عااااد ما مذاكرة

[عاشق الفيحاء]

حال البنات اثناء المذاكره....

مدام القت وقت امتحانات حبيت أعرض لكم بعض طرق البنات للمذاكره
شوفوا حال البنات اوقات المذاكره


1- الثلاث وجبات الرئيسيه لازم تجلس عليها اول وحده وما تقوم إلا آخر وحدة وجوعانه المسكينه يا حراااااام واحيانا تزيد وجبات اضافيه اذا كانت المادة دسمه :D


2- تسوي نفسها طفشاااااااااانه ويااااااااااااااربيه وحدي ما قاااادرة اذاكرما أعرف مو فيني حاسه بكتمه الظاهر احد ضاربني بعين (( من كثرالشطاااااره )) وتجلس امها تقول بسم الله عليش 00 تعالي اقرأ عليش يو مي 000 كل هذا عشان اذا سقطت يقولو مكفوخه بعين

مسكينه الام ماتعرف انها حركات مذاااااكره :معصب:


3- بعضهن ينزل عليها وسواس النظافه ايام الامتحانات تتروش الصبح والليل وتستشور شعرها (( تقول رايحه عرس)) كل مره طبعا مايصير تخليه يتشبق, وبكره كيف تروح الجامعه والكتاب على جنب طبعا هذي من واجباتها اليوميه ماتقدر تتركها عشان تذاكر ما يصير :نطوط:


4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبار على طول فيه عرس فلانه بنت فلان لازم تحدد وش تلبس من الحين 00 لا وبعضهن ليله الاختبار عند الخياط رايحه تسوي بروفه الله من قل الدبرة بس


5- وبعضهن تنزل عليهن صله الرحم فجأة تقوم تكلم وحده من صديقاتها القدام من زمان ما كلمتها 00 تبغي تشوف موه مستوي جديد وتشغلها عن المذاكره :mad:

6- وهذي تنزل عليها الشطااااره فجأه تقوم تسوي العشا لاهلها 00 وتغسل الصحون عن الشغاله وتقول لها اطلعي نامي خلاص انا اكمل عنش الشغل00تراوي مها انها ياااااحرام منكسر ظهرها من النفخ والغسل :D

7- هذي مبتليها ربي بحب الجوال قالبتها تشات حشا مو مسجات وما تصحى على نفسها الا قبل الفجر بساعتين


8- وهذي المسكينه الفقيره الله من قل الحيله توجع القلب لاقفلت معها قبضت المخده ونامت لين تصحى وتقووول يووووه راحت علي نومه :ضحك:

احسن حل للمذاكره لانووووووم :cool:


9- وهذي المسكينه ايام الامتحانات تنزل عليها حالات غريبه كل شويه فوادها على اكله معينه وماتلقى الاب الا رايح جاي 00 جاي رايح 00 وامها موه بايه بنتي على موه فوادش00 قال بايه تساعدها عشان تنفتح نفسها للمذاكره :مفتر:

وماتدري ان هذا هررررررررررروب 000 هالنوع ماتنتهي الامتحانات الا وزايده 4 كيلو :eek:

10-والا تلقون الاهل حلت لهم الطلعات والفسح ووانهم يتجمعو 00ويحلى الكلام 00 والمسكينه عين على الكتاب وأذن وياهم00 وتقول اذاكر :(





هــــــــــا انتو من اي نوع ؟؟


لاتزعلن يا خواتي

هذيله بعض البنات ما كلهن

[هجير الشمس]

عن نفسي يوم ماشي فواد حال الدراسه ما أسمك أي كتاب..وأطنش وما مهم عندي إمتحان ..
مره كان عندي إمتحان وما على فوادي المذاكره..رحت أمتحن وحوالي ثلاث وحدات ما شفتهن بعيني

[عاشق الفيحاء]

عن نفسي يوم ماشي فواد حال الدراسه ما أسمك أي كتاب..وأطنش وما مهم عندي إمتحان ..
مره كان عندي إمتحان وما على فوادي المذاكره..رحت أمتحن وحوالي ثلاث وحدات ما شفتهن بعيني

يعني لاتوكلي ولاتطفشي ولاتحل عليش النظافه فجاءة يعني ما تتحججي بشي عشان يقولو انه لولا .......... كانت اتجيبها النتيجة :شيطان:

[راعي الغيز]

وما خفي كان :شيطان: :D :D أعظم

[هجير الشمس]

يعني لاتوكلي ولاتطفشي ولاتحل عليش النظافه فجاءة يعني ما تتحججي بشي عشان يقولو انه لولا .......... كانت اتجيبها النتيجة :شيطان:

الله لايوريك النظافه..شي هنا وشي هنا...تقول مبرزه باغيه أبيع...عادي عندي إمتحان ولا ما إمتحان سيان...ما أتحجج ولا أعلل...بس كانت النتيجه غاويه أيام الثانويه

