :ضحك:
الله يصرف بليسك يا بو غنوز :ضحك:

[الرتـــاج]

هلا رتجْ تج .. :D

خلاص أنا خطبت .. باقي شوي على الطيران :D

:rolleyes: :( :rolleyes:

[اوني عبقري]

:ضحك: :ضحك:

عيني عاااد ما غزل ,,, كله ذااا حال غنوزك :ضحك: :ضحك:
الله يصرف بليسك يا بو غنوز :ضحك:


كل واحد وحر بغنوزو :عيار: :D

[المندوب السامي]

غريبه ,, من قفلـه :eek:

مش مقفول توني مستقبله رساله :rolleyes:

بس شكلك تتعير :D

:عيار: :عيار:
:عيار: :عيار: :عيار:
:عيار: :عيار:

[قاهرالظلام]

الاحترام يكسب بالمواقف ولا يستجدى بما نملك من مبررات ذاتيه
إجعلني أحترمك بدل أن تطلب مني احترامك

بدون الرجوع الى خلفيات الموضوع الذي اشرت اليه ..
اتفق معك فيما قلته (قلباً) و (قالباً) .. !!!:cool:
(بالمواقف) يعرف ( الرجال) .. ويعرف (العدو) من (الصديق) .. و(الضغين) من (الحبيب)
والاهم من ذلك
يظهر المعنى الحقيقي

للإحترام
:)

تحياتي:cool:

[السراب*]

السلام عليكم ...:)
مو حالكم ولادي بخير ؟؟:عيار:

[جنية الصراني]

والسؤال ... من يستحق الاجترام ؟

متعمد ؟:عيار:

[المندوب السامي]

السلام عليكم ...:)
مو حالكم ولادي بخير ؟؟:عيار:
مرحبا ... قرب :confused:

[السراب*]

مرحبا ... قرب :confused:
مالك !!:عيار:
في الحقيقة هنا في السبلة انا لا اناقش الاشخاص بل أناقش فكرهم و بالتالي أنا أحترم فكرهم و ثقافتهم .:) .

[المندوب السامي]

والسؤال ... من يستحق الاجترام ؟

متعمد ؟:عيار:
هاعه والله ما متعمد ... :عيار:

[المندوب السامي]

مالك !!:عيار:
في الحقيقة هنا في السبلة انا لا اناقش الاشخاص بل أناقش فكرهم و بالتالي أنا أحترم فكرهم و ثقافتهم .:) .
ما عجبتني هالكلمه ... :عيار:

[جنية الصراني]

هاعه والله ما متعمد ... :عيار:

أشـــــ:عيار: ـك في كلامك :عيار:

[المندوب السامي]

الاحترام يكسب بالمواقف ولا يستجدى بما نملك من مبررات ذاتيه
إجعلني أحترمك بدل أن تطلب مني احترامك

بدون الرجوع الى خلفيات الموضوع الذي اشرت اليه ..
اتفق معك فيما قلته (قلباً) و (قالباً) .. !!!:cool:
(بالمواقف) يعرف ( الرجال) .. ويعرف (العدو) من (الصديق) .. و(الضغين) من (الحبيب)
والاهم من ذلك
يظهر المعنى الحقيقي

للإحترام
:)

تحياتي:cool:
تسلم يا قاهر الظلام ... وإن شاء الله تدوم المحبة والتواصل :)

[السراب*]

ما عجبتني هالكلمه ... :عيار:
تو نته صف كم باه ؟؟ مالك ولدي ك اك ما تفهم :p

[السراب*]

أشـــــ:عيار: ـك في كلامك :عيار:
تو أنتيه من هين جبتي كلمة صراني هاذي ؟؟:mad:

[المندوب السامي]

أشـــــ:عيار: ـك في كلامك :عيار:
يعني شوه ؟ :mad:

أقوم أقطع ملابسي ... ولا أنتف شعري ... عشان تصدقيني ؟ :mad:

قلنالش ما متعمد وحلفنا بعد ... المفروض ما أحف ... :عيار:

[المندوب السامي]

