وليد العامري
20/03/2006, 02:54 PM
( يا دنيا )
يا دنيا بالوعد أكثر دموعي تنشد الأحوال
ويا دهر الوفا بالله شـ اللّي غيّر سنيني
ترى ما عادت الكلمة من شفاهي ترد الحال
ولا صار الشعر مني مثل أول عهدتيني
ولا صارت مراكب غربتي تتحمل الأهوال
إذا هبت رياح(ن) عاتية بالله تشقيني
يا دنيا بالحزن دمعي نزل كالدافق السيّال
روى سيله صحاري قاحلة ما أنبتت فيني
حزن واجتاحني لآخر شعوري والمدى تمثال
أصور بعض إحساسي جماد وقمت ابكيني
أصور رحلة المنفى ولبس الكفن والأحمال
أصور لا شبرت اللحد والأوجاع تشريني
يا أبوي ورحلتك عني ولبس الأسود القتّال
وطهر أمي على فرقاك ما نامت نظر عيني
وشوك سهّد عيوني بعد ما قطع الأوصال
غدى يسمل ويدمي ها المقل والآه تكويني
(يا أبويه ) واضمحلت عبرتي وانهارت الأطلال
وشابت فيني شهور الفراق بهم ترويني
(ثلاث ) شهور يا أبويه تموّت جملة الآمال
(ثلاث) شهور في غربتك والغربة تناديني
تنادي الاه في آخر ضميري لين ما تنشال
على إن التجلد حكمتي من بادي سنيني
وكيف اصبر وأنا دمعي غدى يروي سراب اللال
وكيف أسلى مدامنه غدى منديله يديني
يا دنيا خففي وطئك على حالي وأنا رجال
وكيف أتحملك ما ادري! وجيش الهمّ يكفيني
مدامني نويت استوعبك مغزى وقلتي قال
أنا لك صابر مبلي على غمي وشوفيني
يا دنيا يا سلام الله على قبر الوفا وإجلال
يا أبوي ورحمة المولى تحفك قلت آميني
قبل لا أنسى سلام أمي عليك وخالتي والخال
ومني يا ضنا دمعي سلام فاح من عيني
وليد العامري
يا دنيا بالوعد أكثر دموعي تنشد الأحوال
ويا دهر الوفا بالله شـ اللّي غيّر سنيني
ترى ما عادت الكلمة من شفاهي ترد الحال
ولا صار الشعر مني مثل أول عهدتيني
ولا صارت مراكب غربتي تتحمل الأهوال
إذا هبت رياح(ن) عاتية بالله تشقيني
يا دنيا بالحزن دمعي نزل كالدافق السيّال
روى سيله صحاري قاحلة ما أنبتت فيني
حزن واجتاحني لآخر شعوري والمدى تمثال
أصور بعض إحساسي جماد وقمت ابكيني
أصور رحلة المنفى ولبس الكفن والأحمال
أصور لا شبرت اللحد والأوجاع تشريني
يا أبوي ورحلتك عني ولبس الأسود القتّال
وطهر أمي على فرقاك ما نامت نظر عيني
وشوك سهّد عيوني بعد ما قطع الأوصال
غدى يسمل ويدمي ها المقل والآه تكويني
(يا أبويه ) واضمحلت عبرتي وانهارت الأطلال
وشابت فيني شهور الفراق بهم ترويني
(ثلاث ) شهور يا أبويه تموّت جملة الآمال
(ثلاث) شهور في غربتك والغربة تناديني
تنادي الاه في آخر ضميري لين ما تنشال
على إن التجلد حكمتي من بادي سنيني
وكيف اصبر وأنا دمعي غدى يروي سراب اللال
وكيف أسلى مدامنه غدى منديله يديني
يا دنيا خففي وطئك على حالي وأنا رجال
وكيف أتحملك ما ادري! وجيش الهمّ يكفيني
مدامني نويت استوعبك مغزى وقلتي قال
أنا لك صابر مبلي على غمي وشوفيني
يا دنيا يا سلام الله على قبر الوفا وإجلال
يا أبوي ورحمة المولى تحفك قلت آميني
قبل لا أنسى سلام أمي عليك وخالتي والخال
ومني يا ضنا دمعي سلام فاح من عيني
وليد العامري