[عاشق الفيحاء]

وما خفي كان :شيطان: :D :D أعظم
:ضحك: :ضحك: :ضحك: :D

[عاشق الفيحاء]

الله لايوريك النظافه..شي هنا وشي هنا...تقول مبرزه باغيه أبيع...عادي عندي إمتحان ولا ما إمتحان سيان...ما أتحجج ولا أعلل...بس كانت النتيجه غاويه أيام الثانويه
:eek: :eek: :eek:
وابختش عجب انا ضربني غم يوم الثااااااااا.................. بس بس عن الفضايح :شيطان:

[هجير الشمس]

:eek: :eek: :eek:
وابختش عجب انا ضربني غم يوم الثااااااااا.................. بس بس عن الفضايح :شيطان:


تكبر وتنسى...بس كم جبت ...95% صحيح الإشاعه...راعي سمائل :شيطان:

[حور الطرف]

رجعتين لأيام الثانويه وحركاتنا الغبية...
أيام اشتقتها

[هجير الشمس]

رجعتين لأيام الثانويه وحركاتنا الغبية...
أيام اشتقتها


إيه والله أيام جميله...

على أبواب مدستي وقفت
وقلت للعينين..قفا نبكي..
على أيام عشنها وقضينها..
على أحباب قد رحلوا...
هنا حلموا ...هنا رسموا...مشاريع الغدي الأتي..

[عاشق الفيحاء]

تكبر وتنسى...بس كم جبت ...95% صحيح الإشاعه...راعي سمائل :شيطان:
بلاش فضايح :معصب: :معصب: :معصب:

حلوه ذي راعي سماااااااايل :D

[عاشق الفيحاء]

رجعتين لأيام الثانويه وحركاتنا الغبية...
أيام اشتقتها
انزين موه من النمونة انتيه (اقصد يوم تذاكري) :شيطان:

[هجير الشمس]

بلاش فضايح :معصب: :معصب: :معصب:

حلوه ذي راعي سماااااااايل :D


عادي ... خبرني...بسرعه...


راعي سمائل...حلوه لاه :شيطان:

[عاشق الفيحاء]

إيه والله أيام جميله...

على أبواب مدستي وقفت
وقلت للعينين..قفا نبكي..
على أيام عشنها وقضينها..
على أحباب قد رحلوا...
هنا حلموا ...هنا رسموا...مشاريع الغدي الأتي..
علووووووووووووه هيه الشاعره :eek: :eek:

[حور الطرف]

إيه والله أيام جميله...

على أبواب مدستي وقفت
وقلت للعينين..قفا نبكي..
على أيام عشنها وقضينها..
على أحباب قد رحلوا...
هنا حلموا ...هنا رسموا...مشاريع الغدي الأتي..

أيام ملؤها براءة

نقشنا على الجدران أصدقاء للأبد
ولكن الزمان أبعدنا كل البعد


قفا نبكي....

[عاشق الفيحاء]

عادي ... خبرني...بسرعه...


راعي سمائل...حلوه لاه :شيطان:
انزين مالش مستعجله :mad:
عن يكون عندش شركة ولاقتلي شغل :D
بس عجب اخبرش النتيجة بس ماتو :) يوم المقابلة :شيطان:

[عاشق الفيحاء]

أيام ملؤها براءة

نقشنا على الجدران أصدقاء للأبد
ولكن الزمان أبعدنا كل البعد


قفا نبكي....
لا تقلبو الموضوع مناظرة شعرية :معصب: :معصب: :معصب:

[هجير الشمس]

علووووووووووووه هيه الشاعره :eek: :eek:


تصدق القصيده ألقيتها في أخر يوم دراسي لنا...وهي طويله ...بس إختصرتها...


كيف حلوه..

[هجير الشمس]

انزين مالش مستعجله :mad:
عن يكون عندش شركة ولاقتلي شغل :D
بس عجب اخبرش النتيجة بس ماتو :) يوم المقابلة :شيطان:

عشان أعرف راعي سمائل كم جاب..
بس ما خبرتني كيف كنت تدرس حال الإمتحان...

قبل أحصل شغل حالي وبعدين أشغلك...بس يوم تسير تقدم حال وظيفه خبرني أروح أقدم معك

[عاشق الفيحاء]

تصدق القصيده ألقيتها في أخر يوم دراسي لنا...وهي طويله ...بس إختصرتها...


كيف حلوه..
حلوووووووووه لما تحمله من ذكرى في نفسش(عاد ذي بالعماني) :)

بس انا أخر يوم ما داومت عوين باغي اذاكر :شيطان:

[هجير الشمس]

حلوووووووووه لما تحمله من ذكرى في نفسش(عاد ذي بالعماني) :)

بس انا أخر يوم ما داومت عوين باغي اذاكر :شيطان:


نفسش...صحيح...