تو نته صف كم باه ؟؟ مالك ولدي ك اك ما تفهم :p
شي بيني وبينك ... موه جاي تركضبه هنا قدام الناس ؟ :mad:
أما انك مفضوح ... :D

[السراب*]

شي بيني وبينك ... موه جاي تركضبه هنا قدام الناس ؟ :mad:
أما انك مفضوح ... :D
الله يهديك خبصتني :عيار:
مو مستوي تو ؟؟:confused:

[جنية الصراني]

يعني شوه ؟ :mad:

أقوم أقطع ملابسي ... ولا أنتف شعري ... عشان تصدقيني ؟ :mad:

قلنالش ما متعمد وحلفنا بعد ... المفروض ما أحف ... :عيار:
:ضحك: :ضحك: :ضحك:

[المندوب السامي]

الله يهديك خبصتني :عيار:
مو مستوي تو ؟؟:confused:
الـ ك اك ... :نطوط:

[السراب*]

الـ ك اك ... :نطوط:
حلوه لاه :ضحك:
أقولك مو أستوى على صاحبنا ق ترا من امس ما شفته بعد ... لا يكون صحيح معصب :معصب: ؟؟

[الرتـــاج]

كل واحد وحر بغنوزو :عيار: :D

ذكرتني بأغنيه كنا نغنيها لما نلعب ,,, بس بالمصري :ضحك:

غنزي وأنا حرة فيه أفرده ,, أعويه ,, ان شاء الله الويه :ضحك: :ضحك:

بدل غنزي كانت بوئي وأنا حرة فيه ,, :D

[السراب*]

ذكرتني بأغنيه كنا نغنيها لما نلعب ,,, بس بالمصري :ضحك:

غنزي وأنا حرة فيه أفرده ,, أعويه ,, ان شاء الله الويه :ضحك: :ضحك:

بدل غنزي كانت بوئي وأنا حرة فيه ,, :D
:ضحك:

[الرتـــاج]

:عيار: :عيار:
:عيار: :عيار: :عيار:
:عيار: :عيار:

:D :p :D

[الرتـــاج]

:ضحك:

الله لا يحرمنا من هالضحكة :p

[السراب*]

الله لا يحرمنا من هالضحكة :p
دوش انزين هديه :p :p :p
:p :p
:p

[المندوب السامي]

:ضحك: :ضحك: :ضحك:
الجن غير :eek: ... حتى ضحكهم عجب :confused:

[جنية الصراني]

الجن غير :eek: ... حتى ضحكهم عجب :confused:
لا والله :عيار:

[كوابيس]

احترام الاخرين أو احترام الفكر الاخر هذا للاسف نفتقده من بعض الاعضاء
وليس الكل ... ولكن احترام الشخص لذاته يجعله يفرض
احترامه بين الناس وذلك باحترامه لنفسه ...:)


تسلم يا صاحب الاربع على هذا الموضوع
والسبلة في حاجه له في هذه الفترة ...:)

[المندوب السامي]

حلوه لاه :ضحك:
أقولك مو أستوى على صاحبنا ق ترا من امس ما شفته بعد ... لا يكون صحيح معصب :معصب: ؟؟
وحدي ميلي خص :confused:
سير نقشه وحدك ... تو راقد بيكون :عيار:

[المندوب السامي]

احترام الاخرين أو احترام الفكر الاخر هذا للاسف نفتقده من بعض الاعضاء
وليس الكل ... ولكن احترام الشخص لذاته يجعله يفرض
احترامه بين الناس وذلك باحترامه لنفسه ...:)


تسلم يا صاحب الاربع على هذا الموضوع
والسبلة في حاجه له في هذه الفترة ...:)
أما أمس تذكرتك ... وعزيتك :بلابلا:

كانت الحوارات أشبه بالـ "كوابيس" :D

[كوابيس]

أما أمس تذكرتك ... وعزيتك :بلابلا:

كانت الحوارات أشبه بالـ "كوابيس" :D


الله يخليك ... ترى لازم اريد اودعكم ولازم نترككم مع بعض الكوابيس :D :ضحك: :D

[المندوب السامي]

