شقاوووي
24/12/2005, 04:10 PM
ألا يا ليت بوقت مقفي بالرجا يعود
وينتشل ياللي تركهم بالوطن الأغراب
يرجع يبني جدار وسياج مهدود
ويمسح عن عيونهم بقايا أحلام وتراب
يرجع يرتب بعثرة زمن مشهود
ويبعثر تفاصيل وجوه تتشبه بالأحباب
لا إحساسه طري ولا هو بعد محسود
ياللي تقفلت بوجهه خضار دروب وأبواب
ولا هو سعيد ولا هو بعد مسعود
ذاك المنتفض من نومه يرتعد بليا اسباب
في خاطره تعصف همومه بروق ورعود
تهطل سما جروحه ويحتمي بضم الأهداب
يصرخ وينكم ناسي؟ وينكم أنا منكم معدود !!
وينكم بني عمي .. بني دمي .. وينكم يا الأنساب
يصرخ المسكين .. وما غيره صداه ردود
لا تصرخ ترى يحسبونك يا المسكين كذاب
يحسبونك غايب .. يحسبونك بينهم مفقود
ويحسبونك جرحهم يا اللي للحين ما طاب
.
.
أبو الياس اليحيائي
.
.
وينتشل ياللي تركهم بالوطن الأغراب
يرجع يبني جدار وسياج مهدود
ويمسح عن عيونهم بقايا أحلام وتراب
يرجع يرتب بعثرة زمن مشهود
ويبعثر تفاصيل وجوه تتشبه بالأحباب
لا إحساسه طري ولا هو بعد محسود
ياللي تقفلت بوجهه خضار دروب وأبواب
ولا هو سعيد ولا هو بعد مسعود
ذاك المنتفض من نومه يرتعد بليا اسباب
في خاطره تعصف همومه بروق ورعود
تهطل سما جروحه ويحتمي بضم الأهداب
يصرخ وينكم ناسي؟ وينكم أنا منكم معدود !!
وينكم بني عمي .. بني دمي .. وينكم يا الأنساب
يصرخ المسكين .. وما غيره صداه ردود
لا تصرخ ترى يحسبونك يا المسكين كذاب
يحسبونك غايب .. يحسبونك بينهم مفقود
ويحسبونك جرحهم يا اللي للحين ما طاب
.
.
أبو الياس اليحيائي
.
.