قبس2000
21/03/2006, 01:59 AM
موضوعي يتعلق بالرياضه أول شي انا بتكلم بصيغه رياضي بسيط ولاني رياضي او محب للرياضه ومتعصب لبلدي رغم اني حاليا ما اعرف كثير عن وضع رياضتنا العمانيه بس اخرف شوي دورينا ضعيف على قوله البعض ليش انجبنا لاعبين ليين الحين المنتخبات الخليجيه مو قادره تجيب مثلهم وتحلم تجيب مثلهم أمثال الحبسي وعماد وغيره وغيره وغيره والعجمي في الطريق لو دورينا ضعيف من وين أتوا الاسماء الي ذكرتها والي ما ذكرتها وصعب احصيها زمان في الثمانينات ما كان فيه دش وغيره كان فيه قناه ارضيه وحده واهي عمان وكنا نشوف الاخبار الرياضيه كل مساء ومنافسه انديه السلطنه مثل الاهلي والنصر وغيرها واذكر كنا نروح سوق مطرح وكان ايام زمان نلبس (جوتي ماردونا) حذاء مردونا وفانيله لونها اصفر للسويق وكان اذكر مكتوب عليها السويق من ورا لا كان فيه دوري اماراتي ولا قطري يا دوب كنا نعرف نادي الوصل شويه مو واجد كنا نتكلم بس عن الاهلي او عن النصر او عن انديه اخرى عمانيه بحته ولاعبين عمانيين وما نعرف غيرهم ومرتاحيين انه ما نعرف غيرهم ومستمتعيين وصلنا للنقطه الاولى الاعلام تغير والقناه الارضيه اختفت بس ظلت هناك مشكله وجود قناه ارضيه رياضيه بس تجي بالاريل وهالايام موجود الدش وقناه دبي الرياضيه والكأس القطريه يعني ما فيه قناه رياضيه عمانيه مشكله اولى صعب نرجع لاريل , دخلنا السبله قلت ياأخي منبر حلو أدخل لاني صرت متعصب عماني او عماني يموت في منتخبنا وأنديتنا شفت أعضاء عماااييين ما عندهم مواضيع غير عن دوري الامارات ودوري قطر ويالله احد يسولف عن الدوري العماني لا وبعد متعصبين قالك العين والريان وين راح نادي ظفار ولا مسقط (روي والبستان سابقا) اها وصلنا للمشكله والحل (الاريل )نرجعه ونرجع تاريخ الدوري العماني ومرات أشوف أعضاء وصلت مشاراكتهم مواصل وارقام خياليه ومواضيعهم كلها رد على الدوري الخليجي الفلاني وغيره قلت ليش ما احمل حبي لعمان وادخل منتديات او منتدى معروف واشارك فيه واثري الساحه العمانيه مثل ما اشوف في السبله اكثر المواضيع الي النقاش يدور حوليها الدوري الاماراتي والقطري وانا من ضمن القائمه تمشي وراهم لاني والظاهر اني بعد اخرف عادي خلونا نمشي في التخاريف دورينا (عوين ضعيف ) من وين جاء عماد الحوسني من وين الحبسي هاشم صالح وغيرهم من دورينا وراحوا وانجحوا الدوريات الي السوالف عليها دايره , عمان فيها الخير ليش الشركات والقطاع الخاص ما يساهم كل الاعتماد فقط على الحكومه ليش ما تتبرع الشركات الكبار وتساعد في أطلاق قناه جديده بتقولوا انت تخرف واجد من وين بتنجح وانا المخرف أقول يكفي التشات فيه قناه دبي ولا قناه الكأس وغيرهم والي معظم المشاركين عمانيين ما بتنجح القناه لا تقولوا ما فيه ملاعب والي يتكلم كلام غير منطقي ويقول انه مافيه كراسي في عز مولانا والحمد لله في كل منطقه مجمع شبابي مجهز تجهيز جيد هاذ ما كفايه والحمد لله وزاره معنيه للرياضه يعني اي مستثمر عماني ممكن يخاطب الوزاره وتنسيق مع وزاره الاعلام ويفتح قناه خاصه للرياضه ويرعى الدوري العماني أعذروني كلامي كلام مخرف بس الرياضه العمانيه بخير وينقصها دعمنا احنا المقصريين احنا الجمهور الي نركض ورا دوري غيرنا وكله من (الدش) ولا الدوري الي نشوفه اضعف من دورينا والحكم (منتخبنا الوطني ولاعبينا المحترفيين) ولا قادر لا دوري قطري الي يعتمد على النجوم العجائز ومحترفينا العمايين ولا الدوري الاماراتي الي كله (دش) وشكرا