دوش انزين هديه :p :p
:p
يا سراب ...
بصراحه أن خائف عليك من "الرتاج"
ما منها أمان البر ... ول إنها تساير شويه ولو إنه الموضوع موضوع "الاحترام" ،
لكن تجيها أوقات تضرببه عرض الحائط :mad: ... ما كذاك الرتاج ؟ :عيار:
الله لا راواك شكلها يوم تعصب ... :معصب: نيران يلبق وجهها :معصب: ... يطلع منه ثرمو-رادييشن (اشعاع حراري)
:معصب:
عن تصير معك قصة "محترم" وصاحبه :نطوط: ... يوم يجي محترم ساله موه استوى ؟ :ضحك:

[االضباب]

صباح الخير ...

الشقي شقي وبيظل طول عمره شقي ... :عيار: ما يهجينا عن الترويح ، حتى لو على سرير الموت :)

عسى هالمره تكون الضربه خفيفه ...

العنوان ... كما هو معلن (فوق)
الموضوع ... هو الاحترام
والهدف ... هو احترام الناس بعضهم البعض من خلال تعاملاتهم اليومية
ونقاط الحوار ... الاحترام ومصدره وتجسده ووسائله
والسؤال ... من يستحق الاحترام ؟

محاور يمكننا أن نتداولها بالنقاش إن شئتم ... وإلا فلنجعل الموضوع أشبه برسالة مني للجميع

طبعا ... لنكن واقعيين ... وهكذا أنا دائما واقعي بعيد عن التزلف أو المكابره (لا متزلف ولا مكابر) ... لم آتي بهذه الفكرة من فراغ ، ولكن من خلال ما لمسته ولمسه العديدين من رواد السبلة عن كيفية تعاطي البعض مع موضوع إحترام الآخر ... والخلط بين احترام الآخر لشخصه واحترامه لمواقفه ، وكان أقرب مثال إلينا جميعا هم ما تم من خلال الحوارات الساخنة التي شملها الموضوع الذي تم غلقه بالأمس ، وأنا هنا لا أعترض على الغلق ، لأن الموضوع قد وصل لنهايته وأدى الغرض منه وبدأ يتشعب لأمور ليست بذات أهميه لدى الكثيرين كطبيعة أي موضوع من هذا الشكل وخصوصا حينما يطرح بذلك الاسلوب السلس والبسيط البعيد عن التكلف والرتابه.

في الآخر أقول لكل من اعتقد أنني لم أحترمه أو أنني اغلظت عليه بعض الشيء في ردودي بأني لا أحترم الأشخاص لذاتهم ولا لحسبهم ولا نسبهم ولا جاههم ولا دينهم ولا جنسهم ... فكلها وسائل استجداء للاحترام ... وفي قناعاتي ...

الاحترام يكسب بالمواقف ولا يستجدى بما نملك من مبررات ذاتيه

إجعلني أحترمك بدل أن تطلب مني احترامك

GAIN RESPECT, DON'T DEMAND IT :)

دمتم جميعا ولكم كل الاحترام ... :)


بعض الاشقياء تحصلهم في السجــن ....:عيار:

[المندوب السامي]

الله يخليك ... ترى لازم اريد اودعكم ولازم نترككم مع بعض الكوابيس :D :ضحك: :D
مالهم الخلق ؟ :confused: كلهم باغين يسيروا ؟ :confused: مو مستوي في الدنيا ؟ :confused:

هذا سيؤدي إلى اختلال في أداء السبلة إن لم نوجد البديل الكفؤ وفي الوقت المناسب :عيار:

نداء إلى الإداره ..
مع جزيل "الاحترام"يرجى طرح الإعلان التالي ...
توجد في الترويح عضويات مميزة ومتميزة شاغرة ، فعلى من يرى في نفسه تميزا فليتقدم
(على قدام يعني ما على جانب ولا على ورا):ضحك: :ضحك:

[المندوب السامي]

بعض الاشقياء تحصلهم في السجــن ....:عيار:
وأنا مثلهم ... على فكره الكل في سجن ..
أنا مثلا أعيش في سجن ... ولكن من نوع آخر :confused:

أنا سجين الفكر ، وسجين المبادئ ...
يلين تو مكمل 40 سنه :eek: ، ما عرفه كم باقي ؟ :confused:
جيبولنا مندي يوم الجمعه ... تعبنا من الدال والبطاطس ... :ضحك:

[االضباب]

صباح الخير ...