وذاكرت ... ولا رحت تدور... :ضحك:

[عاشق الفيحاء]

عشان أعرف راعي سمائل كم جاب..
بس ما خبرتني كيف كنت تدرس حال الإمتحان...

قبل أحصل شغل حالي وبعدين أشغلك...بس يوم تسير تقدم حال وظيفه خبرني أروح أقدم معك
الحمد لله جاب نسبه غاويه :D

بجد ومثابرة والعزيمة تشع من عيوني :D (شويه واقول شعر)

ولا يهمش بس اذا قبلوش وما قبلوني :معصب:

[حور الطرف]

حلوووووووووه لما تحمله من ذكرى في نفسش(عاد ذي بالعماني) :)

بس انا أخر يوم ما داومت عوين باغي اذاكر :شيطان:


عجب انته صدق شاطر :D

[عاشق الفيحاء]

نفسش...صحيح...

وذاكرت ... ولا رحت تدور... :ضحك:
تراه ما يستوي اجلس اقلع عيوني في الكتاب لازم اريح شويه , يعني اذاكر ساعة وارتاح اربع واموه تقولي :D

[هجير الشمس]

الحمد لله جاب نسبه غاويه :D

بجد ومثابرة والعزيمة تشع من عيوني :D (شويه واقول شعر)

ولا يهمش بس اذا قبلوش وما قبلوني :معصب:


تهاييه نسبه غاويه...الحمدلله :D

كيه بجلي عيونك...سمعني القصيده في حب الدراسه :ضحك:

إذا ما قبلوك أرفض الوظيفه :(

[عاشق الفيحاء]

عجب انته صدق شاطر :D
شوفتي كيف......... وهنا هادقيني حاطيلي دهج ودهيري :(
مع اني في الجامعة الحين :eek:

[هجير الشمس]

تراه ما يستوي اجلس اقلع عيوني في الكتاب لازم اريح شويه , يعني اذاكر ساعة وارتاح اربع واموه تقولي :D


كلامك ما عليه غبار...صح لسانك...

نوبه تراه 99% جبناها ..وأكثر..أضن لو ما الظلم كنا نجيب101% صحيح راعي سمائل :D

[عاشق الفيحاء]

تهاييه نسبه غاويه...الحمدلله :D

كيه بجلي عيونك...سمعني القصيده في حب الدراسه :ضحك:

إذا ما قبلوك أرفض الوظيفه :(
اخخخخخخخخ تفو عين الحسوووووووووود فيها عود :معصب:

قصيدة في حب الدراسة ما حافظ :D

اسميش انش نشمية ;)

[عاشق الفيحاء]

كلامك ما عليه غبار...صح لسانك...

نوبه تراه 99% جبناها ..وأكثر..أضن لو ما الظلم كنا نجيب101% صحيح راعي سمائل :D
هيه والله بس منه لله اللي كاااااااااااااااااااااااا ن السبب :ضحك:

[هجير الشمس]

اخخخخخخخخ تفو عين الحسوووووووووود فيها عود :معصب:

قصيدة في حب الدراسة ما حافظ :D

اسميش انش نشمية ;)

الله يصرف بليسك..ما تفال ..تقول دافع الوادي...علووووو ما أحسدك.. :شيطان:

إحفظ وخبرني..عشان أسمعلك... :D

تشكراااات...

[هجير الشمس]

هيه والله بس منه لله اللي كاااااااااااااااااااااااا ن السبب :ضحك:


إيه والله منه لله أللي كان السبب :D

[عاشق الفيحاء]

الله يصرف بليسك..ما تفال ..تقول دافع الوادي...علووووو ما أحسدك.. :شيطان:

إحفظ وخبرني..عشان أسمعلك... :D

تشكراااات...
تراه لكل فعل ردة فعل مساااوية له في المقدار ومعاكسة له في الاتجاه (قانون نيوتن ) :شيطان:

ان شاء الله بس زهبيلي كيس مينو هديه :D

تعفوووووووووووات

[عاشق الفيحاء]

إيه والله منه لله أللي كان السبب :D

بس موه تقولي حكم القوي على الضعيف :معصب:

[هجير الشمس]

تراه لكل فعل ردة فعل مساااوية له في المقدار ومعاكسة له في الاتجاه (قانون نيوتن ) :شيطان:

ان شاء الله بس زهبيلي كيس مينو هديه :D

تعفوووووووووووات


اليوم بعدني القانون قايلتنه حال الأهل...الفيزياء والهم الكبير :مفتر:


مينوالديك والدجاجه ولا يهمك... :D

[عاشق الفيحاء]

اليوم بعدني القانون قايلتنه حال الأهل...الفيزياء والهم الكبير :مفتر:


مينوالديك والدجاجه ولا يهمك... :D

اصلا الفيزياء واجد سهلا تصدقي اني حليت الامتحان النهائي وانا مغمض عيوني .................
بس يوم فتحت لقيتني مشخبط في الجدار والطاولة :D

لا.......... باغي من ذاك بو يطلعوه في سبيس تون مال النمر بو يلت ذيك القراطيس وبعدين يوكلها :D

[عمان الغالية]

والله صدقك :ضحك: ما جبت شيء غلط :D

بس تريدوا تعرفوا كيف طريقة مذاكره الاولاد :شيطان:

[عاشق الفيحاء]

والله صدقك :ضحك: ما جبت شيء غلط :D

بس تريدوا تعرفوا كيف طريقة مذاكره الاولاد :شيطان:

الشيمة عن يقلدنا هذا الجيل بو طالع ويطلعو عباقرة كلهم :ضحك:

[عمان الغالية]

الشيمة عن يقلدنا هذا الجيل بو طالع ويطلعو عباقرة كلهم :ضحك:

افكر انزل موضوع بهالخصوص مو رايك :D والعنوان "عاااد ما مذاكره 2..ردا على موضوع عاشق الفيحاء" :D تم؟

[زهرة السوسن]

وحدنا ذاااااااااااااااااااااااا اااكرنا ماشئ منه هذا المكر

[عاشق الفيحاء]

افكر انزل موضوع بهالخصوص مو رايك :D والعنوان "عاااد ما مذاكره 2..ردا على موضوع عاشق الفيحاء" :D تم؟
ابوي تم :D
بس عن تحشينا اعرفكن ما تقصرن :mad:
اقول قبل لا تنزلي الموضوع خبريني عشلن الــ ( حجز)
اول واحد لاه

[زهرة السوسن]

وحدنا ذاااااااااااااااااااااااا اااكرنا ماشئ منه هذا المكر :D

[عاشق الفيحاء]

وحدنا ذاااااااااااااااااااااااا اااكرنا ماشئ منه هذا المكر
خلي عنش هذا ما كلام :شيطان:
لازم سويتي شي من الحركاااااااااات (بنات لاه)
ان كيدكن عظيم :شيطان:
ما حنوه سيماهم في وجوههم :rolleyes:

[عمان الغالية]

روح لاه :نطوط: نزل الموضوع :D

[عاشق الفيحاء]

روح لاه :نطوط: نزل الموضوع :D
تو عاااااااااااااااااد جايه تتنططي :معصب:

رحت وما عجبني :mad:

[عمان الغالية]

تو عاااااااااااااااااد جايه تتنططي :معصب:

رحت وما عجبني :mad:

ما عجبك :( معقوله :(























اقول يحوطن بك 4 جدران وزياده السقف :D نقي واحد بو اقوى ودق راسك فيه :ضحك: :شيطان: :معصب:

[عاشق الفيحاء]

ما عجبك :( معقوله :(























اقول يحوطن بك 4 جدران وزياده السقف :D نقي واحد بو اقوى ودق راسك فيه :ضحك: :شيطان: :معصب:

اقول ما عندنا جدران جالس في خيمة :شيطان:

[عمان الغالية]

اقول ما عندنا جدران جالس في خيمة :شيطان:


صدقني بينفع شكله راسك واجد خفيف دقه في خيمه وستنبهرون من النتائج المفرحه :شيطان: :شيطان:

[عاشق الفيحاء]

صدقني بينفع شكله راسك واجد خفيف دقه في خيمه وستنبهرون من النتائج المفرحه :شيطان: :شيطان:
أخاف تنتشح المعلوماااااااااااااااااا ااات بو مخزننها من يوم كنت تتون :D

[عمان الغالية]

أخاف تنتشح المعلوماااااااااااااااااا ااات بو مخزننها من يوم كنت تتون :D

خيبه من معلومات :ضحك: ...مال مووه معلومات كيف تركب الليجووو ولا كيف يتطور البوكيمون :مفتر: :بلابلا:

[عاشق الفيحاء]

خيبه من معلومات :ضحك: ...مال مووه معلومات كيف تركب الليجووو ولا كيف يتطور البوكيمون :مفتر: :بلابلا:
:rolleyes: :rolleyes: :rolleyes:

[روح الأخوة]

وما خفي كان :شيطان: :D :D أعظم
:D :D

[دلوعة ابوها]

حرام عليك... عاد كيف مذاكرة الشباب ..أكيد اخس وألعن .. هذا لو كانوا يذاكروا أصلا..

[عاشق الفيحاء]

حرام عليك... عاد كيف مذاكرة الشباب ..أكيد اخس وألعن .. هذا لو كانوا يذاكروا أصلا..
تابعي موضوع عمان الغالية تراها ما مقصرة :نطوط:

بس الشباب بصراحة ما شغلهم ذي الحركات :شيطان: