أتعلمين ! ... أي حـزن يبعـث المطر؟؟

[Star_Girl's]

للكاتبه: GuNs N' RoSeS


الجزء الأول

في حين كانت هي توشك على الاقلاع هابطه من ذلك الدرج بسرعه الصاروخ ,
كان هو مستلقيا يقرأ آخر الأخبار الرياضيه بانهماك ملحووظ ..
هو الذي لا يعرف من الرياضيه الا المشي والجري ربــما ..
بدون سابق انذار ..
اصبح مولعا باخر مستجدات اخبار المنتخبات العالميه بكره القدم والسله ايضــا .. !!
" السلام عليكم " قالتها بانفعال .. اطفئه بـروده وصمـته ,,
اطالت النظر اليه في انتظار الرد ..
همس اخيرا " وعليكم " ,, فمــا كان منها الا ان تتمتم كالمعتاد "
حسبت اني داشه على يهود بالاول ! " ..
لم يبادر الى اصدار اي رد فعل .. سوى التنقل بين اروقه تلك المطبوعه المشئومه !!

جلست لدقائق معدوده .. آمـله ان تسترعى اهتمامه ,, لكن دون جدوى
فصارت تبحث عن جهاز التحكم عن بعد *بالتلفاز* ..
وحين عثرت عليه , جلست بعفويه مصطنعه فوف قدميه المسندتان على تلك الاريكه ..
" اووبس .. تصدق ما انتبهت ..سوري " ولم تنه تلو تبريراتها ..
لانها ايقنت بأن لا فائده من الاستغراق في ذلك .

اعتدل هو جالسا بهدوء ولم يبدو عليه اى مظهر من مظاهر الجزع ..
على العكس تماما ..
كان كمن توقع تلك الزياره اللطيفه على ساقيه !!
ويــالـ الهول .. قد انتقل الي صفحه المقالات السياسيه البحته ..
ربما كان منهمكا بحق هذه المره .. ؟

" اوف .. ويقول يحبني بعد !! شالحب اللي كله حقران " نطقت هذه الكلمات ..
ثم رمت جهاز التحكم بغضب شديد .. وهرعت هاربه الي غرفتهما او بالاحرى غرفتها ..

اخفى هو ابتسامته عنها باوراق تلك الصحيفه ..
وقال حين تأكد من عدم وصول صوته اليها " انا مـا أحبج .. انا اتنفس هـواج "

رمى المشئومه .. وتناول مفاتيحه , علبه السجائر والمحفظه ..
ليخرج وقد علت وجهه ابتسامه متغطرسه سابقه لعهدها ..

في ذلك المنزل الواسع يقبعان . .
يملأهما عنفوان الشباب , براءه الطفوله , وربما حكمه التجارب ايضا !

ماسبق ليس مشهداً من فيلم سينمائي مغمور ..
او من مسرحيه تراجيديه هزليه ..
انما هو واقع .. عاشه كلاهما .. نعم هما .. عبدالرحمن وساره

~~~~~~~~

بعد ساعات قليله .. في غرفتها .. كانت تجهش بالبكاء وتحاول الاتصال باحدى صديقاتها ..
ساره : بمووت ياهديل بمووت
هديل (وقد حل الرعب محل الدم في اوردتها) : شفيج .. شصاير !!
ساره : بيذبحني ..
هديل : منوو .. هدي شوي وفهميني .. شصاير لج ..
ساره : عبدالرحمن ..
هديل : طقج !!
ساره : لا
هديل : طلقج ؟؟
ساره : لا
هديل : ها عيل شفيه .. شسوالج ؟
ساره : يستفزني .. يعذبني
هديل : .........
ساره : تعبت معاه .. والله تعبت ..
هديل : تبين الصج وبدون زعل .. انتي تعبتيه من قبل وطلعتي روحه بعد
ساره : بس انا ماذليته مثل ماقاعد يذلني
هديل : شلون ذلج ؟!؟
وراحت ساره تسرد عليها تفاصيل الموقف . .
هديل : الحين هذا اللي صار .. والله حسبته مسوي شي جايد
ساره : ليش .. شنو تبينه يسوي اكثر من جذي
هديل : لا ولا شي .. سلامه راسج
ساره : هديل , ادق عليج بعدين.. صوت سياره الظاهر انه رجع ..
هديل : المهم انتي هدي اعصابج عن التنرفز والعصبيه
ساره : بحاول.. مع السلامه
هديل : مع السلامه

~~~~~~~~

[Star_Girl's]

كانت محقه بهذا الصدد .. فقد كان ذاك صوت محرك *سيارته*

عبدالرحمن : مساء الخير
ردت بصوت مبحوح : مساء النور ..
حين سمع صوتها الذي انهكه البكاء .. ولمح عيناها اللتان بدت عليهما ملامح النوح واضحه
*وقد حاولت جاهده اخفاء وجهها عنه*
شعر بالسوء .. والندم ايضا ! لانها كان سبب انهمار تلك الدموع ..
لكنه لم يظهر تعاطفه .. وقال ببرود يسوده البلاهه : شفيج .. مريضه ؟؟
ردت بحسره : اي .. مريضه .. مريضه
عبدالرحمن : وليش مارحتي المستوصف ؟
ساره : اذا ماتحسنت .. بروح باجر
عبدالرحمن : على فكره .. مرت رفيجي فواز ولدت ويابت بنت
ساره : ......... مبروك
عبدالرحمن( بصوت منفعل) : تباركين لي انا .. !؟
ساره ( وقد اوشكت دموعها على الإنهمار ) : طيب .. شنو المطلوب الحين
عبدالرحمن : تروحين لها المستشفى وتاخذين لها هديه سنعه
ساره : بس انا مريضه ماقدر
عبدالرحمن : كلها نص ساعه ماراح تموتين ..
ساره (بخضوع لم يعهده احد من قبل ) : انشالله ..
عبدالرحمن : انا بروح انام بغرفتي .. تصبحين على خير
ساره : وانت من اهله ..

في حقيقه الامر قد بدأت احداث تلك القصه .. قبل هذه الليله بسنوات عديده ..
منذ نعوومه اظافرهما كانا كالتوأم رغم انها يكبرها باربع اعوام
..
الا انها كانت مدللته وتؤام روحه .. عشقها بجنون طوال حياته
واعتزت به كأخ رابع لها .. لا غير .. فلم تكن معزته تزيد عن معزه اخوتها بذره ..
ربما نقصت .. ولكنها مؤكدا لم تزد !
دار هذا الحوار بينمها حين كانت هي في ربيعها الثامن .. بينما هو
كان قد بلغ الثانيه عشر خريفا ..
ساره ( الصغيره ) : ولهت على امي وايد .. ابي اروح لها
عبدالرحمن : وين بتروحين لها ؟
ساره : ابوي يقول انها بالجنه ..
عبدالرحمن : انزين ليش بتروحين لها .. ؟
ساره : ابي اشوفها واقولها عن المدرسه ورفيجاتي ..
عبدالرحمن : لعبي معاى انا
ساره : انت مو امي ..
صمت عبدالرحمن
دانه : ساره انا كل يوم العب معاج .. شلون تروحين وتخليني بروحي ؟
و دانه هي شقيقه عبدالرحمن ,, تصغره بعامين

قد توفت والده ساره من جراء انتشار مرض السرطان في جسدها الضعيف
.. فتيتم كل من عبدالله , سعود , احمد وساره

كانت ساره تبلغ من العمر 7 اعوام ائنذاك وبطبيعه الحال ..
اصبحت شديده التعلق باشقائها الثلاثه . .
عبدالله الذي يكبرها بـ اثنى عشر عاما .. يليه التؤامان ..سعود واحمد
الذان يكبرنها بـ خمس اعوام ويصغران عبدالله بـ سبعة اعوام ..

اغدق عليها اخوتها بالحنان والعطف .. بالامومه والابوه ايضا
لم يشاؤوا ان تشعر شقيتهم بذلك الإحساس المخيف..المقزز الذي تملك قلوبهم ..
ارادوا ببساطه ان يبعدوها عن البرد العاصف الذي احكم قبضته على انفاسهم .. بكل طريقه ممكنه !

اما والدهم " ابو عبدالله " .. فلم يكن بالأب العطووف الذي يلعب الدور الاكبر في حياة فتاته الصغيره ..
في ظل تلك القصص الرومانسيه الجميله ..
قد سلبته الحياه المشاعر التي ولد يحملها .. هو رجل مكافح .. عصامي
تعذب في سبيل وصوله لما سعيّ اليه .. على عكس شقيقه الاكبر " ابو عبدالعزيز" ..
والد عبدالعزيز , دلال , عبدالرحمن و دانه
الذي جنى على اخاه حين كانا في ريعان الشباب ..
ولكن الدهر كان كفيلا بان يمسح مابنته الاطماع من احقاد بينهما ..

اثناء صراع " ام عبدالله " مع المرض .. انتقلت عائله "ابو عبدالعزيز" لتقطن في البيت المجاور تماما لبيت اخاه ..
وذلك ليصبح الاطفال تحت قدر اكبر من الرعايه والاهتمام ..
ترعرعوا سويه في ظل مشاكسات احمد وسعود وعبدالعزيز ,,
وهدوء عبدالله ودلال ,, وبراءه دانه وساره وعبدالرحمن ..
خاضوا الكثير من "المغامرات الممتعه " كما يحبون ان يطلقوا عليها ..

اليوم وقد مر اكثر من اربع عشرة عام على وفاه "ام عبدالله " ..
بعض تلك السنوات ملأتها الافراح , بعضها ملأه الالم والحزن .
وبعضها الحسره !
تعلموا ان يجتازوا عقباتهم المره والحلوه .. او حتى المالحه ..
يدا بيد
كشخص واحد .. لايمكن ان يكون اكثر اخلاصا لغير نفسه !
نشأت بينهم تلك الرابطه السحريه التي يسعى اليها الكثيرون ..
تلك التي تدعى " غير قابله للكسر "
باعتقادي .. في عهدنا هذا .. كل شي اصبح قابل للكسر

[Star_Girl's]

الجزء الثاني

قبل اعوام *ليست بالكثيره* .. انتهت ساره دراستها الثانويه لتلتحق بالجامعه وتبدأ حياه جديده ومختلفه كليا ,,
اقبلت على تلك المرحله بكل عزم واصرار .. واذا باصراراها يتحطم وعزمها يتلاشى ..
امام ذلك الفاتن , المدعو بــ خالد

في اروقه الجامعه التقت زميلتها اثناء الثانويه هديل لتزداد
ارتباطا بها وتعرفت الاثنتان على آخرى ..
نوره فتتطورت علاقتها بهما لتعوض عن صداقات زالت منذ حفل التخرج .. !
هل اصبحت العلاقات الانسانيه سريعه الازاله في زمننا هذا ( تساؤل شخصي )

ساره : وااااااي .. شفتوا شلون يتكلم بالمحاضره
هديل : لا سمعنا ..
ساره : حده مو وقتها ملاقتج
نوره : انتي قاعده تتحجين عن شنو بالضبط ؟ ؟
ساره : واحد
نوره : ادري انه واحد .. بس اي واحد ؟
ساره : اعتقد اسمه خالد
هديل : خبري فيج ماتحبين هالسوالف المكسره
ساره : ليش انا شقلت !
هديل : لو تعرفين بيتهم جان خطبتيه .. صار لج اسبوع ماتتكلمين الا عنه
ساره : كلها امس واليوم ..
هديل : اي صح
ساره : قوموا قوموا .. كاهو دش الكفتيريا .. ماقدر اقعد .. احس قلبي بيوقف ..
نوره ( باستهزاء ) : اسم الله على قلبج يالرقيقه ..

مرت ايام وهي على هذه الحاله , ماذا تسمى ياترى ؟؟
الحب من طرف واحد ؟
الاعجاب من طرف واحد ؟
ام هي الجنون من طرف واحد ؟


لاحقا .. في نفس المكان *تقنيا*

يوسف : طالع هذي لا تطوفك
خالد : منو ؟
يوسف : وحده تطالعنا ..و مستحيه مادري شسالفتها .. صار لها ساعه تقلب بعيونها .. بس تصدق * قطعه *
خالد ( بضحكه بارده جدا ) : يمكن معجبه فيك
يوسف : ها ها ها .. لا لا تعال امسكني بطيح من كثر الضحك,,- قال هذه الكلمات بنبره غريبه .. ثم استطرد بسخط -.. تستخف دمك مع هالويهه .. مع هالكرش منو بتعجب فيني غير وحده كرشها اكبر
خالد : ههههههههاااااي جيك عليها .. لايطوفك الشكل بس .. طالعتها جان تتخسبق
يوسف : هذي بلوه والله ..متولعه على الآخر
خالد : بس تدري هذي مبين فريش .. غير عن كل هالعقارب , ماتدري وين ربها قاطها
يوسف : الحين اهما العقارب ولا ..
خالد : ولا شنو !
يوسف : اقول .. جنها دشت مزاجك
خالد : لا هالنوعيه ماتعجبني .. بس تقزوره ,," واكمل بتهكم " حرام عشان خاطرها ماتشوفها شكثر تبيني
يوسف : يه .. شالثقه يالطيب .. شدراك انها معجبه فيك
خالد : اذا مو معجبه فيني .. معجبه بشنو ؟ المجسم اللي وراي مثلا

يوسف ( بلكنه تحدي ) : دام جذي السالفه .. روح كلمها
خالد : لا لا لا .. هذي طالعتها اعتفست .. ان كلمتها يغمى عليها

هذا الحوار الثقافي المقيت كان يدور حول ساره ..
نعم .. اخيرا لاحظها ,, ولكن تلك *الحاله* مازالت من طرف واحد !

بعد ساعات قليله ,, في حديقه منزل "ابو عبدالله"
كانت ساره جالسه على احد الكراسي الخشبيه في شروود تام تراجع
احداث اليوم الممتعه .. كان انتباهه لها ..
متعه ربما مخيفه لكنها في النهايه حدث ممتع ..

عبدالرحمن : قوه ساره ..
ساره : واي خرعتوني ..
دانه : لول الباب مفتوح .. دشينا بلا احم ولا دستور ..
عبدالرحمن : شلونج .. وشخبار عمي ؟
ساره : بخير عساكم بخير .. انتي اللي وينكم مالكم حس من جم يوم
دانه : سااره .. شوفي ..
ساره : وااو رووعه .. وين سويتيها
دانه : لا هذا سر ..
ساره : علي انا !
دانه : ....... مووو شسمه
ساره : شسمه ها .. بعدين شلون تسوين لج وحده وماتسوين لي .. هذي يسموونها خيااانه يا انسه
دانه : لا خيانه ولا شي .. مممم خلى خالد يسوي لج وحده ..
اي شفيج تطالعيني جذي .. اهو اللي رسمني بس ماقدر يلقط كل جمالي الفتان ..
ساره : ليش جمالج كان مطشر بالشارع ؟
دانه : مليقه ..

عبدالرحمن كان يراقب انفعالاتها البسيطه ,حركه يداها , يستشعر الكلمات التي كانت تستخدمها ..
فجاءه وبعد سكون دام لحظات قال : انا حاضر ..
ساره : من صجكم ؟ .. الحين انت اللي راسمها ..صاير مبدع ماشالله عليك .. والله روعه
اكتفى بالرد بابتسامه .. بينما تولت دانه المهمه الكلاميه : اخووي طوول عمره مبدع .. بس مغموور
ساره : مو علينا هالحجي .. ابيك ترسمني
عبدالرحمن : تامرين ..
ساره : عيل بروح اييب لك صوره ..
عبدالرحمن : مايحتاج
ساره : اي بس اهى مو حق شكلي الحين .. ابي ترسمني لما كنت صغيره
عبدالرحمن : هم مايحتاج ..
ساره ( قد علت علامه استفهام كبيره حمراء اللون ومضيئه رأسها) :شلون جذي .. خاف بترسم وحده جيكره
دانه ( في استدراك للحماقات التي تفوه بها شقيقها ) : مالج شغل فيه .. انا بسلفه صوره من صورج يوم كنتي صغيره .. ولا يهمج
ساره: اووكي ..

في نفس اللحظات .. لكن في منزل "ابو عبدالعزيز"
دلال : يمه وافقي .. حرام عليج ,خليه يخطبها
ام عبدالعزيز : حرام عليّ .. شنو شايفتي ماسكه الساطور على رقبته وبذبحه
دلال : اي .. ان راحت منه بينذبح
ام عبدالعزيز : بالعكس .. ارتباطه فيها اللي راح يذبحه " وراحت تكرر
اسطوانها المشلوخه وحجج الرفض التي باتت معروفه لكل سكان هذا البيت " ..
هذي دعله ومايعجبها اي شي .. وبتغربل اخوج .. الخ ,, اساسا اخوج بعده صغير وماتوظف ..
دلال : زين على الاقل كلام .. لا ياخذونها من جدام عيونه
ام عبدالعزيز : لا يعني لا .. انا رافضه الفكره من اساسها
دلال : انتي لو تشوفين شنو بين اوراقه .. كله صورها وكتابات عنها .. قبل اقول ماكو حب ماحب ..
لكن بعد اللي شفته لها بغرفته .. اقتنعت
ام عبدالعزيز : الظاهر اني ماعرفت اربي .. الله يهديه بس .. الله يهديكم

حكايه الحب الاسطوري الذي يعيشه عبدالرحمن في حجيرات قلبه فقط
كان الجميع يعرف عنها .. والديه , اخوته , حتى عبدالله ..
لم يحبها فحسب .. بل عشق تفاصيلها , حركاتها , كلماتها , الانثناءات التي تظهر على وجهها حين تضحك او حين تغضب ..
الطريقه التي تضرب بها كتفه مازحه .. ثم كيف تعتذر عن تلك الضربه الرائعه ا
لتي تجعل قلبه يحتد في ضرباته لدقائق طويله ,, كان عاشقا حتى لطريقه انبهارها بالاشياء .. بكلمه واحده كان مجنون بها !

[Star_Girl's]

الجزء الثالث
الالم الحلو , فتنه الطفوله , مالكتي , حبي المحرم , العسل السام , عشقي ,ماء قلبي , دم عيناي , نبض روحي , براءه السحر , طفلتي المدللـه , حلم اشتاقه ..

القاب كثيره التي اطلقها عليها .. قد تبدو مفردات غبيه للبعض ,
وقد تبدو كالطلاسم للبعض الآخر .. برأيي هي القاب مجنونه لا يدرك فحواها الا غيره من العشاق الحمقى .. !!
اعجبني منها لقب * حبيبه الروح * .. ماذا عنكم ؟ ؟

ظل هذا العشق مدفون في قلب عبدالرحمن
بينما اجاد خالد اللعب بالنظرات .. فكانت ساره تهيم اعجابا به وبـ عيناه تملؤهما وعود الغرام .
كانت تتلهف للوصول الي الكليه كل يوم .. ليلقي عليها تحيه الصباح بعينه
اصبح شغلها الشاغل .. هو ونظراته وطريقه تصفيف شعره وملابسه ..
الخ !
جعلها تجن به وهو الى الان لم يستخدم الكلمات .. التي هي كما يقال.. مصيدته الاجود .

~~~~~~~~

بعد مضي ايام معدوده ..
في منزل " ابو عبدالله " , بالتحديد في غرفه احمد وسعود
سعود ( راميا - نحو اخاه -بكيس صغير شفاف يحتوي على حبوب..*مشبوهه * ) : شنو هذا
احمد : حبوب .. بعد شنوو
سعود ( قد اشتاط غضبا بلا مبرر يذكر ) : ادري انها حبوب .. مو عمي انا حبوب شنوو ... ؟؟ شفيك ماترد !! ماتقولي حبوب شنوو ؟؟ !!
احمد : ياعمي هذي فيتامينات من النادي اللي سجلت فيه بالصيف
سعود : النادي .. النادي اللي ماتعرف شكله من الداخل شلون صاير
احمد : ايه يبه من النادي ..
سعود : من النادي ولا من .. نواف الفقر .. اللي من عرفـتـ ـ ـ
احمد ( مقاطعا ) : شفيك على الريال .. شسوالك ولد الناس .. حاط دوبك دوبه ,, ابي افهم .. ليش حاقد عليه ؟؟
سعود : حاقد عليه .. احتقره مو كفو حتى الحقد هالواطي
احمد ( باستهتار ) : وليييييييه .. والله حاله .. واطي وتحتقره .. الظاهر انك اتابع مسلسلات عربيه وايد هاليومين
سعود ( وقد كسى جبهته الاحمرار من هول غضبه ) : حميد .. انت اكثر واحد تدري عن خياسه وانت اللي قايلي بنفسك عن انحطاطه وعن مستواه .. ومع هذا كله رافجته .. وهذي اخرتها مخدرات !!
احمد ( بكميه استهتار مبالغ بها هذه المره ) : هههههههاااااااااي .. مخدارات .. اي والله يحليلك صاير اتابع مسلسلات عدل ..قلت لك هذي مجرد فيتامينات .. مو مصدق كيفك ياخي
سعود ( محاولا تمالك اعصابه بعدم صفع شقيقه ) : بنشووف .. هالحبوب بتروح المختبر وتتحلل ونشوف ..
احمد ( باستهتار ايضا .. ولكن ساده الارتباك ) : شوف اللي تشوفه

~~~~~~~~

في صباح اليوم التالي , في اروقه تلك الكليه .. دار هذا الحوار
بين الثلاثي المرح .. نوره , هديل , وساره

ساره ( بغنج غير مصطنع على الاطلاق ) : وااااي واااااي .. قاعد يطالعني
هديل : واي منج انتي .. مسكي نفسج عن الفضايح
نوره : فضحتنا وخلصت ..
ساره ( وقد تخلت عن الغنج ) : لا لا .. شنو فضيحه .. لا تقولون جذي والله تضيقون خلقي
هديل : اكيد حس فيج تتمقلين فيه .. عشان جذي خزج .. يقولج : استحي على ويهج يابنت "
ساره : لا لا لا لا .. مو معقوله انا مو قاعده اخز فيه اربعه وعشرين ساعه عشان يلاحظ .. مستحيل
هديل : ايه ايه .. صح مستحيل .. هههههههههههههههههههههههههه صار لج ثمانيه واربعين ساعه ماتشوفينه ماتنزلين عيونج عنه
نوره ( بفزع ) : امبيييييه .. هذا جنه ياي اهني ..
ساره كادت ان تذوب من شده الخجل والخوف في آن واحد
بينما كان هو يتقدم الي الفتيات الثلاث بخطى واثقه ..
خالد : صباح الخير
هديل ( تكسو وجهها ابتسامه خبيثه ) : صباح النور ..
تقدمت ساره بضع خطوات في محاوله للأبتعاد ..
خالد : لا .. وين رايحه انا ابيج ( صمت للحظات ثم اصلح ما اخطأ به متعمدا ) .. قصدي ابي اكلمج بموضوع ..
لم ترد عليه .. ولكنها واصلت التقدم حين تأكدت من انه قد انهى جملته ,,
كادت قدماها ان ترتفعان عن الارض من شده السرور والسرعه ايضا ..

خالد : عن اذنكم .. ( موجها كلامه لنوره وهديل )
نوره : اذنك معاك ..
هديل ( بصوت منخفض ) : وخشمك بعد ,, نووووووويرر
نوره : هاه .. نعم
هديل : لا يلحقها الحين .. ترى مايندرى شتسوي فيه ..
نوره : عساها تطقه باكبر ماعندها .. واحنا شكوو !!

~~~~~~~~

لم يتبعها كما توقعن .. ولكنه عاد لشلته .. * شله الانس * .. ولا اقصد التهكم هنا .. ولكن هذا ما اسمتهم به نوره ..
يوسف : ههههههههههههههااااااااااي .. ها سبع ولا ضبع
خالد : لا ارنب .. تنكت مع ويهك
جمال : ههههههههههههههههههههه اي والله ارنب
خالد : الظاهر لا الخز ينفع معاها ولا الكلام بعد .. هذي غير
جمال ( الذي كان يوسف قد وافاه باخر المستجدات) : والله اللي اشوفها انها بنت مثل كل البنات .. يمكن انت اللي مو عارف تضبطها
خالد ( بنبره تحدي قد اعتادوها منه ) : افاا .. تشكك بقدراتي .. يومين ورقمها عندي ..
جمال : اوكي .. نشوف ,, واكتفى يوسف بالايماء بملامح وجهه .. * لا تعليق *

~~~~~~~~

في مساء نفس اليوم كان سعود يحاول الاتصال باحد معارفه من ذوي
الخبره في مجال التحاليل المخبريه وماالى ذلك ..

سعود : الوو .. هلا بو مشاري . وينك ياخوك منزمان ادق عليك .. عسى ماشر ..
وليد " بو مشاري " : ماشر .. امر يالغالي ولا 20 ميسد كول .. انت اللي عسى ماشر ..
سعود : والله ياخوك الخدامه اليديده .. لقينا عندها حبوب وشاكين فيها اول شي نسألها ماترد ..
وبعدين مره تقول فيتامينات .. مره تقول مقويات ( اجاد حبك الكذبه .. الا تظنون ؟؟ )
وليد : مافهمت شنو المطلوب مني .. ؟
سعود: .. مانبي نسفرها واهي مظلومه وماسوت شي .. ابيك تشوفلي هالحبوب شنوو
وليد : والله انا اقول سفروها وفكو عمركم .. حتى لو مقويات مثل ماتقول .. شتبون فيها !! ؟
سعود : ياخي ابوي مايبي يظلمها .. ويقطع رزقها .. وده يتأكد قبل
وليد : .... خلاص ولا يصير خاطرك وخاطر الوالد الا طيب انشالله بس يمكن تاخذ معاى الشغله جم يوم .. تدري مكان شغلى تغير الحين
سعود : هاا .. مو مشكله .. متى اييبهم لك
وليد : اليوم بروح الديوانيه ..
سعود : ديوانيه فهد ؟
وليد : ايه نعم
سعود : تمام .. على خير انشالله .. فمان الله


~~~~~~~~

في صباح اليوم التالي كان مشروع النظرا المتبادله مازال قائما بين خالد وساره ,,
تمنت ان يبادر الي خطوه اخرى .. لتقوم بصده ايضا .. يـال تفكير الفتيات .. !!!

بعد انتهاء يومها الدراسي الحافل بالنظرات المشحونه .. ذهبت * لسيارتها* لتجد ورد بيضاء وكرت صغير كتب فيه .. ::
" آنا اسف اذا ازعجتج .. بس انا معجب بشخصيتج وحاب اني اتعرف عليج فعلا وهذا رقمي ............... "
* مشفر لاسباب خارجه عن الاراده *
لمعت عيناها بسرور من نوع اخر .. وسرحت لثواني .. فلم ترى حل امثل سوى ان ترمي الورده والكرت كذلك بكلماته المتزاحمه ..
على الرغم من رغبتها الشديده بالاحتفاظ بكلاهما .. لكنها ببسطاه فضلت ان تصون ثقه ذويها على تحقيق اي رغبه من شأنها التقليل من مقدار هذه الثقه العمياء ..
في الطرف البعيد كان يراقبها وحين رآة مافعلته بعرضه الرخيص ..
كاد ان يهمش الحائط الذي كان قد اسند كتفه عليه من شده السخط ..

[Star_Girl's]

الجزء الرابع

بعد مايقارب الساعه في منزل " ابو عبدالعزيز " .. هكذا كان الوضع

* في الطابق الارضى *
ام عبدالعزيز ( للمره الثالثه ) : داااانه .. دلوول .. حمني يالله الغدا
ابو عبدالعزيز : بسج صراخ يابنت الحلال .. سمعوج خلاص
ام عبدالعزيز : اذا سامعين ليش مايردون .. لا حول ولا قوه الا بالله !!
دانه ( تهم بالنزول لوالديها ) : اني مابي غدا . .
ام عبدالعزيز : ليش يمه ؟
دانه : قلت لج امس .. رجيمي يبتدي اليوم
ابو عبدالعزيز ( كاتما لضحكاته ) : والله امج اللي يبيلها رجيم عنيف مو انتي ..

ابتسمت دانه , بينما تجاهلت ام عبدالعزيز ما قد تفوه به زوجها
واستطردت في السؤال عن الآخرين : وعبدالرحمن ودلال .. مسوين رجيم بعد ؟ !
دانه : دلول بتغير هدومها وتنزل و عبدالرحمن طقيت عليه باب داره .. قال مايبي غدا وحتى مافج الباب .. اخوان اخر زمن صراحه .. شنو هذاااااا .. ماكو احترام لاخته ( تلفظت بهذه الكلمات على سبيل الدعابه )
ام عبدالعزيز : بيجلطني هالولد .. ماعنده حل وسط ياربي اما ثلاثه وعشرين ساعه هياته ويحسب البيت فندق ... ولا يعتكف بغرفته ليل نهار ! مو حاله هذي
دانه ( همسا) : والله مايندرى منو بيجلط منو بهالبيت ..
ام عبدالعزيز : نعم .. شقلتي ؟
دانه : ماقلت شي .. مسكره حلجي ماتكلمت ..
( ووضعت كف يدها فوق فمها تماما اشاره على الصمت التام )
ام عبدالعزيز : ايه والله .. بعد مابقى الا اليهال يتكلموت ويشورون علينا .. انتي مو قلتي انج مسويه رجيم .. شعندج قاعده ها ؟؟
دانه (قد اغروقت عيناها بالدموع ) : الحين اناا ياهل .. !
ام عبدالعزيز : ياهل ونص .. يالله ذلفي دارج
دانه : اففففففف .. شنو هالبيت .. كبت حريات .. اضطهاد .. تميز عنصري.. عمري 19 وتقول ياهل .. ( تمتمت هذه الكلمات بصوت اعاقته الدموع ..
وتوجهت الي غرفتها .. تطرق الارض بقدماها في كل خطوه تعبيرا عن احتجاجها تماما * كالاطفال * )

السيطره داخل جدارن هذا المنزل و * خارجه * كانت لأم عبدالعزيز ..
لم يكن ذلك بالسر العظيم .. فقد كان الامر واضحا وجليا للكل حين تنازل ابو عبدالعزيز بسرور عن دوره كرب لهذه الاسره لزوجته خلال السنوات الاولى من ارتباطهما , اجادت هي بدورها تقمص شخصيته من خلال
معالجه شئون البيت وافراده على ولكن على طريقتها .. هي فقط !

~~~~~~~~

على بعد امتار فقط .. كان الوضع هكذا في منزل ابو عبدالله
* في غرفه الطعام*
ابو عبدالله : ساره .. شفيج ماتاكلين
ساره : قاعده اكل يبه
وضلت تقلب الطعام بالملعقه * طبعا * .. و ارخت وجهها على يدها اليسرى في استئناف لحاله الشرود التي كان والدها قد قاطعها ..
سعود : سوويرر .. ترى ابووي كان يكلمج
ساره ( التفتت لتلقي عيناها بعينا شقيقها ) : ... سمعته ورديت
احمد ( متهكما ) : وشفيج سرحانه .. يــا برنسيسه

همت بتناول مافي طبقها جون ان تنظر الى غير الطاوله هذه المره في انصياع تام لطلب والداها .. آمله ان في ذلك ايقافا لاخوتها من الاسترسال في تساؤلاتهم ..
ابو عبدالله : الظاهر انج مشتاقه لعبدالله
ساره ( فرحه بحجتها *المؤقته* ) : اي والله .. حدي مشتاقتله ..ماصارت دوره هذي .. متى بيرجع ؟
ابو عبدالله : كلمته البارحه .. يقول يا الاربعاء او السبت .. بعده ماتأكد من الحجوزات
ساره : ياااااااارب الاربعاء ..
سعود ( ضاحكا ) : والله حاله انتي . . احنا لما نسافر ( مشيرا لشخصه ولـ احمد ) عيد عندج ,, شمعنى عبدالله
احمد ( في استنفار ! ) : والله ماحاله غيرك .. بتغار من اخوك .. نفس البنات
سعود : انت خلك ساكت احسن لك وايد . .
ابوعبدالله : وبعدين يعني .. ( استطرد بنبره غضب) مانتغدا بهدووء ..

انتهى الصراع قبل ان يبدأ ..
احمد كان ببساطه يحاول افتعال الشجار بدون اية مبررات
اما سعود .. فكان كعيدان الثقاب الجيده .. الجاهزه للأشتعال في اي لحظه ودون عناء

~~~~~~~~

في منزل نوره صديقه ساره .. وفي نفس اليوم تقنيا * مساءا *
نوره : خلاص يمه .. والله آخر مره
ام ناصر : كل مره تقولين هالكلمتين ..
نوره : والله صج هالمره اخر مره .. توبه والله توبه
ام ناصر : ماينفع هالكلام .. خلاص الكمبيوتر بينشال من غرفتج وبحطه بدار اخوج الصغير .. وان وصلني خبر انج لمستيه لاتلومين الا نفسج .؟
نوره ( غير متمكنه من السيطره على اعصابها ) : يمه .. انا شنو سويت ؟؟ .. كلمت واحد بالنت .. وشنو يعني .. لا يعرفني ولا يعرف شكلي ولا رقم تلفوني.. ما اجرمت .. تحمدوا ربكم .. انا مو نفس البنات اللي تلفونات
بانصاص الليالي .. ولا عمري سويت شــ ـ ـ
ام ناصر : بعد لج عين تدافعين عن نفسج ؟؟
نوره : خلاص يمه .. قتلج اني اسفه وماراح اعيدها .. بس ماقدر اعيش بدون نت .. تعودت عليه
ام ناصر : كنتي عايشه بدونه .. وماصار فيج شي .. ماراح تموتين اذا تخليتي عنه ..
نوره : ورفيجاتي .. و
ام ناصر : اظن انه في اختراع اسمه تلفون .. وتقدرين تعزمينهم باي وقت
نوره( في محاوله يائسه اخيره ) : يممممممممه ..
ام ناصر : قتلج ماكو نت .. ولا تناقشيني اكثر
بينما صمت نوره باستسلام .. راحت والدتها توجه الخدامه الي كيفيه حمل ذلك الجهاز *اللعين* الى غرفه ناصر .. شقيق نوره الوحيد الذي يصغرها بست اعوام ..
( شخصيا لا اعتقد بانه الجهاز لعينا .. فلم يتعلم ان يكون كذلك .. طريقه الاستخدام هي اللعينه فقط .. لما ترانا نلقي اللوم على الاشياء دائما ؟ )
كانت نوره من انصار تحرير المراءه * ولكن في الخفاء * .. اغرمت بالتعرف على الانواع المختلفه
من الجنس الآخر .. استمعت بنقاشهم وتفحص شخصياتهم ونظرياتهم في الحياه عن قرب ..
على الرغم من تعدد الجنسيات وربما اللغات ..لكن هذه كانت هوايتها
المحببه .. النبش في جماجم الرجال وقلوبهم ربما .. بامكاننا القول بانها بارآها الامعهوده
قد اسرت قلوب الكثيرين .. وحطمت افئده لا معدوده * كما تقول *
وتمكنت ايضا من الاستيلاء على عقول كثيره .. لطالما كانت تفتخر بانجازاتها هذه .. * في السر *
ولكنها احتفظت بها لنفسها ولم تشاركها احدا . .
هل يعقل .. انها اخيرا قد ادركت بأن انتصارتها كانت ضربا من الخيال ؟ ؟


الجزء الخامس
في صباح اليوم التالي . .
نوره : امي شالت الكمبيوتر ..
هديل : مــره ثــانيه ؟؟!
ساره : ليش ؟ وبعدين شلون مره ثانيه , متى كانت الاولى ؟ !
نوره : ايه ..
هديل : طـاحت عليج !!
نوره ( وقد ارتسم على وجهها الجميل الحزن ) : وااااااي ,, تلوع جبدي كل ما اذكر شلون بيرد وضعي نفس ماكان ..
بروحي ميته من الغلقه و الحكره بالبيت
ساره : شـــــــالــــســــــالـــــــفـــــــه ؟؟ !!
هديل : شفيج انتي كل هذا ومافهمتي
ساره : شنو افهم حسبي الله عليج .. تتحجون بالألغاز !
هديل : امها طاحت عليها تكلم صبيان ..
ساره : نـــــــوراااااااه !!! تكلمين صبيان بالتلفون ؟؟ !!!
نوره : لا حول ولا قوه الا بالله العلي العظيم , اقولج شالت الكمبيوتر ..
تقولين لي تلفون !
ساره : ايييييه .. حسبالي بعد ,, تصدقون مادري شفيني متنحه اليوم !
هديل : اللي واخد عئلك
ساره : ياشيخه بلا نيله ..

كأنها لم تقضي الليله الماضيه في التقلب على سريرها متسأله عن من *سلب*
عقلها منها ..

[Star_Girl's]

نوره : وااااااي .. صج كل من بقلبه شقا ليله ..
ساره ( مدافعه عن مبدأ ) : الا اقول .. الحين تلفون ولا كمبيوتر مو جنه نفس الشي ..
بعدين انتي مو ضد هالسوالف .. شلون رضيتي بعلاقات الانترنت ؟؟
نوره : بيييييه .. انتي وين نقز مخج ؟ شنو علاقات انترنت انتي بعد ..
كلها سوالف عاديه عن الدين والدنيا والحياه بشكل عام ..
ساره : الدين والدنيا.. هااا .. ؟
هديل : تسمحون لي ادلو بدلوي بهالموضوع
ساره : فرغي اللي بجردلج
نوره : عطينا من هالدرر ..
هديل : اشوف ان النت مهما كان اهون من التلفون ..
ساره ( مقاطعه بحراره ) : لا لا .. شنو اهون ترى الغلط الغلط ماكو شي اهون من شي
هديل ( ببرود) : خليني اكمل بس ..
ساره : اوكي كملي
هديل : بالنت لا يعرفونج ولايعرفون عنج شي ..حتى لو تتخذين شخصيه رجل كقناع
محد راح يحس غالبا .. وبتكون الشغله عاديه
ساره ( عادت للمقاطعه بانفعال) : حلفي بس .. شنو اتخذ قناع ماقناع .. وين قاعدين ..
مع اني ضد الفكره من اساسها لكن اللي تفكر تخدع غيرها وتتعرف
عليهم بقناع القوه كرجل مثل ماتقولين ..
فاظن انها * معقده *.. اسمحيلي يعني
هديل : انتي النقاش معاج عقيم !
ساره : يمكن انتي اللي ماتعرفين تناقشين ..
نوره : بتغيرون الموضوع .. ولا امشي يعني ؟؟

انتهى النقاش القصير والعنيف في آن واحد
لتعود المياه الي مجاريها .. وتعود الفتيات الي اختيار المواضيع التافهه والسخيفه
للأبتعاد عن الاختلاف في الرأي .. المفسد للود في القضايا !!



~~~~~~~~

بعد سـاعات ليست بالقليله ..
دار هذا الحوار بين ساره ودانه في غرفه الاخيره ..


ساره : واي لو تشوفينه يادانه .. اينن .. كيوت حده
دانه : .....
ساره : شفيج ساكته .. ماتعلقين ؟
دانه : .....
ساره ( ملوحه بكلتا يديها ) : الو .. نحن هنا
دانه : هلا شنو تبيني اقول ؟؟ لا تعليق صراحه
ساره : وين سرحتي الظاهر انتي تحبين بعد ..
" لحقت بهذه الكلمات تنهيده عريضه "
دانه ( بحزم ) : لا لا .. مايمشي عندي هالخايس انا
ساره : واي عاد خياس ؟!! مالقيتي الا هالكلمه .. حرام عليج تراني ماسويت شي ..
اصلا حتى عطاني رقم تلفونه .. وقطيته
دانه : شنو .. رقمج !! صج صـايع .. شين وقوي عين
يـــــــــــــع .. شتبين فيه !! ؟
ساره : معجب ويبي يتعرف .. عادي
دانه : ماخبرت هذي نظرتج للترقيم .. تلقينه قاص على 20 غيرج
ساره : لا مستحيل .. اصلا شكله ملاك.. شعرفه بهالسوالف
دانه : ايـــه .. صح ملاك !
ساره : وحتى لو .. وانا شكو فيه
دانه : طيعيني يابنت عمي .. خلج من هالاشكال
ساره : انشالله .. تامرين امر .. اقول انا لازم اروح الحين
دانه : خليج .. تعشي معانا .. شورااج ؟
ساره : لا فشله مصختها اليوم حدي .. يالله باي
دانه : الله وياج ..

خرجت من غرفه دانه متوجهه الى منزلها ..


~~~~~~~~


وصادفته ..


عبدالرحمن : شدعوه ساره ماتسلمين ..
ساره : هلا .. تصدق خرعتني ماحسيت فيك اهني * بالصاله* ولا جان سلمت والله ..
عبدالرحمن : زين شخبارج .. ؟
ساره : بخير عساك بخير ..
عبدالرحمن : الله يسلمج ..
ساره ( تذكرت امراً عظيما ) : صـــــج ! وين الرسمه اللي وعدتني فيها .. ؟
عبدالرحمن ( بابتسامه عظيمه ايضا ) : جاهزه .. ناطرتج تسألين عنها
ساره : لا والله .. زين ليش ماقلت عااااد ..
عبدالرحمن : انتي ماسألتي ..
ساره : ممم وينها .. ابي اشوفها .. بس اذا ماعجبتني ابي غيرها .. لازم تعويض
عبدالرحمن : الف غيرها .. ولا يهمج
ساره : اوكي اتفقنا ..
عبدالرحمن : لحظه على ما اييبها ..




ذهب ليجلب لوحته .. بالاحرى وعده

هو
كان رساما ماهرا , كاتب بارع وعاشق رائع ..
كان متعدد المواهب هذا الـ عبدالرحمن ..

هي
لم يشغل بالها امر عذوبته اللا طبيعيه معاها ..
تصورته كأخ حنون جداً جداً جداً .. ولا شي اكثر !
عاد مزهوا يحمل ابداعه بيديه
ساره : اللـــــــــــــه .. اتينن .. روعه صراحه
عبدالرحمن غمرته نشوه السعاده غي تلك اللحظات لرؤيتها معجبه بعمله .. بينما استطردت
ساره : يعطيك العافيه .. ماكنت ادري اني كيووووووت هالكثر لما كنت بيبي
عبدالرحمن : الله يعافيج .. اهم شي انها عاجبتج
ساره : اي والله ماشالله عليك .. حسافه راح علي التعويض ( واطلقت ضحكه في غير محلها )
عبدالرحمن : حاضر باللي تامرين فيه ..
ساره : عساك دوم حاضر .. وسالم بعد
عبدالرحمن : هههههه وفتحي معاهم
ساره ( بابتسامه عريضه ) : اقــــول .. ابيها
عبدالرحمن : اهي لج اصلا ..
ساره : ميرسوو ومشكوور وكل شي .. يالله عن اذنك .. مع السلامه
عبدالرحمن : مع السلامه .. *بحفظ الله*

[Star_Girl's]

الجزء السادس

في احد الامكنه التي اعتاد الشباب التجمع فيها .. كان سعود جالسا ينتظر ويتساءل بتوجس .. " اووف وينه هذا .. مواعدني من العشر والحين 11 الا .. واهوا بعده ! "
واذا بوليد .. يدخل ويلقي التحيه
تمر لحظات قبل ان ينتهي من مداعبه المتواجدين من معارفه .. ثم يتوجه
الى سعود ..

سعود : هااا ابو مشاري .. وينك ياخي مليت وانا انطر
وليد : اخرني حادث .. الله لا يوريك
سعود ( محاولا ان لايبدو شديد القلق بشأن تلك الحبوب المجهوله ) : لا والله .. وين صاير ؟
وليد : اول ماتدش المنطقه .. صوب الدوار .. شي مو طبيعي الله وكيلك
الجام مطشر بكل مكان ودم الريال على القار ..
سعود: لاحول ولا قوه الا بالله .. الله يعين اهله
وليد : اي والله .. سيارته معلووجه علج .. حتى لونها الاصلي مو مبين ..
حووسه الدنيا هناك .. *اكرهه المبالغين*
سعود : الا ماقلت لي .. شصار على سالفتنا وليش مارضيت تقولي بالتلفون
وليد : ماقلتلك على التلفون .. لاني ببساطه مو مصدق انك لاقي هالحبوب عند خدامه .. وابي اعرف الصج منك
سعود : وين بلاقيهم يعني ..شكو مو مصدق يعني
وليد : مادري عنك والله .. اللي ااعرفه ان تكلفه هالحبوب مو بسيطه ..
مو بقدرتها انها تشتريهم
سعود : وانت شعرفك بقيمتهم بعد ؟!
وليد : شلون ماعرف هذي شغلتي الله يهداك
سعود : شغلتلكـ ؟؟ شتقصد !
وليد : خلني اشرحلك قبل لاتفهم غلط
سعود : اشرح بالله عليك
وليد : ياخي هالحبوب عباره عن مخدارات ..
سعود ( متظاهرا بالصدمه ) : مخدارت ؟!!
وليد : ايه نعم .. وانواع بعد
سعود ( مستمرا بالتظاهر ) : من صجك انت ؟؟ مخدارت وانواع !
وليد : شي هلوسه .. شي مهديء ,, شي منشط ويخلي الواحد هايبر بشكل مو طبيعي
سعود ( استمر بالتظاهر صامتا ) : .....
وليد (في محاوله اخرى لاكتشاف مصدر تلك الانواع) : واللي باط جبدي .. ا
ذا انت مثل ماتقول لاقيهم عند خادمه .. منين بتشتريهم ؟!
سعود : مادري .. يمكن اهلها يدزونلها الحبوب بالمكاتيب .. مقابل الفلوس اللي تدزها يعني
وليد : ولوو الشغله ماتدش المخ ..
سعود: انزين قولي .. كمل
وليد : شكمل .. ؟
سعود : عن هالحبوب .. تكلم اكثر ( لم يجد حتى الكلمات الملائمه لأستفسار )
وليد : ايييي , شووف الله يسلمك .. الحبوب اللي لونها على رمادي
مادري شلون صاير هذي هيروين .. اللي اساسا يستخلصونه من قاعده
المورفين .. وساعات يكون ضرره اخطر .. وجد قريت دراسه تقوول انه من اكثر مسببات
الوفاه للمدمنين بالعالم العربي او الشرق الاوسط بعد ( واستطرد فرحا بوجود مجالا واسعا لاستعراض خبراته ) ,,
والحبوب الصغيره .. هذي ينقالها الامفيتامين واهي عباره عن نوع من
المنشطات وهم له خطوره على المتعاطين .. وفي الفاليومـ ..
سعود (مقاطعا) : هذا مومنوم ؟؟
وليد : صحيح .. منوم بالاحرى مهديء .. له اثار قويه اذا داوم الشخص
على تعاطيه لفتره طويله , وتقدر تقول انه اثاره بسيطه بالنسبه للنوعين الثانين ..
سعود ( اطلق تنهيده ) : يالله ..
وليد : الا تعال .. هذي شلوون تاخذ منشط ومهديء .. خاف قاعده تستخدمها عليكم .؟؟
سعود : هااا .. شدراني عنها .. المهم انا بروح الحين تامر على شي
وليد : وين تونا ياخي ..
سعود : لا لا ,, لازم اروح .. فمان الله


~~~~~~~~

ما ان خرج ..
امسك بهاتفه بيد .. ومسح قطرات العرق المتكونه على جبهته باليد الاخرى ..
وراح يضغط على الارقام بغضب وتوتر .. لم يستطع السيطره على اصابعه

سعود : الو احمد .. وينك
احمد : قاعد مع ربعي .. خير شفيك تنافخ ؟
سعود : تعالي للبيت
احمد : خير .. ابوي فيه شي !؟
سعود : مافيه شي .. بس انا ابي اكلمك بسالفه الحبوب
احمد ( بلامبالاه) : زين زين .. انا يبيلي جذي بو ساعتين وبعدين بروح البيت
سعود : اقولك تعال الحين .. فاهم ولا لاء
احمد ( كمن قرعت الاجراس في رأسه ) : ياخي قاعد مع ربعي .. بتوديني البيت ..
واخرتها ماعندك سالفه ادري فيك
سعود (غاضب): تبيني اييك يعني ..
احمد ( مستسلما) : لا يبه .. خلاص كاني قمت

~~~~~~~~

في نفس اللحظات كان النقاش بين ام عبدالعزيز وابنتها دلال في اوجه ..

دلال ( منفعله ) : قتلج يمه .. مابيه يعني ما ابيـــه
ام عبدالعزيز ( تتقنع البرود ) : ليش.. شنو عيبه ؟
دلال : حرام عليح , بعد كل اللي انقال .. هم تسألين شنو عيوبه وتبيني آخده
ام عبدالعزيز : وانتي تصدقين كل اللي يقولونه الناس .. صج ان مخج فاضي .. وماتعرفين تفكيرين
دلال : الحين انا صار مخي فاضي .. زين ماعليه فاضي فاضي بالطقاق
هم ما ابيه ولا اني مغيره رايي
ام عبدالعزيز : هذوول حسودين .. مايبون السالفه تتم
دلال ( بتحسر على عقليه والدتها) : اي حسودين اي بطيخ !
ام عبدالعزيز : ايه حسودين .. ويتمنونه لبناتهم
دلال : يمه الولد عنده مشاكل نفسيه .. منو تبيه بالله ؟!!
ام عبدالعزيز : شفتي .. نجحت خططهم
دلال : بييييه .. تحسبين كل الناس عندها خطط ومؤامرات ضدنا ؟!
ام عبدالعزيز : يابنيتي الريال مافيه شي .. لا تضيعينه مثل اللي قبله
دلال : تبيني اتزوج واحد مينون .. مو صاحي
ام عبدالعزيز : ردينا للخرابيط ..
دلال : عبدالعزيز بنفسه تأكد وقالج ان اهله يصكون عليه بمزرعتهم اذا يتله الحاله على قولتهم ..
ام عبدالعزيز ( في تغيير لاستراتيجيه الدفاع ) : مو يمكن حالته تتحسن بعد الزواج .. ومع العلاج تروح
دلال : من صجج .. وين قاااعدين !! .. اذا اهله مو قادرين يتحملونه ويقطونه بعيد اذا مرض ..
شلوون انا يالغريبه اتحمله ؟!
ام عبدالعزيز ( في مرافعه ثالثه للدفاع) : وانشالله انتي ناويه تضلين على هالحال ..
كل واحد يتقدم لج بتطلعين فيه عيوب الدنيا .. شنو مخططه تطيحين بجبدي
وتجابليني باجي عمرج بالبيت ؟
دلال : والله عندي اقعد ببيتاهلي احسن من اني اخذ واحد يعقدني معاه ..
ام عبدالعزيز : ايه عفيه عفيه .. خليج جذي ,, اللي بعمرج عيالهم يناقزون وراهم وانتي مجابلتني
دلال ( دموعها تخنق كلماتها ) : يمكن انا غلطانه لما رفضت اللي يوني قبل .. لكن مهما يصير ماراح اقط نفسي جذي .. الناس جذبوا علينا وحتى لو انا رضيت .. ابوي واخواني ماراح يرضون بمثل هالنسب ..
ام عبدالعزيز : مالت عليج انتي واخوانج اللي شاده فيهم الظهر ..

[Star_Girl's]

الجزء السادس

في احد الامكنه التي اعتاد الشباب التجمع فيها .. كان سعود جالسا ينتظر ويتساءل بتوجس .. " اووف وينه هذا .. مواعدني من العشر والحين 11 الا .. واهوا بعده ! "
واذا بوليد .. يدخل ويلقي التحيه
تمر لحظات قبل ان ينتهي من مداعبه المتواجدين من معارفه .. ثم يتوجه
الى سعود ..

سعود : هااا ابو مشاري .. وينك ياخي مليت وانا انطر
وليد : اخرني حادث .. الله لا يوريك
سعود ( محاولا ان لايبدو شديد القلق بشأن تلك الحبوب المجهوله ) : لا والله .. وين صاير ؟
وليد : اول ماتدش المنطقه .. صوب الدوار .. شي مو طبيعي الله وكيلك
الجام مطشر بكل مكان ودم الريال على القار ..
سعود: لاحول ولا قوه الا بالله .. الله يعين اهله
وليد : اي والله .. سيارته معلووجه علج .. حتى لونها الاصلي مو مبين ..
حووسه الدنيا هناك .. *اكرهه المبالغين*
سعود : الا ماقلت لي .. شصار على سالفتنا وليش مارضيت تقولي بالتلفون
وليد : ماقلتلك على التلفون .. لاني ببساطه مو مصدق انك لاقي هالحبوب عند خدامه .. وابي اعرف الصج منك
سعود : وين بلاقيهم يعني ..شكو مو مصدق يعني
وليد : مادري عنك والله .. اللي ااعرفه ان تكلفه هالحبوب مو بسيطه ..
مو بقدرتها انها تشتريهم
سعود : وانت شعرفك بقيمتهم بعد ؟!
وليد : شلون ماعرف هذي شغلتي الله يهداك
سعود : شغلتلكـ ؟؟ شتقصد !
وليد : خلني اشرحلك قبل لاتفهم غلط
سعود : اشرح بالله عليك
وليد : ياخي هالحبوب عباره عن مخدارات ..
سعود ( متظاهرا بالصدمه ) : مخدارت ؟!!
وليد : ايه نعم .. وانواع بعد
سعود ( مستمرا بالتظاهر ) : من صجك انت ؟؟ مخدارت وانواع !
وليد : شي هلوسه .. شي مهديء ,, شي منشط ويخلي الواحد هايبر بشكل مو طبيعي
سعود ( استمر بالتظاهر صامتا ) : .....
وليد (في محاوله اخرى لاكتشاف مصدر تلك الانواع) : واللي باط جبدي .. ا
ذا انت مثل ماتقول لاقيهم عند خادمه .. منين بتشتريهم ؟!
سعود : مادري .. يمكن اهلها يدزونلها الحبوب بالمكاتيب .. مقابل الفلوس اللي تدزها يعني
وليد : ولوو الشغله ماتدش المخ ..
سعود: انزين قولي .. كمل
وليد : شكمل .. ؟
سعود : عن هالحبوب .. تكلم اكثر ( لم يجد حتى الكلمات الملائمه لأستفسار )
وليد : ايييي , شووف الله يسلمك .. الحبوب اللي لونها على رمادي
مادري شلون صاير هذي هيروين .. اللي اساسا يستخلصونه من قاعده
المورفين .. وساعات يكون ضرره اخطر .. وجد قريت دراسه تقوول انه من اكثر مسببات
الوفاه للمدمنين بالعالم العربي او الشرق الاوسط بعد ( واستطرد فرحا بوجود مجالا واسعا لاستعراض خبراته ) ,,
والحبوب الصغيره .. هذي ينقالها الامفيتامين واهي عباره عن نوع من
المنشطات وهم له خطوره على المتعاطين .. وفي الفاليومـ ..
سعود (مقاطعا) : هذا مومنوم ؟؟
وليد : صحيح .. منوم بالاحرى مهديء .. له اثار قويه اذا داوم الشخص
على تعاطيه لفتره طويله , وتقدر تقول انه اثاره بسيطه بالنسبه للنوعين الثانين ..
سعود ( اطلق تنهيده ) : يالله ..
وليد : الا تعال .. هذي شلوون تاخذ منشط ومهديء .. خاف قاعده تستخدمها عليكم .؟؟
سعود : هااا .. شدراني عنها .. المهم انا بروح الحين تامر على شي
وليد : وين تونا ياخي ..
سعود : لا لا ,, لازم اروح .. فمان الله


~~~~~~~~

ما ان خرج ..
امسك بهاتفه بيد .. ومسح قطرات العرق المتكونه على جبهته باليد الاخرى ..
وراح يضغط على الارقام بغضب وتوتر .. لم يستطع السيطره على اصابعه

سعود : الو احمد .. وينك
احمد : قاعد مع ربعي .. خير شفيك تنافخ ؟
سعود : تعالي للبيت
احمد : خير .. ابوي فيه شي !؟
سعود : مافيه شي .. بس انا ابي اكلمك بسالفه الحبوب
احمد ( بلامبالاه) : زين زين .. انا يبيلي جذي بو ساعتين وبعدين بروح البيت
سعود : اقولك تعال الحين .. فاهم ولا لاء
احمد ( كمن قرعت الاجراس في رأسه ) : ياخي قاعد مع ربعي .. بتوديني البيت ..
واخرتها ماعندك سالفه ادري فيك
سعود (غاضب): تبيني اييك يعني ..
احمد ( مستسلما) : لا يبه .. خلاص كاني قمت

~~~~~~~~

في نفس اللحظات كان النقاش بين ام عبدالعزيز وابنتها دلال في اوجه ..

دلال ( منفعله ) : قتلج يمه .. مابيه يعني ما ابيـــه
ام عبدالعزيز ( تتقنع البرود ) : ليش.. شنو عيبه ؟
دلال : حرام عليح , بعد كل اللي انقال .. هم تسألين شنو عيوبه وتبيني آخده
ام عبدالعزيز : وانتي تصدقين كل اللي يقولونه الناس .. صج ان مخج فاضي .. وماتعرفين تفكيرين
دلال : الحين انا صار مخي فاضي .. زين ماعليه فاضي فاضي بالطقاق
هم ما ابيه ولا اني مغيره رايي
ام عبدالعزيز : هذوول حسودين .. مايبون السالفه تتم
دلال ( بتحسر على عقليه والدتها) : اي حسودين اي بطيخ !
ام عبدالعزيز : ايه حسودين .. ويتمنونه لبناتهم
دلال : يمه الولد عنده مشاكل نفسيه .. منو تبيه بالله ؟!!
ام عبدالعزيز : شفتي .. نجحت خططهم
دلال : بييييه .. تحسبين كل الناس عندها خطط ومؤامرات ضدنا ؟!
ام عبدالعزيز : يابنيتي الريال مافيه شي .. لا تضيعينه مثل اللي قبله
دلال : تبيني اتزوج واحد مينون .. مو صاحي
ام عبدالعزيز : ردينا للخرابيط ..
دلال : عبدالعزيز بنفسه تأكد وقالج ان اهله يصكون عليه بمزرعتهم اذا يتله الحاله على قولتهم ..
ام عبدالعزيز ( في تغيير لاستراتيجيه الدفاع ) : مو يمكن حالته تتحسن بعد الزواج .. ومع العلاج تروح
دلال : من صجج .. وين قاااعدين !! .. اذا اهله مو قادرين يتحملونه ويقطونه بعيد اذا مرض ..
شلوون انا يالغريبه اتحمله ؟!
ام عبدالعزيز ( في مرافعه ثالثه للدفاع) : وانشالله انتي ناويه تضلين على هالحال ..
كل واحد يتقدم لج بتطلعين فيه عيوب الدنيا .. شنو مخططه تطيحين بجبدي
وتجابليني باجي عمرج بالبيت ؟
دلال : والله عندي اقعد ببيتاهلي احسن من اني اخذ واحد يعقدني معاه ..
ام عبدالعزيز : ايه عفيه عفيه .. خليج جذي ,, اللي بعمرج عيالهم يناقزون وراهم وانتي مجابلتني
دلال ( دموعها تخنق كلماتها ) : يمكن انا غلطانه لما رفضت اللي يوني قبل .. لكن مهما يصير ماراح اقط نفسي جذي .. الناس جذبوا علينا وحتى لو انا رضيت .. ابوي واخواني ماراح يرضون بمثل هالنسب ..
ام عبدالعزيز : مالت عليج انتي واخوانج اللي شاده فيهم الظهر ..

[Star_Girl's]

بعد دقائق في غرفه دلال ..

دانه : اذكرس الله دلول .. ماتسوى السالفه كل هالبجي
دلال : خلاص .. ماقدر اتحمل
دانه : بعد عمري انتي ولايهمج .. ولا تضيقين خلقج صدقيني ماراح يصير الا اللي تبينه .. بعدها ماوصلت السالفه للتحكم حتى بالزواج
دلال ( بكلمات تخللتها شهقات البكاء ) : مو عن جذي يادانه .. ادري ان
حتى لو ابوي عطاها مجال عزيز ماراح يسكت ,, بس ( وغرقت الاحرف بالدموع )
دانه : شنو الله يهداج .. تراج قطعتي قلبي .. شاللي مكدر خاطرج ؟
دلال : امي ..
دانه : غير سالفه العرس !! .. شصاير بعد ؟؟
دلال : كل شي تصورته الا انها تعايريني باني بعدني ماتزوجت
دانه : تعايرج .. ؟ ! وشنو يعني واذا بعدج ماتزوجتي ؟!!
دلال: يعني اني راح اعنس
دانه ( بلكنه استنفار للدفاع ) : شنو عانس .. توج صغيره على الزواج اصلا !
دلال : مو على اساس كل رفيجاتي واللي بعمري تزوجوا
دانه : واذا .. مو سبب هذا !
دلال : واني قاعده وارفض بعيال خلق الله ..
دانه : يوووه ماعليج.. امي وتعرفينها اذا عصبت تقعد تجرح بالكل بعدين تتحسف
دلال : مو للهدرجه.. والله لو اني قاعده على قلوبكم .. (استرسلت في البكاء من جديد )
دانه : واااي دلول ,, لا تقولين هالكلام تعرفين مكانج وغلاتج بهالبيت
كلها ازمه وتعدي


طرقات على باب الحجره *المفتوح* تلاها رأس يطل بفضول ..

دانه : تفضل عزوز
عبدالعزيز ( بفزع ) : عسى ماشر .. ؟
دانه : ماشر .. بس خبرك الوالده مكدره خاطر دلال بجم كلمه ..

اجاب بالايماء برأسه دلال على الفهم . ثم استطرد بالكلمات

عبدالعزيز : على شنو هالمره .. لايكون معرس الغفله بعد ؟
دلال ( بضعف ) : اي ..
عبدالعزيز : لا تحطين كلامها ببالج .. ماراح يصير شي غصب .. كل شي الا الزواج .. هذي مافيها روح وتعال
دانه ( باتسامه في غير موضعها من هذا الحوار ) : عسى الله يخليك لنا ذخر يالغالي ياللي مالنا سند غيرك بالدنيا
عبدالعزيز : دووين .. شنو الطلب اللي باخر هالخطبه .. ؟
دانه : ايه اسم الله عليك .. ذكي .. طول عمري اقول عزيز اذكى واحد بهالعايله

دلال تضحك اخيرا بعد مهرجان الدموع

عبدالعزيز : امري ..
دانه : مايامر عليك عدوو .. ممممم ابيك تطلعنا انا ودلال .. ترى متنا من حكره البيت
خل نروح سينما مسرحيه او حتى نتعشا او نتغدا برا .. ودنا بر بحر ..
المهم نغيرر جوو ونطلع من روتين البيت
عبدالعزيز : ومالج الا طيبه الخاطر انشالله .. باجر ارجع من الدوام الاقيكم زاهبين ..
دلال : الله عاد من الظهر
عبدالعزيز : ولا شلون يصير تغيير روتين على قوله اختج العبقريه
دانه : ايه ايه الله يعافيك . مو طلعه امي لها سوق وزف
دلال : يمه من عيارتج
عبدالعزيز : هوايتج الاولى والاخير الصرف بالسوق .. الحين صارت الطلعه مع امي كخ يعني
دانه : ها .. لا لا مو كخ .. بس الطلعه معاك احلى .


الجزء السابع
عاد سعود للمنزل ليجد خير مفاجأه ..
شقيقه عبدالله قد عاد من السفر ,, والغى بذلك ماكان سيقال من ثرثره واهيه بين التوأمان بشأن امر الحبوب

سعود ( خانه التعبير ) : هلاا والله .. حمدالله على السلامه ..جان دقيت علي عشان استقبلك بالمطار ..
عبدالله : الله يسلمك .. قلت افاجئكم
سعود : اييه .. قره عينك يبه
ابو عبدالله : بويهه نبيك .. دق على اخوك قوله ان عبدالله وصل
سعود : انا داق عليه قبل لا ادش البيت واهوا بالطريج الحين ..
ساره ( من العدم ) : وناااااااااااسه منزمـــــــان ما ايتمعنا كلنا !
ابو عبدالله : عساها دوم يمعه خير يابنيتي


اقبل عليهم احمد مذهولا بوجود عبدالله ,,
كان اخر ماتوقعه هو ان يرى شقيقه قبل انقضاء الاسبوع ..
بعد تجاذب اطراف الحديث.. سرعان ما ادرك ان سعود قد فوجيء مثله
تماما وان عوده اخاه لم تكن سبب تلك المكالمه الساخطه !

~~~~~~~~

[Star_Girl's]

~

" يابنت الناس انا ابي اخطبج من اهلج "

كانت تلك الجمله الوحيده التي تفوهه بها "خالد" بالقرب من "ساره" صباح هذا اليوم ..
وكوانوا واثقين بانها قد كانت كافيه تماما لجعل قلبها الصغير يرقص فرحا طول ساعات اليووم القصيره !

ساره : الووووووو .. هدييل وينج اليوم ؟
هديل : الدكتور اعتذر عن المحاضره ورديت البيت .. سوير شفيج صوتج يخرع ؟؟!
ساره ( ملئوها الحماسه ) : وااااااي .. فرحانه حدي وخايفه وكل شي .. كل شي
هديل( ببرود) : الظاهر مراهقتج بعدها ماخلصت ..
ساره : لااااااا .. ايييييي بعدها ماخلصت .. بس مو هذا سبب اللي انا فيه
هديل : لايكون كل هذا عشان اخوج رجع من السفر ؟؟
ساره : لااااااا .. شقوولج بس .. اصلا لو اقولج ماتصدقين .. انا نفسي مو مصدقه
هديل: شصاير ؟ لا تخرعيني عالفاضي
ساره : ... خالد قالي انه يبي يتزوجني
هديل: (مازالت على نفس الوتيره *البرود* ) .. منو .. خالد ؟؟! ( انتقلت لوتيره اخرى)
ايـــــه .. شـــــنوو ؟؟ من صجج انتي !
ساره : مادري انا بحلم ولا علم
هديل : مالت عليه من حلم .. شصار قوليلي .. انتي كلمتيه ؟
ساره : لاااااا .. اهوا اليوم قرب يمي وقال انه يبي يخطبني .. وراح
( تلت الـ راح تنهيده طويله )
هديل : راحت روحه ... امبيه هذا صج جريء !! وين قاعدين ؟؟ اي شيييييي ..
لو كنت موجوده جان كفخته بالجنطه ,,الصراحه قله حيا
ساره : ليش قله حيا عاد .. مافيها شي
هديل : الله يستر عليج يالخبله

~~~~~~~~

ارتأى سعود ان اخبار عبدالله بشأن احمد وادمانه اللي بات شبه مؤكد هو افضل وسيله ..
( افضل وسيله لماذا ؟؟ .. لا اعرف )
ووكله امر التحدث اليه ليصبح الشقيق الاكبر هو حلال المشاكل في هذه العائله ..

وما نتج عن ذلك التوكيل كان . .

مواجهه خطره جدا بين عبدالله "حلال المشاكل" واحمد "صاحب المشاكل" ..

زخرت بــ :

- صــراخ
- اكبر مقدار من الغــضب
- الكثير الكثير من الحجج والاعذار الغبيه

تخللها :

- القليل من الدموع
- تغيير للأقنعه

انتهت بــ :

- خضووع واستسلام من احمد

كان كالحمل.. وديع جدا ,,
لم اعتد ان اراه بمثل هذه الحال من الانصياع التام !!
ترجى الحلول من اخيه ..فقد ادرك بأنه اصبح في مأزق
وان لا مخرج منه سوى البابالذي رسمه شقيقه الاكبر..
وافق على كل ما تصوره عبدالله كحل مناسب لمشكلته الحاليه ..

- استلام عبدالله لدور الطبيب المعالج !

تقنع القسوه ليخفي اي ملامح للشفقه عن شقيقه المريض
اخذ دور الآمر الناهيفي هذه القضيه ..
لعب دور المعاتب ايضا .. ليلوم احمد عن ماكان
سينتج عن ادمانه من ضرر لشخصه ولكل هذه العائله
قرر ان يغير اسلوبه وشخصيته فقط ليتمكن من انقاذ مايمكن انقاذه


احمد ( اختلط دموع الرجل بقطرات العرق ) : خلاص خلاص .. ودني اتعالج برا .. صدقني انا بعد تعبان
عبدالله : ماكو علاج برا .. صاحي انت تدور الفضايح
احمد (مستمرا بالبحث ): الاعلانات .. الاعلانات اللي ساعات يحطونها بالجرايد ..
عبدالله (اكتسى بالجفاف والقسوه ) : اقولك برا ماكو روحه هالمره تقولي داخل الديره !
احمد : ايه هذي مراكز علاج .. صدقني بيتعاملون مع الموضوع بسريه ولا يعلمون احد .. اصلا فكرت ادق عليهم بس ماقدرت
عبدالله : دام انك انت بنفسك مصر و تبي تتخلص من اللي حطيت نفسك فيه ..
عيل لا مراكز ومصحات ولا يحزنون .. بتعالج نفسك بنفسك


سيطر على عبدالله شعار : المصلحه العامه تأتي اولا

ليترك شقيقه يتخبط في علاج نفسه

عبدالله : اسمعني .. انت ماصار لك فتره طويله تاخذ هالحبوب ..
يعني تقدر تحل هالمشكله مثل مابديتها .. تقعد بالبيت وتصك عليك باب دارك
لي مايطلع هالسم من جسمك

~~~~~~~~


بعد ايام .. كانت المشاعر قد اختلطت على افراد هذه الاسره
استقرار وسلام ظاهري احس به ابو عبدالله وتمنى ان يدوم ابدا
خوف وقلق سيطرا على عبدالله وسعود لما ألم بشقيقهما المتهور ..
وحسره ايضا على ماحل به وبهما ايضا
عذاب والم يعيشه احمد يوم تلو الاخر بين جدارن حجرته .. امتنع عن الادلاء به لغير منقذه
سرور وبهجه وفرح .. شتى مصطلحات السعاده كانت قد تملكت ساره
وقضت على اي احساس بالخوف او الرهبه

دانه : قووووووه سارونه .. وينج منزمان عنج والله ولهت عليج حدي ..
شلوونج شخبارج شمسويه .. الظاهر حدج لاهيه برجعه اخوج
ساره : واي بالعه راديوو !!!
دانه : لا مدفع
ساره( أخذت نفس عميق ثم انطلقت بدورها ) : هلا والله .. يقويج .. كاني يالعياره
قبل جم يوم كنت عندج مالحقتي تشتاقين لي .. انا تــمــــــــااااااامـ
التـمــااااام .. انتي شلوونج ؟؟ شخبارج ؟؟ شمسوويه .. شعلوومكم
دانه : بخيرر الله يسلمج .. المهمممم عندي لج خبرررر بمليووووووون جنييه
ساره : بشررري
دانه : اخيـــرا امي وافقت اننا يالبنات نقدر نطلع بروحنااا مع بعض ..
مرحبا ياحريه
ساره : ودي اييب بس ماعرف .. عاد تصدقين خبرج مايسوى ..
انا اللي عندي لج خبررررررر بمليار دينار .. طازه فريش
دانه : لااا اليوم يوم الاخبار العالمي الظاهر
ساره : انخطبببببببت
دانه : ......
ساره : شفيج تنتحي .. قولي مبرووك قولي شي ! .. ماتنلااااامين
دانه : من صجج .. فجأه جذي وماتقولووووون لنااااا !!
ساره : وانتي مزهبه الشرهه !! ماصار شي رسمي .. بس كلااااام جذي
لا مقابله ولا خطبه رسميه ولاشي
دانه : اذا ماكوو شي رسمي .. انتي شحقه متحمسه .. شنو تبين تتزوجين مبجرر؟؟
مو جنج كنتي معارضه هالمبدأ !
ساره: ممممم انتي لو تعرفين المعرس بس
دانه : اعرفه بعد !!!
ساره : ايـــــه تعرفينه .. لاااااا ..مو تعرفينه شخصيا يعني .. تذكرين خالد اللي كنت اكلمج عنه
دانه : ايه اللي مالج سالفه غيره .. خطبج !!
ساره : ايه يعني كلام مثل ماقلت لج كلم ابوي وجذي .. مسكين طلع ابوه متوفي ..
دانه : الفال له انشالله .. عقب حركته والورده وسخافته .. مادري شنو تبين فيه .. ويـع
ساره : لا لا انتي ظلمتيه وقلتي صايع وتافهه وحقرتي فيه ..
وطلع مافيه اي صفه من هالصفات .. خطبني صج
دانه : زين لا تتحمسين وتتأملين وايد .. يمكن عمي مايوافق ولا اخوانج
ساره : لااااا بالعكس ابووي مستانس بس يمشي ويقول بنتي صارت
عرووس .. وعاجبه خالد وااااايد يقول مبين من اسلوبه خوش ولد ..
بس بيسأل عنه وعن اهله بعد
دانه ( في تنقيب عن امل اخير لعدم تحطيم فؤاد شقيقها ) : واخوانج ؟
ساره : حتى اهما عادي ماقالوا شي ولا اعترضوا لما قالهم ابوي.. بعدين اذا عمج
موافق وانا ماعندي مانع ماراح يقولوووون شي .. ما منهم خووف يعني
دانه : .....
ساره : شدعوه !! قولي مبروك , الله يتمم على خير .. الله يوفقكم .. الله ياخذكم ..
قولي اي شي !! شفيج مو فرحانه عشاني يعني
دانه (تملكها الأسى) : لا والله بالعكس اي شي يفرحج يفرحني ..
عموما الله يتمم على خير والله يسخره لج انشالله ..


~~~~~~~~

[Star_Girl's]

في الطرف الآخر من القصه

يوسف : بكامل قواك العقليه حضرتك
خالد : اي يبه .. الوالده صار لها فتره تحن تبيني اتزوج ..
وبيني وبينك هالبنت دشت مزاجي عالاخر وابيها
يوسف : بس انت بعدك ماتخرجت حتى اعماركم .. توها عليك ..
ماتحس ان زواجكم يهالوه شوي .. بربس باختصار
خالد : لا تنسى اني هالسنه بتخرج .. واني اساسا داش الجامعه متأخر
ومحوول وتأخرت بهالكليه نفسها .. يعني اكبر منكم مو "يهالوه" يالهالوه
يوسف : والبنت .. بعدها مستجده مو خريجه نفسك ..
خالد : ما اختلفنا اهي يمكن يهالوه نفسك .. بس لا تنسى انها ميته فيني وبشكلها على ما ابي
يوسف : ياشين الثقه عليك .. ميته فيك .. ولا هي الوحيده اللي عرفت
تنزل راسك للقاع وخلتك تخطبها غصب ,, بعدين شنو تشكل ياخي ..
تراهي بنت مو صلصال
خالد : هه هه هه ,, ادري انها مو صلصال .. انت فاهم قصدي
يوسف : ياخي عليك عقليه مادري شلون صايره ! بس ارد واقولك ..
ترى هذا زواج مو لعبه .. ماتقدر تمل منها وتخليها بعد جم شهر ..
فاهمني ولا اعيد
خالد : فاهمك حبيبي لا تعيد ولا تزيد .. ولا تسوي روحك شريف روما على راسي .


الجزء الثامن
اغلقت دانه سماعه الهاتف .. بعد ان فتحت لها ساره باباً للقلق .. الحيره والحزن !
دانه في دردشه مع النفس ( او الانفس بالأحرى ) حول خبر المليار :

دانه (1) " ياربي .. شسوي الحين اقوله يتقدم ويخطب على خطبه هالــ...
اللي مادري منين طلع لنا .. ولا اسكت واخليه يتفاجأ .. "

دانه (2) " بس ماكو فايده .. اذا اهي اصلا معجبه بهالــ... ,, شلون بتوافق على حمني ! "

دانه (3) " وهم اذا ماقلت له .. اخاف ينصدم "

دانه (4) " لاحول ولاقوه الا بالله .. شالمواقف الـبـايـخـه اللي دايما انحط فيها "

دانه (5) " ممممم .. زين اذا قلت لسوير ان اخوي يحبها .. مو ممكن تغير رايها وتحبه بعد "

دانه (6) " يمكن تغير رايها وتكرهه .. تغير فكرتها عنه نهائيا ..
يمكن حتى معزته على اساس انه ولد عمها تروح "

دانه (7) " المصيبه صج اذا كانت تدري انه يحبها .. بس ماتبيه
لانه صراحه اهتمامه فيها مو طبيعي "

دانه(8) " صح صح .. واهي ماتعطيه ويهه من هالناحيه !!
ولا كأنه على قيد الحياه ! "

دانه (9) " اوووووووف .. والله احترت.. قطيعه قلبي يعورني كلما فكرت بموقف عبدالرحمن اذا عرف "

دانه (10) " ليش ما اقوول دلال واهي تتصرف .. على الاقل اطلع من هالاحساس بالذنب "


~~~~~~~~


اتجهت الي غرفه شقيقتها الكبري ... طرقت بلطف على الباب الخشبي

دلال : تفضل ..
دانه ( باستياء) : السلام
دلال: توج مستانسه ومزئططه على قولتهم .. شفيج قلبتي الموجه؟
اكيد دقيتي على ساره وماتبي تطلع ؟ صح ولا صح
دانه : يــاااااليت السالفه وقفت على جذي
دلال : تخانقتوا .. انتي متى بتكبرون على الهواش والنجره !
دانه : اففففف .. دقيت وتمنيت اني مادقيت
دلال : هوو لهدرجه الهوشه جايده ؟! ؟! ؟؟!!
دانه : واااااااي بسج توقعات اي هوشه اللي تتكلمين عنها .. ساروه انخطبت
دلال ( بصوت منخفض ) : شنووو
دانه : اقولج انخطبت بس ماكو شي رسمي حتى لامي لتقولين لا تروح تتشره بعد ..
خلينا بمشكلتنا الحين .. انا مثل اللي بالعه الموس
دلال : اي موس
دانه : موس عبدالرحمن .. مادري شسوي اقوله ولا لاء
دلال : نقوووووووووووله .. اكيد نقوله خل ياخذ خطوه ويخطبهاااااا وراح
تصرف نظر عن هاللي متقدم لها ,, ولد عمها اولى من الغريب
دانه : بس هذا اللي متقدم لها .. اهي تعرفه من الجامعه ويعني تدرين تحبه ومعاجبها ومادري شنو
دلال ( صمتت في تفكير ) : هم لازم نقوله .. على الاقل نمهد له عن المشاكل
دانه : بالله سالفه خطبه وزواج .. شلون نمهد لهااااا ؟؟؟
(استطردت باستهزاء) .. يعني نقوله طالعين مع ساره تجهز لعرسها مثلا !!
دلال : مادرررري مادري .. ياربي انتي اخبارج كلها نفس ويهج ,,
بس هم اشوف اننا مو لازم نسكت
دانه : انتي قوليله .. اني مالي شغل اخاف .. بعدين تعالي شكو اخباري ..
انا اللي بتزوج ولا ساره !!



~~~~~~~


بدأ احساس الاطمئنان يتلاشى من كيان ابو عبدالله واخد يتساءل عن
وضع ابنه احمد القابع في غرفته من عده ايام ..

ابو عبدالله ( بحده غير متوقعه ) : شسالفه اخوكم .. شسالفتكم كلكم انتو الثلاثه ؟
عبدالله وسعود بصوت واحد : اي سالفه
ابو عبدالله : اخوكم معتكف بغرفته من خمس ايام .. ولا تسألون عنه ولا
هامكم الموضوع ولا كانه هالحال مو طبيعي .. خاشين شي علي ؟
عبدالله : لا مو خاشين شي .. تدري فيه ولدك متهور وينجرف بسرعه
فتشوفه مشغول يخطط مع مشرووعه مع صاحبه
ابو عبدالله : من متى احمد تهمه المشاريع ولا التجاره .. من متى المشاريع يخططون
لها بغرفه النوم ! ؟ من متى احمد اصلا يحب يقعد بالبيت !
عبدالله : تعرفه يايبه .. بسرعه يصدق الشي ودخل مزاجه المشروع ..
بعد جم يوم بيحس انه توهق ومل من هالسالفه .. وبيطلع منها اسرع
مما دش فيها اساسا .. ( والتفت على سعود في طلب للنجده )
سعود ( مستجيبا له ) : بعدين اهوا بنفسه قال ان مشروعهم يعتمد على علاقات خارجيه
وكمبيوتر وانترنت ومن حجي هالشباب اللي خبرك .. فتلاقيه الحين
غرقان بين الفاكسات والمكالمات ..
يخمس ويسدس مع صاحبه


صمت ابو عبدالله ليس لانه صدق ماقيل , باختصار لانه ..
اراد ان يصدق .
اراد ان يعيش لذه لحظات النجاح الذي كانت بنظره تحقيق الاستقرار لعائلته .
اراد ان يبتعد عن دوره الصغير كأب وربما ان يتخلى عنه تماما .
اراد ان يجعلهم يعالجوا مشاكلهم كفرد واحد ولو لمره واحده .
اراد ان يبني لنفسه قصرا وهميا خامات طوبه هي السلام والسعاده .

برأيي
لابد من قول الحقيقه .. فــ بإختصار هذه العائله لا تجيد حياكه الاكاذيب على الاطلاق
خصوصا ماهو مزخرف او ملون منها ..

[Star_Girl's]

في الطرف الآخر من القصه

يوسف : بكامل قواك العقليه حضرتك
خالد : اي يبه .. الوالده صار لها فتره تحن تبيني اتزوج ..
وبيني وبينك هالبنت دشت مزاجي عالاخر وابيها
يوسف : بس انت بعدك ماتخرجت حتى اعماركم .. توها عليك ..
ماتحس ان زواجكم يهالوه شوي .. بربس باختصار
خالد : لا تنسى اني هالسنه بتخرج .. واني اساسا داش الجامعه متأخر
ومحوول وتأخرت بهالكليه نفسها .. يعني اكبر منكم مو "يهالوه" يالهالوه
يوسف : والبنت .. بعدها مستجده مو خريجه نفسك ..
خالد : ما اختلفنا اهي يمكن يهالوه نفسك .. بس لا تنسى انها ميته فيني وبشكلها على ما ابي
يوسف : ياشين الثقه عليك .. ميته فيك .. ولا هي الوحيده اللي عرفت
تنزل راسك للقاع وخلتك تخطبها غصب ,, بعدين شنو تشكل ياخي ..
تراهي بنت مو صلصال
خالد : هه هه هه ,, ادري انها مو صلصال .. انت فاهم قصدي
يوسف : ياخي عليك عقليه مادري شلون صايره ! بس ارد واقولك ..
ترى هذا زواج مو لعبه .. ماتقدر تمل منها وتخليها بعد جم شهر ..
فاهمني ولا اعيد
خالد : فاهمك حبيبي لا تعيد ولا تزيد .. ولا تسوي روحك شريف روما على راسي .


الجزء الثامن
اغلقت دانه سماعه الهاتف .. بعد ان فتحت لها ساره باباً للقلق .. الحيره والحزن !
دانه في دردشه مع النفس ( او الانفس بالأحرى ) حول خبر المليار :

دانه (1) " ياربي .. شسوي الحين اقوله يتقدم ويخطب على خطبه هالــ...
اللي مادري منين طلع لنا .. ولا اسكت واخليه يتفاجأ .. "

دانه (2) " بس ماكو فايده .. اذا اهي اصلا معجبه بهالــ... ,, شلون بتوافق على حمني ! "

دانه (3) " وهم اذا ماقلت له .. اخاف ينصدم "

دانه (4) " لاحول ولاقوه الا بالله .. شالمواقف الـبـايـخـه اللي دايما انحط فيها "

دانه (5) " ممممم .. زين اذا قلت لسوير ان اخوي يحبها .. مو ممكن تغير رايها وتحبه بعد "

دانه (6) " يمكن تغير رايها وتكرهه .. تغير فكرتها عنه نهائيا ..
يمكن حتى معزته على اساس انه ولد عمها تروح "

دانه (7) " المصيبه صج اذا كانت تدري انه يحبها .. بس ماتبيه
لانه صراحه اهتمامه فيها مو طبيعي "

دانه(8) " صح صح .. واهي ماتعطيه ويهه من هالناحيه !!
ولا كأنه على قيد الحياه ! "

دانه (9) " اوووووووف .. والله احترت.. قطيعه قلبي يعورني كلما فكرت بموقف عبدالرحمن اذا عرف "

دانه (10) " ليش ما اقوول دلال واهي تتصرف .. على الاقل اطلع من هالاحساس بالذنب "


~~~~~~~~


اتجهت الي غرفه شقيقتها الكبري ... طرقت بلطف على الباب الخشبي

دلال : تفضل ..
دانه ( باستياء) : السلام
دلال: توج مستانسه ومزئططه على قولتهم .. شفيج قلبتي الموجه؟
اكيد دقيتي على ساره وماتبي تطلع ؟ صح ولا صح
دانه : يــاااااليت السالفه وقفت على جذي
دلال : تخانقتوا .. انتي متى بتكبرون على الهواش والنجره !
دانه : اففففف .. دقيت وتمنيت اني مادقيت
دلال : هوو لهدرجه الهوشه جايده ؟! ؟! ؟؟!!
دانه : واااااااي بسج توقعات اي هوشه اللي تتكلمين عنها .. ساروه انخطبت
دلال ( بصوت منخفض ) : شنووو
دانه : اقولج انخطبت بس ماكو شي رسمي حتى لامي لتقولين لا تروح تتشره بعد ..
خلينا بمشكلتنا الحين .. انا مثل اللي بالعه الموس
دلال : اي موس
دانه : موس عبدالرحمن .. مادري شسوي اقوله ولا لاء
دلال : نقوووووووووووله .. اكيد نقوله خل ياخذ خطوه ويخطبهاااااا وراح
تصرف نظر عن هاللي متقدم لها ,, ولد عمها اولى من الغريب
دانه : بس هذا اللي متقدم لها .. اهي تعرفه من الجامعه ويعني تدرين تحبه ومعاجبها ومادري شنو
دلال ( صمتت في تفكير ) : هم لازم نقوله .. على الاقل نمهد له عن المشاكل
دانه : بالله سالفه خطبه وزواج .. شلون نمهد لهااااا ؟؟؟
(استطردت باستهزاء) .. يعني نقوله طالعين مع ساره تجهز لعرسها مثلا !!
دلال : مادرررري مادري .. ياربي انتي اخبارج كلها نفس ويهج ,,
بس هم اشوف اننا مو لازم نسكت
دانه : انتي قوليله .. اني مالي شغل اخاف .. بعدين تعالي شكو اخباري ..
انا اللي بتزوج ولا ساره !!



~~~~~~~


بدأ احساس الاطمئنان يتلاشى من كيان ابو عبدالله واخد يتساءل عن
وضع ابنه احمد القابع في غرفته من عده ايام ..

ابو عبدالله ( بحده غير متوقعه ) : شسالفه اخوكم .. شسالفتكم كلكم انتو الثلاثه ؟
عبدالله وسعود بصوت واحد : اي سالفه
ابو عبدالله : اخوكم معتكف بغرفته من خمس ايام .. ولا تسألون عنه ولا
هامكم الموضوع ولا كانه هالحال مو طبيعي .. خاشين شي علي ؟
عبدالله : لا مو خاشين شي .. تدري فيه ولدك متهور وينجرف بسرعه
فتشوفه مشغول يخطط مع مشرووعه مع صاحبه
ابو عبدالله : من متى احمد تهمه المشاريع ولا التجاره .. من متى المشاريع يخططون
لها بغرفه النوم ! ؟ من متى احمد اصلا يحب يقعد بالبيت !
عبدالله : تعرفه يايبه .. بسرعه يصدق الشي ودخل مزاجه المشروع ..
بعد جم يوم بيحس انه توهق ومل من هالسالفه .. وبيطلع منها اسرع
مما دش فيها اساسا .. ( والتفت على سعود في طلب للنجده )
سعود ( مستجيبا له ) : بعدين اهوا بنفسه قال ان مشروعهم يعتمد على علاقات خارجيه
وكمبيوتر وانترنت ومن حجي هالشباب اللي خبرك .. فتلاقيه الحين
غرقان بين الفاكسات والمكالمات ..
يخمس ويسدس مع صاحبه


صمت ابو عبدالله ليس لانه صدق ماقيل , باختصار لانه ..
اراد ان يصدق .
اراد ان يعيش لذه لحظات النجاح الذي كانت بنظره تحقيق الاستقرار لعائلته .
اراد ان يبتعد عن دوره الصغير كأب وربما ان يتخلى عنه تماما .
اراد ان يجعلهم يعالجوا مشاكلهم كفرد واحد ولو لمره واحده .
اراد ان يبني لنفسه قصرا وهميا خامات طوبه هي السلام والسعاده .

برأيي
لابد من قول الحقيقه .. فــ بإختصار هذه العائله لا تجيد حياكه الاكاذيب على الاطلاق
خصوصا ماهو مزخرف او ملون منها ..

[Star_Girl's]

تعمد (عبدالله قطع جدار السكون بقوله) : الا صج.. شصار على سالفه ساره
اشوفها مستانسه وعايشه الدور
ابوعبدالله : خلها تعيش الدور ماشفت الابتسامه طالعه من قلبها جذي
من سنين .. يمكن من توفت امكم الله يرحمها
سعود : الله يرحمج يايمه
عبدالله : الله يرحمها .. بس يبه ماتشوف انها توها صغيره .. حتى 18 ماكملت
ابوعبدالله : كملت 18 من شهرين .. ولا ناسي شلون خبصتنا خبصه جنه محد كمل 18 غيرها
سعود : يعني فرقت الله يخليكم هالشهرين ولا السنتين .. هم انا اشوف انها توها على الزواج
ابوعبدالله : والله اذا كان هالريال نصيبها محد راح يقدر يرده لا انتوا ولا انا
عبدالله : انزين تأجيل ..
ابو عبدالله : ماكو شي راح يصير قبل العطله ..
سعود : احنا نتكلم عن ليما تخلص الجامعه .. مو عن جم شهرر
عبدالله : اصلا اكيد لازم تاجل هالجم شهر .. هو نفسه ماتخرج .. شلون بيفتح بيت
ابوعبدالله : سألت عنهم حالتهم الماديه معقوله يعني ماهو خبل عشان
يخطب واهوا حتى معاش ماعنده وبعدين يمدحون نسبهم واخلاقهم وهذا
اهم شي .. و بيتخرج ويتوظف على طول انشالله وتتضبط اموره
عبدالله : بييييييييه بو عبدالله مجهز مرافعه الدفاع
بوعبدالله : لا تنسون انكم اصلا بسن زواج .. وتدرون اختكم شكثر متعلقه فيكم
اذا سافر واحد فيكم حالتها حاله .. شلون اذا تزوجتوا ويبتو لها غيرها بالبيت
سعود : مو عذر هذا .. تغار من حريمنا .. فررق ياجماعه الخير وحده اختي والثانيه زوجتي !! شالمنطق !
ابو عبدالله : اختك بتشوفهم مثل شرايجها .. لازم يصير لها عالم بروحها ..
مو كل شي له علاقه بعبدالله وسعود واحمد
سعود : شالسالفه .. حتى لو ربنا كاتب اننا نتزوج قبلها .. ترى ماراح ننساها هذي اختنا على فكره يعني
عبدالله ( بعد ان امتنع عن التحدث للحظات وانخرط في التفكير بمراحل نمو
شقيقته لتغرق عيناه بالدموع ) : والله دنيا .. قبل ماكنت بي اتزوج عشان
سارونه الدلوعه مايضيق خلقها ولا تفقدني .. الحين كبرت وبتتزوج و احنا بنفقدها
سعود : انت متى بيفضى مخزن العواطف اللي عندك وتعقل .. فشلتنا تراك
عبدالله (ضحك بهستريا ومسح ماكان سيصدر عن عينيه) : ههههههههههههه .. جب انت مالك شغل
سعود *الواقعي*: صدقوني سوير ماتدري ربها وين قاطها .. تحسب الزواج وناسه
وطلعات وروحات وردات وحب وغرام وصبيان وبنات وخرابيط الافلام ..
عبدالله *العاطفي* (باستغراب) : ليش مو وناسه .. حضرتك ناوي تنكد على مرتك المستقبليه يعني !
ابوعبدالله : لاتخاف على اختك .. تفكيرها مو تفكير اطفال ..
صارت انضج من اللي بعمرها .. من كثر ماتجابلكم
سعود : من زين اللي تجابلهم عاد .. النطيحه والمترديه عبدالله واحمد
مافيهم احد سنع الا غيري

صدر قرار "سعود " بإنهاء ذلك النقاش بمزحه غبيه ليس لها علاقه بالموضوع الرئيسي
في تلك الجلسه المنعقده ..

~~~~~~~~

عبدالرحمن : قتلك مابي اسافر ادرس برا
عبدالعزيز : كمل دراستك برا احسن لك .. البعثه ورفضتها بحجه الديره
مو عاجبتك .. هالمره انت اختار اللي تبي
عبدالرحمن : انت ليش تبيني اسافر
عبدالعزيز: الحين كلمه جامعي ماتكفي .. روح كمل ماجستير على دكتواره
وبعدين فرصه تعيش برا تغير فكرتك عن الدنيا . .
عبدالرحمن : لحووووول .. دام انك حريص على العلم هالكثر ليش ماتروح انت وتفكني ..
عبدالعزيز : حالتي غير عنك .. انت ماكو شي تخسره و مازلت مو نفسي
متعود على الدراسه .. انا صار لي سنين متوظف ان وقفت عن الشغل مادري
راح اقدر استمر بالدرسات العليا ولا لاء .. بعدين اساسا انا ماقدر اترك شغلي بهالبساطه ..
منصبي جيد جدا بالنسبه لعمري
عبدالرحمن : عيل سكر هالنقاش ولا ترد تفتح لي هالموضوع ..

طوال العام المنصرم كان عبدالعزيز شديد الالحاح بشأن الحصول على
شهادات اعلى وانتهاز الفرص لنيل مكانه ارقى في المجتمع ..
وطوال العام المنصرم ايضا كان عبدالرحمن رافضا بشراسه
لفكره السفر والاغتراب بحجه طلب العلم ..
هل خبر المليار سيغير رأيه بهذا الصدد ؟

سأخبركم بذلك حين يصلني موجز الاخبار من دانه

~~~~~~~


في اليوم تالي كان خبر الخطبه قد بات شبهه رسمي والمواقفه اصبحت
واضحه ولم يبقى الا عقد القران .. حيث حسب توقعاتي سيقضى العروسان
الأشهر المتبقيه من العام الدراسي في شوق وتلهف لاتمام مراسم الزواج

ام عبدالعزيز : هذي اللي على قولتهم مولوده وبحلجها ملعقه من ذهب
دلال : شالسالفه يمه وين قاعدين .. اذكري الله لا تحسدين البنت وتموت شرقانه بالملعقه
دانه باتت تقهقه على تعليق دلال
ام عبدالعزيز : لا تخافين عليها عندها جدار ضد الحسد .. خلوكم انتوا طايحات بجبدي
التفت دلال على دانه تشكو من كلمات والدتها بالنظرات
دانه : ردينا على حمام ياللي والسوالف اللي مالها داعي .. اهم شي اننا راح نطلع كل يوم معاها عشاااان التجهيز للعرس وناااااسه
ام عبدالعزيز : كل يوم .. كل يوم , والله لو عرسج جان ماقلتي بنطلع كل يوم
عبدالرحمن وعبدالعزيز متجهان الي غرفه الجلوس بعد انا عادا مرهقين
من ممارسه رياضه كره السله : السلام عليكم ..
كان الرد طبيعي من الجالسات : وعليكم السلام والرحمه .. تصحبه بعض التساؤلات ..
"ها وين كنتوا ؟ " ,, "شفيكم عرقانين جذي ؟"
وربما التعليقات .. " ويــع لاتفصخ جوتيك .. تطلع لنا ريحه دلاغاتك الحين " ..
" يحليلكم من متى قمتوا تطلعون مع بعض .. شالتطورات الخطيره "
عبدالرحمن: دووين قومي يبيلينا ماي ..


بطبيعه الحال ايضا نهضت دلال لتروى عطش شقيقيها مستسلمه لتكاسل دانه المعهود ..في الواقع لم يكن تكاسلا بقدر ماكان عناد

ام عبدالعزيز : قولي لناني تسوي عصير برتقال بالمره واتييبه لكم
عبدالعزيز : دوين مبين على ويهج انه في خبر مو طبيعي .. بطيها قولي شصاير
دانه ( لتلافي ردود الفعل ) : اليـــــوم الله يسلمك .. طقت علينا الباب وحده .. تقول في واحد مزيووون عندكم .. ابيه لبنتي
عبدالرحمن : لا يالطيبه .. اكيد تقصد عزيز
عبدالعزيز تقمص الدور وبات يشذب الشعيرات القصيره مقدمه رأسه
دانه : طااااع هذا .. صدق عمره المسكيييين
عبدالعزيز: بتقوليلي انها كانت تقصد عبدالرحمن هالشين ؟ ..
ام عبدالعزيز ( اللي لا تتحلى بروح الدعابه على الاطلاق ): الحين حمني شين ..
مملوح اخوك .. املح منكم كلكم يطيح الطير الطاير
هذه المره كان عبدالرحمن هو من تقمص الدور
دانه : امبيييييه حتى الثاني صدق عمره .. يمه عيالج مساكين .. اي شي صراحه
عبدالرحمن : عيل الحرمه يايه تخطبج لبنتهاا مابقى الا انتي مافيج انوثه بهالبيت
دانه : ها ها ها .. محد قالللك انك سخيييييف ياسخييييف ..
خلاص ماني مكمله سالفتي ياسخيفييييين ..

ضحك كل من عبدالرحمن وعبدالعزيز و دلال المتوجهه اليهم *عائده من المطبخ* ..
بينما كانت ام عبدالعزيز تؤنب دانه على طريقه تخاطبها مع شقيقها ..

دلال( ببرود بينما كانت تقدم الماء ) : السالفه ومافيها انه ساره بنت عمنا انخطبت ..

[Star_Girl's]

الجزء التاسع

"السالفه ومافيها انه ساره بنت عمنا انخطبت .. "

بالنسبه لي ولكم
هــذه جمله .. مجرد جمله .. جمله في سطر !
تتكون من كلمات .. مجرد كلمات
التي بدورها تتكون من احرف .. احرف عربيه

بالنسبه له
هذه ليست بكلمات او احرف
بل هي خناجر تطعنه في جميع اطرافه دون رحمه
تمزق قلبه الضعيف مره تلو المره

الى ان تبلد احساسه بالمكان والزمان
امسى لا يسمع شيئا .. فقط يرى ولا يفقهه
يتطلع الي وجوه قد الفها تظهر عليها تعابير غريبه ومختلفه
لم يستطع حتى على ترجمتها ائنذاك ..
بـات عاجزاً .. عن الحراك , الكلام و التعبير
أخذ يجول بنظراته في سماء الغرفه ..
كمن يدعو ربه في صمت وسكون ! يرجو العون او ربما الموت
( لم اتمكن من اختراق جدار صمته لأعرف .. )


~~~~~~~~


المتوجدون الآن :

ام عبدالعزيز " تندب حظ فتياتها كالمعتاد "
عبدالعزيز " مصدوم ومتخوف من ردود الفعل "
دلال " تتظاهر بالطبيعيه وتتحدث ببرود قاتل "
دانه " متألمه من صمت عبدالرحمن ومن برود شقيقتها "

الغائبون الآن :

ابو عبدالعزيز " ينجز بعض مما تراكم عليه من اعمال "
عبدالرحمن " يصارع ليتمكن من العوده اليهم "


بعد دقائق من الالتفاتات والتشابك بالنظرات
عبدالعزيز : ماشالله .. متى انخطبت
ام عبدالعزيز : توه ياينا الخبر
عبدالعزيز : ايه ماشالله اييه يتمم لهم على خير
حتى عبدالعزيز لما يجد الكثير ليقال في حين ناوله عبدالرحمن الكأس الذي كان بيده .. ثم تعارك مع قدميه لينتصر في نهايه المطاف ويتمكن من جعلهما يحملانه الي غرفته ..

~~~~~~~~

في خضم تهامس الفتيات بشأن زواج عريسها الفاتن كما تفضل ان تدعوه ..

هديل : وانتو بتضلون طول هالفتره جذي .. ماراح تتكلمون حتى بالتلفون ؟
على الاقل تعرفي عليه اكثر ..
ساره : ويــي .. شلون اكلمه واحنا ما ملجنا !
نوره : ومتى الملجه انشالله ؟
ساره : قلت لج ماكو شي قبل العطله
هديل : عيل مطولين على هالحال .. مثل ماتوقعت
ساره *الحالمه* : المهم اني صرت له وصار لي ..
نوره : ويـــع .. شنو صرتي له .. مالج كيان خاص فيج انتي .. الحين هذا خلاج تتكلمين جذي !
هديل : هههههههههههههه خليها اذا تزوجته بتمل منه
ساره ( بعصبيه ): ويعه شنو امل منه .. بلوزه ولا ريال ؟!! لا تتكلمين عنه جذي رجاءاً !
نوره : بعد تتدافع عنه .. اقول مااااااالت عليج انتي وياه زييين ..!

وابتعدت عنهم نوره

ساره : شفيها هذي نرفزت جذي !؟
هديل : ههههههههههههههههههههههههه .. تعرفينها نوره تعصب بسرعه وترضى اسرع
مالج شغل فيها بعد شوي بترد ولا جنه صار شي
ساره : زين وانتي شفيج تضحكين عالفاضي وعالمليان
هديل : هههههههههههههه الصراحه .. الصراحه .. مممممم ودي احب نفسج
ساره : اشتغلت الغييره .. بعد قولي لا اله الا الله .. اذكري الله لا تحسدينيي ويرووح
هديل : الله يهنييج .. عاد من زين اللي تحبينه .. انا اقصد الحاله مو الشخص
ساره : حاله .. والله لو اني مينونه ماقلتي حاله جدامي ,, الفاظ الله يخليج
هديل : هههههههههههههه .. واي سوسو .. انتي فاااهمه قصدي
ساره : فاهمه فاهمه .. عقبالج ولا يهمج بس لاتناديني سوسو ..
احس اني شقرا وعيوني خضر ومسويه ذيل حصان عـااااااالي ..
هديل : ايه ايه حده لايق ههههههههههههههههههههههههههههه


~~~~~~~


في اليوم التالي .. في الصباح الباكر
صادفت ساره احمد في مرر يربط غرفتيهما
شاحب .. يميل الى الاصفرار كان وجهه ..
اصابه الهزال .. برزت عظامه .. اصبح في حال يرثى لها
اسند كتفه الي الحائط يتلمس طريقه الي دوره المياه
لم يستطع ان يكمل طريقه و خر على الارض ثانيا ركبتيه
ثم فقد الوعي

ساره : احـــمــــد .. شفيك احمد رد علي (ثم اصبحت تصرخ وتبكي في هستيريا ) ..
عبدالله عبدالله .. سعود يبه وينكم احمد مات ماااات
كان عبدالله اول الواصلين وفجع لما رآه
شقيقته تحمل ما اقترفته يده من خطأ بحق اخاه بين يديها

ساره (تبكي بمراره ): احمد ماات ياعبدالله ماات
عبدالله تقدم ليتلمس نبض اخاه .. بينما كان كل من سعود وابو عبدالله يجريان اليهما في ذهوول
عبدالله (موجهه الكلام الي سعود) : في نبض دق على الاسعاف .. بسرعه تحرررك ..
ساره قومي يبي بطانيه بسرعه

سعود اصبح يركض في جميع الاتجاهات .. ساره تمشى وتتعثر ..
خانتها قوتها ولم تتمكن من التحرك بالسرعه
اما ابو عبدالله فقد تمالك اعصابه واصبح يقرأ عليه ايات من القرآن الكريم
وينفخ في وجه .. يرجو امل اخير من الله عز وجل

حملته سياره الاسعاف هو وعبدالله الي المستشفى وحاول المسعفون
انقاذه دون جدوى .. قد فارق الحياه وسلم روحه الى بارئها
بينما لحق بهم ابو عبدالله وسعود وساره ..
في المستشفى ..

عبدالله (وقد انحني ليضم) : البقيه بحياتك يبه ..
ابو عبدالله : آآآه .. مات .. مات ولدي مات
غرق الاربعه في الدموع
رحل احمد .. رحل ليترك عبدالله وسعود في شباك الذنب والندم
وليترك ابو عبدالله يتحسر على شباب فقيده فيما تبقى من صحارى عمره
وليترك شقيقته الصغرى في الم ظنت انها قد اعتادت الاحساس به ..
الم فقدان عزيز ..
ادركت حينها ان لايمكن ان يكون كل شي على مايرام ولو لاسبوع واحد ..
وايقنت ان الفرح قد بات مستحيلا في غياب شقيقها ووالدتها معا !

[Star_Girl's]

في المحور الثاني للقصه ..

ابو عبدالعزيز : شنوو .. توفى ..
عبدالعزيز : منو اللي مات
ابو عبدالعزيز : الله يرحمه والبقيه فحياتك ياولدي .. احنا ياينكم الحين .. فمان الله
اغلق الهاتف ونظر الي عائلته المتلهفين لسماع اجابه شافيه ..
ام عبدالعزيز : تحجى شصاير ..
ابو عبدالعزيز : هذا سعود اللي كان يكلمني ..
دلال (بجزع ) : عمي !!؟؟
ابو عبدالعزيز : لاا احمد
دلال وام عبدالعزيز : احمد !!
عبدالعزيز : لاحول ولا قوه الا بالله العظيم .. لاحول ولاقوه الا بالله العلى العظيم
دانه : احمد توفى .. احمد ولد عمي مات !
ابو عبدالعزيز : يالله يالله ماكو فايده من الكلام الحين ..عزوز ..عبدالرحمن
خلونا نروح لهم
هز هذا الخبر افراد هذه العائله ايضا .. حرك اي مشاعر قد كانت متجمده
لافرادها ماعدا مشاعر عبدالرحمن .. التي كانت قد نُـحرت منذ البدايه !
امر ابو عبدالعزيز ابنائه باخذه والتوجهه الى المشفى ليعين شقيقه على بلواه ..
انصاع الاثنان في صمت ونوع من الذهول نتيجه المفاجأت المتتاليه التي انهالت عليهم !
انهارت دانه كليا وانخرطت في بكاء ونوح .. وتوجهت جريا الي غرفتها
تلحق بها دلال ..
دلال : ذكري الله .. وادعيلي له ان الله يرحمه
دانه : ما اصدق ان احمد مات ..
دلال : هذي ساعته .. مالنا الا الدعاء
دانه : آآآه ليت ربي ماخذ من عمري ومعطيه .. ليش ياربي ليش
دلال : استغفري ربج .. وادعيله
دانه : لييش احمد .. لييش.. ياربي خذني معاه
دلال (ساد نظراتها التعجب لما تسمعه): شالسالفه يادانه .. والله لو انه ريلج ماقلتي هالكلام !!
شقاعده تخربطين انتي .. لحد يسمعج بس
دانه ( مستمره في البكاء ): ماهمني .. خل يسمعوني .. ليته هو يسمعنى
ليته عرف اني حبيته
دلال (تكرر بدهشه) : الله يعينا .. الله يعين هالبيت على هالمصايب .. الله يعينا ...

~~~~~~~~

في المشفى .. عزى ابو عبدالعزيز وابنائه شقيقه ..
في لقاء انهمرت فيه الدموع رغما عنهم .. وغدرت بهم اعصابهم
فلم تتمكن من الصمود امام عظم الموقف

سعود (يتحدث الى ساره الجالسه تبكي بصمت ): يالله ساره .. امشي اوديج البيت
ساره : انشالله ..
عبدالرحمن : انا اوديكم
سعود : لا لا اقدر اسوق
عبدالله : خل عبدالرحمن يسوق عنك .. شكلك تعبان

خضع سعود وناول عبدالرحمن مفاتيحه من جهه
وناول شقيقته يده من جهه اخرى ليساعدها على تمالك اعصابها والنهوض
كاد عبدالرحمن ان يبكي حين رآها في هذا الضعف ..
اشتعل صدره الما عليها اكثر مما اشتعل قهر على نفسه حين هجرته
تمنى ان يكون حزنها شخصا ليقتله ويبعده عن حياتها

ادار محرك السياره وهو ينظر اليها بواسطه المرآه الاماميه كلما سنحت له الفرص
اراد ان يطمئن ان الالم لم يقتلها ..
لم يبترها ليفصل روحها عن جسدها كما فعل به ..
رأى حزنها كــ إمراه لاول مره في حياته ..
عيونها الذابله من حراره الدموع ..
مجرد النظر اليهما كان كفيلا بجعله يبكي هو نفسه ..

وصلا الى البيت اخيرا .. بالاحرى وصلوا فقد غاب عن ذهني سعود تماما
اتصل عبدالرحمن بدلال

عبدالرحمن : الوو تعالي انتي واختج عند ساره ..
دلال : بالمستشفى .. فيها شي
عبدالرحمن : لا انا وسعود يبناها البيت .. تعالي عندها منهاره ويبيلها احد معاها
دلال : بعد عمري هالبنت ماتهنت بفرحها من مصيبه لمصيبه ماترتاح ..
عبدالرحمن : آف .. الظاهر محد مرتاح بهالدنيا الظالمه ..
دلال : الله المستعان .. الله يعينهم انشالله
عبدالرحمن : خلى امي تسنع امورها بالبيتين وخل تدز السايق اييب كراتين
قلاصات ماي حق العزى .. بيت عمي عزى الرياييل وبيتنا عزى الحريم
* لاول مره كان عبدالرحمن يدير زمام الامور .. نوعا ما *
دلال : ايه انشالله انشالله .. اصلا امي من سمعت وعليه واهي تحوس
بالبيت مو عارفه شتسوي
عبدالرحمن : يالله لا تطولون عليها .. احنا ناطرينج عشان اتيين واحنا نرد للمستشفى
دلال : البس عباتي وشيلتي وايي دقيقه بس ..



~~~~~~~~


مرت ايام تخللها تشريح لجثه الفقيد تلاه بعض التساؤلات من قبل
المشرحين واداره المشفى وابو عبدالله وساره .. وغيرهم !

ابوعبدالله : يـــــاه .. كل شي توقعته الا ان ولدي يكون مدمن
الله يرحمك ويغفر لك ياولدي الله يرحمك
عبدالله : ولا يهمك يبه هالامور راح تتم بسريه ومحد راح يدري صدقني
ابوعبدالله : شفايده السريه ياعبدالله .. شفايدتها !! ماراح تداوي جراحي وجراحكم ..
عبدالله ( انزل رأسه ) : اي والله ..صدقت
ابو عبدالله : المهم كمل الاجرائات الله يعطيك العافيه خلنا نرد البيت ..

عبدالله : انشالله

[Star_Girl's]

الجزء العاشر
اشهر مرت ..

احساس بالذنب قد افترس شقيق القتيل الاكبر وبنى حوله جدار سميك من القسوه
بينما طغى الأسـى على المتبقين . .

فقد طارد الحزن ساره حتى استسلمت له اخيرا وادركت بأنه قدر محتم , لا مفر منه . . !
اوقفت قيدها الجامعي نظرا لظروفها واحوالها المزريه , بينما ظل مشروع
زواجها معلقاً الي أجل غير مسمى ..

وتخبطت مشاعر دانه بين ندم حول جزوعها الواضح حين علمت بوفاه من احبت بكل سريه واخلاص . .
و حزن كان قد اكتسح قلبها اليافع . .

اما ابو عبدالله فقد بات يعد الايام ويتجهز لرحيله هو ايضا ; فقد مل من انفضاض الاخرين من حوله . .
واراد ان يسبقهم بالتخاذل والهروب من حياته ودنياه !

ام عبدالعزيز قد شعرت أخيراً بصغر حجم مشكلاتها وضألتها . .
واقتنعت بأن حياتها - وان لم ترق لها - افضل بكثير من حياه الكثيرين !

دلال خلعت ثوب المصلح الاجتماعي لتتسلح بقناع المعالج النفسي ,, لتسعف كل من شقيقتها وابنه عمها .

خالد .. هل بدأ الحب يتسلل الي قلبه بالفعل ؟ .. فقد اشفق على هذه المسكينه ..
واحس بمراره ايامها .. فبات خير معين لها على تجاوز ذلك الالم اللعين !
هل ظلمته حين نعته بالمخادع و وصفته بالخبيث ؟!
ربما .. لا اعلم

رحل عبدالرحمن .. حمل همومه معه وخلف وراءه احلامه وامنياته ..
ترك كل شيء .. اشعاره , لوحاته , صورها , دفاتر خواطره ,,
احتضن امل جديد وبحث عن سبب وجيهه ليبقى على قيد الحياه ويترك حبه وعشقه الوحيد . .
قد وافق هذا المعذب على اقتراح اخيه بالسفر .. متنازلا عن حقه بالدفاع عن سعادته .. سعادتهما !



~~~~~~~~


دلال : بذمتج ليتما بتضلين موقفه قيدج يعني !! .. للأبد !؟؟
بالعكس لازم تداومين وتشغلين عمرج .. صدقيني انتي قاعد تحرقين نفسج بالقعده بالبيت
دانه ( مرغمه ): طالعي ويهج شلون ذابل ,, لازم تغييرين اسلوب حياتج
ساره : خلاص انشالله برد اسجل من الكورس الياي .. اصلا انا مليت من قعده البيت
دانه : اشووى .. شرايج تحولين لكليتي .. عشا نصير مع بعض على طـول مو احسن
ساره : هو شالسالفه .. !
دلال : اي والله شالسالفه .. تحسبينها ماتعرف تدبر نفسها ولا شنو ؟!
دانه ( متذمره ) : لا والله انا اللي ماعرف ادبر نفسي ..
دلال : على طاري الدراسه .. ترى حمني دق ويسلم على عمى وعلى عبدالله ..
ممممم يسلم عليكم كلكم
ساره : الله يسلمج ويسلمه من الشر .. الا صج اهوا راح يدرس شي يديد ولا بيكمل على دراسته
دلال : شرهتج على اللي يدري والله
دانه ( تلفتت لشقيقتها ) : مالت عليج .. ماتدرين حتى اخوج شرايح يغبر برا ؟ !
دلال : لا شدرررراني .. انا ماادري الا عن الفراق وعوار القلب
ساره ( تنهدت ) : اي والله
دانه (كمن قد ابتلع مذياع ): رايح يكمل بنفس تخصصه .. مو تفشلينا اذا سألج احد !
شلون ماتدرين .. اخته وماتدرين .. منو بيصدقج بالله!
دلال : لحوووول .. ماسوت عليييي .. بس بس درينااا .. جنه محد راح يدرس برا الا اخوج
دانه : تراه اخوج بعد .. مو بس اخوي !
دلال : زيـــــن

"حزنها كله تدفنه اذا شافت ساره . .! يالله شنو تعرف تمثل هالدوينه .."
تمتت دلال بهذه الكلمات لنفسها .. ثم عادت لمجاراه شقيقتها في حديثها
عن القوائم الجامعيه , العنصريه ,ضيق افق البعض والتعصب الفكري الذي تملك الكثيرين ,,
بإختصار كانت شديده الانبهار بالانتخابات الجامعيه واصدائها المدويه ..

دانه : امبيييه تخيلوا واحد مينون .. يا معصب واخذ الباج من جنطه رفيجتي .. لانه مو نفس باج القائمه اللي ينتمي لها
ساره : اف .. قويه هذي .. ما توصل لهدرجه
دانه : اي والله جدام عيوني .. منرفز بعد ماخلصت الانتخابات الاخ
دلال : الحين انتي ماحذرج عزيز من هالسوالف وقالج لا تعلقين شي على جنطتج !
دانه(صارخه) : اقوولج مو انااا رفيجتي موو اناااا
دلال : لا والله واللي معلقته هذاك اليوم شنوو !!؟
دانه (تم كشفها ) : شسوي عاد البنات يوقفون ببلعومج عشان تحطين من هذول
دلال : في شي اسمه لا
دانه : يابنتي يوقفون بالبلعووم مايخلوونج الا لما تحطينه ..
ساره : قطيعه !


يبدو ان دلال ودانه قد امستى قريبتان جدا من تحقيق الهدف الذي تصبوان اليه

: : الهدف : : انتشال ساره من روتينها القاتل : :


~~~~~~~~


رجعت الحياه لما كانت عليه .. ولكن من غير احمد

ساره صارت تواظب على حضور صفوفها الجامعيه وتقضى الكثير من وقتها في الكليه لتنفض عنها الالم ..
ولتنفض عنها الملل صارت تتحدث الى خطيبها خالد عبر الهاتف فقط ..
وتتصرف كانها لا تعرفه حين تصادفه عنوه في الجامعه
ظنت ان في هذا التصرف بعض الذكاء

هديل : اخر شي توقعته انج ترضين تكلمينه !
ساره : صراحه حتى انا ماتوقعت اني راح اكلمه قبل الزواج .. بس شسوي .. السالفه طولت ومادري شلوون .. كلمته وخلاص ..
هديل : انزين شلون سوالفه مليق .. كريه .. غثيث ولا شنو
ساره : لا حرام عليج مايعرف حتى معنى الملاقه
هديل (لوت شفتيها بسخريه ): عشتوو .. الا تلقينه اهوا اللي مخترعها
نوره ( جحظت عيناها ) : الله يرحم ايام قبل .. ايام ماكنتي معترضه على سوالف النت ..
الحين شكلح ماتفارقين التلفون !!
ساره : هذا غير .. خاطبني وكنا بنتزوج على طول لو ما وفاه اخوي الله يرحمه
هديل ونوره : الله يرحمه

سادت لحظات صمت لتفادي اي دموع كانت

نوره ( كاسره لبرود الجلسه ) : انزين عسى مايتغزل ويتفلسف ويسوي عمره
روميو على راسج يا عبله !!
ساره : بالعكس يكلمني عادي ولا مره تخطى حدود الادب معاي .. احسه صج مهتم فيني ويحبني ..
وارتحت له اكثر من قبل
نوره : الله يهنيج فيه ويهنيه فيج
*ردت ساره بابتسامه قد اشتاقوها صديقاتها *
هديل : ويييه الظاهر اني بغير نظرتي بريلج المستقبلي .. الله يعافيه اللي خلاج تبتسمين اليووم
نوره : متى العرررس .. ولا بتأجلونه اكثر
ساره : بعطله الربيع انشالله .. لان اهوا بيكون خلاص تخرج
هديل : شكله معفن بالجامعه الاخ
ساره : معفن !!
نوره : تقصد انه عريق اهني ..
ساره : عريق .. !! ترى بس تأخر عشان جم ماده وبيخلصهم هالكورس ..
لا تسوونها سالفه
هديل : في حفله
ساره : طبعا لا .. اتفقنا على ملجه يحضرونها القريبين مننا حيل وبس ..
نوره : زين عسى في شهر عسل !! مايصير لا حفله ولا عسل
ساره : بنسافر .. مع انه ماودي والله.. بس اهوا اصر يقول اننا محتاجين التغيير
نوره : يحليله حنون بعد
هديل : لا شكلى صج بغير نظرتي فيه ..

تنقلت الفتيات من حديث لآخر .. دون ملل او كلل !

[Star_Girl's]

~


انهار عبدالله مؤخرا .. لم يستطع ان يتحمل ذلك الاحساس الكئيب .. قد اثقل كاهله ..
واراد فقط الانفجار .. بالاحرى الانكسار


عبدالله : ماني قادر اتخلص من هالشعور ياسعود .. احس اني ذبحته بايديني .. انا اللي وصلته لهلمرحله
سعود : الله يهديك شالكلام بس . .
عبدالله : لو اني بس وديته لمركز علاج .. لمكان فيه مختصين يعرفون
يتعاملون مع الوضع .. لكن انانيتي وخوفي على اسمنا ذبحت اخوي
سعود : هذي منيته .. هذا يومه ياعبدالله وانت عارف هالكلام عدل
عبدالله : ولوو ياسعود .. كنت انا السبب .. قتلته بكل برود .. كنت داري
بعذابه وساكت .. كله مني
سعود (تملكه الغضب ): لا حول ولا قوه الا بالله .. استغفر ربك .. الموت والحياه بيده ..
مو بايدك ياعبدالله مو بايدك
عبدالله : حتى ابوي يحملني الذنب بنظراته .. ساره ماقامت حتى
تكلمنى نفس قبل .. انت نفسك نظراتك كلها لوم !
سعود ( مل من ندب شقيقه وصار هو المتحدث الاوحد ): لا تختلق
لنفسك الاعذار .. محد حملك اي ذنب .. كلنا عارفين ان نيتك كانت طيبه
لما قررتوا انت وياه انه يتخلص من الادمان ويقفل عليه بغرفته ..
خلاص ياخوي اللي صار صار .. محد له ذنب ولا احد قاعد يلومك والله !
بعدين انت متوقع انه كل شي يرجع طبيعي بعد وفاته بسهوله ..
ساره انصدمت ومازالت مصدومه .. لا تلومها على اي تصرف يطلع منها
وابوي المسكين ماقام يتحمل اي كدر او قلق .. يدور راحته بأي مكان ..
حتى اخبار التلفزيون مايتابعها !!
لا تنسى اللي مرينا فيه مو سهل .. لا تتوقع اننا نتعايش مع الوضع
ببساطه .. انا معاك بان احمد كان مبتعد عننا بالفتره اللي قبل وفاته ..
بس ولوو مهما كان مانقدر ننسى وندوس على ذكراه بيومين !
خلك من هالكلام واصحى .. ارجع لحياتك وشغلك قبل لايضيع منك كل شي ..


كان الانفجار من دور سعود الذي قد ضجر من شكوى شقيقه الاكبر وندبه
المتكرر على مر الايام والاسابيع والاشهر .. انفجر واعتقد انه قد وضع حدا
بكلماته لكل هذه المهاترات ..

هل كان إعتقاده في محله ؟
غالبا , نعم
فالبؤس الذي عاشه عبدالله بمحض اراداته جعله يرجو ان تخلصه
تبريرات شقيقه من آلامه .. ولو ظاهريا .. او حتى مؤقتا !



الجزء الحادي عشر
::
اقترب موعد عقد القران
::

ابو عبدالله : ادري يابنيتي ان بخاطرج عرس كبير مثل اي بنت .. بس انتي عارفه ان الظروف ماتسمح
ساره : ويــه يبه والله ماهمني لا حفله ولا غيره .. تدري فيني ما احب هالسوالف ولا اواطنها ..
ابو عبدالله : زين والملجه منو بتعزمين عليها .. جم وحده يعني ؟
ساره : يبه واللي يسلم عمرك لا تحاتي .. ماكو الا مرت عمي ودلال
ودانه وهديل رفيجتي .. و مممم انــا !
ابو عبدالله : واهل خالد ؟ نسيتهم ؟؟
ساره : هــااه .. ؟ ايي ماكوو احد بس امه واخته وخالاته وعماته ..
ومادري بناتهم بيحضرون ولا لاء .. بس كلهم مايتجاوزون عشره !
ابو عبدالله (يبدو خاض في هذه الامور زياده عن اللزوم ) : وخالتج ..
مادقيتي عليها
ساره : خالتي تدري فيها .. تعبانه وماتتحرك .. يعني ماتقدر اتيي ,,
انتوا عاد لا تنسون تعزمون عيالها ..
ابو عبدالله : الحين انا قاعد اذكرج .. شلون انسى !
ساره : مــادري .. بس بغيت اتفلسف عليك شوي .
ابو عبدالله ( عاد للخوض في امور ليست من تخصصه ) : وانتي ..
زهبتي نفسج .. نفنوفج جاهز .. حجوزات السفر شصار عليها ؟
ساره : يبه شفيك الله يهداك ! .. هد اعصابك .. صدقني كل شي تمام ..
مرت عمي و دلال ودانه ماقصروا معاى بشي ..
ابوعبدالله : اي والله طلع طيب ام عبدالعزيز وقت الشدايد ..
ساره : اي والله .. ودتنا لكل الاماكن اللي نبيها ولا قالت لا ولا اعترضت ..
حتى دانوه ودلال مستغربين .. تصدق
ابوعبدالله : ماتبي تكسر بخاطرج .. المهم بدلتج مالت الحفله جربتيها ؟ لا
تطلع ضيجه ولا وسيعه وتتوهقين يوم الحفله ..
ساره : ههههههههههههههههه .. يحليلك يبه .. ماتوقعتك تحاتي
لهدرجه .. ابشرك قستها .. وتمام التمام
ابوعبدالله : زين شفيج ماتاكلين نفس الاوادم .. ضعفانه وايد هالايام
ساره : يـــــــبه .. ترى بدعت حدك !


على الرغم من كون ساره بالفعل انطوائيه ولم تحبذ حضور الحفلات والاستقبالات قط ..
لكن زفافها الملغي *طبعاً* لم يكن من تلك الحفلات التي لا تفضلها ..
فليس بإمكان احد منا انكار ان ارتداء فستان العرس - مهما كان لونه - هو أحد
الـذ احلام المراهقات .. والتمخطر به امام جمهور من الاقارب .. هو اسمى غايات بعضهن !
لكنها ببساطه نفت اي اهتمام بهذا الحلم البريء ,,
واكتفت بحفل عائلي جداً لئلا تردم ذكرى فقيدها الغالي ..



~~~~~~~~


" تمت المهمه بنجاح " تعبير تفوهت به دانه والابتسامه تعلو شفتيها
لتنوه عن انتهاء حفل عقد القران المختصر دون اي قلاقل ولتشير ايضا
الى رحيل العروسين لقضاء شهر عسلهما المختصر - فقد خفض الى اسبوعان فقط ! -
دلال : انا مو مصدقه ان دانه مابجت اليوم ..!!
هديل : وي اسم الله عليها .. شكو تبجي ؟ !
دلال (بعفويه ): مادري من الفرح .. الحزن .. تشتاق لامها بيوم عرسها نفس المسلسلات يعني

رن جهاز هديل للمره الــ 17

دانه : شفيه جهازج مابلع ريجه اليوم .. كل شوي داقين عليج
هديل : هذي نوره وعليه .. امها ماخلتها تحضر .. وقلبها معانا .. كل شوي تدق
دلال (بنبره اسى ): ويييي .. تلاقينها شفقانه على شوفه ساره ..
هديل : معانا على التلفون بث مباجر .. "نزلت ساره" .." لبسها المعرس
الشبكه" .. "شربها المعرس العصير" .. ا"خت المعرس سوتها مناحه" ..
ماتشوفيني حتى وقت الزفه الجذابيه واليباب ماسكه الجهاز .. كله عشان تسمع ..
واخرتها قامت تبجي وسكرت .. والحين دقت بس ماني راده عليها .. دبلت جبدي
دلال : وااااااي شفتي .. حتى رفيجتها بجت .. انا مستغربه ساره ليش
مانزلت دمعتها اليوم !!
دانه ( بعد استماع طويل ) : اهى حلفت ماتبجي
هديل: دلال لا تفاولين عليها .. بروحها دمعتها سخيه .. خل تستاااانس شوي
دانه (تضرب كف بكف ) : اي والله دمعتها ببيزه .. الله يستر عسى مو مسويه
فلم هندي عند الريل الحين ..

[Star_Girl's]

على متن الطائره ..
كانت اطراف ساره ترتجف بقوه ...
خوفا , خجلا , فرحا ام حزن .. لا ادري , ربما جميعها معاً ..

خالد : ليش ساكته .. ماقلتي ولا كلمه من الحفله , بالسياره قلنا مستحيه ..
الحين احنا بالطياره .. ماطار الحيا ؟!
لم تنظر اليه وواصلت الصمت حيث تشبثت بالمقعد بكلتا يديها ..
تفهم هو مقدار خجلها منه .. وفي محاوله ناجحه بادر الى وضع يده
فوق يدها ليطمئنها قليلا ..
خالد : بس تدرين .. انلطعت خوش لطعه وانا انطرج بالسياره على ماغيرتي هدومج ..
ساره ( اخيــرا تحدثت ) : اسفه .. بس تدري على ما مسحت المكياج
وعدلت شعري وغيرت هدومي و
خالد ( مقاطعا بهمس ) : ماكو داعي تبررين ياحياتي ..

قال الكلمات المناسبه في الوقت الغير مناسب

" امبيه هذا منو يحسب عمره عشان يقول حياتي ؟ .. خاطبت نفسها بجزع ..
ثم استدركت .. " انا اللي شفيني ! .. اهو بس يحاول يتقرب مسكين ..
شكو خايفه منه .. هذا وانا كنت اعرفه واكلمه .. شلون لو ماعرفه خير شر ! "
كل هذه الافكار كانت قد قفزت الى عقلها في اقل من جزء من الثانيه ..
حيت اوقف تراكم غيرها باستمراره بالحديث ..

خالد : الظاهر انج خايفه من الطياره ..
ساره : هــااا .. اي حدي اخاف من الطيارات
خالد : عيل شحقه قاعده يم الدريشه .. وتفاوضين عليها بعد
ساره : .. اي .. بس اخاف من الاقلاع .. بعدين عادي .. احب القعده يم
الدريشه ياخي عشان اشوف كـل شي ..

ابتسم وهو يحسد نفسه على كم البراءه الذي وجده في زوجته
المرتجفه .. " يحليلها " وصفها بهذه الكلمه .. محدثا نفسه المغروره



~~~~~~~~


بعد ساعات كانت الطائره قد هبطت بركابها بطبيعه الحال ..
قد صليت لكي تفقد هذه الطائره واحدا من ركابها ..
ولكنها لم تستطع التخلص منه ! للأسف !

سعود : هلااا والله بالنسيب .. حمدالله على سلامتكم .. مو جنه طيارتكم تأخرت ؟ ولا انا غلطان
خالد : الله يسلمك .. شدراك عاد اننا تونا واصلين وان الطياره تأخرت شوي ..
سعود : اي ادري الطيار مضيع الدرب ..
خالد : هههههههههههههههه الظاهر انك مجيك على الاوقات وعارف اننا بندق عليكم اول مانوصل
سعود : اي ادري بساره .. بتفتت اعصابك عشان تدق علينا .. المهم عسى ماتأذيتوا مع التأخير ؟
خالد : لا ابشرك امورنا تمام اللهم لك الحمد .. ( ثم خفض صوته مازحا ) .. بس ليش ماقلت لي ان اختك تخاف من الطيارات ؟
سعود ( مستغربا ) : تخاف من الطيارات !! توني ادري بهالسالفه حالي حالك ..
شكلك انت اللي مخرعها .. عطها التلفون خل تقولي شمسوي فيها ..
خالد ( اطلق ضحكه مدويه كسابقتها ) : اي جيك عليها .. ترى ليما الحين مابلعتها ..


كان الوضع قد تطور الى اطلاق الدعابات والمزاح بين خالد وسعود نظرا
لتوطد العلاقه بينهما عقب وفاه احمد .. حيث افسح ذلك المجال لخالد
ليتعرف على افراد هذه العائله عن كثب .. بالرغم من ذلك كان سعود
قلقاً بالفعل على شقيقته الصغرى ..

سعود : هلا بام سرور .. الحمدالله على السلامه ..
ساره ( ضحكت بهدوء ) : ام سرور عاد .. الله يسلمك
سعود : ها شلونج .. يقولون تتنافضين من الطياره ؟!
ساره (دفعه واحده ): الحمدالله .. انتوا شلونكم .. ابوي شخباره ..
اهوا يمك . . ؟؟ عطه السماعه خل اكلمه ..
سعود : قبل لا اعطى التلفون لأبوي .. ما اوصيج .. لا تثقلين على ريلج بالمصاريف ..
بطاقتج معاج اذا حسيتي ان الميزانيه خرمت .. لا تمصخينها
ساره : انشالله .. انشالله .. عطني ابوي
سعود : اوف .. كل هذا مشتاقه للوالد .. زين لحظه حتى اهوا قاعد ينقزني يبي يكلمج
ابو عبدالله : هلا ببنيتي ..
ساره : هلا فيك يبه .. شلونك
ابوعبدالله : انتي اللي شلونج .. عساج مرتاحه

واكملا الحوار الروتيني .. من سؤال عن الاحوال وغيره .. كأنهما لم يتحدثا
منذ دهر .. وكأن الوداع لم يكن منذ ساعات قليله فقط !

لما تعمدت الاصرار على محادثه ذويها سرعان ما استقرا في المطار ؟
هل اشتاقت اليهم فعلا ؟
ام اتصلت لتعرف ان كانوا قد اشتاقوا اليها ؟
ام انها اردات ان تريه بان لها احباء تشتاقهم ويشتاقونها ؟ !

[Star_Girl's]

الجزء الثاني عشر

لم تتوقف حلقات مسلسل "المكالمات الخارجيه" عن البث في ذلك الاسبوع ..

عبدالعزيز : وينك ياخي .. شفيك ماتتصل علينا ؟! الحين انا مو قايلك دق كل
ثلاث اربع ايام سمعنا صوتك .. ياخي حتى لو مالك خلق .. بس خمس دقايق ;
طيبه خاطر للوالده ..
عبدالرحمن : انشغلت شوي .. سافرت مع واحد تعرفت عليه لمنطقه قريبه لنا نتمشى ..
وتدرى وقت السفر ماتفكر باحد
عبدالعزيز ( متهكماً وغاضباً في آن واحد ): الله يهديك .. ومخلينا نشلخ التلفون وانت مادريت عنا !!
ياخي طمنا بمسج على الاقل ولا ماسمعت عن هالاختراع !؟
عبدالرحمن (يصطنع الاهتمام ): خلاص .. انا اسف حقك علي
عبدالعزيز : المهم دق على امي وابوي .. خصوصا امي ترى قلبها شاب عليك نار
عبدالرحمن : انشالله انشالله .. ايه ..شخباركم .. وشلون دانوه ودلال ..
عبدالعزيز : ماكوو زود اخبار .. اختك دلال انخطبت .. بس ليما الحين ماكو شي اكيد .. مجرد كلام
عبدالرحمن (بلا مبالاة) : ايه .. وانت شلونك مع الدوام والترقيه
عبدالعزيز ( انزعج ) : طلعت من خشمي والله .. سولف بشي احسن واللي يرحم والديك ..
عبدالرحمن ( بحذر ) : وبيت عمي .. شعلومهم ؟
عبدالعزيز : ملجه بنت عمك كانت الخميس اللي طاف .. شنو ماعندك خبر ؟ ترى لازم تدق تبارك ..
عبدالرحمن ( لم يصدر اي رد فعل فقد ذهل تماما رغم توقعه لهذا الخبر ..
لم يعتقد بانه سيجرح من جديد .. ظن انه قد تعود على الاحساس بتلك
الغصه الحارقه المؤلمه )
عبدالعزيز : الــووو .. وليييه لا يكون انقطع
عبدالرحمن : ها انا معاك عالخط ..
عبدالعزيز ( مقدما خدمات لا يملكها ) : اذا تبي تعرف تفاصيل ..دوين "النشره المتنقله "
عندها كل الاخبار ..
عبدالرحمن : .. لا وانا شكو .. بس حبيت اخذ واعطي معاك .. اشوفك مالك خلق .. يله الله يسهل عليك
عبدالعزيز : شنو بولد انا ! شفيك ماقمت تعرف تتكلم ..
عبدالرحمن : مادري .. شدراني شنو لازم اقول !

استمر الحديث الممل لدقائق معدوده فقط .. ثم انتهى بسلام حار لكل الاصدقاء ..
ليباشر عبدالرحمن باجراء مكالمه اخرى لوالديه .. ليطمئنهما عن دراسته ..
ويفسر لهما كيف انه لا يعاني من حرقه تملاء صدره كلما استقيظ صباحا وتذكرها
ويشرح لهما كيف انه قلبه لم يجرح على الاطلاق وان احواله لا يمكن ان
تصبح افضل مما هي عليه الان .. !

~~~~~~~~

دلال : قلت لج .. دام انهم يقولون انه زين .. انا موافقه
دانه : هــوو انتي ماوافقتي على اللي اصغر منه .. توافقين عليه !
دلال : من كبره الحين .. ترى مو شايب
دانه : بينج وبينه تسع سنين .. مو جنها قويه التسع سنين !!
دلال : عادي .. بالعكس احسن تفكيره ناضج , مو ياهل ويبيله احد يفكر عنه ..
دانه : سبحان الله .. وجهه نظر يديده هذي !!
دلال :قديمه ولا يديده .. ترددت بما فيه الكفايه .. خل اتزوج وبس
دانه : صاحيه انتي .. شنو خل اتزوج وبس ؟؟! ترى عرس وريل ومستقبل كامل .. مو كره طائره !
دلال : فاهمه شنو الزواج .. مو محتاجه شرح يالخبيره
دانه (توميء باشارات الجنون ) : هالعايله كلها مخفات .. اولها عبدالرحمن رافض السفر
وفجأه وافق وتاليها انتي .. العرس مو بخاطرج ابد وبعدين توافقين على واحد
مايناسبج حتى فكريا ..
دلال : عبدالرحمن .. انتى ادرى بظروفه هالمسكين .. وعارفه
شاللي خلاه يتحمل غربه مايطيقها
دانه : زين .. هالمسكين له اسبابه .. انتي شنو اسبابج
دلال : ادور على راحتي وو ناستي ..
دانه ( الخبيره ) : ياربي .. منو اللي مفهمج ان الزواج سعاده و وناسه ..
ترى ان كثرت بس اول سنه بتستانسين , وتاليها شقا وتعب
دلال : انتي اللي منو مفهمج ان كل زواج فيه شقا .. بالعكس ..
مو يمكن يحبني ويتمنى راحتي والاقي عنده اللي مالقيته اهني ..
دانه : مالقيتيه اهني .. سكتي بس اللي يسمعج يقول معلقينها بالمروحه
ومانعين عنها الاكل والشرب .. !!!



ضلت دانه تناقشها بطريقه تهكميه دفعتهما الي الشجار على غير المعتاد ..
فانحسم الخلاف .. باصرار كل منهما على وجهه نظرها الغير مقنعه !

~~~~~~~~

بعد ايام ..

نبث لكم حلقه جديده من المسلسل العائلي .. " المكالمات الخارجيه "

دانه : هااا رحتوا ايطاليا ولا بعد ..
ساره : اليوم بنروح لها
دانه : بالطياره .. ؟؟
ساره : لا يقول خالد ساعتين بالسياره ونوصل ..
دانه : زين .. الــوووو .. الـــوووو
ساره : هو شفيج .. اسمعج
دانه : اشوى المهم لا تنسين وصايتي الجناط والشحاطات حق الجامعه ..
اهم شي مالت ديور السودا اللي بغيت اشتريها وامي مارضت..
ابيها يعني ابيها
ساره : انشالله ولايهمج ..
دانه : حتى انتي اخذيلج .. ترى يقولون ارخص بايطاليا .. لا بعد يقولون تنزيلات
ساره : انشالله .. انتي تامرين امر
دانه : ماراح تروحون لندن ؟؟
ساره : لا شيودينا هناك ..
دانه : بعد انتوا تناقزون من ديره لديره .. قلت يمكن تمرون على حمني ..
ساره : هههههههههههههههه .. اي والله تعب بس وناسه
دانه : اي استانسي .. ترى هالايام مره بالعمر ماتنعاد ..
دلال : اقول جبي يالخبيره وعطيني السماعه ..
دانه : زيــــــن .. الوو ساره .. هاج النسره بتكلمج ..
دلال : الووو هلااا ساااااره شلووونج .. ولهنا عليج
ساره : هلا فيج .. بخير الله يسلمج .. حتى انا اشتقت لكم والله .. ها شتامرين عليه
دلال : لا يعل راسج سالم مابي الا وناستج .. وانسى هالسخيفه ووصايتها ..
ساره : ههههههههههههه لا عاد الا دندون .. تامر امر
دانه ( مخاطبه دلال ) : انتي السخيفه
وتهم بسحب سماعه الهاتف من يدها ..
دلال ( مدافعه عن لفظها ) : اي والله سخيفه وماتستحين على ويهج ..
عيل البنت رايحه شهر عسل .. وانتى مابقى شي ماوصيتيها عليه
دانه : هلا ساره .. مالج شغل فيها مثل ماوصيتج لا تنسين .. وهاف فن !!
ساره ( كادت ان تظهر ابتسامتها عبر خطوط الهاتف ) : اكشخ يالانجلش ..
في الطرف الثاني من الغرفه ..
خالد : يالله سارونه .. خل نمشي ..
اشارت له زوجته بالايجاب واستأذنت من دانه بلطف ..
ساره : يالله دندون .. لازم نطلع الحين .. سلمي على الكل .. باي
دانه : تيك كيرر .. باي
ساره : انشالله عمتي !!

كانت في منتهى السعاده ..
لدرجه ان صفه السرور قد طغت على نبره صوتها ..
وعلى ملامحها الناعمه ايضا ..
وكان هو ايضا شديد السعاده بإنجازه هذا ..
فقد بنى لها قصراً من الفرح واحياه في قلبها الموجوع ..
اجتاحه شعور بالفخر .. واراد ان يسعدها اكثر فأكثر ..
ليمنح لنفسه حق الزهو بنفسه والفخر اكثر و أكثر ..

~~~~~~~~

[الأمير&]

جميل بارك الله فيك

[خالد المحروقي]

ياهي قصة أختي العزيزة

سأعود وأقرأ حروفها بتأنٍّ

لك كل الشكر على هذا المجهود الرائع

[Star_Girl's]

جميل بارك الله فيك
العفو والله حياك الله

[Star_Girl's]

ياهي قصة أختي العزيزة

سأعود وأقرأ حروفها بتأنٍّ

لك كل الشكر على هذا المجهود الرائع
العفو والله بس راح اكمل لكم :)

[Star_Girl's]

الجزء الثاني عشر

لم تتوقف حلقات مسلسل "المكالمات الخارجيه" عن البث في ذلك الاسبوع ..

عبدالعزيز : وينك ياخي .. شفيك ماتتصل علينا ؟! الحين انا مو قايلك دق كل
ثلاث اربع ايام سمعنا صوتك .. ياخي حتى لو مالك خلق .. بس خمس دقايق ;
طيبه خاطر للوالده ..
عبدالرحمن : انشغلت شوي .. سافرت مع واحد تعرفت عليه لمنطقه قريبه لنا نتمشى ..
وتدرى وقت السفر ماتفكر باحد
عبدالعزيز ( متهكماً وغاضباً في آن واحد ): الله يهديك .. ومخلينا نشلخ التلفون وانت مادريت عنا !!
ياخي طمنا بمسج على الاقل ولا ماسمعت عن هالاختراع !؟
عبدالرحمن (يصطنع الاهتمام ): خلاص .. انا اسف حقك علي
عبدالعزيز : المهم دق على امي وابوي .. خصوصا امي ترى قلبها شاب عليك نار
عبدالرحمن : انشالله انشالله .. ايه ..شخباركم .. وشلون دانوه ودلال ..
عبدالعزيز : ماكوو زود اخبار .. اختك دلال انخطبت .. بس ليما الحين ماكو شي اكيد .. مجرد كلام
عبدالرحمن (بلا مبالاة) : ايه .. وانت شلونك مع الدوام والترقيه
عبدالعزيز ( انزعج ) : طلعت من خشمي والله .. سولف بشي احسن واللي يرحم والديك ..
عبدالرحمن ( بحذر ) : وبيت عمي .. شعلومهم ؟
عبدالعزيز : ملجه بنت عمك كانت الخميس اللي طاف .. شنو ماعندك خبر ؟ ترى لازم تدق تبارك ..
عبدالرحمن ( لم يصدر اي رد فعل فقد ذهل تماما رغم توقعه لهذا الخبر ..
لم يعتقد بانه سيجرح من جديد .. ظن انه قد تعود على الاحساس بتلك
الغصه الحارقه المؤلمه )
عبدالعزيز : الــووو .. وليييه لا يكون انقطع
عبدالرحمن : ها انا معاك عالخط ..
عبدالعزيز ( مقدما خدمات لا يملكها ) : اذا تبي تعرف تفاصيل ..دوين "النشره المتنقله "
عندها كل الاخبار ..
عبدالرحمن : .. لا وانا شكو .. بس حبيت اخذ واعطي معاك .. اشوفك مالك خلق .. يله الله يسهل عليك
عبدالعزيز : شنو بولد انا ! شفيك ماقمت تعرف تتكلم ..
عبدالرحمن : مادري .. شدراني شنو لازم اقول !

استمر الحديث الممل لدقائق معدوده فقط .. ثم انتهى بسلام حار لكل الاصدقاء ..
ليباشر عبدالرحمن باجراء مكالمه اخرى لوالديه .. ليطمئنهما عن دراسته ..
ويفسر لهما كيف انه لا يعاني من حرقه تملاء صدره كلما استقيظ صباحا وتذكرها
ويشرح لهما كيف انه قلبه لم يجرح على الاطلاق وان احواله لا يمكن ان
تصبح افضل مما هي عليه الان .. !

~~~~~~~~

دلال : قلت لج .. دام انهم يقولون انه زين .. انا موافقه
دانه : هــوو انتي ماوافقتي على اللي اصغر منه .. توافقين عليه !
دلال : من كبره الحين .. ترى مو شايب
دانه : بينج وبينه تسع سنين .. مو جنها قويه التسع سنين !!
دلال : عادي .. بالعكس احسن تفكيره ناضج , مو ياهل ويبيله احد يفكر عنه ..
دانه : سبحان الله .. وجهه نظر يديده هذي !!
دلال :قديمه ولا يديده .. ترددت بما فيه الكفايه .. خل اتزوج وبس
دانه : صاحيه انتي .. شنو خل اتزوج وبس ؟؟! ترى عرس وريل ومستقبل كامل .. مو كره طائره !
دلال : فاهمه شنو الزواج .. مو محتاجه شرح يالخبيره
دانه (توميء باشارات الجنون ) : هالعايله كلها مخفات .. اولها عبدالرحمن رافض السفر
وفجأه وافق وتاليها انتي .. العرس مو بخاطرج ابد وبعدين توافقين على واحد
مايناسبج حتى فكريا ..
دلال : عبدالرحمن .. انتى ادرى بظروفه هالمسكين .. وعارفه
شاللي خلاه يتحمل غربه مايطيقها
دانه : زين .. هالمسكين له اسبابه .. انتي شنو اسبابج
دلال : ادور على راحتي وو ناستي ..
دانه ( الخبيره ) : ياربي .. منو اللي مفهمج ان الزواج سعاده و وناسه ..
ترى ان كثرت بس اول سنه بتستانسين , وتاليها شقا وتعب
دلال : انتي اللي منو مفهمج ان كل زواج فيه شقا .. بالعكس ..
مو يمكن يحبني ويتمنى راحتي والاقي عنده اللي مالقيته اهني ..
دانه : مالقيتيه اهني .. سكتي بس اللي يسمعج يقول معلقينها بالمروحه
ومانعين عنها الاكل والشرب .. !!!



ضلت دانه تناقشها بطريقه تهكميه دفعتهما الي الشجار على غير المعتاد ..
فانحسم الخلاف .. باصرار كل منهما على وجهه نظرها الغير مقنعه !

~~~~~~~~

بعد ايام ..

نبث لكم حلقه جديده من المسلسل العائلي .. " المكالمات الخارجيه "

دانه : هااا رحتوا ايطاليا ولا بعد ..
ساره : اليوم بنروح لها
دانه : بالطياره .. ؟؟
ساره : لا يقول خالد ساعتين بالسياره ونوصل ..
دانه : زين .. الــوووو .. الـــوووو
ساره : هو شفيج .. اسمعج
دانه : اشوى المهم لا تنسين وصايتي الجناط والشحاطات حق الجامعه ..
اهم شي مالت ديور السودا اللي بغيت اشتريها وامي مارضت..
ابيها يعني ابيها
ساره : انشالله ولايهمج ..
دانه : حتى انتي اخذيلج .. ترى يقولون ارخص بايطاليا .. لا بعد يقولون تنزيلات
ساره : انشالله .. انتي تامرين امر
دانه : ماراح تروحون لندن ؟؟
ساره : لا شيودينا هناك ..
دانه : بعد انتوا تناقزون من ديره لديره .. قلت يمكن تمرون على حمني ..
ساره : هههههههههههههههه .. اي والله تعب بس وناسه
دانه : اي استانسي .. ترى هالايام مره بالعمر ماتنعاد ..
دلال : اقول جبي يالخبيره وعطيني السماعه ..
دانه : زيــــــن .. الوو ساره .. هاج النسره بتكلمج ..
دلال : الووو هلااا ساااااره شلووونج .. ولهنا عليج
ساره : هلا فيج .. بخير الله يسلمج .. حتى انا اشتقت لكم والله .. ها شتامرين عليه
دلال : لا يعل راسج سالم مابي الا وناستج .. وانسى هالسخيفه ووصايتها ..
ساره : ههههههههههههه لا عاد الا دندون .. تامر امر
دانه ( مخاطبه دلال ) : انتي السخيفه
وتهم بسحب سماعه الهاتف من يدها ..
دلال ( مدافعه عن لفظها ) : اي والله سخيفه وماتستحين على ويهج ..
عيل البنت رايحه شهر عسل .. وانتى مابقى شي ماوصيتيها عليه
دانه : هلا ساره .. مالج شغل فيها مثل ماوصيتج لا تنسين .. وهاف فن !!
ساره ( كادت ان تظهر ابتسامتها عبر خطوط الهاتف ) : اكشخ يالانجلش ..
في الطرف الثاني من الغرفه ..
خالد : يالله سارونه .. خل نمشي ..
اشارت له زوجته بالايجاب واستأذنت من دانه بلطف ..
ساره : يالله دندون .. لازم نطلع الحين .. سلمي على الكل .. باي
دانه : تيك كيرر .. باي
ساره : انشالله عمتي !!

كانت في منتهى السعاده ..
لدرجه ان صفه السرور قد طغت على نبره صوتها ..
وعلى ملامحها الناعمه ايضا ..
وكان هو ايضا شديد السعاده بإنجازه هذا ..
فقد بنى لها قصراً من الفرح واحياه في قلبها الموجوع ..
اجتاحه شعور بالفخر .. واراد ان يسعدها اكثر فأكثر ..
ليمنح لنفسه حق الزهو بنفسه والفخر اكثر و أكثر ..

~~~~~~~~

[Star_Girl's]

دانه : تدرين .. ليتنا قايلين لها انج انخطبتي وجذي
دلال : لا يامعوده .. خاف مايصير نصيب ( وتخفض صوتها برويه) .. بعد خاف المعرس يغير رايه
دانه : ويـــع .. عشتو حاصل له .. دلال ترضى فيه ويغير رايه .. كافي عيوبه الشرعيه
دلال : ههههههههههههههههه .. حرام عليج ترى الريال ماينعاب ..
كل من مدحه لابوي ولعبدالعزيز
دانه : ويـــع .. اصلا عساه يغير رايه .. فكه !

طرق لباب الغرفه تبعه صوت نحنحه منها عرفن الفتيات بأن الطارق هو والدهن ..
فنهضت دلال بعجله لفتح الباب له ..
دلال : هلا يبه ..
وقبلت رأسه باحترام ..
بينما ضلت دانه جالسه على السرير دون اى مبادره للحركه * كالمعتاد* ..
ابوعبدالعزيز ( مخاطبا دانه ) : انتي متى تصيرين نفس اختج ؟
دانه ( ببلاهه مصطنعه ) : وي .. شكو اصير نفسها !!
ابو عبدالعزيز : زين طلعي من الدار .. ابي اختج بكلمه راس
دانه : انشالله بنفتك من عريس الغفله ..
ابو عبدالعزيز ( بنبره لا تخلو من القسوه ) : مو شغلج .. يالله قومي ..
دانه : وااااااي .. انشالله .. اسود مو اهل بس يصارخون !!
تناولت احدى المجلات من على مكتب اختها الصغير .. وخرجت من الغرفه
تمشى ببطء .. بينما كانت دلال تحاول جاهده كتم ضحكاتها وتغلق الباب
الذي عجزت شقيقتها الصغرى عن اغلاقه .. ثم توجهت للجلوس الي جانب والدها ..


دلال : آمر يبه ..
ابوعبدالعزيز : كلمني بو راشد ..

* بالمناسبه .. راشد هو من تقدم لخطبتها ,, وبطبيعه الحال فإن ابو راشد هو والد من تقدم لخطبتها *

دلال : انزين !
ابوعبدالعزيز : وقالي انكم بتسافرون بعد الزواج على طول حق كوريا
دلال : كوريا !!
ابوعبدالعزيز : انتي تدرين ان راشد دبلوماسي ..
دلال ( مقاطعه ) : بس انا ماوافقت الا لما دريت انه ماراح يروح سفارات او قنصليات ..
يعني ما راح ابعد عنكم
ابو عبدالعزيز : السفره هذي شهرين او ثلاث اشهر مو عمل دائم ..
وبعدين ترى فيها فرصه كبيره له ..
دلال : ولـوو .. مو ورا الملجه على طول
ابو عبدالعزيز : اعتبريه شهر عسل
دلال : بكوريا !
ابوعبدالعزيز : ولا يهمج .. تراه قالي انه هالشغله ملحه وان بعد ماينجز
شغله بيوديج شهر عسل ..
دلال : هــا .. لا مو عن جذي .. بس جنه 3 اشهر مو بسيطه !
ابو عبدالعزيز : اذا تبين نخلى الزواج بعد مايرد من السفر ..
اهم شي راحتج .. وهم مو مخالفين

غرقت لثواني في الصمت ..

ابو عبدالعزيز : خلاص .. اخليج تفكرين .. وبعدين ردي علي خبر
دلال : لا خلاص انا موافقه .. الزواج بعد مده .. يعني مو باجر بسافر ..
عندي وقت ارتب نفسي
ابو عبدالعزيز : اكيد .. ماتغيرين رايج وتوهقيني
دلال : لا ماراح اغير رايي انشالله ..
ابو عبدالعزيز : خلاص توكلنا على الله ..


لما وافقت على أي حال .. ؟
لما وافقت على من يكبرها بحوالي عشر سنوات دون غيره .. ! ؟
أكانت حياتها مزريه لهذه الدرجه .. !! ليس باعتقادي
ام كان الالحاح عليها شديداً .. ؟ لطالما تحملته .. فلما اختلف الامر الان (!)
ايعقل ان يكون السبب هو السعاده الصادره عن ساره .. ؟
هل جعلها ذلك تفكر مليا بشأن سعادتها ومستقبلها هي الاخرى ؟
ربما .. لكن هذا ليس بالسبب المقنع

غموض قد ساد تغير رأيها المفاجيء عن مبدأ الزواج ككل ..

~~~~~~~~

عبد العزيز : وافقت على السفر .. معقوله ؟
ابو عبدالعزيز : الظاهر ان امك فاره راسها .. وذابحتها بالحنه ..
عبدالعزيز : ... ماعتقد .. انا قايل لامي تخليها تاخذ قراراها بنفس ..
بدون تدخلات من اي احد
ابو عبدالعزيز : هذا نصيبها .. وهذا اللي كاتبه ربك لها
عبدالعزيز : ونعم بالله .. عموما راشد خوش الريال ..
ابو عبدالعزيز : ايه .. الفال لك
عبدالعزيز : لا لا لا .. سالفه العرس هذي انسوهااا .. حرام ادفن طفولتي ..
ابو عبدالعزيز : اي طفوله .. اطول مني وتقول طفوله ...
عبدالعزيز ( مال على والده مداعبا) : اتغشمر معاك .. بس ترى صج .. توني لاحق على الزواج ومجابل المره والعيال ..
ابو عبدالعزيز : اي عيال ؟ ! الحين انت اخطب .. بعدين تكلم عن العيال
عبدالعزيز : لازم اتطمن على اخوي الصغير اول واستره .. بعدين اتزوج
ابو عبدالعزيز : عذر اقبح من ذنب .. الحجي رايح معاك .. راسك يابس


يتميز افراد هذه العائله بصفه تندرج تحت الغباء احيانا .. !
وتحت قوه الشخصيه احيانا آخرى .. !
لا بد انكم قد ادركتم ما انا بصدد التحدث عنه .. *العناد*
يقال ان العناد والاصرار على رأي واحد ولو كان خاطئا هو نوع من الغباء والحمق ..
و البعض فعلا مؤيدين لهذه المقوله .. بينما يرى آخرون .. ان الثبات على
موقف واحد دون التأثر باراء الغير .. ودون الانجراف معهم .. هو سمه من
سمات الشخصيه القويه والعزيمه .. الخ .

برأيي ان العناد يمكن يندرج تحت هاتين الصفتين معاً ( الغباء والقوه ) بحسب الموقف والقضيه .. !!
و ربما لا ينتمى لأى واحده منهن فلا يعتبر العناد غباء او حتى قوه !

[Star_Girl's]

الجزء الثالث عشر

مازال النقاش حول أمر زواج دلال مستمراً ,, لا تقلقوا ..
سيتم ولكن وفق بعض الشروط *المتوقعه*
دلال : ترى من الحين اقولكم .. ماكو شي راح يتم وعبدالرحمن مو اهني
دانه : هوو .. اي اكيد , شلون تتزوجين واخوج مايحضر !
ام عبدالعزيز : اول شي تو الناس على هالحجي وثاني شي لا تخافين بوقت
العرس اخوج بيحضر ,, ثالث شي منو قال انه في شي بيتم وواحد من
اخوانج مو اهني ؟
دلال : اي ترى قلت لكم من الحين .. كل شي ولا حمني .. دوين بالطقاق
مو ضروري تكون موجوده لكن الا حمني ..
دانه : اشـــكره جــدامي !! زين يادليل بنشووف من بيوقف معاج غيري ..
ياناكره الجميل .. ياخاينه

~~~~~~~~

مدد اسبوعي عسل ساره لشهر .. بإصرار من زوجها وبترحيب عميق منها ..
كانت سعيده جدا ولم تشأ لهذا الشعور ان ينتهي .. فقد خشيت ان ينتهي
الفرح بانتهاء رحلتهما الورديه هذه .. !

على الرغم من انها اكتشفت تقلب مزاج زوجها .. الا انها تكيفت مع ذلك ..
وتحملت قسوته وجفائه احيانا .. لتنعم بعذوبه لسانه احيانا اخرى
قضيا معا اجمل اللحظات .. تنزها في كل مكان .. كانا يخرجان من الفندق
منذ الصباح الباكر ولا يرجعان .. الا بعد تناول العشاء .. أو لتناوله !
لم تشعر بهذا القدر من المتعه .. احبته كصديق , كمرافق .. وكزوج يكاد
ان يكون حنوناً ولكن دائما مايتراجع عن هذا الحنان باطلاق احد تعليقاته اللاذعه
.. شعرت بأنه العالم بأسره .. عشقته بكل حالاته .. حين كان يداعبها
بسخافاته المعتاده ,, حين كان يسخر منها حين تتوه منه دائما في احد المجمعات الضخمه ..
او حين كان يؤنبها - على تأخرها في الاستعداد للخروج مثلا - بألفاظه السوقيه ..
اظنته يمزح ؟ ام باتت تلك الالفاظ تعتبر نوعا من المزاح ؟
عجيب هو امر هذه الفتاه .. صارت تتقبل من هذا الغريب معامله حمقاء ..
هي التي لم تسمح لاحد من اشقائها او صديقاتها ان من احترامها صارت
تأذن له بالتحدث معها باسلوب مبتذل وحقير ..
تنازلت عن كبريائها الجامح امامه .. هو فقط .. لما لا ادري
ايكون هذا تعرفيها للحب .. ؟ التنازل والانحناء لمن لايستحق ؟

كما تعرفون .. فإن لكل شهر نهايه .. واليوم هو نهايه رحلتهما


ساره : ترى اخذت رقم عبدالرحمن من دانه ..
خالد : عبدالرحمن منوو
ساره : ولد عمي ..
خالد : ايه هذا اللي يدرس برا ..
ساره : ايــه .. عليك نور .. احنا مو راح ننزل ترانزيت بلندن جم ساعه بردتنا للكويت ..
خالد : اي .. خلصي
ساره : راح يعطينا شغله موصينه عليها ربعه مادري اخوه .. المهم انه بيدز شي معانا للكويت
خالد : ترى والله بلشتينا بأهلج ووصاياهم ..
ساره : شدعووه .. كلها جيس صغيرون .. لا تخاف مو جنطه كبيره
خالد : "جيس صغيرون" .. زين امرنا لله ,, ترى انا متزوجج انتي بروحج مو متزوج اهلج وعيال عمج والقبيله كلها
ساره : خـــالد .. لا تصير جذي عاد ..

~~~~~~~

ام عبدالعزيز ( مشتعله غضباً): الحين انت ريــال شطولك شعرضك ..اخرتها تطلع موصي اخوك على لعبه ..
دلال ودانه انفجرتا ضحكا لاغاظه شقيقهما الكبير
عبدالعزيز : يمه الله يهديج .. هذي مو لعبه يهال ,هذي الله يسلمج لعبه كمبيوتر
يعني عن طريق الانترنت .. يلعبونها ناس اكبر مني .. حتى كبرج
ام عبدالعزيز : هــو ..!! ماعندهم اشغال , عيال .. يقعدون يجابلون لعبه جنهم يهال
عبدالعزيز : يابنت الحـــلاااال .. اللعبه عالميه ومايفهما اي شخص .. بالعكس
فيها ذكاء وتكتيك وأمم وقارات وحرووب
ام عبدالعزيز : حتى بالالعاب حروب ؟ ! زين انت مو كفيتك اللي عندك
عبدالعزيز : هذي نفسها .. نفس اللعبه بــ ..
دانه ( مقاطعه ) : هووو من صجك انت .. موصيه وحالتك حاله وتلفونات على موعد
طياره سارون وريلها .. اخرتها تطلع عندك اللعبه ..
عبدالعزيز : خليني اكمل يالمطيوره وبتفهمين ..
دانه : كمل ياللي مو مطيور ..
عبدالعزيز : بس هالسي دي اللي بيدزه عبدالرحمن مع بنت عمج عباره
عن
نسخه اجدد من اللعبه .. فيها خرايط اكثر وامكانيه ابتكار شخصيات جديده .. فهمتي ؟
دلال : اقول شرايكم تغيرون الموضوع .. ترى لاعت جبدي
عبدالعزيز ( مازحا ) : ماكوو فايده .. جهله
ام عبدالعزيز : منوو الجهله ؟
عبدالعزيز : دليل ودووين يمه .. مالقيتي الا هالخوات اتييبنهم لنا .. عوع
ام عبدالعزيز : اشوى حسبتك تقصدني ..
عبدالعزيز : لا محشومه يالغاليه ..
ام عبدالعزيز : وبعدين على قولتك اختك غير هالموضوع .. كل واحد شحط
شطوله وقاعدين يسولفون عن لعبه ..

بهذه الملاحظه الواقعيه .. قد انهت ام عبدالعزيز النقاش الذي بدأ للتو ..

~~~~~~~~

" الحين انا منحاش من الديره بكبرها عشان ما اشوفهم .. عشان انساها يقومون واييون لي عندي ! سبحانك ياربي .. الظاهر شوفته مكتووبه علي "
وجه عبدالرحمن لشخصه هذه الكلمات بينما كان يقود سيارته متوجها الي المطار لاستقبالها ولتسليمها الامانه ..
تلهف كثيراً لرؤيه وجهها الجميل مره آخرى .. اراد ان يحتضن ملامحها بعينيه ..
لم ينساها قط .. ! اراد فقط ان ينعش صورتها في ذاكرته ..
في الوقت نفسه .. قد كرهـ رؤيتهما معاً .. خشيّ ان يتألم امامها .. خاف ان
يوقض فيه ذلك جروح لم تلتئم ولكن اصابها الخدر - رأفه من الخالق - لبعض الوقت !

وقف امام بوابه القادمون متوجسا .. ينظر الي الخارجين منها ويتفحص معالمهم ..
الدقائق تمر كالساعات حين يفكر بها وكالثواني حين يتذكر وجود زوجها ..
قلبه يخفق بعنف كانه في انتظار لعمليه جراحيه .. قطرات العرق تتصبب من على جبينه .. القلق بات جليا على تقاطيع وجهه .. التى قد طغى عليهاالاحمرار .. صار يفرك كفاه ببعضهما تاره .. وبرأسه تاره آخرى ..
لم اعهد قد على هذه الدرجه من التوتر .. (!)
بدا لي كمراهق متخوف من الحكم الذي سيتلقاه جزاء جريمه قد ارتبكها ..

مجرد ان لمحها .. صار يسمع كل شي كطنين الذباب .. قد اختل توازن حاسه السمع عنده ..
وحمدا لله لم يختل بصره ايضاً !
هاهي تتقدم وقد ميزته من بعيد .. تسبقها ابتسامتها الرائعه .. ممسكه
بيد شخص قد رأه مره او مرتين في عزاء الفقيد احمد المقام قبل اشهر ..

" الحين هذا اهو .. مو احلى مني .. حلوو بس هم انا مملوح " بات يتحدث كالاطفال الان .. " مهما يكون .. ماراح يحبها كثر ما احبها "

عبدالرحمن : حمدالله على السلامه ..
معا : الله يسلمك
سلام وتعارف استغرق دقائق .. هذا هو عالم الرجال " عالم السرعه "
لاحظ الحقيبه الصغيره التي يحملها غريمه .. فأدرك انها سيمكثان هنا لاكثر من من مجرد ساعه .. او ساعتين

عبدالرحمن : هوو تبوني اوصلكم للفندق ..
خالد : لا ترى كلها جم ساعه وبنرد للمطار ماتسوى فندق ولويه
عبدالرحمن ( تجبره اخلاقه ) : عيل شرايكم امشيكم ..
ساره : لا مانبي نثقل عليك .. وراك دراسه ودوام ..
عبد الرحمن : لا ماوراي شي .. جان انتوا ماتبوني فهذا شي ثاني
خالد : لا بالعكس احنا نبي احد يدل عشان يودينا لمكان حلو هالجم ساعه ..

أخذ على عاتقه وظيفه المرشد الساحي مرغما .. تمنى ان يرفضا
ان يفضلا الاسترخاء في قاعه الانتظار .. او ان يحبذا التنزه لوحدهما .. لـكـن الرياح لا تجري كما تشتهي السفن .. !

كانا يتشاركان الضحك .. ويتبادلان الحب امام ناظريه ..
و كان عليه الابتسام دوما وابداً .. !

[Star_Girl's]

لاحقا حين عادا الي الطائره واستقرا في مقعديهما ..

ساره : بليز خالد .. لا تمسكني جذي جدام الناس
خالد : شنو اللي "امسكج جذي" .. شتبين انتي ؟
ساره : اقصد لما حطيت ايدك على جتووفي ..
خالد : وليش معترضه انشالله ؟ بالعكس مافيها شي حياتي
ساره : ادري ان مافيها شي بس مايصير تمسكني جذي جدام ولد عمي ..
او اي ناس نعرفهم .. احس فشله ! بعدين حتى حياتي وحبيبتي ومادري شنو .. لاتقولهم جدام اهلى بليز .. ترى بينقص ويهي وانحرج
خالد : غريب امرج !!

هل اعتبرت الفاظ التعبير عن المحبه عيبا يتوجب النهي عنه .. !!
ام انها لم ترد ان تعرف عائلتها بقدر الاهتمام الذي تحظى به فيقومون بتخفيض مقدار رعايتهم لها ؟ ! سبب تافهه

~~~~~~~~

دانه : زين ليش مانروح لها اليوم ؟!
ام عبدالعزيز : لاحقه .. باجر يابنيتي .. توها واصله وتعبانه وولهانه على اخوانها
ماراح تقعد تجاملكم ..
دانه : هـــو .. يعني احناااا مو خواتهاااا !!
دلال ( تأشر بيدها على دانه ) : هذي ماتفهم ..
دانه : يــاسلام .. ياختي ولهت عليهااااااااا ابي اشوفهااا افففف
دلال : خلاااص هذا البيت يمنا خطوتين .. روحي
دانه : بعدها ماوصلت .. اذا وصلت ارووح
ام عبدالعزيز : قلت لج ماكو روحه الا باجر
دانه : اف ..
دلال ( عاقده الحاجبين) : اف منج ..


اشتاقوا لها كثيرا .. ارادوا رؤيتها ومعرفه اخبارها ..
اين ذهبت ؟ وماذا فعلت ؟
وكيف هو طعم الزواج والحب .. ؟
وماذا يشبه التواجد مع من تحب .. ؟
وكيف يكون العشق ممتعا لهذه الدرجه ؟
الدرجه التي جعلت نبره صوتها تتغير .. لتجعل العصافير تقرر الغرق في الصمت

~~~~~~~

وصلا الي منزل والدها .. استقبلوها بحراره جارفه ..

ابو عبدالله : حيا الله ساره وخالد .. توه مانور البيت
عبدالله : حيا الله ام سرور وابو سرور
ساره : وااااااي شنو سرور .. اي شي .. لا تسوونها علوق انت وسعود
سعود : ماسرع مانرفزتي .. غشمره يالدعله .. غشمره
ساره : دعله بعد !
خالد ( يجلس متمللاً ) : دلوعه والله ..
ساره : اي مو دعله .. دلوعه
عبدالله : تعترف بعد .. !
ساره (تتحدث وتنظر الى زوجها ): والله على الاقل الدلع لايق علي ..
مو نفس بعض الناس
ابو عبدالله : من اولها بتتعايرون .. !

استمر الحال على هذا المنوال من المزحات (الثقيله بالنسبه لـ ساره ) .. التي
كانت تفجر الشباب وتفجر ساره غيظا حيث اخذت كل الامور على محمل الجد ..
فلم تسمح لنفسها بالاستمتاع باللحظات المرحه القليله التي تقضيها
مع والدها وشقيقها وزوجها ( زوجها * لهذه الكلمه رونق غريب * )

~~~~~~~~

اخيرا اجتمعت بالفتيات ..

ساره : وااااااااااااي ليماالحين مو مصدقه انكم ساكتين عن هالخبر الحلوو وماقلتوا لي ..
جذي تخلوني اتنح جدام خالتي مادري شالسالفه
دانه : والله كنت ابي اقوولج بس هذي مو راضيه .. شكو مادري
دلال : ماكان في شي اكيد .. يعني بس كلام وجذي ,, وبعدين قلت اخليج
بفرحتج ماني مخربتها عليج
ساره : تخربينهااااا ..!! لا غلطانه بالعكس والله افرح زووووود ..
دانه : قلت لج اختي ماعندهااا سالفه . . الا اقول في واحده من رفيجاتج يايه اليوم
ساره : على اساس هديل بتيي بس مادري شصار ودقت قالت بتيي بيوم ثاني
دانه : احسن .. مالي خلق اجابل واجامل
ساره : خالتي وين راحت .. سلمت عليها وباركت لها .. سالفتين وقامت .. شفيهاا ؟
دلال : عندها عزى اليوم ومادري منو ولده ومادري اي عيوز بيزورونها ..
تعرفينها تخلص على مشاويرها بيوم واحد
دانه : شتبيين بامي هاااا .. تبينها تقعد عشان مانسألج ونسولف على راحتناااا .. ادري بخططج
ساره : لا والله مو جذي .. سألي اللي تبين وسولفي باللي تبين بعد
دلال ( مخاطبه شقيقتها المتهوره ) : انتي شفيج .. ماتعرفين تتكلمين ؟
متى بتتعلمين الاسلوب والذوق .. متى !؟ !!
دانه : على طاري الامهات .. شلون ام ريلج .. عسى مو شريره نفس المسلسلات
ساره : اي يحليلهاااا تهبل .. حليووه وطيبه
دانه : وخالد طالع عليها ولا لاء
دلال : وااااااي فشلتينا .. سكتي بس تحقيق ولا تحقيق
ساره : ههههههههههههه لا تخافين .. طيب
دلال : واخته مو عنده اخت وحيده ؟
ساره : امبيه اخته .. حدي خايفه منها شكلها نسرررره تخرع
دانه : ويي شكو تخافين منها ؟ انتي شلج شغل فيها اصلج !
ساره : نسيتي اننا بنسكن معاهم ..
دانه : اي والله صج .. بس هم مالج شغل فيها .. ان طولت لسانهاا اناا لها
ساره : حرام عليج البنت ماطلع منها شي ..
دلال : دووين هرموناتها متخربطه هالايام .. زاهبه للهوشات
دانه : المهم ريلج .. شلونه معاج ..
ساره : زين ..
دانه : بس زين .. انتي بتجلطينيييي ولا شنوو
دلال : اقول .. عمي شلون رضى تسكنين بعيد عنه
ساره : واي سكتى كاسر خاطري .. امس يحاجيني يقول ليش ماتقعدون عندنا ..
بس اذا فكرتي فيها ترى هم ام خالد واخته قاعدين بروحهم .. ومايصير يخليهم ..
بعدين مادري شلون الواحد يسكن عند اهل مرته ..ترى مو حلوه !
دانه : امبيه .. حدنا بنفقدج والله
ساره : حتى انا احاتي ابوي واخواني بعد ..
دلال : خل سعود وعبدالله .. عمي اللي شنو بيسوي
دانه : زوجوه ..
ساره : مالت عليج وعلى اقتراحاتج زين .. قال زوجوه قال

~~~~~~~~

[Star_Girl's]

~

ابو عبدالله : ماودك تعرس وتبرد جبدي .. خلنى اشوف عيالك ..
عبدالله : آآخ .. قلبي بعده محترق على اخوي شلون اخطب واتزوج ,,
ولا افكر بهالموضوع بكبره
ابو عبدالله : هذي ساره اختك تزوجت .. وبعدين الدنيا تمشى .. واحنا المفروض
مانظل واقفين بنفس المكان .. بالعكس نمشي معاها قبل لا تسبقنا
عبدالله : ساره وضعها غير وضعي
ابو عبدالله : وضعها نفس وضعك .. وظروفها نفس ظروفك ولا نسيت انها اخته مثل ما انت اخوه
عبدالله ( يعض اصابعه ندما ) : بس اهي ماذبحته .. انا اللي قتلته بغبائي وعنادي
ابو عبدالله : اخاف اموت ولا اشوف ذريتك ياوليدي
عبدالله : عسى روحي فداك .. عسى يومي قبل يومك .. لاتقول هالكلام يبه
ابو عبدالله :عيل خلني اخطبلك دانه ..
عبدالله : دانه .. بنت عمي ! .. اول شي والله يخليك لا تضغط علي بسالفه الزواج
.. وبعدين دانه .. ترى صغيره يمكن كبر ساره .. اخر وحده افكر فيها كزوجه
بنات عمي مثل خواتي
ابو عبدالله ( باصرار ) : انت اختار اللي تبيها ..
عبدالله : يبه والله مو بخاطري لا زواج ولا يحزنون .. وان مابغيت اتزوج مو رادني الا لساني ..
ليش ماتزوج سعود .. ماعتقد بيمانع
ابو عبدالله ( نفذ صبره ): ازوج الصغير قبل الكبير !!؟
عبدالله : ويمكن حتى مايقول لا اذا قلت له عن دانه ..


لا اعرف مابال الفتيات والشباب .. مضربون عن الزواج .. كأن هناك ذئبا في انتظارهم
ليله العمر .. ! وان فروا منه فإن هناك تنين متربص للناجين امثالهم .. وسيظل يلاحقهم
الى ان يفترسهم في نهايه المطاف .. !!
لما عزف الكثير منهم عن الزواج .. وهو سنه من سنن الحياه والطبائع البشريه .. !

~~~~~~~~

بحر وصعب مرساه says :
انا مو مصدق انج معاي بنفس كليتي وليما الحين ماعرفت منو انتي

Nobody worth your tears & the only one who worth it , won't make you cry says :
انا مو بكليتك .. قلت لك من قبل اخذت ماده بكليتك بعدين شكو تعرفني ؟

بحر وصعب مرساه says :
شفيها اذا عرفتج ؟ ولا جيكره


Nobody worth your tears & the only one who worth it , won't make you cry says :
أنا جيكره .. اصلا الحلا ياخذ من حلاي

بحر وصعب مرساه says :
اكيد بطه .. ولا في وحده تتغلى هالكثر على اسامه الـ****

Nobody worth your tears & the only one who worth it , won't make you cry says :
تصدق .. انت وايد شايف عمرك على الفاضي .. يافاضي .. باي ياسخيف

طرفا المحادثه القصيره هذه :

(1)
Nobody worth your tears & the only one who worth it , won't make you cry
نـوره
نعم نوره ,, لا ترمقوني بتلك النظرات .. فقد عاد ذلك الجهاز *اللعين* الى غرفتها
بفضل والدتها .. فهي من اعادته لغرفه ابنتها .. لادخل لي بالامر ..
يال هؤلاء الاهل .. الا يتعلمون من اخطائهم .. ؟
أ لم يستشفوا العبر من تجارب غيرهم .. !!


(2)
بحر وصعب مرساه
شخص ما .. من هذا الحوار استنجت ان اسمه اسامه .. وانه ابن عائله ذات صيت في
الكويت , كما ان شعرت بأن الغرور يكاد يتدفق من فتحتي انفه .. !
وعرفت ايضاً بأن هناك العديد من المحادثات الالكترونيه .. قد سبقت هذه ..


" سخيف .. غبي .. شلون خليت هالتافهه يستفزني " تسألت بهذه الكلمات
وهم تهم بتسجيل الخروج من برنامج المحادثه .. ثم توجهت الي غرفه المعيشه
لتقوم بواجبها اليومي وهو :
.:: مجامله والدتها لمده ساعه على الاقل قبل خلودها الي النوم ::.

ام ناصر : مابغيتي تفارقين الكمبيوتر
نوره : كنت اسوي تقرير
ام ناصر : ماصارت تقرير هذي
نوره : شسوي .. شلون ارفع تقديري عيل

رن هاتفها النقال بضع رنات
نوره : ويع هذي شتبي .. احد يدق الساعه 10 ونص بالليل
نوره : الوو
جنى : هاااي .. شلونج شخبارج
نوره : بخير انتي شلونج ..
جنى : تمام انتي شلونج
نوره : !!!! قلت لج بخير الحمدالله ..
جنى : اوبس .. سوري مو مركزه معاج توني شابكه عالنت واسولف بالمسن
نوره ( بشراسه ) : دامج مشغوله .. شكو داقه
جنى : ابيج تشبكين ..
نوره : يبيلها تلفون هذي .. جان دزيتي مسج وخلاص .. خرعتيني
عبالي عندج سالفه
جنى : مادزيت مسج بيكوز أى نو انج راح تنطشين .. عشان جذي دقيت
نوره : هم راح اطنش .. مالي خلق
جنى : نوووو .. نواره بليز .. القيرلز كلهم اهني مو ناقصنا الا انتي
نوره : ادري انهم موجودين .. كنت اونلاين قبل شوي ..
جنى : واااي ليش طلعتي .. يالله شبكي اقيين
نوره : مابى .. جنى صراحه مالي مزاج ..
جنى : بلييز بلييييز بلييييييز .. دونت بي سيلي
نوره : اوكي اوكي ..

استأذنت من والدتها .. ثم عادت للاتصال بشبكه الانترنت وقامت بتسجيل الدخول
في برنامج المحادثه .. وباشرت التخاطب مع صديقاتها .. من ضمنهم جنى
التى قد عرفتها منذ المرحله المتوسطه .. ولكن علاقتهم قد فترت مؤخرا ..
مع انشغال كل وحده منهن بحياتها الجامعيه ..


Apple-Pie says :
ولكم نوار .. عاش من شافج

لو نظر الي نيوتن لادرك بأن للجاذبيه قانون آخر says :
هلا نونو

صعب انساك .. واخشى مع الوقت تنساني says :
ولاكم حجيه

Nobody worth your tears & the only one who worth it , won't make you cry says :
قوه بنات


استمر الحديث لدقائق قبل ان تفاجيء بوجود ذلك المغفل الذي كان يستفزها ..


بحر وصعب مرساه says :
ها اشوفج رجعتي .. ماقدرتي على فراقي

Nobody worth your tears & the only one who worth it , won't make you cry says :
ويع من زينك .. ماقدرت على فراقك .. مالت عليك وعلى اللي علمك على الانترنت

بحر وصعب مرساه says :
اذا لايعه جبدج مني صكيني بلوك .. ادري انج حبيتني ودشيت قلبج

Nobody worth your tears & the only one who worth it , won't make you cry says :
ويع ياكرهك .. استلم احلى بلوك

قامت بحظره كى لا يتمكن من محادثتها وانشغلت بالسخريه مع صديقاتها حول
استاذ قد اخفق في شرح ماده ما .. فنسيت ان تمسحه نهائياً من قائمتها
ومن حياتها ..

[Star_Girl's]

الجزء الرابع عشر

خلال زياره روتينيه قامت بها ساره للإطمئنان على والدها وشقيقيها ..
قررت ان تقوم بزياره الفتيات في منزل عمها ايضاً .. فقد اشتاقتهم رغم انها كانت تتحدث اليهم في الامس القريب . . !

في منتصف السلام كان الحوار كالاتي ..
دانه : هــا شلونج مع الريل ؟
ساره : .. تمام الحمدالله
دانه : اففف ردينا على تمام وما تمام .. يالعبيطه فهمي من السؤال اني ابيج تسولفين وين رحتوا وين ييتوا ؟.. شسويتي معاه؟ يعني نبي نعرف اسلوب حيااااتكم ..
دلال : تقولج تمام .. يعني ماتبي تتكلم بعدين انتي خلي عندج شويه ذوق .. ترى مو كل شي ينقال لليهال اللي نفسج ..
دانه : طاااااااااااااع هذي .. يهال .. اصلا انا اكبر منهااا
دلال : عمر مو عقل .. ياختي البنت ماتبي تقول .. بتحتفظ بهالاشياء لنفسها .. انتي شكو !
دانه : انتي اللي شكوو .. !
ساره : لا والله عادي .. ماعندي خش ودس .. اذا تبون اقولكم شصار من
ركبت للطياره ..
ليي امس .. عشان تطردوني من الدار مره وحده
دانه : اييي ايييي .. نبي جذي تفاااصيل ممله
ساره : انشااااااالله
دلال : الا على طاري ريلج .. شلون اخته القشرااا معاج ؟
ساره : اي والله قشرا .. تخيلي مثلا اعزمها تطلع معانا سينما او مطعم ..
مع ان خالد نفسه مايبيها ! تخيلي تتصرف جنه اهي اللي عازمتني وتتمنن علي !
دانه : هــووو !! جليله الخاتمه
ساره : اييييي تنرفز .. تكلمني من طرف خشمها .. جنها مغصوبه على الطلعه ..
مو جنها رازه ويهها غصب
دلال : الحين مو انتي عازمتها .. بعد تحملي
ساره : انزييين تستحي على ويهها شوي .. مو كل مره ترتز جنها مو مصدقه
دانه : اي والله ..المفروض تفكر انهم توهم متزوجيم ومحتاجين شويه خصوصيه
دلال : علمي نفسج ..
ساره : تخييييلوووا .. كله لازقه باخوها ومتعقله بايده .. جنها اهي مرته وحبيبته
وانا داشه عرض .. بالسينما تقعد بيني وبينه جنها ياهل .. بمطعم ولا كوفي شوب
كله لازقه فيه جنه بيطير .. ولا اذا نتمشى بمكان .. واااااي انغث .. اهما مع بعض
وانا بعيد شوي عنهم وتعرفين هذي ماااكو احساس ماتفج عنه !
دلال : والله لو اني منج جان الزق فيه واخلى وييهاا فاهي .. شنو بعد ريلي وحره فيه
دانه : اي والله .. اول مره تقولين شي صح بحياتج يادلول
ساره : لا وي استحي جدام خلق الله ماسكته وحالتي حاله !
دانه : بس تصدقين .. هذي خبله .. معقده نفسيا
ساره : لا مسكينه .. احسها تغار .. صج انها تلوع جبدي وتطلعني من طوري ..
بس اذا ذكرت انا شكثر متعلقه باخواني .. ما الومها صراحه ..يمكن لو احد من
اخواني متزوج قبلي ويدلع مرته جدامي .. جان سويت العن من اللي تسويه
دلال : ساره تتليعين .. لو انتي مكانها جان بجي ومناحه .. وجدامهم تمسكين عمرج
وهم مادروا عنج ولا عن هوى دارج
دانه : هههههههههههه .. هذي ثاني مره تقولين شي صح بحياتج
دلال (متجاهله دانه ): خلي اللعانه لاهلها وانا اختج
ساره : انتوا الظاهر ماتعرفوني عدل ..
دلال : نعرفج اكثر من نفسج
دانه : الحين انتوا قمتوا تتكلمون عن اخت الريل وبعد ماسولفتي لنا عن الريل
ساره : اييي ادري السالفه تحوس بخاطرج .. سمعى امس كنااا طالعين مع بعض بروحنااا
دلال : النسره مو معاكم ..
ساره : لااا اشوى
دانه : وين رحتوو ؟
ساره : رحنا السينما .. مو اهني القصه .. السالفه بعد ماطلعنا من المطعم
دانه : وين تعيشتوا
ساره : ابل بيز .. المهم .. قبل لا نطلع كان يسألني اذا اخذت ليسن ولا لاء
دلال : انتي ماخذه الليسن بس ماتسوقين ..
ساره : اييي .. المهم قام يطفرني .. انتي قاري ماتعرفين تسوقين .. شلون
بتسوقين سياره ..
دانه (باستهزاء): يحليله يعرف يطفر بعد ..
ساره : حده .. هذا فن عنده .. اصلا من كثر ما ينني طلعت له الرخصه عشان يسكت ..
تدرين شقال ؟
دانه : شقال ..
ساره : يقول هذي مزوره
دلال : ههههاااي .. ابداع ريلج
دانه : وييه هذا مو صاحي ..
دلال : زين وبعدين شصار .. ولا خلصت السالفه
ساره : سمعي .. قام وقالي عيل سوقي الحين .. اذا طلعنا من المطعم ..
دانه : وسقتي !
ساره : اكييد .. صار لي ساعه ادافع عن عمري واقوله اسوق احسن منك
وسايقتي راكده وحالتي حاله .. اخرتها ما اسوق
دلال : زين ماخفتي والله
ساره : وبيني بينج .. قلبي كان بيطلع من مكانه من الخووف هالحجي الساعه 11 ونص جذي
دلال : انزين وعسى ماخبصتي ولا خطرتي الاشاره حمرا
ساره : لااا بس كنت بطيييئه ورد يطفرني من يد ويديد يبيني اسرع اكثر بس كنت خايفه ومو راضيه ..
تدرين شسوووووى
دانه : شسوووى ؟
ساره : شغل كل الليتات اللي داخل السياره وقال الحين اخليج تسرعين ..
ولا تعرفين اللي قاموا الشباب يطلون بالسياره ويلحقونا هالعقديشن ..
ويـــــع بغيت اموت .. انا اطفي هالليتات واهوا يرد يشبهم يقولي لا تطفينهم ..
دوسيعلى البنزين ؟.. امشي اكثر عشان مايلحقونج ليمااا اخر شي
دست عدل وبغينا ندعم بسياره كانت جدامنا الا شعره .. عاد زفني زف ..
خنقتني العبره بس مابجيت
دانه : عمى بعينه .. شكو يزفج مالت عليه .. مو اهوا اللي خلاج تسرعين
دلال : خلي الدعمه والزفه هذي سالفه بروحها .. لكن سالفه انه يشب الليتات
جنه خبل ويخلي هالميانين يلاحقونج بنص الليل !! اسمحيلي .. بس ريلج فيه لوثه عقليه ..
دانه : ايي .. انتي ماتسمعين عن الخبول اللي يفتحون ابواب السياره
على البنات بالاشارات ولا يلزق بسيارتها واهي تمشي .. خصوصا راعين
السياكل ترى نصهم فاقدين
ساره (بانزعاج واضح ): لا اسم الله علينا .. سويتوها سودا ! ..
كله ضحك وغشمره المسكين ما ارتكب جريمه !
دانه : والسجين انشالله .. من دريت انه يزف وانا كارهته
ساره : دندون .. لو سمحتي لا تقولين عنه جذي
دانه : اففف تدافع عنه بعد .. زين انا اسفه حقج علي
دلال ( التي شعرت بتوتر الاجواء وارادت تغيير الموضوع ) : الا صج .. سألتي لي اصيله
ولا مو اصيله ؟
ساره : ايــــي .. واي كنت بنحط بموقف لا احسد عليه .. بس ربج ستر
دانه : لحظه لحظه .. شنو اللي اصيله ومو اصيله ؟ تتكلمون عن خيل انتو ؟
دلال : اي خيل انتي بعد .. اقصد هديل ..
دانه : هديل منو .. اي اي ذكرتها .. هو ليش تسألين ؟
دلال : ايه ساره قولي ..
دانه : الحين انا اكلمج .. تقولين لها كملي . ماكوو احتراام بهالعايله !!
ساره : طلعت بيسريه
دانه : يعني شنو بيسريه .. ؟
ساره : يعني مو اصيله
دلال : حسافه عاد خوش بنت ..
دانه ( بنفاذ صبر ) : احد يفهمني شالسالفه قبيل لا ازنطكم انتوا الثنتين ..
دلال : الله يسلمج انا قلت لساره تسأل عن رفيجاتها اصيله ولا مو اصيله
دانه ( التفتت على ساره ) وانتي ماتدرين شنو اصل رفيجاج بالضبط .. شكو مرافجتها عيل
ساره : لا ماهمتني هالسوالف .. كنت برافجها مو بناسبها ..
دانه ( عادتت للالتفات لدلال ) : زين كملي ..
دلال : وطلعت مو اصيله ..
دانه : بــس !! هذي السالفه!! قولوا شعندكم ؟
دلال : كنا بنخطبها حق عبدالعزيز
دانه ( شاهقه مخيفه ) : بتخطبون حق عزيز !! وانــا ما ادري !!
دلال : شكوو نقولج .. عزوز نفسه ماعنده خبر .. واصلا السالفه تفركشت بما ان البنت مو اصيله
دانه : ودي اشهق بعد .. بس دام انه عزيز نفسه ماعنده خبر بخططكم الخبيثه ..
خلاص مالي حق اشهق
ساره : زين الحين في داعي اعزمها ولا لاء ؟
دانه : هوو عزميها ليش لا ..
ساره : دوين لا تتكلمين وانتي ماتدرين شالسالفه .. كنت اسال دلول ماسألتج
دانه : شنو افهم بعد ..
ساره : شفيه مخج واقف اليوم ,, مو على اساس نعزمها وعبدالعزيز يشوقها بالصدفه البحته .. فهمتي ؟
دانه : اهااا .. اممم عموما الحين خربت السالفه .. عموما ترى ماكان فيها زود
مادري شعاجبكم فيها الصراحه
دلال : بالعكس .. اصلا حدي منقهره
دانه : تصدقوون .. سالفه الاصل وما الاصل هذي ماتعجبني ..
دلال : هو يعني عادي تاخذين واحد مو من مستواج ؟
دانه : مو من مستواي .. شفيج تقولينها جذي ؟ جنج طالعه من مسلسل مكسيكي !
ساره : هوو دندون من صجج عادي تاخذين واحد مو من شيوخ الاصل
دانه : شفيها !! اذا عاجبني وداش مزاجي .. ليش لا !؟
ساره : ياسلام جنه السالفه بكيفج الحين !
دلال : اي والله .. جنه ابوي ولا عزوز بيعطونج مجال .. وبيخلونج تاخذين على مزاجج
دانه : شفيكم .. سألتوني وجاوبت ,, والكلام ببلاش .. بعدين بصراحه شالعقليه
وين قاعدين ! اصل ومستوى ومادري شنو .. كل الناس متساويه الحين "سيم سيم " ..
ساره : عيل تبين تاخذين اي شي ؟ .. حتى الرسول عليه الصلاه والسلام قال " اسأل عن العرق فإن العرق دساس "
دلال : لا هذي بتروح تاخذ لها اي واحد ..
دانه : ساره .. انتي اخر وحده تتكلمين بهالسالفه .. رافجتي هديل ماقلتي مو اصيله يعني ..
ساره : يــاســلام .. ! انا ماقلت إننا نعيش ببرج عاجي وننفصل عن العالم
ولا نرافج احد ولا نختلط مع الناس .. ولا بنقعد ننقي ربعنا صراحه !
بس اذا يينا نناسب ..وقتها نعرف نختار
دانه : واااي تفكيركم .. مادري شلون صاير .. مخوخكم مركبه بالمقلووب !
ترضين ترافجينهم وتخاوينهم ولا تبين تاخذين منهم !
دلال : اي ترى كل شي الا الزواج .. هذي مافيها روح وتعال يالخبيره ..
دانه : ووي بلا خبيره بلا بطيخ

احتقد النقاش كعادته وعاد ليهدأ ثم يحتد فيهدأ .. دام الجدال لنحو ساعه
في مسأله الزواج ورضى الاهل و أصل كل من الخاطب و المخطوب
وتأثير ذلك في الحياه الزوجية سواء على المدى القريب , او البعيد ..
وانتهى الامر كالمعتاد بعدم اقتناع اي منهن بنظريه الاخرى .. !

مارأيكم انتم .. هل نظريات الطبقات المختلفه والمستويات الاجتماعيه والاعراق
مازالت مهيمنه على مجتماعتنا وعلى قرارات الزواج بين افرادها .. ام لا ؟

بالنسبه لي اوافق ساره تماما في ما تقوله .. فإني ارى هذا الامر كـ سنه
من سنن الحياه والطبيعه البشريه التي لا يمكن الاعتراض عليها !

[Star_Girl's]

بعد اسابيع ..
-ابو عبدالله وابو عبدالعزيز مازالا يضغطان على ابنيهما لإقناعمها بالزواج ..
-ام عبدالعزيز تكاد ان تطير فرحا باقتراب موعد زفاف ابنتها ..
حيث يسود الاجواء توتر حاد وغير معهود على الاطلاق بين دانه ودلال !
-عبدالله تخلص من عقده الذنب التي كانت تطوق عنقه .. واصبح اكثر انطلاقا
مع اصدقائه .. وفي عمله على حد سواء , واعتقد بأنه قد بدأ يتراخى امام فكره الزواج
-سعود سبق اخيه الى نفض هاله الاحساس بالذنب من حوله .. وعاد للمارسه
حياته الطبيعيه منذ اشهر مرت *كما تعلمون*-عبدالعزيز .. رافض لاقتراح الزواج رفضا قطيعاً , بل انه بات يهدد ويندد
بالسفر الي شقيقه ان لم يكفو عن مضايقته بهذا الشأن
- نوره لاتزال مدمنه على الانترنت .. وقد تحدثت الى مختلف الاجناس من بقاع
متنوعه .. ولا اخفيكم سراً .. بدأت تسأم من تلك الشخصيات المكرره التي تحاورها
-هديل .. بانتظار فارس الاحلام ليخطفها على حصانه الوردي .. عفوا "الابيض"
- ساره مازالت متشبثه بتلك السعاده الوهميه التي لطالما جرت بحثا عنها ..
ومازالت تختلق الاعذار لئلا تفقده !
- عبدالرحمن .. عاد لكتابه القصص والخواطر .. ولكنه توقف عن رسمها على الورق ..
ليكتفي برسمها في مخليته وبكلمات اشعاره .. فقط !

~~~~~~~~

عبدالعزيز : يمه ترى عبدالله مسوي حادث ..
ام عبدالعزيز (بفزع) : حادث !! اللهم كافينا الشر .. عسى ماصار له شي بس ؟
عبدالعزيز : اللي فهمته من سعود .. انه في كسر بريله محتاج عمليه ..
ام عبدالعزيز : لا حول ولا قوه الا بالله .. زين متى صار الحادث
عبدالعزيز : مادري الصبح .. او العصر .. توني داق على سعود بسأله عن اشتراك النادي
جان يقولي عن الحادث ..
ام عبدالعزيز : زين وانت وين رايح الحين .. ؟؟
عبدالعزيز : رايح لهم المستشفى بعد وين ..
ام عبدالعزيز : زين زين دير بالك على نفسك ولا تسرع ياوليدي ..
عبدالعزيز : تامرين على شي ثاني .. ؟
ام عبدالعزيز : لا سلامه راسك ..
عبدالعزيز : زين اذا وصل ابوي البيت قوليله .. لا تدقين عليه وتقولين له واهوا
يسوق خاف يرتفع سكره ولاشي .. تدرين شكثر يحب عبدالله ..
ام عبدالعزيز : انشالله ..

هرع عبدالعزيز مسرعا الى المشفى .. قلقا على ابن عمه .. على شقيقه الثالث
.. قلقا على أُخوه وصداقه عظيمه .. كان من الممكن ان تنطفيء بغمضه عين ..

~~~~~~~~

هناك كان ابو عبدالله يتصبر على احر من الجمر في غرفه الانتظار والراحه ..

ابو عبدالله ( بعصبيه ) : لا تلف وتدور علي .. شقال الدكتور ..
سعود : مثل ماقلت لك يبه .. بسيطه انشالله
ابو عبدالله : ربع ساعه تكلم بهالدكتور واخرتها كلمتين .. بسيطه انشالله .. شقال عن اخوك
سعود : هد اعصابك يالغالي .. يقول ان جتفه اليمين مكسور .. و ريله اليسار مكسوره .. (ثم انزل رأسه وسكت )
ابو عبدالله : هالحجي كله اعرفه .. كمل شفيك ساكت
سعود (افرغ مافي جعبته ): يقول انه كسر ريله جايد شوي .. ومحتاج عمليه ..
واحتمال ان عبدالله يعرج لفتره قبل لا يقدر يمشي .. عموما هذي كلها
توقعات وخرابيط اطباء .. انشالله بيقوم مثل الحصان .. طول عمرنا نتكسر
واحنا يهال .. ماعليه شر انشالله .. وتدري الاطباء يحبون التفلسف وتضخيم الموضوع
ابو عبدالله : لا تاخذني بشراع وميداف .. شقال الدكتور عن الغيبوبه اللي اخوك فيها ..
سعود : يقول هذي شغله طبيعيه , وبيقوم منها عادي
ابو عبدالله : يعني الدماغ مو متضرر
سعود : هذا اللي تحاتيه .. لا يبه ااشعه مو مبين فيها اي ضرر للدماغ واصلا مافيه جروح
ابو عبدالله : الحمد لك يارب .. الحمدالله
سعود : قلت لك مافيه الا العافيه انشالله
ابو عبدالله : يعني انت ماشفت الدم اللي كان على دشداشته .. وعلى راسه !
سعود : امبلااا شفته .. بس هذا كان دم رفيجه مو دمه
ابو عبدالله : ايــه الله يرحمه .. شفت ابوه شلون انهار ,, ماينلام .. حاس بحرقته على ولده
سعود : الله يعينهم على بلواهم .. بس انت لا تكدر خاطرك ولا يضيق خلقك
وانشالله عبدالله بيقوم سالم ماعليه شر ..

~~~~~~~~

أما هنا فكانت ام عبدالعزيز توضح لابنتيها الوضع وتقص تفاصيل الحادث ..
طبعاً بإضافه بعض البهارات الشخصيه ..

دلال : عبدالله !!
دانه : لا مــا اصدق بيت عمي .. يايايتهم عين ولا مسوين لهم عمل
ام عبدالعزيز : اي والله مقروودين ..
دلال : وساره درت ولا لاء ؟؟
دانه : ايي صج .. عندها خبر ولا لاء ؟
ام عبدالعزيز : ماظنتي ..
دلال : انزين وعبدالله .. شنو حالته بالضبط ؟
ام عبدالعزيز : توه ابوج مكلمني بالتلفون يقول ان حالته مو بسيطه . . كسور وكدمات وايد ..
وانه بغيبوبه ومو عارفين حاله دماغه
دلال : ويييييييييي .. عسى مافيه ارتجاج نفس المسلسلات
دانه : لا اسم الله عليه .. ترى بدعتوا بتوقعاتكم
دلال : زين يمه كان معاه احد ولا بروحه ..
دانه : لااا اكيد مع احد .. سيارته جدام بيتهم اليوم الظهر شايفتها
ام عبدالعزيز : كان معاه رفيجه اللي يسوق توفى .. الله يرحمه
دلال : لاحول ولا قوه الا بالله العلي العظيم .. الله يرحمه ..
دانه : الله يرحمه .. طيب والسياره .. يعني الحادث كان جايد ؟
ام عبدالعزيز : حسب كلام عزيز .. يقول ان السياره منتهيه .. معلوجه علج .. !! وان الدم بكل مكان
دانه : اهو راح شافها . .
ام عبدالعزيز : اكيد .. ماراح يتحجى من فراغ ..
دانه : اف .. والله قهر

~~~~~~~~

[Star_Girl's]

هناك للمره الثانيه
سعود : يبه ترى محد قال ساره للحين ..
ابو عبدالله : ... شنقولها بس ..
سعود : بعد لازم تدري .. ان مادرت اليوم بتدري باجر
ابو عبدالله : خلاص دق عليها .. ولا تدري دق على خالد خله يبلغها
سعود : انشالله ..

وابتعد عنهم بضع خطوات ليتسنى له الحديث بهدوء

سعود : السلام عليكم
خالد : وعليكم السلام .. هلا سعود شلونك حبيبي
سعود : الــووو .. الووو شالحوسه اللي يمك . ما اسمع شي
خالد : لحظه ..

وابتعد هو بدوره عن الجو الصاخب الذي كان يحيط به ..
خالد : هلا سعود .. عسى ماشر ؟ شفيه صوتك ؟
سعود : عبدالله مسوي حادث ..
خالد ( مصدوم) : لا .. شلون .. عسى ماتعور ؟
سعود : انشالله انه بخير .. المهم ابيك تبلغ ساره بدون ماتخرعها وتصروعها
خالد : زين .. انتوا وين بأي مستشفى ؟
اخذ منه البيانات ثم عاد الي الصخب في الداخل .. جلس وطلب الحساب وقد ظهر الارتباك جليا على وجهه " وليييييه .. شلون اقولها الحين,, بيتهم صج فقر ونحس " ..
عنود (شقيقته ) : شفيك متخسبق .. وبعدين ليش طلبت الحساب ..صراحه انا ابي احلي ..
خالد : هذا واحد من الربع يبيني اروح له
ساره : عبالي سعود اخوي .. لانك اول ماكلمته قلت سعود
خالد : شنو مافي سعود الا اخوج .. لا هذا سعود صاحبي
ساره (غيرت الموضوع قبل ان يتفاقم ): عاد حسافه خووش مطعم مع انه لويه وازعاج بس يونس ..
عنود : لول مره اسمعج تقولين شي سنع وصح ..
ابتسمت ساره باستغراب امام تلك الاهانه العابره ..
خالد : يالله يالله قوموا ..
قرر ان يخبرها عند اقترابهم من المستشفى .. بعد حوالي العشرين دقيقه كانوا هناك .. فاخبرها ببساطه .. لم تصدقه بان شقيقها مازال على قيد الحياه .. اصابتها عقده الموت ائنذاك .. خشت ان يكون رحل وتركها ايضا !
انهارت اعصابها .. وساءت نفسيتها للغايه .. باتت تبكي دون سبب فقد كان ذلك الحادث بمثابه المبرر لها لتطلق حزنها ..كان بمثابه المنفذ الذي سمح لألمها بالاستيقاظ من جديد .. وجعل سعادتها الزائفه تصرخ طالبه الخروج على هيئتها الحقيقه .. هيئة جروح داميه !

توقفت عن الاكل والشرب .. او حتى التخاطب لغير والدها .. كلفها ذلك غاليا ..
ضيعت صحتها رونقها وجمالها .. وجنين لم تعلم بوجوده الا بعد ان خسرته .. !


الجزء الخامس عشر

توجهوا مسرعين اليها .. كان بوسعهم ان يفعلوا شيئا !
لا داعي لشرح الموقف .. اعتقد ان بإمكانكم استيعابه..

ابو عبدالله : لا حول ولا قوه الا بالله العلي العظيم .. كنا بواحد صرنا باثنين !
سعود (بحده ): اي واحد واي اثنين الله يهديكم ..
ابو عبدالله (مقاطعا ): اخوك واختك بعد منو ؟
سعود (ازدات حدته ): يايبه كبرتوا السالفه واهي ماتسوى .. عبدالله صار له
حادث بسيط مايسوى هالخبه وهالعفسه كلها .. صارت قصه عنتر
ابوعبدالله : وهالحادث الصغير شفت شسوى باختك المسكينه .. مو قلتلك قولها شوي شوي ..
شخلاها تزعل كل هالزعل
سعود : خالد هو اللي ماعرف يبلغها مو انااا ..
خالد : لا تتهمني باني ماعرفت اقولها .. اختك اللي معقده .. اي معقده لا تطالعوني
جذي .. من قلت لها قامت تبجي وانهارت سوتلي فلم هندي وفشلتني..
سعود ( فاض به الغضب ) : ماني راد عليك يالسفيهه .. !

تفاقمت عقبات ذلك الحادث البسيط .. الي ان خرجت عن السيطره ..

~~~~~~~~

في احد غرف المشفى .. كانت مستلقيه في شرود تام ..
لم تكن حزينه ائنذاك بقدر ماكنت تفكر بالخطوه القادمه التي ستجعلها اقل حزنا ..
و لم تكن وحيده ايضا بل كانت كل من ام خالد وام عبدالعزيز وبناتها في زيارتها ..

فكل من دانه ودلال تحاولان اقناع ساره بتناول الطعام .. بينما زوجه عمها ووالده زوجها
تحاولان اقناعها بأن ماخسرته ليس عظيما لهذه الدرجه .. وان الحياه لن تتوقف
عند هذه التجربه .. وان الدنيا ستستمر لا محاله .. فمن الاجدر بها ان لا تتخاذل
وتبطيء في العوده الى حياتها الطبيعيه الرائعه السعيده جدا جدا جدا مع زوجها الحنون !

ام خالد : ايي .. ترى انتي مو اول وحده تتعور باول حمل
ام عبدالعزيز : نص الحريم يتعورون باول حمالهم
ام خالد : وانشالله بتردين تحملين وتترسين لنا البيت عيال .. هذي مو نهايه الدنيا .. حتى اختي ام صلاح متعوره من قبل

لم تكن ساره تكترث فعلا بهذه الكلمات او تولي ادنى اهتماما بها ..
قد خسرت شعورا عظيما بالفعل .. ولكنها اعتبرت مافقدته فرصه لها
لاعاده حسباتها .. وترتيب حياتها من جديد !

ام عبدالعزيز : حتى انا ترى تعورت مرتين قبل لا احمل بعزيز .. وهذا انا ماضرني .. يبته ويبت دلول وحمني ودوين
دانه ( مقحمه نفسها بالحوار ): الحين انا بفهم .. قلتي عزيز ودلول وحمني ..
كلها اسامي دلع .. شمعنى انا قلتي دوين .. مايصير تقولين دندون مثلا ؟ !
دانه انزين مو لازم دلع .. بس مو دوين عاد !

ضحكت كل من والده خالد ودلال التي كانت تهم بترغيب ساره ببعض الطعام

دلال : سااروون .. يله عاد لازم تاكلين .. مايصير جذي
دانه : طاااالعي ويهج شلون صاير اصفر .. يبيلج تتغذين خل ترد الروح فيج
(ساره لا تنبس شفاها بحرف )دلال : زين الشوربه .. انا مسويتها وحطيت فيها ذره .. مثل ماتحبينها
دانه : فكرتي الذره .. عن العياره
(لاتزال رافضه لفكره تناول الطعام )

طرقات خفيفه على الباب تلاها رأس عنود مطلاً عليهم ..

عنود : اقول ترى خالد بيدش يشوف ساره ..
ام خالد : اي حياه الله ..
ام عبدالعزيز (تأمرهن بالخروج خلفها ): يله بنات ..

خرجت ام عبدالعزيز وبناتها تليها ام خالد التي امسكت بذراع ولدها قبل ان يدخل ليرى زوجته ..

ام خالد : الله الله بالكلام السنع
خالد : اي كلام سنع بعد
ام خالد : مو كافي من طاحت وان ماشفتها ولا تطمنت عليها ولا سألت عنها
لا تكدر خاطرها بعد .. بروحا شايله هموم الدنيا على راسها
خالد : ولييييييه .. زين زين ممكن ادش واتهبب اشوفها الحين ولا لاء
ام خالد : دش بس لا تنكد عليها ياوليدي .. البنت مسكينه تنرحم
خالد (بتملل): انشالله .. اي اوامر ثانيه ..
ام خالد : ابتسم ..
خالد ( مصطنعا الابتسامه ) : هه .. جذي زين
ام خالد : زين .. يالله روح


دخل لتختفي الابسامه المصطنعه وتظهر مكانها ابتسامه رائعه فجأه !

خالد : حمدالله على سلامه الغاليه ..
ساره (اخيرا تحدثت ) : الله يسلمك ..
خالد : خرعتينا عليج .. بس ماشالله الويهه شزينه منور
ساره : ....
خالد : وانتي بعد لا تكدرين عمرج .. ولايضيق خلقج .. انشالله نعوض هالبيبي بـ 11 . لا شنو 11 مو جنه 4 وايد علينا

( يال سخافته .. لم يتعلم حتى اطلاق الدعابات الجيده )

دام كلامه للدقائق وكان ردها دائما مقتبضا لا يزيد عن بضع كلمات ..
كان يتحدث دون ان ينظر مباشره الي عينيها .. فينشغل بالنظر الي الورد المجاور
لسريرها تاره .. او لكأس الماء الذي لم يشرب منه شي تاره اخرى او بالتطلع
الى السماء من خلال تلك النافذه الصغيره الي شاشه التلفاز او الى سقف الغرقه احيانا ..
ولم تلحظ هي ذلك .. فلم تكن تنظر اليه ايضا .. فقد اجتهدت مقلتاها بمراقبه
المنديل الذي كان يتفتت بين اصابعها الصغيره ..

ساره (مقاطعه لمواعظه العظيمه) : خالد ..
خالد (متوجسا) : هلا ؟
ساره : ابيك تقول للدكتور يطلعني اليوم .. ابي ارد البيت
خالد : انشالله .. تامرين امر

لم يسألها لأي منزل ارادت الرجوع .. ربما لم يكترث .. عموما .. قد عادت لمنزله .. مرغمه لا بطله

~~~~~~~~

[Star_Girl's]

مرت اسبوع اجرى خلاله عبدالله عمليه جراحيه كللت بالنجاح .. وتعافت ساره من صدمتها ..

لا لا لا .. الى اين ذهب بكم التفكير .. لن اقوم بقتل عبدالله أيضا ..
يكفي ماسببته من انهيارات عصبيه لهذه العائله .. اعترف بأني اود ان
اقتل بعض الاشخاص .. ولكن ليس عبدالله .. بالطبع قد كرهته حين اتخذ
ذلك الموقف الغبي من ادمان شقيقه .. وايضاً غضبت حين عرفت بانه كان
يعرف بحب عبدالرحمن الجارف ولم يقم بأي مجهود لانقاذه !!
ولكني بالطبع لا اود ان اودي بحياته ..
بل وددت ان اسفح ذلك المقيت المدعو بـ خالد !
كم اتمنى ان ينقرض من على وجهه الكره الارضيه .. ظل لطوال اسبوع
متجاهلا لزوجته ولم يشاركها قلقها على شقيقها المصاب ولو للحظه ..
لم يكلف نفسه حتى عناء زيارته بعد المره الاولى .. ياله من احمق عديم الاحساس ..
اتتغاضى عن الوقوف بجانب زوجتك المسكينه في محنتها .. ؟!
فبينما ظل هو يهنيها مراراً وتكراراً بعدم اهتمامه بها او اكتراثه لامرها ..
ظلت هي تدافع عنه عند ذويها .. وتخلق له جميع الحجج والاعذار .. "مشغول" ,,
" خالتي تعبانه وودها المستشفى " ,, " واحد من ربعه رجع من السفر ولاهي معاه " ..
عذر واهي تلو الاخر .. الى ان بات تجاهله واهماله لها ولمشاعرها معروفا ..
فقررت ان تواجهه في ذلك اليوم الكئيب ..

ساره : ليش مارحتي لاخوي اليوم .. انت مو قلت لي امس انك بتزوره ؟
خالد : وقت ثاني .. اعوضها بمصيبه ثانيه انشالله (اطلق ضحكه غبيه كصاحبها
ثم استطرد ) .. مو انتو اللي مخترعين المصايب ..
ساره : انت شفيك متغير هاليومين بزياده !!
خالد : انا مو متغير .. طول عمري جذي
ساره : لا هذي مو طريقه كلامك .. ولا هذا كان اسلوبك .. ماكنت تزعلني ..
كنت تعتذر حتى عن عنود اذا غلطت علي ..
خالد : الظاهر اني عطيتج ويه زياده عن اللزوم .. قلت عروس .. لكن انتي ماكو
امل تتعدلين .. المفروض تنامين بطراق وتقعدين بطراق
ساره (حاولت ان تفتعل الغضب لكن ضعفها لم ينجدها ) : أنــا ؟! .. ليش شسويتلك ؟
قصرت بحقوقك ؟ غلطت على اختك ولا على امك ؟ تجاهلت وجودك ؟
ولا كنت اخونك واكلم غيرك عشره ؟
خالد : شتقصدين ..
ساره (تخنق دموعها ) : اقصد اللي انت فاهمه .. تحسبني مادري عن تلفوناتك ..
ولا تحسبني غبيه مدمغه الماي تمشي من تحتي ولا احس فيها
خالد ( صحى من غيبوبته ): ليش كنتي ساكته .. ومتحمله !
ساره : كنت غبيه بس لما تحملت تصرفاتك ونزواتك .. حسبت انك تحبني
لكن الظاهر انك تعاني من انفصام ! مره تحبني وتخاف علي .. و مره
تعاملني جني جاريه عندك ولاني قادره اتحمل هالعيشه .. !! خلاص مليت مليت
ساد السكون للحظات .. كان هو خلالها يحاول ان يستوعب ماقالته ..
وهي تحاول ان تجمع كل قواها لتنطق الكلمات التي ستطلب بها انقاذها مما هي فيه
ساره (اكملت بازدراء ) انت واحد حقير اناني .. ماتفكر الا بنفسك وماتعرف تحب غير ذاتك ..
تحسفت اني قبلت فيك .. وندمت على كل يوم عشته معاك
خالد (تملكه الجنون حين سمع صفاته الحقيقه .. فنهض من على اريكته وامسك ذراعها بعنف ) : سمعي ياماما
.. الحقير هو البيت اللي طلعتي منه .. ومره ثانيه لا ترفعين حسج علي ..
فاهمه ولا تبين طراقين يفهمونج ..
ساره( تحاول الافلات من يديه ) : وخر ايدك عني .. فعلا كنت مخدوعه فيك !!

حاول ان ينهال عليها بالصفعات ولكنه كان يضرب الهواء من شده سخطه
حيث لاذت هي بالفرار قبل ان يتمكن من ان يمسها .. وبينما كانت هي تجري على الدرج ..
خرج من غرفتيهما يزئر .. " شوفي انتي تلمين اغراضج وتردين بيت اهلج وورقه طلاقج بتوصلج لي هناك "
لم ترد بشي سوى الدموع ..

لا اعرف ماذا فعلت له كي يفكر بضربها !! ..
فلم تقصر هي بواجبتها نحوه .. بل اني ارى العكس تماما .. هو من اهملها ..
وهو من راح يبحث عن ملذاته وشهواته عند نساء اخريات ..

قد ذاقت طعم الحزن والالم من قبل ولكنها لم تجترع الاهانه الا منه ..
هي من
عاشت كاميره .. تهان وتكاد ان تضرب من قبل من احتل اوسع المساحات
في قلبها .. لم تصدق ما اقدم على فعله دون سابق انذار او ايه مبرارات ,,
بالاحرى هي لم تشأ ان تصدق ماتلقت منه من اذلال !!
لكن الموقف كان اكبر من ان يفتح لها المجال لكي تصدق ماحدث ام لا ..

بصوره اسرع من البرق كان قد تم الطلاق .. وافترقا !
بعد ايام كان قد عاد الى وعيه يطلب مغفرتها .. يعدها بانه لن يعود الى فعلته هذه ..
فيرق قلبها لدقائق .. ثم تدرك انه سيكرر لحظات استهتاره لا محاله ..
وتتذكر بانها لن تتكمن من احتمال معاملته القاسيه لها .. او السكوت على
اي من نزواته الشاذه بعد الان .. لذا قررت تركه الي غير عوده ..
تكثرت علامات الاستفهام والتعجب حول هذا الانفصال السريع الذي لم تسبقه
اي مقدمات !! لتفضي اخيراً للمقربين منها بما كان يفعله .. وكيف كان يستغل غيرها ..
وبينت ان صبرها على ذلك كان نتيجه لظنها بأنها مجرد نزوه ذكوريه يمر بها كل رجل
على هذه المعموره .. بالطبع كانت مخطئه .. فهو ليس برجل .. بل مجرد حامل لهذا
اللقب .. يخلو شخصه من اي صفات للرجوله .. فكيف سمح لنفسه بالتطاول
على مخلوق ضعيف بالضرب ؟!! بفعلته هذه كان قد محى آثار الرجوله المتبقيه فيه ..
او التي ظننتها موجوده فيه !!

~~~~~~~~

في خضم شكو ساره لبنات عمها عن تجربتها الزوجيه القصيره ..

دانه (تتحدث بحذر لئلا تجرح عزيزتها ) : مابي الومج .. وادري هالحجي ما منه فايده الحين ..
بس المفروض يطيح من عينج ولا توفقين عليه من اول ماجرب يرقمج باسلوبه التافهه !
ساره : تدرين .. اول ماكلمته بالتلفون قبل الزواج .. خطر لي هالخاطر وسألته ..
قالي انه كان بيشوفني ارد عليه ولا لاء .. على قولتهم يختبرني
دانه : ماشالله .. راده جاهز !!
دلال : يمكن هذي فعلا نيته في ناس يسوونها ترى
ساره : اي نيته بعد . . مو طلع صج يكلم بنات .. بعد شنو معناتها
دلال : اللي مستغربه منه .. انتي شلون قدرتي تسكتين لما دريتي انه مغازلجي !
ساره : قلت يمكن يتغير .. يسنعه الزواج
دانه : بالعكس جان قلتي له ..يمكن كان بيستحي على ويهه ويبطل هالسوالف المكسره
ساره : صراحه .. خفت ان يهيني زياده ويخليها عيني عينك .. على اساس
اني ادري .. قلت خل يحسبني مادري شالسالفه ويحترم شعوري
دلال : اوف .. لهدرجه بايعها .. انه بيكلم جدامج !
ساره : بايعها وبس .. خليني ساكته
دانه : ويييه بس غيروا سيرته .. الحمدالله انج افتكيتي منه .. ترى هذا صج كان مو صاحي مينون !!
دلال : اي والله من كلامج حسيته خبل .. مره يخاف عليج ومره يأذيج !
صج ترى عقله مو مضبوط .. الحمدالله ربج ريحج منه قبل لا يصير بينكم
عيال وحوسه لها اةل مالها تالي
ساره ( اطلقت تنهيده حزينه ) : الحمدالله .. الا صج شصار على عرسج .. ؟
دلال : ماكو بعد شهر تقريبا .. لويه مع التجهيز ..
ساره : والمعرس شلونه
دانه : جيكر
دلال : لا مملوح .. بس خشمه شوي طويل ..
ساره : هههههههه اهي على الشكل .. المهم الاخلاق
دانه : والدقه في المواعيد .. !!
دلال : طلب انه يكلمني بالتلفون وجذي .. والله طيب وحليو
ساره : قولي امين
دلال : امين
ساره : عسى الله يوفقج ويسعدج وعسى ربي يسخره لج هو وملايكه السما وسكان الارض ..
دانه : آمين اجمعين
دلال : انتي شكوووو ..
دانه : هوو دعااااء دعاااااء .. شفيج انتي
دلال : الا اقول .. شخبار رفيجاتج .. مالهم حس .. العاده هديل على طول تسير عليج
ساره : هديل لا حس ولاخبر .. ونوره دقت امس وتتكلم عادي.. شكلها ماتدري عن الطلاق
دانه : هوو يعني تتوقعين مادروا ؟
ساره : منين بيدرون .. خبرهم فيني من تعورت .. تطمنوا على وتحمدوا لي السلامه وبس ..
دلال : مممممممممممممممم .. اقول الساعه صار 10 ترى .. لازم نرد بيتنا
ساره : واااااااي شكو تروحون .. خلوكم عندي ..
دانه : اي والله تو الناس
دلال : اي تو الناس .. ياللي قومي بس .. بعدين ترى البيت يم البيت لاحقين على بعض
ساره : خلاص دام البيت يم البيت قعدوا .. شرايكم تنامون عندي اليوم
دانه : ههههههههه وييييييه تذكرين هذيج الايام .. انتي كله تنامين عندنا وعزوز
وعبدالرحمن ينامون عند اخوانج .. ونسوي عصاابات .. لا عاد اخوانج فيهم لعانه
مو طبيعيه كله يروحون الجمعيه ويشترون لهم ولا يشترون لنا .. بس لج !!
دانه : عشان ما ابجي واسويلهم مناحه عند ابوي
دلال : لااا وعزيز وحمني يعدونج معانا مساكين .. ويصير عندج دبل عاد ..
تقعدين تتشيحطين علينا بالبطاط و الككاو
ساره : تذكرون يوم كنا نتحاذف احنا وياهم .. لما كنا احنا بالدور اللي فوق واهما باللي تحت ,,
وتحذف مخاد ومجلات واشياء اخرى ماتنقال !
دلال : ايييييي .. امبيه لما تعور عزيز وانجرحت جبهته
ساره : وودوه المستشفى وخياط وحاله .. وقعدنا نبجي عبالنا ذبحنا
دلال : صج ترى منظر الدم ماينسي .. يخرررع
دانه : عاد عزوز عظامه ملزقه بعلوج .. كل شوي متكسر ولا منجرح
ساره : هههههههههههههههههه .. كلهم جذي.. عاد شدعوه اخواني اللي مقصرين ..
كبروا واهما كل شوي واحد طالع لنا بحادث ولا كسر ولا ولا
دلال (موجه حديثها لدانه ): يالله يالله انتي مو وراج هو ورك ..
دانه : امبييييه اي والله ذكرتيني ..
دلال :اصلا المفروض انا اقعد وانتي تروحين
دانه : لاااااااااااااااااءه .. رقلي على رقلك ماتقعدين اهني وانا اروح !!
دلال : زين يالله هزي طولج

[ابو المنذر86]

مشكورة على الجهد الرائع ....

[Star_Girl's]

مشكورة على الجهد الرائع ....



العفو والله حياك الله

[Star_Girl's]

الجزء السادس عشر


أهي مواقف ام ردود افعال ام وجهات نظر .. لا اعرف مالمفترض بي اطلق عليها (؟)

- ابو عبدالله
لم يجادلها كثيرا او يثنيها عن طلبها المُلح للانفصال على الاطلاق ..
من ناحيه اخرى , هو لم يشجعها ايضا .. ارداها ان تتخذ قرارها بنفسها لتتحمل
هي نتائجه دون ان تلقي اللوم على احد .. آراه مصيبا

-عبدالله
قد عارض الطلاق غي قراره نفسه .. ولكنه آثر السكوت

-سعود
لا يختلف موقفه عن موقف والده سوى بأمر واحد ..
هو رغبته الشديده بتهشيم وجه طليق شقيقته

- ابو عبدالعزيز
تنحى عن الادلاء برأيه

- عبدالعزيز
كان انطباعه هو الاسى عليها اكثر من الموافقه او الرفض ..
فكانت كلماته الاولى حين علم بشأنها " مسكينه .. مو موفقه ابد ! "

-ام عبدالعزيز
كان استهجانها لامر الانفصال جليا وواضحا .. ولكن من هي لتبت بموضوعٍ
حساس مثل هذا ..

-دلال
لم تكترث كثيرا بالمعارضه او التأييد .. بقدر ما اهتمت بما هو الافضل لمصلحه ساره

-دانه
امتزجت مشاعرها بين الحزن والفرح .. فقد شعرت بالاسى على شقيقتها الثالثه ..
ولكنها في نفس الوقت قد سرت كثيرا لتخلصها من ذاك الاحمق ..!

- ساره
حقيقه لا اعرف .. فمنذ ان انفصلت عن زوجها .. باتت تتصرف ببرود غريب جداً !!

-عبدالرحمن
لا اظنه على درايه بالموضوع بعد .. !
* عذراً اعلم انكم بانتظار رد فعله .. لكنهم لم يخبروه .. فماذا عساي ان افعل !؟ *

~~~~~~~~

هديل: اقول انا مو داقه اسولف .. بس بقولج عن ساره ..
نوره : شفيها بعد !؟
هديل : تطلقت
نوره : .....
هديل : الوو ..
نوره : .... شنو !
هديل : مثل ماقلت لج تطلقت
نوره : والله ماتستاهل .. اولها تعورت وتاليها طلاق .. شنو مو قادر ريلها يصبر على العيال !!
هديل : لا ياغبيه .. مو لانها تعورت .. السالفه اكبرر من جذي
نوره : بس تصدقين .. يمكن خيره لها
هديل : ايه حتى امي توه تقولي .. احسن ماتصير مطلقه وبياهل بعد !
نوره : اقول مو يمكن مطلقها من قبل ... يعني اهي تعورت من الصدمه لانه طلقها
هديل : لااا يامعوده .. انتي مخج وين شطح فيج .. لا تقعدين تألفين قصص
نوره : زين انتي كلمتيها ؟
هديل : طبعا
نوره : عرفتي شالاسباب ؟
هديل :المشكله انها صايره تتحجى بالقطاره .. ولا ينوخذ منها لا حق ولا باطل
نوره : بعد هالسوالف مافيها تفاصيل ترى .. ماتنلام
هديل : عيل شحقه تسألين بالله !
نوره : قلت يمكن تقولج شي يعني
هديل : المهم اللي فهمته انه ماكان زين وياها . .
نوره : اصلا انا كارهته وقايله انه خبيث من اول
هديل : الله يخليج انتي من بقى ماكرهتيه ؟؟
نوره : على قولتج كااااره كل الرياييل .. صايره معقده ههههه ..
هديل : لا والطامه الكبرى .. انج ماتتوبين عن الكلام معاهم
نوره : النت غير والحياه العمليه غــير
هديل : الا صج .. بعده الكمبيوتر عندج ولا شالته امج بعد ؟
نوره : ماانشاااال .. اهم شي انه ماكو وحده من رفيجاتها تفر راسها على النت واحنا بخير
هديل :شلون يعني ؟!
نوره : ماتقعد وحده تتكلم عن النت وتقول انه مو زين ومن هالخرابيط ..
وتخلى امي اتيي البيت ودها تقطه من الدريشه
هديل : بس مايصير جذي .. شالتفكير مو كل ناس تستخدمه استخدام سيء لهدرجه ..
نوره : شقصدج يعني استخدامي سيء ؟
هديل (تلعثمت بالكلمات) : لاا مو عن .. بس يعني انتقد طريقه تفكيرهم
نوره : ايي .. خلينا من هالسالفه .. بس قوليلي يعني الحين لازم ادق على ساره ولا شلون ؟
هديل : اعتقد انه هذا اللي المفروض تسوينه ..
نوره : ياربي هذا طلاااق اكلمها شقولها
هديل : ادري انه طلاق بس لاتنسين انا اقرب رفيجات لها .. يمكن الوحيدات
من دشت الجامعه ..بعد انتي تدرين فيها شكثر انطوائيه !
نوره : اممممم .. والله محتاره .. مادري ادق شقول !؟
هديل : مو لازم انتي تتحجين .. يمكن اهي تبي تفضفض .. خليها شوي تخفف عن نفسها جان بقلبها شي ..
نوره : توج تقولين انها تتكلم بالقطاره ..
هديل : يمكن ترتاح لج اكثرر
نوره : ماظنتي والله .. عموما يصير خير .. بحاول اكلمها باجر ولا عقبه
هديل : ولييييش مو اليوم !
نوره : بس مالي مزاج . .
هديل : ترى اهي مو اليوم متطاقه عشان تنطرين حق باجر
نوره : واااااااي عليج .. انا اول مره اسمع ان المتطلقه لها خلق تلفونات .. يامعوده
يمكن ماتبي تسمع صوت احد .. ماخطرت على بالج هالفكره .. ولا ليش يعني كانت تكلمج بالقطاره على قولتج
هديل : ها .. مادري .. بس مهما يكون المفروض مانكون مقصرين ماها ونكون موجودين بالسراء والضراء
نوره : روحي زين .. سراء وضراء صايرتلي ابله عزيزه
هديل : منو عزيزه ؟
نوره :ابله عربي مدرستني بالثنويه .. اقول امي تنايني يالله باي .. اكلمج بعدين
هديل : باي.. !

لم تكن والدتها تناديها .. لم تكن حتى متواجده في المنزل .. فقط ارادت العذر
لانهاء المحادثه التي شارفت على ان تكون ممله لكلتيهما ..

[Star_Girl's]

كان عبدالله .. خلال تلك الاحداث المتعاقبه قد نقل الي البيت ..
حيث اعدت له غرفه في الطابق الارضي ليسكن فيها مؤقتا الى ان يتماثل تماما للشفاء ..
في تلك الغرفه ظهرا في يوم امس بالتحديد ,, كان والهده مازال يلح بامر الزواج .. إليكم معزوفته المحفوظه ..

ابوعبدالله : وليش تعصب عاد ..!
عبدالله : ماعصبت .. بس شلون تبيني اخطب واتزوج وانا مجبس !؟
ابو عبدالله : بعد ماتفك الجبس
عبدالله : اصلا انا الحين شلت فكره الزواج من راسي . .
ابوعبدالله : وليييه مو كنت موافق جزئيا ولان راسك شوي
عبدالله (مستعينا بالهدوء) : ورديت عن موافقتي .. انـا الحين رااافــض
ابوعبدالله : عطني سبب مقنع .. غير الجبس
عبدالله : ساره
ابوعبدالله (متنهدا) : شفيها ساره ..
عبدالله : ماني متزوج الا اذا تزوجت ..
ابوعبدالله : وانا كل ماقلت لك شي تقولي ساره ..! اختك تزوجت
عبدالله ( مقاطعا ) : وتطلقت ..
ابوعبدالله : وتطلقت .. بتعيد السالفه من يد ويديد ؟!
سعود : ســلاااام عليكم ..
عبدالله ووالده : وعليكم السلام ..
ابوعبدالله : تعال تعال .. اقنع اخوك يتزوج
عبدالله : يبه .. شرايك تقنعه هو وتفكني ..
سعود (متظاهرا بالرفض ) : لا لا يامعود .. سقولك الزواج .. رجس من عمل الشيطان
ابوعبدالله : بالعكس الزواج ستر وتكمله لنص دينك
سعود : ستره للبنت وفضيحه للريال
ابوعبدالله (مظهرا انزعاجه ): افاا ..
سعود : يه مايصير نتغشمر يعني ..
ابوعبدالله : يعني مابخاطرك عرس .. ؟؟
سعود : ممم والله فكره .. ليش لا ؟ نجرب شي يديد
ابوعبدالله : عيل نتوكل على الله واخلي اختك تدور لك .. ولا انت حاط وحده ببـ ـ . ..
سعود : لا لا لا لا .. مو حاط وحده ببالي ولا يحزنون
عبدالله كان يقهقه مسرورا بانصراف والده عنه
ابوعبدالله : ليش الـ لا لا لا ؟؟؟ مو توك تقول خوش فكره ..
عبدالله ( محدثا سعود ) : استلم .. ماصدق انك وافقت .. وبيرح يخطبلك بعد صلاه المغرب .. خله يزوجك ويرتااح
ابوعبدالله : لا تلووموني بس منيتي اشوف عيالكم ..
سعود : باذن الله بتشوف عيال عيالنا بعد .. عسى الله يطول لنا بعمرك ويخليك لنا ..
عبدالله : امين ..
ابوعبدالله : مالنا شغل بهالكلام .. انتوا تدرون ان مابقى بالعمر كثر مامضى ..
سعود : انشالله يبه بنعرش .. بس خل الامور تهدا شوي ..
ابوعبدالله : اي امور !؟
سعود : كل الامور ..

بعد نص ساعه من الجدال والمناورات بين عبدالله وسعود ووالدهما ..
كان ساره تعود لتعلن اعلانها اليومي في هذا الوقت ..

ساره : الغدا زاهب ..
ابوعبدالله : جان يبتي لاخوج غداه لاهني ..
عبدالله : لا عكازتي عندي واقدر ادبر نفسي ..
سعود : ريحه الاكل تشق الخشم شق .. مو طبيعيه
ساره : وعليه .. اكيد يوعان وماتريقت .. يالله قوموا شناطرين .. لايبرد الاكل

توجهوا الي غرفه الطعام .. وخلال شروعهم في تناول الغداء

ابوعبدالله : ماشالله هم اليوم ام عبدالعزز دازتلنا غدا ..
ساره : اي واحنا طابخين بعد .. قلت لها خاله ماقصرتي خلاص لاتدزين وتكلفين
على نفسج بس مصره انها تدز
ابوعبدالله : الله يجزيها بالخير
عبدالله : على الاقل احسن من طبخ "مليكا"
ساره (مستغربه ) : مليكا منوو ؟
عبدالله : اللي تطبخ مو مليكا
ساره : لا اندراني ..
عبدالله : عاد انا شفهمني بهالسوالف .. هذا شغلج انتي
سعود : ههههااااي .. اخوج اي وحده تشتغل عندنا يسميها مليكا .. شكو مادري
ابوعبدالله: حتى انا ولاعمري حفظت اساميهم .. صعبه
سعود : عاد تأقلموا مع الوضع المساكين ..
ساره : اقووول بالله هذا نقاش ! تكلموا بموضوع سنع

لم يتطرقوا الي مواضيع جاده في الايام التي مضت على الاطلاق ..
فلم يتكلموا عن احداث او اشخاص او عن اي شيء من شأنه ان يؤثر على
جو الهدوء الجميل الذي ساد احساسيهم ,, بالاحرى .. معظم احساسيهم


سعود : اقــول .. هالدار يبيلها تلفزيون .. مايصير جذي ناكل وبدون تلفزيون
مليت وانا احن .. حطو تلفزيون
ساره : احسن عشان معدتك تظل مركزه بالهضم
سعود : شنو معدتي بتقعد تطالع التلفزيون معاي ..
ساره : المخ اللي يوجه المعده للهضم .. ولما تتابع التلفزيون راح يتشتت راسك بين وظيفتين ..
سعود : يــاسلام .. حكم حكم
ساره : طبعاً .. اصلا المفروض ماتقرا ولا تسولف مثل ما انت قاعد تسوي الحين ..
هدووء تام وانت تاكل او حوار بسيط اذا كلش ماتقدر تسكر حلجك .. استمتع
بالاكل ياخي .. تلذذ
سعود : ومنج نستفيد .. يا ام استمتع
عبدالله : لا عاد الا القراءه .. ماعرف اتريق الا وانا ماسك الجريده ..
سعود : الحين انتوا مسوين لي روحكم مثقفين يا انسه "تركيز بالهضم " واستاذ " احب اقرا جرايد " .. ؟!
ابو عبدالله : ماتعرفون تاكلون وانتوا ساكتين يعني ؟؟


رن جرس . . !

سعود (يهم بالنهوض ) : يالله سترك منو يايينا الحين ؟
ابوعبدالله : خلك قاعد .. اكيد راحوا يفتحون الباب
ساره ( كانت تعلم ) : يعني منو بيكون ..

بعد ثواني معدوده .. جاءت الخادمه تحمل باقه من الورد الابيض

سوما : ماما ساره .. هذا ورد في يجيب بعد .. تبي قطي زباله
ساره : لا حطيه بالصاله وعطيني الكرت ..

فعلا قد قامت بوضع الباقه الكبيره في غرفه المعيشه وتوجهت الى مخدومتها
تحمل تلك الورقه الصغيره اخذتها ساره .. قرأتها ثم قامت بدسها تحت صحنها ..
كل هذا كان يحدث اما ناظري سعود وعبدالله اللذان لم يخفيا استغرابهما الشديد ..

سعود : يه ..
ساره : لاتخاف ماراح ارجع له .. مابإذني ماي
عبدالله (احتدت نبره صوته ) : شحقه بتخلين الورد عيل
ساره : حسافه ينقط .. خله
سعود : والكرت اللي عليها ..

صمتت وظلت تقلب الطعام بالملعقه كما كانت تفعل حين وقعت في حبه في الجامعه ..
أتذكرون ؟
كان يوما رائعا مثل هذا تماما لكنه يختلف عنه بشيئن اثنين فقط ..
اعتقد أنكم تدركون ماهما الشيئان .. فلا داعي للتحث عنهما
اشار ابو عبدالله لهما بالسكوت .. بينما استمرت هي في شرودها ..!

~~~~~~~~

[Star_Girl's]

نوره : هلاا والله عاش من سمع هالحس
ساره (ببرود ) : هلا فيج
نوره : شلونج
ساره : بخير الله يسلمج
نوره : لا يضيق خلقج بس .. هم وانزاح وانا اختج .. دامه موزين مايسوى تنقهرين عليه
ساره ( سرعان ما غضبت دون مبرر ): حتى انتي دريتي وداقه تتقصين الاخبار
نوره : لا وربي .. بس بشوف شلونج واذا تبين تفضفضين تراني موجوده لج وعديني مثل اختج
ساره : اذا بغيت اتكلم .. اعرف منو ادق عليه لا تخافين ..
نوره (ارادت انهاء المكالمه حالاً ) : عموما .. انا لازم اسكر التلفون لان امي تبيه
ساره : الله وياج
نوره : مع السلامه

دلال (التي كانت جالسه برفقه ساره ) : هو شفيج قبيتي بالبنت
ساره : ماقبيت فيها ولا شي .. اهي اللي اسلوبها خايس . داقه تسحب مني كلام الاخت
دلال : اهي لحقت تتكلم اصلا .. !!
ساره : ايه بسرعه سكرته.. لا و تقولي امي تبي التلفون .. الظاهر نست انها داقه من موبايلها
دلال : انتي خسبقتيها .. طبيتي فيها مادري شفيج ..
ساره : اوووه لا تلوميني .. حاسه الدنيا كلها ضدي
دلال : بالعكس كلنا معاج .. تلقينها ماعرفت تتكلم بس
ساره : احسن انها سكرته .. ماكنت ابي ارد عليها اصلا
دلال : انزين شرايج نقوم نقعد بالحديقه . .
ساره (بدأت تخنقها دموعها ) : مالي خلق شي .. ودي انام وما اقوم
دلال : تعوذي من ابليس .. توج شزينج .. لا احنا ولا هالمكالمه اللي عفستج ..!!
تدرين شلون .. سكري التلفون بكبره ولاتردين على احد
ساره : هذا اللي بسويه .. وارتاح .. تدرين انه ليما الحين يدز لي مسجات
دلال : .. وتردين عليه ؟
ساره : لا .. شنو مينونه !؟
دلال : اشوى .. بعد قلت يمكن اشتقتي له
ساره : اشتقت له ..
دلال : ...!!!
ساره : بس بعد اللي صار مستحيل ارجع له ولا افكر ارد عليه ..
رغم الخوف الذي مازال يسكن دلال .. الا انها كانت متأكده من ان ابنه عمها ستتخذ القرار الصائب ولن تفكر بالعوده ابداً ..

~~~~~~~~

نوره : بل هذي شفيها !! ؟
ناصر : منوو اهي ..
نوره : وانت شكوو .. صج ملقوف
ناصر : الحين انا ملقوف ولا انتي الخبله اللي تتكلمين بصوت عالي
نوره : افف .. اقول اذا سألت عني امي قولها اني رحت انام
ناصر : تنامين ولا ..
نوره : ولا شنو ..
ناصر : ولابتجابلين .. ترى اذا انرفعت السماعه يبين انج شابكه .. ولا نسيتي . .
نوره : انت قولها نايمه ومالك شغل

[Star_Girl's]

توجهت الي غرفتها وقامت بقفل بابها.. اتصلت بشبكه الانترنت على الفور
تماما كما توقع شقيقها


نوره " وع ماكو احد شابك الا هذا .. غريبه ماصكني بلوك للحين .. ممم خل اخلى المسنجر مفتوح على مايدش احد اهذر معاه"

نهضت وتوجهت الى سريرها لتلهي نفسها بتصفح احد المجلات الفنيه ..

" قطع .. ملل .. ادش جات ؟ لا لا مالي خلق ادش جات واتحمل الاشكال السخيفه ! .. ممم زين ليش ما اقعد اعبط على هذا "

قامت برفع الحظر عنه .. ولم ينتظر هو الى ان تكلمه بل تحدث اليها على الفور


بحر وصعب مرساه says :
ها اشوفج شلتي البلوك

Nobody worth your tears & the only one who worth it , won't make you cry says :
بل .. ذكرتني

بحر وصعب مرساه says :
طبعا .. شلون انساج وانا اصلا ماضفت بنت غيرج

Nobody worth your tears & the only one who worth it , won't make you cry says :
يمه يعيارتكم .. ماضفت بنت غيري .. اي يصير خير


بحر وصعب مرساه says :
كيفج لاتصدقين .. بس ماقلتي لي .. ليش شلتي الحظر


Nobody worth your tears & the only one who worth it , won't make you cry says :
نزل العفو الاميري عندك مانع شنو مشتاق للبلوك ؟ ترى حاضرين ؟

بحر وصعب مرساه says :
لا لا .. ياحلو العفوو وراعيه العفوو

Nobody worth your tears & the only one who worth it , won't make you cry says :
بدينااا !! احترم نفسك ولا صج برد الحظر

بحر وصعب مرساه says :
وانا شقلت الحين

Nobody worth your tears & the only one who worth it , won't make you cry says :
انت عارف شقلت

بحر وصعب مرساه says :
زين اسفين .. شرايج فيني الحين


Nobody worth your tears & the only one who worth it , won't make you cry says :
اي جذي .. خلك خوش ولد


بحر وصعب مرساه says :
ولد .. تراهنين اني اكبر منج

Nobody worth your tears & the only one who worth it , won't make you cry says :
لا انا اكبر


بحر وصعب مرساه says :
لا انا اكبر .. انتي عمرج 19

Nobody worth your tears & the only one who worth it , won't make you cry says :
شدراك !!؟

بحر وصعب مرساه says :
نسيتي انج كاتبه سنه ميلادج ولا ال 85 حق شنو

Nobody worth your tears & the only one who worth it , won't make you cry says :
اي صح .. واي قطيعه حاط بالك لكل شي

بحر وصعب مرساه says :
شعبالج

Nobody worth your tears & the only one who worth it , won't make you cry says :
زين وانت جم عمرك


بحر وصعب مرساه says :
جم تتوقعين

Nobody worth your tears & the only one who worth it , won't make you cry says :
اقول بتقعد تسويلي فلم .. جم تتوقعين وجم مادري شنو ترى ماحب هالخرابيط

بحر وصعب مرساه says :
بل انتي شفيج جذي متجبرته .. خلاص يمه عمري 24

Nobody worth your tears & the only one who worth it , won't make you cry says :
يمه بعينك .. شلون 24 وبعدك بالجامعه شناطر على ماتتخرج ولا حضرتك فاشل دراسيا ؟

بحر وصعب مرساه says :
عن الاستنتاجات كنت ادرس برا وحولت للكويت لتخصص ثاني

Nobody worth your tears & the only one who worth it , won't make you cry says :
اممممممم .. وين كنت تدرس


بحر وصعب مرساه says :
كاليفورنيا

Nobody worth your tears & the only one who worth it , won't make you cry says :
اي صح كاليفورنيا .. انت الخرطوم ويخب عليك

بحر وصعب مرساه says :
الحين مو انتي اللي سألتي ؟


**استمر الحوار بينهما لغايه ال2 بعد منتصف الليل **



بحر وصعب مرساه says :
تصدقين انا ارتحت لج وايد

Nobody worth your tears & the only one who worth it , won't make you cry says :
اقول انت مو وراك دوام باجر.. ولا بتظل قاعد للابد على النت


بحر وصعب مرساه says :
امبلا .. بس ماراح اقوم الا اذا قمتي

Nobody worth your tears & the only one who worth it , won't make you cry says :
هو .. بالله قعدت لين وقت دوامك .. شلون بالله ماتقوم

بحر وصعب مرساه says :
طز بالدوام اهم شي اني قاعد اكلمج

Nobody worth your tears & the only one who worth it , won't make you cry says :
ياسلام .. زين تصبح على خير


وقامت بتسجيل الخروج قبل ان يتسنى له الرد ..
" واااي احس عظامي بتتكسر .. بس صج دمه خفيف وخبل تسوى القعده معاه "


~~~~~~~~

[Star_Girl's]

في اليوم التالي
ام عبدالعزيز : اييي هلا يمه .. متى بترد .. زورنا ياوليدي لو شهر ولهنا عليك
عبدالرحمن : انشالله يمه .. امتحانتي الشهر الياي
دلال :سلمي عليه يمه .. وقوليله ماكو عرس بدونه .. لا يفكر يطنش
دانه : عطووووني السماعه بكلم اخوي
ام عبدالعزيز : الله يوفقك ويسخرلك ملايكه السما وسكان الارض
دانه : مو باقي الا تصير كريمه مختار "ربنا يجعلك بكل خطوه سلامه يابني ". .
اقوول عطوني التلفوووون بس
عبدالرحمن : المهم شخباركم انتوا .. شلون ابوي .. وينه هو يمج
ام عبدالعزيز : لا والله راح يصلي ..
عبدالرحمن : ودلال عساها مستانسه مع معرسها
ام عبدالعزيز : بخيرر كلهم بخير ويسلمون عليك

في هذا الوقت كانت ساره قد صعدت الي الطابق العلوي .. ورفعت سماعه الهاتف

دانه : الووو .. عبدالرحمن .. هل تسمعني ..
عبدالرحمن : ايه شلون ما اسمعج .. صار لي ساعه اسمع صراخج
ام عبدالعزيز: ماتتوبين عن سوالفج رايحه للتلفون الثاني
دانه (تجتاحها نشوه الفرح ) : ساره تطلقت ..
عبدالرحمن ( الذي كان يتمشى في ارجاء شقته قد جلس على اقرب كرسي ) : ... ساره تطلقت ..
بنت عمي .. دانه عن المقالب السخيفه يمه صج دانه تطلقت ..
ام عبدالعزيز : اي والله .. مسيجينه ماتهنت .. توها متعوره وبعدها على طول تطلقت
عبدالرحمن : متعوره ..
دانه : شفيك انت .. كاااانت حامل وتعورت وطاح البيبي ..
عبدالرحمن : كانت حامل !! انتو شقاعدين تقولون
ام عبدالعزيز : الكلام اللي قالته اختك صح ..
دانه : ايه شفيك مو صدق
عبدالرحمن : وانتي ليش مستانسه هالكثر
دانه : هوو .. انت اللي ليش م ومستانس
عبدالرحمن : ليش استانس ؟
دانه : هذاااا اللي بيجلطني .. ويقول ليش استانس بعد

[Star_Girl's]

الجزء السابع عشر

انهى المكالمه على عجل .. وجلس تداعبه الافكار ..

" تطلقت .. يالله ولا توقعت انها ممكن تصير لي مره ثانيه بعد ما تزوجت ! ..
يعني الحين عندي فرصه ارد واخذها ؟ لي فرصه ارد واعشقها واحبها من يد ويديد ..
لا لا .. ماراح اغرق بالاحلام .. يمكن ترفضني !؟ .. بس لازم احاول لازم ..
برجع الكويت ...باجر برجع .. والدوام ؟ اوووه .. خلاص بأجل موضوع الدراسه بكبره .. "

بعد اسبوع .. لنكون اكثر دقه .. بعد ست ايام فقط ..
كان قد عاد اليهم , بالاحرى عاد اليها .. لم يكن واثقا من انها ستسمح له باقتحام حياتها ..
لكنه كان واثقا بأن قرار العوده صائب ولا يقبل النقاش ..

ام عبدالعزيز : من طاق الجرس هالحزه .. الناس العصر بتنام ..
دانه : انتي اللي تنامين العصر مو احنا ..
ابو عبدالعزيز : هذا مندوب الجريده .. صاره جم يوم يدق تلفون بيجدد الاشتراك .. عاد قلت له تعال
ام عبدالعزيز: يعني مالقى الا هالوقت ..
دانه : شيسوي .. هذا شغله .. والخبزه عسره ( وتغمز دون سبب )
ام عبدالعزيز (بصوت يرتجف ) : عبدالرحمن !

انغمروا في دموع فرح .. كأنهم لم يروه من سنوات ..!!
ثم راحوا يرحبون به بحراره .. ويوضحون له مدى اشتياقهم اليه ..
و ايضا مدى فرحهم بهذه المفاجأه اللطيفه ..

عبدالرحمن : ليش البجي يمه ..؟! هذا انا جدامج ماني متحرك والله
ابز عبدالعزيز : ليش ماقلت لنا نستقبلك بالمطار ؟
عبدالرحمن : عزيز وربعي ماقصروا
دانه (تصرخ ) : دلااااااال .. دلاااااااااااااااااااااال .. عبدالرحمن اهني .. دلااااال
دلال (تنزل من الدرج ) : شقاعده تخربطين .. جني اسمع حمني بنص الكلام ..
دانه (مستمره بالصراخ ) : اقولج عبدالرحمن رجع من السفر .. تعااالي
دلال ( غير مستوعبه ) : شنو ؟

حين رأته استقبلته بحراره وبسيل من التساؤلات ..

دلال : قره عينك يبه .. قره عينج يمه
ابو عبدالعزيز : بويهه نبيج يابنيتي ..
دلال : الصــراحـــه خوش سبرايز .. لا بعد تقول لنا عندك امتحانات ..
عشان نيأس كلش .. والله طلعت مو هين ..
عبدالرحمن (مبتسما ): وانا الصاج عندي امتحانات ..
دلال : هــوو .. عيل شيايبك اذا عندك امتحانات ؟!
عبدالرحمن (مازحا) : شنو ماتبيني ؟ .. ترى الطياره بعدها ماطارت يمديني الحق عليهااا ..
دلال : لا لا .. خلك قاعد .. ماصدقنا نشوفك .. ماجنها اشهر والله
ام عبدالعزيز : اخووج حنون على الكل وينفقد
دانه : احـــم .. انا ادري شرجعه
دلال : شنو اللي تدرين فيه ؟
دانه : الشــوق والحــب .. (صمتت للحظات .. ثم استطردت ) انتي
ماتدرين انه اشتاق لي موت موت موت .. وماقدر على فراقي .. عشان جذي رجع ..
يكحل عيونه بشوفه ويهي الصبوح .. ( واصبحت تحرك رموشها وتداعب شعرها بطريقه مثيره للضحك )
عبدالرحمن (متفحصا ملامحها ) : اشوف ويهج الصبوح ..
ابوعبدالعزيز : الا عبدالعزيز وينه .. مو هو اللي يابك للبيت ؟
عبدالرحمن : لا .. واحد من الربع وصلني وهو اخذ الجناط ..
ام عبدالعزيز : المفروض انه يوصل معاك ..شاللي اخره ؟ .. دلال قومي دقي عليه شوفي وينه ؟
دلال : يمه واللي يسلمج .. شنو اهوا ياهل بيضيع ؟ تلقينه راح يقضي له شغله ولا شغلتين .. خليني قاعده مع اخوي بس ..
ام عبدالعزيز : يقضي شغل .. واخوه راجع من السفر !! ؟
عبدالرحمن : شفيكم ياجماعه الخير .. ترى انا ماراح اطير
دانه : خلك منهم .. وقولي شنو يبتلي معاك
عبدالرحمن : مايبت لج ولاشي .. ما امداني بس يبت لامي ودلال بس
دانه (بجزع ) : شنو !! ليش ؟؟ شالظلم .. انا اختك الصغيره ماتييبلي شي .. مايصير هذا اضطهاد وانا احتج ..
عبدالرحمن (مشيرا لها بالصمت ) : بس بس .. لا تاكليني بقشوري ..
انتي اكثر وحده يبتلج صوغه عشان افتك من لسانج اللي يبيله قص ..
دانه (بانقلاب واضح ) : صــج ؟! وه ياعــل عمرك صويل .. عسى الله يخليك ذخر لنا وللامه الاسلاميه والعربيه ..
دلال : بدقيقه تقلبين ! توج بتدعين عليه .. كل هذا عشان صوغه .. صج انج شرانيه
دانه : اقول عبدالرحمن .. عسى مايبت لنا نفس الاشياء انا وهذي
(وتشير الى شقيقتها بطريقه مقيته ومضحكه في آن واحد )
دلال (التي كان ردها الاول هو رميها بعلبه المناديل ) : طاااع هذي .. هيييييه انا اختج الكبيره ..
عبدالرحمن : لا صوغتها احلى من صوغتج ..
دانه : شفتوااا .. قمه الاضطهاد والتمييز العنصري ..
ام عبدالعزيز : انتي ماعندج الا هالكلمتين تعيدين وتزيدين فيهم ..
اضطهاد وتمييز عنصري .. مو ناويه تتعلمين غيرهم ؟
عبدالرحمن : صج خبله .. توني اقولج صوغتج اكثر شي تردين تهاجميني ليش؟؟
عقابا لج انتي بالذات محرومه من الصوغه وراح تحول كلها لغيرج
دانه : اففف .. خلاص اسفه .. ترى ماصارت جم هديه ذليتنا
عبدالرحمن : الحين انا اللي ذليتج ولا انتي اللي خابصتني من دشيت البيت
دانه : ممم مافرقت . . المهم بتلغي الحرمان ولا لاء ؟
عبدالرحمن : على شرط ..
دانه : بعد يتشرط .. قول شنو شرطك ؟
عبدالرحمن : تسويلي شي اكله .. يوعان ..
ام عبدالعزيز : يخسي اليوع .. الحين اسويلك اللي تبيه ..
عبدالرحمن : لا يمه خليج مرتاحه .. خل تقوم دوين تفكنا من صراخها اللي عمال على بطال ..
دانه : وانت ليش ما اكلت بالطياره ..
عبدالرحمن : مو شغلج .. يالله قومي
دانه : يــا سلام !!
ام عبدالعزيز : قولي شنو مشتهي .. اكيد ولهان على اكل البيت ..
عبدالرحمن : يمه انتي صدقتي بعد .. بس ابي افتك منها .. عشان نعرف نسولف شوي (تفنن في اغاظتها ) ..
دانه (مغتاظه جداً): افففف .. ملاقه انتوا
عبدالعزيز : السلااام عليكم .. .. قره عينكم جميعا
ابو عبدالعزيز : وين كنت .. اخوك راد من السفر وان تفرفر
عبدالعزيز (متفجيء بر فعل والده ): والله مارحت افرفر .. يبتله الكنافه اللي يحبها وبس !!
دانه : شفتوا شلون ان هالبيت كله ظلم .. المفروض تسمونه بيت الظلم
عبدالرحمن : الحين الوالد ساكت من ييت.. وماتكلم الا لما دش عزيز
ام عبدالعزيز : مو متابع هالبرنامج .. وماراح يغيره لو تنقلب الدنيا
عبدالرحمن ( بابتسامه عريضه ) : تعلموني بالوالد وطقوسه ..
دلال : امبيه . .ترى مادرى عنا .. رد يتابع .. طالع شلون مندمج بس !!
عبدالرحمن ( متشاغبا على غير عادته ) : ولا انتي تكلمتي .. ماسألتيني الا شكو ياي .. جني مضايقكم !؟
دلال : لا والله .. بس هالدوين مو مخليه احد غيرها يتحجى ..
دانه : وانتوا كل شي تقطونه على راسي !! ظلم
عبدالعزيز : اقول عن البربره الزايده .. وقومي ييبي شوك وصحون
دانه : في حكمه تقول اخدم نفسك بنفسك ..
عبدالرحمن : وفي حكمه تقول صغير القوم خادمهم ..
ام عبدالعزيز : وقولي لجاندار اتييب ماي بعد
دانه (بامتعاض ) : انشالله .. انشالله


ســر كثيرا لاجتماه باهله .. فرح بلقائهم والحديث معهم .. استمتع بمداعبه شقيقاته واغاظتهن ايضا ..
شعر بالراحه لمجرد التفكير بأنها قريبه منه .. لا تفصله عنها الا بضع خطوات .. ولا تمنعه من رويئتها الا بضع جدران ..
أُعجب جداً بفكره ان الفرصه مازالت متاحه امامه ليستمتع بابتسامتها كل صباح ..
تخوف من رفضها له .. لكنه قرر ان يجازف لئلا يندم

[Star_Girl's]

في ذاك العالم الالكتروني المخيف ..


بحر وصعب مرساه says :
تصدقين .. انا ليما الحين ماعرف اسمج ..


Nobody worth your tears & the only one who worth it , won't make you cry says :
شكو تعرفه


بحر وصعب مرساه says :
بشنو اناديج عيل


Nobody worth your tears & the only one who worth it , won't make you cry says :
وشكو تناديني


بحر وصعب مرساه says :
انتي شفيج .. مو احيه كل سؤال تردين عليه بسؤال


Nobody worth your tears & the only one who worth it , won't make you cry says :
انا مو صاحيه


بحر وصعب مرساه says :
مو قصدي .. بس تستفزيني صراحه


Nobody worth your tears & the only one who worth it , won't make you cry says :
شكو تحاجيني اذا مستفزتك وغاثتك هالكثر ؟


بحر وصعب مرساه says :
لحول ردينا على الشكو


Nobody worth your tears & the only one who worth it , won't make you cry says :
ايه ردينا .. شعندك ؟


بحر وصعب مرساه says :
مايصير يابنتي .. صار اكثر من اسبوع .. اكلمج بالنت يوميا ولا اعرف اسمج


Nobody worth your tears & the only one who worth it , won't make you cry says :
امبلى يصير


بحر وصعب مرساه says :
تدرين شلون .. انا بزعل وماراح اكلمج الا اذا قلتي لي اسمج


Nobody worth your tears & the only one who worth it , won't make you cry says :
زعل ابو يعل



وقام بتسجيل الخروج فتركها ساخطه ..
"طاع هذا .. لايكون صكني بلوك .. خل يولي بالطقاق ماهمني..
عشان ماقلت له اسمي يزعل ويطنقر .. صج يهالوه ,, بعد انا مادري ليش تنحت
وماقلت له اي اسم وفكيت عمري ! "


~~~~~~~

لاحقا ..
في غرفه عبدالرحمن وبينما كان يرتب اشيائه

دانه : عبدالرحمن .. حمني
عبدالرحمن (فازعا): بسم الله .. جم مره اقولج لا تناديني حمني .. مو اصغر عيالج انا
دانه : شدعوه يعني ماندلعك ..
عبدالرحمن : لا .. لا تدلعيني .. بعدين شعندج يايه .. ما اخذتي صوغتج وخلصنا ؟
دانه : ايه مشكور ماتقصر .. صج انك ياييب اشياء سبورتيه وايد ..
بس ماعليه كل شي منك حلوو
عبدالرحمن : خبرتج تحبين الاشياء السبورتيه
دانه : لا الحين دانه دشت بمود اللون الاسود .. عشان يتناسب مع الحزن اللي انا فيه
عبدالرحمن (باستغراب ) : اي حزن !!
دانه : اتغشمر .. شفيك صدقت
عبدالرحمن : لا جد .. صوتج تغير مره وحده .. عسى ماشر دندون .. ترى انا مثل اخوج
دانه (ضحكت بمراره ) : حلوه هذي مثل اخوج ..
عبدالرحمن : اي بعد شسويلج .. ابيج تتكلمين
دانه : ماعندي شي اقوله يا ابني
عبدالرحمن : عيل يايه تتطمشين علي ؟
دانه : لا قلت اساعدك بترتيب اغراضك ؟؟ شكلك ماخليت شي هناك ..
الظاهر مالك نيه ترد ,, صح ولا صح
عبدالرحمن : تقدرين تقولين جذي
دانه : ادري راداري مايخيب
عبدالرحمن : زين يا ام رادار .. اخذي هالجنطه .. كل اللي فيها للغسل
دانه : مو وقته الحين .. بعدين اوديها
عبدالرحمن : عيل وقت شنو .. تحجي .. بطيهااا
دانه : اقول ماشالله عليك .. الويهه منور والضحكه شاقه الويهه منزملن ماشفتك على هالحال
عبدالرحمن (مازحا ) : قل اعوذ برب الفلق .. مستكثره على اخوج الوناسه
دانه : لا شدعوه .. عساه دووووم مو يوم ..
عبدالرحمن : صار لج ساعه تلفين وتدورين ... لا انتي قلتي اللي عندج
ولا انتي اللي ساعدتيني .. وين امي بس تاخذخ وتريحني
دانه : اشووووى امي لاهيه بالمطبخ .. ماخلت طبخ ماسوته
عبدالرحمن : وليش ماتروحين تساعدينها
دانه : ماحب المطبخ .. شفيك شنو قاعده على قلبك انا
عبدالرحمن : شسويلج مو راضيه تقولين شفيج .. !
دانه : اقول دحومي حبةبي
عبدالرحمن ( ضاحكا ) : ردينا على حمام ياللي ؟! .. نعم ؟
دانه : ممم ماودك تروح لبيت عمي ؟ تسلم عليه يعني
عبدالرحمن : اي والله .. لازم اروح له اشتقت له والله تدرين بعد اهوا مثل ابونا
دانه : بس اشتقت لعمي
عبدالرحمن : وودي اتطمن على عبدالله بعد
دانه : بس!
عبدالرحمن : وسعود بعد منزمان عن قعداته ..
دانه : منوو اللي يلف ويدور فينا الحين ؟ !
عبدالرحمن : انتي متى تتوبين ؟!
دانه : لا تقلبها علي ..
عبدالرحمن : لايكون مفكره اني بعطيج ويهه واسولف معاج
دانه : شفيهاا .. انا اختك مو وحده غريبه
عبدالرحمن : شرايج توريني عرض جتوفج .. مو ويهه سوالف انتي
دانه : واااااااي .. !!! المهم اذا بغيت تروح .. عطني خبر
عبدالرحمن : شحقه اقولج ..
دانه : بروح معاك .. اتفرج
عبدالرحمن (مسكها من طرف قميصها بينما كان يكتم ضحكاته وقادها الى باب الغرفه) : يالله برا ..
بتتفرجين ها .. قالولج سينما


اغلق الباب .. بعثر ملابسه واشيائه من على السرير ..
واستلقى واضعا يديده خلف رأسه .. يتذكر طفولتيهما ..
" طفله ولعبت فيني ! "

~~~~~~~~

[Star_Girl's]

اما تلك المطردوه .. فقد توجهت الى دلال ..
دانه : هااا وين رايحه ..
دلال : بروح لامي بالمطبخ ..
دانه : ياامعوده عندها ثنتين يساعدونها شكو تروحين انتي بعد ..
دلال : ليش شعندج ماتبيني اروح ..
دانه : بسولف لج ..
دلال (بنبره لعوبه ) : عن شنوو ..
دانه ( مستخمده نفس نبره دلال ) : توني رحت اطفر عبدالرحمن ..
دلال : حرام عليج .. الريال تعبان يبي يرتاح يبي شويه خصوصيه ..
دانه : انتي قولي طفرته على شنو
دلال (عادت لنبرتها اللعوبه ) : على شنوو ؟!
دلال : وااااي لا تتحجين جذي وتقلبين بعيونج .. صايره تخرعين
دلال : خلصيني طفرتيه بشنو
دانه : وه هالبيت محد يتحمل احد .. سمعي سألته ماودك تروح لبيت عمي ماولهت عليهم ومن هالحجي
دلال : ويعه بلا ويعه
دانه : تويع العدو
دلال : صج ماتستحين على ويهج !!
دانه : افففف هم انا اللي ما استحي على ويهي ؟
دلال : طبعا ً مالج حق تتكلمين معاه بهالموضوع ..
دانه : ولييش مالي حق .. اصلا السالفه معروفه وواضحه .. بعد شنو
دلال : حتى لو كونها معروفه مايعطيج الحق تتكلمين عنها عادي وتلمحين تلميحات خبيثه !
دانه : ياسلااام ! منطق مايدش المخ
دلال : انزين واهو شرد عليج
دانه : مسكني من بلوزتي ووصلني لباب داره
دلال : زين يسوي فيج .. لو انا مكانه جان دقرتج دقره ماتنسينها بحياتج
دانه : واااي .. صج ماعندكم سالفه
دلال : والله محد ماعنده سالفه بالبيت غيرج .. عيل رايحه تتميلحين عند الريال ..
دانه : بس تصدقين .. احس كل اللي يحبون او ينحبون مالهم حظ ..
دلال : شلون يعني ؟
دانه : اخوج مثلا .. يموت على ساره .. صح ولا لاء
دلال : صحين . .
دانه بس ما اخذها .. ولا اهي درت عن هوى داره
دلال : انزين واللي ينحبون ليش مالهم حظ بعد .. بالعكس ان اعتبرها محظوظه ان في احد يحبها ويفكر فيها هالكثر
دانه : بس شالفايده : اذا اهي راحت تزوجت واحد اثول .. ما احترمها ولا قدرها
دلال : والله صايره تفكرين وايد
دانه (التي ارخت جسدها على السرير وتنهدت ) : وشلون ما افكر
دلال : ... بسألج سؤال .. بس اوعديني انه مايضيق خلقج
دانه : تفضلي ..
دلال : ... انتي كان .. اقصد انتي واحمد كان بينكم علاقه ؟
دانه (تبتسم مرغمه لمنع دموعها من الظهور ) : كنت متوقعه انج تسأليني عنه
دلال : كان يحبج ولا كانت السالفه من طرف واحد ؟
دانه : تصدقين مادري .. ساعات احس انه يحبني من نظراته .. او لما كان يكلمني ..
وساعات احس اني كنت اقص على نفسي مو اكثر ولا اقل
دلال : يعني كان بينكن مكالمات وجذي .. يعني كان في شي شبه رسمي ؟
دانه : لا لا .. ماقصدت جذي .. اقصد لما كان يكلمني بالمناسبات لو لما يسلم اذا صادفته .. بس
دلال : اي .. فهمت فهمت

ساد السكون لدقائق .. التقطت خلالها دانه احدى المخدات لتغطي بها وجهها الحزين ..
وتغمض عينيها بهدوء فترى ملامحه من بعيد ..!
وتقنع نفسها بان هذا قد كان مجرد اعجاب .. او حتى مايدعى بنزوه مراهقه ..
ارادت ان تنساه بأي طريقه ولكنها لم تفلح بذلك ..

في نفس الوقت .. كان دلال تتحسر على شقيقتها الصغرى بسكون ..
" وعليه .. مات وتركها واهي ماتدري اذا يحبها ولا لاء .. كل هذا خاشته بقلبج يادانه "


دانه : اقول شرايج نروح المطبخ ..
دلال : توج ماتبيني اروح
دانه : خل اسوي لحمني سلطتي الخاصه اللي يحبها
دلال : ماشالله .. شالسنع اللي طاب عليج

خلال نزولهما من الدرج ..
دلال : اقول انتي شضمنج ان مكونات الصلصه ولا السلطه موجوده اصلا ؟
دانه : مو مشكله اذا مو موجوده اخترع غيرها ..
دلال : هوو بالله طلعت مو زينه ..
دانه : اقولج مو مشكله .. اعرف اخوي ماراح يفشلني وبياكل واهوا ساكت .. خل اوهقق
دلال : دندون .. خليج دايما جذي
دانه : شلون جذي .. ؟؟
دلال : انتي عارفه قصدي ..
دانه : ماني فاهمتج ! .. انتي من انخطبتي وخرابيطج كاثره .. الله يعلم اذا تزوجتي شبيصير فيج
دلال : هههههههههه .. اسم الله علي ماراح يصير شي
دانه : ايه صح صح . ماراح يصير شي .. بذمتج مو حاسه انج متوهقق
دلال : لا والله بالعكس حاسه انها مرحله يديده وحلوه .. ولابد منها
دانه : لابد منها .. هذا كلام المتوهقين ..
م عبدالعزيز (كانت قد سمعتهما لحظه دخولهما للمطبخ .. فقالت) : اي متوهقين ؟
دانه : هااا تبون اي مساعده شي ماشيات من الحين اقولكم .. القوزي علي
دلال : هههههههههه اي قوزي انتي بعد
ام عبدالعزيز : تعالي انتي .. قلي الدياي .. وانتي استلمي السمبوسه
دانه : يمه وهذول شنو شغلتهم .. واقفين ويطالعون بس !
ام عبدالعزيز : هذول مايبردون جبدي ..


~~~~~~~~

بعد صلاه المغرب في اليوم التالي .. ماشالله .. شالبخور الطيب .. هذا احسن من مال الظهر
ساره : هذا اللي شراه سعود من الامارات ..
عبدالله : الحين انتي جم مره تبخرين باليوم .. الظهر بخرتي والعصر والحين بعد
ساره : الظهر والعصر عن ريحه السمج .. تارسه البيت ! والحين عشان بيت عمي بييون
سعود : كلهم بييون ؟
ساره : مادري .. دندون راح اتيي مع عبدالرحمن .. عاد الباقيين مادري عنهم
عبدالله : وانتي بتظلين قاعده بالبجامه ؟
ساره : لا بروح البس دراعه بعد شوي
سعود : وشكو تبدلين .. خليج قاعده فوق لاتنزلين ..

استغرب كل من ساره ووالدها من رد سعود الصارم ..

ابو عبدالله : وليش ماتنزل تسلم .. محد غريب بيي ..
ساره : اييي ودانه .. شنو تبيني الطعها عندكم !
سعود : هــاا .. اي اذا بنت عمج بتيي .. اوكي
ساره : بعدين لا تنسى يا اخي العزيز ان محد يشرف على المطبخ غيري
ابوعبدالله : الله يعطيج العافيه ..
سعود : وانت مصدقها يبه .. بس توجهه وتقول اشراف !
ساره : التوجيه هذا بحد ذاته متعب .. انت مو مستوعب كم الغباء اللي اوجهه يوميا ..
سعود : ههههههههه .. عشانهم مايعرفون عربي يعني
ساره : لا والله .. مساكين ساعات يكب عليهم غباء مو طبيعي ..
عبدالله : اقوول ماودج تنقزيزن وتغيرين ملابسج .. احسن من التفلسف
ساره : وجهه نظر ..

[Star_Girl's]

عبدالرحمن .. كان يدندن .. بينما كان يستعد لزياره حبيبته بصوره غير مباشره ..
كان في قمه طاقته .. يقلد مطربه المفضلين ..

" استكثرك وقتي علي وغدى بك عدد زماني كل ماطاب هون ..
ليت الذي وداك يازين جابك .. تشوف عقبك كيف الايام سون .. شرق مشيت وغرب
وقتي مشى بك .. والقلب ماله لايمن فيك "

دانه : طــاويتني طــي الورق في كتابك حتى معاليق الحشا لك تطون .. استكثركـ...
عبدالرحمن : اعوذ بالله من الشيطان الرجيم .. شيابج عندي
دانه :ابد سمعت صوتك الشجي وييت ..
عبدالرحمن : على طاري صوتي .. شالصوت اللي عندج نشــاز .. سافرت ورديت وهذا انتي .. مافي انوثه رقه .. تعلمي من غيرج
دانه : هممممممممم .. اتعلم من غيري .. من منو ؟ منو ياربي منو ؟؟ ساره مثلا ؟
عبدالرحمن : هذيج المره طلعتج من الباب .. هالمره بحذفج من الدريشه
دانه : لا خلاص اتوب اتوب ..

عاد يرتب هيئته ويدندن معاندا اياها ..
" احبك لا تقول شلون .. كثر ماتغير احوالي كثر ماجيت في بالي ..
خيالك يرسم البسمه على شفاهي وياخذني الي اخر مدى في الكون ..
وطن عمري .. غلاك وطرفك الساهي "

دانه : واذا نادتلك ايامي .. اموت بطرفك الساهي .. احبك لااااتقول شلوون
عبدالرحمن : انتي ييه تتطمشين على ولا شسالفتج ؟
دانه : لا بس اقول كاشخ اليوم .. جنك رايح تخطب
عبدالرحمن : رايح اخطب هاا .. ؟
دانه : اي والله .. صار لك ساعه تحوس بالدار .. حشى ولا المعرس
عبدالرحمن : وتاليتها معاج يعني ..

وصار يلاحقها ويحاول الامساك بها على سبيل الدعابه لا اكثر ..
دانه (تركض ) : خلااص . التوبه .. والله اتوب .. توبه
حتى وصلا الي غرفه المعيشه ..

عبدالعزيز : هههههههههههههههههههههههههههههههههههههههه .. شمسويتله ؟؟
دانه : ماسويت شي ..
عبدالرحمن : ماسويتي شي !
دانه (باستسلام ) : سويت .. بس مايسوى تركض وراي من دارك لي اهني .. بغيت اطيح على ويعي بالدري
عبدالعزيز : ههههههههههههههههههههه .. اكيد مسويتله شي جايد .. مايركض وراج من شي مايسوى !
عبدالرحمن : انت ليش ماغيرت ملابسك
عبدالعزيز : ليش ؟
عبدالرحمن : مانت رايح لبيت عمي ..
عبدالعزيز : امبلى
عبدالرحمن : بتروح جذي بهالجينز ؟؟
عبدالعزيز : اللي يسمعك يقول رايج بدشداشه النوم
دانه : حـــــده ماكو تناسب بين ملابسه وملابسك
عبدالعزيز : وشعندك انت كاشخ وحالتك حاله وحاك ويهك حك !
عبدالرحمن : انا! معزوم .. الشباب بالديوانيه مسوين عشا على شرفي
عبدالعزيز ( يتسأل بخبث ): ماشالله .. من متى تكشخ لربعك ؟
دانه : شففففت .. مو بس انا اقول انك كاشخ زياده عن اللزوم ..
عبدالرحمن : شفيكم على .. يعني انا قبل لا اسافر كنت مبهذل ولا شنو !! ؟
دانه : لا بالعكس .. اصلا حتى لو ماتكشخ مبين رزه من جسمك وطلتك
عبدالعزيز : مو عن .. بس كل اللي اقوله ان السالفه مايبيلها كل هالتكشخ
عبدالرحمن : دوين روحي يبيلي دهن عود من داري ..
دانه : ليييش اشتغل عندك ؟
عبدالرحمن : وانتي ماتعطين من عمرج ابد ..

وصعد الي غرفته .. بينما ظلا الاثنان يتهامسان

دانه : طفرناه عدل
عبدالعزيز : ههههههههههههه .. اموت واعرف انتي شمسويه فيه هالمسكين ..
دانه : اخر شي شك بعمره انه مو ويهه تكشخ ابد
عبدالعزيز : ترى والله اخوج طيب .. خفي عنه شوي لا يطلع من يوره
دانه : عاد كنت اتغشكر معاه صراحه .. ماتوقعت انه بياخذها جد ويصدق انه مبالغ بالاناقه
عبدالعزيز : بيني وبينج .. اهو كاشخ من قلبه
دانه : يعني حتى انت ملاحظ
عبدالعزيز : ايه

وانفجر ضحكا لمجرد تذكر شغله وهو يقف مدافعا عن نفسه .. وعن مظهره ..

~~~~~~~~

هناك .. في الحديقه ..

ابوعبدالله : وشلون وضعك هناك .. عساك مرتاح .. ؟
عبدالرحمن : اللهم لك الحمد .. اول مارحت تعرفت على شباب خليجين .. ماقصروا معاى ..
ابوعبدالله: صرت بين اهلك وناسك
عبدالله : اي والله .. عاد كنت شايل هم اني ماتعرف على احد .. بس الحمدالله مشت اموري
عبدالله : ليش تشيل الهم .. مايتخاف عليك
عبدالرحمن : بعد تدري كل شي يديد ينخاف منه

ظل يتسأل " وينها .. يعني ماراح اشوفها اليوم ؟؟ ! وديون اللي راحت لها .. ليش مايابتها .. عليّ حظ ! والله مقرود "

عبدالعزيز : عبدالرحمن .. الوو .. وين رحت عمي يكلمك
عبداتلرحمن (عذره جاهز ومعلب ) : ايي قاعد اطالع ريل عبدالله .. شكله الحادث كان جايد ..
عبدالله : كان بيني وبين الموت شعره .. وان شريط حياتي كله مره جدام عيوني
عبدالرحمن : عــرفت قصدك
ابو عبدالله : وانت متى صار لك حادث ولا تعرضت للموت ؟
ساره ودانه : السلام عليكم
رد الجميع : وعليكم السلام ..
ساره: حمدالله على السلامه عبدالرحمن ..
عبدالرحمن (احس بمليون طبل يقرع في صدره ) : الله يسلمج ..شلونج عساج طيبه ؟
ساره : بخير الحمدالله
دانه (تسحب ساره من يدها ): يالله عن اذنكم ..
ابو عبدالله : وين .. قعدوا معانا ..
دانه لا بيني وبين سارونه موضوع خطير
عبدالرحمن (بانفعال ) : اجلو الموضوع لبعدين وقعدوا ..
دانه : وييييه اقولك موضوع خطير مايتأجل .. (تلتفت على ساره ) : يالله يالله
ساره : شوي شوي .. لا تشقين هدومي بس
دانه : عن اذنكم باااااي ..
عبدالعزيز وعليكم الباي !!
عبدالرحمن : الا سعود وينه ..
عبدالله : توه كان موجود .. دق عليه واحد وطلع

~~~~~~~~

[Star_Girl's]

وعد زفاف دلال غداً !!
مرت الاسابيع كاللحظات .. الى ان بات الحدث المنشود قريبا جدا ..
خلال تلك الايام كانت ينتهز الفرص لرؤيتها او لمصادفتها .. لكن معظم محاولاته بأت بالفشل
على العموم لم يصب بالاحباط .. فقد ارتاح كثيرا لعوده الوضع الي ما كان عليه قبل ان تتزوج ..

انشغلت دلال ودانه بالحفل .. فقد كانت التخطيط والتجهيز ممتعا للأثنتين خصوصا للصغرى ..
فقد احبت التعب الذي سيبعث الابتسامه الى محيا شقيقتها .. اهتمت بادق الامور ..
ليكون كل شي على اكمل وجه .. ولتكون دلال في احسن حالاتها ..
سعيده للغايه بحيث ان تلك السعاده تكاد ان تفيض من عيناها لتعم الجميع ..
آمنت ان الحب يكمن في التفاصيل .. ولم تبخل في اظهار حبها لشقيتها على الاطلاق ..


دلال : حرام عليج توني راده من الصالون شنو بتحطين بويهي بعد ..
دانه : ولوو ولوو لازم تحطين هالماسك ..
دلال : دوين هذا شكله يحرق .. وانا ويهي حساس مايستحمل
دانه : لا لا لا .. مايحرق من قال
دلال : عن الوهقات .. ترى مايمدي نرقع .. باجر العرس
دانه : لا تخافين .. اصلا راح يخلي بشرتج مثل بشره الاطفال
دلال : ياخوفي يسويها مثل القار ..
دانه : هههههههههههههههااي .. خلاص انا بحطه ..
دلال : خاف يحرق ويهج ..
دانه : شسويلج مو ابيج تتأكدين انه مافيه شي
دلال : مو لازم مابي احطه ..
دانه : ماكو الا نجربه على عزوز ..
دلال : خوووش عشان يسوينا طرنشات طرنشات ..
دانه : لا لا .. لا طرنشات ولا شي ..بسأله ان وافق جربت عليه ... موافق هم بجرب عليه
دلال : ههههههههه ... الظاهر ماتعرفين اخوج


الجزء الثامن عشر
نوره (متفاجئه) : لااااااه ؟
هديل : اييي والله حتى انا مستغربه ..
نوره : ممممم .. وليش ماعزمتني يعني
هديل : مادري يمكن لانج ماتحضرين وجذي ..
نوره : عاد كلمه .. ماراح تخسر .. اهي تدري اني ماراح احضر ! شفيها اذا
بس عزمتني طيبه خاااطر يا اختي
هديل : ويييييييييي لا تشيلين بخاطرج نووري .. اصلا حتى انا ماراح ارووح وامس
دقيت اعتذرت ودزيت لها البطاقه
نوره : لا من صجج .. ماني شايله بخاطري ولا شي
هديل : اشوى ..
نوره : بس انتي ليش ماراح تروحين !؟؟
هديل : احس فشللله رايحه وناس ماعرفهم وعرس بنت عم رفيجتي !
مو جننه بعيييده
نوره : عادي .. دام انها اهي اللي عزمتج شكو تتفشلين .. انتي مو مدخله عمرج بينهم غصب
هديل : عاد الحين رديت البطاقه وخلصت هالكلام ماينفع
نوره : خيرهاااا بغيرهااااا
هديل : اييي .. خلينااا من هالسالفه
نوره : اكيد في شي ودج تقولينه بعد .. قولي شعندج
هديل : لا والله ماعندي شي .. بس ودي اسولف معاج .. عاادي
نوره : اكيد
هديل: اكيدين
نوره : الا شخباااارج مع اهلج والخطاطيب
هديل : وااي سويتيها خطاطيب .. اهو واحد ..
نوره : شكل الموضوع كان فاشل بكل المقاييس
هديل : فاشل وبس ..
نوره : جيكر يعني ؟
هديل : اصلا رقعه ويهه ماشفتهااا .. ماشفت الا حذاءه وانتي بكرامه ..
وبعدين عليه سوالف .. ممل مسكيييين الله يعين اللي بتاخذه
نوره : هههههههههههههههههههههه انتي ابداع .. الله يعين اللي بياخذج انتي
هديل : خلينا من هالسالفه الماصخه .. كل ماتذكرت انقهر .. المهم انتي شلونج
نوره : انااااا .. تمام
هديل : وشخبار خالتي
نوره : امي ؟ .. تمام
هديل : سلمي عليهااا ..
نوره : انشالله يوصل.. بس شالطاري تسألين عنها
هديل : اشووفج ماتتحلطمين عنها ..
نوره : ايـــي .. لا اشوه معطيني مجال هاليومين
هديل : وانتي عاجبج الوضع
نوره : حــــده .. اول مره احس بهالكثر وناسه
هديل : كل هذا عشان امج ماهي حولج !؟
نوره : لااا مو بس جذي .. بس تعرفت على واحد
هديل : اييي قولي جذي .. السالفه فيها واحد .. بالنت ها ؟
نوره : ايييي .. بس هذاااا صج غير .. اول كله نتخانق انا وياه ونرجع عادي
ومازلنااا
كل يوم نتناجر على ضحك .. استااانس كل ماكلمته .. جني اكلم صديق اخووو شخص اعرفه
هديل : اخو وبالنت .. والله مايمشون هالكلمتين مع بعض
نوره : لا والله هذا غير .. صج غير
هديل : الله يسترر من هالغير !

واصلتا الحديث لما يقارب الثلث ساعه دون ان تصغي اي منهما للاخرى ..
فــ نوره استمرت بالحديث عن لقائاتها الالكترونيه مع "بحر" .. !
و هديل كانت تحذرها من اي افخاخ قد تقع بها ..



~~~~~~~~

[Star_Girl's]

في اليوم التالي ..
ساره : قلللللت لج خلاااااص طلعت من الصالون ..
دانه : يالله خبي عمرج متي بتيين
ساره : هووو اقولج بالطريج .. عشر دقايق واكون عندج
دانه : لبستي بدلتج ولا لاء ؟
ساره : تبيني البسها بالصالون يعني ؟؟ طبعا لا
دانه : شفتييي من جذي بتتأخرين .. مو قلت لج صيري معانا احسن
هذا احنا من الظهر اهني .. مو مخليتني احاتيج
ساره : دووين عن الحنه .. اول شي تو الناس .. وبعدين شنو بسوي لما ارتز
معاكم من الظهر .. اضيق عليكم بس .. ! وشكو تحاتيني ياهل انا ؟!
دانه : لا تضيجين ولا شي .. الحين ماكو فايده من هالحجي .. اقول بدلتج معاج
ساره : لااا بالبيت .. اقولج يايه يعني اكيد معاااي .. لاتخافين العده كلهااا معاي
دانه : اشوى ..
ساره : شخبار اختج
دانه : الووو ... ما اسمع الظهر مافي سيرفس بالغرفه خنطلع
ساره : هوو توج تحجين شزينج .. !! الوووو
دانه : بطيتي اذووني .. اسمعج اسمعج .. بس كنت بطلع من الدار عشان ماقدر اتحجى جدامها
ساره : ليييش ؟؟ شالسالفه
دانه : سكتى .. اليوم الصبح متغيره نطفتها كلش وتتحجى بالقطاره .. وبعدين
قامت تبجي وترجف وحالتها حاله وماابي اسافر ومابي اتزوج ..
اخرتها تقولي انتي اخذيه بدالي ,, اختي بتقطني صخر !
ساره : من صجهاااا ! تبالغ مالج شغل
دانه : اقولج تبجييي .. واي كسرت خاطري
ساره : عااااادي كل العرااايس جذي
دانه : وانتي شدراج بالله ؟
ساره : هوو نسيتي انى متهببه ومتزوجه من قبل ..
يمكن قعدت اتنافض طول الرحله ..
دانه : حمدالله والشكر .. صج انكم حالات ..
ساره : شي طبيعييي هذي رهبه عااااادي
دانه : مممممم عندي احساس انها متوهقه
ساره : انزين وليما الحين تبجي وترجف بعد
دانه : لا لا اشوى .. الكوافيره ومالت المكياج قاموا يساحلونها وينكتون معاها ..
الحين جنها هدت وصار عادي
ساره : وامج وينها ؟
دانه : امي تحووووس .. زين انها ماشفتها ولا جان بطتها بجوه معاها .. انتي وينج ماوصلتي ؟؟
ساره : بسم الله الرحمن الرحيم عشر دقايق واوصل .. ماراح اتأخر شفيج
دانه : ماخلصوا العشر دقايق ؟! .. جنهم ينادوني .. يالله مع السلامه
ساره : الله يسلمج ..
كما قرأتم انهت المكالمه .. ثم اعادت هاتفها المتنقل الي حقيبتها .. وهي تضحك كلما تذكرت مدى انفعال دانه اثناء حديثها
سعود : شتضحكين عليه
ساره : على دوين .. بدعت
سعود : شفيها ؟
ساره : معتفسه من الصبح كل نص ساعه تدق .. وانا حاقرتها لاني عارفه ان
ماعندها سالفه .. عاد الحين لقيت ضغطها واصل مليون قاعده تحاتي ..
مادري شبيصير فيها اذا سافرت دلال .. بتين بروحها ..
سعود : حالها حال خلق الله ماراح يصير فيها شي
ساره : لا دوين هذي حاله اسثنائيه ..
سعود : مصيرها تتزوج ولا تنشغل بأي شي ثاني .. مو هذي سنه الحياه اللي يقولون عنها
ساره : دانه ... تتزوج !
سعود : مو بنت ؟!!
ساره : اييي خوش بنت .. شرايك تاخذها
سعود : دانه .. !
ساره : ايي مو مو بنت ؟
سعود : اوكي بنت ما اختلفنا .. بس مافكرت اني باخذ وحده من الاهل صراحه ..
ساره : فكرر .. وعطني رايك
سعود : من الحين اقولج لا
ساره : الحين انت دوزن الموضوع بمخك .. وبعدين نتفاهم
سعود : سوير .. لا تحاولين تخططين لاي شي
ساره : الحين انا خططت .. ! الموضوع انطرى بسياق الحديث مو قاصده .. والراي الاول والاخير لك
سعود : طبعا لي ..


ساد الصمت لبضع دقائق .. كان كلاهما يتسأل خلالها ..
لما لم يرد ذكر دانه في موضوع زواج من قبل (؟)
ولما لم تطرق دانه ابواب قلبه او حتى عقله من قبل (!)


سعود : تيبني انزل معاج .. ولا لا
ساره : لا مايحتاج .. مشكوور


نزلت وتوجهت الى حيث توجد دلال ودانه .. لتجد ارتباك تام يعم المكان
وسرور يعم القلوب ..


ساره : لااا ماشالله مكياجج طالع الحين احلى من اول مره جربتيه .. قمر
ماشالله تبارك الرحمن
دلال : واااي اي قمر؟ .. انا وين وانتي وين
دانه (تحدث ساره ): انتي ليش مكياجج يقطر .. هالكثر يحطون مكياج
ساره : شفتي .. لوعت جبدي .. تقولي راح يخف على مايصير وقت الحفله
دانه : هووو وبتخلينه جذي ؟
ساره : لا اذا ماخف على كلامها .. بمسح منه
دلال : خاف يعتفس كل شي
ساره : اضبطه مو مشكله ..
دلال : يااااربي .. ييبولي حبه مهدي احس مخي بينجفر
ساره : شدعووووه دلول .. من الحين منفعله جذي !!
خليج ريلااكس انتي مو اول وحده ولا اخر وحده تتزوج !
دانه : اي والله قوليلها .. طلعت لي قرون
ساره : عيل شبتسوين اذا بغى يشربج وتشربينه العصير
دلال (ببلاهه مصطنعه) : اي عصير !!
وساره : ولا تقطيع الكيكه ..
دلال (مستمره على نفس الوتيره من البلاهه ) : اي كيكه .. محد يابلي طاري الكيك !!
دانه : بدون محد يقول لج .. شي طبيعي بتسوين كل هالسوالف للذكرى ..
دلال : من قااااال اني ابي ذكرى
دانه : اذا انتي ماتبين .. انا ابي
دلال :شرايج تروحين بدالي .. ترى ماعندي مانع والله

استمر القاء النكت والدعابات قائما بين الثلاث .. حتى ذاب الجليد تماما .. وربما تبخر

[Star_Girl's]

حانت ساعه الصفر .. ( كما تطلق عليها دلال)
انشغلت والدتها ووالده زوجها واخواته باستقبال الحضور ..
وشُكرهم على حضورهم وعلى تباريكاتهم ايضا ..

ام عبدالعزيز : بيض الله ويهها اللي قدرت تكمل وتقعد
دانه : شفتييي ويهها يمااااه .. احمر .. عنابي
ام عبدالعزيز : اييي طول عمرها حياويه بنتي
دانه : قلنا حياويه بس مو جذي !!
ام عبدالعزيز : الحين عسى ماتبجي اذا شافت ابوج واخوانج .. وقت زفه المعرس
دانه : عاد توقعي اي شي .. شوي وبنلاقيها الدموع اربع اربع
ام عبدالعزيز : لا تقعدين تفاولين ..
دانه : الحين البجي صار مفاول ..
ام عبدالعزيز : اقول روحي سلمي على الاوادم .. كافي انج ما استقبلتي معاي لا انتي ولا ساره
دانه : يعني كنتي تبينا نخلي دلاااال بروحهاا !!
ام عبدالعزيز : وحده منكم كافي ..
دانه : خلااااص بروح اسلم .. تبين شي
ام عبدالعزيز : روحي سمعي اختج .. قوليلها خل ترفع راسها وتبتسم
دانه : انشالله .. على هالخشم

تم ما اوصت به والده العروس .. حيث كانت دلال تجاهد لابقاء رأسها شامخا ..
ولتحافظ على ابتسامتها البريئه ..

~~~~~~~~

اما الان فقد حان موعد العد العكسي .. * كما تطلق عليه دانه هذه المره *
أقبل عليهم زوجها .. راشد (اليس كذالك ؟.. حقيقه لم اتمكن من ذكر اسمه)
كان ممتليء الجسم .. فارع الطول له لحيه خفيفه .. بشره وجهه الحنطيه
لم تخلو من بعض الاحمرار .. خجولا ام محرجا .. لا اعلم (؟)
بارك زواجهما وقبل جبينها ..وتصرف بلطف بالغ .. " ككل العرسان الجدد "
بارك للعروس عمها ووالدها وشقيقيها ايضا . .

ساره : الحين هذا عبدالرحمن ..
دانه : لا براد بيت .. اي عبدالرحمن
ساره ( بجراءه ): لا تفهميني غلط .. بس بصراحه اخوج صاير شملحه
دانه : تستعبطين انتي .. !! توج تدرين انه مملوح
ساره : ممم اوكي من قبل مملوح .. بس جنه متغير !؟
دانه ( بنبره غريبه ) : لا ماتغير ولا شي .. بس انتي اللي ماتدرين عن الدنياا
ساره : وييي طالعي دلول .. لما سلم عليها عمي .. دمعتها بتنقز من عيونهاا
دانه : ايي طالعي دلول .. وانسي عبدالرحمن كالعاده
ساره : شنو ؟؟
دانه : تعالي امي تأشر لنااا .. صايرين جننا صم وبكم اليوم .. تحركني بالاشارات
ساره ( تتطلع الى دانه باستنكار .. منتظره منها اجابه شافيه ) : ؟؟؟!!!
دانه : لا تطالعيني جذي .. امشي معاي و بعدين افهمج ..
ساره : اوكي !!


انتهى الحفل دون اي جروح او اصابات ..


ساره : تعااااالي نامي عندي ..
دانه : اصلااا ماتسوى النومه .. انتي ماطالعتي الساعه
ساره : انتييي عارفه شقصد ..
دانه : زين انتي ليش ماتيين عندي ..
ساره (متردده ): يعني ؟؟
دانه : ايييي .. خل ننزل الملفات ..
عبدالعزيز : انتوو بعدكم ماوصلتوا البيت وتتفقون على الحش
ساره : لا والله مو حش ..
عبدالعزيز : بس تقطعون يلد خلق الله صح
دانه : تقدر تقول جذي ..
عبدالعزيز : يعني مايصير تسولفون بدون الحش والقرض !!
دانه : لا هذي الله يسلمك طبيعه بشريه ..
عبدالعزيز : الله الله يالطبيعه البشريه ..
دانه : الحين شقلتي .. بتيين ولا شلون
ساره : قلت بروح ابدل هدومي واييج
دانه : تماااام .. اذا عندج .. كاكاوات .. شبس .. هالخرابيط كلها ييبيها معاج
ساره : جنه عندي والله مو متأكده
عبدالعزيز : بلع وحش .. كملتوا
دانه : شسوي ياخي والله ماكلت شي .. ماغير افتر جني ماني قايله
ساره : اييي والله حتى انا ميته من اليووع ..
عبدالعزيز : الله يعطيكم العافيه صراحه ..
ساره ودانه : الله يعافيك ..
عبدالعزيز : خلاص اقطكم البيت واروح اييب لكم عشا ..
دانه : صــج !
عبدالعزيز : اي صج .. كسرتوا خاطري .. شلون مادري بس كسرتوه
دانه : ويي يعل عيني ماتبجييييك ..
عبدالعزيز : يه شالذرابه .. شالسنع .. اول مره اسمع هالكلام منج
ساره : مو السالفه فيها عشا ..
دانه : فيها مستقبل امم واجيال وانتي الصاجه
عبدالعزيز : من اي مطعم تبون ..
دانه : عاادي اي شي
عبدالعزيز : شنو اي شي .. اييبلج عتوي مشوي يعني !!
دانه : واي عزيز مالي خلق افكر .. ييب لي على ذوقك
عبدالعزيز : وانتي ساره؟
ساره : ممم اي شي بعد .. بس دياي مو لحم ماعليك امر
عبدالعزيز : انشالله .. الحين نزلوا البيت بهدوء بدون ازعاج .. ولا ابي اسمع
حس وحده فيكم بالشارع .. هاج دانه مفتاح الباب .. وخلي الباب مطرف حقي اذا ييت
دانه :.. شنو ماكو احد بالبيت يفتح لنا .. خل المفتاح معاك
عبدالعزيز : مادري .. اعتقد ابوي نايم .. وامي وعبدالرحمن ورانا .. فـ مو لازم الازعاج .. اخذي المفتاح وبس
دانه : زيــــــن .. انشالله
ساره : ديري بالج لا تعثرين ..
دانه : انتي اللي ديري بالج ..
عبدالعزيز : انا مو قايل بدون صوت ..
دانه : اسفين .. !


~~~~~~~~

[Star_Girl's]

دانه : كل هذااا تغيرين هدومج ..
ساره : بدلت ومسحت الميك اب وسولفت مع اخوي وخذت الموافقه عشان انام عندج ..
دانه : اييي .. انا اقول جنج طولتي شويه
ساره : خالتي للحين مايت ..
دانه : لاا .. الظاهر انشغلت مع ام المعرس
ساره : شكلهاا طيبه وحبوبه وايد
دانه : عسااها يامعوده .. شفتي اخته .. وراهم ليما طلعوا كلش
ساره : اي وحده .. ام بدله سودا ؟ ايييي اييي تبجي من قلب .. جنه ولدها مو اخوها !
دانه : مادري شمسويه دلال الحين
ساره : بعد شمسويه يعني .. عادي
دانه : عادي هاا ..
ساره : الا هم متى بيسافرون ..
دانه : حسب علمي باجر الاقلاع الساعه 11
ساره : الضحي ولا بالليل ؟
دانه : لااا الضحى .. اشوى انه الضحى .. عشان ماتلتزم بروحات وردات .. يتريقون ويروحون ومالهم شغل باحد
ساره : اي والله .. بس بنفقدهاا .. وايد ثلاث اشهر
دانه : انشااالله اقل من ثلااث.. مادري شبسوي بروحي
ساره : اهو الله يهداه جان اجل شغله بعدين .. ولا اجلوا العرس
دانه : بعد الريال مستعيل .. والشغل مايخلص
ساره : لا ماشالله حكمج زايده هالايام ..
دانه : جني اسمع صوت .. الظاهر امي وعبدالرحمن وصلوا ,,
ساره : يمكن عبدالعزيز
دانه : جااااان زين .. ميته من يوعي
ساره : زين روحي شوفي منوو ..
دانه : اوكيك ..

وخرجت من غرفتها لتستكشف صوت من هذا ..

دانه : عبدالرحمن .. حمدالله على السلامه مابغيتوا اتييون .. وين امي ..
عبدالرحمن : بالمطبخ ..
دانه : شتحوووس فيه بالمطبخ !!
عبدالرحمن : وانا شدراني .. الا شلون دلال اليوم
دانه : دلوووول .. اتينن طالعه اتهبل .. تحفه
عبدالرحمن : ماقصدت شكلها
دانه : هم اتينن واتهبل
عبدالرحمن : ماكو احد مينون واهبل كثرج والله
دانه : لحوووووول .. ليش جذي !
عبدالرحمن : اتغشمر لاتصدقين ..
دانه : المهم .. لا تدرعم فوق قبل لا تتنتح ولا تكح
عبدالرحمن : ليش !؟
دانه : ساره عندي فوق
عبدالرحمن : لا والله ..
دانه : ايه والله ,, كلمت عزيز ..
عبدالرحمن : اي توني كلمته .. مطرشه الريال اييبج لج عشا باخر الليل!
دانه : انا طرشته !! .. اهو تبرع من عمره والله العظيم
عبدالرحمن : علينااا
دانه : اييي ورب الكعبه .. دق عليه واسأله .. اهوا قالك اني دازته ..
اصلا من متى عزوز يمشي بمزاجي عشان اطرشه ولا اتأمر عليه

~~~~~~~~

تذمرت من شده تعبها وتوجهت الي غرفتها .. لا تحمل شيئا

ساره : ماشوفج ياييبه شي معاج .. يعني ماوصل العشا للحين
دانه : اييي شكله عزوز مطول ..
ساره : دانه .. انتي شقصدتي لما قلتي .. خلج بدلال وانسي عبدالرحمن ؟!! .. قلتي بعدين افهمج .. ولا فهمتيني
دانه : ماقصدت شي ..
ساره : والله .. ؟؟ عيل ليش كنتي متنرفزه والحين تنرفزتي بعد !!
دانه : بس جذي من التعب ..
ساره : توج مافيج شي .. قولي شكنتي تقصدين

في وسط صمت دانه ظلت ساره تلح بالسؤال كمن ينبش عن كنز متأكد من وجوده..

ساره : قولي عاد .. لا تعلقيني جذي
دانه (بانفعال) : يعني شنو تبني اقولج ..!
ساره : قولي اللي كنتي تبين تقولينه وهونتي ..

باتت دانه في حيره..أتخبرها؟ او تصمت لتترك الصدف -التي لم تعد تؤمن بوجودها- تخبرها ..

ساره : ماتحجين ؟
دانه : بتفهميني انج مو حاسه ؟؟ انج ماتدرين !؟
ساره : يــاربي !! ادري عن شنوو ؟
دانه : عن عبدالرحمن ..
ساره : ؟؟؟
دانه : عن حبه لج ..
(ذهول هو ماسيطر على ساره في تلك اللحظه )
ساره : لحظه .. لحظه .. عبدالرحمن يحبني !
دانه : من وعى على الدنيا وهو يموت فيج ..
ساره (بلا استيعاب) : هذا مقلب صــ..
دانه : ولا برايج ليش سافر اول ماتزوجتي .. ورد بعد ماتطلقتي
ساره : راح يدرس .. ورجع عشان دلال
دانه : وليش يرسمج بهالروعه .. وليش محتفظ بكل صوره لكم مع بعض وانتوا صغار ؟؟
ساره : صوري ؟!!
دانه : وليش لما تعورتي قبل سنتين بصاله التزلج .. قام يركض جنه مينون بيساعدج تقومين !؟
ساره : بس .. انــ ـ...
دانه : كل هذا وغيره وغيره وماتدرين .. ؟! .. يعني ولا عمرج حسيتي بلهفته وخوفه عليج ؟

كان عبدالعزيز ينادي .. فقُطع بفضله هذا العتب القاسي من دانه ..
التي افرغت معظم مابداخلها دون خجل او ندم .. او اقل احساس بالذنب

عبدالعزيز : دااانووو ؟؟
دانه : نعم .. كاني يايه
عبدالعزيز : وينج .. خمس مرات اناديج انبح صوتي !
دانه : ايي كنت بالحمام
عبدالعزيز : زين هاج عشاكم ..
دانه : مشكور ..
عبدالعزيز : امي وينها
دانه : دخلت تنام
عبدالعزيز: اوكي اذا بغيتي شي اتصلي علي زين
دانه : انشالله
عبدالعزيز : شفيج .. احد مزعلج ؟
دانه : لا لا .. مافيني شي


اخذت منه الطعام .. وعادت للأعلى لتجد ساره في حاله تأمل للخيوط القرمزيه
المحاكه منها تلك السجاده الصوفيه الصغيره .. الموجوده في وسط الغرفه

دانه : ماتبين تاكلين
ساره : اكل ؟
دانه : مو يوعانه ..
ساره : انتي خليتي فيها يوع ..
دانه : انتي اللي الحيتي انج تعرفين ..
ساره : في احد من اخوانج تحت ؟
دانه : لا .. ماعتقد ,, بتروحين ؟
ساره : اي فيني النوم .. تصبحين على خير
دانه : وانتي من اهل الخير ..

لم تمنعها .. تركتها لتذهب .. فبعد هذه الشحنه التي افرغتها للتو ..
كان من المفروض ان تأخذ كلتاهما قسطا من الراحه .. لتفكر الاولى مليا بعواقب
مافعلته منذ دقائق .. ولتستوعب الثانيه ماسمعته منذ دقائق ..
كان دانه مسروره بانجازها هذا .. الا ان سرورها لم يخلو من بعض الخوف
من رد فعل ساره التي لم تتوقع ان يكون عشق عبدالرحمن لها هو ماكانت
تخفيه شقيقته ..
كانت تمشي الي بيتها بخطوات هادئه وبطيئه ..
يتردد على ذهنها ماسمعته منذ دقائق .. تعاد الكلمات على مسامعها مراراً وتكراراً
رآته واقفا يتحدث عبر الهاتف .. يقهقه ويحك مؤخره رأسه ..
اظنه كان يحدث احدى زملائه خارج البلاد .. اكان عليه ان يُحدثه في هذا الوقت بالذت ؟؟
فتراه .. دون ان يراها !
لم يلحظها فقد كانت على بعد بضع خطوات من خلفه .. تأملته للحظات ..
فشعرت ببروده تستعمر قلبها النابض بقوه ..ابتسمت وقالت لنفسها
" يال غبائي"

استكملت مسيرتها بخطوات سريعه هذه المره .. فحين وصلت الي غرفتها ..
القت بجسدها على السرير .. تتصارع في رأسها الصغير الاحتمالات ..

يحبني فعلا ؟
اما انني اتوهم فقط ؟!
اكنت سأتزوج من خالد بأي حال من الاحوال ..؟!
حتى لو علمت بحبه منذ البدايه !
كيف سيؤثر حبه على حياتي ؟
انا ؟! هل علي ان اتغير بمعرفتي لسره ؟
هل كنت سأعيش سعيده لو انني احسست به ؟
أيجب علي ان احبه في هذه اللحظه ؟ ام ماذا ؟!
هو؟ .. اتعذب بسببي كثيرا ؟ قد اجرمت بحقه فعلا
لم الحظ وجوده .. الان وقد شعرت به ..
لم اعد اشعر بي .. !

[Star_Girl's]

بعد بضعه ايام ..

دلال : الووووووووو .. هلااا دندوون شلووونج
دانه : هلاااااا والله .. انتييي اللي شلوونج
دلال : حمدالله ..
دانه : ونااسه الزواج ولا لاء ؟
دلال : هههههههههههههههههه وناسه
دانه : اشوى
دلال : ههههههههه شنو مفكره تتزوجين ؟
دانه : واللي بعد مارحتي صكت فيني الدنيا .. وتقولين انه وناسه .. شكلي بجرب
دلال : ههههههههههه بتجربين ها الله يقطع ابليسج .. وين خطبج المناهضه للزواج
دانه : صرفت نظر عنهاا .. بعد مو انتي تقولين ان الزواج وناسه .. خلاص اثق برايج
دلال : امي يمج ..
دانه : لا رايحه المستوصف
دلال : شفيها !
دانه : مافيها الا كل خير .. بس رايحه للفحص مال السكر
دلال : ايي .. وشخبارهااا ؟
دانه : تماام .. ذبحتنا من سافرتي واهي من غير شر على دلول ومن غير شر على دلول .. جنج رايحه مجاهل افريقيا بروحج !!
دلال : هههههههههههههه بعد عمرررري امييي
دانه : بعد عمرج امج .. وبعدين ؟
دلال : وابووي وعزيز وحمني .. شخبارهم
دانه : كلهم بخييير ويسلمون عليج
دلال : ابوي يمج ..
دانه : ماكووو احد بالبيت ماكو الا انا تسولفين معاي .. شفيج كل ماقلت شي قلتي فلن يمج
دلال : هوو امي وابوي بحاجيهم .. ولهت عليهم
دانه : ريلج وينه
دلال : طالع ..
دانه : طاااالع ومخليج
دلال : عنده شغل .. ليش تبين تحاجينه
دانه : لا ويه.. بس استفسر .. اشوفج تكركرين وماخذه راحتج .. وانتي العاده اذا دقيتي تتكلمين بهدوء ورقه
دلال : اييي عشان مايقول عني خبله ..
دانه : ههههههه بعد يهمج رايه فيج
دلال : طبعا ..
دانه : طبعا طبعاا ..
دلال : شخبار ساره .. اكيد صايرن توأم الحين
دانه : زينه .. لا توأم ولاشي من العرس يمكن ماشفتها الا مره او مرتين
دلال : من صجج انتي ؟؟ انتو قبل العرس وكل يوم واحده ناطه عند الثانيه ! الحين ماقمتي تشوفينها ..
دانه : اييي عادي
دلال : عادي ؟ شنو متخانقين ؟
دانه : لا والله مو متخانقين
دلال : عيل شصااااير ؟؟
دانه : بطيتهاااااا ..
دلال : شبطيتي .. ؟؟ ساره ؟؟
دانه : هههههههه لااااااا .. اقصد بطيتها وقلت كل اللي عندي
دلال : هوو شبطيتي بالضبط .. ؟؟
دانه : قلت لهااا عن عبدالرحمن وانه يحبهااا وكل شي بقلبي قلته
دلال : لمحتي يعني
دانه : قلت لهااا .. ما لمحت
دلال : من كل عقلج تكلميني..
دانه : اييي والله
دلال : وانتي مرتاحه نفسيا الحين ..
دانه : يس
دلال : واهي ؟
دانه : انصدمت وايد
دلال : شرايج يعني .. تقولينها اخوي يحبج .. تبينها تصفق لج مثلا
دانه : لا ماتصفق .. بس مو كل هالصدمه عاد
دلال : ماقالت شي
دانه : نوو .. بس ويهها قلب اصفر
دلال : زين ماقلب اخضر
دانه : شدعووووه عاد ..
دلال : وانتي مادقيتي عليها رحتي لهم ؟؟
دانه : لااا
دلال : واخوووج مافقدهاااااا ؟؟ ماقال ليش ما اتيي ولا تروحين لها
دانه : يحوس وده يسأل بس مستحي
دلال : واذا سأل بتقولين له ؟
دانه : نوو ..
دلال : والله تتكلمين ببساطه .. ولا جنج مسويه شي
دانه : سويت اللي كان لازم يسويه منزمان .. وانتهى الموضوع
دلال : يعني انتي عاجبج اللي سويتيه
دانه : ايه .. تبينه يصير نفسي ؟ انا مالقيت احد يكون حلقه وصل بيني وبين احمد
لكن عبدالرحمن .. صرت انا حلقه وصل بينه وبين دانه
دلال : ياخوفي تصير ين حلقه فصل والله ..
دانه : اصلا احس ان ساره ماكو جدامها قرار الا انها توافق بعبدالرحمن
دلال : ياسلام ومنو مؤكد لج هالاحساس
دانه : طبيعي بعد ماصارت مطلقه ..
دلال : وليش المطلقه كفرت .. ولازم تتزوج اي واحد رضى فيها ؟
دانه : مو عن .. بس بعد ماعرفت انه يحبها اكيد بترضى فيه ..
دلال : مادري شقولج والله ..
دانه : شوفي انا ما احس اني غلطت .. اللي انقال كان لازم اهي بنفسها تعرفه منزمان ..
يعني هذا كله تحصيل حاصل
دلال : تحصيل حاصل .. يمكن .. على العموم انا طولت بالتلفون .. سلمي عليهم كلهم ..
وباجر بتصل حزه الغدا عشان احصل الكل
دانه : اوكي يبلغ انشالله
دلال : مع السلامه ..
دانه : الله يسلمج ..


الجزء التاسع عشر
وضعت سماعه الهاتف في مكانها .. امسكت بجهاز التحكم ..
وأخذت تتنقل بين المحطات الفضائيه المختلفه .. ظلت لما يقارب الخمس دقائق
على هذه الحال .. ليس لانها لم تجد مايسترعي اهتمامها في تلك الشاشه
الصغيره .. ولكن لانها لم تكن مهتمه بها بالاصل .. كان فكرها شارد في امر آخر تماما ..
اعتقد انكم على علم بالشيء الذي شغلها عن ممارسه هوايتها الاولى "مشاهده التلفاز"

" ادق عليهااا ؟! .. ليش اهي ماتتصل .. لازم انا اتصل !؟
بس انا اللي قايتلها ان اخوي يحبها مو العكس .. افففف والله السالفه ماتسوى
كل هالرسميه ! امبلى تسوى .. اذا صج ماتدري عنه اكيد مصدومه مو معقوله
تمثل وتستعبط .. بس والله ودي اعرف شرايها .. لايكون ناويه تقعد جذي بس ..
ومو حاطته ببالهاا .. خلاااااص بدق واللي فيهااا فيهاا "

بالفعل تناولت الهاتف ولكن بعد ان ضغطت على الثلاث ارقام الاولى .. غيرت رأيها

" لا لا اتصل العصر وايد احسن .."

~~~~~~~~

[Star_Girl's]

~~

في المنزل المجاور كانت ساره جالسه على كرسيها الخشبي المفضل ..
ركبتيها مثنيان الى صدرها وخصلات شعرها تتطاير مع كل نسمه هواء تأتي مداعبه لوجهها ..
كانت تفكر في نفس الموضوع ولكنها ترى الامور من منظار آخر .. تناقش نفسها .. فتلومها تاره وتؤيدها تاره اخرى وتحاورها وتجادلها ..
وتطلب منها النصح والحل ايضاً .. عشرون ساره يتكلمن في نفس اللحظه ..
" شنو الاحساس ؟؟!! .. مستانسه لان احد يحبني !! ولا لانه اهوا بالذات اللي يحبني !
الحين شلون اتصرف .. شالمفروض اسوي !! احبه ؟ بس اهوا ولد عمي ..
عـــــادي .. !! ولد عمي ولد عمي ولد عمي ! ولا مره فكرت فيه بغير هالصوره ..
شفيها اذا صار ولد عمي وحبيبي .. او حتى زوجي.. !
الحين منو ياااااب طاري الزواج اصلا ؟ .. بس اكيد ناوي يتزوجي ..
ولا راح يحبني ويحطني عالرف ! .. مادري انا مقروده ولا حظيظه ولا شفيني بالضبط
ياليتني ماعرفت ... هذي اخره حنتي .. تورطت .. حدي تورطت ,, لا لا ماتورطت
ولا شي .. اقولها انا ولا عمري فكرت فيه من هالناحيه .. وانا شذنبي اذا اهوا يحبني ..
وانهي النقاش واقولها ماتييب هالسيره مره ثانيه .. ونرجع ولا كأننا تكلمنا
عنه ولا جني اعرف شي !
بس اهوا شذنبه .. يعني معقوله اعطيه طاف بعد مادريت انه يحبني من صغر ..
صج وقتها بصير بدون احساس .. اووووووه ليش جذي .. غبيه غبيه ..
احب اللي ما يحبني واللي يحبني ما ابيه !! كونه يسافر بس لاني تزوجت ..
يعني انه انجرح وايد .. ورد لما صار له مجال يعني .. من صجه يحبني كل هالحب .. !
اذا صج اكيد راح يحرص علي ويسعدني ويرضيني .. ليش ما اسمح له يدش حياتي ..
بس اخاف ماقدر اتفاهم معاه !! لا لا شكله حليو وطيب وابتسامته ماتفارق ويهه ..
بس هذا شكل والشكل ماعليه ضمانات ! .. بالاساس انا ماقعدت معاه وايد
ولا اعرف شخصيته شلون عشان احكم عليه من الحين , انزين واذا طلع نفس خالد ..
يمثل .. لا لا ماراح اقارن .. عبدالرحمن اكيد يختلف عن خالد مافي مقارنه .. !
انزين لو فرضنا اني رضيت فيه وحبيته مثلا ! .. اهوا راح يرضى بعد ما اخذت غيره ..
ممم اذا يحبني مثل مادانه تقول اكيد بيرضى .. اكيد "

حاولت نفسها ان تقنعها قدر الامكان ببدء حياة جديده لتنسى خالد وتفاهته
ولتتوقف عن تكوين هذه الصوره الخاطئه عن عالم الرجال !

و مر اليوم دون ان تتصل احداهما بالاخرى ..

~~~~~~~~

[Star_Girl's]

في صباح اليوم التالي .. وبعد المصالحه الالف .. بين هذه القطه وذاك الفأر

بحر وصعب مرساه says :
واخيرا شلتي البلوك

Nobody worth your tears & the only one who worth it , won't make you cry says :
شسوى كسرت خاطري بعد الاعتذارالطويل اللي دزيته لي ..


بحر وصعب مرساه says :
ماكان في سبب للزعل


Nobody worth your tears & the only one who worth it , won't
make you cry says :
تقولي اسمج مو حلو وماتبيني ازعل


بحر وصعب مرساه says :
شفيها .. ماقلت شي غلط

Nobody worth your tears & the only one who worth it , won't make you cry says :
يعني بعدك مصر على رايك .. اسمي مو حلوو هاا


بحر وصعب مرساه says :
لا حلوو .. احلى اسم سمعته وقريته بحياتي زين جذي


Nobody worth your tears & the only one who worth it , won't make you cry says :
اي زين .. حسبالي بعد


بحر وصعب مرساه says :
تصدقين انتي اكثر وحده تناجرت معاها عمري كله


Nobody worth your tears & the only one who worth it , won't make you cry says :
من طول عمرك اصلا


بحر وصعب مرساه says :
يعني لو وحده ثانيه وتفور دمي جذي .. جان بلوك ودليت منزمان


Nobody worth your tears & the only one who worth it , won't make you cry says :
المفروض اني افرح واستانس يعني لاني مازلت مو بلوك عندك


بحر وصعب مرساه says :
يعني ..

Nobody worth your tears & the only one who worth it , won't make you cry says :
وتلومني بعد اذا قلت انك مغرور


بحر وصعب مرساه says :
غشمره يبه .. يعني مايصير اتغشمر


Nobody worth your tears & the only one who worth it , won't make you cry says :
هذي كانت غشمره


بحر وصعب مرساه says :
ايه ايه .. انتي من وين شابكه ؟ مو من البيت صح

Nobody worth your tears & the only one who worth it , won't make you cry says :
من الجامعه يمه شدراك


بحر وصعب مرساه says :
اشوف صورتج اللي دايم تحطينها متغيره ..

Nobody worth your tears & the only one who worth it , won't make you cry says :
اي صوره


بحر وصعب مرساه says :
اللي بالمسنجر شفيج تنحتي


Nobody worth your tears & the only one who worth it , won't make you cry says :
ايييي .. توني استوعب وماشالله انت حاط بالك


بحر وصعب مرساه says :
اذا ماحطت بالي عليج احط بالي على منو

[Star_Girl's]

Nobody worth your tears & the only one who worth it , won't make you cry says :
لا اله الا الله


بحر وصعب مرساه says :
الف من ذكره



Nobody worth your tears & the only one who worth it , won't make you cry says :
اقول انت شمدخلك الصبح .. ماعندك محاضرات


بحر وصعب مرساه says :
قاعد اشتغل على السايت مالي .. وبعدين ماعندي محاضره الا الساعه 2 وانتي


Nobody worth your tears & the only one who worth it , won't make you cry says :
الدكتور ماحضر اليوم .. وقلت اشبك دام انه ماعندي شغل


بحر وصعب مرساه says :
جام انه ماعندج شغل شرايج العبج لعبه حلوه ..


Nobody worth your tears & the only one who worth it , won't make you cry says :
ماورانا شي لعبني


بحر وصعب مرساه says :
بحط لج ثلاث ارقام وانتي تقولين اي واحد هو رقم تلفوني

Nobody worth your tears & the only one who worth it , won't make you cry says :
خوش لعبه صراحه .. ترقيم عيني عينك


بحر وصعب مرساه says :
(1) ؟؟؟؟؟؟؟
(2) ؟؟؟؟؟؟؟
(3) ؟؟؟؟؟؟؟


بحر وصعب مرساه says :
يالله اختاري

Nobody worth your tears & the only one who worth it , won't make you cry says :
اممم الثاني

بحر وصعب مرساه says :
غلط .. الثالث .. الظاهر قلبج مو علي قلبي ابد

Nobody worth your tears & the only one who worth it , won't make you cry says :
الظاهر

على غير عادتها .. لم تغضب ولم تزجره .. او تقوم بحظره
بل قامت بأخذ ورقه من دفتر ملاحظاتها وسجلت رقم هاتفه تحت اسم شيخه !
أعجب لما تصل اليه بعض الفتيات من سوء تصرف ..

~~~~~~~~

[Star_Girl's]

بعد ان انتهى افراد عائله ابو عبدالعزيز من تناول طعام الغداء .. رن جرس الهاتف ..
دانه : هذي اكيد دلوول ..
عبدالعزيز : ردي عليها على ما امي اتيي
دانه : الووو .. هلاااااا دلول عمرج طويل .. توقعت انه انتي
دلال : هههههههه قايلتلج اني بتصل .. توقعتي ها ..
دانه : اييي .. مشيها مشيها لا تدققين .. تبين امي
دلال : اي ناديهاا بسرعه
دانه : كاهي يايه
دلال : الا صج انتي كلمتي ساره ..
دانه : لاا
دلال : شناطره
دانه : ماقلتي لي اكلمها ..
دلال : وانشالله بتخلين الامور متعقله ليما ايي ..
دانه : والله شكلها السالفه بتطول ..
دلال : شكلج مو قادره تتحجين صح
دانه : صح ..
دلال : اقولج امس انا قعدت افكر باللي سويتيه .. مثل ماقلتي لها ..
لازم تكملين وتخلينها تقتنع فيه .. او على الاقل تفكر فيه
دانه : بس شلون
دلال : شدراني
دانه : اقول امي بتطقني بالسماعه اذا ماعطيتها اياها الحين
دلال : ههههههههه يالله عطيني اياها
دانه : بااااي
دلال : بايات .. دقي علي اذا صار اي شييي
دانه : اووكيك .. باااااي

واخذت والدتها تحدثها فسألت عن احوالها بالبدايه .. ثم راحت تنصحها عن افضل
الطرق للتصرف مع زوجها .. كيف تحرص على راحته او كيف تكلمه او تطلب منه شيئا .. الخ
حتى اصاب دلال الملل فطلبت ان تتحدث الى والدها لانها اشتاقت اليه ..
فصار هو الاخر ينصحها بناء على طلب زوجته !
انتهت الحديث مع والديها .. ليتسني لزوجها الذي خرج من الحمام للتو .. ان يسألها

راشد : عسى حصلتي الوالده والوالد
دلال : اي الحمدالله .. كلمتهم .. ما ارتحت الا لما سمعت حس ابوي
راشد : الحمدالله .. زين شرايج نطلع نتمشى
دلال : ماعندي مانع .. بس خاف انت تعبان من الشغل وجذي
راشد : لاتخافين مو تعبان .. بعدين عروس قمر جذي مايصير اقعدها بالبيت
دلال (اخفضت رأسها وابتسمت بخجل ): خلاص .. بس دقايق اغير ملابسي


~~~~~~~~

[Star_Girl's]

دانه : قووه ..
ساره : هلا يقويج ..
دانه : شالسالفه ساعه لاطعتني على التلفون
ساره : والله هذي توها قالت لي !
دانه : تغديتوا ولا بعد
ساره : تغدينا وخلصنا ..
دانه : زين تعالي ابيج بسالفه
ساره : لا انتي تعالي .. ابيج بنفس السالفه
دانه : ليش انتي ماتيين
ساره : ماقدر
دانه : شنو ماتقدرين . .شوراج
ساره : لا انتي تعالي واللي يسلمج عمرج .. انا ماقدر وانتي تدرين ليش ماقدر
دانه : لا تقدرين .. تبدلين هدومج وتلبسين جوتيج .. وتشيلين عمرج وتمشين
جم خطوه بتصيرين عندنا ..
ساره : دانه لاتسوين فيني جذي
دانه : شسويت .. خلاص ماكو داعي تغيرينت هدومج .. تعالي باللي عليج ..
ساره : اوف .. انشالله كاني يايه نطريني تحت مو تخليني اصعدلج بروحي..
دانه : شفيها اذا صعدتي بروحج .. ؟ ! محد قالي ان في وحوش ببيتنا
ساره : لا مو وحووش ..
دانه : عيل شنو
ساره : ماكو شي .. ماكو شي .. دقيقتين واكون عندج بدش من باب المطبخ .. خليج هناك
دانه : اوكي .. باي
ساره : باي


التفتت على عبدالرحمن .. الذي كان يتظاهر بالانشغال بقرائه احد الرسائل الالكترونيه التي وصلت الى هاتفه ..

دانه : حمني
عبدالرحمن : ....
دانه : حمني
عبدالرحمن : ..... عبدالرحمن .. مو حمني !
دانه : عمي عبدالرحمن .. قووم ابيك بالمطبخ
عبدالرحمن : شتبين فيني
دانه : برااااويك الايس كريم اللي مسويته
عبدالرحمن : صار لج ثلاث ايام تتحجين عن هالايس كريم .. بس مو وقته الحين .. شبعان
دانه : قووووم الله يخليك
عبدالرحمن : قلت لج شبعان .. بعدين اذا ميته تبيني اذوقه قصيلي ويبيلي شكو اقوم معاج
دانه : لاااا من قال اني ابيك تاكل
عبدالرحمن : تبيني اصور معاه
دانه : ابيك تشوف شكلللله .. ايييننن اينن ادري فيك تحب الطبخ وهالسوالف
عبدالرحمن : ييبيه عشان اشوفه مابي اقوم
دانه : اقووووولك قوووووم .. ثقيل الصحن ماقدر اشيله
عبدالرحمن : مادري شنو اخر هالعياره .. يالله قومي جدامي
دانه : اخرتها حلووه صدقني حلوووه ..

وبعد ان وصلا للمطبخ والقى نظره على ما اعدته شقيقته ..

عبدالرحمن : والله شكله معقول .. بس مايندرى عن طعمه
دانه (مماطله ): احط لك ..
عبدالرحمن : حطيلي شويه ولحقيني فيه للصاله
دانه : لالا تعااااال .. وين رايح
عبدالرحمن : شتبين بعد
دانه : ابيك تختار من اي جهه احط لك ..
عبدالرحمن : من اي جهه مافرقت .. كله بيروح لمكان واحد
دانه : امبلااا يفرق .. والله يفرق
عبدالرحمن : خلاص .. حطيلي مــ ـ .
ساره : السلام ..
عبدالرحمن (تفاجىء ) : وعليكم السلام ..
دانه (فرحه بنجاح تكتيكاتها ): هلااا سااارون .. حظج حلووو توني بحط لعبدالرحمن ايس كريم .. احطلج
ساره : .. حطي !!!
تحدث نفسها " والله انج مو هينه .. يايبته معاج للمطبخ ..
هذا اللي يسمونه افتعال الصدف .. ويييي لا يكون يدري اني ادري !! "
عبدالرحمن : ما انصحج .. بتسممنا هذي .. اقول دندون ليش ماتاكلين انتي قبل
دانه : لا انتوا اكلو قبل
عبدالرحمن : يعني بتجربين فينا
دانه : تقدر تقول جذي ..
" تووه بس بيطلع من المطبخ .. الحين مو ناقص الا اييب له كرسي ويبسط عندنا "
ساره : الحين انتي مسويه ايس كريم !
دانه : هووو شقاعده اقول من الصبح .. هاج بس ذوقي وادعيلي
عبدالرحمن : شكلها بتدعي عليج ..
دانه : تفضل ..
ساره (شعرت بأنها محاصره بوجوده ): اقول شرايج نصعد لغرفتج ..
عبدالرحمن : يالله عن اذنكم
دانه : اوكي .. بس خل ارجع هذا للفريزر

[Star_Girl's]

وفي غرفتها
ساره : يعنييي شالمواقف اللي تحطيني فيها
دانه : اي مواقف .. وبعدين ليش حطيتي الايس كريم على الطاوله .. مو زين؟؟
ساره : امبلا زين .. وانتي عارفه اى مواقف
دانه : يااااا اختي شسويلج .. ابيج تحسين فيه .. تراه كأن حي ..
مو عشانه اخوي قاعده ادافع عنه
ساره : والله حسيت
دانه : صــج .. الله يبشرج بالخير
ساره : دندون .. اخوج عنده خبر ان انا عندي خبر
دانه : لا .. بس انتي بشنو حسيتي
ساره : انزين ومنو عارف غيرج انه يحبني ..
دانه : تقريبا الكل ..
ساره : حتى دلال !
دانه : الكل الكل ..
ساره : عمي وامج وعبدالعزيز !!
دانه : يس يس تقدرين تقولين جذي
ساره : واااااي واااااااي احرااااج .. لايكون اهلى يدرون بعد
دانه : لا ماعتقد شدراهم
ساره: زين انتي ليش ماقلتي لي من قبل ..
دانه : متى اقولج بالله..
ساره : لما كنت بتزوج يعني !!
دانه : انتي قلتيها .. كنتي بتتزوجين ,, وكنتي تموتين بهذا اللي اسمه خالد
وقبلها مادري مافكرت انط واتدخل لانج كنتي اصلا مو يم زواج ورافضه للفكره
من اساسها وحالتج حاله..
ساره : انا ..
دانه : اي ولا نسيتي انج تقولين حلاة الوحده ما تتزوج الا بعد ماتشتغل
ساره : اي اذكر ..
دانه : زين الحين انتي شرايج
ساره : مادري والله ..
دانه : انا اقولج شتسوين
ساره : شنو ؟؟
دانه : حبيه
ساره : ياسلام .. دعايه شامبوو .. حبيه !! عليج برود
دانه : انتي اللي عليج برود مو طبيعي
ساره : اناااا !!
دانه : اييي الحين بالمطبخ .. ينكت ويتطنز علي ومسوي جوو على قده ..
وانتي معطيته طاف .. انزين حتى لو مليق .. جامليه !!
ساره : تفاجأت لما شفته .. انتي لو قايلتلي جان ما تصرفت جذي
دانه : لو قلت لج .. جان ماييتي اصلا
ساره : يمكن
دانه : مو يمكن الا امبلا .. تدرين انه كان بس بيطلع من المطبخ ,, لما دشيتي جان يهون
ساره : صج !
دانه : ايه صج .. شنو اقص عليج ..
ساره : وانا شدراني
دانه : لااا عاد انتي فشلتيه ودقرتيه .. (وتقلد نبره صوتها ) .. ((دانه خل نصعد دارج ))ساره : انحرجت يا ربي شسوي ..
دانه : شنو انحرجتي !! شسوالج عشان تنحرجين
ساره : ماسوى شي .. بس خلاص واللي يعافيج دندون لا تهاجميني جذي بروحي ضايق خلقي ومو عارفه شسوي بعمري
دانه : انتي عارفه شتسوين ..
ساره : لا والله
دانه : عطيه فرصه .. يعني اذا شفتيه .. صادفتيه مثل اليوم مثلا .. سولفي معاه ..
ساره : اسولف معاه
دانه : ايي .. مو يمكن تحبينه ..
ساره : يمكن
دانه : لا تدقرينه جذي .. اخوي واعرفه حساس
ساره : ....... انشالله .. بحاول
دانه : توعديني انج تعطينه مجال ..
ساره : خلاص اوعدج ..
دانه : زين شرايج ننزل تحت نطالع التلفزيون .. ومنها فرصه تجربين تقعدين
معاه وتعطينه ويهه
ساره : لا لا مو من اليوم .. بعدين
دانه : رديناااا .. يعني ماكو فايده !!
ساره : خلاص وعدتج .. بس مو اليوم لا تضغطين علي جذي !
دانه : اوكيك .. من اليوم ورايح كله ترززي عندنا
ساره : لااا ماني مترززه .. بخليها للصدف على قولتج
دانه : لا اعرفج , بتخششين بدارج ..
ساره : لا ماني متنخشه بس ماني مرتزه جدامه كل شوي
دانه : اوكيك مو مشكله انا اعرف اتصرف
ساره : خلينا من هالسالفه .. قوليلي شلون دلال
دانه : تماااااام .. اليوم كلمتنااا .. وسألت عنج وتسلم عليج
ساره : الله يسلمها ..


~~~~~~~~

[Star_Girl's]

عبدالرحمن الذي خرج من المطبخ مخذولا بعض الشي ..
توجه يحمل ما اعدته شقيقته له الى غرفه المعيشه واصبح يلتهم مابيديه بنهم
على الرغم من انه لم يكن جائعا على الاطلاق ,,
حين انتهى ضرب الملعقه بالطبق فكاد ان يكسره !
اكان غاضبا لانتهاء مافي طبقه !!؟
لا اعتقد ..
كان ساخطا لانه لم يستطع ان يتأقلم معاها حتى الان .. لم يتمكن من جعلها تراه وتلحظ وجوده ..

" كنت سخيف .. المفروض اطلع من المكان من اول مادشت .. سويت من نفسي مهزله
جدام اختي واهي مافرقت معاها .. شلون اخليها تحبني .. شلون اخليها تفكر فيني اول !!
اقولها .. اصارحها ؟ واذا رفضتني .. شبيكون موقفي منها .. ماقدر اتركها حتى لو مافكرت فيني ..
المح لها عشان احفظ كرامتي على الاقل .. ! شلون المح لها واهي مو حاطتني فبالها ..
واليوم ,, ماتطالعني اصلا .. ولا كأني شخص على قيد الحياه بنفس الغرفه !!
شكلها تعبانه .. اكيد تعبانه ولا عادتها تسلم وتوزع ابتسامات .. مو طبيعتها تعطي طاف لهدرجه .."

قرر الخروج من المنزل والتجول بسيارته .. لمجرد تغيير الجو .. وكان يفكر في نفس الامر ..
ففي لحظه تشغيله لمحرك السياره ادرك شيئا ما ..

" دووين .. كانت تكلمها قبل لا تقولي تعال للمطبخ ..موو ؟؟ ,, يعني معقوله
اهي مسويه هالصدفه عشاني !! بس من متى دانه تخترع لي مواقف عشان اشوفها ! ..
الظاهر اني من كثر التفكير قمت اتصور الأشياء "

~~~~~~~~

الشقيقان يتسامران ..

عبدالله : ابوي هالايام داش بخشمي
سعود : شنو داش بخشمك .. احد يتحجى عن ابوه بهالطريقه
عبدالله : اي والله داش بخشمي .. كل ماشافني قال تزوج
سعود : ههههههههههه .. وانا كل ماشافني قال اقنع اخوك خل يتزوج
عبدالله : وليييه ...
سعود : انت ليش مو راغب بالزواج ..
عبدالله : متى ماصرت انت "راغب" اصير انا "راغب"
سعود : والله شكلى بفكر جديا بهالموضوع
عبدالله : خبري فيك صارف نظر عن التأهيل .. شاللي غير رايك
سعود : ساره .. مادري شلون انياب طاري الزواج معاها ..
عبدالله : ابوي شكله يشتغل على كل الجبهات ..
سعود : يعني ..
عبدالله : يعنيي ونص .. ولا من متى ساره تبينا نتزوج ! ولا ناسي ان نقطه
استفزازها طاري زواجنا وحريمنا المستقبليات..
سعود : بس ساره تغيرت الحين ,, حتى بالدلع ماصارت تتدلع علينا وعلى ابوي نفس قبل
عبدالله : احسن ..
سعود : لا والله مو احسن .. اذا طلاقها مأثر على نفسيتها لهدرجه مو احسن
عبدالله : يامعود خلها على ربك .. اختك مو اول ولا اخر وحده تطلق ..
سعود : اهم شي اننا افتكينا منه .. بدون قلق ولا كثر مشاكل
عبدالله : الا قول .. شلون غيرت رايك اختك
سعود : شفيك خايف انها تقلب عليك وبتستعد لها ولا شنو
عبدالله : اي والله ..
سعود : ماكوو شي .. كان يوم عرس دلال بنت عمي .. وداشه بالجو حدها فيابت لي طاري العرس
عبدالله : لا اذا جذي .. انا حسبتها من صجها شايفتلك وحده وبتخطب
سعود : هــاا .. لا لا مو جذي .. مجرد كلام عادي لا اكثر ولا اقل ..
بس انت قولي ليش مانت متزوج .. يعني لي متى بتقعد جذي
عبدالله : ياخي انا مو حول زواج .. اخذ بنت الناس اقردها معاى ليش !
سعود : افاا .. تقردها ليش عاد
عبدالله : مايحتاج اقولك الزواج مسئوليه .... ويبيله مجابل .. يعني مو معقوله
اتزوجها واطنشها .. لازم اقدر شعور البنت واتحملها عشان تتحملني
سعود : وانت ناوي على العزوبيه الابديه
عبدالله : والله في اشياء ما اقدر اتخلى عنها .. اسلوب حياتي كله ..
ماعندي ادنى استعداد اني اغيره بالوقت الحاضر
سعود : بس كل ماتكبر راح يصعب عليك انك تتخلى عن حريتك وعن هالاشياء اكثر من الحين !


الجزء العشرون

عبدالله : لاتحاول تقنعني ..
سعود : يبه مو قاعد اقنعك .. وانا شكو !!

ساره : السلام عليكم .. (وارخت جسدها على اقرب مقعد )
عبدالله& سعود : وعليكم السلام
عبدالله : من متى وانتي عند دانه .. ماصارت
ساره : شسويلها اهي تبيني ومو مخليتني اطلع من عندها
عبدالله : بس مايصير جذي كله انتي تروحين لها .. عيب خليها اهي تزورج
ساره : اول شي .. هذي اول مره ازرها من العرس يعني من حوالي اسبوع ,,
وثاني شي اهي دايما اتزوورني عاد مو مشكلتي انك ماتدرى !
عبدالله : شفيج !!
ساره : مافيني شي
عبدالله : شالنفس الخايسه .. ترى احنا اخوان مو اعداء
ساره : اووووووه .. كل كلمه والثانيه محاضره

(ذهبت لغرفتها وسط تلفت كل من سعود وعبدالله واستغرابهما الشديد )

عبدالله : شفيها هذي ..
سعود : .. مادري .. قلنا خلصت مراهقه وعقلت .. الظاهر ردت فيوزاتها ضربت
عبدالله : لا والله جد .. شفيها معصبه ونفسها بخشمها
سعود : انا قاعد معاك .. شدراني عنها شفيها
عبدالله : !!!!!

~~~~~~~~

[Star_Girl's]

مكالمه اجرتها بطلة خربشاتي لازاله القلق عن عقلها وروحها ..

ساره : اي وشلونج بعد
هديل : تمام والله ..
ساره : شلون الوالده .. سلمي عليها
هديل : يوصل .. شفيه صوتج جنج خدرانه
ساره : لا ماكو .. بس من ضيقه الخلق
هديل : اي تعلميني فيها .. ضيقه هالخلق كلنا نعاني منها !
ساره : حده لايعه جبدي من القعده بالبيت ومجابل هالطوف ..
هديل : عاد شدعوه الطلعات تونس .. ماعندنا سالفه بس بلع من اكل هالمطاعم
على ابو تغيير .. ولا حتى السوق صاير زباله
ساره : ولــو .. اهون من الحكره
هديل : خلاص شرايج نتفق انا وانتي ونواري نطلع مع بعض
ساره : لا من صجج انتي .. من متى اهلى يرضون !!
هديل : ماتغيروا شوي ؟؟!
ساره : احس حرصهم زاد بعد ماانفصلت عن خالد ..
هديل : إف .. بعذرج منعفسه ..
ساره : ياليت على جذي وبس .. ولا جنها على الحكره تعودنا
هديل : هل عيل ؟ .. شفيج بعد ؟
ساره : ماكو شي ..
هديل : امبلااا في وانتي مادقيتي الا عشان تفضقضين وتقولين لي ..
ساره : قلت لج مافيني شي
هديل : شوفي .. ماراح اقعد واحن واضغط عليج واترجاج عشان تقولين اللي
بقلبج ,, وبعدين تتهميني اني سحبت منج الحجي سحب !!
ساره : شفيج مسويتها قضيه
هديل : انتي اللي مسويتها قضيه .. تحجي وبس !!
ساره : اوكي خلاااص بقول ..

وفعلا ..
بكامل ارادتها وعن سبق اصرار وترصد .. قامت بسرد تفاصيل ماعقب حفل الزواج ...
لما اخبرتها .. ؟ ارادت النصح .. ام ارادت ان تريها بانها مازالت مرغوبه كفتاه ..
اعتقد ان الاجابه الاولى هي الاصح .. مارأيكم ؟

ساره : عاد عشان جذي .. احس بضيقه خلق .. حيره .. مادري شلون اوصف لج
هديل : يعني الحين بتقنعيني ان الولد صار له سنين يحب فيج .. ! ؟
ساره : هذا اللي فهمته
هديل : وانتي ماكنتي حاسه فيه !!
ساره : ايه
هديل : شنوو فلم هندي .. ! سوير لا يكون تقصين علي وتقولين صادوه وهالخرابيط ..
ساره : لا لا ,, ورب الكعبه ماجذبت عليج بولا حرف
هديل : من صجج انتي .. !؟
ساره : اي والله عاد .. خلج جد
هديل : انزين وانتي ليش مضيقه خلقج .. كيفه خل يحبج
ساره : احس بالذنب .. جنه المفروض احبــ
هديل ( مقاطعه ) : تحسين بالذنب !!؟ .. شنو كل هذا من الفضاوه ..
تدروين المأسي انتي ؟
ساره : لا والله من صجي .. زين حطي نفسج مكاني وعن طريق الصدفه
عرفتي ان شخص معين يحبج ,, شنو بيكون رد فعلج الاول ..
مو يكسر خاطرج ؟
هديل : رد فعلي الاول .. اني افرح ,, ماراح يكسر خاطري
ساره : الاول الاول .. تفرحين ؟!
هديل : اي طبعا استانس ان في شخص يحبني ومهتم فيني ..
ساره : اوكي .. استانستني وبعدين ماتفكرين فيه .. ؟ ان لازم تعطينه ويهه
هديل : مو معنى اني دريت يعني لازم احبه .. شنو السالفه مجامله ؟؟!
لا صراحه مو مجبوره اني احب واحد عشان هالسبب بس ..
خير انشالله !! اي شي ..
ساره : هــو يعني شلون .. ارفضه ببساطه
هديل : انا ما اقولج .. ارفضيه او احكمي عليه انه مو زين او ماينفع ..
انا مالي شغل فيج انتي بروحج تعرفين تقررين وتعرفين تختارين ..
اعتقد انج جربتي الحياه الزوجيه وصار عندج خبره بهالموضوع ..
ساره : ضيعتيني بكلامج ..
هديل : اللي ابي اقوله لج .. لا تنجرفين وتصيرين عاطفيه ويكسر خاطرج ..
يعني لا تخلين هالمشاعر الجياشه تخرب حياتج مره ثانيه ,, وبالوقت
نفسه لاتخلين تجربتج الفاشله تأثر عليج تأثير سلبي وتعقدج من العالم ..
ساره : تدرين .. كلامج منطقي
هديل : ادري .. خذوا الحكمه من افواه الحلوين ..
ساره: تصدقين احس براحه شوي .. على الاقل سمعت نصيحه سنعه
هديل : شوفي انا ما اقولج ان رأيي صح وسديد .. لكن اقول انج المفروض
تفكرين عدل قبل اي قرار وانج تحسبين لمشاعرج وقلبج الف حساب ..
ساره : صح صح .. لازم افكر مليوون مره
هديل : احس اني طالعه من مسلسل مكسيكي .. حب وغراميات وصايره اوزع نصايح يحليلي ..
ساره : ياليتنا ماكبرنااا ابد
هديل : ويييه انتي بعدج معقله على هالكلمه .. من عرفتج وانتي ياليتنا مانكبر ..
وياليتنا ماكبرنا .. اللي يسمع يقول عمرج 60
ساره : والله من حـر مافيني
هديل : يعينج الله ..

سمعت ساره والدها يناديها .. فانهت المكالمه على عجل .. ونزلت اليه

ابو عبدالله : اكيد تكلمين دانه ..
ساره : لا دانه تونب راده منهم .. كنت اكلم هديل رفيجتي
ابو عبدالله : شرايج تروحين مصر ..
ساره : مصر !!!
ابو عبدالله : ايي مصر ابو الدنيا
ساره : ام الدنيااا .. اي ابو بس
ابو عبدالله : المهم .. تروحين
ساره : صج والله بنروح مصر .. زين شالطاري؟
ابو عبدالله : عندي شغل هناك
ساره : ممم اذا جم يوم ماتسوى الروحه
ابوعبدالله : اسبوع واذا استانستي نمددهم ..
ساره : بس انا وياك
ابوعبدالله : نقول لعبدالله .. ادري ماراح تستانسين معاى يبيلج احد شباب تروحين وتردين معاهم
ساره : لا يبه فيك الخير والبركه ..
ابوعبدالله : والله يابنيتي حتى انا مافيني حيل مشاوير وطلعات ليل نهار
وناوي اقول لسعود ولا عبدالله ..
ساره : ليش مو اثنينهم مع بعض
ابو عبدالله : والشغل اهني ..
ساره : عاد شدعوه كلها اسبوع ماراح تنهد الدنيا
ابو عبدالله : خلاص اقولهم ..
ساره : بس سعود ماعتقد عنده اجازات .. خلص كل رصيده الاخ
ابو عبدالله : وعبدالله ..
ساره : اووه عاد عبدالله .. كله ماله خلق وكله متكدر
ابو عبدالله : لااا حتى هو يبيله تغيير
ساره : اصلا اتوقع يقولون شيوديج مصر .. ويرفضون
ابوعبدالله : افااا .. وانا وين رحت يكسرون كلمتي
ساره : لا والله ماعاش من يكسر كلمتك .. بس مادري شلون حتى انا احس
اني مو متحمسه .. السفر يبيله مجموعه .. قروب او اهل .. مادري
ابوعبدالله : ايي قلت من الاول .. يبيلج احد بعمرج تستانسين معاه ..
ساره : عاااد من وين اييب لي ناس بعمري .. !!
ابوعبدالله : بنت عمج ..
ساره : دانه .. لا لا ماعتقد
ابوعبدالله : شوريها .. وشوفي
ساره : حتى لو ترضى .. امها وعمي مايرضون
ابوعبدالله : مالج شغل .. عمج انا اكلمه ..
ساره : اي والله يبه .. اذا وافقت .. حده بنستانس
ابوعبدالله : تم وانا ابوج .. عمج مايرفض لي طلب
ساره : هييييييااااااااا .. !!


~~~~~~~~

[Star_Girl's]

على الفور .. اتصلت بابنه عمها لتخبرها عن السفر ..
لتجد منها ترحيب وموافقه شديده

دانه : اهي اذا علي انا موافقه . . والله نروح بسياره موافقه لانه ادري بنستانس
لكن الحجي على دادي العزيز
ساره : من صجج .. من الكويت لمصر بسياره .. عشان نصير سردين على مانوصل
دانه : نصير سردين نصير قطاوه .. المهم وناسه
ساره : هههههههههههههههههه .. تحسين فينا فقر وناسه
دانه : ايي .. ولا جنه الاسبوع اللي طاف عرس وطقطه وشغل عدل
ساره : ممم على قولتج .. المهم انتي الحين اوكي بالموضوع موافقه تسافرين معانا
دانه : مواااااافقه وبقوه بعد
ساره : تماااااام .. عيل ابوي بيكلم عمي .. يقوله
دانه : جااااان زين يوافق
ساره : لا مالج شغل .. ابوي وعدني .. وشكله ضامن ان عمي بيوافق ..
اصلاااا حده متحمس اكثر مني
دانه : يحليله عمي .. ماتبادلين
ساره : شبادل .. ابهاات هذول مو جناط
دانه : والله انا ماعندي مانع ابدلهم .. واخذي امي هديه بعد
ساره : ههههههههههههههههههههههه الله يقطع ابليسج ..
دانه : يعني خلاااص اصفط هدومي .. ازهب الجناط ؟؟
ساره : هوو خل نحجز .. يمكن مو الحين على طول يعني يبيلها اسبوع اسبوعين ..
وبعدين خل يرضى عمي اول!
دانه : يعني الحين انتي ماتدرين حتى متى السفر بس داقه تسأليني
ساره : يس
دانه : وتلوميني اذا قلت راضيه لو بسياره .. كلنا ميتين على الهياته
والسفرات بأي وسيله
ساره : خلااص اسأله متى واقولج ..
دانه : لا صبري يمكن راس ابوي مايلين .. اخاف ان درى اني ادري حتى
عن موعد الرحله يهون ويحسبني مخططه بدون رضاه
ساره : وييي شالسالفه .. ترى عمي سمح ماشالله عليه مايقول لا
دانه : عمج سمح .. لكن غيره مو سمحين
ساره : ايي ايي فهمت قصدج
دانه : انا بسكت .. واذا سألوني بقولهم ايي ادري بس قلت لازم ابوي وامي يرضون
ساره : يعني كلش حريصه على رضاهم
دانه : يعني ..
ساره : انشاااااالله هالسفره تصير انشاااااللله انشااااااالله
دانه : انشاالله .. اقول بنكون انا وياج وعمي بس صح
ساره : غالبا .. يمكن واحد من اخواني ايي ..
دانه : وييي
ساره : ليش وييي ؟؟
دانه : سوري يعني بس نبي ناخذ راحتناا ..
ساره : وانتي شعليج منهم .. احنا بغرفه واهما بغرفه
دانه : بنقعد بفندق .. ؟؟
ساره : اتوقع .. وحتى لو بشقه .. هم ماراح يضايقونج
دانه : مو مشكله .. مافي اي بروبلمز عندي .. المهم اطلع من بيتنا وافارق ويوهم شوي
ساره : ويــه لهدرجه ملوعين جبدج .. جان خذتي كورس صيفي بدال القعده
دانه : لااا وع .. مهما يكون .. النوم احسن من الدوام
ساره : على رأيك ..
دانه : اقول .. شرايج اتييناااا
ساره : شنوو حلااااو ..
دانه : بديناااا بالتخشش
ساره : مو تخشش بس فشله كل شوي ناطه عندكم
دانه : عادي مافيها شيي .. وبعدين مو موجوده لا تخافين
ساره : مو عن جذي ..
دانه : امبلا عن جذي ..
ساره : اقوول اروح استفسر من ابوي عن السفر ابرك لي
دانه : ايي والله حتى ليي
ساره : توج تقولين ماتبين تعرفين
دانه : لا دقي علي قوليلي شالوضع بالضبط ..
ساره : اوكي .. يالله بااي
دانه : بايات

~~~~~~~~

[Star_Girl's]

عادت لوالدها مسرعه تحمل كما من الاسأله ..
ساره : اقوول يبه متى شغلك ..
ابو عبدالله : السبت الياي ..
ساره : يعني مايقى شي .. حوالي اسبوع
ابوعبدالله : كلمتي بنت عمج ..
ساره : ايييي وبس تبيك تكلم عمي .. خايفه انه مايرضى
ابوعبدالله : خير خير .. اكلمه الحين
ساره : لا لا قبل لا تكلمه بسألك
ابوعبدالله : سألي
ساره : تشوفها عادي يبه اني اسافر وانا يعني توني ..
ابوعبدالله : لو فيها شي ماقلت لج .. بعدين انتي مو توج منفصله عن طليقج
عشان اقول عيب تطلعين وتروحين .. صار لج فتره .. اللي عليج اديتيه خلاص
ساره : زين اشوى .. طيب هناك اذا دانه بتروح بنسكن بشقه ولا فندق
ابوعبدالله : على اساس فندق .. اريح .. اذا تبون شقه ماعندي مانع
ساره : لا لا الفندق اونس .. انزين والحجز .. خاف مانلاقي
ابوعبدالله : لا تحاتين .. احنا مو عشرين .. كلنا ثلاثه او اربعه بعد
ساره : اوكي .. ياربي بعد شنو بسأل .. نسيت
ابوعبدالله : خليني اكلم عمج .. بعدين نتفاهم
ساره : اوكييي .. الله يخليك يبه لا تسكر منه الا واهوا موافق
ابوعبدالله : افا عليج .. مو وعدتج اناا
ساره : امبلا
ابوعبدالله : خلاص قومي يبيلي التلفون
ساره : حاضر ..
ابوعبدالله : دقي لي رقم عمج
ساره : انشالله
ابوعبدالله : ... مايرد
ساره : هو يبه مالحق يرن
ابوعبدالله : ايي .. الوو هلااا ..
ابوعبدالعزيز : هلااا ..
ابوعبدالله : اقول تراني طالبك ولا تردني
ابوعبدالعزيز : امرني .. خير انشالله
ابوعبدالله : خير بويهك .. انا وساره بنسافر مصر اسبوع وبغينا دانه معانا
ساره : يبببببه قوله احتمال اكثر من اسبوووع
ابوعبدالعزيز : دانه .. لا تروحون وتردون بالسلامه .. شياخذها معاك
ابوعبدالله : انت تدري هالبنتين يستانسون مع بعض .. ومحتاجين تغيير ..
ابوعبدالعزيز : ولو تعب عليك سفر مع بنتين .. يطلعونك من يورك
ابوعبدالله : لا بناتنا عجال ماراح يضايقوني .. وبعدين مستحقين السفر و الراحه ..
ولا تنسى اني طلبتك
ابوعبدالعزيز : والله ماني رادك .. بس خلني شوف راي دانه ولو اني شبه متأكد انها تدري
ابوعبدالله : لا تخاف .. دانه ان سمعت بطاري السالفه بتستانس
ابوعبدالعزيز : انزين .. شلون جذي .. لازم احد معاك مايصير هالثنتين بروحهم
خاف يصير تعب عليك .. وتدري البنات مايملون من الطلعات
ابوعبدالله : يمكن عبدالله او سعود .. واحد منهم ايي معانا .. بس مو اكيد
ابوعبدالعزيز : زين متى السفر .. وعلى اي طيران ووين بتقعدون ..
ابوعبدالله : لاتشيل هم .. انت بس عطنا موافقتك علشان نحجز لها
ابوعبدالعزيز : لا لا مايصير ترووح بروحها .. لازم احد معاها .. شنو رايحه عاله
ابوعبدالله : بنتك هي بنتي .. ولا عاد في فرق بيني وبينك ؟؟
ابوعبدالعزيز : لا والله مافي فرق .. بس لازم واحد من اخوانها يروح معاكم ..
يخفف عنك الحمل شوي .. خصوصا اذا بتطولون عن الاسبوع
ابوعبدالله : والله مثل ماتبي .. ياليت انت تيي معانا والله
ابوعبدالعزيز : لا تدري فيني لا انا ولا ام العيال نحب السفر
ابوعبدالله : الحين شقلت ..
ابوعبدالعزيز : اقول خلني اشوف منو يقدر يروح معاكم من اخوانها وارد عليك
ابوعبدالله : خير انشالله .. ردولنا خبر على اساس نحجز للطياره والفندق
ابوعبدالعزيز : انشالله .. فمان الله
ابوعبدالله : هلا والله .. مع السلامه


~~~~~~~~

ساره : هااااا .. شصار
ابوعبدالله : مثل ماسمعتي .. موافق بس يقول لازم احد من اخوانها يكون معاكم
ساره : اييي جان قلت له ان اخواني كافي .. وليييييييه
ابوعبدالله : سمعتيني قلت له .. وبعدين لاتخافين ماراح يضايقونكم
ساره : ادري ماراح يضايقونا .. بس مادري شلون .. (وتخاطب نفسها)
" سبحان الله صار عندي نفس شعور دانه الحين " ابوعبدالله : دقي على عبدالله تفاهمي معاه .. المفروض نسأله قبل لا نقول لعمج
ساره : لا يبه انت كلمه ..
ابوعبدالله : اذا شافج انتي مصره وبخاطرج السفر .. بتكسرين خاطره .. يالله كلميه
ساره : يعني ,, زين بكلمه بس ترى اهوا نايم مو طالع
ابوعبدالله : سيارته مو برا ..
ساره : يمكن ماخذها سعود
ابوعبدالله : المهم اذا قعد قوليله ..
ساره : اوكي

[Star_Girl's]

بعد ست ايام .. في المطار ابوعبدالله , عبدالعزيز , عبدالله , سعود , عبدالرحمن ,ساره ودانه

الذين لونتهم باللون الرمادي هم الذين سيغادرون فقط ..
ام الباقي قد حضروا فقط من اجل ايصالهم للمطار وتوديعهم ..


ابوعبدالعزيز : دير بالك على اختك .. لا تردها بشي خل توسع صدرها
عبدالرحمن : تامر يبه ..
دانه : اييي قوووله .. تراني ناويه اتدلع واونس عمري غصب طيب
عبدالرحمن : الحين ابوي قاعد يكلمني على جنب .. انتي قاطه اذنج معانا شكو؟
ابوعبدالعزيز :وانتي لا تطفرين باخوج وعمج .. خلج سنعه .. الله الله بالثقل
دانه : حاضر يا افندم
ساره : ياااالله ترى بنتأخر
دانه : شفيج ترى باقي ساعه على الاقلاع تو الناااس
عبدالله : مو قلت لكم تو الناس .. بس انتوا من صار لكم ثلاث ساعات متزهبين ..
جنها سفره بلا رجعه !!
ابوعبدالله : يالله يالله لا نتأخر على قوله ساره ..
سعود (ساخرا ): يالله روحوا .. دام ساره تحجت وافتت كلكم تستكون
ساره : احمم ..
دانه : لا يطق لج عرج ..


انتهوا من السلام والوداع واخيرا استقروا في الطائره ..
دانه وساره بجوار بعض ..
ساره : اففف قبيله كلها معانا ..
دانه : اقولج ماجنها جم يوم وبنرجع ,, مابقى الا الخدم ماودعونا بالمطار
ساره : هههههههههههههه اي والله ..
دانه : ولا انتي .. اشكره "تأخرنا خل نروح" .. فشلللله منهم يامعوده ..
يعني جنج تقولين ترى لوعتوا جبودنا .. بنسافر ماراح نختفي
ساره : انا مو عن جذي ..
دانه : عن شنوو ..
ساره : مو شغلج
دانه : عيل شغل منوو ؟؟
ساره : واي دوين بنتخانق قبل لا تطير الطياره ولا شنوو
دانه : انتي اللي زعوله ..
ساره : انا زعوله .. اصلا على فكره يحق لي ازعل منج .. ازعل ونص بعد
دانه : ليش انشالله .. شسويت لج ؟
ساره : عن المصاخه انتي عارفه شسويتي ..
دانه : ماسويت شي
ساره : لا والله .. ماسويتي شي .. اخوج شيايبه معانا
دانه : شوفي عاد .. انا ماطقيته على ايده وقلت له تعال .. وعلى فكره
على اساس عزوز بيي ..
بس راح غوص مع ربعه واعتقد انج تدرين ..
ساره : وانتي لازم تدخلين لهم عبدالرحمن بالصوره عشان ايي معانا
دانه : مادخلت ولاشي .. شي منطقي اذا اهوا ماراح ماكو الا عبدالرحمن يحل مكانه ..
اللي كان موافق ومستانس
ساره : طبعا بيستانس
دانه : انا ابي افهم انتي ليش كارهته ؟؟
ساره : مو كارهته
دانه : امبلا .. كارهته والمشكله انج حتى ماعطيته فرصه عشان تحكمين عليه او تكرهينه !!
ساره : اقولج مو كارهته .. بس احس انج فارضته علي
دانه : شنو ماسكتلج عصاه !
ساره : عصاه ولا مو عصاه .. المهم انج جابرتني ..
دانه : زين قصري حسج ..
ساره : انا مقصرته انتي اللي فاضحتنا ومعصبه
دانه : كل هذا وماتبيني اعصب .. تتكلمين عنه وجنه ذابح ابوج ماتبين حتى تشوفينه !!
معقوله هالتفكير يعني عشان حبيتي واحد طلع مو زين خايفه تحبين غيره
ساره : لا تقعدين تفسرين على هواج .. لا مو جذي السالفه
دانه : لا عيل شلون افسرها ؟؟
ساره : اووه .. مابي اتحجى بهالسالفه الله يخليج
دانه : انتي ماتبين .. انا ابي .. ابي افهم مايصير جذي !! رفض بدون سبب مقنع


لحسن الحظ .. حضر المضيف ليسألهم عن مايودون قرأته من صحف او مجلات
فقطع حوارهم المثير هذا ..

~~~~~~~~

[Star_Girl's]

~~~~~

كان الوصول ..

عبدالله : يالله امشوا .. خلكم ورا ابوي وجدامي ..
دانه : هوو واخوي وينه ؟؟
عبدالله : عبدالرحمن كاهو وراي ..
ساره : سواري .. وينه سواري.. برد الطياره اكيد هناك ..
دانه : مو قلت لج لا تفصخينه .. بعدين تنسينه
ساره : اووه ابي السوار ..
دانه : كاهو .. شلته بعد ماقمتي وخليتيه ..
ساره : اففف اشوه ..
دانه : اففف بعد .. بدال ماتتشكرين !
عبدالله : ياربي خلص هالسفره على خير .. مشكله السفر مع بنات
ابوعبدالله : مو باجر وحده منكم تضيع ولا تنسى عمرها بالسوق ولا اي مكان ..
دانه : عمي وفرضا ضعت شسوي ..
ابوعبدالله : تتصلين علينا بالتلفون
دانه : تلفوني مافيه خدمه تجوال .. ( وتلفت على شقيقها) مو قلت لك تحط لي ..
ابوعبدالله : توقفين مكانج .. مو تتحركين على ما انيي وناخذج
دانه : هووو شالخطه .. اخاف اموت من الوقفه بس
عبدالرحمن : لا تخاف ياعمي .. انا وعبدالله يايين عشان هالثنتين مايضيعون
عبدالله (محدثا عبدالرحمن ) : الله يا انا وانت بنجاهد جهاد هالاسبوع .. الله يابنتعب تعب ..
الله يا في اختين بيطلعون عيونا من اماكنهم .. !
ساره : شدعوه عليك .. اصلا ماتلاقون مثلنا خوات
دانه : اي والله ..
ابوعبدالله : اقول بدال هالنجره .. كل وحده تأشر على جنطتها .. ولا عاجبتكم الوقفه اهني
ساره : كاااااهي مالتي الكحليه .. وهذي مالت دندون
دانه : لا لا هذي مو مالتي .. تشبهها هذي
ساره : هو امبلى مالتج ..
دانه : شفيج انا جنطتي حاطه عليها نجمه ورديه صغيرونه
عبدالرحمن : الله اكبر عليج .. حاطه ستيكرات على جنطتج .. فشلتينا الله يفشلج ..
شنو اول مره تسافرين مع هالويهه
دانه : لا خفت تنباق ..
عبدالرحمن : من زين اللي فيها عشان احد يبوقها .. اصلا اللي بياخذها .. بيردها لج وفوقها مكافأه نقديه
دانه : عشتوو .. حاصل لك .. عمي شوفه !
ابوعبدالله : شكلها نجمتج طاحت مع الشحن .. اخذ الجنطه بالله تأكد اذا اهي مالت اختك ولا لا
عبدالرحمن : الله .. شحاطه فيها .. متفجرات ؟؟
دانه : اي خلاص من الثقل بدون لا تجيك على الشسمه .. هذي جنطتي
ساره : اسم الله عليج ..
ابوعبدالله : كل مره يحليلي .. خفيف بسرعه اطلع من المطار .. الليله شكلنا ببنام فيه
عبدالله : لا خلصنا .. يالله مشينا ..
ساره : بذمتج انتي حاطه ستيكر على جنطتج
دانه : لا صدقتي .. بس بطفرهم شوي
ساره : ههههههههههههههه وصدقوا ..


الجزء الحادي والعشرون
دانه : افففففففففففففف .. افففففففف
ساره : بسج تأفف ..
دانه : بذمتج مالقوا يحطونا الا بهالدار
ساره : هو شفيها.. شزينها
دانه : مو على شكلهااا .. على مكانها ..
ساره : بعد شتبين على النيل.. متى مابغيتي تبطين طبي
دانه : اوهووو .. انا وين وانتي وين !
ساره : لاحول ولا قوه الا بالله .. اقول تعوذي من ابليس وخلينا نستانس
دانه : يعني عاجبج مكانها .. بالنص
ساره : اي نص
دانه : بين غرفه عمي واخوانا
ساره : ايي وانتي هذا اللي مضايقج .. ؟
دانه : طبعا مضايقني .. المفروض احنا بدور واهما بدور
ساره : يحليلج والله .. احلام اليقظه هذي .. ؟؟ ولا شيسمونها ؟
دانه : مااااالى شغل مابي غرفتنا يمهم
ساره : زين هاج الكرت مال الغرفه
دانه : خليه عندج
ساره : عندي واحد .. هذا لج
دانه : افففففف
ساره : انتي من صجج .. خاف عبالج بيخلونا نمشي بروحنا ؟
اصلا ريولهم على ريولنا ولا اهما ليش يايين اصلاا
دانه : ويـــــــع ..
ساره : عودي نفسج على الفكره ..
دانه : زين شفيج انسدحتي .. يالله قومييي غيري هدومج
ساره : بسم الله .. خل اريح ..
دانه : طاااااع هذي يايه تريح .. اللي يسمع يقول بنقعد شهر ..
كلها اسبوع السفره ! ماكو وقت تريحين
ساره : زين وين نروح من الحين ؟
دانه : شدراني .. خل نطلع ناكل يوعانه
ساره : زين مو نتفق معاهم .. على الاقل
دانه : ولييييه .. زين دقي على اخوج تفاهمي معاه
ساره : يعني برايج ادق على ابوي .. احسن
دانه : لا وعليه عمي تلقينه تعبان من نجرتنا بس .. وماله مزاج يطلعنا
ساره : خلاص عيل ..
دانه : اذا مارضى اخوج .. ابجي عشان يرضى
ساره : مو بكيفه مايرضى .. احنا يايين عشان نطلع .. ويايبنهم عشان يونسونا مو العكس
دانه : الحمدالله .. اول مره تقتنعين بوجهه نظري !


شاورت شقيقها ووافق على مضض ..

[Star_Girl's]

عبدالله : ها وين بتروحون ..
دانه : بناكل ..
عبدالرحمن : اي مطعم زين
ساره : لاا مانبي نتعشا من الحين ..
عبدالله : يا الهي يا الهي .. انزين ليش ماتتفقون قبل لا تكلمونا
ساره : نروح كوفي شوب ..
دانه : لاااااا .. انا ابي مطعم .. شنو تبيني اكل بسكوته واشبع
ساره : اكلى كروسان .. تشيز كيك
دانه : مايشبعني
ساره : شنووو اسد !
دانه: ياختي يوعانه
ساره : زين تصبررري بحلوو خفيف على ما ايي وقت العشا
دانه : اف اف .. امري لله .. خلاص
عبدالله : ها استقريتوا على راي
ساره : اي بنروح قهوه الحين ..


هناك .. حيث تملاء المكان رائحه القهوه الطازجه .. ويعيق الدخان الرؤيه..
وتتصاعد الضحكات .. والقهقهات ...

عبدالله : قررتوا شنو تبون ولا بعد
دانه : ماتوقعت هالكثر في اودام !
ساره : واااااي .. وناسه
دانه : لاحول الله .. خبله قاعده بقهوه وتقول وناسه .. بنت عمي خبله خبله
ساره : شفيج علي .. احب القهاوي ياختي
دانه : وييع
عبدالله : صار لي ربع اسأل شنو بتطلبون شنو بتطلبون بعد للعشره ..
كل وحده تقولي شنو بتطلب ولا بردكم الفندق .. لانكم صج مو كفو طلعه
ساره : عبداااالله .. شنو احنا قاعدين بالتجنيد ! .. خلنا نونس اعمارنا

عبدالرحمن الجالس بهدوء .. يتصفح قائمه المشروبات .. بالاحرى يتظاهر بذلك
كان يراقب تحركاتها .. يستمع الي كلماتها حين تداعب او تمازح شقيقته ..
وحتى حين تصف شيء ما ..



دانه : امبيييييه .. هذا شمسوي بعمررررره ؟؟!!!!!
ساره : منووو ؟؟
دانه : شوفي هذاك اللي حاط بشعره خمس الوان !!
عبدالرحمن : دندون لا تأشرين عيب
ساره : اييي والله . امبيه طالعي اللي معاه بعد شلابسه .. مابقى قطعه قماش مو لازقتها بنفنوفها
عبدالرحمن : يمكن طالعين من مسرحيه ..
دانه : اي مسرحيه بالله اللي بتخليهم يسوون جذي
ساره ( مطبقه لنصيحه صديقتها التي تنص على فتح مجال الحوار معه ) : مسرحيه اطفال قصدك !!؟
عبدالرحمن (الذي انتصب فجأه على الكرسي ) : لا اقصد مسرحيه ثقافيه ..
ساره (التي لم تكن مهتمه في واقع الامر لكن نبره صوتها كانت تنم عن اهتمام واضح ) : شلون يعني .. فسر
عبدالرحمن : اقصد المسرحيات اللي ماتكون عباره عن هز ورقص ونكت واغاني ..
يعني يكون لها هدف مو اسفاف بعقل المشاهد وبس ..
ساره : اييي عرفت قصدك .. بس هذا شكله مو مال تراجيديا ومسرح جدي .. طالع شمسوي بشكله
عبدالرحمن : اي ساعات اهما يستخدمون هالاسلوب عشان يوضحون وجهه نظرهم
ساره : ممممم زين ليش مالهم شهره نفس باقي مسرحيات الاسفاف على قولتك
عبدالرحمن : لان الناس مو مهتمه اصلا
عبدالله : تراني ناديت الويترس ..


بعد ان انتهوا من الدردشه .. وانتقاد معظم الجالسين في ذاك المقهى الصاحب ..

عبدالله : يالله مشينا الفندق ..
ساره ( بصوت ضعيف ) : لااااااااا من صجك ؟!!
عبدالله : اتغشمر حجيه شفيج !
دانه : شرايكم نروووح السينماااا
عبدالرحمن : عاد منين نعرف سينمات الحين
عبدالله : لا تخاف راعين التكاسي يدلون كل مكان
ساره : بس اي فلم نحضر ..
دانه : نروح هناك ونقرر .. المهم نحضر
عبدالله: توكلنا على الله ..
عبدالرحمن (بابتسامه خبيثه ): اقول كل وحده تجيك على سواراتها ..
ساره : احمم مو لابسه سوار الحمدالله ..
دانه : يا ملقي يا ملقي .. يالله امشوو لا يطوفنا الفلم اللي مادري شنو اهوا بالضبط

[Star_Girl's]

وصلوا الي قاعه السينما ..
وذهب الدليل السياحي عبدالله لتفقد الافلام الموجوده ومواعيدها ..
ووقف الثلاثه في الخارج .. يتسامرون حول اكثر مشاهد هوليود تأثيرا !
ويستعرضون رصيدهم من الافلام التي تابعوها ..

دانه : لا لا "فورست جمب" رووعه .. واي لما يسأل زوجته عن ولده اذا ذكي
ولا متخلف نفسه .. كسر خااااطري وخنقتي العبرره حدي
ساره : حتى "ايام سام" .. مادري "ماي نيم از سام " نفس فورست متخلف وجذي ..
عجيييييب حده .. ولا البنت اللي معاه .. فلته زمانها
دانه : اييي شايفته بس تمثيل توم هانكس عندي .. لايعلى عليه
عبدالرحمن (مقحما نفسه ) : شفتيه "بكاتش امي إف يو كان" .. هالفلم كان حلوو
ساره : اييييي اينن .. يقولون كان مقتبس عن قصه حقيقه وان فعلا في مزور جذي
دانه : مادري ماعجبني .. ما اوطن هذا ليوناردو .. ثقيل طينه
ساره : بس تمثيله حلوو .. انا عندي بهالفلم احسن من كل افلامه
عبدالرحمن : احسن من تيتانك
ساره : يععع هالفلم .. ماعجبني كللللش والاوادك كلها يانه عليه الا انا
دانه : صايرتلي خالف تعرف مع ويهج ..
ساره : لا صج ماعجبني .. اوكي اخراج قوي ومادري شنو لكن الباقي ويع
دانه : عشتو ..
ساره : عندي "الحاسه السادسه " احلى بوااااايد .. شفتي اللقطه اللي الولد الصغير يقول فيها " اي سي ديد بيبيل "
دانه : لا هالفلم قنبله .. احلى شي النهايه
عبدالرحمن : عورني بطني لما شفت نهايته
ساره & دانه : هههههههههههههههههههههههههه !!
عبدالله : في فلم مصري شكله كوميدي وشباب وحركات بعد ثلث ساعه جذي
ساره : شسمه .. ؟
عبدالله : والله مادري اشرلي على البوستر وقال كوميدي بعد ثلث ساعه
دانه : احجز احجز وانا بنت عمك .. فلم بالجيب ولا عشره بالسينما
عبدالرحمن : خل اروح انا احجز .. (محدثا الفتيات ) .. تبون ورا ولا بالنص
دانه : بالنص
ساره : ورااا اخر شي
دانه : لااا احسن بالنص
ساره : لا ورااا اونس صدقينييي
عبدالله : يامعود من صجك معطيهم ويهه .. روح واحجز بالمكان اللي يعجبك
عبدالرحمن (ضاحكا ):.. اوكي
ساره : وعليه علينا .. ليش مايعطينا ويهه ويسألنا ؟
عبدالله (بطريقه طفوليه): بس كيفي
دانه (تهمس لساره ): اخووج جنه مغصوب على هالسفره ..
ساره : مو عشان السفر .. من توفى احمد الله يرحمه واهوا على هالحال


بعد ان ذكر الفقيد .. ساد الصمت ..وعاد الالم مسرعاً ليسكن دانه ..
التي اصبحت مجبره ان تمثل سعادتها وتحبس حزنها في تلك الزوايه المظلمه من قلبها ..


بعد ان انتهى العرض ..

ساره : ويــع الفلم يلوع الجبد
عبدالله : مو قلت لكم خل نطلع .. قلتوا لا بنكمل
ساره : شنسوي اذا طلعنا وين نروح .. الفلم احسن
عبدالرحمن : كان عادي .. مافيه شي
ساره : لا والله كان مليييييق .. خصوصا هذاك الممثل الطويل.. شسمه دانه ؟؟.. ذكريني انتي خبره فيهم
دانه : ها .. اي ممثل ؟ مادري مادري
ساره : شفيج
دانه : مافيني شي
ساره : تعبانه .. اكيد من الملاقه اللي بالفلم
عبدالرحمن : دندون فيج شي ؟؟
دانه : لا والله مافيني شي
ساره : ويهج منقلب من دشينا .. شسالفتج
دانه : بس ذكرت دلال .. اقول ياليتها معانا
عبدالرحمن : انتيي وين ودلول وين .. تلقينها مستانسه الحين مع الريل
ساره : اذا ولهانه عليها هالكثر دقي عليها..
دانه : شرايج ادق الحين ..
ساره : مادري والله كيفج .. اهي تدري ان احنا مسافرين
دانه : يمكن امي قالت لها .. مادري
عبدالله : شالسالفه ماكو تكسي .. العاده شكثرهم
عبدالرحمن : كاه .. هذا واحد

بعد خمس دقائق من النقاش حول مقعد كل واحد منهم في السياره ..
اخيرا استقروا ..
ساره : خلاص من باجر لازم نأجر سياره
عبدالله : والله انا ماعرف اسوق بزحمه مصر
عبدالرحمن : ولا انا ..
ساره : سياره وسايقها .. بقول لابوي
دانه : صج دقوا عليه على اساس ايي يتعشا معانا
عبدالله : ذكرتني الله يذكرج الشهاده .. اقوله على اي مطعم
ساره : شدرانااا .. سأله اهوا اكيد يعرف مطاعم سنعه
عبدالله : الوو .. هلا يبه ,, شلونك
ابوعبدالله : الحمدالله .. انتوا شخباركم
عبدالله : والله تمام ..عساك ريحت شوي ..
ابوعبدالله : اي والله نمت لي جم ساعه .. شخبار البنات .. عساها مستانسه اختك
عبدالله : ايي لاتحاتي .. اقول شرايك تتعشا معانا
ابوعبدالله : لااا انا مطاعم هالاكلات السريعه الشبابيه ماتنفع لي .. روحوا انتوا استانسوا
عبدالله : وجبات سريعه وانا موجود .. ماخليهم ياكلون من هالجنك .. احنا عازمينك على المطعم اللي تبيه
ابوعبدالله : ياوليدي .. انتو شباب اخذوا راحتكم وتمشوا على كيفكم ..
عبدالله (مداعبا الفتيات): ترى اردهم الفندق بدون عشا ..
ابوعبدالله : شكلك معزم ..
عبدالله : كلهم يبونك اتيي .. ماتسمع صراخ هالنسرتين اللي وراي
ابوعبدالله : ههههههههههههه .. خلاص تعالوا الفندق ونطلع يميع
عبدالله : تم ..

[Star_Girl's]

توجهوا الي الفندق ..

عبدالرحمن : يمدي اخذ شاور سريع .. مو
عبدالله : ايي يمدي .. ماشالله على الوقت في بركه
ساره : ايي حتى انا بغير هدومي
دانه : شحقه تغيرينهم
ساره : طالعي هالبقعه ..
عبدالله (مشرف الرحله) : انا وابوي بننطركم تحت .. ربع ساعه .. واللى يتأخر بنمشى عنه
ساااامعين الكلام لكم انتوا الثنتين
دانه : ويي انشالله انشالله ..


في الغرفه ..
ساره : شكلج لايعه جبدج من عبدالله ..
دانه : لا عاادي .. احس مسوي سسبنس ودايما خبه .. ويله بسرعه .. مادري اونس من على كيفنا
ساره :نفس تفكيري.. تصدقين انا مرات اقول شكله بيلوع جبودنا هذا .. ومرات اقول جنه وناسه قاعدين ونطفر فيه
دانه : اقول يالله .. ترى يسويها .. يمشي ويخلينا
ساره : اذا اهوا خلانا .. غيره مايخلينا
دانه : عمي قاعد معاه .. لا تتأملين
ساره : ماقصدت ابوي
دانه (تكاد عيناها ان تخرجان من محجرهما ) : يــــــــــه يـــــــــه .. والله تطور
ساره : ايي بعض الناس ماراح يخلونا
دانه : بين ليله وضحاهاا .. اي ليله .. الا ركبه طياره وضحاهااا
ساره : استانسي ..
دانه : اي والله حدي استانست .. بس شاللي غيرج بسرعه
ساره : عاد انا بعدني ماطبيت بغرامه .. بس لما اشوفه شلون يسولف ولا يطالعني ..
ولا اذا نكت وطالعني اضحك ولا ولاء .. وااااااي حسيت بمادري شنو ..
دانه : شنو شنو ..
ساره : لا فشله اقولج ..
دانه : عادي قولي مابينا فشلات ..
ساره : ممم حسيته حنون وطيب على الاخر ..
دانه : وبعد
ساره : بس مو وقته الحين ..
دانه : ودي اقوله ..
ساره : لااااااااااه .. والله ما احاجيج ..
دانه : ياربي .. خلاص بنكتم
ساره : لاتخافين .. اهوا بيحس من عمره
دانه : زين يالله خبي عمرج ..
ساره : نزلي انتي وانا لاحقتج ..
دانه : رقلي على رقلك .. اخاف اضيع ولا يخطفني احد ..
ساره : والله ماكله مقلب بنفسج .. منو بيخطفج انتي
دانه : هو وليش مايخطفوني ؟؟
ساره : يالله لا نحصل لنا محاضره الحين
دانه : قاعده اقولج يالله من الصبح ..


الثلاثه في الانتظار ..

دانه : لا اله الا الله .. لحقت !! عبالي سبقناك
عبدالرحمن : قول اعوذ برب الفلق .. اي لحقت
ساره : اي مطعم بنرووح ..
ابو عبدالله : في خوش مطعم .. سمج ومأكولات بحريه ..
دانه (بصوت خافت ) : لاااا ..
ساره : وييي مانحب السمج
ابو عبدالله : اي عندهم اكلات ثانيه
دانه : عمي ريحته .. مو شي استغفر الله
عبدالله (الذي يرقق صوته مقلدا دانه ) : وااااي ريحته ما استحمل انا رقيقه ..
عبدالرحمن : ههههههههههههههههههههههههههههههههههه .. قلعتج يالرقيقه ..
عبدالله : انا ابي سمج ..
عبدالرحمن : وانا بعد وياك ..
ساره : ياسلاااام ..
ابوعبدالله (غامزا لابنته) : لا لا انا اصلا سمعت انهم شطبوا .. باخذكم لمطعم ثاني
عبدالله ( مازحا) : شطبوا هاه .. انا بس لو اعرف انتي شساحره ابوي فيه
ساره : بجماااالي الاخااااذ ..

رغم الغصات التي تملاء صدورهم .. الا انهم حافظوا على ضحكاتهم عاليه ..
وعلى ابتساماتهم مشرقه ودافئه دوما ..
فهذا الوالد يتحسر على زواج صغيرته الفاشل .. وعلى تعاستها
ويتذكر فقيده الغالي فينتحب قلبه مائه مره خلال كل ابتسامه ..
ساره .. التي لم تعتقد قط ان حياتها ستؤول الى ماهي عليه الان ..
فقدت اغلى ناسها ..وخدعت بحب زائف ..واعتقدت بان الحزن سيسكنها
طوال العمر .. اترونه سيفعل ؟؟ ( أعني الحزن !!)
دانه .. تلك الطفله المشاكسه .. يشيب قلبها كلما تذكرته .. وكلما تذكرت ضياعه منها للأبد
اضاع حبها فعلا .. ؟ اهناك عشق جديد سينعش روحها ؟ ام انها ستظل اسيرته للأبد !!
عبدالله .. مازال يلوم نفسه .. مازال يتألم ويندم على كل لحظه اصر فيها على
قتل اخاه بقراراته السخيفه .. مازال يفرض الاسى على عقله وقلبه وتفكيره ..
عبدالرحمن .. ربما يكون اقلهم الما في الوقت الحاضر ..
نعم قد عاني لفتره لابأس فيها حين خسرها .. نعم لقد اعتقد انه غير قادر على
التنفس يوما من الايام .. لكنه حظيّ بفرصه ثانيه .. ولا اظنه سيضيعها ..

~~~~~~~~

[Star_Girl's]

على تلك الطاوله المستطيله جلس الخمسه .. ساره تتوسط ابو عبدالله وعبدالله ..
في الجهه المقابله لها تجلس دانه التي لم تتوقف عن الحديث حتى الان .. بجوارها عبدالرحمن
يسترق النظرات ..و يتمعن في وجهها كمن يتفحص تمثال اثري .. نادر الجمال والوجود !!
اما هي فقد علمت باهتمامه .. فاصبحت تتعمد ان تصادفه في منتصف نظراته ..
راق لها هذا الاهتمام كثيرا .. ارادت ان تعرف كيف يراها بعينيه ..
اهي بالفعل مختلفه عن باقي الفتيات .. فقط لانه يحبها !
شعر بالخجل والاحراج وبات يطأطأ رأسه .. وسط علامات من الاستفهام والاستنكار تحوط عقله ومخيلتها ..

دانه : عمييي .. شعرفك بهالمطعم .. كنت اتيي مع منوو .. هاه اعتررف

ضحك الجالسون متقبلين تلك المزحه من العيار الثقيل ماعدا شقيقها

عبدالرحمن : في وحده تكلم عمها جذي .. !!
دانه : اوو عاد حمني .. لا تصير جذي جنك مراقب علي
عبدالرحمن (ينظر لها باستنكار ويكتم ابتسامته على ثرثرتها ) : حمني !! .. احنا شقلنا ؟
دانه : السيد الاستاذ الدكتور الجنرال العم عبدالرحمن .. بس لا تخرب عليي
ابوعبدالله (بعد ان فرغ من الضحك) : خلها توسع صدرها .. ماعليه تغاضى عنها هاليومين وانا ابوك
عبدالرحمن : تامر عمي .. (والتفت لها ) .. ترى عشان عمي بس .. الوعد بالكويت (ويغمز لها ) سامعه
دانه : عمي شوفه يهدد ..
ساره : لا اله الا الله .. طقوا على الخشب .. من مده ماشفت عبدالله يضحك هالكثر ..
عبدالله : ههههههههههههههههههههه .. والله اضحك على بنت عمج .. ههههههههههههههههههههههه
دانه : بس لايطق لك عرج ..
عبدالله : ماتوقعت دمج خفيف جذي .. ههههههههههههههههههههه الجنرال عبدالرحمن ..

دانه تنظر له بتعجب واشمئزاز ..
هذه المره الاولى التي تراه على هذه الحاله من الضحك الهستيري .. !
الذي بدا مفتعلا في معظم الوقت

عبدالرحمن : يس
ساره : وانجلش بعد .. دندون جنرالكم مو هين
دانه : اي شعبالج .. هذا حمني .. جنرال ولا كل الجنرالات
عبدالله : اييي ما ارضى عليه .. كل شي ولا عبدالرحمن هذا عين السيح
عبدالرحمن : شفيك صرت نفس امي ..
عبدالله (متماديا في مداعبته ) : اي والله .. غلطوا على سعود .. ساره الا عبدالرحمن !!
هذا حبي ما ارضى عليه سامعين يالنسرات
ساره : عشتووو ..
عبدالرحمن (منتهزا دوره في الرد للتلميح بقوه ) : اغلط على سعود ايه على دندون اوكي .. لكن على ساره ماقدر ( ويبتسم مزهوا بكلماته)

سكت افراد عائله ابو عبدالله .. بانتظار ان ينهي كلماته ويبرر ماتفوه به للتو

دانه (التي ظنت ان مس من الجنون قد اصابه ليصرح بحبه على الملاء ): على راسها ريشه ؟؟
عبدالرحمن : على راسها ريش مو ريشه وحده
دانه : شمعنى يعني.. ؟؟
عبدالرحمن : اخاف اذا زعلناها عمي يرجعنا مشي للكويت
دانه : اممم اييي صح
ساره : اييي حسبالي بعد
دانه (متصيده الاخطاء) : شحسبالج بعد ؟
ساره : ولا شي ..
عبدالله : اقول ماجنه الاكل طول ..
دانه : اي والله تراني يعت ..
ساره : اكليني .. !! من طرنا من الكويت وانتي تاكلين
دانه : اكلج ! .. لا وع
ساره : !!!!!!! انا وع
عبدالله : عيب يابنات ..
ساره : هو شسوينا .. !!
عبدالله : صوتكم عالي ..
ابوعبدالله : ميخالف بناتي .. بتتناجرون تناجروا بهدوء .. قصروا حسكم شوي
عبدالرحمن : هههههه .. عمي ابدعت .. معطيهم ويهه زياده عن اللزوم .. !!
عبدالله : شفت .. ابوي اخره عمره يداري هالساحرات
دانه : تونا نسرات والحين ساحرات ..
عبدالرحمن : ايي خصوصا انتي .. ناقصج مكنسه وتطيرين

عبدالله .. نادى النادل .. يستفسر منه عن سبب تأجيل حضور الطعام .. وعن اشياء اخرى ايضا

عبدالله : شالموسيقى .. ماعندكم غيرها
النادل : دي طلب من الناس الموجودين ..
عبدالله : يه تستقبلون طلبات بعد ..
ساره : ابي اغنيه عبدالله رويشد .. "بتبع قلبي"
النادل : بس انا ماعرفش الاغنيه دي يامدام ..
دانه : ابي اغنيه صابر الرباعي .. " برشا برشا"
النادل : تأمري يامدام .. حنطحطها بعد الاغنيه دي على طول ..
عبدالله : خلصتوا طلبات ولا بعد ..
عبدالرحمن : لا بعد .. ياااا اسطه
النادل : ايوه يا استاز ..
عبدالرحمن : اذا عطيتك الشريط .. تشغله عادي ..
النادي : ايوه طبعا طبعا .. بس اعرف الاغنيه ايه يمكن تكون عندنا
عبدالرحمن : لا مستحيل تكون عندكم .. الاغنيه اسمها لورا ..

[Star_Girl's]

وتناول النادل الشريط على اهبه الاستعدا لتشغيله ..

دانه : اغنيه اجنبيه .. يع
ساره : لا بالعكس الاغاني الانجلش حلوه ..
عبدالرحمن : الاغنيه لمحمد عبده ..
ابوعبدالله : شلكم بالاثام .. اتركوا هالاغاني ..
ساره : يبه نحاول نقطعها بس ابليس شاطر
عبدالرحمن : اي والله ابليس ما مات (ويقوم بالتأشير ناحيه شقيقته الصغرى )
دانه : اذا انا ابليس ترى انت اخوى .. !
ساره : الحين ماشالله عليك شايل شريطك معاك ..
عبدالرحمن : حق التكاسي .. بدال اغانيهم الهابطه
دانه : يا انتا ياللي ضد الاغاني الهابطه ..
ساره : ماشغلته عاد .. ماسمعناه يعني
عبدالله : ليش انتي والاخت اللطيفه دانه تخلون لاحد فرصه يسوي شي ..
ماغير ازعاج وقرقه . .ولا حتى انا ياييب معاي شريط فيه خوش محاضره . .
دانه : جان قلتوا لنا انييب معانا جم كاسيت من الكويت
ساره : ولايهمج .. يمدي نشتري من اهنيه ..
دانه : صاجه ..

" ذاك حبي اذا الجمال رآها ذاب من فرط حسنها الفتان .. لورا تلك لورا .. فداء لورا الغواني ... الخ "

دانه : ووووع شالاغنيه غبار غبار .. لايكون هذي اغنيتك ..
عبدالرحمن : ايه
ساره : ويي سكتى دندون خل نسمع ..
دانه & عبدالرحمن : !!!!
عبدالله : شذكرك بهالاغنيه ..
عبدالرحمن : والله مادري شذكرني فيها ..
عبدالله : عاد والله حلوه ماتنمل .. اذكر يتني فتره بسمي بنتي لورا بس عشان هالاغنيه
ساره : انت تزوج اول .. وبعدين ييب بنت واذا طلعت حلوه سمها لورا
دانه : اي والله واذا طلعت جيكره .. حسافه الاغنيه عليها
عبدالله : بنتي انا تطلع جيكره ..
دانه : ايي يمكن تطلع تشبهك .. لا تزعل
عبدالله : اصلا دام انها بنتي بتطلع احلى وحده بالكويت
عبدالرحمن : بالشرق الاوسط كله ..
ساره : حمدالله والشكر .. احد يدافع عن شي مو موجود !!
عبدالله : يعني انتي ماعندج استعداد تدافعين عن عيالج اذا كانو جكر
ساره : والله اذا كان ابوهم جيكر .. فهم طالعين عليه ما باليد حيله
دانه : شالموضوع السخيف ..دوروا غيره
ساره : يبه شفيك ماتسولف ..
ابوعبدالله : والله ماعندي سالفه اقولها
عبدالله : واخيرا .. قرروا يعشونا ..


باشروا في تناول الطعام .. وتبادل الدعابات ..
بينما مازال ابوعبدالله صامتا لايجد نفسه بين هذا الكم من الطاقه الشبابيه ..

دانه : عبدالرحمن .. عطني بطاط
عبدالرحمن : ماشالله خلصتي بطاطج .. ماني معطيج
عبدالله : اطلب لج
دانه : لااا ماكو داعي
ساره : ايي اطلب حتى انا ابي ..
ابوعبدالله : الحين انتوا هديتوا هالاكل كله .. وضاقت عينكم على البطاط
ساره : يبه البطاط غير .. هذا شي اساسي
عبدالرحمن : البطاط اساسي
ساره : طبعاا طبعااا ..
عبدالله :على فكره .. سوير عندها البطاط اهم مننا
عبدالرحمن : حتى دوين .. عندها البطاط اهم من كل البيت
عبدالله : صج بنات عم
دانه : لا لا انااا البطاط عندي مو اهم منكم
عبدالرحمن : زين والله فيج خير ..
دانه : الله يسلمك انا كل شي عندي اهم منكم ..
عبدالرحمن : افاا
ساره : عبدالرحمن .. بعدك ترسم .. ؟
عبدالرحمن : من سافرت ماصار عندي وقت للرسم ..
ساره : لاااه حسافه والله .. عسى مو ناوي تبطل كلش
عبدالرحمن : ليش تبيني ارسملج شي ..
ساره : لا مو عن .. بس حسافه موهبتك تضيع
عبدالله : عبدالرحمن يرسم .. ؟؟
ساره (تعمدت مدحه) : عليه لوحات .. ابداع
دانه : وين شفتيهم ؟؟ ماشفتي الا رسمتي ورسمتج
ساره : كافي هذول قمه الابداع ..
عبدالله : ماشالله جنرال ومتعدد المواهب ..
ساره : عاد صعب ترجع للرسم صح .. لانه صار لك مده وجذي
عبدالرحمن : والله مادري مافكرت ارد ارسم بجد
دانه (مخترعه لنظريات جديده في عالم الرسامين ) : يقولك .. احسن خطوه ت
رجع فيها للرسم انك ترسم شي تحبه .. مو بس شي تحبه .. اكثر شي تحبه بالدنيا ارسمه
عبدالرحمن (يود ان يسكتها بأي طريقه ): !!!!
دانه : انت معاي عالخط .. يعني قرر انك ترسم اكثر شي تحبه بالدنيااا ..
اكثر شي او حتى شخص .. وتوكل على الله وبتحس موهبتك رجعت لك على طول
عبدالرحمن : .. منين ياييبه هالكلام يادافنشي!!
ساره : كلامها منطقي .. يعني مو معقوله ترجع للرسم واول ماترسم شي تكرهه ..
او ماعندك اهتمام انك ترسمه اصلا
عبدالرحمن : يعني مايصير ارسم دانه
دانه : تكرهني ... تكرهه اختك ؟!!
عبدالرحمن : مالي شغل هذا كلامج انتي
عبدالله : عبدالرحمن بيرسمني على طول ..
عبدالرحمن : صحيح .. انت حبي الاول والاخير
دانه : حبك الاول والاخير .. انتوا الاثنين وع


بعد ان انتهوا من تناول الطعام ..

عبدالله : هاا بتحلون .. بتشربون شي ماشيات
ابوعبدالله : والله انا تعبان وبرد الفندق ..
عبدالرحمن : شبعانين ماعتقد احد عنده مكان للحلو ..
عبدالله : خلاص عيل .. دقايق ونقوم ..

[Star_Girl's]

خارج المطعم ..

دانه : اللله حنطور
ساره : عبدالله نبي نركب حنطوور ..
عبدالله : هذا وقت حنطور .. تالي الليل
ابوعبدالله : ميخالف .. ركبوهم وفروا فيهم شوي وانا برجع الفندق بتكسي
عبدالله : ابوي تعبان ولازم نرجع معاه
ساره : الله يخليك .. بخاطري اركبه الحين ..
ابوعبدالله : خلاص روح معاهم ياعبدالله .. شالسالفه ماعرف امشي بروحي انا
عبدالله : مو المشكله اني مالي خلق افرفر فيهم .. فيني النوم
عبدالرحمن : خلاص انت روح مع عمي .. وانا اتمشى فيهم شوي واردهم
عبدالله : الله يعينك عليهم
ابوعبدالله : لا تطولون ..
عبدالرحمن : انشالله عمي .. اقص عليهم بخمس دقايق واردهم
ساره : شنو خمس دقايق!!
دانه (تهمس لها) : مالج شغل فيه .. لو يقدر بيقعد يتمشى فينا للصبح بس عشانج
عبدالله : يالله احنا سابقينكم
عبدالرحمن (مخاطبا سائق العربه الخشبيه ): يااااا اسطه .. ياااامعلم وقف
السائق : ايوه يا استاز .. اتفضل
عبدالرحمن : يالله ركبوا
ساره (مصنعه الدلع ): واااي تهز .. شلون بركب
عبدالرحمن : انادي التكسي يعني
ساره : لا لا خلاص ركبت وقعدت الحمدالله
دانه : دنيي شووي ..
ساره : مدنييييه .. انتي اللي الظاهر متنتي بعد العشاا
عبدالرحمن : يامعلم .. لف فينا حبتين بالحنطور .. عاوزين نزبط المسائل
السائق : حزربطك يا استاازز دنتا تؤمر
ساره : حبتين ماتكفي .. اقول ثلاث اربع خيشه حب
عبدالرحمن : بسم الله اهوا خل يمشي الحين .. مو يمكن ماتستانسون وتملون منه
ساره :لا تخاف ماراح نمل
دانه : ايي والله انا وحده اشوف انه تو الناس على الفندق
عبدالرحمن : خلاص اخليه يفرفر لين ماتملون
ساره : اي جذي تمام

تعمدت دانه التزام الصمت بحجه انها تريد التأمل في شوارع مصر ..
وانها قد ملت من الكلام فآثرت السكوت !!
بينما ظل الاثنان يتسامران حول امور مختلفه ومتنوعه ..
الدراسه, الاساتذه , ذكريات الطفوله, هوايتهما , برامجهما المفضله , الطقس , السفر ..
كل شيء تقريبا .. ماعدا الموضوع الذي فعلا ارادا ان يتحدثا عنه ..

عبدالرحمن : تذكرين لما كانت ايد سعود مكسوره وكنا نلعب بالحديقه
ساره : اييي واهوا يلاحقني بايده المجبسه بيكفخني فيها من صجه !!
عبدالرحمن : هههههههههههههه ما انسى شكلج وانتي تركضين بتنخشين وراي
ساره : عشتو يعني بتحامى فيك .. شاده فيك الظهر حدي
عبدالرحمن : هههههههههههههههه والله اكلت لي جم كفخه من الجبس
ساره : وييي لايكون حاقد علي
عبدالرحمن : بالعكس كل ماذكرت اضحك على اشكالنا
ساره : اللي تذكره صج يوم كنا انا ودندون متخانقين مع بنات ..
عبدالرحمن : عاد انتي ودندون ماجنكم يهال .. مابقى بنت بعمركم ماتهاوشتو معاها
ساره : ويايينكم انتوا يالصبيان تدافعون عننا .. جان تقولون مالنا شغل فيكم
عبدالرحمن : لا عاد هذي ما اذكرها
ساره : شمعنى هذي ماذكرتها ..
عبدالرحمن : يمكن كانوا اخوانج بس .. ولا انا من صغري صاير كبش فدا لكم
ساره : يمكن ..
عبدالرحمن : ههههههههههه شفيج جنج مو مصدقه
ساره : لا عادي والله .. اقول مو جنه تأخرنا
عبدالرحمن : اي والله .. شلون طاف الوقت جذي
دانه : عيل قوله يرجعنا .. حدي فيني النوم


رجعوا الى الفندق القاطنين فيه.. الثلاثه كانوا ف منتهى الفرح ..
يكاد قلبه ان يؤدي رقصه التانغو من فرط بهجته.. قد قضى للتو احد اجمل ايام عمره .. !
دخل الغرفه .. وجد عبدالله غارق في النوم .. غير ملابسه استلقى في سريره وترك الانوار مضائه ..
" كم بدت رائعه حين ابتسمت لي ..!
تلومني حين تركتها تتشاجر دون حمايتي ..
آآه ما اعذب اللوم منها !! لم ار في حياتى احلى او اجمل من غضبها و دلعها "

في غرفه مجاوره
دانه (تغني بصوت عالي ): وفداااااااء ساره الغواني فداااء ساره الغواااني
ساره : اششش .. قعدتي كل الفندق
دانه : والله انج متغيرررررره .. امووووت اموووووت واعرف شغير رايج ؟!
ساره : انتي مو كنتي تبيني اتغير
دانه : يس
ساره : ايي كاني تغيرت عشانج
دانه : ابيج تتغيرين بس عشانه مو عشاني
ساره (ابتسمت) : انشااالله
دانه : لا السالفه فيها توزيع ابتسامات .. انشالله خير
ساره : ههههههه انشالله ليش لا
دانه : وااااي اليوم يحليلكم هذره قرقه مابقى سالفه ماسولفتوا فيهااااا ..
وانا مستاااانسه وودي اطب واهذر تدرين نقطه ضعفي الهذره ..
ساره : وانا وياه مستانسين انج ماسكه عمرج وساكته
دانه : ياسلاااام على "انا وياه"
ساره : بس عاد لاتفشليني ..
دانه : اوكي ..
ساره : شرايج ننام .. عشان باجر مايخلونا ويطلعون
دانه : ترى يسوونهاا .. خصوصااا اخوج عنده استعداد
ساره : اقول باجر وين نروح
دانه : خنروح الاهراااام
ساره : ياسلااااام عليج
دانه : ليش شفيها الاهرام
ساره : مافيها شي
دانه : مو احسن مما نروح مطاعم وقهاوي .. جننا ماسافرنا .. خل نروح مكان يديد
ساره : صح .. بس شاييفين الاهراام من قبل
دانه : نشوفهم مره ثانيه .. مو مشكله
ساره : تتوقعين عبدالله يرضى ..
دانه : اذا قلتي انتي بيرضى


خلدت دانه الي النوم .. متشوقه لاحداث الغد ..
بينما سهرت ساره تفكر في كل ماقاله عبدالرحمن اليوم ..
" يبدو طيبا للغايه .. ويبدو مغرما للغايه ايضا .."

[Star_Girl's]

الجزء الثاني والعشرون
في صباح اليوم التالي لرحلتهم ..

عبدالله : هالثنتين ليما الحين ماقعدوا .. انتوا متى رجعتوا امس ..
عبدالرحمن : هههههههههههه .. يبه شفيك قلتلك ماتأخرنا ..
عبدالله : عيل وينهم .. ابوي تريق وراح .. واحنا صار لنا ساعه قاعدين واهما بعدهم
عبدالرحمن : لا ومايردون على التلفون ولاعلى الباب ..
عبدالله : لايكون طلعوا بروحهم !!
عبدالرحمن : لا شالسالفه مايسوونها .. وحتى لو مو بالغرفه ماراح يطلعون عن الفندق
عبدالله : على قولتك مو معقوله يسوونها .. خل اروح اطق الباب عليهم ..
عبدالرحمن : اقعد اقعد كاهي دانوه أشرتلي ..
عبدالله : طالع .. ما اييون يسلمون ولا يصبحون علينا الخوات .. على طول كل وحده مسكت صحنها وعالاكل ..
عبدالرحمن : ههههههههه اهم شي الاكل .. الحين اييونك .. لاحق على حنتهم ..
عبدالله : شرايك وين نروح اليوم ..؟
عبدالرحمن : تسألني انا شكو .. اسأل البنات

الفتيات على بعد امتار ..


ساره : مو تقولين اننا رحنا المسبح
دانه : شفيهااا .. اللي يسمع يقول قاعدين بالبكيني
ساره : بعد شدراني خاف يعصبون لانا رحنا بدون مانقولهم
دانه : وييييه رحنا نتطمش ونتفرج .. مافيها شي !!
ساره : لاتعاندين ..
دانه : واذا سألونا وين كنتوا
ساره : وليش يسألونا .. ؟؟
دانه : يمكن طقوا باب الغرفه
ساره : اي والله .. شلون طافتني هذي
دانه : نقولهم اننا كنا نتمشى بالفندق
ساره : صج انه عذر فاشل .. بس ماعندنا غيره
دانه : انشالله مايسألونا ..
ساره : انشالله ..
دانه : حطيتي من هذا ؟
ساره : نوو
دانه : حطي منه شكله لزيييزز أوي
ساره : اوكي.. بليز صبيلي عصير انا سابقتج على الطاوله
دانه : انااا بعدني ماخلصت اصلا .. روحي الله يحفظج


ساره : صباح الخير
عبدالله : صباح النور
عبدالرحمن : صباح النور والسرور
ساره : شلونكم .. نمتوا عدل امس
عبدالرحمن : اخوج يشخر ماخلاني انام
ساره : ههههههههه
عبدالله : انا اشخر .. انت اللي تشخر ماخليتني انام
عبدالرحمن : اصلا انا مانمت امس
عبدالله : ليش ؟ من صجك انا اشخر ؟؟ لا انت اللي تشاخر
ساره (توجه حديثها الي عبدالله ) : الظاهر انك تنزعج من شخيرك
عبدالرحمن : هههههههههههههههه .. لاتشك بنفسك والله انت ماتشخر زود بس بصراحه مانمت امس
ساره : ليش عاد ؟؟ امس انا ودندون على طول نمنا جنه طايحين من عماره
عبدالرحمن : يمكن مع تغيير المكان ماقدرت انام
عبدالله : شفتي .. انسان حساس يقولج مع تغيير المكان فرقت عليه النومه مو انتي وبنت عمج
دانه : شفيها بنت عمها ..
عبدالرحمن : الناس يصبحون اول .. يسلمون
دانه : السلام عليكم .. صباح الورد .. زين جذي جنرال حمني؟؟
عبدالرحمن : زين
دانه : ها اتفقتوا مع سايق وسياره
عبدالله : عطاني ابوي رقم واحد يعرفه .. ودقيت عليه قبل شوي
دانه : انزين ؟؟
عبدالله : وبيكون اهني بعد دقايق .. او يمكن موجود وينطر تحت
دانه : اشوى
ساره : وين عصيري ..
دانه : اوووووه نسيت .. قومي يبيليج ويبيلي معاج
ساره (تهم بالنهوض ): لا والله ؟؟ تدرين فيني ما اواطن ولا امشي بقلاصات
دانه : عقد الطفوله هذي من نرتاح منها
عبدالرحمن : خلج قاعده .. عصير برتقال ؟ ولا ؟؟
ساره : اي والله ماعليك امر
عبدالرحمن : وانتي دندون ؟
دانه : اهما عندهم غير البرتقال .. وحامض بعد
عبدالله : زين ليش ماتشربين جاي قهوه .. حليب
دانه : ما اتعاطى هالسوالف
عبدالله : ههههههههههههههه صار فيها تعاطي بعد
دانه : اشرب قهوه بس مو من الصبح عاد
عبدالله : اهي حلاتها الصبح
ساره : دانه تشربها قبل لا تنام
عبدالله : ههههههههههه لا والله
دانه : اي وقت المهم بعد العصر
عبدالله : اووخ من هالحلوه اللي قاعده تكلم عبدالرحمن ..
ساره : وين ؟؟ وين تطالع ؟؟
دانه : ام كشه هذي حلوه .. يــع صج ماكو ذوق
ساره (محتجه ): امبيه شنو هذااا شوي وتطب بحضنه !!!!
دانه : شفتييي .. يمه منهااا
ساره : تلاقينها اهي تحرشت فيه .. تدرين هالبنات لا حيا ولا مستحى
دانه : ايي شافته شباب ومزيون وفيه ملح الخليج كله قالت خل اكووش عليه
ساره : ايي عاد تدرين هذي عند هالاشكال فرصه ماتتطوف
عبدالله : ياشينكم اذا قمتوا تحللون وتفلسفون على غير سنع ..على طول شكيتوا فيها مو يمكن زميلته تدرس معاه .. تعرفه من مكان معين !
دانه : لااا وي اخوي شعرفه بهالاشكال .. بعدين شالدفه اللي يابتها اهني
عبدالله : ردينا على الحكم السريع .. على العموم اذا رجع سألوه وبتشوفون ان كلامكم غلط
ساره : شكله مطول .. بروح اييب لي شي اشربه
دانه : يبيلي معاج
ساره : افكر ..
دانه : يالنحيسه

شعر عبدالله بغرابه الموقف لجلوسه هو وابنه عمه لوحدهما ولو للحظات ..

[Star_Girl's]

هي لم تعط الامر اكبر من حجمه .. بل بامكاننا القول بانها لم تهتم على الاطلاق ..

دانه : لو سمحت الملح
عبدالله : هااه .. اي الملح ,, تفضلي
دانه : دام فضلك ..

رجعت ساره ولون بشرتها كان قد تحول الى الزهري ..

ساره : اففف لما مريت يمهم سكتوو
عبدالله : وانتي رايح بس لقافه تشوفين شسالفتهم
دانه : وانااااا اقول وين راحت عقده الطفوله فجأه .. !! كل هذا من بلاغه الجف !!
( لغير الناطقين باللهجه الكويتيه .. بلاغه الكف = الفضول )
ساره : ايي بشوف شسالفتها هذي
دانه : عاد شنو فشله .. تمرين يمهم ويسكتون ويطالعونج
ساره : اهي ماطالعتني ..
دانه : اشوى ..
ساره : شنو اشوى خايفه منهااا انااا
دانه(ترفسها من تحت الطاوله ) : شفيج بايعتها ..ترى السالفه ماتسوى ,,شوي شوي اعصابج
ساره ( التي ايقنت بانها قد تمادت في تصرفها ) : مو عن شي بس شكلها يستفز ..
دانه : من ناحيه يستفز فـ اهوا يستفز
عبدالله (الذي كان يراقب عبدالرحمن ومحدثته الغريبه ): تبون الصج شكلها مايستفز .. وقفتها اهي اللي مستفزتكم ..
دانه : اشوف غيرت رايك !!
عبدالله : مصختها واهي تتميع .. واخوج مستانس عالوضع الظاهر
دانه : ترى ان ماخلص خلال خمس دقايق .. بنطلع ونخليه
ساره (كالاطفال ): ايي .. احنا مانشتغل عنده عشان ننطره
عبدالله : انتو اكلوا اول .. كل وحده مشتطه على شنو ..
دانه : تأخرنا .. راح علينا الوقت
عبدالله : انتوا اخرتونا ولا احنا جاهزين مبجر .. ماتقولون لي وين كنتوا قبل لا اتييون اهني
ساره : بالغرفه ..
عبدالله : وقبلها .. طقينا عليكم الباب محد يرد
دانه : ايييييه .. احنا قعدنا مبجر عاد تمشينا شوي
عبدالله (بنبره عاليه ): وين تمشيتوا !!
ساره : اهني بالفندق شفيك ..
دانه : ايي مو في مكتبه ومادري شنوو .. عاد قلنا نتفرج مابغينا نقعدكم
عبدالله : ايي اشوى .. مره ثانيه عطونا خبر
ساره : شالسالفه احنا يهال
عبدالله : من ناحيه يهال .. يهال ..
دانه : لااااااااه !!!
عبدالله : نخاف عليكم شفيج .. انتوا بنات توكم .. ماتسوى عليكم لو واحد يخطفكم ولا يذبحكم
دانه : وييي شيكاغو مو القاهره
عبدالرحمن : عصيراتكم يابنات
دانه : زين ذكرت العصير ..
ساره : حسبناك نسيتنا ..
عبدالرحمن : انسى الدنيا كلها ولا انسى خواتي

(قالها لدرء الشكوك من مخيله عبدالله بعد ماصرح به هالليله الماضيه .. ولم يعلم انه بذلك قد زرع شك من نوع اخر في صدر ساره )
عبدالله : منو هذي ؟؟
عبدالرحمن : منو .. اللي كلمتني تو .. هههههههههههههههههههههههه

ساره تكاد تشتعل غضبا من ضحكاته ولكنها تلتزم الصمت

دانه : ماتحجى ؟؟
عبدالرحمن : هذي مندوبه مادري شسالفتها
دانه : صار لك ساعه تسولف معاها ماتدري شسالفتها
عبدالرحمن : شافتنا اربعه بنتين وصبيين قاعدين مع بعض حسبتنا كوبلز متزوجين
ساره (تعمدت اغاظته ) : ويع صج ماعندها سالفه ..

عبدالرحمن الذي اختفت ابتسامته فجأه وسكت عن الكلام ليمعن بالنظر الى وجهها وهي تتجاهله ..

دانه : ايي كمل ..
عبدالرحمن : عاد عرضت علينا رحله للغردقه شاليهين على وقعدت تهذر وحالتها حاله .. اخر شي قلت لها لاء
دانه : هووو جان وافقت
عبدالرحمن : طاع هذي ..حسبالج يعطونا شاليهين عشان سواد عيونج .. نصابين هذول
ساره : بعدين ماعندنا وقت كلها جم يوم وبنرد الكويت انشالله
عبدالله : الله يبشرج بالخير .. عاد ابوي مفكر يمدد قعدتنا عشانج وعشان دانه ..
ساره : لاا من زين هالسفره
عبدالرحمن (تضايق بعض الشيء ) : انا رايح اتمشى .. اذا بغيتوا تطلعون دقوا علي
عبدالله ( محاولا تلطيف الاجواء بعد حماقات شقيقته ): لا تعال احنا الحين بنطلع .. يالله كل وحده تتأكد من حوستها مو اذا طلعنا تقعدون جنطتي سواري .. قذلتي
دانه (الذي بدا عليها الضيق ايضا ) : جاهزين ..
ساره : وين بنروح ؟؟
عبدالله : اذا ركبتي السياره اقولج ..

بعد دقائق ..
ساره : احسن شي انهاا جيب
السائق : ايوه يامدام .. ده احسن حاقه الجيبات
ساره (تهمس لدانه ) : ياغثهم لما يقولون مدام
دانه (ايضا بهمس ) : وياغث غيرهم لما يقولون كلام طالع نازل
ساره : منو غيرهم .. شفيج ؟؟
دانه : مو عارفه شفيني .. بعدين اقولج
ساره : اوكي بعدين بعدين .. براحتج
دانه : عبدالرحمن الله يخليك دق على دلال ..
عبدالرحمن : مو وقته
دانه : الله يخليك .. وقته ولا مووقته .. اختها انا مو احد غريب

[Star_Girl's]

بعد عده محاولات للاتصال بها

عبدالرحمن : هلاااا والله .. عاش من سمع هالصوت .. ولهنا عليه وعلى راعيته
دلال (تكاد ان تبكي ) : هلا فيك ..
عبدالرحمن : ويييييه لا تبجين الله يخليج .. احنا داقين نسأل عنج مو نبجيج
دلال : اذا سمعت حسك ما استحمل .. ولهت عليييكم والله .. شلووووننكم
عبدالرحمن : كلنا بخير ونسلم عليج .. انتي شلونج .. شمسويه
دلال : الحمدالله بخير ..
عبدالرحمن : اقول دلول .. بسألج عن شغله
دلال : هلا .. تفضل
عبدالرحمن : شلون الزواج حلو ولا مو حلو ..
دلال (متهربه من الاجابه المباشره ): حدي مستانسه ومرتاحه لاتحاتوني
عبدالرحمن : يعني مانتصل ابد
دلال : امبلااااااا .. لازم تتصلون ..
عبدالرحمن : زين تنصحيني اتزوج .. ولا اقعد عزابي مثل باقي افراد العايله احسن
دلال : لااااا تراني برد الكويت اخطبلك انت وعزيز سواا
عبدالرحمن : لا لا لا يامعوده انا اتغشمر .. زوجي عزوز انا مالي شغل توني طفل بريء
دلال : ههههههههههههههه .. علينااا يالطفل البريء .. ماتذكر ايام الحنه تبي بعض الناس !؟
عبدالرحمن : اي اي .. اقول هذي دندون تبيج ذبحتني
دانه : الوووووووو الوووووووووووووووووووووو
عبدالرحمن : شوي شوي لا يخترع التلفون
دانه : صوتها بعيد .. !!
عبدالرحمن : لا مو بعيد .. بس انتي مسكيه عدل
دلال : هلا دانيي
دانه : السلااام عليكم
دلال : وعليكم السلام .. شلوووونج ولهاااانه عليج
دانه : انا بخيررر .. تدري انا وين الحين
دلال : وين .. ببيت عمي ؟
دانه : لاااااا احنا مسافرين مع ساره وعبدالله مصر
دلال : بروحكم .. !!
دانه : مع عمي .. بس احنا نطلع بروحنا
دلال : لا هذي خيااااانه عظمى .. شلون تسافرون وتخلوني
دانه : هوو انتي سافرتي مع ريلج وخليتني وعليه اجابل الطوف
دلال : هههههههههههههه مالي شغل تعوضونها لي
دانه : انشاااااالله تامرين امر بس انتي ردي بالسلامه وبعدين نتفاهم
دلال : اييي وشلون الجوو بمصر ..
دانه (ترمز لشيء اخر ): بارد والله .. يرفع الضغط
دلال : لا والله !! هالوقت برد بمصر
دانه : اييي اففف امس كان الجو زين ووناسه .. اليوم مادري شفيه برد فجأه
الظاهر اني مريضه
دلال : من صجج لهدرجه الاوضاع مزريه
دانه : اي والله شكلى ماراح اتهنى
دلال : ويييي مو خوش خبر
دانه : شتبييين من مصر .. ؟؟
دلال : وناستج ووناسه حمني
دانه : اقول هذي ساره ودها تحاجيج
ساره : هلا دلول .. شلونج
دلال : هلاوين .. تمام انتي شخبارج

تجاذبتا اطراف الحديث لأقل من دقيقه ثم انهت المكالمه ..

عبدالله : ها ترى صار لنا ساعه نفتر مو عارفين وين نروح . . حددوا وجهتكم
ساره : خنروح الاهرام ..
عبدالله : حلفي .. ؟؟
ساره : اي والله من صجي يبت حتى الكاميرا معاي ..
عبدالله : خليها باجر ..
ساره : عيل وين نروح
عبدالله (موجها حديثه الى دانه وعبدالرحمن ) : شرايكم
دانه : كيفكم
عبدالرحمن : انا اقول الاسطه طارق يسويلنا برنامج سياحي ويضبطنا
عبدالله : إي والله هو ابخص بديرته ولا شرايك ياطارق
السائق طارق + الدليل السياحي الجديد : اللي تؤمر فيه يابيه ..
عبدالله : قولنا عن الاماكن اليديده الحلوه اللي عندكم
طارق: فيه اسواق ومولات جديده اكيد حتعجب المدامات ..
ساره : لا ويع مانبي سوق
دانه : اي والله ..
عبدالله : مايبون سوق .. عطنا مكان ثاني
طارق: في مدينه العاب جنان ..
دانه : الله يهداك شايفنا كل واحد شطوله تقول مدينه العاب
طارق: لا مؤخذاه يامدام اصلها العاب للكبار مش للاطفال
ساره : والله فكره ..
طارق (يفتي بارائه ): بس الوقت مش مناسب للعب دلؤقتي .. تروحوا بالليل احسن ..
عبدالله : خلاص خلونا نروح الحين سوق .. يمكن يعجبكم شي وبعدين اشتروا الصوغات من الحين
ساره : الله يعافيك عبدالله خل السوق بعدين
طارق : طاب اوديكو خان الخليلي .. اهوا فيه حاقات تراثيه حلوه
دانه : ماعندكم متاحف فرعونيه اثار .. ؟؟ ماسك علينا اسواق وبس
طارق: امال .. دحنا اهل الاثار بس دلؤقتي بيقى عليها زحمه عشان السواح الاجانب حخدوكوا بكره
ساره : شرايكم نروح خان الخليلي ..
دانه : اوكي ..ماعندي مانع


بالفعل توجهه بهم الى ذاك الخان المزعوم المعزوم ...
ساره : ودي اشتري كل هالسوالف ..
دانه : بشتري حق دلول .. اهي تحب هالشغلات
ساره : حتى بشتري لها ولرفيجاتي
عبدالرحمن : اقوول انا وعبدالله بالمحل اللي يمكم ..
دانه : اوكي



بعد مايقارب الساعتين والنصف .. كان التعب قد فاق متعتهم ..
فقرروا التوجه الي اى مطعم لتناول طعام الغداء
وبعد 40 دقيقه من التشاورات حول نوع المطعم الذي يفضلونه ..
قرروا الذهاب لمطعم يمتاز بالاكلات البحريه اللذيذه .. كان
قد نصحهم به دليلهم السياحي الجديد !!
خلال نزولهم من السياره للمطعم ..

[Star_Girl's]

دانه : والله ظلم .. الحين لا انا ولا ساره نحب السمج وهالسوالف
عبدالله : مو توكم موافقين !! .. والله احترت فيكم
ساره : اكيد عندهم شي غير السمج لا تخافين
دانه : شنو يعني روبيان
عبدالرحمن : دندون لا تحاتين اذا ماعجبج شي من اكلهم اوديج مكان ثاني ولايهمج
دانه : وه عسى الله يخليك لي .. لي بروحي
عبدالرحمن : امين
عبدالله : وين بتقعدون ..
ساره : جهه اللي مايدخنون طبعا
عبدالله : لا والله انا بدخن دام ابوي مو موجود ..
عبدالرحمن : وانا بعد
دانه : خلاص سمج وزقاير .. خربانه خربانه
ساره : عبدالرحمن تدخن !!
عبدالرحمن : ايه ..
ساره : تصدق .. توني ادري
دانه : في اشياء وايد ماتدرين عنها

بعد ان جلسوا ..

عبدالرحمن : وين طارق..
عبدالله : بالسياره ..
عبدالرحمن :انا بروح قوله ايي يتغدا .. من الصبح معانا وبيكمل لليل
عبدالله : لا تخاف يدبر عمره .. وبعدين وين بيقعد .. معانا !!
عبدالرحمن : لا بذمتنا الريال .. واذا على المكان .. اكيد ماراح يقعد معانا .. بيقعد على اي طاوله ثانيه
ساره تشير لنفسها بمعلومه اخرى
" والله انسان عطوف .. هذا شي يديد اكتشفه فيه "

جاء السائق وسلم عليهم .. ثم اتخذ طاوله اخرى على مقربه منهم
تناولوا طعام الغداء .. لم يكن هذا اليوم مهما كالبارحه ..
فقد خلى المكان من اي كلمات او حتى نظرات .. !!
لم يذهبوا الي مدينه الالعاب كما زعموا صباح اليوم ..
قرروا تأجيلها الي الغد والذهاب الي احد الاسواق المكيفه ..
بطبيعه الحال لم يكن هناك الكثير من الفرص ليتلاقى كل من بطلي ..
وبطلتي التي باتت تتسم بـ بعض الرعونه في كلامها !
فقد قضت الفتيات اليوم في التسكع في ذاك المجمع الكبير ..وقامت كلتاهما بشراء الكثير من الحاجيات بغرض الاستمتاع فقط
وكذلك عبدالرحمن وعبدالله كانوا هناك ايضا .. لكنهم فضلوا الجلوس في احد المقاهي التي تفيض بالشباب على التجول في ارجاء السوق ..
كانوا متخمين للغايه .. لذلك لم يتناولوا طعام العشاء في تلك الليله
حين رجعوا للفندق .. كانت الساعه تقارب العاشره ..
مازال الوقت مبكرا على النوم لبعضهم .. لا لا ليس بعضهم .. بل كلهم

في غرفه الفتيات .. استلقت كل وحده منهن على سريرها .. بدأت ساره في تغيير المحطات استمرت على هذا الحال لنحو خمس دقائق
واستقرت اخيرا على فيلم بوليسي .. جمال بطله يفوق موهبته بكثير .. !!
تابعت الفتيات الفيلم بهدوء .. دون ان تحدث احداهما الاخرى ..
حين ظهرت كلمتي the end التفت دانه نحو ساره وقالت بلا مقدمات

دانه : ماتوقعت انج تكونين بهالقسوه
ساره : نعم !!
دانه : ولا توقعت انج تقدرين تجرحين احد كل هالتجريح
ساره : شسويت ..
دانه : انتي عارفه شقلتي وشسويتي
ساره (ببلاهه واضحه ): امممممم فهمتج اكيد بتقولين لي صادوه ويطلع مقلب عشان تخرعيني
دانه (تستهزيء بها وبـ ببلاهتها ): لااا ما روح اقول مقلب ولا راح اقول صادووه
ساره : تتكلمين من صجج .. شفيج ؟؟ متى جرحت ومتى قسيت مادري شنو !!
دانه : ماسرع مانسيتي
ساره : زين ذكريني !! خليني افهم انتي شتقصدين على الاقل
دانه : اقصد اليوم الصبح .. لما كان عبدالرحمن يتكلم عن سالفه الحرمه اللي حسبتنا كلنا كوبلز و متزوجين والضحكه شاقه ويهه .. وانتي تقاطعينه وتقولين ويع .. !
ساره : شفيها اذا قلت ويع .. جرحت شعوره يعني ..
دانه (مستنفره للدفاع عن اخيها ) : اي جرحتي شعوره .. تدرين شكثر اهو حساس !!
ساره : اساسا انا ماقصدت شي .. وبعدين يعني اهو ماجرح شعوري يوم وقف يهذر مع هالشمحوطه !
دانه : اي شعور .. عندج مشاعر ناحيته وتقولين يع ؟؟!!
ساره : انقهرت وقلتها عفوي .. حسيت جني مقصه حزتها
دانه : وبعدين عبدالرحمن شدراه انج مهتمه فيه .. عشان يراعي مشاعرج !! وحتى لو كان يدري ترى ما اجرم .. اهى اللي كلمته مو اهوا اللي تحرش فيها
ساره : اووووه كنت متنرفزه وخلاص .. لا تحاسبيني على كل كلمه عاد
دانه : تقطين كلام يمين ويسار وماتبين احد يقولج ثمني كلامج
ساره : ياكلمه ردي مكانج .. انا اسفه زين جذي .. ماصارت ترى طلعتي "ويع" من خشمي .. خلاص ما اعيدها
دانه : اهي بس على ويع
ساره : ليش بعد .. امبييييييه لا يكون زعلانه لاني قلت ان السفره مو وناسه
دانه : هذا انتي اسم الله عليج عارفه شتقولين يعني !!!! اي زعلانه
ساره : واااااااي دندون لا تصيرين حساسه .. انتي تدرين اني حيل فرحانه خصوصا لانج معاي
دانه : انا ادري .. لكن اهوا شدراااه !!
ساره : اففففف عاد لاتقعدين تسوين لي جذي
دانه : اففف منج .. مت وانا اقولج اخوووي حسااااس .. حسااااااااااس ,, خصوصا من ناحيتج .. يعني حسبي للكلمه الف حساب قبل لاتقطينها بويهه
ساره : شلون يعني انكتم ما اتكلم
دانه : ماقلت جذي .. بالعكس سولفي معاااه نفس اول يوم شحلاتكم .. لكن مو تقلبين عليه فجأه ويع والسفره خايسه وتخربطين
ساره : زين الكلام مو موجهه له .. شكو يزعل
دانه : اراهنج رهن انه ضايق خلقه الحين
ساره : زين شمعنى من الكلام اللي اقوله انا بالذات
دانه : تستعبطين انتي .. مو قلت لج ميه مره يحبج من وعى على الدنيا ..
اااه منكم ياعيال عمي بتقضون علينا واحد واحد
ساره : عيال عمج الباقين شكو !!
دانه : ولا شي ولااااااااشي

غطت دانه رأسها بلحاف السرير .. فانهت الحوار من جهتها بكل بساطه ..
و بدأ قلبها ينبض بعنف ..
" ربما انا من يتوجب عليه ان يراقب كلماته قبل ان تخرج من هذا الفم اللعين من الان وصاعدا "


الاخرى تغطت جيدا ولم تبدي استغرابا يذكر لما قالته ابنه عمها للتو.. بل كانت تفكر في كيفيه مصالحه عبدالرحمن بصوره غير مباشره .. " نعم .. يجب ان اعترف كنت قاسيه اليوم .. ماكان علي ان اقول هذه الكلمات لاستفزه فقط .. !! التزام الصمت هو افضل ما يمكنني فعله , فالسكوت يحميني من لساني السليط الغبي دائما .. لابد من طريقه لارضائه حتى تعود الامور لسابق عهدها .. اريد ان اكسب حبه وابتسامته لا حزنه وبغضه .. اريد حبه لي ان يغمرني ويغمره ! "

~~~~~~~~

[Star_Girl's]

في صباح اليوم التالي ..

كانت ساره قد عقدت العزم بان تصلح ماأفسده لسانها ..
فأيقظت دانه باكرا لتصحبها لتناول طعام الافطار .. وللتكمن من رؤيه عبدالرحمن ايضا

ساره : صباح الخير
عبدالرحمن : صباح النور
ساره : شلونك ؟
عبدالرحمن (رافعا حاجبيه باستنكار ) : .. بخير !! انتو شلونكم ؟
دانه : والله انا فيني النوم
ساره : تمام .. وين عبدالله ماقعد
عبدالرحمن : امبلى قاعد مبجر بس يقول عنده شغل مع الاسطه طارق
دانه : ويي عسى مايتأخر
عبدالرحمن : الحين انتي شمستعيله عليه ..
ساره : نخاف يروح علينا اليوم ..
عبدالرحمن : تريقوا الحين وبعدين يصير خير .. كله متأخرين ومستعيليين على شنو مادري

كان عبدالله قد وصل حاملا كيس يبدو ملفتا بالوانه فور انتهائهم ..

عبدالله : السلام عليكم
دانه : وعليكم ..
ساره : واااو هالجيس .. الوانه قوس قزح
عبدالرحمن : اكيد ياييبلي هديه
ساره : عاش واثق
عبدالله : هههههههههههههه .. ياييب لكم كلكم ولي بعد
ساره : شنووو
عبدالله (الذي افرغ مافي الكيس ) : شرايكم ..
ساره : هدووم !!
عبدالله : شريت اربع بلوزات نفس الشي .. كل واحد فينا له وحده
دانه : منين عرفت قياستنا عاد
عبدالله : خمنت .. اما يضبط ولا الله يستر
ساره : انا ودندون نفس القياس
عبدالله : عاد انا شدراني شنو قياسج اصلا ..
دانه : لا انا اصغر
ساره : بالعكس انا قياسي اصغر
دانه ( متذاكيه ): ترى انا قاعده اتكلم عن الهدوم مو الجواتي
ساره : حتى انا !!
عبدالله : ها شكلكم مخلصين
ساره : اي الحمدالله .. باقي انت
عبدالله : لا انا سابقكم .. هاج بلوزتج .. وانتي هاج بعد
ساره : شنسوي فيهم
عبدالرحمن : تلبسونهم بعد شنو
دانه : الحين !!!
عبدالله : لا باجر .. انتوا مو بتروحون الالعاب اليوم .. خلونا كلنا طقه وحده .. بلوزه وجينز
دانه : والله وناسه ..
ساره (مازحه) : هذي عشان مانضيع ولا شنو !!!
عبدالرحمن : هههههههههه .. اي عشان ماتضيعين
دانه : يالله قوومييي .. عساج يايبه بنطلون جينز بس
ساره : اثنيييين .. تبين واحد ؟ ولا ادري صغير عليج
دانه : يملحج اذا قمتي تجذبين
عبدالله : لا تنسون الكاميرا
دانه : جاهزه لا تخاف
عبدالرحمن : شرايكم ناخذ كاميرا الفيديو بعد ولا مايحتاج
عبدالله : عندك كاميرا فيديو ..
عبدالرحمن : اي ماتشوفها مرتزه يم راسك
عبدالله : تصدق ماحسيت .. هذا وقتها .. شلون ماناخذها


غيروا ملابسهم على عجل وتوجه بهم طارق الي مدينه الالعاب ..

لا داعي لان اقول .. كم كان ذاك اليوم ممتعا بالنسبه لهم ..
قضوا الساعات في الصراخ كالاطفال ..
لا لا .. كانوا اطفالاً
استعادوا ذكرياتهم .. لعبهم .. حتى قصصهم الخياليه المخيفه ..
كانوا يعيدون سردها لبعضهم .. ويسخرون من برائتهم المفقوده
في ذاك النهار .. لعبوا حتى الثماله
ادمنوا لعبه سيارات التصادم .. قضوا معظم الوقت فيها
يبدو ان الجميع يعشق هذه اللعبه .. سواي !
ضحكاتهم جذبت كل الانظار .. لكنهم لم يهتموا
ارادوا ان يكرروا عهدا قد مضى من سنين ..
رغبوا بشده باعاده ذلك اليوم الجميل .. لكنه كان قد انتهى
للاسف .. انتهى


دانه : واااي صار لي سنين ماضحكت هالكثررر
ساره : اصلااا ولا مره ضحكت هالكثر .. صارت فيني هستريا
عبدالله : ههههههههههههههههههه ولا بسيارات التصادم .. دانه تدعم فيج وانتي ميته ضحك
ساره : واي ذكرتني ايدي للحين تعورني
دانه : عسى مو عوار جايد
ساره : لاااا عادي ..
دانه : جم ساعه قعدنا هناك .. من 11 لي 7
ساره : امبيه .. 8 ساعااااات لعب ولاااا عمرهاا صارت !!
عبدالله : المهم استانستوا
عبدالرحمن : لا مو كلها لعب ..
دانه : كلها ضحك
ساره : لا صج .. ترى على الاكل قعدنا ساعتين ..
عبدالرحمن :والسوالف بالقطار
عبدالله : امااا هالسوالف .. كان المفروض نسجلها
دانه : لا توصي حريص .. الكاميرا كانت شغاله
عبدالله : عليج الله !! ماحسينا
دانه : من كثر الضحك اسم الله عليكم ماتدرون عن الدنيا ..
طارق : دنتوا اتبسطتوا اوي .. ادعولي بئاا
دانه : اذكر الله .. بعدين شنو ندعيلك .. مودينا الحرم انت !

ضحك الجميع من ضمنهم السائق .. ماعدا دانه
التي برعت على الدوم في اطلاق الدعابات وحبس الضحكات ..

كان التناغم قاد عاد بين الاربعه ..

[Star_Girl's]

رغم ماحصل امس من سخافات .. الا ان قضائهم تلك الساعات المرحه
قد محى اى غصه تكونت في الماضى
لا تغضبوا مني .. قررت ان انهي الرحله ..

اسبوع مضى .. كانت الالفه خلاله بين الاربعه واضحا ..
على الاخص روميو وجولييت كما اطلقتم عليهم ..
عبدالله كان على علم بالامر .. نعم كان متخوفا بعض الشيء مما سيحصل حين عودتهم
لكنه كان واثقا اشد الثقه بان شقيقته ستكون بأمان هذه المره
ربما تظنونه يستبق الامور .. محق هو !
قد قُدرا لبعضهما منذ البدايه .. ولاشيء سيمنعهما من ان يكونا معاً
فقد اختارا ان يكونا معا ..

اقرأتم ماكتبته للتو جيدا .. اخـــــيــــــرا وبعد طول عناء وانتظار ..
افصح عن رغبته للجميع بالاقتران بها ..
كما كان سعيد حين وافقت .. لا يمكنني وصف سعادتهما ائنذاك
اتعرفون ذاك الشعور العارم الذي يجتاج جسد الانسان كله
ويجعله على وشك الاقلاع .. !!
هل انتم على علم بذك الاحساس الممتع الذي يشعل في النفس رغبه البكاء من هول سرورها !!

كانوا كذلك .. واكثر ..

لم يكن هناك اي شيء معلن .. فقط امر يتادول بين العائلتين
فقد ارتأو تأجيل الزواج لبضعه اشهر .. لحين تكون فيه الاوضاع اكثر هدوء !
لم افهم مانوع الهدوء الذي ينتظرونه ؟!


الردود على خبر اليوم

ابوعبدالعزيز
" الله يهنيكم ويوفقكم ويتمم عليكم .. بس لايكون متزوجها شفقه ياوليدي .. ترى عمر الشفقه ماتدوم "

ام عبدالعزيز
" ماتزوجتها وهي بنت تتزوجها بعد ماصارت مطلقه .. شنقول النصيب !! مبروك .. دامك مستانس انا مستانسه " .. تقولها بغضب وتتحدث عن الفرح !!

دلال
" لااااااااااا ماصدق .. خياااااانه .. وااااااااي احلى خيانه
مبروووووك الف الف مبروووك .. استانست بهالخبر اكثر من خبر زواجي انااا "

دانه
" مااااابغيتوا .. عسى ما انجلط قبل ما اشوفكم بالكوشه بس .. ياليتنااا مزوجينكم بمصر ومخلينكم هناك "

عبدالعزيز
" الفف الفف مبروك .. منك المال ومنها العيال .. الله يانك فتحت علينااا ابواب .. شيفكني من امي الحين "

عبدالله
" مبرووك .. "

سعود
" لا تتسرعين بقراراتج .. على العموم .. الف مبروك .. سعادتج غايتنا .. هههههه جنى قاعد اقول دعايه بنك صح ؟ "

عبدالله
" الف مبروك يابنيتي .. عاد هذا عبدالرحمن .. ما اوصيه عليج .. اوصيج انتي عليه "

اما راعيا الحفل .. اقصد الخبر

ساره
لاتجيب الا بخدود طغى عليها الاحمرار .. او بابتسامه جَملها الخجل


عبدالرحمن
غير عابئي الا بسعادتها وسعادته .. وليسقط المعارضون !

[Star_Girl's]

الجزء الثالث والعشرون
لابد ان البعض يتسأل الان ..
من اين امتلك كل هذه الشجاعه ليتقدم ويخطبها .. ؟
هل كان متأكدا من موافقتها ؟
كيف وافقت ببساطه .. ؟

لم يكن في نيتي ان اجيب على هذه التساؤلات .. لكن بعد ماقرأته من ردودكم
بات علي ان اتدارك الامر .. وافسر قليلا مالذي حصل ..
اعتقد بأن اخطئت حين اعلمتكم بعودتهم دون ان اخبركم ما الذي جرى هناك ..

لن احاول العوم في التفاصيل .. سأجعل أخباري القديمه على شكل نقاط ..
من باب التغيير وكسر الروتين .. !

- حماقات الاثنان وتفوهما بكل ماهو غير مناسب في الوقت المناسب ..
- الحورات الجانبيه كانت قد زادت عن الحد بين روميو وجولييت .. حتى بعد رجوعهم !
- افصاح دانه لاخيها عن استلطاف ساره له بصوره غير مباشره ..
- وضوح اعجاب احداهما بالاخر وارائه على الرغم من اختلاف وجهات نظرهم !!
- تلميحات موجهه من عبدالرحمن الي ساره .. عن طريق دانه ..
- ردود الفعل على كل التلميحات :
كانت مرضيه .. لكل الاطراف
- كان لابد من عبدالرحمن ان يخطو الخطوه الصحيحه بعد ان تأكد من عدم ممانعتها للارتباط مره اخرى .. به تحديدا
- بعد قراءه كل ماسبق .. اتمنى ان تكون بعض علامات الاستفهام قد محيت من اذهانكم

~~~~~~~~

اصبحتم تعلمون كم تمر الاشهر سريعه في هذه القصه .. واظنكم قد تعودتم على ذلك

عادت دلال .. تحمل طفل في احشائها
خبر مفرح .. اليس كذلك ؟
تعمدت الاكثار من الاخبار الفرحه هذا الاسبوع .. فهي تبعث الراحه في النفوس .. وان كانت لا تخصنا
حسناً .. لن اثرثر كثيرا عن السرور ..
سأكتفي باكمال قصتي ..

كان عقد قرانهم قبل يومين ..
اعلم انكم تودون ان اتحدث عن ذلك الحدث قليلا ..
لابأس .. اريد انا اشبع فضولي انا ايضا ..

اود ان انوه في البدايه انهم اقاموا حفلين
احداهما يخص الرجال .. من المهنيئن وما الى هنالك كان في يوم عقد القران الاربعاء
والاخر يخص المقربين فقط لاخذ بعض الصور
والاحتفاظ بذكريات جميله وكان ذلك في يوم الخميس
كان حفلا في غايه البساطه .. وغايه الرقيّ
اقتصر على العائلتين فقط (ومصورتين !)..
بناء على رغبه ساره وموافقه زوجها
لم ار سعاده وخجلا مجتمعان بهذا القدر في حياتي ..
و كان يوما رائعا للجميع .. حتى للأقليه من المعارضين ..
اختارت فستانها من اللون القرنفلي الفاتح .. بدت رائعه فيه
لا داعي للخوض اكثر في امور تسريحتها وشعرها وزينتها ..
انتم تعلمون ان جميع بطلات القصص فاتنات بطريقه او باخرى ..
هي جميله بطبيعتها .. ولكنها بدت ساحره فوق العاده في تلك الليله ..
مبهور هو بها .. ليس من الضروره ان اتكلم عن شكله
وسامته وطيبته امران لايخفيان عنكم
تعرفون التفاصيل التي تحدث عادة .. لا حاجه لان اسردها
لكني سأفعل كعادتي ..

[Star_Girl's]

نزلت من على ذاك الدرج الرخامي .. تُصور بكاميرا الفيديو
والاخرى تلتقط لها صور فوتوغرافيه ..
كانت ترجف بصوره غريبه.. لم اعلم كيف تمكنت من حمل باقه الزهور والنزول من على ذاك السلم الطويل بهدوء ولوحدها !!
رغم كل خجلها وارتباكها .. الا انها تماسكت حتى وصلت اليه .. فاخذها الى المكان الذي من المفترض ان يجلسا فيه
ربما تبدو الطريقه مألوفه لبعضكم .. ولكنها جديده بالنسبه لي
مسك يدها بقوه بينما كانا يمشيان وتلتقط لهم الصور ..
اظنه كان يريدها انه تعلم بانه الى جانبها .. فلا داعي للخوف ابتداء من هذه اللحظه
جلسا .. فاصطف افراد العائلتين يريدون مباركه زواجهم
يوصونهم على بعض !
وكانهم بحاجه لمثل هذه التوصيات .. !!!
دانه .. كادت ان تفسد الحفل بدموعها .. اظنها كانت ترتعش اكثر من العروس نفسها في تلك الليله.. احتضنت شقيقها فبدأت بالبكاء .. كانها فقدته للابد !
هدأت قليلا .. فتركته ..
ثم ضمت ساره .. واخذتا الاثنتان بافتتاح سيل آخر من الدموع .. لم يتمكن احد من انهائه سوى دلال .. التي ابعدتها عن العروس
وضمتها هي الاخرى واخذت تهديء من روعها !!
اخيرا سكتت وسط اندهاش عبدالعزيز .. وعبدالله وسعود الذي علق قائلا " من وين تطلع كل هالدموع ؟؟ .. اشوى اني مو بنت "
فانقلب البكاء ضحكا .. حين انتهت دانه من جولتي الدموع والضحك ..
التفتت على دلال .. وتسألت " اخترب مكياجي ؟؟ "
نعم بعد كل هذه الدموع ..كان من طبيعي ان تتضرر زينتها
اجابتها دلال "اي .. عفستي ويهج عفس "
دانه " احسن المكياج ماكان عاجبني اصلا .."
طفله هي بعفويتها وبرائتها ..
كانت قد خسرت بضع باوندات .. ارتدت فستانا اسودا .. لونها المفضل !
بدت كالملكه فيه .. اثارت انتباه عبدالله وسعود .. بالاخص سعود
كانت دائما مجرد طفله مغروره بالنسبه له ..
لم يعلم ان هذا القدر من الجمال يكمن في تلك المشاكسه ..
كفانا حديثاً عنها .. لنتكلم عن الاخرين قليلا
بطبيعه الحال ..الشقيقان كانا مسروران وهما يراقبان شقيقتهما المدلـله غارقه في هذا الكم من السعاده والحب !
اما دلال .. كانت قد اكتبست ماخسرته دانه من وزن ..
لم يؤثر ذلك على جمالها على الاطلاق .. هي تبدو الان اروع ..
بكت قليلا .. ولكن بعيد عن الانظار .. لم ترد ان تجعل من هذا الحفل مرتعا لدموع الفرح !!
ابوعبدالله وابوعبدالعزيز .. جلسا قرب بعضهما .. فرحان بشده بتوطد العلاقات اكثر واكثر
ام عبدالعزيز .. سعيده .. ولكن بطريقتها الخاصه
عبدالعزيز .. ابتسامته لم تفارق وجهه منذ اسبوع .. كان فرحا للغايه بتحقق حلم اخيه
كأن حلمه هو قد تحقق !!

بعد التهاني والتبريكات ..

كان قد حان موعد لبس الدبل .. !
سامحوني .. لاعرف ماذا يطلق عليها بالفصحى .. ولا املك الوقت لابحث عن تلك التسميات سواء في عقلي او في أي مكان آخر ..
لبسها خاتم والبسته خاتمه .. وساعدته دلال في تلك الامور الاخرى
لم يرغب هو بان يفعل كل ذلك ..
لكنها اصرت رغم خجلها .. وخضع مبتسما لاي امر من شأنه ان يزيدها سعاده ..


مواقف ,,


العصير .. !! وما ادراكم ما مشكله العصير ..
ضحكات تخللت شرب كلاهما عصيره من يد الآخر ..
فكاد العاشق روميو ان يسكب العصير على فستان جولييت العزيزه
لكن الامور مرت بسلام حمداً لله ..

لحظه تقطيع كعكه الزواج ..
كانت عاليه بعض الشي .. وضخمه جدا ..
وضع يده على يدها .. وقطعوا الكيكه كعادة كل الازواج الجدد ..
لكن الامر الطريف .. ان دلال كانت قد وضعت لهم قطعه كبيره لتعطمه ويطعمها دون شوك !!
نست شوكه الطعام !
لم يرتبك عبدالرحمن على الاطلاق .. فاخذ تلك القطعه بيديه واقحم ربعها في فم ساره .. التي صارت تضحك بخجل على رد فعله .. اكلت ما دخل فمها واخذت نفس القطعه من يده واطعمته بعضها ..

كان موقفا محرجا وطريفا .. في آن واحد

غريبة .. هي الامور التي تحدث في بعض الحفلات.. دائما محرجه ومضحكه رغم تفاهة معظمها .. ذلك له علاقه باهميه الحدث .. الا تظنون ؟


مللت الحديث عن التفاصيل ..

[Star_Girl's]

سأنهي الحفل .. !
<< (ديكتاتوريه)

ها هم يودعون العروسين ويلتقطون لهم الصور حتى في السياره ..
لا لان يسافرا .. ولن يذهبا الى منزلهما الجديد .. فلم يكتمل اثاثه بعد
الذي هو بالمناسبه هديه مشتركه من والديهما .. !
ذهبا ليكملا ماتبقى من امسيتهما في مكان آخر ..

توجها لاحد المطاعم المشهوره بهدوئها ورقيها ايضا ..
ساد الصمت طوال الطريق .. تعمد السكوت لانها ارادته ان يتحدث .. لكنها بالطبع لم تطلب ذلك علنا !
حين جلسا اخيرا افصح عن ما اراد قوله منذ البدايه ..

عبدالرحمن : صـايره حلوه اليوم
ساره (لم تعرف بماذا تجيب ): شكرا .. !
عبدالرحمن (يتدارك كلماته) : انتي طول عمرج حلوه .. بس اليوم غير
ساره (لا تجيب سوى بابتسامه وخجل): .......

رغم انهما قريبان من بعض .. ورغم كل الامور التي حدثت بينهم
الا ان خجلها منعها من تتحدث معه بحريه او ان تنظر مباشره الى عينيه

عبدالرحمن : حلو المكان .. مرتاحه ولا نغير
ساره : لازين .. مافيه شي
عبدالرحمن : طيب ماودج تشوفين المنيو .. مايعتي
ساره : كافي الكيكه شكبرها اللي دخلتها بحلجي
عبدالرحمن : هههههههههههههههههههههههههههه .. حتى انتي ماقصرتي دخلتي باقيها بحلجي
ساره (مبرره ): ترى ماقصدت شي لما سويت جذي .. ماكنت انتقم
عبدالرحمن : ادري ..!

قضيا معظم الوقت يتحدثان عن كـل الاشياء الغير مهمه !
لاشيء يستحق الذكر.. انواع الاكل .. المطاعم التي يفضلونها ..
نكت كان قد ذاكرها عبدالرحمن جيدا .. ليضحك سنها فيتلاشى ارتباكها تدريجيا ..
في نهايه ذاك العشاء الرومانسي كان قد نجح بجعلها تحدثه وتنظر اليه في نفس الوقت ..

اتعلمون اي سكنا .. ؟
مكثا في فندق بينما يجهزان منزلهما برويه .. لم يطل ذلك الامر
فقط اسبوعين .. هم الان في منزلهما الجديد
جميل هذا المنزل .. ليس لانه كبير او لان اثاثه جديد
لا لا .. بل لانه منزلهما .. اختارا كل قطعه فيه معا ..
ولانه احد الاشياء التي تجمعها ببعض..

بعد اسابيع من استقرارهما في المنزل ..
كانا في المطبخ .. هو بهدوء يراقب ماتفعله .. ويلاحقها بنظراته
بينما هي تسأله ..
ساره : تحب البطاط المشوي
عبدالرحمن : ايه
ساره : طيب تبي ستيك ولا كباب معاه
عبدالرحمن : كيفج
ساره : ممم انا مشتهيه ستيك ..تبي معاه صوص ولا اخليه ناشف
عبدالرحمن : كيفج !!
ساره : هو كل شي كيفي .. !
عبدالرحمن : توني ادري انج تعرفين تسوين كل هالسوالف
وتطبخين وحركات ..
ساره : ويييييه الله يخليك اللي يسمعك يقول قوزي .. الستيك موجود بالفريز بس اخليه يفج شوي واحطه بالفرن مع الصوص
والبطاط الفه بقصدير واحطه بالفرن وانتهى الموضوع !!
عبدالرحمن : مممم .. المهم انه انتي مسويته
ساره : تدري اكثر شي بيتعبني السلطه ..
عبدالرحمن : السلطه !
ساره : ههههههههههه اي والله .. ممم تبي سلطه الذره ولا الجبن ولا البطاط ولا تقول كيفج
عبدالرحمن : ممم ذره .. مشتهي ذره
ساره : غااالي والطلب رخيص ..

وبادرت باخراج الذره من الثلاجه واضافت بعض الخضروات لها .. ثم اعداد صلصه خاصه

عبدالرحمن : هذي نفس سلطه دانوه
ساره : انا معلمتهااا هالطريقه
عبدالرحمن :صج والله .. عاد لو تدرين شكثر احبها
ساره : اكيد لانها سلطتي
عبدالرحمن : كل مايفعله المليح .. مليح
ساره : صح لساااانك


هكذا كان كلامهم .. بسيط لابعد الحدود ..
تتخلله عبارات الود .. التي امتزجت بحب يودي بهما الى سماء من البهجه

بعد ان انتهت من اعداد السلطه .. ووضع الطعام في الفرن

ساره :نقعد اهني نسولف ولا تبي نطالع التلفزيون ..
عبدالرحمن : ماتخافين على الاكل يحترق
ساره : نوو ..
عبدالرحمن : اوكي يله للصاله ..

للمره الاولى .. منذ ان تزوجا يتحدثان عن امور جديه ..

[Star_Girl's]

عبدالرحمن : يعني ولا مره كلمتيني عن زواجج الاول ؟
ساره (بتحفظ): ماكو شي ينقال ..
عبدالرحمن (ابتسم): حياتي .. ترى ماراح امسك عليج حبل المشنقه ..
ساره : ادري ..
عبدالرحمن : اعتبريني صديق .. على العموم انا ما اجبرج على شي .. متى ما ارتحتي لي وحبيتي تقولين لي اي شي .. قوليه
ساره : لاتفهمني غلط .. والله اني مرتاحه معاك واااايد .. وعارفه انك حنون وطيب .. بس مابي اسبب اي احراجات
عبدالرحمن (مقاطعا ) : براحتج سارون
ساره : لا خلاص بتكلم ..
عبدالرحمن : لاتجبرين نفسج ..
ساره : لا .. انت تستاهل اني اكون صريحه معاك واجاوبك
عبدالرحمن (سر بسماع هذه المدح وابتسم ) : ...
ساره : .. جنه بقلبك شي ودك تقوله .. !؟
عبدالرحمن : لا .. ابد
ساره : اوكي .. يعني اتكلم !
عبدالرحمن (غامزا) : اخذي راحتج ..
ساره : مممم صراحه مادري من وين ابتدي .. من البدايه احسن
عبدالرحمن : تااي يريحج
ساره : مممم خالد .. اسمه اكيد تعرف اسمه صح
عبدالرحمن : ايه .. مانسيته
ساره : عرفته من الجامعه
عبدالرحمن : تعرفتي عليه ؟؟!!
ساره : لا لا لااااا .. بس شكله واسمه وجذي
عبدالرحمن : اها ..
ساره : بصراحه حاول اهوا .. بس ماعطيته ويهه
عبدالرحمن : ماكان عاجبج يعني
ساره : امبلا كنت معجبه فيه
عبدالرحمن : !!!!!
ساره : لا تطالعني جذي .. كنت ماضي منزمان يعني ,, بعدين انت قلت تكلمي على راحتج لاتخليني اندم
عبدالرحمن : اوكي .. كملي
ساره : ماكو .. خطبني ووافقت وتزوجنا
عبدالرحمن : زين ماطاح من عينج لما "حاول" مثل ماقلتي
ساره : انا سألته .. وقال بيشوف شنو طينتي
عبدالرحمن : اي .. وبعدين ليش انفصلتوا
ساره : مافي نصيب ..
عبدالرحمن : اها ..
ساره : شكله هالكلام مادش مخك ..
عبدالرحمن : طبعا مايدش مخي .. ولد الجيران انا عشان تقولي لي مافي نصيب !!
ساره : مع الاسف .. طلع مايعرف شنو معنى الزواج .. عشان جذي انفصلنا
عبدالرحمن : زين .. شنو معنى الزواج عندج ؟
ساره : الزواج .. حب, آلفه , تـ ـ
عبدالرحمن : حبيتيه .. ؟
ساره : اي ... كنت .. كنت احبه .. الحين لا طبعا
عبدالرحمن : اممم .. زين كملي مفهومج للزواج ..
ساره : مثل ماقلت لك .. الفه .. احترام .. تضحيه .. يعني لازم يكون عند الشخص استعداد انه يقدم تنازلات عشان تستمر الحياه
عبدالرحمن : حــلــو ..
ساره (مداعبه) : بذمتك مو درر
عبدالرحمن (واقفا على قدميه) : اقول انا طالع
ساره : ليشششش !!!!
عبدالرحمن : بروح اشتري ماي ذهب .. عشان اكتب فيه هالدرر
ساره : هههههههههه .. وااااااي خرعتني
عبدالرحمن : ليش واااااي خرعتج ..
ساره : عبدالرحمن .. مابيك تزعل مني ,, اللي قلته تو كان بناء على طلبك
عبدالرحمن : من قال اني زعلان ؟
ساره : مادري اخاف تتحس من كلامي
عبدالرحمن : صدقيني .. صراحتج معاي ماتزعلني .. بالعكس تماما
ساره : .. اكيد
عبدالرحمن : اكيدين
ساره : اشوى

فلم عربي قديم يعرض على الشاشه .. وها هو الصمت يسودهم ..
هي تبتسم من الداخل .. وتتابع الفيلم بشغف ..
هو يفكر .. " صراحتها تعني الكثير بالنسبه لي .. مجرد اقرارها بانه قد اعجبت به وقد احبته .. يعني انها تهواني الان اكثر مما هوته .. لم تتفوه بمثل هذه الا عترافات .. إلا لانها تثق بي جدا .. فوق تصوري "

الن يتضايق .. الن يلقي اشعارا وخوطرا حزينه من العدم !!
ماذا دهاه .. تخلى عن حساسيته المفرطه .. امام صراحتها الجارحه
لم اظن بانه سيعجب بتلك الاعترافات الى هذا الحد ..
كان الاجدر بها ان تحتفظ ببعض الحقائق لنفسها ..
فـلا تنشر غسيلها على الملأ مثلما فعلت للتو .. !!
محظوظه هي لانها وحدت زوج متفهم لهذه الدرجه ..

[Star_Girl's]

رنات .. تقطع حبل افكاري وافكاره هو ايضا ..


ساره : الوو ..
هديل : قوه
ساره : هلا .. يقويج
هديل : شلونج شخبارج .. من تزوجتي ومالج حس
ساره : هههههههه .. حمدالله بخير انتي شخبارج
هديل : تمام .. انا ونوره طالعين مع بعض اليوم عاد كنا نسولف عننج وقلت خل ادق عليج
ساره : واناااا اقول اذني ليش توون اليوم
هديل : اييي دقيت عشان اقولج ترى احنا اللي مخلين اذنج تون عليج
ساره : هههههههه .. اقول مااااودكم اتييوني .. ولهانه عليكم
هديل : اي والله حتى احنا ولهااااانين عليج .. وودنا نشووفج
ساره : اييي وصور الحفله لازم اراويكم اياها
هديل : عاد هذي ضروري .. كافي ماحضرنا ملجتج
ساره : بعد انتي تدرين .. ظروف الملجه وو
هديل : ايييي ادري ماله داعي تفسرين لي افا عليج بس .. مو قاعده اتشرهه بس كل هذا من حبنا لج
ساره : هههههه .. حبتج العافيه ,, شخباااره نوار
هديل : نوار .. راحت سويت فاكتوري .. وماردت شكلها اشترت كل الحلاو اللي عندهم
ساره : امووت واعرف شسالفتها معاهم
هديل : شفتي .. تقولين حالفه تربح صاحب هالشركه ..
ساره : اي والله .. هههههههههههههههه سلمي عليها اذا يت
هديل :يوصل انشالله
ساره : هااا ماقلتي متى بتييون
هديل : مادري خليها على الظرووف
ساره : لا لا لازم تتححدين يوم .. عشان مايصير عندكم حجه
هديل : ممم .. والله كيفج
ساره : الاحد الياي زين
هديل : زين .. بالنسبه لي اوكي .. بس اشوف نوار
ساره : وااااي عسى امها تخليها بس
هديل : لا انشالله بتخليها .. صايره فري وايد
ساره : ماشالله .. شالطاري
هديل : شدراني .. انا استغربت لما رضت نطلع مع بعض
ساره : اي والله صج .. شلون اقنعتها
هديل : تقول انها تغيرت وصارت اوكي ..
ساره : ممم .. المهم يوم الاحد .. ترااا عشاا .. مو تقولون لا ما لا
هديل : اوكي ,, على خير انشالله
ساره : واذا ماناسب نواري نغير مو مشكله
هديل : اقول .. جنه طولت عليج
ساره : لا عادي ..
هديل : لا شكله ريلج عندج
ساره : اي
هديل : وييييه.. خلاص عيل بااي
ساره : هوو شفيج ..
هديل : فشله .. يالله مع السلامه
ساره : الله يسلمج !!
عبدالرحمن : رفيجتج ..؟
ساره : اي .. عزمتهم على العشا يوم الاحد
عبدالرحمن : زين تسوين
ساره : باجر بدق على دلال اقولها عشان اتيي
عبدالرحمن : ودندون ؟
ساره : اي اكيد داااااني قبل الكل ..
عبدالرحمن : ههههههههههه .. ليش تخافين تاكلج اذا ماقلتي لها؟
ساره : مو عن .. بس اليمعه ماتحلى بدونها
عبدالرحمن : وينهااا بس .. خل تسمع هالمدح
ساره : لااا مايحتاج .. اهي تدري عن غلاتها
عبدالرحمن : لنا الله .. !

[Star_Girl's]

في يوم الاحد .. كانت قد اعدت لضيفتاها مأدبه رائعه
تفننت في السلطات والمقبلات .. ولا تخفى عنكم الاطباق الرئيسيه..
والحلويات .. الخ !!
اود ان اخبركم باطباقها ومقاديرها واعرض لكم بعض الصور .. في الجزء القادم
امزح .. !
تعلمون انها لم تقم بكل هذا لوحدها ..
ساعدتها دانه ودلال وغيرهن بطبيعه الحال !
تألقت كما تفعل دائما

عبدالرحمن : يه شالكشخه
ساره (باستغراب) : عــــبــدالــرحــــمـــن ..!!! ترى هذي ثاني مره تشوف هالهدوم علي !
عبدالرحمن (عاقدا حاجبيه ) : صج والله ؟
ساره : اييي ..
عبدالرحمن (محاولا لانقاذ مايمكن انقاذه ) : اي المهم الحشوه ..
ساره : اي صح صح .. الحشو اهم من الصمون
عبدالرحمن : حشو وصمون .. خربنا ام الغزل
ساره : هههههههههههه .. امه وابوه بعد
عبدالرحمن : شنو هذا اللي حاطته بعيونج .. "هااي شادو"
ساره : ههههههههههههههه .. آي شادو ..شنو "هاي" الله يخليك

عبدالرحمن (ممسكا باحدى القارورات ) : وهذي شنو .." مسخره" ؟؟
ساره : ماسكرا .. هههههههههههههههههه مادري منين اتييب الكلام .. مسخره ها
عبدالرحمن : وهذا الجص .. اللي يتكلمون عنه .. ؟؟
ساره (انفجرت ضاحكا كما لم تفعل من قبل ) : جص .. حرام عليك .. هذا فاونديشن الله يسلمك
عبدالرحمن (على غير عادته متدخلا) : وانتي ليش تحطين منه .. ؟؟
ساره : ماحطيت ..
عبدالرحمن : تقصين علي .. عيل شحقه شاريته ؟؟
ساره : هههههه شفيك .. احط بس اذا صار مناسبه كبيره وجذي .. (بنبره لعوبه ) .. ليش شايف بشرتي محتاجه لكريم اساس؟؟
عبدالرحمن : شدراني عنج .. عقب هالسوالف كلها .. خاف تطلعين تركيب ..
ساره : شدعووه تركيب .. كلها نتفه ميك اب .. عيل لو احط الرموش الصناعيه .. ولا خصل الشعر ولا اتفخ براطمي وخدودي شطلع
عبدالرحمن : تطلعين بالونه سيلكون .. واردج بيت اهلج قبل لا تنفجرين علي
ساره : ههههههههههههه لا اليوم ماشالله عليك بدعت فيني .. ماودي احسدك على كل هالروقان !
عبدالرحمن : ليش تبيني اطلع ؟؟
ساره : لا والله .. ليش جذي فاهمني غلط !!
عبدالرحمن : ادري فيج تبين الفكه
ساره : حرااااام عليك .. !!
عبدالرحمن :زين رفيجاتج متى بييون ؟؟
ساره : تو الناس عليهم ..
عبدالرحمن : زين انا عندي شويه شغل على الكمبيوتر .. ياخذ له اقل من ساعه يمدي اخلصه .. ولا اذلف اسويه ببيت ابوي ؟
ساره : لا خذ راحتك .. قلت لك تو الناس ..
عبدالرحمن : اذا تو الناس .. شعندج من الحين متزهبه
ساره : عشان اسنع باقي الاطباق اللي بالمطبخ ..
عبدالرحمن : وهذي ماتقدر تسويهم بروحها ؟؟
ساره : لا مسكينه .. انهد حيلها .. بعدين هذي اللمسات الاخيره لازم تكون من توقيعي
عبدالرحمن : الله يستر من تواقيعج .. !
ساره : انا نازله .. تبي شي ؟
عبدالرحمن : حليب ككاو .. اقول قبل لا تنزلين .. خاف ماشوفج اذا بغيت اطلع .. ترى ان راح اكون احوس قريب من اهني .. يعني اذا توهقتي واحترق عشاج وتبين اطلب لج
ساره : فال الله ولا فالك ..
عبدالرحمن : ولا صار في ضحايا من اكلاتج الفولاذيه.. دقي علي .. اوكي
ساره : اوكي

[Star_Girl's]

بعد مايقارب الساعه ..

دانه ودلال : السلام عليكم
دانه : هو وينها هذي ..
دلال : وين ساره ؟
الخدامه : في المتبخ
دانه : امشي المتبخ .. !
ساره : هلااا والله ..
دلال : هلا فيج ..
ساره : هاا شلون البيبي .. ماتحرك للحين
دلال (بتملل) : لا ..
دانه : اصلا اللي فبطنها في سبات دائم
دلال : واااااي شفيكم تو الناس عليه
دانه : حتى لو تو الناس .. اصلا لو توصلين للشهر العاشر لا تحلمين انه يتحرك
دلال : وااااي شنو عاشر ,, بعير انااا
دانه : اسمها نااااقه .. مو بعير
ساره : ناقه ولا بعير .. شفيج عليها
دانه : مافيني شي
دلال : حاطه دوبها ودوب ريلي
ساره : هو !!
دلال : اي والله .. وامس زايره اهلي انا وياه وقاعده وتناجره .. فشلتنيييي فشلتني جنها ياهل
دانه : ريلج مادري شلون صاير
دلال : طبعا مو عاجبج .. لانه يرد عليج ويسكتج باسلوب حلو
ساره : اييييه .. عشان جذي ماتواطنه
دانه : من قبل لا اعرفه ما اواطنه
ساره : بس مايصير جذي تحطين دوبج دوب الريال
دلال : شفتييي .. ماتستحي ,, لا وابوي يضحك لها بعد .. بدال مايزفها
ساره : والله !
دانه : ماغلطت عشان يزفني ..
دلال : احمدي ربج ان عبدالعزيز وعبدالرحمن .. مو موجودين ولا جان علومج شلون تتحجين
دانه : اف
ساره : شفيكم بنات .. ذكروا الله
دانه : لا اله الا الله
دلال : الف من ذكره
ساره : دندون .. خففي من غشمرتج .. ترى مو كل من يتحملها
دانه : يعني بتطلعوني غلطانه غصب طيب !!!
ساره : لا والله .. مو قصدي
دلال : امبلى غلطانه وستين غلطانه
ساره : وانتي دلول شفيج متضايقه هالكثر .. اذا انتي بنفسج تقولين ان ريلج عرف يتعامل معاها باسلوب حلو ولطيف
دلال : بس فشلتني .. شنو يقول عنها الحين
ساره : ليش انتي حسيتيه منزعج يعني ؟
دلال (باقتضاب) : لا ..
ساره : عيل يمكن متعود .. مو تقولين عنده اخوو صغير يذكرج بدانه
دانه : ولييييه .. سووووويرووووه .. تراني اكبر منج .. مو يعني انج تزوجتي صرتي اكبر مني
ساره : هههههههههههههههه .. الحين من ياب طاري العمر ولا الزواج !!
دلال : غيروا الموضوع ترى لاعت جبدي
ساره : خلاااص طاح الحطب
دانه : طاح
دلال : .. طاح الله يطيح حظ العدو
ساره : اوكي الحين نغير الموضوع
دانه : وين الالبوم
ساره : ويييييييييييييييييييييييييييييييييييييييييي .. نسيته نسيته ..
دانه : قلبي حاس .. صارلي يومين اقولج جيكي عليه وشيلي الصور اللي ماتبينهم يشوفونها
ساره : انا نسيت حتى اطلللعه من مكانه .. خل اروح ايييبه
دلال : اقول .. مو جنه سياره حمني برا ؟؟
ساره : وييي صج شكله نسى نفسه عالكمبيوتر ..
دانه : قوليله خل ينزل نبي نشوفه
ساره : تدرين .. بدق عليه ينزل وينزل الالبوم معاه ..
دانه : ياعيني طاح حظ اخونا .. قامت سوير تامر عليه
ساره : راس ماله البوم .. شنو انا قايلتله شيل مكتبه
دلال : شفتي شلون غشمرتها صايره بايخه ,, وصايره تتليقف
ساره : قوه .. هلا فيك .. ها جنك نسيت نفسك
عبدالرحمن : لا توني مسكر الجهاز واسمع صوت دانه
ساره : اي زين .. تراهم يبون يسلمون عليك
عبدالرحمن : كاني بنزل الحين
ساره : الله يعافيك نزل البوم صور الملجه معاك
عبدالرحمن : وين حاطته ؟
ساره : جهتي من الدولاب .. اول باب .. بتلاقي الالبوم مبين من على الرف ..
واذا مو على الرف .. يمكن مع المجلات اللي بالصاله
عبدالرحمن : اوكي .. باي
ساره : باي
دانه : اسم الله عليج .. مو عارفه وين حاطه الالبوم !!
ساره : مو كله اتفرج عليه .. وناسيه وينه بالضبط
دانه : ماشاااااالله.. !!

[Star_Girl's]

الجزء الرابع والعشرون

هاهو امامي .. يفتح باب خزانه ملابسها .. ينظر الى الرف
نعم نعم .. يرى البوم الصور .. ويرى علبه بجانبه
تبدو غريبه.. ملفته للانظار .. ألهبت فضوله ..
كانت العلبه مستطيله .. لونها احمر .. كدم الغزال ..
يغلب عليها الطابع العملي .. شكلها جميل رغم حده لونها
طبع عليها بالخط العريض الاسود private
كان لابد منه ان يعرف مااحتوته ..
هو فضولي بطبيعته .. وفضوله يزداد حين يتعلق الامر بـ ساره !
ظن انه مابها .. مجرد قصاصات طفله .. او صور قديمه احتفظت بها
رسمات.. خربشات .. او حتى مذكرات !
فتحها .. ليته لم يفتحه .. ليته لم يلمحه !!
ورد جاف ..
بطاقات رومانسيه ..
وصور تجمعها بـ خالد ..
فلتت العلبه من يده رغما عنه .. وقعت قرب قدميه ووقعت معاها سعادته واساطيره الممزوجه بالخيال
تبعثرت ذكرياتها .. بجانب احلامه
ركع .. لا تسعفه قدميه على الوقوف ..
يتطلع الى الصور ويقراء مقتطفات من مافي البطاقات
دون ان يستوعب كلماتها فعلا ..
لم يستطع حتى ان يغضب ..
كان مبهورا فقط ..!!
مبهورا بقدرتها على جرحه مره تلو الاخرى
لملم ذكرياتها المنتثوره .. ونسيّ احلامه ..
اعاد تلك العلبه الى مكانها ..
وحمل الالبوم .. يفرك اصابعه ببعضها بعنف
ثم يمسح قطرات العرق التي تكونت على جبينه خلال لحظات
هذه هي طريقته في التغلب على التوتر ..

عبدالرحمن : السلام عليكم ..
الثلاث : وعليكم السلام ..
دلال : هلااا والله وين حطيت الالبوم ورايح !! تعال اقعد معانا شوي
عبدالرحمن : لا عندي شغل .. فمان الله
ساره : مع السلامه !!
دانه : الله وياك ..



حضرت الضيفات ..
وكان امسيه جميله .. الخ !

~~~~~~~~~

اعلم انكم تفكرون في عبدالرحمن الان ..
لذا لن اتطرق الى ساره على الاطلاق

بعد ان خرج من باب بيته .. وقف لدقائق .. يلتقط انفاسه
شعر بان زلال يهز الارض حوله ..
وبركانا يتفجر فيه مرارا وتكرار ..
تمالك نفسه قليلا وركب سيارته
يدور بالشوراع .. ليس لانه لم يجد مكان يذهب اليه
بل لانه لم يشاء ان يذهب لاي مكان
اراد الانفراد بعقله .. بنفسه
كانت النيران تأكل صدره .. لم تكن ناتجه عن غضب او حقد او ماشابه ..
كان الحيره تقتله في كل سؤال يطرحه على نفسه ..

"مازالت تحبه ؟ .. مازالت تفكر فيه .. ؟؟
السؤالين يؤديان الي طريق واحد ..
لما تحتفظ بصورهما القديمه .. لما حافظت على تلك الورود وجففتها !
لما ابقت على بطاقته دون ان تمزقها وتمحيه من عالمها ..
أليس من المفترض بها ان تفعل ذلك ؟؟
حين وافقت على الزواج بي .. حين اشارت لي بحبها !
أما كان عليها ان تنسى وجوده على وجهه هذه الارض .. !!
ان تنسى لحظاتهم معا .. !! "

ظل على هذه الحال لساعات ..
يتذكر اعترافاتها عن اعجابها بغريمه خالد ..
ويربط كلماتها بالصندوق الذي وجده .. ذاك الصندوق الملي بالحميميه !
فكر كثيرا .. واحتار كثيرا !!
أيخبرها بانه اقتحم علبه اسرارها المحشوه بطعنات الغدر ..
فيفتح لها بابا ومجالا للومه .. !
ام يلتزم الصمت .. ويضمد جرحه الملتهب بسكون ؟
ولكن ..
كيف يمكنه ان يغفر لها مثل تلك الفعله .. تلك الخيانه بحقه
بحق زواجهما .. بحق حبه !
وكيف له ان يتخلى عنها .. ؟!
فيترك واقعا قد داعب عقله على هيئه حُلم لسنين مضت .. !
بعد كل هذه علامات التعجب التي صارت تقفز لعقله واحده تلو الاخرى ..
كان قد قرر .. ان يكون قويا .. فلا ينهار امام تصرفاتها الطائشه
كان قد قرر ان يصاحب الكتمان .. بانتظار الافصاح منها ..
او المواجهه في اللحظه المناسبه ..

~~~~~~~~

[Star_Girl's]

يكبح غضبه بنجاح .. مستلقيا على السرير
بينما كانت تزيل هى زينتها .. وتثرثر
ساره : اليوم البنات بدعوو
عبدالرحمن : .........
ساره : صج صج بدعو فيني .. تطنزوا علي ليما طلعوني من طوري !
عبدالرحمن : .........
ساره : حتى دانه ودلال صاروا بصفهم .. !
عبدالرحمن : .........
ساره : طفروني .. طلعوا روحي !
عبدالرحمن : .........
ساره : الووووووووح ؟؟ شفيك ماتحاجيني ؟!
عبدالرحمن (ذات التجاهل ) : تصبحين على خير
ساره : ........ وانت من اهل الخير !!!

~~~~~~~~

مر اكثر من اسبوع وهو يعاملها بنفس القدر من التجاهل .. كان مسرور بقوته
اعجب لتصرفه .. (!)
يمشي فرحا فقط لانه استطاع ان يزرع الجفاء بينه وبينها ..
بدا كأحد المرضى النفسيين لي .. !
لن اطيل بوصف حالته الغريبه لكم .. اظنها كانت واضحه من البدايه ..
كما قلت .. لكثر من اسبوع
يتظاهر بانه لا يراها .. بانها غير موجوده في حياته
يتظاهر بانها ليست الحقيقه التي طالما تمناها
وهي لا تنفك عن البكاء والشكوى لصديقتها المقربه كطفله في العاشره من عمرها !


اليوم .. الخميس
خرج باكرا ولم يعد حتى الساعه الواحد ظهرا
وعاد لمنزله .. يحمل احد الصحف ويقرأها بتركيز

ساره (بصوت خافت ):اليوم رحت لمرت رفيجك .. بس ماخذت هديه
عبدالرحمن (ابعد المطبوعه عن وجهه فظهر حاجباه المعقودان): ليش ؟؟
ساره (تبرر بانفعال): صراحه مادري شلون اخذ لها هديه مو معقوله اخذ لها عطر ولا خربوطه وما امداني اروح اشتري شي .. وبعدين اهي مو قريبه منى عشان اهديها وهم جنها حركه اجانب الهديه !!
عبدالرحمن (بحزم): على العموم .. انا ماقصرت مع الريال (وعاد لقرائه مقاله المهم !)
ساره : اليوم الخميس .. ماراح نروح نتغدى ببيت عمي
عبدالرحمن (بتملل) : تو الناس
ساره : بس .. الساعه 1 ونص !
عبدالرحمن : يالله .. لا تأخريني

ساره (تحدث نفسها ) " هو شفيه هذا استخف .. اقوله خنروح يقول لاتأخريني "
سارت خلفه بهدوء .. على امل ان يعود الى طبيعته اليوم !!
تملكها هذا الاحساس .. هذا الصباح كان مختلفا ..


هناك وبعد تناول طعام الغداء .. اجتمعت الفتيات
دانه ودلال وساره طبعا ..
لم تخبرهن ساره عن شيء .. احتفطت بالامر لنفسها وله ولهديل .. !


دانه : وليييييه .. شالاخبار الخايسه
ساره : زين ومتى بتسافرون ؟
دلال : على الاسبوع الياي
دانه : جذي صارت السفره فجأه ..
دلال : يعني شسوي ..
ساره : طيب والحمل .. زين تركبين الطياره وانتي حامل
دلال : ممم اي عادي خلاص عديت الاشهر الاولى .. وثبات الحمل وهالخرابيط
ساره : لا سألي دكتور احسن ..
دلال : عندي موعد يوم السبت .. بسأل دكتورتي
دانه : مايصير جذي .. مايمديج اتيين الا سافرتي ! والله ماشبعت منج
دلال : شغله جذي .. يعني شنو تبيني اسوي ؟؟ اقوله هد شغلك وجابلني بالبيت
دانه : خل يغير شغله يا اختي .. !
دلال : طاع هذي .. اهوا اصلا يموت على شغلته وعلى السفر بكبره
دانه : لا تسافرين معاه
دلال : ياسلام .. ليش عبالج هو متزوج عشان يقعد بالاشهر بروحه؟
دانه : اوووه ..
دلال : شفيج انتي صايره جذي
دانه (تتنهد ): مافيني الا الخير ..
ساره : اللي فيها انت انتى تزوجتي .. ورحتي بيت ثاني
دانه : وانتي بعد تزوجتي وخذتي اخوي معاج ورحتي بيت ثاني
دلال : ويي هذا حال الدنيا
دانه : جذييييي فجأه !!! حياه بدون دلال ولا ساره ولا حمني
ساره : بس احنا على طول نزوركم
دانه : بذمتج مره ولا مرتين بالاسبوع .. نفس قبل
ساره : اكيد لا
دانه : ولا حتى الشعور .. بانج موجوده وكل شوي اقدر انقز واروح لج ! ولا اتيين لي
ساره : فهمتج
دلال : ههههههههه .. واي يحليلج يادوين طلعتي فاقدتنا
دانه : يااااااكرهكم .. شلون تروحون وتخلوني جذي !!
دلال : لازم نزوجج ..
ساره : اقول دانه .. شرايج بسعود
دانه : منو .. سعود !!
ساره : اي اخوي سعود ..
دلال (مستغربه من ساره لطرحها مثل هذه الفكره ): من صجج انتي ؟؟
ساره : ايي .. سعود مكلمني عنج .. ويبي يعرف رايج ,, على اساس يتقدم لعمي رسمي
دلال : !!!!!!!
دانه : والله ؟؟ ومن متى هالكلام ؟!
ساره : صار له جم يوم .. من اخر مره كنا عندكم
دانه : اها .. ممم
ساره : اي شرايج فيه ..
دانه : بصراحه مافكرت بسعود كزوج ابداااا .. سعود مثل اخوي حاله حاله عبدالعزيز وعبدالرحمن وعبدالله بعد
ساره : انتي فكري شوي .. لا تتسرعين وعلى اساس انج مستحيه ترفضين
دانه : وليش استحي .. بس انتي لاتزعلين مني .. رايي ماراح اغيره وهذي فكرتي عن سعود .. اصلا مو حاطه الزواج فبالي الحين
ساره : مافيها زعل .. هذا زواج


تخلل انتقالهن الي موضوع اخر استغراب شديد من دلال ..
وتفاجيء من دانه .. وبرود ساره ..

~~~~~~~~

[Star_Girl's]

تساؤلات اعتقد بانها تدور في اذهان بعضكم ..

- اليس من المفترض ان يتقدم عبدالله لخطبها ؟؟
- نعم , لكن سعود سبقه الى ذلك ..
- الم يكن هو الاجدور بالزواج .. فهو الاكبر سنا ؟
- اعارض مبدأ السن ,, ولكن كما قلت سعود كان قد سبقه الى التصريح برغبته عن الارتباط بدانه
- لم توافق .. !! لماذا ؟؟
- لا .. لانها لم تجد فيه زوجا مناسبا لها
- ولكنه تؤام لـ احمد !
- وماذا في ذلك ؟
- كان سيجسد البديل المثالي عنه !
- هي لم ترد بديلا ..!
- اكانت ستوافق على عبدالله لو كان سبق شقيقه لخطبتها؟
- لا ..
- اكان سيتقدم لخطبتها .. ؟؟
- لا اخفيكم سرا .. اثارت اعجابه , ولكن الزواج بها كان امرا مستبعدا
- لماذا !؟
- لم اسأله ..!!

اعلم ان امر دانه يعني لـ بعضكم اكثر من البطله نفسها ..
لذا .. ساسهب قليلا في حديثي عنها اليوم ..
كانت مشوشه وحزينه مع ابتعاد كل من ساره وعبدالرحمن ودلال عنها ,
في نفس المرحله المزمنيه "تقريبا" ..
الزواج كان يبدو حلا مناسبا لها .. لتنسى الاخرين
وتبدأ بالالتفات الي نفسها وحياتها ,, لكنها رفضته بهدوء
لم ترد ان تخدع نفسها وتخدع سعود بالزواج به ..
رسخ في ذهنها ان السعاده ليست مقدره لها معه ..
لذلك رفضته بابتسامه عريضه !

~~~~~~~~

حين عادا الى المنزل .. كانت قد جزمت على ان تحل الامور معه
بأي طريقه كانت !

في غرفتهما ..

ساره : عبدالرحمن
عبدالرحمن : .....
ساره : عبدالرحمن .. احاجيك !
عبدالرحمن (ببرود) : نعم ؟
ساره : ابي افهم شاللي مغيرك علي ؟
عبدالرحمن : ماكو شي ..
ساره : رجاءا لا تستعمل معاي هالاسلوب ..
عبدالرحمن : اي اسلوب ؟
ساره : التجاهل هذا .. اكيد في شي مزعلك !
عبدالرحمن : ليش انتي مسويه شي ؟
ساره : لا ..
عبدالرحمن : عيل ليش تحسبيني زعلان
ساره : مو هذا اللي محيرني .. اني ماسويتلك شي ومتجاهلني ولا كاني موجوده
عبدالرحمن (يتظاهر بالتفكير ): اهممممم ..
ساره : اوووه .. !
عبدالرحمن (يفتح باب خزانتها ) : اقول البوم صورنا اهني ؟؟
ساره : اي .. شتبي فيه !
حين راي هذا الاصرار منها .. قرر ان يواجهها بصوره غير مباشره
ايقن انها لن تقر له بامر صندوقها الغريب .. فكان لابد ان يجبرها على اخباره !
وبالصدفه البحته ..
حين كان يحاول اخذ البوم الصور من ذاك الرف ..
سقط الصندوق ..وتبعثرت منه اشيائها .. !
كاد قلبها ان يخرج ويتبعثر مع تلك الصور والاوراق
ركع على ركبيته .. يعيد نفس المشهد .. لا يمثل
ولكن مشاعره تملي عليه نفس الانفعالات .. وذات الذهول !
حمل بعضاً منها بين يديه .. ونظر اليها بحزن
عبدالرحمن : شنو هذول ؟
ساره (ترددت كثيرا) : هه .. أأأ .. صور قديمه
عبدالرحمن (يتمعن فيها باستغراب ): صور قديمه ؟
ساره : ايي صندوق قديم .. محتفظه فيه باشياء غبيه ومالها داعي ..
عبدالرحمن : اها .. مثلا صورج مع طليقج ولا اقول حبيبج
ساره : حبيبيج !شتقصد بهالكلمه ؟
عبدالرحمن : انا ماقصدت شي .. بس احتفاظج بهالصور هى اللي فرضت علي مثل هالتسميه ..
ساره : قلت لك مجرد صور قديمه وانتهت ماله داعي تقول حبيبيج وتهيني بهالكلام .. !
عبدالرحمن : صح صح .. الدليل على انها انتهت .. احتفاظج حتى بكروت الاعتذار وحتى بالورد اللي اهداج اياه بيوم من الايام
ساره : يعني انت شايف شنو فيها من قبل ..!!!!
عبدالرحمن : اي .. بس هذا مو موضوعنا ..
ساره : لا موضوعنا .. بأي حق تطلع على اغراضي الخاصه
عبدالرحمن : ماني مريض نفسيل لدرجه اني افتش وراج !
ساره : والله !!! .. عيل ماتقولي شلون شفت هالاشياء
عبدالرحمن : بالصدفه ..
ساره (بقسوتها المعهوده ): ايي الصدفه ؟؟ المفتعله مثل هذي ..؟
عبدالرحمن (يبدو الغضب واضحا على صوته ) : قلت لج بالصدفه .. !
ساره (تتلاعب باعصابه وتتحدث بنبره انكار): ايي ايي مصدقتك ..
عبدالرحمن : صدقتي ولا ماصدقتي مايهمني ..
ساره : على فكره .. الانسان اللي يشك بزوجته ويدور وراها .. ماله حتى مصداقيه
عبدالرحمن : وعلى فكره .. الانسانه تخون زوجها وماتحترم وجوده .. مالها اهميه

عادا للشجار البارد ..

[Star_Girl's]

ساره : انا ماخنتك !
عبدالرحمن : تسمين هذول شنو .. العاب ؟
ساره : تبيني الغي مرحله من حياتي لمجرد اني تزوجتك
عبدالرحمن : لمجرد موافقتج تتزوجيني
ساره : والله .. تحلم انت !
عبدالرحمن : ماقلت الا الواقع .. واللي كان المفروض تسوينه
ساره : يعني الذكريات صارت حرام
عبدالرحمن : لما تحطينها بنفس المكان مع ذكرياتي معاج.. شنو تسمينها ؟
ساره : لا تكبر السالفه !
عبدالرحمن : السالفه اصلا كبيره ..
ساره : لا تصغر عقلك ..
عبدالرحمن : عقلي اللي صغير .. ؟؟
ساره : بدرجه ما تتصورها ..
عبدالرحمن : لدرجه اني احتفظ بصور حبيبتي عند زوجتي ؟
ساره : صور وانتهت .. انا ماسويت شي
عبدالرحمن : والصور هينه
ساره : خلاص باجر بوديهم لبيت اهلي !
عبدالرحمن : وبرايج راح تنهتي المشكله ؟
ساره : مو هذا اللي هامك !
عبدالرحمن : ومتى ماحنيتي .. تروحين تفجين الصندوق .. وتسترجعين اياج الحلوه
ساره : لايصير تفكيرك مريض جذي !
عبدالرحمن : تفكيري مريض ؟
ساره : اي مريض .. احد يعتبر الصور خيانه !
عبدالرحمن : مثل هالصور !
ساره : مافيها شي
عبدالرحمن : غريب اصرارج على الخطأ !!
ساره : الاغرب اصرارك على افتعال مشكله من العدم !
عبدالرحمن : انا ؟ ولا انتي يا يامدام متزوجه من شخص وتحب شخص ثاني
ساره (زاد صوتها حده ): لا تقعد تألف قصص


كل كلمه كان تصدر منها .. كانت تزيده قناعه بانها لم تتزوجه الا لـ درء لقب المطلقه عنها
وان ايامه التى قضاها صامتا ومتجاهلا يحلم بيوم الصلح .. والعوده لايامهم الجميله ..
ماهى الا فتره تمهيد لصمت من نوع اخر !
في كل مره تزيد ردوها قسوه و حِده .. وفي كل دقيقه يكتشف وجهاً جديدا لـ ساره ..
تلك المحبوبه الهادئه الجميله ..
ظهرت قسوتها التي ظنها سابقاً مجرد رعونه ودلع مبالغ !
و جلت انانيتها .. التي اعتقد انها نوع من انواع الحب !

بعد ساعه من جولات الغضب والصراخ والهدوء .. وكل انواع النقاش والشجار

ساره : ترى ماصارت .. مليت وانا اتحمل
عبدالرحمن : تتحملين .. شنو تتحملين ؟
ساره : اتحمل حساسيتك الزايده .. لازم احاسب على كل كلمه عشان ماتزعل .. ولازم احرق كل الصور اللي احبها عشان يرتاح بالك .. ولازم اراعي شعورك بكل شي .. مو عيشه هذي
عبدالرحمن : حساسيتي .. احد جبرج تتحملين !؟ احد جبرج تمثلين حبج ؟
ساره (تطلق اسهمها في كل اتجاه ): تتجاهلني عشان صور ..!! وتزعل من كلمه .. عاطفيتك الزايده هذي تعتبر مرض .. (بقسوه ) نصيحه تخلص منه !
عبدالرحمن (يرفع حاجبيه ويبتسم بانهزام ) : الحين حبي واحترامي لج صار مرض ؟
ساره : اصلا انا مو عارفه شالحب اللي ذبحتني فيه
عبدالرحمن : كل هذا وماعرفتيه ؟ عيل انتي على اي اساس رضيتي فيني
ساره : من دريت انك تحبني .. انفرض علي اني احبك .. !
عبدالرحمن (بنوع من الهستيريا) : هههههه هههه .. حب مجامله ؟
ساره : سمه اللي تسميه .. بس انا ماقدر ادوس على نفسي اكثر ولا اقدر اوهم نفسي بالسعاده مع واحد نفسك .. مايفكر الا بنفسه ولا يفكر بمشاعر اللي حواليه
عبدالرحمن : هههههههه اوووووه .. صرت انا الاناني والشرير ؟!
ساره : مافكرت الا شلون تمتلكني .. وتقضى حتى على ابسط الذكريات اللي تسعدني
مافكرت بسعادتي .. فكرت بنفسك وبس .. بسعادتك انت ورضاك ..!!
عبدالرحمن (ابتسم ساخرا من نفسه ) : لا .. مو انا اللي افرض نفسي عليج .. انتي طالق !


::


ويهطل المطر !!


^
^
^
^

على فكره .. هذي كانت النهايه <<< حلفي !

[Star_Girl's]

بالنسبه للنقطه الاولى :::
بصراحه سالفه الاسهاب والاختصار هذي وايد اعاني منها (اعترف بخجل( وعارفه اني غلطت لما خلصت القصه بسرعه .. بس هذا اللي طلع بمخي وللحين ماطلع بهالمخ شي ثاني ! <<< تكفين انتي ومخج

الفكره اللي كانت عندي باختصار عن النهايه (<< ماتيوز عن الاختصار) ::
ان عبدالرحمن بعد ماوصل للانسانه اللي يحلم فيها ويحبها وينسج عنها اوهام من بدايه مراهقته ..
ادرك انها ماتستحق كل هالمعاناه وكل هالتعب والتضحيه .. !
واستوعب انها ماخذته لانها تبادله الشعور .. لا.. اخذته عشان تستغل شعوره .. <<< ياخطيره يا كوليت خوري
وساره نفس الشي .. حست انها جنت على نفسها مره ثانيه لما جذبت على نفسها واقنعت روحها بحبه
واسفه ان كنت فهمتكم انها حبته .. بس عشان ماتستوعبون النهايه قبل اوانها .. حسافه هالصدمات القويه !

النقطه الثانيه :::
كنت عارفه ان كثر الوصف للشخصيات وكثرر تفكيرهم بينهم وبين نفسهم تحول لنوع من الخواطر .. وغير من القصه نوعا ما
بصراحه صدمتني لما قلت ان كثرتها يمكن تكون سلبيه .. مافكرت فيها من هالناحيه على الاطلاق .. !
كان كل همي ان اعطي القراء انطباعي عن الشخصيات .. بكلمات ثانيه
ماكنت حابه ان الاعضاء يتوقعون ان فلان سيء .. او فلان اناني ..
يمكن فشلت باني اوصل لهم معلوماتي ..
على العموم .. شكرا لملاحظتك وانشالله اتفادى هالخلل باي محاوله قصصيه جديده .. واحاول اوازن بين الخاطره والقصه مثل ماتفضلت


النقطه الثالثه :::
ممم .. فعلا ردينا للنقطه الاولى .. واعتقد ان هذي مشكلتى ..
اقعد اختصر واحذف بهالحورات .. على اساس ان القراء ماشيين معاي على نفس الخط وفاهمين شنو افكر فيه وطبعا هذا اكبر غلط !!
<<< توها تحس بحجم اخفاقها


النهـــــــــاية

[العياشي]

ستر جيرلز... مشكوره على القصه...استمتعت بالقراءه كثيرا رغم طولها :) !!!

[Star_Girl's]

ستر جيرلز... مشكوره على القصه...استمتعت بالقراءه كثيرا رغم طولها :) !!!


العفو والله حياك الله تستاهلون :)كل ماهو جميل ورائع

[Angel soul]

اختي star girl ,,

يعطيج مليووون عافيه ع هالقصه الابداع... :rolleyes:


حدها وااااااو.... :D

تحياتي لج

[Star_Girl's]

اختي star girl ,,

يعطيج مليووون عافيه ع هالقصه الابداع... :rolleyes:


حدها وااااااو.... :D

تحياتي لج


العفو والله حياك الله