الشقي شقي وبيظل طول عمره شقي ... :عيار: ما يهجينا عن الترويح ، حتى لو على سرير الموت :)

عسى هالمره تكون الضربه خفيفه ...

العنوان ... كما هو معلن (فوق)
الموضوع ... هو الاحترام
والهدف ... هو احترام الناس بعضهم البعض من خلال تعاملاتهم اليومية
ونقاط الحوار ... الاحترام ومصدره وتجسده ووسائله
والسؤال ... من يستحق الاحترام ؟

محاور يمكننا أن نتداولها بالنقاش إن شئتم ... وإلا فلنجعل الموضوع أشبه برسالة مني للجميع

طبعا ... لنكن واقعيين ... وهكذا أنا دائما واقعي بعيد عن التزلف أو المكابره (لا متزلف ولا مكابر) ... لم آتي بهذه الفكرة من فراغ ، ولكن من خلال ما لمسته ولمسه العديدين من رواد السبلة عن كيفية تعاطي البعض مع موضوع إحترام الآخر ... والخلط بين احترام الآخر لشخصه واحترامه لمواقفه ، وكان أقرب مثال إلينا جميعا هم ما تم من خلال الحوارات الساخنة التي شملها الموضوع الذي تم غلقه بالأمس ، وأنا هنا لا أعترض على الغلق ، لأن الموضوع قد وصل لنهايته وأدى الغرض منه وبدأ يتشعب لأمور ليست بذات أهميه لدى الكثيرين كطبيعة أي موضوع من هذا الشكل وخصوصا حينما يطرح بذلك الاسلوب السلس والبسيط البعيد عن التكلف والرتابه.

في الآخر أقول لكل من اعتقد أنني لم أحترمه أو أنني اغلظت عليه بعض الشيء في ردودي بأني لا أحترم الأشخاص لذاتهم ولا لحسبهم ولا نسبهم ولا جاههم ولا دينهم ولا جنسهم ... فكلها وسائل استجداء للاحترام ... وفي قناعاتي ...

الاحترام يكسب بالمواقف ولا يستجدى بما نملك من مبررات ذاتيه

إجعلني أحترمك بدل أن تطلب مني احترامك

GAIN RESPECT, DON'T DEMAND IT :)

دمتم جميعا ولكم كل الاحترام ... :)

مــوضوع طيبـــه وتشــكر عليـــه...

[المندوب السامي]

مــوضوع طيبـــه وتشــكر عليـــه...
إيييييهاااااااه :نطوط:

طيبـه ؟ كيف كذاك صاحبي ؟ :confused:

[المندوب السامي]

بسكم واموه ؟ :)

كأنه ما حد عنده كلام واجد عن
الإحترام

:) :D :ضحك: :D :)
:عيار: :عيار: :عيار: :عيار:

[السراب*]

بسكم واموه ؟ :)

كأنه ما حد عنده كلام واجد عن
الإحترام

:) :D :ضحك: :D :)
:عيار: :عيار: :عيار: :عيار:
يوم كتبت قتلي ما عاجبنك الكلام :mad:

[المندوب السامي]

يوم كتبت قتلي ما عاجبنك الكلام :mad:
يعني ، يا إما كذا ... ولا كذا ... ؟ :confused:
يعني ، ولا العصا ... ولا اشربي ... ؟ :mad:

صاه واجد كلام حلو وزين وغاوي قيل في "الاحترام"
لكن من يعرفه ؟ هنا المشكله :D

[السراب*]

وحدي ميلي خص :confused:
سير نقشه وحدك ... تو راقد بيكون :عيار:
من بادي يسأل عن ..:عيار: .. ؟؟
كلها المشاكل من منقع راسك و تقول مايلك خص :mad: